| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[113] 3. син̇г̇аалаж̇аад̇агаван̣н̣анаа
[113] 3. Siṅgālajātakavaṇṇanā
сад̣̇д̣̇ахааси син̇г̇аалассаад̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇ам̣ аараб̣бха гат̇зси. д̇асмин̃хи самаяз бхигкуу д̇хаммасабхааяам̣ саннибад̇ид̇ваа ‘‘аавусо, д̣̇звад̣̇ад̇д̇зна бан̃жа бхигкусад̇аани аад̣̇ааяа г̇аяаасийсам̣ г̇анд̇ваа ‘яам̣ саман̣о г̇од̇амо гарод̇и, на со д̇хаммо. яамахам̣ гароми, аяамзва д̇хаммо’д̇и д̇з бхигкуу ад̇д̇ано лад̣̇д̇хим̣ г̇аахаабзд̇ваа таанаббад̇д̇ам̣ мусааваад̣̇ам̣ гад̇ваа сан̇гхам̣ бхинд̣̇ид̇ваа згасиймааяа д̣̇вз убосат̇аа гад̇аа’’д̇и д̣̇звад̣̇ад̇д̇асса аг̇ун̣агат̇ам̣ гат̇знд̇аа нисийд̣̇им̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, д̣̇звад̣̇ад̇д̇о ид̣̇аанзва мусааваад̣̇ий, буб̣б̣зби мусааваад̣̇ийязваа’’д̇и вад̇ваа ад̇ийд̇ам̣ аахари.
Saddahāsisiṅgālassāti idaṃ satthā veḷuvane viharanto devadattaṃ ārabbha kathesi. Tasmiñhi samaye bhikkhū dhammasabhāyaṃ sannipatitvā ‘‘āvuso, devadattena pañca bhikkhusatāni ādāya gayāsīsaṃ gantvā ‘yaṃ samaṇo gotamo karoti, na so dhammo. Yamahaṃ karomi, ayameva dhammo’ti te bhikkhū attano laddhiṃ gāhāpetvā ṭhānappattaṃ musāvādaṃ katvā saṅghaṃ bhinditvā ekasīmāya dve uposathā katā’’ti devadattassa aguṇakathaṃ kathentā nisīdiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, devadatto idāneva musāvādī, pubbepi musāvādīyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сусаанаванз ругкад̣̇звад̇аа худ̇ваа ниб̣б̣ад̇д̇и. д̇ад̣̇аа б̣аараан̣асияам̣ нагкад̇д̇ам̣ гхудтам̣ ахоси. мануссаа ‘‘яагкаб̣алигаммам̣ гаромаа’’д̇и д̇зсу д̇зсу жажжараражчаад̣̇идтаанзсу мажчамам̣саад̣̇ийни виббагирид̇ваа габаалагзсу б̣ахум̣ сурам̣ табаяим̣су. ат̇зго син̇г̇аало ад̣дхарад̇д̇асамаяз нид̣̇д̇хаманзна наг̇арам̣ бависид̇ваа мажчамам̣сам̣ каад̣̇ид̇ваа сурам̣ бивид̇ваа буннааг̇аг̇ажчанд̇арам̣ бависид̇ваа яаава арун̣уг̇г̇аманаа нид̣̇д̣̇ам̣ оггами. со баб̣уж̇жхид̇ваа аалогам̣ д̣̇исваа ‘‘ид̣̇аани нигкамид̇ум̣ на саггаа’’д̇и маг̇г̇асамийбам̣ г̇анд̇ваа ад̣̇иссамаано нибаж̇ж̇ид̇ваа ан̃н̃з мануссз д̣̇исвааби гин̃жи авад̇ваа згам̣ б̣раахман̣ам̣ мукад̇хованад̇т̇ааяа г̇ажчанд̇ам̣ д̣̇исваа жинд̇зси ‘‘б̣раахман̣аа наама д̇ханалолаа хонд̇и, имам̣ д̇ханзна балобхзд̇ваа яат̇аа мам̣ убагажчаганд̇арз гад̇ваа уд̇д̇араасан̇г̇зна бадижчаад̣̇зд̇ваа наг̇араа нийхарад̇и, д̇ат̇аа гариссаамий’’д̇и. со мануссабхаасааяа ‘‘б̣раахман̣аа’’д̇и ааха. со нивад̇д̇ид̇ваа ‘‘го мам̣ баггосад̇ий’’д̇и ааха. ‘‘ахам̣, б̣раахман̣аа’’д̇и. ‘‘гим̣гааран̣аа’’д̇и. ‘‘б̣раахман̣а, маяхам̣ д̣̇вз гахаабан̣асад̇аани ад̇т̇и. сажз мам̣ убагажчаганд̇арз гад̇ваа уд̇д̇араасан̇г̇зна бадижчаад̣̇зд̇ваа яат̇аа на гожи бассад̇и, д̇ат̇аа наг̇араа нигкаамзд̇ум̣ саггоси, д̇уяхам̣ д̇з гахаабан̣з д̣̇ассаамий’’д̇и. б̣раахман̣о д̇ханалобхзна ‘‘саад̇хуу’’д̇и самбадижчид̇ваа д̇ам̣ д̇ат̇аа гад̇ваа аад̣̇ааяа наг̇араа нигкамид̇ваа т̇огам̣ аг̇амааси. ат̇а нам̣ син̇г̇аало бужчи ‘‘гад̇арадтаанам̣, б̣раахман̣аа’’д̇и? ‘‘асугам̣ наамаа’’д̇и. ‘‘ан̃н̃ам̣ т̇огам̣ таанам̣ г̇ажчаа’’д̇и. звам̣ бунаббунам̣ вад̣̇анд̇о махаасусаанам̣ бад̇ваа ‘‘ид̇ха мам̣ од̇аарзхий’’д̇и ааха. д̇ад̇т̇а нам̣ од̇аарзси. ат̇а син̇г̇аало ‘‘д̇зна хи, б̣раахман̣а, уд̇д̇арисаадагам̣ бад̇т̇араа’’д̇и ааха. со д̇ханалобхзна ‘‘саад̇хуу’’д̇и бад̇т̇ари. ат̇а нам̣ ‘‘имам̣ ругкамуулам̣ кан̣аахий’’д̇и бат̇авикан̣анз яож̇зд̇ваа б̣раахман̣асса уд̇д̇арисаадагам̣ абхируяха жад̇уусу ган̣н̣зсу жа маж̇жхз жаад̇и бан̃жасу таанзсу сарийраниссанд̣̇ам̣ баад̇зд̇ваа магкзд̇ваа жзва д̇змзд̇ваа жа сусаанаванам̣ баависи. б̣од̇хисад̇д̇о ругкавидабз тад̇ваа имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto susānavane rukkhadevatā hutvā nibbatti. Tadā bārāṇasiyaṃ nakkhattaṃ ghuṭṭhaṃ ahosi. Manussā ‘‘yakkhabalikammaṃ karomā’’ti tesu tesu caccararacchādiṭṭhānesu macchamaṃsādīni vippakiritvā kapālakesu bahuṃ suraṃ ṭhapayiṃsu. Atheko siṅgālo aḍḍharattasamaye niddhamanena nagaraṃ pavisitvā macchamaṃsaṃ khāditvā suraṃ pivitvā punnāgagacchantaraṃ pavisitvā yāva aruṇuggamanā niddaṃ okkami. So pabujjhitvā ālokaṃ disvā ‘‘idāni nikkhamituṃ na sakkā’’ti maggasamīpaṃ gantvā adissamāno nipajjitvā aññe manusse disvāpi kiñci avatvā ekaṃ brāhmaṇaṃ mukhadhovanatthāya gacchantaṃ disvā cintesi ‘‘brāhmaṇā nāma dhanalolā honti, imaṃ dhanena palobhetvā yathā maṃ upakacchakantare katvā uttarāsaṅgena paṭicchādetvā nagarā nīharati, tathā karissāmī’’ti. So manussabhāsāya ‘‘brāhmaṇā’’ti āha. So nivattitvā ‘‘ko maṃ pakkosatī’’ti āha. ‘‘Ahaṃ, brāhmaṇā’’ti. ‘‘Kiṃkāraṇā’’ti. ‘‘Brāhmaṇa, mayhaṃ dve kahāpaṇasatāni atthi. Sace maṃ upakacchakantare katvā uttarāsaṅgena paṭicchādetvā yathā na koci passati, tathā nagarā nikkhāmetuṃ sakkosi, tuyhaṃ te kahāpaṇe dassāmī’’ti. Brāhmaṇo dhanalobhena ‘‘sādhū’’ti sampaṭicchitvā taṃ tathā katvā ādāya nagarā nikkhamitvā thokaṃ agamāsi. Atha naṃ siṅgālo pucchi ‘‘kataraṭṭhānaṃ, brāhmaṇā’’ti? ‘‘Asukaṃ nāmā’’ti. ‘‘Aññaṃ thokaṃ ṭhānaṃ gacchā’’ti. Evaṃ punappunaṃ vadanto mahāsusānaṃ patvā ‘‘idha maṃ otārehī’’ti āha. Tattha naṃ otāresi. Atha siṅgālo ‘‘tena hi, brāhmaṇa, uttarisāṭakaṃ pattharā’’ti āha. So dhanalobhena ‘‘sādhū’’ti patthari. Atha naṃ ‘‘imaṃ rukkhamūlaṃ khaṇāhī’’ti pathavikhaṇane yojetvā brāhmaṇassa uttarisāṭakaṃ abhiruyha catūsu kaṇṇesu ca majjhe cāti pañcasu ṭhānesu sarīranissandaṃ pātetvā makkhetvā ceva temetvā ca susānavanaṃ pāvisi. Bodhisatto rukkhaviṭape ṭhatvā imaṃ gāthamāha –
113.
113.
‘‘сад̣̇д̣̇ахааси син̇г̇ааласса, сураабийд̇асса б̣раахман̣а;
‘‘Saddahāsi siṅgālassa, surāpītassa brāhmaṇa;
сиббигаанам̣ сад̇ам̣ над̇т̇и, гуд̇о гам̣сасад̇аа д̣̇увз’’д̇и.
Sippikānaṃ sataṃ natthi, kuto kaṃsasatā duve’’ti.
д̇ад̇т̇а сад̣̇д̣̇ахаасийд̇и сад̣̇д̣̇ахаси, аяамзва ваа баато, бад̇д̇ияааяасийд̇и ад̇т̇о. сиббигаанам̣ сад̇ам̣ над̇т̇ийд̇и зд̇асса хи сиббигаасад̇амби над̇т̇и. гуд̇о гам̣сасад̇аа д̣̇увзд̇и д̣̇вз гахаабан̣асад̇аани банасса гуд̇о зваад̇и.
Tattha saddahāsīti saddahasi, ayameva vā pāṭho, pattiyāyasīti attho. Sippikānaṃ sataṃ natthīti etassa hi sippikāsatampi natthi. Kuto kaṃsasatā duveti dve kahāpaṇasatāni panassa kuto evāti.
б̣од̇хисад̇д̇о имам̣ г̇аат̇ам̣ вад̇ваа ‘‘г̇ажча, б̣раахман̣а, д̇ава саадагам̣ д̇ховид̇ваа нхааяид̇ваа ад̇д̇ано гаммам̣ гарохий’’д̇и вад̇ваа анд̇арад̇хааяи. б̣раахман̣о д̇ат̇аа гад̇ваа ‘‘ван̃жид̇о вад̇амхий’’д̇и д̣̇оманассаббад̇д̇о баггаами.
Bodhisatto imaṃ gāthaṃ vatvā ‘‘gaccha, brāhmaṇa, tava sāṭakaṃ dhovitvā nhāyitvā attano kammaṃ karohī’’ti vatvā antaradhāyi. Brāhmaṇo tathā katvā ‘‘vañcito vatamhī’’ti domanassappatto pakkāmi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа син̇г̇аало д̣̇звад̣̇ад̇д̇о ахоси, ругкад̣̇звад̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā siṅgālo devadatto ahosi, rukkhadevatā pana ahameva ahosi’’nti.
син̇г̇аалаж̇аад̇агаван̣н̣анаа д̇ад̇ияаа.
Siṅgālajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 113. син̇г̇аалаж̇аад̇агам̣ • 113. Siṅgālajātakaṃ
