| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
૧૦૦. સીમોક્કન્તિકપેય્યાલકથા
100. Sīmokkantikapeyyālakathā
૧૭૭. આવાસિકેનઆગન્તુકપેય્યાલે સબ્બં વેદિતબ્બન્તિ સમ્બન્ધો. વેદિતબ્બાકારં સહ ઉપમાય દસ્સેન્તો આહ ‘‘યથા’’તિઆદિ. આગન્તુકેનઆવાસિકપેય્યાલે પન આનેતબ્બન્તિ સમ્બન્ધો. પુરિમપેય્યાલેતિ આવાસિકેનઆગન્તુકપેય્યાલે. આગન્તુકેનઆગન્તુકપેય્યાલે પન યોજેતબ્બોતિ સમ્બન્ધો. એત્થ ચ પેય્યાલન્તિ સદિસનયસ્સ ચ તંજાનનઞાણસ્સ ચ પાતબ્બં રક્ખનં પેય્યં, પેય્યં, પેય્યે વા, પેય્યાય વા અલતિ સમત્થેતીતિ પેય્યાલન્તિ વચનત્થો કાતબ્બો.
177. Āvāsikenaāgantukapeyyāle sabbaṃ veditabbanti sambandho. Veditabbākāraṃ saha upamāya dassento āha ‘‘yathā’’tiādi. Āgantukenaāvāsikapeyyāle pana ānetabbanti sambandho. Purimapeyyāleti āvāsikenaāgantukapeyyāle. Āgantukenaāgantukapeyyāle pana yojetabboti sambandho. Ettha ca peyyālanti sadisanayassa ca taṃjānanañāṇassa ca pātabbaṃ rakkhanaṃ peyyaṃ, peyyaṃ, peyye vā, peyyāya vā alati samatthetīti peyyālanti vacanattho kātabbo.
૧૭૮. આવાસિકાનં ચાતુદ્દસો હુત્વા કસ્મા આગન્તુકાનં પન્નરસોતિ આહ ‘‘યેસ’’ન્તિઆદિ . તત્થ યેસન્તિ આગન્તુકાનં. તિરોરટ્ઠતોતિ આવાસિકાનં રટ્ઠસ્સ અઞ્ઞરટ્ઠતો. તિરોજનપદતોતિ એકરટ્ઠેપિ અઞ્ઞજનપદતો. ચાતુદ્દસિકં અકંસૂતિ સઞ્ઞાનાનત્તવસેન ચાતુદ્દસિકં અકંસુ. અનુવત્તિતબ્બન્તિ અનુમતિં વત્તિતબ્બં. ન પટિક્કોસિતબ્બન્તિ ‘‘ન ચાતુદ્દસો’’તિ વત્વા ન વારિતબ્બં. ન અકામાતિ એત્થ કમુધાતુ ઇચ્છત્થો, કરણત્થે ચ નિસ્સક્કવચનન્તિ આહ ‘‘ન અનિચ્છાય દાતબ્બા’’તિ.
178. Āvāsikānaṃ cātuddaso hutvā kasmā āgantukānaṃ pannarasoti āha ‘‘yesa’’ntiādi . Tattha yesanti āgantukānaṃ. Tiroraṭṭhatoti āvāsikānaṃ raṭṭhassa aññaraṭṭhato. Tirojanapadatoti ekaraṭṭhepi aññajanapadato. Cātuddasikaṃ akaṃsūti saññānānattavasena cātuddasikaṃ akaṃsu. Anuvattitabbanti anumatiṃ vattitabbaṃ. Na paṭikkositabbanti ‘‘na cātuddaso’’ti vatvā na vāritabbaṃ. Na akāmāti ettha kamudhātu icchattho, karaṇatthe ca nissakkavacananti āha ‘‘na anicchāya dātabbā’’ti.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવગ્ગપાળિ • Mahāvaggapāḷi / ૧૦૦. સીમોક્કન્તિકપેય્યાલં • 100. Sīmokkantikapeyyālaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / સીમોક્કન્તિકપેય્યાલકથા • Sīmokkantikapeyyālakathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / સીમોક્કન્તિકપેય્યાલકથાવણ્ણના • Sīmokkantikapeyyālakathāvaṇṇanā
