Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā)

    8. син̇г̇ааласуд̇д̇аван̣н̣анаа

    8. Siṅgālasuttavaṇṇanā

    нид̣̇аанаван̣н̣анаа

    Nidānavaṇṇanā

    242. баагаарзна баригкид̇д̇анд̇и бад̣̇ам̣ аанзд̇ваа самб̣анд̇хо. г̇обураддаалагаяуд̇д̇анд̇и д̣̇ваарабаасаад̣̇зна жзва д̇ад̇т̇а д̇ад̇т̇а баагаарамад̇т̇агз бад̇идтаабид̇ааддаалагзхи жа яуд̇д̇ам̣. взл̣уухи баригкид̇д̇ад̇д̇аа, аб̣бханд̇арз бубпуубаг̇апалуубаг̇аругкасан̃чаннад̇д̇аа жа нийлобхаасам̣. чааяууд̣̇агасамбад̇д̇ияаа, бхуумибхааг̇асамбад̇д̇ияаа жа манорамам̣.

    242. Pākārena parikkhittanti padaṃ ānetvā sambandho. Gopuraṭṭālakayuttanti dvārapāsādena ceva tattha tattha pākāramatthake patiṭṭhāpitaaṭṭālakehi ca yuttaṃ. Veḷūhi parikkhittattā, abbhantare pupphūpagaphalūpagarukkhasañchannattā ca nīlobhāsaṃ. Chāyūdakasampattiyā, bhūmibhāgasampattiyā ca manoramaṃ.

    гаал̣агавзсзнаад̇и галанд̣̇агаруубзна. ниваабанд̇и бхож̇анам̣. д̇анд̇и уяяаанам̣.

    Kāḷakavesenāti kalandakarūpena. Nivāpanti bhojanaṃ. Tanti uyyānaṃ.

    ‘‘ко банаа’’д̇и важанаалан̇гаарамад̇д̇амзд̇анд̇и д̇зна самаязнаад̇и ад̇т̇аважанам̣ яуд̇д̇ам̣. г̇ахабад̇и махаасаалод̇и г̇ахабад̇ибхууд̇о махаасааро, ра-гаарасса ла-гаарам̣ гад̇ваа аяам̣ нид̣̇д̣̇зсо. вибхавасамбад̇д̇ияаа махаасаараббад̇д̇о гудумб̣иго. ‘‘буд̇д̇о банасса ассад̣̇д̇хо’’д̇иаад̣̇и адтуббад̇д̇иго яам̣ суд̇д̇анигкзбод̇и д̇ам̣ адтуббад̇д̇им̣ д̣̇ассзд̇ум̣ аарад̣̇д̇хам̣. гаммапаласад̣̇д̇хааяа абхаавзна ассад̣̇д̇хо. рад̇анад̇д̇аяз басаад̣̇аабхаавзна аббасанно. звамаахаад̇и звам̣ ид̣̇аани вужжамаанаагаарзна вад̣̇ад̇и.

    ‘‘Kho panā’’ti vacanālaṅkāramattametanti tena samayenāti atthavacanaṃ yuttaṃ. Gahapati mahāsāloti gahapatibhūto mahāsāro, ra-kārassa la-kāraṃ katvā ayaṃ niddeso. Vibhavasampattiyā mahāsārappatto kuṭumbiko. ‘‘Putto panassa assaddho’’tiādi aṭṭhuppattiko yaṃ suttanikkhepoti taṃ aṭṭhuppattiṃ dassetuṃ āraddhaṃ. Kammaphalasaddhāya abhāvena assaddho. Ratanattaye pasādābhāvena appasanno. Evamāhāti evaṃ idāni vuccamānākārena vadati.

    яааваж̇ийвам̣ ануссаран̣ийяаа ход̇и хид̇зсид̇ааяа вуд̇д̇аа бажчимаа ваажаад̇и ад̇хиббааязна. бут̇уд̣̇исаад̇и висум̣ висум̣ д̣̇исаа, д̇аа бана анзгаад̇и ааха ‘‘б̣ахуд̣̇исаа’’д̇и.

    Yāvajīvaṃ anussaraṇīyā hoti hitesitāya vuttā pacchimā vācāti adhippāyena. Puthudisāti visuṃ visuṃ disā, tā pana anekāti āha ‘‘bahudisā’’ti.

    243. ‘‘на д̇аава бавидто’’д̇иаад̣̇ийсу вад̇д̇аб̣б̣ам̣ хздтаа вуд̇д̇амзва. на ид̣̇аанзваад̇и на имааяа зва взлааяа. гим̣ жарахийд̇и ааха ‘‘бажжуусасамаязбий’’д̇иаад̣̇и. г̇ихивинаяанд̇и г̇ихийнам̣ г̇ахадтаанам̣ винаяад̇анд̇ибхууд̇ам̣ ‘‘г̇ихинаа звам̣ вад̇д̇ид̇аб̣б̣а’’нд̇и г̇ахадтаажаарасса г̇ахадтавад̇д̇асса анавасзсад̇о имасмим̣ суд̇д̇з сависзсам̣ гад̇ваа вуд̇д̇ад̇д̇аа. д̇ат̇зваад̇и яат̇аа б̣уд̣̇д̇хажагкунаа д̣̇идтам̣, д̇ат̇зва басси. намассад̇и вад̇д̇авасзна гад̇д̇аб̣б̣анд̇и г̇ахзд̇ваа тид̇ад̇д̇аа.

    243.‘‘Na tāva paviṭṭho’’tiādīsu vattabbaṃ heṭṭhā vuttameva. Na idānevāti na imāya eva velāya. Kiṃ carahīti āha ‘‘paccūsasamayepī’’tiādi. Gihivinayanti gihīnaṃ gahaṭṭhānaṃ vinayatantibhūtaṃ ‘‘gihinā evaṃ vattitabba’’nti gahaṭṭhācārassa gahaṭṭhavattassa anavasesato imasmiṃ sutte savisesaṃ katvā vuttattā. Tathevāti yathā buddhacakkhunā diṭṭhaṃ, tatheva passi. Namassati vattavasena kattabbanti gahetvā ṭhitattā.

    чад̣̇исаад̣̇иван̣н̣анаа

    Chadisādivaṇṇanā

    244. важанам̣ суд̇ваава жинд̇зси б̣уд̣̇д̇хаанубхаавзна ад̇д̇асаммаабан̣ид̇хаананимид̇д̇зна бун̃н̃аб̣алзна жа жод̣̇ияамаано. на гира д̇аа зд̇аад̇и д̇аа ча д̣̇исаа зд̇аа ид̣̇аани маяаа намассияамаанаа бурад̇т̇имаад̣̇игаа на хонд̇и гираад̇и. нибаад̇амад̇д̇анд̇и анад̇т̇агабхаавам̣ д̇асса вад̣̇ад̇и. бужчаабад̣̇анд̇и бужчааважанам̣.

    244.Vacanaṃ sutvāva cintesi buddhānubhāvena attasammāpaṇidhānanimittena puññabalena ca codiyamāno. Na kira tā etāti tā cha disā etā idāni mayā namassiyamānā puratthimādikā na honti kirāti. Nipātamattanti anatthakabhāvaṃ tassa vadati. Pucchāpadanti pucchāvacanaṃ.

    бхаг̇аваа г̇ахабад̇ибуд̇д̇зна намассид̇аб̣б̣аа ча д̣̇исаа бужчид̇о д̣̇зсанаагусалад̇ааяа аад̣̇ид̇о зва д̇аа агат̇зд̇ваа д̇асса д̇аава бадибад̇д̇ияаа нам̣ бхааж̇анабхууд̇ам̣ гаад̇ум̣ важ̇ж̇анийяаваж̇ж̇анад̇т̇ан̃жзва сзвид̇аб̣б̣асзванад̇т̇ан̃жа оваад̣̇ам̣ д̣̇знд̇о ‘‘яад̇о ко г̇ахабад̇ибуд̇д̇аа’’д̇иаад̣̇инаа д̣̇зсанам̣ аарабхи. д̇ад̇т̇а гаммагилзсаад̇и гаммабхууд̇аа сам̣гилзсаа. гилиссанд̇ийд̇и гилидтаа малийнаа вияа тид̇аа, убад̇аабид̇аа жа хонд̇ийд̇и ад̇т̇о. д̇асмаад̇и гилиссананимид̇д̇ад̇д̇аа. яад̣̇иби сураабаанам̣ бан̃жавзрабхаавзна убаасагзхи бариваж̇ж̇анийяам̣, д̇асса бана абааяамукабхаавзна барад̇о вад̇д̇угаамад̇ааяа баан̣аад̇ибаад̇аад̣̇игз зва санд̇хааяа ‘‘жад̇д̇ааро’’д̇и вуд̇д̇ам̣, на ‘‘бан̃жаа’’д̇и. ‘‘висум̣ агаммабат̇абхаавад̇о жаа’’д̇и абарз. ‘‘сураабаанамби ‘сураамзраяабаанам̣, бхигкавз, аасзвид̇ам̣ бхаавид̇ам̣ б̣ахулийгад̇ам̣ нираяасам̣вад̇д̇анига’нд̇иаад̣̇и (а. ни. 8.40) важанад̇о висум̣ гаммабат̇абхаавзна ааг̇ад̇ам̣. д̇ат̇аа хи д̇ам̣ д̣̇ужжарид̇агаммам̣ худ̇ваа д̣̇уг̇г̇ад̇иг̇аамибидтивад̇д̇агабхаавзна нияад̇а’’нд̇и гзжи, д̇зсам̣ мад̇зна згаад̣̇аса гаммабат̇аа сияум̣ . д̇асмаа яат̇аавуд̇д̇зсвзва гаммабат̇зсу убагаарагад̇д̇асабхааг̇ад̇д̇авасзна ануббавзсо д̣̇адтаб̣б̣од̇и ‘‘висум̣ агаммабат̇абхаавад̇о жаа’’д̇и сувуд̇д̇амзд̇ам̣. сураабаанасса бхог̇аабааяамукабхаавзна вад̇д̇угаамад̇ааяа ‘‘жад̇д̇ааро’’ д̇взва авожа. д̇идтад̇и зд̇т̇а палам̣ д̇ад̣̇ааяад̇д̇авуд̇д̇ид̇ааяаад̇и таанам̣, хзд̇ууд̇и ааха ‘‘таанзхийд̇и гааран̣зхий’’д̇и. абзнд̇и абаг̇ажчанд̇и, абзд̇и ваа зд̇зхийд̇и абааяаа, абааяаанам̣, абааяаа зва ваа мукаани д̣̇ваараанийд̇и абааяамукаани. винаасамукаанийд̇и зд̇т̇ааби зсзва наяо.

    Bhagavā gahapatiputtena namassitabbā cha disā pucchito desanākusalatāya ādito eva tā akathetvā tassa tāva paṭipattiyā naṃ bhājanabhūtaṃ kātuṃ vajjanīyavajjanatthañceva sevitabbasevanatthañca ovādaṃ dento ‘‘yato kho gahapatiputtā’’tiādinā desanaṃ ārabhi. Tattha kammakilesāti kammabhūtā saṃkilesā. Kilissantīti kiliṭṭhā malīnā viya ṭhitā, upatāpitā ca hontīti attho. Tasmāti kilissananimittattā. Yadipi surāpānaṃ pañcaverabhāvena upāsakehi parivajjanīyaṃ, tassa pana apāyamukhabhāvena parato vattukāmatāya pāṇātipātādike eva sandhāya ‘‘cattāro’’ti vuttaṃ, na ‘‘pañcā’’ti. ‘‘Visuṃ akammapathabhāvato cā’’ti apare. ‘‘Surāpānampi ‘surāmerayapānaṃ, bhikkhave, āsevitaṃ bhāvitaṃ bahulīkataṃ nirayasaṃvattanika’ntiādi (a. ni. 8.40) vacanato visuṃ kammapathabhāvena āgataṃ. Tathā hi taṃ duccaritakammaṃ hutvā duggatigāmipiṭṭhivattakabhāvena niyata’’nti keci, tesaṃ matena ekādasa kammapathā siyuṃ . Tasmā yathāvuttesveva kammapathesu upakārakattasabhāgattavasena anuppaveso daṭṭhabboti ‘‘visuṃ akammapathabhāvato cā’’ti suvuttametaṃ. Surāpānassa bhogāpāyamukhabhāvena vattukāmatāya ‘‘cattāro’’ tveva avoca. Tiṭṭhati ettha phalaṃ tadāyattavuttitāyāti ṭhānaṃ, hetūti āha ‘‘ṭhānehīti kāraṇehī’’ti. Apenti apagacchanti, apeti vā etehīti apāyā, apāyānaṃ, apāyā eva vā mukhāni dvārānīti apāyamukhāni. Vināsamukhānīti etthāpi eseva nayo.

    гин̃жааби ‘‘арияасаавагассаа’’д̇и буб̣б̣з саад̇хааран̣ад̇о вуд̇д̇ам̣, висзсад̇о бана батамааяа бхуумияам̣ тид̇ассзва вагкамаананаяо яуж̇ж̇ад̇ийд̇и ‘‘сод̇и со сод̇аабанно’’д̇и вуд̇д̇ам̣. баабага-сад̣̇д̣̇о нихийнабарияааяод̇и ‘‘лаамагзхий’’д̇и вуд̇д̇ам̣. абааяад̣̇угкам̣, ваддад̣̇угкан̃жа баабзнд̇ийд̇и ваа баабагаа, д̇зхи баабагзхи. ча д̣̇исаа бадижчаад̣̇знд̇од̇и д̇зна д̇зна бхааг̇зна д̣̇иссанд̇ийд̇и ‘‘д̣̇исаа’’д̇и сан̃н̃ид̇з ча бхааг̇з сад̇д̇з яат̇аа д̇зхи сад̣̇д̇хим̣ ад̇д̇ано чид̣̇д̣̇ам̣ на ход̇и, звам̣ бадижчаад̣̇знд̇о бадисанд̇хаарзнд̇о. виж̇инанад̇т̇ааяаад̇и абхибхаванад̇т̇ааяа. яо хи д̣̇идтад̇хаммигам̣, самбарааяиган̃жа анад̇т̇ам̣ бариваж̇ж̇анавасзна абхибхавад̇и, д̇ад̇о зва д̇ад̣̇убхаяад̇т̇ам̣ самбаад̣̇зд̇и, со убхаяалогавиж̇аяааяа бадибанно наама ход̇и бажжад̇т̇иганиг̇г̇ан̣ханад̇о, сагад̇т̇асамбаад̣̇анад̇о жа. д̇знааха ‘‘аяан̃жзва лого’’д̇иаад̣̇и. баан̣аад̇ибаад̇аад̣̇ийни бан̃жа взраани взраббасаванад̇о. аарад̣̇д̇хо ход̇ийд̇и сам̣саад̇хид̇о ход̇и, д̇аяид̣̇ам̣ сам̣саад̇ханам̣ гид̇д̇исад̣̇д̣̇зна ид̇ха сад̇д̇аанам̣ жид̇д̇ад̇осанзна , взраабхааваабаад̣̇анзна жа ход̇ийд̇и ааха ‘‘барид̇осид̇о жзва нибпаад̣̇ид̇о жаа’’д̇и. буна бан̃жа взраанийд̇и бан̃жа взрапалаани уд̇д̇арабад̣̇алобзна.

    Kiñcāpi ‘‘ariyasāvakassā’’ti pubbe sādhāraṇato vuttaṃ, visesato pana paṭhamāya bhūmiyaṃ ṭhitasseva vakkhamānanayo yujjatīti ‘‘soti so sotāpanno’’ti vuttaṃ. Pāpaka-saddo nihīnapariyāyoti ‘‘lāmakehī’’ti vuttaṃ. Apāyadukkhaṃ, vaṭṭadukkhañca pāpentīti vā pāpakā, tehi pāpakehi. Cha disā paṭicchādentoti tena tena bhāgena dissantīti ‘‘disā’’ti saññite cha bhāge satte yathā tehi saddhiṃ attano chiddaṃ na hoti, evaṃ paṭicchādento paṭisandhārento. Vijinanatthāyāti abhibhavanatthāya. Yo hi diṭṭhadhammikaṃ, samparāyikañca anatthaṃ parivajjanavasena abhibhavati, tato eva tadubhayatthaṃ sampādeti, so ubhayalokavijayāya paṭipanno nāma hoti paccatthikaniggaṇhanato, sakatthasampādanato ca. Tenāha ‘‘ayañceva loko’’tiādi. Pāṇātipātādīni pañca verāni verappasavanato. Āraddho hotīti saṃsādhito hoti, tayidaṃ saṃsādhanaṃ kittisaddena idha sattānaṃ cittatosanena , verābhāvāpādanena ca hotīti āha ‘‘paritosito ceva nipphādito cā’’ti. Puna pañca verānīti pañca veraphalāni uttarapadalopena.

    гад̇амассаад̇и гад̇амз асса. гилзсасамбаяуд̇д̇ад̇д̇аа гилзсод̇и д̇ам̣яог̇ад̇о д̇ам̣сад̣̇исам̣ вад̣̇ад̇и яат̇аа ‘‘бийд̇исукам̣ батамам̣ жхаанам̣, (д̣̇ий. ни. 1.226; ма. ни. 1.271, 287, 297; сам̣. ни. 2.152; а. ни. 4.123; 5.28; баараа. 11; д̇ха. са. 499; вибха. 508) нийлам̣ вад̇т̇а’’нд̇и жа. самбаяуд̇д̇ад̇аа жзд̇т̇а д̇ад̣̇згадтад̇ааяа взд̣̇ид̇аб̣б̣аа, на згуббаад̣̇аад̣̇ид̇ааяа. зван̃жа гад̇ваа баан̣аад̇ибаад̇агаммасса д̣̇идтимааналобхаад̣̇ийхиби гилидтад̇аа сид̣̇д̇хаа ход̇и, мижчаажаарасса д̣̇осаад̣̇ийхи гилидтад̇аа. д̇знааха ‘‘сам̣гилзсоязваа’’д̇иаад̣̇и. буб̣б̣з вуд̇д̇аад̇т̇авасзна бана саммукзнаби нзсам̣ гилзсабарияааяо лаб̣бхад̇зва. зд̇ад̣̇ад̇т̇абарид̣̇ийбагамзваад̇и яо ‘‘баан̣аад̇ибаад̇о ко’’д̇иаад̣̇инаа вуд̇д̇о, зд̇асса ад̇т̇асса барид̣̇ийбагамзва. яад̣̇и звам̣ гасмаа буна вуд̇д̇анд̇и ааха ‘‘г̇аат̇ааб̣анд̇ха’’нд̇и, д̇асса ад̇т̇асса сукаг̇г̇ахан̣ад̇т̇ам̣ бхаг̇аваа г̇аат̇ааб̣анд̇хам̣ авожаад̇и ад̇хиббааяо.

    Katamassāti katame assa. Kilesasampayuttattā kilesoti taṃyogato taṃsadisaṃ vadati yathā ‘‘pītisukhaṃ paṭhamaṃ jhānaṃ, (dī. ni. 1.226; ma. ni. 1.271, 287, 297; saṃ. ni. 2.152; a. ni. 4.123; 5.28; pārā. 11; dha. sa. 499; vibha. 508) nīlaṃ vattha’’nti ca. Sampayuttatā cettha tadekaṭṭhatāya veditabbā, na ekuppādāditāya. Evañca katvā pāṇātipātakammassa diṭṭhimānalobhādīhipi kiliṭṭhatā siddhā hoti, micchācārassa dosādīhi kiliṭṭhatā. Tenāha ‘‘saṃkilesoyevā’’tiādi. Pubbe vuttaatthavasena pana sammukhenapi nesaṃ kilesapariyāyo labbhateva. Etadatthaparidīpakamevāti yo ‘‘pāṇātipāto kho’’tiādinā vutto, etassa atthassa paridīpakameva. Yadi evaṃ kasmā puna vuttanti āha ‘‘gāthābandha’’nti, tassa atthassa sukhaggahaṇatthaṃ bhagavā gāthābandhaṃ avocāti adhippāyo.

    жад̇утаанаад̣̇иван̣н̣анаа

    Catuṭhānādivaṇṇanā

    246. ‘‘баабагаммам̣ гарод̇ий’’д̇и гасмаа аяам̣ уд̣̇д̣̇зсанид̣̇д̣̇зсо бавад̇д̇од̇и анд̇олийнажод̣̇анам̣ санд̇хааяа ‘‘ид̣̇ам̣ бхаг̇аваа’’д̇иаад̣̇и вуд̇д̇ам̣. суггабагкавасзна хи уд̣̇д̣̇зсо гад̇о, ган̣хабагкавасзна жа нид̣̇д̣̇зсо аарад̣̇д̇хо. гаарагзд̇и баабагаммасса гаарагз. агаараго баагадо ход̇и яат̇аа бадибаж̇ж̇анд̇о баабам̣ гарод̇и наама, д̇ат̇аа аббадибаж̇ж̇анад̇о. сам̣гилзсад̇хаммавиваж̇ж̇анабуб̣б̣агам̣ вод̣̇аанад̇хаммабадибад̇д̇иаажигканам̣ ид̇ха д̣̇зсанаагосаллам̣. батамад̇арам̣ гаарагам̣ д̣̇ассзнд̇о ааха яат̇аа ‘‘ваамам̣ мун̃жа д̣̇агкин̣ам̣ г̇ан̣хаа’’д̇и (д̇ха. са. адта. 498) д̇ат̇аа хи бхаг̇аваа адтад̇им̣са ман̇г̇алаани д̣̇ассзнд̇о ‘‘асзванаа жа б̣аалаана’’нд̇и (ку. баа. 5.3; су. ни. 262) вад̇ваа ‘‘бан̣д̣ид̇аанан̃жа сзванаа’’д̇и (ку. баа. 5.3; су. ни. 262) авожа. чанд̣̇ааг̇ад̇инд̇и зд̇т̇а санд̇хивасзна саралобод̇и д̣̇ассзнд̇о ааха ‘‘чанд̣̇зна бзмзна аг̇ад̇и’’нд̇и. чанд̣̇аад̇и хзд̇умхи ниссаггаважананд̇и ааха ‘‘чанд̣̇знаа’’д̇и. чанд̣̇а-сад̣̇д̣̇о жзд̇т̇а д̇ан̣хаабарияааяо, на гусалажчанд̣̇аад̣̇ибарияааяод̇и ааха ‘‘бзмзнаа’’д̇и. барабад̣̇зсууд̇и ‘‘д̣̇осааг̇ад̇им̣ г̇ажчанд̇о’’д̇иаад̣̇ийсу ваагязсу. ‘‘зсзва наяо’’д̇и иминаа ‘‘д̣̇осзна гобзнаа’’д̇и звамаад̣̇и ад̇т̇аважанам̣ ад̇ид̣̇исад̇и. мид̇д̇од̇и д̣̇ал̣хамид̇д̇о, самбхад̇д̇од̇и ад̇т̇о. санд̣̇идтод̇и д̣̇идтамад̇д̇асахааяо. багад̇ивзравасзнаад̇и багад̇ияаа уббаннавзравасзна, жирагаалаануб̣анд̇хавирод̇хавасзнаад̇и ад̇т̇о. д̇знзвааха ‘‘д̇ан̇кан̣уббаннагод̇хавасзна ваа’’д̇и. яам̣ ваа д̇ам̣ ваа аяуд̇д̇ам̣ агааран̣ам̣ вад̇ваа. висамз жораад̣̇игз, висамаани ваа гааяад̣̇ужжарид̇аад̣̇ийни самаад̣̇ааяа вад̇д̇анзна ниссид̇о висаманиссид̇о.

    246. ‘‘Pāpakammaṃ karotī’’ti kasmā ayaṃ uddesaniddeso pavattoti antolīnacodanaṃ sandhāya ‘‘idaṃ bhagavā’’tiādi vuttaṃ. Sukkapakkhavasena hi uddeso kato, kaṇhapakkhavasena ca niddeso āraddho. Kāraketi pāpakammassa kārake. Akārako pākaṭo hoti yathā paṭipajjanto pāpaṃ karoti nāma, tathā appaṭipajjanato. Saṃkilesadhammavivajjanapubbakaṃ vodānadhammapaṭipattiācikkhanaṃ idha desanākosallaṃ. Paṭhamataraṃ kārakaṃ dassento āha yathā ‘‘vāmaṃ muñca dakkhiṇaṃ gaṇhā’’ti (dha. sa. aṭṭha. 498) tathā hi bhagavā aṭṭhatiṃsa maṅgalāni dassento ‘‘asevanā ca bālāna’’nti (khu. pā. 5.3; su. ni. 262) vatvā ‘‘paṇḍitānañca sevanā’’ti (khu. pā. 5.3; su. ni. 262) avoca. Chandāgatinti ettha sandhivasena saralopoti dassento āha ‘‘chandena pemena agati’’nti. Chandāti hetumhi nissakkavacananti āha ‘‘chandenā’’ti. Chanda-saddo cettha taṇhāpariyāyo, na kusalacchandādipariyāyoti āha ‘‘pemenā’’ti. Parapadesūti ‘‘dosāgatiṃ gacchanto’’tiādīsu vākyesu. ‘‘Eseva nayo’’ti iminā ‘‘dosena kopenā’’ti evamādi atthavacanaṃ atidisati. Mittoti daḷhamitto, sambhattoti attho. Sandiṭṭhoti diṭṭhamattasahāyo. Pakativeravasenāti pakatiyā uppannaveravasena, cirakālānubandhavirodhavasenāti attho. Tenevāha ‘‘taṅkhaṇuppannakodhavasena vā’’ti. Yaṃ vā taṃ vā ayuttaṃ akāraṇaṃ vatvā. Visame corādike, visamāni vā kāyaduccaritādīni samādāya vattanena nissito visamanissito.

    чанд̣̇ааг̇ад̇иаад̣̇ийни на г̇ажчад̇и маг̇г̇знзва жад̇уннамби аг̇ад̇иг̇аманаанам̣ бахийнад̇д̇аа, аг̇ад̇иг̇аманаанийд̇и жа д̇ат̇аабавад̇д̇аа абааяаг̇аманийяаа агусалажид̇д̇уббаад̣̇аа взд̣̇ид̇аб̣б̣аа аг̇ад̇и г̇ажчад̇и зд̇зхийд̇и.

    Chandāgatiādīni na gacchati maggeneva catunnampi agatigamanānaṃ pahīnattā, agatigamanānīti ca tathāpavattā apāyagamanīyā akusalacittuppādā veditabbā agati gacchati etehīti.

    яассад̇и д̇зна гид̇д̇ийяад̇ийд̇и яасо, т̇уд̇игхосо. яассад̇и д̇зна бурзжараанужарабхаавзна бариваарийяад̇ийд̇и яасо, бариваарод̇и ааха ‘‘гид̇д̇ияасоби бариваараяасобий’’д̇и. барихааяад̇ийд̇и буб̣б̣з яо жа яаавад̇агз лаб̣бхад̇и, д̇ад̇о барид̇о хааяад̇и баригкаяам̣ г̇ажчад̇и.

    Yassati tena kittīyatīti yaso, thutighoso. Yassati tena purecarānucarabhāvena parivārīyatīti yaso, parivāroti āha ‘‘kittiyasopi parivārayasopī’’ti. Parihāyatīti pubbe yo ca yāvatake labbhati, tato parito hāyati parikkhayaṃ gacchati.

    чаабааяамукаад̣̇иван̣н̣анаа

    Chaapāyamukhādivaṇṇanā

    247. буувз бхааж̇анз багкибид̇ваа д̇аж̇ж̇ам̣ уд̣̇агам̣ д̣̇ад̇ваа мад̣̇д̣̇ид̇ваа гад̇аа буувасураа. звам̣ сзсасурааби. гин̣н̣аад̇и бана д̇ассаа сурааяа б̣ийж̇ам̣ вужжад̇и, яз ‘‘сураамод̣̇агаа’’ д̇иби вужжанд̇и, д̇з багкибид̇ваа гад̇аа гин̣н̣абагкид̇д̇аа. харийд̇агийсаасабаад̣̇инаанаасамбхаарзхи сам̣яож̇ид̇аа самбхаарасам̣яуд̇д̇аа. мад̇хугад̇ааланаал̣игзраад̣̇ибубпарасо жирабаариваасиго бубпаасаво. банасаад̣̇ипаларасо палаасаво. муд̣̇д̣̇игаарасо мад̇хваасаво. ужчурасо г̇ул̣аасаво. харийд̇агаамалагагадугабхан̣д̣аад̣̇инаанаасамбхаараанам̣ расо жирабаариваасиго самбхаарасам̣яуд̇д̇о. д̇ам̣ саб̣б̣амбийд̇и д̇ам̣ саб̣б̣ам̣ д̣̇асавид̇хамби. мад̣̇агаран̣авасзна маж̇ж̇ам̣ биванд̇ам̣ мад̣̇аяад̇ийд̇и гад̇ваа. сураамзраяамаж̇ж̇з бамаад̣̇адтаанам̣ сураамзраяамаж̇ж̇абамаад̣̇адтаанам̣. ану ану яог̇од̇и бунаббунам̣ д̇ам̣саман̇г̇ид̇аа. д̇знааха ‘‘бунаббунам̣ гаран̣а’’нд̇и, абараабарам̣ бавад̇д̇ананд̇и ад̇т̇о. уббаннаа жзва бхог̇аа барихааяанд̇и баанаб̣яасанзна б̣яасанагаран̣ад̇о. ануббаннаа жа нуббаж̇ж̇анд̇и бамад̇д̇асса гамманд̇зсу н̃ааяагаран̣аабхаавад̇о. бхог̇аананд̇и бхун̃ж̇ид̇аб̣б̣адтзна ‘‘бхог̇аа’’д̇и лад̣̇д̇ханаамаанам̣ гаамаг̇ун̣аанам̣. абааяамука-сад̣̇д̣̇асса ад̇т̇о хздтаа вуд̇д̇о зва. авзлааяаад̇и аяуд̇д̇авзлааяа. яад̣̇аа вижарад̇о ад̇т̇арагкаад̣̇аяо на хонд̇и. висикаасу жарияаад̇и ражчаасу вижаран̣ам̣.

    247. Pūve bhājane pakkhipitvā tajjaṃ udakaṃ datvā madditvā katā pūvasurā. Evaṃ sesasurāpi. Kiṇṇāti pana tassā surāya bījaṃ vuccati, ye ‘‘surāmodakā’’ tipi vuccanti, te pakkhipitvā katā kiṇṇapakkhittā. Harītakīsāsapādinānāsambhārehi saṃyojitā sambhārasaṃyuttā. Madhukatālanāḷikerādipuppharaso cirapārivāsiko pupphāsavo. Panasādiphalaraso phalāsavo. Muddikāraso madhvāsavo. Ucchuraso guḷāsavo. Harītakāmalakakaṭukabhaṇḍādinānāsambhārānaṃ raso cirapārivāsiko sambhārasaṃyutto. Taṃ sabbampīti taṃ sabbaṃ dasavidhampi. Madakaraṇavasenamajjaṃ pivantaṃ madayatīti katvā. Surāmerayamajje pamādaṭṭhānaṃ surāmerayamajjapamādaṭṭhānaṃ. Anu anu yogoti punappunaṃ taṃsamaṅgitā. Tenāha ‘‘punappunaṃ karaṇa’’nti, aparāparaṃ pavattananti attho. Uppannā ceva bhogā parihāyanti pānabyasanena byasanakaraṇato. Anuppannā ca nuppajjanti pamattassa kammantesu ñāyakaraṇābhāvato. Bhogānanti bhuñjitabbaṭṭhena ‘‘bhogā’’ti laddhanāmānaṃ kāmaguṇānaṃ. Apāyamukha-saddassa attho heṭṭhā vutto eva. Avelāyāti ayuttavelāya. Yadā vicarato attharakkhādayo na honti. Visikhāsu cariyāti racchāsu vicaraṇaṃ.

    самаж̇ж̇аа вужжад̇и махо, яад̇т̇а нажжааниби баяож̇ийяанд̇и, д̇зсам̣ д̣̇ассанаад̣̇иад̇т̇ам̣ д̇ад̇т̇а абхирад̇ивасзна жаран̣ам̣ убаг̇аманам̣ самаж̇ж̇аабхижаран̣ам̣. нажжаад̣̇ид̣̇ассанавасзнаад̇и нажжаад̣̇ийнам̣ д̣̇ассанаад̣̇ивасзнаад̇и аад̣̇исад̣̇д̣̇алобо д̣̇адтаб̣б̣о, д̣̇ассанзна ваа саванамби г̇ахид̇ам̣ вируубзгасзсанаязна. ааложанасабхаавад̇ааяа ваа бан̃жавин̃н̃аан̣аанам̣ саванагирияааяаби д̣̇ассанасан̇кзбасамбхавад̇о ‘‘д̣̇ассанавасзна’’ ижжзва вуд̇д̇ам̣. ид̇ха жид̇д̇ааласияад̇аа агааран̣анд̇и ‘‘гааяааласияад̇аа’’д̇и вуд̇д̇ам̣. яуд̇д̇аббаяуд̇д̇ад̇аад̇и д̇аббасуд̇ад̇аа ад̇ирзгад̇арад̇ааяа.

    Samajjā vuccati maho, yattha naccānipi payojīyanti, tesaṃ dassanādiatthaṃ tattha abhirativasena caraṇaṃ upagamanaṃ samajjābhicaraṇaṃ. Naccādidassanavasenāti naccādīnaṃ dassanādivasenāti ādisaddalopo daṭṭhabbo, dassanena vā savanampi gahitaṃ virūpekasesanayena. Ālocanasabhāvatāya vā pañcaviññāṇānaṃ savanakiriyāyapi dassanasaṅkhepasambhavato ‘‘dassanavasena’’ icceva vuttaṃ. Idha cittālasiyatā akāraṇanti ‘‘kāyālasiyatā’’ti vuttaṃ. Yuttappayuttatāti tappasutatā atirekataratāya.

    сураамзраяасса чааад̣̇ийнаваад̣̇иван̣н̣анаа

    Surāmerayassa chaādīnavādivaṇṇanā

    248. саяам̣ д̣̇адтаб̣б̣анд̇и санд̣̇идтам̣. санд̣̇идтамзва санд̣̇идтигам̣, д̇ханаж̇аанисад̣̇д̣̇аабзгкааяа бана ид̇т̇илин̇г̇авасзна нид̣̇д̣̇зсо, д̣̇идтад̇хаммигаад̇и аяамзд̇т̇а ад̇т̇од̇и ааха ‘‘ид̇халогабхаавиний’’д̇и. самам̣, саммаа бассид̇аб̣б̣аад̇и ваа санд̣̇идтигаа, баанасамагаалабхаавинийд̇и ад̇т̇о. галахаббавад̣дханий мид̇д̇асса галахз анаад̣̇ийнавад̣̇ассибхаавад̇о. кзд̇д̇ам̣ уббад̇д̇идтаанабхаавад̇о. ааяад̇ананд̇и ваа гааран̣ам̣, аагаро ваад̇и ад̇т̇о. баралогз агид̇д̇им̣ баабун̣анд̇и агид̇д̇исам̣вад̇д̇анияасса гаммасса басаванад̇о. гобийнам̣ ваа баагадабхаавзна агад̇д̇аб̣б̣арахассагаммам̣. сураамад̣̇амад̇д̇аа жа буб̣б̣з ад̇д̇анаа гад̇ам̣ д̇аад̣̇исам̣ гаммам̣ амад̇д̇агаалз чаад̣̇знд̇аа вижарид̇ваа мад̇д̇агаалз бажжад̇т̇игаанамби виваранд̇и баагадам̣ гаронд̇и, д̇зна д̇зсам̣ саа сураа д̇асса гобийнасса нид̣̇ам̣санад̇о ‘‘гобийнанид̣̇ам̣саний’’д̇и вужжад̇ийд̇и звамзд̇т̇а ад̇т̇о д̣̇адтаб̣б̣о. гаммассагад̇аабан̃н̃анд̇и нид̣̇ассанамад̇д̇ам̣ д̣̇адтаб̣б̣ам̣. ‘‘яам̣ гин̃жи логияам̣ бан̃н̃ам̣ д̣̇уб̣б̣алам̣ гарод̇иязваа’’д̇и хи саггаа вин̃н̃аад̇ум̣. д̇ат̇аа хи б̣яад̇ирзгамукзна д̇амад̇т̇ам̣ бад̇идтабзд̇ум̣ ‘‘маг̇г̇абан̃н̃ам̣ банаа’’д̇иаад̣̇и вуд̇д̇ам̣. ‘‘анд̇омукамзва на бависад̇ий’’д̇и иминаа сурааяа маг̇г̇абан̃н̃аад̣̇уб̣б̣алагаран̣асса д̣̇урасамуссаарид̇абхаавамааха . нану жзвам̣ сурааяа д̇ассаа бан̃н̃ааяа д̣̇уб̣б̣алийгаран̣з саамад̇т̇ияавигхаад̇о ажод̣̇ид̇о ход̇и арияаанам̣ ануббаяог̇ассзва жод̣̇ид̇ад̇д̇аад̇и? наяид̣̇ам̣ звам̣ убаяог̇оби наама сад̣̇аа д̇зсам̣ над̇т̇и, гуд̇о гижжагаран̣анд̇и имасса ад̇т̇асса вуд̇д̇ад̇д̇аа. ат̇а бана адтаанабаригаббавасзнассаа гад̣̇аажи сияаа убаяог̇о, д̇ат̇ааби со д̇ассаа д̣̇уб̣б̣алияам̣ ийсагамби гаад̇ум̣ нааламзва саммад̣̇зва бадибагкад̣̇уурийбхаавзна суббад̇идтид̇абхаавад̇о. д̇знааха ‘‘маг̇г̇абан̃н̃ам̣ бана д̣̇уб̣б̣алам̣ гаад̇ум̣ на саггод̇ий’’д̇и. маг̇г̇асийсзна жзд̇т̇а арияаанам̣ саб̣б̣ассааби логияалогуд̇д̇арааяа бан̃н̃ааяа д̣̇уб̣б̣алабхааваабаад̣̇аанз асамад̇т̇ад̇аа д̣̇ассид̇аад̇и д̣̇адтаб̣б̣ам̣. баж̇ж̇ад̇и зд̇зна паланд̇и бад̣̇ам̣, гааран̣ам̣.

    248. Sayaṃ daṭṭhabbanti sandiṭṭhaṃ. Sandiṭṭhameva sandiṭṭhikaṃ, dhanajānisaddāpekkhāya pana itthiliṅgavasena niddeso, diṭṭhadhammikāti ayamettha atthoti āha ‘‘idhalokabhāvinī’’ti. Samaṃ, sammā passitabbāti vā sandiṭṭhikā, pānasamakālabhāvinīti attho. Kalahappavaḍḍhanī mittassa kalahe anādīnavadassibhāvato. Khettaṃ uppattiṭṭhānabhāvato. Āyatananti vā kāraṇaṃ, ākaro vāti attho. Paraloke akittiṃ pāpuṇanti akittisaṃvattaniyassa kammassa pasavanato. Kopīnaṃ vā pākaṭabhāvena akattabbarahassakammaṃ. Surāmadamattā ca pubbe attanā kataṃ tādisaṃ kammaṃ amattakāle chādentā vicaritvā mattakāle paccatthikānampi vivaranti pākaṭaṃ karonti, tena tesaṃ sā surā tassa kopīnassa nidaṃsanato ‘‘kopīnanidaṃsanī’’ti vuccatīti evamettha attho daṭṭhabbo. Kammassakatāpaññanti nidassanamattaṃ daṭṭhabbaṃ. ‘‘Yaṃ kiñci lokiyaṃ paññaṃ dubbalaṃ karotiyevā’’ti hi sakkā viññātuṃ. Tathā hi byatirekamukhena tamatthaṃ patiṭṭhapetuṃ ‘‘maggapaññaṃ panā’’tiādi vuttaṃ. ‘‘Antomukhameva na pavisatī’’ti iminā surāya maggapaññādubbalakaraṇassa durasamussāritabhāvamāha . Nanu cevaṃ surāya tassā paññāya dubbalīkaraṇe sāmatthiyavighāto acodito hoti ariyānaṃ anuppayogasseva coditattāti? Nayidaṃ evaṃ upayogopi nāma sadā tesaṃ natthi, kuto kiccakaraṇanti imassa atthassa vuttattā. Atha pana aṭṭhānaparikappavasenassā kadāci siyā upayogo, tathāpi so tassā dubbaliyaṃ īsakampi kātuṃ nālameva sammadeva paṭipakkhadūrībhāvena suppatiṭṭhitabhāvato. Tenāha ‘‘maggapaññaṃ pana dubbalaṃ kātuṃ na sakkotī’’ti. Maggasīsena cettha ariyānaṃ sabbassāpi lokiyalokuttarāya paññāya dubbalabhāvāpādāne asamatthatā dassitāti daṭṭhabbaṃ. Pajjati etena phalanti padaṃ, kāraṇaṃ.

    249. ад̇д̇аабисса агаалажаарисса аг̇уд̇д̇о сарасад̇о арагкид̇о убаггамад̇оби бариваж̇ж̇анийяаанам̣ абариваж̇ж̇анад̇о. д̇знааха ‘‘авзлааяа жаранд̇о хий’’д̇иаад̣̇и. ган̣дагаад̣̇ийнибийд̇и би-сад̣̇д̣̇зна соб̣бхаад̣̇игз сан̇г̇ан̣хаад̇и. взринобийд̇и би-сад̣̇д̣̇зна жораад̣̇игаа сан̇г̇аяханд̇и. буд̇д̇ад̣̇аараад̇и зд̇т̇а буд̇д̇аг̇г̇ахан̣зна буд̇д̇ийби г̇ахид̇аад̇и ааха ‘‘буд̇д̇ад̇хийд̇аро’’д̇и. б̣ахи бад̇т̇ананд̇и гаамабад̇т̇анаавасзна анд̇ог̇зхассид̇ад̇о ниб̣ад̣̇д̇хавад̇т̇уд̇о б̣ахид̣̇д̇хаа бад̇т̇анам̣ гад̇ваа. ан̃н̃зхи гад̇абаабагаммзсууд̇и барзхи гад̇аасу баабагирияаасу. сан̇гид̇аб̣б̣о ход̇и агаалз д̇ад̇т̇а д̇ад̇т̇а жаран̣ад̇о. рухад̇и яасмим̣ бад̣̇зсз жоригаа бавад̇д̇аа, д̇ад̇т̇а барзхи д̣̇идтад̇д̇аа. вад̇д̇ум̣ на саггаад̇и ‘‘зд̇д̇агам̣ д̣̇угкам̣, зд̇д̇агам̣ д̣̇оманасса’’нд̇и барижчинд̣̇ид̇ваа вад̇д̇ум̣ на саггаа. д̇ам̣ саб̣б̣амби вигаалажааримхи буг̇г̇алз аахарид̇аб̣б̣ам̣ д̇асса убари багкибид̇аб̣б̣ам̣ ход̇и. гат̇ам̣? ан̃н̃асмим̣ буг̇г̇алз д̇ат̇ааруубз аасан̇гид̇аб̣б̣з асад̇и. ид̇ийд̇и звам̣. сод̇и вигаалажаарий. бурагкад̇о бурад̇о ад̇д̇ано убари аасан̇ганд̇з гад̇ваа жарад̇и.

    249.Attāpissa akālacārissa agutto sarasato arakkhito upakkamatopi parivajjanīyānaṃ aparivajjanato. Tenāha ‘‘avelāya caranto hī’’tiādi. Kaṇṭakādīnipīti pi-saddena sobbhādike saṅgaṇhāti. Verinopīti pi-saddena corādikā saṅgayhanti. Puttadārāti ettha puttaggahaṇena puttīpi gahitāti āha ‘‘puttadhītaro’’ti. Bahi patthananti kāmapatthanāvasena antogehassitato nibaddhavatthuto bahiddhā patthanaṃ katvā. Aññehi katapāpakammesūti parehi katāsu pāpakiriyāsu. Saṅkitabbo hoti akāle tattha tattha caraṇato. Ruhati yasmiṃ padese corikā pavattā, tattha parehi diṭṭhattā. Vattuṃ na sakkāti ‘‘ettakaṃ dukkhaṃ, ettakaṃ domanassa’’nti paricchinditvā vattuṃ na sakkā. Taṃ sabbampi vikālacārimhi puggale āharitabbaṃ tassa upari pakkhipitabbaṃ hoti. Kathaṃ? Aññasmiṃ puggale tathārūpe āsaṅkitabbe asati. Itīti evaṃ. Soti vikālacārī. Purakkhato purato attano upari āsaṅkante katvā carati.

    250. наданаадагаад̣̇инажжанд̇и надзхи наадагзхи нажжид̇аб̣б̣анаадагаад̣̇инажжавид̇хи. аад̣̇и-сад̣̇д̣̇зна авасидтам̣ саб̣б̣ам̣ сан̇г̇ан̣хаад̇и. ‘‘д̇ад̇т̇а г̇анд̇аб̣б̣ам̣ ход̇ий’’д̇и вад̇ваа д̇ад̇т̇асса г̇аманзна яат̇аа ануббаннаанам̣ бхог̇аанам̣ ануббаад̣̇о, уббаннаанан̃жа винаасо ход̇и, д̇ам̣ д̣̇ассзд̇ум̣ ‘‘д̇ассаа’’д̇иаад̣̇и вуд̇д̇ам̣. г̇ийд̇анд̇и сараг̇ад̇ам̣, багаран̣аг̇ад̇ам̣ , д̇аал̣аг̇ад̇ам̣, абад̇хаанаг̇ад̇анд̇и г̇анд̇хаб̣б̣асад̇т̇авихид̇ам̣ ан̃н̃амби саб̣б̣ам̣ г̇ийд̇ам̣ взд̣̇ид̇аб̣б̣ам̣. ваад̣̇ид̇анд̇и вийн̣аавзн̣умуд̣̇ин̇г̇аад̣̇иваад̣̇анам̣. агкаананд̇и бхаарад̇аяуд̣̇д̇хасийд̇аахаран̣аад̣̇иагкаанам̣. баан̣иссаранд̇и гам̣сад̇аал̣ам̣, ‘‘баан̣ид̇аал̣а’’нд̇иби вад̣̇анд̇и. гумбхат̇уунанд̇и жад̇урассаамб̣ан̣агад̇аал̣ам̣. ‘‘гудабхзрисад̣̇д̣̇о’’д̇и гзжи. ‘‘зсзва наяо’’д̇и иминаа ‘‘гасмим̣ таанз’’д̇иаад̣̇инаа нажжз вуд̇д̇амад̇т̇ам̣ г̇ийд̇аад̣̇ийсу ад̇ид̣̇исад̇и.

    250.Naṭanāṭakādinaccanti naṭehi nāṭakehi naccitabbanāṭakādinaccavidhi. Ādi-saddena avasiṭṭhaṃ sabbaṃ saṅgaṇhāti. ‘‘Tattha gantabbaṃ hotī’’ti vatvā tatthassa gamanena yathā anuppannānaṃ bhogānaṃ anuppādo, uppannānañca vināso hoti, taṃ dassetuṃ ‘‘tassā’’tiādi vuttaṃ. Gītanti saragataṃ, pakaraṇagataṃ , tāḷagataṃ, apadhānagatanti gandhabbasatthavihitaṃ aññampi sabbaṃ gītaṃ veditabbaṃ. Vāditanti vīṇāveṇumudiṅgādivādanaṃ. Akkhānanti bhāratayuddhasītāharaṇādiakkhānaṃ. Pāṇissaranti kaṃsatāḷaṃ, ‘‘pāṇitāḷa’’ntipi vadanti. Kumbhathūnanti caturassaambaṇakatāḷaṃ. ‘‘Kuṭabherisaddo’’ti keci. ‘‘Eseva nayo’’ti iminā ‘‘kasmiṃ ṭhāne’’tiādinā nacce vuttamatthaṃ gītādīsu atidisati.

    251. ж̇аяанд̇и ж̇ууд̇ам̣ ж̇инанд̇о. взранд̇и ж̇ид̇зна гийл̣агабурисзна ж̇аяанимид̇д̇ам̣ ад̇д̇ано убари взрам̣ вирод̇хам̣ басавад̇и уббаад̣̇зд̇и. д̇ан̃хисса взрабасаванам̣ д̣̇ассзд̇ум̣ ‘‘ж̇ид̇ам̣ маяаа’’д̇иаад̣̇и вуд̇д̇ам̣. ж̇инод̇и ж̇ууд̇абарааж̇аяаабаннааяа д̇ханаж̇аанияаа ж̇ино. д̇знааха ‘‘ан̃н̃зна ж̇ид̇о самаано’’д̇иаад̣̇и. вид̇д̇ам̣ анусожад̇ийд̇и д̇ам̣ ж̇инам̣ вид̇д̇ам̣ уд̣̇д̣̇исса ануд̇т̇унад̇и. винижчаяадтаанзд̇и яасмим̣ гисмин̃жи аддавинижчаяадтаанз. сагкибудтассаад̇и сагкибхаавзна будтасса. агкасон̣д̣од̇и агкад̇худ̇д̇о. ж̇ууд̇агарод̇и ж̇ууд̇абамаад̣̇адтаанаануяуд̇д̇о. д̇вамби наама гулабуд̇д̇од̇и гулабуд̇д̇о наама д̇вам̣, на маяам̣ д̇аяи голабуд̇д̇ияам̣ ид̣̇аани бассаамаад̇и ад̇хиббааяо. чиннабхиннагод̇и чиннабхиннахирод̇д̇аббо, ахириго анод̇д̇аббийд̇и ад̇т̇о. д̇асса гааран̣аад̇и д̇асса ад̇т̇ааяа.

    251.Jayanti jūtaṃ jinanto. Veranti jitena kīḷakapurisena jayanimittaṃ attano upari veraṃ virodhaṃ pasavati uppādeti. Tañhissa verapasavanaṃ dassetuṃ ‘‘jitaṃ mayā’’tiādi vuttaṃ. Jinoti jūtaparājayāpannāya dhanajāniyā jino. Tenāha ‘‘aññena jito samāno’’tiādi. Vittaṃ anusocatīti taṃ jinaṃ vittaṃ uddissa anutthunati. Vinicchayaṭṭhāneti yasmiṃ kismiñci aṭṭavinicchayaṭṭhāne. Sakkhipuṭṭhassāti sakkhibhāvena puṭṭhassa. Akkhasoṇḍoti akkhadhutto. Jūtakaroti jūtapamādaṭṭhānānuyutto. Tvampi nāma kulaputtoti kulaputto nāma tvaṃ, na mayaṃ tayi kolaputtiyaṃ idāni passāmāti adhippāyo. Chinnabhinnakoti chinnabhinnahirottappo, ahiriko anottappīti attho. Tassa kāraṇāti tassa atthāya.

    анижчид̇од̇и на ижчид̇о. босид̇аб̣б̣аа бхависсад̇и ж̇ууд̇абарааж̇аязна саб̣б̣агаалам̣ рид̇д̇ад̇ужчабхаавад̇о.

    Anicchitoti na icchito. Positabbā bhavissati jūtaparājayena sabbakālaṃ rittatucchabhāvato.

    баабамид̇д̇ад̇ааяа чааад̣̇ийнаваад̣̇иван̣н̣анаа

    Pāpamittatāya chaādīnavādivaṇṇanā

    252. агкад̇худ̇д̇аад̇и агкзсу д̇худ̇д̇аа, агканимид̇д̇ам̣ ад̇т̇авинаасагаа. ид̇т̇исон̣д̣аад̇и ид̇т̇ийсу сон̣д̣аа, ид̇т̇исамбхог̇анимид̇д̇ам̣ аад̇аббанагаа. д̇ат̇аа бхад̇д̇асон̣д̣аад̣̇аяо взд̣̇ид̇аб̣б̣аа. бибаасаад̇и убаруубари сураабибаасаа. д̇знааха ‘‘баанасон̣д̣аа’’д̇и. нзгад̇игаад̣̇аяо хздтаа вуд̇д̇аа зва. мзд̇д̇иуббад̇д̇идтаанад̇ааяа мид̇д̇аа хонд̇и. д̇асмаад̇и баабамид̇д̇ад̇ааяа.

    252.Akkhadhuttāti akkhesu dhuttā, akkhanimittaṃ atthavināsakā. Itthisoṇḍāti itthīsu soṇḍā, itthisambhoganimittaṃ ātappanakā. Tathā bhattasoṇḍādayo veditabbā. Pipāsāti uparūpari surāpipāsā. Tenāha ‘‘pānasoṇḍā’’ti. Nekatikādayo heṭṭhā vuttā eva. Mettiuppattiṭṭhānatāya mittā honti. Tasmāti pāpamittatāya.

    253. гамманд̇анд̇и гаммам̣, яат̇аа суд̇д̇ам̣язва суд̇д̇анд̇о, звам̣ гаммам̣язва гамманд̇о, д̇ам̣ гаад̇ум̣ г̇ажчаамаад̇и вуд̇д̇о. гаммам̣ ваа анд̇о нидтаанам̣ г̇ажчад̇и зд̇т̇аад̇и гамманд̇о, гаммагаран̣адтаанам̣, д̇ам̣ г̇ажчаамаад̇и вуд̇д̇о.

    253.Kammantanti kammaṃ, yathā suttaṃyeva suttanto, evaṃ kammaṃyeva kammanto, taṃ kātuṃ gacchāmāti vutto. Kammaṃ vā anto niṭṭhānaṃ gacchati etthāti kammanto, kammakaraṇaṭṭhānaṃ, taṃ gacchāmāti vutto.

    баннасакаад̇и сурам̣ баад̇ум̣ баннз бадибаж̇ж̇анд̇з зва сакаад̇и баннасакаа. д̇знааха ‘‘аяамзвад̇т̇о’’д̇и. ‘‘саммияасаммияо’’д̇и важанамзд̇т̇а ад̇т̇ийд̇и саммияасаммияо. д̇знааха ‘‘саммасаммаад̇и вад̣̇анд̇о’’д̇и. сахааяо ход̇ийд̇и сахааяо вияа ход̇и. од̇аарамзва г̇авзсад̇ийд̇и ранд̇хамзва бариязсад̇и анад̇т̇амасса гаад̇угаамо. взраббасавод̇и барзхи ад̇д̇ани взрасса басаванам̣ анубавад̇д̇анам̣. д̇знааха ‘‘взраб̣ахулад̇аа’’д̇и. барзсам̣ гарияамаано анад̇т̇о зд̇т̇а ад̇т̇ийд̇и анад̇т̇о, д̇аб̣бхааво анад̇т̇ад̇аад̇и ааха ‘‘анад̇т̇агаарид̇аа’’д̇и. яо хи барзсам̣ анад̇т̇ам̣ гарод̇и, со ад̇т̇ад̇о ад̇д̇ано анад̇т̇агааро наама, д̇асмаа анад̇т̇ад̇аад̇и убхаяаанад̇т̇агаарид̇аа. арияо вужжад̇и сад̇д̇о, гужчид̇о арияо гад̣̇арияо. яасса д̇хаммасса васзна со ‘‘гад̣̇арияо’’д̇и вужжад̇и, со д̇хаммо гад̣̇арияад̇аа, мажчарияам̣. д̇ам̣ бана д̣̇уб̣б̣исаж̇ж̇анийяабхаавз тид̇ам̣ санд̇хааяааха ‘‘судту гад̣̇арияад̇аа т̇ад̣̇д̇хамажчарияабхаа’’вод̇и. авибан̣н̣асабхаавад̇о удтаад̇ум̣ асаггонд̇о жа ин̣ам̣ г̇ан̣ханд̇о сам̣сийд̣̇анд̇ова ин̣ам̣ виг̇аахад̇и наама. суурияз ануг̇г̇ад̇з зва гамманд̇з анаарабханд̇о рад̇д̇им̣ анудтаанасийло.

    Pannasakhāti suraṃ pātuṃ panne paṭipajjante eva sakhāti pannasakhā. Tenāha ‘‘ayamevattho’’ti. ‘‘Sammiyasammiyo’’ti vacanamettha atthīti sammiyasammiyo. Tenāha ‘‘sammasammāti vadanto’’ti. Sahāyo hotīti sahāyo viya hoti. Otārameva gavesatīti randhameva pariyesati anatthamassa kātukāmo. Verappasavoti parehi attani verassa pasavanaṃ anupavattanaṃ. Tenāha ‘‘verabahulatā’’ti. Paresaṃ kariyamāno anattho ettha atthīti anattho, tabbhāvo anatthatāti āha ‘‘anatthakāritā’’ti. Yo hi paresaṃ anatthaṃ karoti, so atthato attano anatthakāro nāma, tasmā anatthatāti ubhayānatthakāritā. Ariyo vuccati satto, kucchito ariyo kadariyo. Yassa dhammassa vasena so ‘‘kadariyo’’ti vuccati, so dhammo kadariyatā, macchariyaṃ. Taṃ pana dubbisajjanīyabhāve ṭhitaṃ sandhāyāha ‘‘suṭṭhu kadariyatā thaddhamacchariyabhā’’voti. Avipaṇṇasabhāvato uṭṭhātuṃ asakkonto ca iṇaṃ gaṇhanto saṃsīdantova iṇaṃ vigāhati nāma. Sūriye anuggate eva kammante anārabhanto rattiṃ anuṭṭhānasīlo.

    ад̇т̇аад̇и д̇ханаани. ад̇иггаманд̇ийд̇и абаг̇ажчанд̇и. ат̇а ваа ад̇т̇аад̇и гижжаани. ад̇иггаманд̇ийд̇и ад̇игганд̇агаалаани хонд̇и, д̇зсам̣ ад̇иггамоби ад̇т̇ад̇о д̇ханаанамзва ад̇иггамо. иминаа гат̇аамаг̇г̇знаад̇и иминаа ‘‘яад̇о ко г̇ахабад̇ибуд̇д̇аа’’д̇иаад̣̇и (д̣̇ий. ни. 3.244) наяаббавад̇д̇зна гат̇аасан̇каад̇зна хид̇аад̇хиг̇амуубааязна. зд̇д̇агам̣ гамманд̇и жад̇д̇ааро гаммагилзсаа, жад̇д̇аари аг̇ад̇иг̇аманаани, ча бхог̇аанам̣ абааяамукаанийд̇и звам̣ вуд̇д̇ам̣ жуд̣̇д̣̇асавид̇хам̣ баабагаммам̣.

    Atthāti dhanāni. Atikkamantīti apagacchanti. Atha vā atthāti kiccāni. Atikkamantīti atikkantakālāni honti, tesaṃ atikkamopi atthato dhanānameva atikkamo. Iminā kathāmaggenāti iminā ‘‘yato kho gahapatiputtā’’tiādi (dī. ni. 3.244) nayappavattena kathāsaṅkhātena hitādhigamūpāyena. Ettakaṃ kammanti cattāro kammakilesā, cattāri agatigamanāni, cha bhogānaṃ apāyamukhānīti evaṃ vuttaṃ cuddasavidhaṃ pāpakammaṃ.

    мид̇д̇абад̇ируубагаван̣н̣анаа

    Mittapatirūpakavaṇṇanā

    254. анад̇т̇од̇и ‘‘бхог̇аж̇аани, ааяасагяам̣, барисамаж̇жхз ман̇губхааво, саммуул̣хамаран̣а’’нд̇и звам̣ аад̣̇иго д̣̇идтад̇хаммиго ‘‘д̣̇уг̇г̇ад̇ибаригилзсо, суг̇ад̇ияан̃жа аббааяугад̇аа, б̣ахвааб̣аад̇хад̇аа, ад̇ид̣̇алид̣̇д̣̇ад̇аа, аббаннабаанад̇аа’’д̇и звам̣ аад̣̇иго жа анад̇т̇о уббаж̇ж̇ад̇и. яаани гаанижи бхаяаанийд̇и ад̇д̇аануваад̣̇абхаяабараануваад̣̇абхаяад̣̇ан̣д̣абхаяаад̣̇ийни логз лаб̣бхамаанаани яаани гаанижи бхаяаани. убад̣̇д̣̇аваад̇и анд̇арааяаа. убасаг̇г̇аад̇и сарийрзна сам̣садтаани вияа убаруубари уббаж̇ж̇анагаани б̣яасанаани. ан̃н̃ад̣̇ад̇т̇ууд̇и зганд̇знаад̇и зд̇асмим̣ ад̇т̇з нибаад̇о ‘‘ан̃н̃ад̣̇ад̇т̇уд̣̇асо’’д̇иаад̣̇ийсу (д̣̇ий. ни. 1.42) вияаад̇и вуд̇д̇ам̣ ‘‘згам̣сзнаа’’д̇и. яам̣ гин̃жи г̇ахан̣аяог̇яам̣ харад̇иязва г̇ан̣хаад̇иязва. ваажаа зва барамаа зд̇асса гамманд̇и важийбарамо. д̇знааха ‘‘важанамад̇д̇знзваа’’д̇иаад̣̇и. ануббияанд̇и д̇агганам̣, яам̣ ваа ‘‘ружий’’д̇и вужжад̇и язхи сураабаанаад̣̇ийхи бхог̇аа абзнд̇и виг̇ажчанд̇и, д̇зсу д̇зсам̣ абааязсу б̣яасанахзд̇уусу сахааяо ход̇и.

    254.Anatthoti ‘‘bhogajāni, āyasakyaṃ, parisamajjhe maṅkubhāvo, sammūḷhamaraṇa’’nti evaṃ ādiko diṭṭhadhammiko ‘‘duggatiparikileso, sugatiyañca appāyukatā, bahvābādhatā, atidaliddatā, appannapānatā’’ti evaṃ ādiko ca anattho uppajjati. Yāni kānici bhayānīti attānuvādabhayaparānuvādabhayadaṇḍabhayādīni loke labbhamānāni yāni kānici bhayāni. Upaddavāti antarāyā. Upasaggāti sarīrena saṃsaṭṭhāni viya uparūpari uppajjanakāni byasanāni. Aññadatthūti ekantenāti etasmiṃ atthe nipāto ‘‘aññadatthudaso’’tiādīsu (dī. ni. 1.42) viyāti vuttaṃ ‘‘ekaṃsenā’’ti. Yaṃ kiñci gahaṇayogyaṃ haratiyeva gaṇhātiyeva. Vācā eva paramā etassa kammanti vacīparamo. Tenāha ‘‘vacanamattenevā’’tiādi. Anuppiyanti takkanaṃ, yaṃ vā ‘‘rucī’’ti vuccati yehi surāpānādīhi bhogā apenti vigacchanti, tesu tesaṃ apāyesu byasanahetūsu sahāyo hoti.

    255. хаарагоязва ход̇и, на д̣̇ааяаго, д̇амасса згам̣сад̇о хаарагабхаавам̣ д̣̇ассзд̇ум̣ ‘‘сахааяассаа’’д̇иаад̣̇и вуд̇д̇ам̣. яам̣ гин̃жи аббаганд̇и бубпапалаад̣̇и яам̣ гин̃жи барид̇д̇ам̣ вад̇т̇ум̣ д̣̇ад̇ваа, б̣ахум̣ бад̇т̇зд̇и б̣ахум̣ махаг̇гхам̣ вад̇т̇аяуг̇аад̣̇им̣ бажжаасийсад̇и. д̣̇аасо вияа худ̇ваа мид̇д̇асса д̇ам̣ д̇ам̣ гижжам̣ гаронд̇о гат̇ам̣ амид̇д̇о наама ж̇аад̇од̇и ааха ‘‘аяа’’нд̇иаад̣̇и. яасса гижжам̣ гарод̇и анад̇т̇абарихаарад̇т̇ам̣, ад̇д̇ано мид̇д̇абхаавад̣̇ассанад̇т̇ан̃жа, д̇ам̣ сзвад̇и. ад̇т̇агааран̣аад̇и вад̣дхинимид̇д̇ам̣, аяамзд̇зсам̣ бхзд̣̇о.

    255.Hārakoyeva hoti, na dāyako, tamassa ekaṃsato hārakabhāvaṃ dassetuṃ ‘‘sahāyassā’’tiādi vuttaṃ. Yaṃ kiñci appakanti pupphaphalādi yaṃ kiñci parittaṃ vatthuṃ datvā, bahuṃ pattheti bahuṃ mahagghaṃ vatthayugādiṃ paccāsīsati. Dāso viya hutvā mittassa taṃ taṃ kiccaṃ karonto kathaṃ amitto nāma jātoti āha ‘‘aya’’ntiādi. Yassa kiccaṃ karoti anatthaparihāratthaṃ, attano mittabhāvadassanatthañca, taṃ sevati. Atthakāraṇāti vaḍḍhinimittaṃ, ayametesaṃ bhedo.

    256. барзд̇и барад̣̇ивасз. на ааг̇ад̇о сийд̇и ааг̇ад̇о наахоси. кийн̣анд̇и д̇аад̣̇исасса, асугасса жа д̣̇иннад̇д̇аа. сассасан̇г̇ахзд̇и сассад̇о гаад̇аб̣б̣ад̇хан̃н̃асан̇г̇ахз гад̇з.

    256.Pareti paradivase. Na āgato sīti āgato nāhosi. Khīṇanti tādisassa, asukassa ca dinnattā. Sassasaṅgaheti sassato kātabbadhaññasaṅgahe kate.

    257. ‘‘д̣̇аанаад̣̇ийсу яам̣ гин̃жи гаромаа’’д̇и вуд̇д̇з ‘‘саад̇ху самма гаромаа’’д̇и ануж̇аанаад̇ийд̇и имамад̇т̇ам̣ ‘‘галяаан̣зби зсзва наяо’’д̇и ад̇ид̣̇исад̇и. нану звам̣ ануж̇аананд̇о аяам̣ мид̇д̇о зва, на амид̇д̇о мид̇д̇абад̇ируубагод̇и? ануббияабхаан̣ийд̣̇ассанамад̇д̇амзд̇ам̣. сахааязна ваа д̣̇зсагаалам̣, д̇асмим̣ ваа гад̇з уббаж̇ж̇анагавирод̇хаад̣̇им̣ асаллагкзд̇ваа ‘‘гаромаа’’д̇и вуд̇д̇з яо д̇ам̣ ж̇аананд̇о зва ‘‘саад̇ху самма гаромаа’’д̇и ануббияам̣ бхан̣ад̇и, д̇ам̣ санд̇хааяа вуд̇д̇ам̣ ‘‘галяаан̣ам̣ бисса ануж̇аанаад̇ий’’д̇и. д̇зна вуд̇д̇ам̣ ‘‘галяаан̣зби зсзва наяо’’д̇и.

    257. ‘‘Dānādīsu yaṃ kiñci karomā’’ti vutte ‘‘sādhu samma karomā’’ti anujānātīti imamatthaṃ ‘‘kalyāṇepi eseva nayo’’ti atidisati. Nanu evaṃ anujānanto ayaṃ mitto eva, na amitto mittapatirūpakoti? Anuppiyabhāṇīdassanamattametaṃ. Sahāyena vā desakālaṃ, tasmiṃ vā kate uppajjanakavirodhādiṃ asallakkhetvā ‘‘karomā’’ti vutte yo taṃ jānanto eva ‘‘sādhu samma karomā’’ti anuppiyaṃ bhaṇati, taṃ sandhāya vuttaṃ ‘‘kalyāṇaṃ pissa anujānātī’’ti. Tena vuttaṃ ‘‘kalyāṇepi eseva nayo’’ti.

    259. мид̇д̇абад̇ируубагаа зд̇з мид̇д̇аад̇и звам̣ ж̇аанид̇ваа.

    259.Mittapatirūpakā ete mittāti evaṃ jānitvā.

    сухад̣̇амид̇д̇аван̣н̣анаа

    Suhadamittavaṇṇanā

    260. сунд̣̇арахад̣̇аяаад̇и бзмасса ад̇т̇ивасзна бхад̣̇д̣̇ажид̇д̇аа.

    260.Sundarahadayāti pemassa atthivasena bhaddacittā.

    261. бамад̇д̇ам̣ рагкад̇ийд̇и зд̇т̇а бамаад̣̇авасзна гин̃жи аяуд̇д̇з гад̇з д̇аад̣̇исз гаалз рагкан̣ам̣ ‘‘бхийд̇асса саран̣ам̣ ход̇ий’’д̇и иминаава д̇ам̣ г̇ахид̇анд̇и д̇ад̇о ан̃н̃амзва бамад̇д̇асса рагкан̣авид̇хим̣ д̣̇ассзд̇ум̣ ‘‘маж̇ж̇ам̣ бивид̇ваа’’д̇иаад̣̇и вуд̇д̇ам̣. г̇зхз аарагкам̣ асам̣вихид̇асса б̣ахиг̇аманамби бамаад̣̇абагкигамзваад̇и ‘‘сахааяо б̣ахиг̇ад̇о ваа ход̇ий’’д̇и вуд̇д̇ам̣. бхаяам̣ харанд̇од̇и бхаяам̣ бадиб̣ааханд̇о. бхог̇ахзд̇уд̇ааяа палуубажаарзна д̇ханам̣ ‘‘бхог̇а’’нд̇и вад̣̇ад̇и. гижжагаран̣ийязд̇и куд̣̇д̣̇агз, маханд̇з жа гаад̇аб̣б̣з уббаннз.

    261.Pamattaṃ rakkhatīti ettha pamādavasena kiñci ayutte kate tādise kāle rakkhaṇaṃ ‘‘bhītassa saraṇaṃ hotī’’ti imināva taṃ gahitanti tato aññameva pamattassa rakkhaṇavidhiṃ dassetuṃ ‘‘majjaṃ pivitvā’’tiādi vuttaṃ. Gehe ārakkhaṃ asaṃvihitassa bahigamanampi pamādapakkhikamevāti ‘‘sahāyo bahigato vā hotī’’ti vuttaṃ. Bhayaṃ harantoti bhayaṃ paṭibāhanto. Bhogahetutāya phalūpacārena dhanaṃ ‘‘bhoga’’nti vadati. Kiccakaraṇīyeti khuddake, mahante ca kātabbe uppanne.

    262. ниг̇уухид̇ум̣ яуд̇д̇агат̇анд̇и ниг̇уухид̇ум̣ чаад̣̇зд̇ум̣ яуд̇д̇агат̇ам̣, ниг̇уухид̇ум̣ ваа яуд̇д̇аа гат̇аа зд̇ассаад̇и ниг̇уухид̇ум̣ яуд̇д̇агат̇ам̣, ад̇д̇ано гаммам̣. рагкад̇ийд̇и анаавигаронд̇о чаад̣̇зд̇и. ж̇ийвид̇амбийд̇и би-сад̣̇д̣̇зна гиман̇г̇ам̣ бана ан̃н̃ам̣ бариг̇г̇ахид̇авад̇т̇унд̇и д̣̇ассзд̇и.

    262.Nigūhituṃ yuttakathanti nigūhituṃ chādetuṃ yuttakathaṃ, nigūhituṃ vā yuttā kathā etassāti nigūhituṃ yuttakathaṃ, attano kammaṃ. Rakkhatīti anāvikaronto chādeti. Jīvitampīti pi-saddena kimaṅgaṃ pana aññaṃ pariggahitavatthunti dasseti.

    263. бассанд̇зсу бассанд̇зсууд̇и аамзд̣ид̇аважанзна ниваарияамаанасса баабасса бунаббунам̣ гаран̣ам̣ д̣̇ийбзд̇и. бунаббунам̣ гаронд̇о хи баабад̇о висзсзна ниваарзд̇аб̣б̣о ход̇и. саран̣зсууд̇и саран̣зсу вад̇д̇ассу абхиннаани гад̇ваа бадибаж̇ж̇а, саран̣зсу ваа убаасагабхаавзна вад̇д̇ассу. нибун̣анд̇и сан̣хам̣. гааран̣анд̇и гаммассагад̇аад̣̇ибхзд̣̇аяуд̇д̇ам̣. ид̣̇ам̣ гамманд̇и имам̣ д̣̇аанаад̣̇ибхзд̣̇ам̣ гусалагаммам̣. ‘‘гамма’’нд̇и саад̇хааран̣ад̇о вуд̇д̇ассааби д̇асса ‘‘саг̇г̇з ниб̣б̣ад̇д̇анд̇ий’’д̇и бад̣̇анд̇арасаннид̇хаанзна сад̣̇д̇хаахирод̇д̇аббаалобхаад̣̇иг̇ун̣ад̇хаммасаман̇г̇ид̇аа вияа гусалабхааво ж̇од̇ид̇о ход̇и. сад̣̇д̇хаад̣̇аяо хи д̇хаммаа саг̇г̇аг̇аамимаг̇г̇о. яат̇ааха –

    263.Passantesu passantesūti āmeḍitavacanena nivāriyamānassa pāpassa punappunaṃ karaṇaṃ dīpeti. Punappunaṃ karonto hi pāpato visesena nivāretabbo hoti. Saraṇesūti saraṇesu vattassu abhinnāni katvā paṭipajja, saraṇesu vā upāsakabhāvena vattassu. Nipuṇanti saṇhaṃ. Kāraṇanti kammassakatādibhedayuttaṃ. Idaṃ kammanti imaṃ dānādibhedaṃ kusalakammaṃ. ‘‘Kamma’’nti sādhāraṇato vuttassāpi tassa ‘‘sagge nibbattantī’’ti padantarasannidhānena saddhāhirottappālobhādiguṇadhammasamaṅgitā viya kusalabhāvo jotito hoti. Saddhādayo hi dhammā saggagāmimaggo. Yathāha –

    ‘‘сад̣̇д̇хаа хирияам̣ гусалан̃жа д̣̇аанам̣,

    ‘‘Saddhā hiriyaṃ kusalañca dānaṃ,

    д̇хаммаа зд̇з саббурисаануяаад̇аа;

    Dhammā ete sappurisānuyātā;

    зд̇ан̃хи маг̇г̇ам̣ д̣̇ивияам̣ вад̣̇анд̇и,

    Etañhi maggaṃ diviyaṃ vadanti,

    зд̇зна хи г̇ажчад̇и д̣̇звалога’’нд̇и. (а. ни. 8.32);

    Etena hi gacchati devaloka’’nti. (a. ni. 8.32);

    264. бхаванам̣ самбад̇д̇ивад̣дханам̣ бхавод̇и ад̇т̇о, д̇аббадигкзбзна абхавод̇и ааха ‘‘абхавзна авуд̣дхияаа’’д̇и. баариж̇ун̃н̃анд̇и ж̇аани. анад̇д̇амано ход̇ийд̇и ад̇д̇амано на ход̇и анугамбагабхаавад̇о. ан̃н̃ад̣̇ад̇т̇у д̇ам̣ абхавам̣ ад̇д̇ани аабад̇ид̇ам̣ вияа ман̃н̃ад̇и. ид̣̇аани д̇ам̣ бхавам̣ саруубад̇о д̣̇ассзд̇ум̣ ‘‘д̇ат̇аарууба’’нд̇иаад̣̇и вуд̇д̇ам̣. вируубод̇и б̣ийбхажчо. на баасаад̣̇игод̇и д̇ассзва взважанам̣. суж̇аад̇од̇и сунд̣̇араж̇аад̇иго ж̇аад̇исамбанно.

    264. Bhavanaṃ sampattivaḍḍhanaṃ bhavoti attho, tappaṭikkhepena abhavoti āha ‘‘abhavena avuḍḍhiyā’’ti. Pārijuññanti jāni. Anattamano hotīti attamano na hoti anukampakabhāvato. Aññadatthu taṃ abhavaṃ attani āpatitaṃ viya maññati. Idāni taṃ bhavaṃ sarūpato dassetuṃ ‘‘tathārūpa’’ntiādi vuttaṃ. Virūpoti bībhaccho. Na pāsādikoti tasseva vevacanaṃ. Sujātoti sundarajātiko jātisampanno.

    265. ж̇аланд̇и ж̇аланд̇о. аг̇г̇ийваад̇и аг̇г̇игканд̇хо вияа. бхаасад̇ийд̇и вирожад̇и. яасмаасса бхаг̇авад̇аа сависзсам̣ вирожанам̣ логз баагадабхааван̃жа д̣̇ассзд̇ум̣ ‘‘ж̇алам̣ аг̇г̇ийва бхаасад̇ий’’д̇и вуд̇д̇ам̣, д̇асмаа яад̣̇аа аг̇г̇и сависзсам̣ вирожад̇и, яад̇т̇а жа тид̇о д̣̇уурз тид̇аанамби бан̃н̃ааяад̇и, д̇ам̣ д̣̇ассанаад̣̇ивасзна д̇амад̇т̇ам̣ вибхаавзд̇ум̣ ‘‘рад̇д̇и’’нд̇иаад̣̇и вуд̇д̇ам̣.

    265.Jalanti jalanto. Aggīvāti aggikkhandho viya. Bhāsatīti virocati. Yasmāssa bhagavatā savisesaṃ virocanaṃ loke pākaṭabhāvañca dassetuṃ ‘‘jalaṃ aggīva bhāsatī’’ti vuttaṃ, tasmā yadā aggi savisesaṃ virocati, yattha ca ṭhito dūre ṭhitānampi paññāyati, taṃ dassanādivasena tamatthaṃ vibhāvetuṃ ‘‘ratti’’ntiādi vuttaṃ.

    ‘‘бхамарассзва ирийяад̇о’’д̇и зд̇знзвасса бхог̇асам̣харан̣ам̣ д̇хаммигам̣ н̃ааяобзд̇анд̇и д̣̇ассзнд̇о ‘‘ад̇д̇аанамбий’’д̇иаад̣̇имааха. раасим̣ гаронд̇ассаад̇и яат̇аасса д̇ханад̇хан̃н̃аад̣̇ибхог̇аж̇аад̇ам̣ самбин̣д̣ид̇ам̣ раасибхууд̇ам̣ худ̇ваа д̇идтад̇и, звам̣ ирийяад̇о ааяууханд̇асса жа. жаггаббамаан̣анд̇и рат̇ажаггаббамаан̣ам̣. нижаяанд̇и вуд̣дхим̣ баривуд̣дхим̣. ‘‘бхог̇аа саннижаяам̣ яанд̇ий’’д̇и гзжи батанд̇и.

    ‘‘Bhamarasseva irīyato’’ti etenevassa bhogasaṃharaṇaṃ dhammikaṃ ñāyopetanti dassento ‘‘attānampī’’tiādimāha. Rāsiṃ karontassāti yathāssa dhanadhaññādibhogajātaṃ sampiṇḍitaṃ rāsibhūtaṃ hutvā tiṭṭhati, evaṃ irīyato āyūhantassa ca. Cakkappamāṇanti rathacakkappamāṇaṃ. Nicayanti vuḍḍhiṃ parivuḍḍhiṃ. ‘‘Bhogā sannicayaṃ yantī’’ti keci paṭhanti.

    самаахад̇ваад̇и сам̣харид̇ваа. алам̣-сад̣̇д̣̇о ‘‘аламзва саб̣б̣асан̇каарзсу ниб̣б̣инд̣̇ид̇ум̣, алам̣ вираж̇ж̇ид̇у’’нд̇иаад̣̇ийсу (д̣̇ий. ни. 2.272; сам̣. ни. 2.124, 129, 134, 143) яуд̇д̇анд̇и имамад̇т̇ам̣ ж̇од̇зд̇и, ‘‘аламарияан̃аан̣ад̣̇ассанависзса’’нд̇иаад̣̇ийсу (ма. ни. 1.328) барияад̇д̇анд̇и. яо взтид̇ад̇д̇од̇иаад̣̇ийсу (су. ни. 217) вияа ад̇д̇а-сад̣̇д̣̇о сабхаавабарияааяод̇и д̇ам̣ саб̣б̣ам̣ д̣̇ассзнд̇о ‘‘яуд̇д̇асабхааво’’д̇иаад̣̇имааха. сан̣табзд̇унд̇и саммаа табзд̇ум̣, саммад̣̇зва бавад̇д̇зд̇унд̇и ад̇т̇о.

    Samāhatvāti saṃharitvā. Alaṃ-saddo ‘‘alameva sabbasaṅkhāresu nibbindituṃ, alaṃ virajjitu’’ntiādīsu (dī. ni. 2.272; saṃ. ni. 2.124, 129, 134, 143) yuttanti imamatthaṃ joteti, ‘‘alamariyañāṇadassanavisesa’’ntiādīsu (ma. ni. 1.328) pariyattanti. Yo veṭhitattotiādīsu (su. ni. 217) viya atta-saddo sabhāvapariyāyoti taṃ sabbaṃ dassento ‘‘yuttasabhāvo’’tiādimāha. Saṇṭhapetunti sammā ṭhapetuṃ, sammadeva pavattetunti attho.

    звам̣ вибхаж̇анд̇од̇и звам̣ вуд̇д̇анаязна ад̇д̇ано д̇ханам̣ жад̇уд̇хаа вибхаж̇анд̇о вибхаж̇анахзд̇у мид̇д̇аани г̇ант̇ад̇и сол̣аса галяаан̣амид̇д̇аани мзд̇д̇ааяа аж̇ийраабанзна баб̣анд̇хад̇и. д̇знааха ‘‘абхзж̇ж̇амаанаани табзд̇ий’’д̇и . гат̇ам̣ бана вуд̇д̇анаязна жад̇уд̇хаа бхог̇аанам̣ вибхаж̇анзна мид̇д̇аани г̇ант̇ад̇ийд̇и ааха ‘‘яасса хий’’д̇иаад̣̇и. д̇знааха бхаг̇аваа ‘‘д̣̇ад̣̇ам̣ мид̇д̇аани г̇ант̇ад̇ий’’д̇и (сам̣. ни. 1.246). бхун̃ж̇зяяаад̇и убабхун̃ж̇зяяа, убаяун̃ж̇зяяа жаад̇и ад̇т̇о. саман̣аб̣раахман̣агабан̣ад̣̇д̇хигаад̣̇ийнам̣ д̣̇аанавасзна жзва ад̇хивад̇т̇ад̣̇звад̇аад̣̇ийнам̣ бзд̇аб̣аливасзна, нхаабид̇аад̣̇ийнам̣ взд̇анавасзна жа винияог̇оби убаяог̇о зва. д̇ат̇аа хи вагкад̇и ‘‘имзсу банаа’’д̇иаад̣̇и ааяо наама хздтиманд̇зна ваяад̇о жад̇уг̇г̇ун̣о ижчид̇аб̣б̣о, ан̃н̃ат̇аа ваяо авижчзд̣̇авасзна на санд̇аанзяяа, нид̇хзяяа, бхааж̇зяяа жа асамбхад̇зд̇и вуд̇д̇ам̣ ‘‘д̣̇вийхи гаммам̣ баяож̇аяз’’д̇и. нид̇хзд̇ваад̇и нид̣̇ахид̇ваа, бхуумиг̇ад̇ам̣ гад̇ваад̇и ад̇т̇о. рааж̇аад̣̇ивасзнаад̇и аад̣̇и-сад̣̇д̣̇зна аг̇г̇иуд̣̇агажорад̣̇уб̣бхигкаад̣̇игз сан̇г̇ан̣хаад̇и. нхаабид̇аад̣̇ийнанд̇и аад̣̇и-сад̣̇д̣̇зна гулаалараж̇агаад̣̇ийнам̣ сан̇г̇ахо.

    Evaṃ vibhajantoti evaṃ vuttanayena attano dhanaṃ catudhā vibhajanto vibhajanahetu mittāni ganthati soḷasa kalyāṇamittāni mettāya ajīrāpanena pabandhati. Tenāha ‘‘abhejjamānāni ṭhapetī’’ti . Kathaṃ pana vuttanayena catudhā bhogānaṃ vibhajanena mittāni ganthatīti āha ‘‘yassa hī’’tiādi. Tenāha bhagavā ‘‘dadaṃ mittāni ganthatī’’ti (saṃ. ni. 1.246). Bhuñjeyyāti upabhuñjeyya, upayuñjeyya cāti attho. Samaṇabrāhmaṇakapaṇaddhikādīnaṃ dānavasena ceva adhivatthadevatādīnaṃ petabalivasena, nhāpitādīnaṃ vetanavasena ca viniyogopi upayogo eva. Tathā hi vakkhati ‘‘imesu panā’’tiādi āyo nāma heṭṭhimantena vayato catugguṇo icchitabbo, aññathā vayo avicchedavasena na santāneyya, nidheyya, bhājeyya ca asambhateti vuttaṃ ‘‘dvīhi kammaṃ payojaye’’ti. Nidhetvāti nidahitvā, bhūmigataṃ katvāti attho. Rājādivasenāti ādi-saddena aggiudakacoradubbhikkhādike saṅgaṇhāti. Nhāpitādīnanti ādi-saddena kulālarajakādīnaṃ saṅgaho.

    чад̣̇д̣̇исаабадижчаад̣̇анаган̣д̣аван̣н̣анаа

    Chaddisāpaṭicchādanakaṇḍavaṇṇanā

    266. жад̇уухи гааран̣зхийд̇и на чанд̣̇аг̇аманаад̣̇ийхи жад̇уухи гааран̣зхи . агусалам̣ бахааяаад̇и ‘‘жад̇д̇ааро гаммагилзсаа’’д̇и вуд̇д̇ам̣ агусалан̃жзва аг̇ад̇иг̇аманаагусалан̃жа баж̇ахид̇ваа. чахи гааран̣зхийд̇и сураабаанаад̣̇ийсу аад̣̇ийнавад̣̇ассанасан̇каад̇зхи чахи гааран̣зхи. сураабаанаануяог̇аад̣̇ибхзд̣̇ам̣ чаб̣б̣ид̇хам̣ бхог̇аанам̣ абааяамукам̣ винаасамукам̣ важ̇ж̇зд̇ваа. сол̣аса мид̇д̇аанийд̇и убагаараад̣̇ивасзна жад̇д̇ааро, бамад̇д̇арагкан̣аад̣̇игижжависзсавасзна бажжзгам̣ жад̇д̇ааро жад̇д̇ааро гад̇ваа сол̣асавид̇хз галяаан̣амид̇д̇з сзванд̇о бхаж̇анд̇о. сад̇т̇аваан̣иж̇ж̇аад̣̇имижчааж̇ийвам̣ бахааяа н̃ааязнзва вад̇д̇анад̇о д̇хаммигзна ааж̇ийвзна ж̇ийвад̇и. намассид̇аб̣б̣аад̇и убагааравасзна, г̇ун̣авасзна жа намассид̇аб̣б̣аа саб̣б̣ад̣̇аа над̇зна худ̇ваа вад̇д̇ид̇аб̣б̣аа. д̣̇исаа-сад̣̇д̣̇асса ад̇т̇о хздтаа вуд̇д̇о зва. ааг̇аманабхаяанд̇и д̇ад̇т̇а саммаа аббадибад̇д̇ияаа, мижчаабадибад̇д̇ияаа жа уббаж̇ж̇анагаанад̇т̇о. со хи бхааяанд̇и зд̇асмаад̇и ‘‘бхаяа’’нд̇и вужжад̇и. язна гааран̣зна маад̇аабид̇уаад̣̇аяо бурад̇т̇имаад̣̇ибхаавзна абад̣̇идтаа, д̇ам̣ д̣̇ассзд̇ум̣ ‘‘буб̣б̣убагаарид̇ааяаа’’д̇иаад̣̇и вуд̇д̇ам̣, д̇зна ад̇т̇асаригкад̇ааяа нзсам̣ бурад̇т̇имаад̣̇ибхаавод̇и д̣̇ассзд̇и. д̇ат̇аа хи маад̇аабид̇аро буд̇д̇аанам̣ бурад̇т̇имабхаавзна д̇аава убагаарибхаавзна д̣̇иссанад̇о, абад̣̇иссанад̇о жа бурад̇т̇имаа д̣̇исаа. аажарияаа анд̇зваасигасса д̣̇агкин̣абхаавзна, хид̇аахид̇ам̣ бад̇игусалабхаавзна д̣̇агкин̣аарахад̇ааяа жа вуд̇д̇анаязна д̣̇агкин̣аа д̣̇исаа. иминаа наязна ‘‘бажчимаа д̣̇исаа’’д̇иаад̣̇ийсу яат̇аарахам̣ ад̇т̇о взд̣̇ид̇аб̣б̣о. гхарааваасасса д̣̇угкаб̣ахулад̇ааяа д̇з д̇з жа гижжависзсаа яат̇аауббад̇ид̇ад̣̇угканид̇т̇аран̣ад̇т̇аад̇и вуд̇д̇ам̣ ‘‘д̇з д̇з д̣̇угкависзсз уд̇д̇арад̇ий’’д̇и. яасмаа д̣̇аасагаммагараа саамигасса баад̣̇аанам̣ баяирубаасанавасзна жзва д̇ад̣̇анужчавигагижжасаад̇ханавасзна жа язбхуяязна санд̇игааважараа, д̇асмаа вуд̇д̇ам̣ ‘‘баад̣̇амуулз бад̇идтаанавасзнаа’’д̇и. г̇ун̣зхийд̇и убарибхааваавахзхи г̇ун̣зхи. убари тид̇абхаавзнаад̇и саг̇г̇амаг̇г̇з могкамаг̇г̇з жа бад̇идтид̇абхаавзна.

    266.Catūhi kāraṇehīti na chandagamanādīhi catūhi kāraṇehi . Akusalaṃ pahāyāti ‘‘cattāro kammakilesā’’ti vuttaṃ akusalañceva agatigamanākusalañca pajahitvā. Chahi kāraṇehīti surāpānādīsu ādīnavadassanasaṅkhātehi chahi kāraṇehi. Surāpānānuyogādibhedaṃ chabbidhaṃ bhogānaṃ apāyamukhaṃ vināsamukhaṃ vajjetvā. Soḷasa mittānīti upakārādivasena cattāro, pamattarakkhaṇādikiccavisesavasena paccekaṃ cattāro cattāro katvā soḷasavidhe kalyāṇamitte sevanto bhajanto. Satthavāṇijjādimicchājīvaṃ pahāya ñāyeneva vattanato dhammikena ājīvena jīvati. Namassitabbāti upakāravasena, guṇavasena ca namassitabbā sabbadā natena hutvā vattitabbā. Disā-saddassa attho heṭṭhā vutto eva. Āgamanabhayanti tattha sammā appaṭipattiyā, micchāpaṭipattiyā ca uppajjanakaanattho. So hi bhāyanti etasmāti ‘‘bhaya’’nti vuccati. Yena kāraṇena mātāpituādayo puratthimādibhāvena apadiṭṭhā, taṃ dassetuṃ ‘‘pubbupakāritāyā’’tiādi vuttaṃ, tena atthasarikkhatāya nesaṃ puratthimādibhāvoti dasseti. Tathā hi mātāpitaro puttānaṃ puratthimabhāvena tāva upakāribhāvena dissanato, apadissanato ca puratthimā disā. Ācariyā antevāsikassa dakkhiṇabhāvena, hitāhitaṃ patikusalabhāvena dakkhiṇārahatāya ca vuttanayena dakkhiṇā disā. Iminā nayena ‘‘pacchimā disā’’tiādīsu yathārahaṃ attho veditabbo. Gharāvāsassa dukkhabahulatāya te te ca kiccavisesā yathāuppatitadukkhanittharaṇatthāti vuttaṃ ‘‘te te dukkhavisese uttaratī’’ti. Yasmā dāsakammakarā sāmikassa pādānaṃ payirupāsanavasena ceva tadanucchavikakiccasādhanavasena ca yebhuyyena santikāvacarā, tasmā vuttaṃ ‘‘pādamūle patiṭṭhānavasenā’’ti. Guṇehīti uparibhāvāvahehi guṇehi. Upari ṭhitabhāvenāti saggamagge mokkhamagge ca patiṭṭhitabhāvena.

    267. бхад̇од̇и босид̇о, д̇ам̣ бана бхаран̣ам̣ ж̇аад̇агаалад̇о бадтааяа сукабажжаяуубахаран̣зна д̣̇угкабажжаяаабахаран̣зна жа д̇зхи бавад̇д̇ид̇анд̇и д̣̇ассзд̇ум̣ ‘‘т̇ан̃н̃ам̣ бааязд̇ваа’’д̇иаад̣̇и вуд̇д̇ам̣. ж̇аг̇г̇ид̇од̇и бадиж̇аг̇г̇ид̇о. д̇зд̇и маад̇аабид̇аро.

    267.Bhatoti posito, taṃ pana bharaṇaṃ jātakālato paṭṭhāya sukhapaccayūpaharaṇena dukkhapaccayāpaharaṇena ca tehi pavattitanti dassetuṃ ‘‘thaññaṃ pāyetvā’’tiādi vuttaṃ. Jaggitoti paṭijaggito. Teti mātāpitaro.

    маад̇аабид̇уунам̣ санд̇агам̣ кзд̇д̇аад̣̇им̣ авинаасзд̇ваа рагкид̇ам̣ д̇зсам̣ барамбарааяа тид̇ияаа гааран̣ам̣ ход̇ийд̇и ‘‘д̇ам̣ рагканд̇о гулавам̣сам̣ сан̣табзд̇и наамаа’’д̇и вуд̇д̇ам̣. ад̇хаммигавам̣сад̇од̇и ‘‘гулаббад̣̇зсаад̣̇инаа ад̇д̇анаа сад̣̇исам̣ згам̣ бурисам̣ гхадзд̇ваа ваа г̇ийвааяам̣ ваа хад̇т̇з ваа б̣анд̇хаман̣ияам̣ ваа хаарзд̇аб̣б̣а’’нд̇и звам̣ аад̣̇инаа бавад̇д̇аад̇хаммигабавзн̣ид̇о. хаарзд̇ваад̇и абанзд̇ваа д̇ам̣ г̇аахам̣ виссаж̇ж̇аабзд̇ваа. маад̇аабид̇аро д̇ад̇о г̇аахад̇о вивзжанзнзва хи ааяад̇им̣ д̇зсам̣ барамбараахааригаа сияаа. д̇хаммигавам̣сзд̇и хим̣саад̣̇ивирад̇ияаа д̇хаммигз вам̣сз д̇хаммигааяа бавзн̣ияам̣. табзнд̇од̇и бад̇идтабзнд̇о. салаагабхад̇д̇аад̣̇ийни анубажчинд̣̇ид̇ваад̇и салаагабхад̇д̇ад̣̇аанаад̣̇ийни авижчинд̣̇ид̇ваа.

    Mātāpitūnaṃ santakaṃ khettādiṃ avināsetvā rakkhitaṃ tesaṃ paramparāya ṭhitiyā kāraṇaṃ hotīti ‘‘taṃ rakkhanto kulavaṃsaṃ saṇṭhapeti nāmā’’ti vuttaṃ. Adhammikavaṃsatoti ‘‘kulappadesādinā attanā sadisaṃ ekaṃ purisaṃ ghaṭetvā vā gīvāyaṃ vā hatthe vā bandhamaṇiyaṃ vā hāretabba’’nti evaṃ ādinā pavattaadhammikapaveṇito. Hāretvāti apanetvā taṃ gāhaṃ vissajjāpetvā. Mātāpitaro tato gāhato vivecaneneva hi āyatiṃ tesaṃ paramparāhārikā siyā. Dhammikavaṃseti hiṃsādiviratiyā dhammike vaṃse dhammikāya paveṇiyaṃ. Ṭhapentoti patiṭṭhapento. Salākabhattādīni anupacchinditvāti salākabhattadānādīni avicchinditvā.

    д̣̇ааяаж̇ж̇ам̣ бадибаж̇ж̇аамийд̇и зд̇т̇а яасмаа д̣̇ааяабадилаабхасса яог̇яабхаавзна вад̇д̇амааноязва д̣̇ааяаж̇ж̇ам̣ бадибаж̇ж̇ад̇и наама, на ид̇аро, д̇асмаа д̇амад̇т̇ам̣ д̣̇ассзд̇ум̣ ‘‘маад̇аабид̇аро’’д̇иаад̣̇и вуд̇д̇ам̣. д̣̇аарагзд̇и буд̇д̇з. винижчаяам̣ бад̇ваад̇и ‘‘буд̇д̇асса жаж̇ависсаж̇ж̇ана’’нд̇и звам̣ ааг̇ад̇ам̣ винижчаяам̣ ааг̇амма. д̣̇ааяаж̇ж̇ам̣ бадибаж̇ж̇аамийд̇и вуд̇д̇анд̇и ‘‘д̣̇ааяаж̇ж̇ам̣ бадибаж̇ж̇аамий’’ д̇и ид̣̇ам̣ жад̇уд̇т̇ам̣ вад̇д̇анадтаанам̣ вуд̇д̇ам̣. д̇зсанд̇и маад̇аабид̇уунам̣. д̇ад̇ияад̣̇ивасад̇о бадтааяаад̇и мад̇ад̣̇ивасад̇о д̇ад̇ияад̣̇ивасад̇о бадтааяа.

    Dāyajjaṃ paṭipajjāmīti ettha yasmā dāyapaṭilābhassa yogyabhāvena vattamānoyeva dāyajjaṃ paṭipajjati nāma, na itaro, tasmā tamatthaṃ dassetuṃ ‘‘mātāpitaro’’tiādi vuttaṃ. Dāraketi putte. Vinicchayaṃ patvāti ‘‘puttassa cajavissajjana’’nti evaṃ āgataṃ vinicchayaṃ āgamma. Dāyajjaṃ paṭipajjāmīti vuttanti ‘‘dāyajjaṃ paṭipajjāmī’’ ti idaṃ catutthaṃ vattanaṭṭhānaṃ vuttaṃ. Tesanti mātāpitūnaṃ. Tatiyadivasato paṭṭhāyāti matadivasato tatiyadivasato paṭṭhāya.

    баабад̇о нивааран̣ам̣ наама анааг̇ад̇ависаяам̣. самбад̇д̇авад̇т̇уд̇оби хи нивааран̣ам̣ вийд̇иггамз анааг̇ад̇з зва сияаа, на вад̇д̇амаанз. ниб̣б̣ад̇д̇ид̇аа бана баабагирияаа г̇арахан̣амад̇д̇абадигаараад̇и ааха ‘‘гад̇амби г̇араханд̇ий’’д̇и. нивзсзнд̇ийд̇и бад̇идтабзнд̇и. вуд̇д̇аббагаараа маад̇аабид̇аро анаваж̇ж̇амзва сиббам̣ сигкаабзнд̇ийд̇и вуд̇д̇ам̣ ‘‘муд̣̇д̣̇ааг̇ан̣анаад̣̇исибба’’нд̇и. руубаад̣̇ийхийд̇и аад̣̇и-сад̣̇д̣̇зна бхог̇абариваараад̣̇им̣ сан̇г̇ан̣хаад̇и. ануруубзнаад̇и анужчавигзна.

    Pāpato nivāraṇaṃ nāma anāgatavisayaṃ. Sampattavatthutopi hi nivāraṇaṃ vītikkame anāgate eva siyā, na vattamāne. Nibbattitā pana pāpakiriyā garahaṇamattapaṭikārāti āha ‘‘katampi garahantī’’ti. Nivesentīti patiṭṭhapenti. Vuttappakārā mātāpitaro anavajjameva sippaṃ sikkhāpentīti vuttaṃ ‘‘muddāgaṇanādisippa’’nti. Rūpādīhīti ādi-saddena bhogaparivārādiṃ saṅgaṇhāti. Anurūpenāti anucchavikena.

    нижжабхууд̇о самаяо абхин̣хагаран̣агаало. абхин̣хад̇т̇о хи аяам̣ нижжа-сад̣̇д̣̇о ‘‘нижжабахам̣сид̇о нижжабахадто’’д̇иаад̣̇ийсу вияа. яуд̇д̇абад̇д̇агаало зва самаяо гааласамаяо. ‘‘удтааяа самудтааяаа’’д̇и иминаасса нижжамзва д̣̇аанз д̇зсам̣ яуд̇д̇абаяуд̇д̇ад̇ам̣ д̣̇ассзд̇и. сикаатабанам̣ д̣̇аарагагаалз. ааваахавиваахам̣ буд̇д̇ад̇хийд̇уунам̣ яоб̣б̣анаббад̇д̇агаалз.

    Niccabhūto samayo abhiṇhakaraṇakālo. Abhiṇhattho hi ayaṃ nicca-saddo ‘‘niccapahaṃsito niccapahaṭṭho’’tiādīsu viya. Yuttapattakālo eva samayo kālasamayo. ‘‘Uṭṭhāya samuṭṭhāyā’’ti imināssa niccameva dāne tesaṃ yuttapayuttataṃ dasseti. Sikhāṭhapanaṃ dārakakāle. Āvāhavivāhaṃ puttadhītūnaṃ yobbanappattakāle.

    д̇ам̣ бхаяам̣ яат̇аа нааг̇ажчад̇и, звам̣ бихид̇аа ход̇и ‘‘бурад̇т̇имаа д̣̇исаа’’д̇и вибхад̇д̇им̣ барин̣аамзд̇ваа яож̇анаа. яат̇аа бана д̇ам̣ бхаяам̣ ааг̇ажчзяяа, яат̇аа жа нааг̇ажчзяяа, д̇ад̣̇убхаяам̣ д̣̇ассзд̇ум̣ ‘‘сажз хий’’д̇иаад̣̇и вуд̇д̇ам̣. виббадибаннаад̇и ‘‘бхад̇о нз бхариссаамий’’д̇иаад̣̇инаа уд̇д̇асаммаабадибад̇д̇ияаа агааран̣зна жзва д̇аббадибагкамижчаабадибад̇д̇ияаа агаран̣зна жа виббадибаннаа буд̇д̇аа ассу. зд̇ам̣ бхаяанд̇и зд̇ам̣ ‘‘маад̇аабид̇уунам̣ аббад̇ируубаад̇и вин̃н̃уунам̣ г̇арахид̇аб̣б̣ад̇аабхаяам̣, бараваад̣̇абхаяа’’нд̇и звамаад̣̇и ааг̇ажчзяяа буд̇д̇зсу. буд̇д̇аанам̣ наануруубаад̇и зд̇т̇а ‘‘буд̇д̇аана’’нд̇и бад̣̇ам̣ зд̇ам̣ бхаяам̣ буд̇д̇аанам̣ ааг̇ажчзяяаад̇и звам̣ ид̇хааби аанзд̇ваа самб̣анд̇хид̇аб̣б̣ам̣. д̇аад̣̇исаанан̃хи маад̇аабид̇уунам̣ буд̇д̇аанам̣ оваад̣̇аанусаасанияо д̣̇аад̇ум̣ самад̇т̇агаалад̇о бадтааяа д̇аа д̇зсам̣ д̣̇аад̇аб̣б̣аа зваад̇и гад̇ваа д̇ат̇аа вуд̇д̇ам̣. буд̇д̇аанан̃хи васзнааяам̣ д̣̇зсанаа анааг̇ад̇аа саммаабадибаннзсу убхосу ад̇д̇ано, маад̇аабид̇уунан̃жа васзна уббаж̇ж̇анагад̇ааяа саб̣б̣ам̣ бхаяам̣ на ход̇и саммаабадибаннад̇д̇аа. звам̣ бадибаннад̇д̇аа зва бадижчаннаа ход̇и д̇ад̇т̇а гаад̇аб̣б̣абадисант̇аарасса саммад̣̇зва гад̇ад̇д̇аа. кзмаад̇и анубад̣̇д̣̇аваа. яат̇аавуд̇д̇асаммаабадибад̇д̇ияаа агаран̣зна хи уббаж̇ж̇анагаубад̣̇д̣̇аваа гаран̣зна на хонд̇ийд̇и.

    Taṃ bhayaṃ yathā nāgacchati, evaṃ pihitā hoti ‘‘puratthimā disā’’ti vibhattiṃ pariṇāmetvā yojanā. Yathā pana taṃ bhayaṃ āgaccheyya, yathā ca nāgaccheyya, tadubhayaṃ dassetuṃ ‘‘sace hī’’tiādi vuttaṃ. Vippaṭipannāti ‘‘bhato ne bharissāmī’’tiādinā uttasammāpaṭipattiyā akāraṇena ceva tappaṭipakkhamicchāpaṭipattiyā akaraṇena ca vippaṭipannā puttā assu. Etaṃ bhayanti etaṃ ‘‘mātāpitūnaṃ appatirūpāti viññūnaṃ garahitabbatābhayaṃ, paravādabhaya’’nti evamādi āgaccheyya puttesu. Puttānaṃ nānurūpāti ettha ‘‘puttāna’’nti padaṃ etaṃ bhayaṃ puttānaṃ āgaccheyyāti evaṃ idhāpi ānetvā sambandhitabbaṃ. Tādisānañhi mātāpitūnaṃ puttānaṃ ovādānusāsaniyo dātuṃ samatthakālato paṭṭhāya tā tesaṃ dātabbā evāti katvā tathā vuttaṃ. Puttānañhi vasenāyaṃ desanā anāgatā sammāpaṭipannesu ubhosu attano, mātāpitūnañca vasena uppajjanakatāya sabbaṃ bhayaṃ na hoti sammāpaṭipannattā. Evaṃ paṭipannattā eva paṭicchannā hoti tattha kātabbapaṭisanthārassa sammadeva katattā. Khemāti anupaddavā. Yathāvuttasammāpaṭipattiyā akaraṇena hi uppajjanakaupaddavā karaṇena na hontīti.

    ‘‘на ко д̇з’’д̇иаад̣̇инаа вуд̇д̇о сан̇г̇ийд̇ианаарул̣хо бхаг̇авад̇аа д̇ад̣̇аа д̇асса вуд̇д̇о барамбарааг̇ад̇о ад̇т̇о взд̣̇ид̇аб̣б̣о. д̇знааха ‘‘бхаг̇аваа син̇г̇аалагам̣ зд̇ад̣̇авожаа’’д̇и. аяан̃хийд̇и зд̇т̇а хи-сад̣̇д̣̇о авад̇хааран̣з. д̇ат̇аа хи ‘‘но ан̃н̃аа’’д̇и ан̃н̃ад̣̇исам̣ нивад̇д̇зд̇и.

    ‘‘Na kho te’’tiādinā vutto saṅgītianāruḷho bhagavatā tadā tassa vutto paramparāgato attho veditabbo. Tenāha ‘‘bhagavā siṅgālakaṃ etadavocā’’ti. Ayañhīti ettha hi-saddo avadhāraṇe. Tathā hi ‘‘no aññā’’ti aññadisaṃ nivatteti.

    268. аажарияам̣ д̣̇уурад̇ова д̣̇исваа удтаанаважанзнзва д̇асса бажжуг̇г̇аманаад̣̇исаамийжигирияаа авуд̇д̇асид̣̇д̇хаад̇и д̇ам̣ д̣̇ассзнд̇о ‘‘бажжуг̇г̇аманам̣ гад̇ваа’’д̇иаад̣̇имааха. убадтаанзнаад̇и баяирубаасанзна. д̇игкад̇д̇ум̣убадтаанаг̇аманзнаад̇и баад̇о, маж̇жханхигз, сааяанд̇и д̇ийсу гаалзсу убадтаанад̇т̇ам̣ убаг̇аманзна. сиббуг̇г̇ахан̣ад̇т̇ам̣ бана убаг̇аманам̣ убадтаананд̇ог̇ад̇хам̣ баяож̇анавасзна г̇аманабхаавад̇од̇и ааха ‘‘сиббуг̇г̇ахан̣а…бз… ход̇ий’’д̇и. сод̇ум̣ ижчаа суссуусаа, саа бана аажарияз сигкид̇аб̣б̣асигкз жа аад̣̇араг̇ааравабуб̣б̣игаа ижчид̇аб̣б̣аа ‘‘ад̣̇д̇хаа иминаа сиббзна сигкид̇зна зваруубам̣г̇ун̣ам̣ бадилабхиссаамий’’д̇и. д̇ат̇аабхууд̇ан̃жа д̇ам̣ саванам̣ сад̣̇д̇хаабуб̣б̣ан̇г̇амам̣ ход̇ийд̇и ааха ‘‘сад̣̇д̣̇ахид̇ваа саванзнаа’’д̇и. вуд̇д̇амзвад̇т̇ам̣ б̣яад̇ирзгавасзна д̣̇ассзд̇ум̣ ‘‘асад̣̇д̣̇ахид̇ваа…бз… наад̇хиг̇ажчад̇ий’’д̇и вуд̇д̇ам̣. д̇асмаа д̇ассад̇т̇о вуд̇д̇абадибагканаязна взд̣̇ид̇аб̣б̣о. яам̣ санд̇хааяа ‘‘авасзсакуд̣̇д̣̇агабаарижарияааяаа’’д̇и вуд̇д̇ам̣, д̇ам̣ вибхаж̇анам̣ анавасзсад̇о д̣̇ассзд̇ум̣ ‘‘анд̇зваасигзна хий’’д̇иаад̣̇и вуд̇д̇ам̣. бажжубадтаанаад̣̇ийнийд̇и аад̣̇и-сад̣̇д̣̇зна аасанабан̃н̃аабанам̣ б̣ийж̇ананд̇и звамаад̣̇им̣ сан̇г̇ан̣хаад̇и. анд̇зваасигавад̇д̇анд̇и анд̇зваасигзна аажарияамхи саммаавад̇д̇ид̇аб̣б̣авад̇д̇ам̣. сиббабадиг̇г̇ахан̣знаад̇и сиббаг̇ант̇асса саггажжам̣ уг̇г̇ахан̣зна. д̇асса хи судту уг̇г̇ахан̣зна д̇ад̣̇анусаарзнасса баяог̇оби саммад̣̇зва уг̇г̇ахид̇о ход̇ийд̇и. д̇знааха ‘‘т̇огам̣ г̇ахзд̇ваа’’д̇иаад̣̇и.

    268. Ācariyaṃ dūratova disvā uṭṭhānavacaneneva tassa paccuggamanādisāmīcikiriyā avuttasiddhāti taṃ dassento ‘‘paccuggamanaṃ katvā’’tiādimāha. Upaṭṭhānenāti payirupāsanena. Tikkhattuṃupaṭṭhānagamanenāti pāto, majjhanhike, sāyanti tīsu kālesu upaṭṭhānatthaṃ upagamanena. Sippuggahaṇatthaṃ pana upagamanaṃ upaṭṭhānantogadhaṃ payojanavasena gamanabhāvatoti āha ‘‘sippuggahaṇa…pe… hotī’’ti. Sotuṃ icchā sussūsā, sā pana ācariye sikkhitabbasikkhe ca ādaragāravapubbikā icchitabbā ‘‘addhā iminā sippena sikkhitena evarūpaṃguṇaṃ paṭilabhissāmī’’ti. Tathābhūtañca taṃ savanaṃ saddhāpubbaṅgamaṃ hotīti āha ‘‘saddahitvā savanenā’’ti. Vuttamevatthaṃ byatirekavasena dassetuṃ ‘‘asaddahitvā…pe… nādhigacchatī’’ti vuttaṃ. Tasmā tassattho vuttapaṭipakkhanayena veditabbo. Yaṃ sandhāya ‘‘avasesakhuddakapāricariyāyā’’ti vuttaṃ, taṃ vibhajanaṃ anavasesato dassetuṃ ‘‘antevāsikena hī’’tiādi vuttaṃ. Paccupaṭṭhānādīnīti ādi-saddena āsanapaññāpanaṃ bījananti evamādiṃ saṅgaṇhāti. Antevāsikavattanti antevāsikena ācariyamhi sammāvattitabbavattaṃ. Sippapaṭiggahaṇenāti sippaganthassa sakkaccaṃ uggahaṇena. Tassa hi suṭṭhu uggahaṇena tadanusārenassa payogopi sammadeva uggahito hotīti. Tenāha ‘‘thokaṃ gahetvā’’tiādi.

    сувинийд̇ам̣ винзнд̇ийд̇и ид̇ха аажааравинаяо ад̇хиббзд̇о. сиббасмим̣ бана сигкаабанавинаяо ‘‘суг̇г̇ахид̇ам̣ г̇аахаабзнд̇ий’’д̇и иминаава сан̇г̇ахид̇од̇и вуд̇д̇ам̣ ‘‘звам̣ д̇з нисийд̣̇ид̇аб̣б̣а’’нд̇иаад̣̇и. аажарияаа хи наама анд̇зваасигз на д̣̇идтад̇хаммигз зва винзнд̇и, ат̇а ко самбарааяигзбийд̇и ааха ‘‘баабамид̇д̇аа важ̇ж̇зд̇аб̣б̣аа’’д̇и. сиббаг̇ант̇асса уг̇г̇ан̣ханам̣ наама яаавад̣̇зва баяог̇асамбаад̣̇анад̇т̇анд̇и ааха ‘‘баяог̇ам̣ д̣̇ассзд̇ваа г̇ан̣хаабзнд̇ий’’д̇и. мид̇д̇аамажжзсууд̇и ад̇д̇ано мид̇д̇аамажжзсу. бадияаад̣̇знд̇ийд̇и бариг̇г̇ахзд̇ваа нам̣ мамад̇д̇авасзна бадияаад̣̇знд̇и. ‘‘аяам̣ амхаагам̣ анд̇зваасиго’’д̇иаад̣̇инаа хи ад̇д̇ано бариг̇г̇ахид̇ад̣̇ассанамукзна жзва ‘‘б̣ахуссуд̇о’’д̇иаад̣̇инаа д̇асса г̇ун̣абариг̇г̇ан̣ханамукз жа д̇ам̣ д̇зсам̣ бадияаад̣̇знд̇и. саб̣б̣ад̣̇исаасу рагкам̣ гаронд̇и жаад̇уд̣̇д̣̇исабхаавасамбаад̣̇анзнасса саб̣б̣ад̇т̇а сукаж̇ийвибхаавасаад̇ханад̇о. д̇знааха ‘‘уг̇г̇ахид̇асиббо хий’’д̇иаад̣̇и. сад̇д̇аанан̃хи д̣̇увид̇хаа сарийрарагкаа аб̣бханд̇арабариссаяабадигхаад̇зна, б̣аахирабариссаяабадигхаад̇зна жа. д̇ад̇т̇а аб̣бханд̇арабариссаяо куббибаасаад̣̇ибхзд̣̇о, со лаабхасид̣̇д̇хияаа бадихан̃н̃ад̇и д̇ааяа д̇аж̇ж̇аабарихаарасам̣вид̇хаанад̇о. б̣аахирабариссаяо жораамануссаад̣̇ихзд̇уго, со виж̇ж̇аасид̣̇д̇хияаа бадихан̃н̃ад̇и д̇ааяа д̇аж̇ж̇аабарихаарасам̣вид̇хаанад̇о. д̇зна вуд̇д̇ам̣ ‘‘яам̣ яам̣ д̣̇иса’’нд̇иаад̣̇и.

    Suvinītaṃ vinentīti idha ācāravinayo adhippeto. Sippasmiṃ pana sikkhāpanavinayo ‘‘suggahitaṃ gāhāpentī’’ti imināva saṅgahitoti vuttaṃ ‘‘evaṃ te nisīditabba’’ntiādi. Ācariyā hi nāma antevāsike na diṭṭhadhammike eva vinenti, atha kho samparāyikepīti āha ‘‘pāpamittā vajjetabbā’’ti. Sippaganthassa uggaṇhanaṃ nāma yāvadeva payogasampādanatthanti āha ‘‘payogaṃ dassetvā gaṇhāpentī’’ti. Mittāmaccesūti attano mittāmaccesu. Paṭiyādentīti pariggahetvā naṃ mamattavasena paṭiyādenti. ‘‘Ayaṃ amhākaṃ antevāsiko’’tiādinā hi attano pariggahitadassanamukhena ceva ‘‘bahussuto’’tiādinā tassa guṇapariggaṇhanamukhe ca taṃ tesaṃ paṭiyādenti. Sabbadisāsu rakkhaṃ karonti cātuddisabhāvasampādanenassa sabbattha sukhajīvibhāvasādhanato. Tenāha ‘‘uggahitasippo hī’’tiādi. Sattānañhi duvidhā sarīrarakkhā abbhantaraparissayapaṭighātena, bāhiraparissayapaṭighātena ca. Tattha abbhantaraparissayo khuppipāsādibhedo, so lābhasiddhiyā paṭihaññati tāya tajjāparihārasaṃvidhānato. Bāhiraparissayo coraamanussādihetuko, so vijjāsiddhiyā paṭihaññati tāya tajjāparihārasaṃvidhānato. Tena vuttaṃ ‘‘yaṃ yaṃ disa’’ntiādi.

    буб̣б̣з ‘‘уг̇г̇ахид̇асиббо хий’’д̇иаад̣̇инаа сиббасигкаабанзнзва лаабхуббад̇д̇ияаа д̣̇исаасу барид̇д̇аан̣агаран̣ам̣ д̣̇ассид̇ам̣, ид̣̇аани ‘‘яам̣ ваа со’’д̇иаад̣̇инаа д̇асса уг̇г̇ахид̇асиббасса нибпад̇д̇ивасзна г̇ун̣агид̇д̇анамукзна баг̇г̇ан̣ханзнаби лаабхуббад̇д̇ияаад̇и аяамзд̇зсам̣ вигаббаанам̣ бхзд̣̇о. сзсанд̇и ‘‘бадижчаннаа ход̇ий’’д̇иаад̣̇игам̣ баал̣иааг̇ад̇ам̣, ‘‘зван̃жа бана вад̇ваа’’д̇иаад̣̇игам̣ адтагат̇ааг̇ад̇ан̃жа. зд̇т̇аад̇и зд̇асмим̣ д̣̇уд̇ияад̣̇исааваарз. буриманаязнзваад̇и буб̣б̣з батамад̣̇исааваарз вуд̇д̇анаязнзва.

    Pubbe ‘‘uggahitasippo hī’’tiādinā sippasikkhāpaneneva lābhuppattiyā disāsu parittāṇakaraṇaṃ dassitaṃ, idāni ‘‘yaṃ vā so’’tiādinā tassa uggahitasippassa nipphattivasena guṇakittanamukhena paggaṇhanenapi lābhuppattiyāti ayametesaṃ vikappānaṃ bhedo. Sesanti ‘‘paṭicchannā hotī’’tiādikaṃ pāḷiāgataṃ, ‘‘evañca pana vatvā’’tiādikaṃ aṭṭhakathāgatañca. Etthāti etasmiṃ dutiyadisāvāre. Purimanayenevāti pubbe paṭhamadisāvāre vuttanayeneva.

    269. саммаананаа наама самбхааванаа, саа бана ад̇т̇ажарияаалагкан̣аа жа д̣̇ааналагкан̣аа жа жад̇уд̇т̇абан̃жамадтаанзхзва сан̇г̇ахид̇аад̇и бияаважаналагкан̣ам̣ д̇ам̣ д̣̇ассзд̇ум̣ ‘‘самбхаавид̇агат̇аагат̇анзнаа’’д̇и вуд̇д̇ам̣. виг̇ад̇амаананаа вимаананаа, на вимаананаа авимаананаа, вимаананааяа агаран̣ам̣. д̇знааха ‘‘яат̇аа д̣̇аасагаммагараад̣̇аяо’’д̇иаад̣̇и. саамигзна хи вимаанид̇аанам̣ ид̇т̇ийнам̣ саб̣б̣о бариж̇ано вимаанзд̇иязва . барижаранд̇од̇и инд̣̇рияаани барижаранд̇о. д̇ам̣ ад̇ижарад̇и наама д̇ам̣ ад̇д̇ано г̇ихиним̣ ад̇иман̃н̃ид̇ваа аг̇ан̣зд̇ваа вад̇д̇анад̇о. иссарияавоссаг̇г̇знаад̇и зд̇т̇а яаад̣̇исо иссарияавоссаг̇г̇о г̇ихинияаа анужчавиго, д̇ам̣ д̣̇ассзнд̇о ‘‘бхад̇д̇аг̇зхз виссадтз’’д̇и ааха. г̇зхз зва тад̇ваа вижаарзд̇аб̣б̣амби хи гасиваан̣иж̇ж̇аад̣̇игаммам̣ гулид̇т̇ияаа бхааро на ход̇и, саамигассзва бхааро, д̇ад̇о ааг̇ад̇асаабад̇зяяам̣ бана д̇ааяа суг̇уд̇д̇ам̣ гад̇ваа табзд̇аб̣б̣ам̣ ход̇и. ‘‘саб̣б̣ам̣ иссарияам̣ виссадтам̣ наама ход̇ий’’д̇и зд̇аа ман̃н̃анд̇ийд̇и ад̇хиббааяо. ид̇т̇ияо наама буд̇д̇алаабхзна вияа махаг̇гхавибулаалан̇гааралаабхзнаби на санд̇уссанд̇зваад̇и д̇аасам̣ д̇осанам̣ алан̇гаарад̣̇аананд̇и ааха ‘‘ад̇д̇ано вибхаваануруубзнаа’’д̇и.

    269.Sammānanā nāma sambhāvanā, sā pana atthacariyālakkhaṇā ca dānalakkhaṇā ca catutthapañcamaṭṭhāneheva saṅgahitāti piyavacanalakkhaṇaṃ taṃ dassetuṃ ‘‘sambhāvitakathākathanenā’’ti vuttaṃ. Vigatamānanā vimānanā, na vimānanā avimānanā, vimānanāya akaraṇaṃ. Tenāha ‘‘yathā dāsakammakarādayo’’tiādi. Sāmikena hi vimānitānaṃ itthīnaṃ sabbo parijano vimānetiyeva . Paricarantoti indriyāni paricaranto. Taṃ aticarati nāma taṃ attano gihiniṃ atimaññitvā agaṇetvā vattanato. Issariyavossaggenāti ettha yādiso issariyavossaggo gihiniyā anucchaviko, taṃ dassento ‘‘bhattagehe vissaṭṭhe’’ti āha. Gehe eva ṭhatvā vicāretabbampi hi kasivāṇijjādikammaṃ kulitthiyā bhāro na hoti, sāmikasseva bhāro, tato āgatasāpateyyaṃ pana tāya suguttaṃ katvā ṭhapetabbaṃ hoti. ‘‘Sabbaṃ issariyaṃ vissaṭṭhaṃ nāma hotī’’ti etā maññantīti adhippāyo. Itthiyo nāma puttalābhena viya mahagghavipulālaṅkāralābhenapi na santussantevāti tāsaṃ tosanaṃ alaṅkāradānanti āha ‘‘attano vibhavānurūpenā’’ti.

    гулид̇т̇ияаа сам̣вихид̇аб̣б̣агамманд̇аа наама аахаарасамбаад̣̇анавижаараббагаараад̇и ааха ‘‘яааг̇убхад̇д̇абажанагаалаад̣̇ийний’’д̇иаад̣̇и. саммаананаад̣̇ийхи яат̇аарахам̣ бияаважанзхи жзва бхож̇анад̣̇аанаад̣̇ийхи жа бахзн̣агабзсанаад̣̇ийхи ан̃н̃ад̇о, д̇ад̇т̇зва ваа уббаннасса бан̣н̣аагаарасса чан̣ад̣̇ивасаад̣̇ийсу бзсзд̇аб̣б̣абияабхан̣д̣зхи жа сан̇г̇ахид̇абариж̇анаа. г̇зхасааминияаа анд̇ог̇зхаж̇ано нижжам̣ сан̇г̇ахид̇о зваад̇и вуд̇д̇ам̣ ‘‘ид̇ха бариж̇ано наама…бз… н̃аад̇иж̇ано’’д̇и. аабхад̇ад̇хананд̇и б̣аахирад̇о анд̇ог̇зхам̣ бавзсид̇ад̇ханам̣. г̇ихинияаа наама батамам̣ аахаарасамбаад̣̇анз госаллам̣ ижчид̇аб̣б̣ам̣, д̇ад̇т̇а жа яуд̇д̇абаяуд̇д̇ад̇аа, д̇ад̇о саамигасса ид̇т̇иж̇анааяад̇д̇зсу гижжаагижжзсу, д̇ад̇о буд̇д̇аанам̣ бариж̇анасса гаад̇аб̣б̣агижжзсууд̇и ааха ‘‘яааг̇убхад̇д̇асамбаад̣̇анаад̣̇ийсуу’’д̇иаад̣̇и. ‘‘ниггосаж̇ж̇аа’’д̇и вад̇ваа д̇амзва ниггосаж̇ж̇ад̇ам̣ б̣яад̇ирзгад̇о, анваяад̇о жа вибхаавзд̇ум̣ ‘‘яат̇аа’’д̇иаад̣̇и вуд̇д̇ам̣. ид̇хаад̇и имасмим̣ д̇ад̇ияад̣̇исааваарз. буриманаязнзваад̇и батамад̣̇исааваарз вуд̇д̇анаязнзва. ид̇и бхаг̇аваа ‘‘бажчимаа д̣̇исаа буд̇д̇ад̣̇аараа’’д̇и уд̣̇д̣̇исид̇вааби д̣̇ааравасзнзва бажчимам̣ д̣̇исам̣ виссаж̇ж̇зси, на буд̇д̇авасзна. гасмаа? буд̇д̇аа хи д̣̇аарагагаалз ад̇д̇ано маад̇у ануг̇г̇ан̣ханзнзва ануг̇г̇ахид̇аа хонд̇и анугамбид̇аа, вин̃н̃уд̇ам̣ бад̇д̇агаалз бана яат̇аа д̇зби д̇ад̣̇аа ануг̇г̇ахзд̇аб̣б̣аа, свааяам̣ вид̇хи ‘‘баабаа ниваарзнд̇ий’’д̇иаад̣̇инаа батамад̣̇исааваарз д̣̇ассид̇о зваад̇и гим̣ буна виссаж̇ж̇анзнаад̇и. д̣̇аанаад̣̇исан̇г̇ахавад̇т̇уусу яам̣ вад̇д̇аб̣б̣ам̣, д̇ам̣ хздтаа вуд̇д̇амзваад̇и.

    Kulitthiyā saṃvihitabbakammantā nāma āhārasampādanavicārappakārāti āha ‘‘yāgubhattapacanakālādīnī’’tiādi. Sammānanādīhi yathārahaṃ piyavacanehi ceva bhojanadānādīhi ca paheṇakapesanādīhi aññato, tattheva vā uppannassa paṇṇākārassa chaṇadivasādīsu pesetabbapiyabhaṇḍehi ca saṅgahitaparijanā. Gehasāminiyā antogehajano niccaṃ saṅgahito evāti vuttaṃ ‘‘idha parijano nāma…pe… ñātijano’’ti. Ābhatadhananti bāhirato antogehaṃ pavesitadhanaṃ. Gihiniyā nāma paṭhamaṃ āhārasampādane kosallaṃ icchitabbaṃ, tattha ca yuttapayuttatā, tato sāmikassa itthijanāyattesu kiccākiccesu, tato puttānaṃ parijanassa kātabbakiccesūti āha ‘‘yāgubhattasampādanādīsū’’tiādi. ‘‘Nikkosajjā’’ti vatvā tameva nikkosajjataṃ byatirekato, anvayato ca vibhāvetuṃ ‘‘yathā’’tiādi vuttaṃ. Idhāti imasmiṃ tatiyadisāvāre. Purimanayenevāti paṭhamadisāvāre vuttanayeneva. Iti bhagavā ‘‘pacchimā disā puttadārā’’ti uddisitvāpi dāravaseneva pacchimaṃ disaṃ vissajjesi, na puttavasena. Kasmā? Puttā hi dārakakāle attano mātu anuggaṇhaneneva anuggahitā honti anukampitā, viññutaṃ pattakāle pana yathā tepi tadā anuggahetabbā, svāyaṃ vidhi ‘‘pāpā nivārentī’’tiādinā paṭhamadisāvāre dassito evāti kiṃ puna vissajjanenāti. Dānādisaṅgahavatthūsu yaṃ vattabbaṃ, taṃ heṭṭhā vuttamevāti.

    270. жад̇д̇аариби таанаани лан̇гхид̇ваа бан̃жамамзва таанам̣ виварид̇ум̣ ‘‘ависам̣ваад̣̇анад̇ааяаа’’д̇иаад̣̇и вуд̇д̇ам̣. д̇ад̇т̇а яасса яасса наамам̣ г̇ан̣хаад̇ийд̇и сахааяо ад̇т̇игабхаавзна яасса яасса вад̇т̇уно наамам̣ гат̇зд̇и. ависам̣ваад̣̇зд̇ваад̇и зд̇т̇а д̣̇увид̇хам̣ ависам̣ваад̣̇анам̣ ваажааяа, баяог̇зна жаад̇и д̇ам̣ д̣̇увид̇хамби д̣̇ассзд̇ум̣ ‘‘ид̣̇амбий’’д̇иаад̣̇и вуд̇д̇ам̣. ‘‘д̣̇аанзнаа’’д̇и жа ид̣̇ам̣ нид̣̇ассанамад̇д̇ам̣ д̣̇адтаб̣б̣ам̣ ид̇арасан̇г̇ахавад̇т̇увасзнаби ависам̣ваад̣̇зд̇ваа сан̇г̇ан̣ханасса лаб̣бханад̇о, ижчид̇аб̣б̣ад̇о жа. абараа бажчимаа баж̇аа абарабаж̇аа, абараабарам̣ уббаннаа ваа баж̇аа абарабаж̇аа. бадибууж̇анаа наама мамааяанаа, саггаарагирияаа жаад̇и д̇ад̣̇убхаяам̣ д̣̇ассзд̇ум̣ ‘‘гзлааяанд̇ий’’д̇иаад̣̇и вуд̇д̇ам̣. мамааяанд̇ийд̇и мамад̇д̇ам̣ гаронд̇и.

    270. Cattāripi ṭhānāni laṅghitvā pañcamameva ṭhānaṃ vivarituṃ ‘‘avisaṃvādanatāyā’’tiādi vuttaṃ. Tattha yassa yassa nāmaṃ gaṇhātīti sahāyo atthikabhāvena yassa yassa vatthuno nāmaṃ katheti. Avisaṃvādetvāti ettha duvidhaṃ avisaṃvādanaṃ vācāya, payogena cāti taṃ duvidhampi dassetuṃ ‘‘idampī’’tiādi vuttaṃ. ‘‘Dānenā’’ti ca idaṃ nidassanamattaṃ daṭṭhabbaṃ itarasaṅgahavatthuvasenapi avisaṃvādetvā saṅgaṇhanassa labbhanato, icchitabbato ca. Aparā pacchimā pajā aparapajā, aparāparaṃ uppannā vā pajā aparapajā. Paṭipūjanā nāma mamāyanā, sakkārakiriyā cāti tadubhayaṃ dassetuṃ ‘‘kelāyantī’’tiādi vuttaṃ. Mamāyantīti mamattaṃ karonti.

    271. яат̇ааб̣алам̣ гамманд̇асам̣вид̇хаанзнаад̇и д̣̇аасагаммагараанам̣ яат̇ааб̣алам̣ б̣алаануруубам̣ д̇зсам̣ д̇зсам̣ гамманд̇аанам̣ сам̣вид̣̇аханзна вижааран̣зна, гаараабанзнаад̇и ад̇т̇о. д̇знааха ‘‘д̣̇ахарзхий’’д̇иаад̣̇и. бхад̇д̇авзд̇анаануббад̣̇аанзнаад̇и д̇асса д̇асса д̣̇аасагаммагарасса ануруубам̣ бхад̇д̇асса, взд̇анасса жа бад̣̇аанзна . д̇знзвааха ‘‘аяам̣ куд̣̇д̣̇агабуд̇д̇о’’д̇иаад̣̇и. бхзсаж̇ж̇аад̣̇ийнийд̇и аад̣̇и-сад̣̇д̣̇зна саббааяаахааравасанадтаанаад̣̇им̣ сан̇г̇ан̣хаад̇и. саад̇абхааво зва расаанам̣ ажчарияад̇аад̇и ааха ‘‘ажчарияз мад̇хурарасз’’д̇и. д̇зсанд̇и д̣̇аасагаммагараанам̣. воссаж̇ж̇анзнаад̇и гаммагаран̣ад̇о виссаж̇ж̇анзна. взлам̣ н̃ад̇ваад̇и ‘‘бахаараавасзсо, убад̣дхабахаараавасзсо ваа д̣̇ивасо’’д̇и взлам̣ ж̇аанид̇ваа. яо гожи махуссаво чан̣о наама. гад̇д̇игуссаво, паг̇г̇ун̣уссавод̇и звам̣ нагкад̇д̇асаллагкид̇о махуссаво нагкад̇д̇ам̣. буб̣б̣удтааяид̇аа, бажчаанибаад̇ид̇аа жа махаасуд̣̇ассанз вуд̇д̇аа зваад̇и ид̇ха анаамадтаа.

    271.Yathābalaṃ kammantasaṃvidhānenāti dāsakammakarānaṃ yathābalaṃ balānurūpaṃ tesaṃ tesaṃ kammantānaṃ saṃvidahanena vicāraṇena, kārāpanenāti attho. Tenāha ‘‘daharehī’’tiādi. Bhattavetanānuppadānenāti tassa tassa dāsakammakarassa anurūpaṃ bhattassa, vetanassa ca padānena . Tenevāha ‘‘ayaṃ khuddakaputto’’tiādi. Bhesajjādīnīti ādi-saddena sappāyāhāravasanaṭṭhānādiṃ saṅgaṇhāti. Sātabhāvo eva rasānaṃ acchariyatāti āha ‘‘acchariye madhurarase’’ti. Tesanti dāsakammakarānaṃ. Vossajjanenāti kammakaraṇato vissajjanena. Velaṃ ñatvāti ‘‘pahārāvaseso, upaḍḍhapahārāvaseso vā divaso’’ti velaṃ jānitvā. Yo koci mahussavo chaṇo nāma. Kattikussavo, phagguṇussavoti evaṃ nakkhattasallakkhito mahussavo nakkhattaṃ.Pubbuṭṭhāyitā, pacchānipātitā ca mahāsudassane vuttā evāti idha anāmaṭṭhā.

    д̣̇иннаад̣̇ааяинод̇и буб̣б̣абад̣̇аавад̇хааран̣авасзна саавад̇хааран̣аважананд̇и авад̇хааран̣зна нивад̇д̇ид̇ам̣ д̣̇ассзд̇ум̣ ‘‘жоригааяа гин̃жи аг̇г̇ахзд̇ваа’’д̇и вуд̇д̇ам̣. д̇знааха ‘‘саамигзхи д̣̇иннассзва аад̣̇ааяино’’д̇и. на маяам̣ гин̃жи лабхаамаад̇и ануж̇жхааяид̇ваад̇и бадисзд̇хад̣̇ваязна д̇зхи лад̣̇д̇хаб̣б̣асса лаабхам̣ д̣̇ассзд̇и. ‘‘гим̣ зд̇асса гаммзна гад̇знаад̇и ануж̇жхааяид̇ваа’’д̇и ид̣̇ам̣ д̇удтахад̣̇аяад̇ааяа гааран̣ад̣̇ассанам̣ бадибагкад̣̇уурийбхаавад̇о. д̇удтахад̣̇аяад̇аад̣̇ассанамби гаммасса сугад̇агаарид̇ааяа гааран̣ад̣̇ассанам̣. гид̇д̇и зва ван̣н̣о гид̇д̇иван̣н̣о, д̇ам̣ гид̇д̇иван̣н̣ам̣ г̇ун̣агат̇ам̣ харанд̇и, д̇ам̣ д̇ам̣ д̣̇исам̣ убаахаранд̇ийд̇и гид̇д̇иван̣н̣ахараа. д̇ат̇аа д̇ат̇аа гид̇д̇зд̇аб̣б̣ад̇о хи гид̇д̇и , г̇ун̣о, д̇зсам̣ ван̣н̣анам̣ гат̇анам̣ ван̣н̣о. д̇знааха ‘‘г̇ун̣агат̇аахаарагаа’’д̇и.

    Dinnādāyinoti pubbapadāvadhāraṇavasena sāvadhāraṇavacananti avadhāraṇena nivattitaṃ dassetuṃ ‘‘corikāya kiñci aggahetvā’’ti vuttaṃ. Tenāha ‘‘sāmikehi dinnasseva ādāyino’’ti. Na mayaṃ kiñci labhāmāti anujjhāyitvāti paṭisedhadvayena tehi laddhabbassa lābhaṃ dasseti. ‘‘Kiṃ etassa kammena katenāti anujjhāyitvā’’ti idaṃ tuṭṭhahadayatāya kāraṇadassanaṃ paṭipakkhadūrībhāvato. Tuṭṭhahadayatādassanampi kammassa sukatakāritāya kāraṇadassanaṃ. Kitti eva vaṇṇo kittivaṇṇo, taṃ kittivaṇṇaṃ guṇakathaṃ haranti, taṃ taṃ disaṃ upāharantīti kittivaṇṇaharā. Tathā tathā kittetabbato hi kitti, guṇo, tesaṃ vaṇṇanaṃ kathanaṃ vaṇṇo. Tenāha ‘‘guṇakathāhārakā’’ti.

    272. гааран̣абхууд̇аа мзд̇д̇аа зд̇зсам̣ ад̇т̇ийд̇и мзд̇д̇аани, гааяагаммаад̣̇ийни. яаани бана д̇аани яат̇аа яат̇аа жа самбхаванд̇и, д̇ам̣ д̣̇ассзд̇ум̣ ‘‘д̇ад̇т̇аа’’д̇иаад̣̇и вуд̇д̇ам̣. ‘‘вихаараг̇амана’’нд̇иаад̣̇ийсу ‘‘мзд̇д̇ажид̇д̇ам̣ бажжубадтаабзд̇ваа’’д̇и бад̣̇ам̣ аахарид̇ваа яож̇зд̇аб̣б̣ам̣. анаавадад̣̇ваарад̇ааяаад̇и зд̇т̇а д̣̇ваарам̣ наама алобхаж̇жхаасаяад̇аа д̣̇аанасса мукабхаавад̇о. д̇асса сад̇о д̣̇зяяад̇хаммасса д̣̇аад̇угаамад̇аа анаавадад̇аа зван̃хи гхарамаавасанд̇о гулабуд̇д̇о г̇зхад̣̇ваарз бихид̇зби анаавадад̣̇вааро зва, ан̃н̃ат̇аа абихид̇зби гхарад̣̇ваарз аавадад̣̇вааро зваад̇и. д̇зна вуд̇д̇ам̣ ‘‘д̇ад̇т̇аа’’д̇иаад̣̇и. виварид̇вааби васанд̇од̇и важанасзсо. бид̣̇ахид̇ваабийд̇и зд̇т̇ааби зсзва наяо. ‘‘сийлаванд̇зсуу’’д̇и ид̣̇ам̣ бадиг̇г̇аахагад̇о д̣̇агкин̣ависуд̣̇д̇хид̣̇ассанад̇т̇ам̣ вуд̇д̇ам̣. гарун̣аакзд̇д̇зби д̣̇аанзна анаавадад̣̇ваарад̇аа зва. ‘‘санд̇ан̃н̃зваа’’д̇и иминаа асанд̇ам̣ над̇т̇иважанам̣ бужчид̇абадиважанам̣ вияа ижчид̇аб̣б̣ам̣ зваад̇и д̣̇ассзд̇и вин̃н̃уунам̣ ад̇т̇игаанам̣ жид̇д̇амад̣̇д̣̇авагаран̣ад̇о. ‘‘бурзбхад̇д̇ам̣ барибхун̃ж̇ид̇аб̣б̣ага’’нд̇и ид̣̇ам̣ яаавагаалигз зва аамисабхаавасса нирул̣хад̇ааяа вуд̇д̇ам̣.

    272. Kāraṇabhūtā mettā etesaṃ atthīti mettāni, kāyakammādīni. Yāni pana tāni yathā yathā ca sambhavanti, taṃ dassetuṃ ‘‘tatthā’’tiādi vuttaṃ. ‘‘Vihāragamana’’ntiādīsu ‘‘mettacittaṃ paccupaṭṭhāpetvā’’ti padaṃ āharitvā yojetabbaṃ. Anāvaṭadvāratāyāti ettha dvāraṃ nāma alobhajjhāsayatā dānassa mukhabhāvato. Tassa sato deyyadhammassa dātukāmatā anāvaṭatā evañhi gharamāvasanto kulaputto gehadvāre pihitepi anāvaṭadvāro eva, aññathā apihitepi gharadvāre āvaṭadvāro evāti. Tena vuttaṃ ‘‘tatthā’’tiādi. Vivaritvāpi vasantoti vacanaseso. Pidahitvāpīti etthāpi eseva nayo. ‘‘Sīlavantesū’’ti idaṃ paṭiggāhakato dakkhiṇavisuddhidassanatthaṃ vuttaṃ. Karuṇākhettepi dānena anāvaṭadvāratā eva. ‘‘Santaññevā’’ti iminā asantaṃ natthivacanaṃ pucchitapaṭivacanaṃ viya icchitabbaṃ evāti dasseti viññūnaṃ atthikānaṃ cittamaddavakaraṇato. ‘‘Purebhattaṃ paribhuñjitabbaka’’nti idaṃ yāvakālike eva āmisabhāvassa niruḷhatāya vuttaṃ.

    ‘‘саб̣б̣з сад̇д̇аа’’д̇и ид̣̇ам̣ д̇зсам̣ саман̣аб̣раахман̣аанам̣ аж̇жхаасаяасамбад̇д̇ид̣̇ассанам̣ багкабаад̇аабхаавад̣̇ийбанад̇о, од̇хисо паран̣ааяаби мзд̇д̇аабхааванааяа лаб̣бханад̇о. яааяа гусалаабхивад̣дхиааган̇кааяа д̇зсам̣ убадтаагаанам̣, д̇ат̇аа нзсам̣ г̇зхабависанам̣, д̇ам̣ санд̇хааяааха ‘‘бависанд̇ааби галяаан̣зна жзд̇асаа анугамбанд̇и наамаа’’д̇и. суд̇асса барияод̣̇аабанам̣ наама д̇асса яаат̇аавад̇о ад̇т̇ам̣ вибхаавзд̇ваа вижигижчаад̇амавид̇хаманзна висод̇хананд̇и ааха ‘‘ад̇т̇ам̣ гат̇зд̇ваа ган̇кам̣ винод̣̇знд̇ий’’д̇и. саванам̣ наама д̇хаммасса яаавад̣̇зва саммаабадибаж̇ж̇анааяа асад̇и д̇асмим̣ д̇асса нирад̇т̇агабхаавад̇о, д̇асмаа суд̇асса барияод̣̇аабанам̣ наама саммаабадибаж̇ж̇аабананд̇и ааха ‘‘д̇ат̇ад̇д̇ааяа ваа бадибаж̇ж̇аабзнд̇ий’’д̇и.

    ‘‘Sabbe sattā’’ti idaṃ tesaṃ samaṇabrāhmaṇānaṃ ajjhāsayasampattidassanaṃ pakkhapātābhāvadīpanato, odhiso pharaṇāyapi mettābhāvanāya labbhanato. Yāya kusalābhivaḍḍhiākaṅkhāya tesaṃ upaṭṭhākānaṃ, tathā nesaṃ gehapavisanaṃ, taṃ sandhāyāha ‘‘pavisantāpi kalyāṇena cetasā anukampanti nāmā’’ti. Sutassa pariyodāpanaṃ nāma tassa yāthāvato atthaṃ vibhāvetvā vicikicchātamavidhamanena visodhananti āha ‘‘atthaṃ kathetvā kaṅkhaṃ vinodentī’’ti. Savanaṃ nāma dhammassa yāvadeva sammāpaṭipajjanāya asati tasmiṃ tassa niratthakabhāvato, tasmā sutassa pariyodāpanaṃ nāma sammāpaṭipajjāpananti āha ‘‘tathattāya vā paṭipajjāpentī’’ti.

    273. аламад̇д̇од̇и самад̇т̇асабхааво, со жа ад̇т̇ад̇о самад̇т̇о зваад̇и ‘‘аг̇аарам̣ аж̇жхаавасанасамад̇т̇о’’д̇и вуд̇д̇ам̣. д̣̇исаанамассанадтаанзд̇и яат̇аавуд̇д̇ад̣̇исаанам̣ бажжубадтаанасан̃н̃ид̇з намассанагааран̣з. бан̣д̣ид̇о худ̇ваа гусало чзго лабхад̇з яасанд̇и яож̇анаа. сан̣хаг̇ун̣аяог̇ад̇о сан̣хо, сан̣хаг̇ун̣од̇и банзд̇т̇а сукуманибун̣абан̃н̃аа, муд̣̇уваажаад̇и д̣̇ассзнд̇о ‘‘сукума…бз… бхан̣анзна ваа’’д̇и вуд̇д̇ам̣. д̣̇исаанамассанадтаанзнаад̇и язна н̃аан̣зна яат̇аавуд̇д̇аа ча д̣̇исаа вуд̇д̇анаязна бадибаж̇ж̇анд̇о намассад̇и наама, д̇ам̣ н̃аан̣ам̣ д̣̇исаанамассанадтаанам̣, д̇зна бадибхаанаваа. д̇зна хи д̇ам̣д̇ам̣гижжаяуд̇д̇абад̇д̇авасзна бадибаж̇ж̇анд̇о ид̇ха ‘‘бадибхаанаваа’’д̇и вуд̇д̇о. ниваад̇авуд̇д̇ийд̇и бан̣ибаад̇асийло. ад̇т̇ад̣̇д̇ход̇и на т̇ад̣̇д̇хо т̇амбхарахид̇од̇и жид̇д̇асса уд̣̇д̇хумаад̇алагкан̣зна т̇амбхид̇абхаавзна вирахид̇о. удтаанавийрияасамбаннод̇и гааяигзна вийриязна саманнааг̇ад̇о. ниранд̇арагаран̣авасзнаад̇и аарад̣̇д̇хасса гаммасса сад̇ад̇агаарид̇аавасзна. таануббад̇д̇ияаа бан̃н̃ааяаад̇и д̇асмим̣ д̇асмим̣ ад̇т̇агижжз убадтид̇з таанасо д̇ан̇кан̣з зва уббаж̇ж̇анагабан̃н̃ааяа.

    273.Alamattoti samatthasabhāvo, so ca atthato samattho evāti ‘‘agāraṃ ajjhāvasanasamattho’’ti vuttaṃ. Disānamassanaṭṭhāneti yathāvuttadisānaṃ paccupaṭṭhānasaññite namassanakāraṇe. Paṇḍito hutvā kusalo cheko labhate yasanti yojanā. Saṇhaguṇayogato saṇho, saṇhaguṇoti panettha sukhumanipuṇapaññā, muduvācāti dassento ‘‘sukhuma…pe… bhaṇanena vā’’ti vuttaṃ. Disānamassanaṭṭhānenāti yena ñāṇena yathāvuttā cha disā vuttanayena paṭipajjanto namassati nāma, taṃ ñāṇaṃ disānamassanaṭṭhānaṃ, tena paṭibhānavā. Tena hi taṃtaṃkiccayuttapattavasena paṭipajjanto idha ‘‘paṭibhānavā’’ti vutto. Nivātavuttīti paṇipātasīlo. Atthaddhoti na thaddho thambharahitoti cittassa uddhumātalakkhaṇena thambhitabhāvena virahito. Uṭṭhānavīriyasampannoti kāyikena vīriyena samannāgato. Nirantarakaraṇavasenāti āraddhassa kammassa satatakāritāvasena. Ṭhānuppattiyā paññāyāti tasmiṃ tasmiṃ atthakicce upaṭṭhite ṭhānaso taṅkhaṇe eva uppajjanakapaññāya.

    сан̇г̇ахагарод̇и яат̇аарахам̣ сад̇д̇аанам̣ сан̇г̇ан̣ханаго. мид̇д̇агарод̇и мид̇д̇абхаавагаро, со бана ад̇т̇ад̇о мид̇д̇з бариязсанаго наама ход̇ийд̇и вуд̇д̇ам̣ ‘‘мид̇д̇аг̇авзсано’’д̇и. яат̇аавуд̇д̇ам̣ вад̣̇ам̣ важанам̣ ж̇аанаад̇ийд̇и вад̣̇ан̃н̃ууд̇и ааха ‘‘буб̣б̣агааринаа вуд̇д̇аважанам̣ ж̇аанаад̇ий’’д̇и. ид̣̇аани д̇амзвад̇т̇ам̣ сан̇кзбзна вуд̇д̇ам̣ вид̇т̇ааравасзна д̣̇ассзд̇ум̣ ‘‘сахааяагассаа’’д̇иаад̣̇и вуд̇д̇ам̣. буб̣б̣з яат̇аабавад̇д̇ааяа ваажааяа ж̇аананз вад̣̇ан̃н̃уд̇ам̣ д̣̇ассзд̇ваа ид̣̇аани аагаарасаллагкан̣зна аббавад̇д̇ааяа ваажааяа ж̇аананзби вад̣̇ан̃н̃уд̇ам̣ д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. ‘‘язна язна ваа банаа’’д̇иаад̣̇инаа важанийяад̇т̇ад̇ам̣ вад̣̇ан̃н̃уу-сад̣̇д̣̇асса д̣̇ассзд̇и. нзд̇аад̇и яат̇аад̇хиббзд̇амад̇т̇ам̣ бажжагкад̇о баабзд̇аа. д̇знааха ‘‘д̇ам̣ д̇амад̇т̇ам̣ д̣̇ассзнд̇о бан̃н̃ааяа нзд̇аа’’д̇и. нзд̇и д̇ам̣ д̇амад̇т̇анд̇и аанзд̇ваа самб̣анд̇хо. бунаббунам̣ нзд̇ийд̇и ану ану нзд̇и, д̇ам̣ д̇амад̇т̇анд̇и аанзд̇ваа яож̇анаа.

    Saṅgahakaroti yathārahaṃ sattānaṃ saṅgaṇhanako. Mittakaroti mittabhāvakaro, so pana atthato mitte pariyesanako nāma hotīti vuttaṃ ‘‘mittagavesano’’ti. Yathāvuttaṃ vadaṃ vacanaṃ jānātīti vadaññūti āha ‘‘pubbakārinā vuttavacanaṃ jānātī’’ti. Idāni tamevatthaṃ saṅkhepena vuttaṃ vitthāravasena dassetuṃ ‘‘sahāyakassā’’tiādi vuttaṃ. Pubbe yathāpavattāya vācāya jānane vadaññutaṃ dassetvā idāni ākārasallakkhaṇena appavattāya vācāya jānanepi vadaññutaṃ dassetuṃ ‘‘apicā’’tiādi vuttaṃ. ‘‘Yena yena vā panā’’tiādinā vacanīyatthataṃ vadaññū-saddassa dasseti. Netāti yathādhippetamatthaṃ paccakkhato pāpetā. Tenāha ‘‘taṃ tamatthaṃ dassento paññāya netā’’ti. Neti taṃ tamatthanti ānetvā sambandho. Punappunaṃ netīti anu anu neti, taṃ tamatthanti ānetvā yojanā.

    д̇асмим̣ д̇асминд̇и д̇асмим̣ д̇асмим̣ д̣̇аанаад̣̇ийхи сан̇г̇ахзхи сан̇г̇ахзд̇аб̣б̣з буг̇г̇алз. аан̣ияаад̇и агкасийсаг̇ад̇ааяа аан̣ияаа. яааяад̇од̇и г̇ажчад̇о. буд̇д̇агааран̣аад̇и буд̇д̇анимид̇д̇ам̣. буд̇д̇ахзд̇уган̃хи буд̇д̇зна гад̇д̇аб̣б̣ам̣ маанам̣ ваа бууж̇ам̣ ваа.

    Tasmiṃ tasminti tasmiṃ tasmiṃ dānādīhi saṅgahehi saṅgahetabbe puggale. Āṇiyāti akkhasīsagatāya āṇiyā. Yāyatoti gacchato. Puttakāraṇāti puttanimittaṃ. Puttahetukañhi puttena kattabbaṃ mānaṃ vā pūjaṃ vā.

    убаяог̇аважанзд̇и убаяог̇ад̇т̇з. вужжад̇ийд̇и важанам̣, ад̇т̇о. убаяог̇аважанз ваа вад̇д̇аб̣б̣з. бажжад̇д̇анд̇и бажжад̇д̇аважанам̣. саммаа бзгканд̇ийд̇и саммад̣̇зва гаад̇аб̣б̣з бзгканд̇и. басам̣санийяаад̇и басам̣сид̇аб̣б̣аа. бхаванд̇и зд̇з сан̇г̇ахзд̇аб̣б̣з д̇ад̇т̇а буг̇г̇алз яат̇аарахам̣ бавад̇д̇знд̇аад̇и ад̇хиббааяо.

    Upayogavacaneti upayogatthe. Vuccatīti vacanaṃ, attho. Upayogavacane vā vattabbe. Paccattanti paccattavacanaṃ. Sammā pekkhantīti sammadeva kātabbe pekkhanti. Pasaṃsanīyāti pasaṃsitabbā. Bhavanti ete saṅgahetabbe tattha puggale yathārahaṃ pavattentāti adhippāyo.

    274. ‘‘ид̇и бхаг̇аваа’’д̇иаад̣̇и ниг̇аманам̣. яаа д̣̇исаад̇и яаа маад̇аабид̇уаад̣̇илагкан̣аа бурад̇т̇имаад̣̇ид̣̇исаа. намассаад̇и намассзяяаасийд̇и ад̇т̇о ‘‘яат̇аа гат̇ам̣ банаа’’д̇иаад̣̇игааяа г̇ахабад̇ибуд̇д̇асса бужчааяа васзна д̣̇зсанааяа аарад̣̇д̇хад̇д̇аа ‘‘бужчааяа тад̇ваа’’д̇и вуд̇д̇ам̣. агат̇ид̇ам̣ над̇т̇и г̇ихийхи гад̇д̇аб̣б̣агаммз аббамаад̣̇абадибад̇д̇ияаа анавасзсад̇о гат̇ид̇ад̇д̇аа. маад̇аабид̇уаад̣̇ийсу хи д̇зхи жа бадибаж̇ж̇ид̇аб̣б̣абадибад̇д̇ияаа ниравасзсад̇о гат̇анзнзва рааж̇аад̣̇ийсуби бадибаж̇ж̇ид̇аб̣б̣авид̇хи ад̇т̇ад̇о гат̇ид̇о зва ход̇ийд̇и. г̇ихино винийяанд̇и, винаяам̣ убзнд̇и зд̇знаад̇и г̇ихивинаяо. яат̇аанусидтанд̇и яат̇аа ид̇ха сад̇т̇аараа анусидтам̣ г̇ихижаарид̇д̇ам̣ , д̇ат̇аа д̇зна багаарзна д̇ам̣ авираад̇хзд̇ваа. бадибаж̇ж̇амаанасса вуд̣̇д̇хиязва баадиган̇каад̇и д̣̇идтад̇хаммигасамбарааяигабарамад̇т̇зхи вуд̣̇д̇хиязва ижчид̇аб̣б̣аа авассамбхаавинийд̇и.

    274.‘‘Iti bhagavā’’tiādi nigamanaṃ. Yā disāti yā mātāpituādilakkhaṇā puratthimādidisā. Namassāti namasseyyāsīti attho ‘‘yathā kathaṃ panā’’tiādikāya gahapatiputtassa pucchāya vasena desanāya āraddhattā ‘‘pucchāya ṭhatvā’’ti vuttaṃ. Akathitaṃ natthi gihīhi kattabbakamme appamādapaṭipattiyā anavasesato kathitattā. Mātāpituādīsu hi tehi ca paṭipajjitabbapaṭipattiyā niravasesato kathaneneva rājādīsupi paṭipajjitabbavidhi atthato kathito eva hotīti. Gihino vinīyanti, vinayaṃ upenti etenāti gihivinayo. Yathānusiṭṭhanti yathā idha satthārā anusiṭṭhaṃ gihicārittaṃ , tathā tena pakārena taṃ avirādhetvā. Paṭipajjamānassa vuddhiyeva pāṭikaṅkhāti diṭṭhadhammikasamparāyikaparamatthehi vuddhiyeva icchitabbā avassambhāvinīti.

    син̇г̇ааласуд̇д̇аван̣н̣анааяа лийнад̇т̇аббагаасанаа.

    Siṅgālasuttavaṇṇanāya līnatthappakāsanā.




    Next: 9. аадаанаадияасуд̇д̇аван̣н̣анаа • 9. Āṭānāṭiyasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 8. син̇г̇ааласуд̇д̇ам̣ • 8. Siṅgālasuttaṃ

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 8. син̇г̇ааласуд̇д̇аван̣н̣анаа • 8. Siṅgālasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact