| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[142] 2. син̇г̇аалаж̇аад̇агаван̣н̣анаа
[142] 2. Siṅgālajātakavaṇṇanā
зд̇ан̃хи д̇з д̣̇урааж̇аананд̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇асса вад̇хааяа барисагганам̣ аараб̣бха гат̇зси. д̇хаммасабхааяан̃хи бхигкуунам̣ гат̇ам̣ суд̇ваа сад̇т̇аа ‘‘на, бхигкавз, д̣̇звад̣̇ад̇д̇о ид̣̇аанзва маяхам̣ вад̇хааяа барисаггад̇и, буб̣б̣зби барисаггиязва, на жа мам̣ маарзд̇ум̣ асагки, саяамзва бана гиланд̇о’’д̇и вад̇ваа ад̇ийд̇ам̣ аахари.
Etañhite durājānanti idaṃ satthā veḷuvane viharanto devadattassa vadhāya parisakkanaṃ ārabbha kathesi. Dhammasabhāyañhi bhikkhūnaṃ kathaṃ sutvā satthā ‘‘na, bhikkhave, devadatto idāneva mayhaṃ vadhāya parisakkati, pubbepi parisakkiyeva, na ca maṃ māretuṃ asakkhi, sayameva pana kilanto’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о син̇г̇аалаяонияам̣ ниб̣б̣ад̇д̇ид̇ваа син̇г̇ааларааж̇аа худ̇ваа син̇г̇аалаг̇ан̣абаривуд̇о сусаанаванз вихааси. д̇зна самаязна рааж̇аг̇ахз уссаво ахоси, язбхуяязна мануссаа сурам̣ биванд̇и, сураачан̣оязва гирзсо. ат̇зд̇т̇а самб̣ахулаа д̇худ̇д̇аа б̣ахум̣ суран̃жа мам̣сан̃жа аахараабзд̇ваа ман̣д̣ид̇абасаад̇хид̇аа г̇ааяид̇ваа г̇ааяид̇ваа суран̃жа биванд̇и, мам̣сан̃жа каад̣̇анд̇и. д̇зсам̣ батамаяаамаавасаанз мам̣сам̣ кийяи, сураа бана б̣ахугаава. ат̇зго д̇худ̇д̇о ‘‘мам̣сакан̣д̣ам̣ д̣̇зхий’’д̇и ааха. ‘‘мам̣сам̣ кийн̣а’’нд̇и жа вуд̇д̇з ‘‘маяи тид̇з мам̣сагкаяо наама над̇т̇ий’’д̇и вад̇ваа ‘‘аамагасусаанз мад̇амануссамам̣сам̣ каад̣̇анад̇т̇ааяа ааг̇ад̇з син̇г̇аалз маарзд̇ваа мам̣сам̣ аахариссаамий’’д̇и муг̇г̇арам̣ г̇ахзд̇ваа нид̣̇д̇хаманамаг̇г̇зна наг̇араа нигкамид̇ваа сусаанам̣ г̇анд̇ваа муг̇г̇арам̣ г̇ахзд̇ваа мад̇аго вияа уд̇д̇аано нибаж̇ж̇и. д̇асмим̣ кан̣з б̣од̇хисад̇д̇о син̇г̇аалаг̇ан̣абаривуд̇о д̇ад̇т̇а г̇ад̇о д̇ам̣ д̣̇исваа ‘‘нааяам̣ мад̇аго’’д̇и н̃ад̇вааби ‘‘судтуд̇арам̣ убабаригкиссаамий’’д̇и д̇асса ад̇ховаад̇зна г̇анд̇ваа сарийраг̇анд̇хам̣ гхааяид̇ваа д̇ат̇ад̇овасса амад̇агабхаавам̣ н̃ад̇ваа ‘‘лаж̇ж̇аабзд̇ваа нам̣ уяяож̇зссаамий’’д̇и г̇анд̇ваа муг̇г̇арагодияам̣ д̣ам̣сид̇ваа аагад̣дхи, д̇худ̇д̇о муг̇г̇арам̣ на виссаж̇и, убасан̇гаманд̇амби на ологзнд̇о нам̣ г̇аал̣хад̇арам̣ аг̇г̇ахзси. б̣од̇хисад̇д̇о бадиггамид̇ваа ‘‘бхо буриса, сажз д̇вам̣ мад̇аго бхавзяяааси, на маяи муг̇г̇арам̣ аагад̣дханд̇з г̇аал̣хад̇арам̣ г̇ан̣хзяяааси, иминаа гааран̣зна д̇ава мад̇агабхааво ваа амад̇агабхааво ваа д̣̇уж̇ж̇аано’’д̇и вад̇ваа имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto siṅgālayoniyaṃ nibbattitvā siṅgālarājā hutvā siṅgālagaṇaparivuto susānavane vihāsi. Tena samayena rājagahe ussavo ahosi, yebhuyyena manussā suraṃ pivanti, surāchaṇoyeva kireso. Athettha sambahulā dhuttā bahuṃ surañca maṃsañca āharāpetvā maṇḍitapasādhitā gāyitvā gāyitvā surañca pivanti, maṃsañca khādanti. Tesaṃ paṭhamayāmāvasāne maṃsaṃ khīyi, surā pana bahukāva. Atheko dhutto ‘‘maṃsakhaṇḍaṃ dehī’’ti āha. ‘‘Maṃsaṃ khīṇa’’nti ca vutte ‘‘mayi ṭhite maṃsakkhayo nāma natthī’’ti vatvā ‘‘āmakasusāne matamanussamaṃsaṃ khādanatthāya āgate siṅgāle māretvā maṃsaṃ āharissāmī’’ti muggaraṃ gahetvā niddhamanamaggena nagarā nikkhamitvā susānaṃ gantvā muggaraṃ gahetvā matako viya uttāno nipajji. Tasmiṃ khaṇe bodhisatto siṅgālagaṇaparivuto tattha gato taṃ disvā ‘‘nāyaṃ matako’’ti ñatvāpi ‘‘suṭṭhutaraṃ upaparikkhissāmī’’ti tassa adhovātena gantvā sarīragandhaṃ ghāyitvā tathatovassa amatakabhāvaṃ ñatvā ‘‘lajjāpetvā naṃ uyyojessāmī’’ti gantvā muggarakoṭiyaṃ ḍaṃsitvā ākaḍḍhi, dhutto muggaraṃ na vissaji, upasaṅkamantampi na olokento naṃ gāḷhataraṃ aggahesi. Bodhisatto paṭikkamitvā ‘‘bho purisa, sace tvaṃ matako bhaveyyāsi, na mayi muggaraṃ ākaḍḍhante gāḷhataraṃ gaṇheyyāsi, iminā kāraṇena tava matakabhāvo vā amatakabhāvo vā dujjāno’’ti vatvā imaṃ gāthamāha –
142.
142.
‘‘зд̇ан̃хи д̇з д̣̇урааж̇аанам̣, яам̣ сзси мад̇асааяигам̣;
‘‘Etañhi te durājānaṃ, yaṃ sesi matasāyikaṃ;
яасса д̇з гад̣дхамаанасса, хад̇т̇аа д̣̇ан̣д̣о на мужжад̇ий’’д̇и.
Yassa te kaḍḍhamānassa, hatthā daṇḍo na muccatī’’ti.
д̇ад̇т̇а зд̇ан̃хи д̇з д̣̇урааж̇аананд̇и зд̇ам̣ гааран̣ам̣ д̇ава д̣̇увин̃н̃зяяам̣. яам̣ сзси мад̇асааяиганд̇и язна гааран̣зна д̇вам̣ мад̇асааяигам̣ сзси, мад̇аго вияа худ̇ваа саяаси. яасса д̇з гад̣дхамаанассаад̇и яасса д̇ава д̣̇ан̣д̣агодияам̣ г̇ахзд̇ваа гад̣дхияамаанасса хад̇т̇ад̇о д̣̇ан̣д̣о на мужжад̇и, со д̇вам̣ д̇ат̇ад̇о мад̇аго наама на хосийд̇и.
Tattha etañhi te durājānanti etaṃ kāraṇaṃ tava duviññeyyaṃ. Yaṃ sesi matasāyikanti yena kāraṇena tvaṃ matasāyikaṃ sesi, matako viya hutvā sayasi. Yassa te kaḍḍhamānassāti yassa tava daṇḍakoṭiyaṃ gahetvā kaḍḍhiyamānassa hatthato daṇḍo na muccati, so tvaṃ tathato matako nāma na hosīti.
звам̣ вуд̇д̇з со д̇худ̇д̇о ‘‘аяам̣ мама амад̇агабхаавам̣ ж̇аанаад̇ий’’д̇и удтааяа д̣̇ан̣д̣ам̣ киби, д̣̇ан̣д̣о вираж̇жхи. д̇худ̇д̇о ‘‘г̇ажча, вирад̣̇д̇хо д̣̇ааниси маяаа’’д̇и ааха. б̣од̇хисад̇д̇о нивад̇д̇ид̇ваа ‘‘бхо буриса, мам̣ вираж̇жханд̇оби д̇вам̣ адта махаанираяз сол̣аса жа уссад̣̇анираяз авирад̣̇д̇хоязваа’’д̇и вад̇ваа баггаами. д̇худ̇д̇о гин̃жи алабхид̇ваа сусаанаа нигкамид̇ваа барикааяам̣ нхааяид̇ваа ааг̇ад̇амаг̇г̇знзва наг̇арам̣ баависи.
Evaṃ vutte so dhutto ‘‘ayaṃ mama amatakabhāvaṃ jānātī’’ti uṭṭhāya daṇḍaṃ khipi, daṇḍo virajjhi. Dhutto ‘‘gaccha, viraddho dānisi mayā’’ti āha. Bodhisatto nivattitvā ‘‘bho purisa, maṃ virajjhantopi tvaṃ aṭṭha mahāniraye soḷasa ca ussadaniraye aviraddhoyevā’’ti vatvā pakkāmi. Dhutto kiñci alabhitvā susānā nikkhamitvā parikhāyaṃ nhāyitvā āgatamaggeneva nagaraṃ pāvisi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̇худ̇д̇о д̣̇звад̣̇ад̇д̇о ахоси, син̇г̇ааларааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā dhutto devadatto ahosi, siṅgālarājā pana ahameva ahosi’’nti.
син̇г̇аалаж̇аад̇агаван̣н̣анаа д̣̇уд̇ияаа.
Siṅgālajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 142. син̇г̇аалаж̇аад̇агам̣ • 142. Siṅgālajātakaṃ
