Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೩೮೨. ಸಿರಿಕಾಳಕಣ್ಣಿಜಾತಕಂ (೬-೧-೭)
382. Sirikāḷakaṇṇijātakaṃ (6-1-7)
೪೦.
40.
ಕಾ ವಾ ತ್ವಂ ಕಸ್ಸ ವಾ ಧೀತಾ, ಕಥಂ ಜಾನೇಮು ತಂ ಮಯಂ॥
Kā vā tvaṃ kassa vā dhītā, kathaṃ jānemu taṃ mayaṃ.
೪೧.
41.
ಮಹಾರಾಜಸ್ಸಹಂ ಧೀತಾ, ವಿರೂಪಕ್ಖಸ್ಸ ಚಣ್ಡಿಯಾ।
Mahārājassahaṃ dhītā, virūpakkhassa caṇḍiyā;
ಅಹಂ ಕಾಳೀ ಅಲಕ್ಖಿಕಾ, ಕಾಳಕಣ್ಣೀತಿ ಮಂ ವಿದೂ।
Ahaṃ kāḷī alakkhikā, kāḷakaṇṇīti maṃ vidū;
ಓಕಾಸಂ ಯಾಚಿತೋ ದೇಹಿ, ವಸೇಮು ತವ ಸನ್ತಿಕೇ॥
Okāsaṃ yācito dehi, vasemu tava santike.
೪೨.
42.
ಕಿಂಸೀಲೇ ಕಿಂಸಮಾಚಾರೇ, ಪುರಿಸೇ ನಿವಿಸಸೇ ತುವಂ।
Kiṃsīle kiṃsamācāre, purise nivisase tuvaṃ;
೪೩.
43.
ಮಕ್ಖೀ ಪಳಾಸೀ ಸಾರಮ್ಭೀ, ಇಸ್ಸುಕೀ ಮಚ್ಛರೀ ಸಠೋ।
Makkhī paḷāsī sārambhī, issukī maccharī saṭho;
ಸೋ ಮಯ್ಹಂ ಪುರಿಸೋ ಕನ್ತೋ, ಲದ್ಧಂ ಯಸ್ಸ ವಿನಸ್ಸತಿ॥
So mayhaṃ puriso kanto, laddhaṃ yassa vinassati.
೪೪.
44.
ಕೋಧನೋ ಉಪನಾಹೀ ಚ, ಪಿಸುಣೋ ಚ ವಿಭೇದಕೋ।
Kodhano upanāhī ca, pisuṇo ca vibhedako;
೪೫.
45.
ಅಜ್ಜ ಸುವೇತಿ ಪುರಿಸೋ, ಸದತ್ಥಂ ನಾವಬುಜ್ಝತಿ।
Ajja suveti puriso, sadatthaṃ nāvabujjhati;
ಓವಜ್ಜಮಾನೋ ಕುಪ್ಪತಿ, ಸೇಯ್ಯಂ ಸೋ ಅತಿಮಞ್ಞತಿ॥
Ovajjamāno kuppati, seyyaṃ so atimaññati.
೪೬.
46.
ಸೋ ಮಯ್ಹಂ ಪುರಿಸೋ ಕನ್ತೋ, ತಸ್ಮಿಂ ಹೋಮಿ ಅನಾಮಯಾ॥
So mayhaṃ puriso kanto, tasmiṃ homi anāmayā.
೪೭.
47.
ಅಪೇಹಿ ಏತ್ತೋ ತ್ವಂ ಕಾಳಿ, ನೇತಂ ಅಮ್ಹೇಸು ವಿಜ್ಜತಿ।
Apehi etto tvaṃ kāḷi, netaṃ amhesu vijjati;
ಅಞ್ಞಂ ಜನಪದಂ ಗಚ್ಛ, ನಿಗಮೇ ರಾಜಧಾನಿಯೋ॥
Aññaṃ janapadaṃ gaccha, nigame rājadhāniyo.
೪೮.
48.
ಸನ್ತಿ ಲೋಕೇ ಅಲಕ್ಖಿಕಾ, ಸಙ್ಘರನ್ತಿ ಬಹುಂ ಧನಂ।
Santi loke alakkhikā, saṅgharanti bahuṃ dhanaṃ;
ಅಹಂ ದೇವೋ ಚ ಮೇ ಭಾತಾ, ಉಭೋ ನಂ ವಿಧಮಾಮಸೇ॥
Ahaṃ devo ca me bhātā, ubho naṃ vidhamāmase.
೪೯.
49.
ಕಾ ನು ದಿಬ್ಬೇನ ವಣ್ಣೇನ, ಪಥಬ್ಯಾ ಸುಪತಿಟ್ಠಿತಾ।
Kā nu dibbena vaṇṇena, pathabyā supatiṭṭhitā;
ಕಾ ವಾ ತ್ವಂ ಕಸ್ಸ ವಾ ಧೀತಾ, ಕಥಂ ಜಾನೇಮು ತಂ ಮಯಂ॥
Kā vā tvaṃ kassa vā dhītā, kathaṃ jānemu taṃ mayaṃ.
೫೦.
50.
ಅಹಂ ಸಿರೀ ಚ ಲಕ್ಖೀ ಚ, ಭೂರಿಪಞ್ಞಾತಿ ಮಂ ವಿದೂ।
Ahaṃ sirī ca lakkhī ca, bhūripaññāti maṃ vidū;
ಓಕಾಸಂ ಯಾಚಿತೋ ದೇಹಿ, ವಸೇಮು ತವ ಸನ್ತಿಕೇ॥
Okāsaṃ yācito dehi, vasemu tava santike.
೫೧.
51.
ಕಿಂಸೀಲೇ ಕಿಂಸಮಾಚಾರೇ, ಪುರಿಸೇ ನಿವಿಸಸೇ ತುವಂ।
Kiṃsīle kiṃsamācāre, purise nivisase tuvaṃ;
ಪುಟ್ಠಾ ಮೇ ಲಕ್ಖಿ ಅಕ್ಖಾಹಿ, ಕಥಂ 13 ಜಾನೇಮು ತಂ ಮಯಂ॥
Puṭṭhā me lakkhi akkhāhi, kathaṃ 14 jānemu taṃ mayaṃ.
೫೨.
52.
ಯೋ ಚಾಪಿ ಸೀತೇ ಅಥವಾಪಿ ಉಣ್ಹೇ, ವಾತಾತಪೇ ಡಂಸಸರೀಸಪೇ ಚ।
Yo cāpi sīte athavāpi uṇhe, vātātape ḍaṃsasarīsape ca;
ಖುಧಂ 15 ಪಿಪಾಸಂ ಅಭಿಭುಯ್ಯ ಸಬ್ಬಂ, ರತ್ತಿನ್ತಿವಂ ಯೋ ಸತತಂ ನಿಯುತ್ತೋ।
Khudhaṃ 16 pipāsaṃ abhibhuyya sabbaṃ, rattintivaṃ yo satataṃ niyutto;
ಕಾಲಾಗತಞ್ಚ ನ ಹಾಪೇತಿ ಅತ್ಥಂ, ಸೋ ಮೇ ಮನಾಪೋ ನಿವಿಸೇ ಚ ತಮ್ಹಿ॥
Kālāgatañca na hāpeti atthaṃ, so me manāpo nivise ca tamhi.
೫೩.
53.
ಅಕ್ಕೋಧನೋ ಮಿತ್ತವಾ ಚಾಗವಾ ಚ, ಸೀಲೂಪಪನ್ನೋ ಅಸಠೋಜುಭೂತೋ 17।
Akkodhano mittavā cāgavā ca, sīlūpapanno asaṭhojubhūto 18;
ಸಙ್ಗಾಹಕೋ ಸಖಿಲೋ ಸಣ್ಹವಾಚೋ, ಮಹತ್ತಪತ್ತೋಪಿ ನಿವಾತವುತ್ತಿ।
Saṅgāhako sakhilo saṇhavāco, mahattapattopi nivātavutti;
ತಸ್ಮಿಂಹಂ 19 ಪೋಸೇ ವಿಪುಲಾ ಭವಾಮಿ, ಊಮಿ ಸಮುದ್ದಸ್ಸ ಯಥಾಪಿ ವಣ್ಣಂ॥
Tasmiṃhaṃ 20 pose vipulā bhavāmi, ūmi samuddassa yathāpi vaṇṇaṃ.
೫೪.
54.
ಯೋ ಚಾಪಿ ಮಿತ್ತೇ ಅಥವಾ ಅಮಿತ್ತೇ, ಸೇಟ್ಠೇ ಸರಿಕ್ಖೇ ಅಥ ವಾಪಿ ಹೀನೇ।
Yo cāpi mitte athavā amitte, seṭṭhe sarikkhe atha vāpi hīne;
ಅತ್ಥಂ ಚರನ್ತಂ ಅಥವಾ ಅನತ್ಥಂ, ಆವೀ ರಹೋ ಸಙ್ಗಹಮೇವ ವತ್ತೇ 21॥
Atthaṃ carantaṃ athavā anatthaṃ, āvī raho saṅgahameva vatte 22.
ವಾಚಂ ನ ವಜ್ಜಾ ಫರುಸಂ ಕದಾಚಿ, ಮತಸ್ಸ ಜೀವಸ್ಸ ಚ ತಸ್ಸ ಹೋಮಿ॥
Vācaṃ na vajjā pharusaṃ kadāci, matassa jīvassa ca tassa homi.
೫೫.
55.
ಏತೇಸಂ ಯೋ ಅಞ್ಞತರಂ ಲಭಿತ್ವಾ, ಕನ್ತಾ ಸಿರೀ 23 ಮಜ್ಜತಿ ಅಪ್ಪಪಞ್ಞೋ।
Etesaṃ yo aññataraṃ labhitvā, kantā sirī 24 majjati appapañño;
ತಂ ದಿತ್ತರೂಪಂ ವಿಸಮಂ ಚರನ್ತಂ, ಕರೀಸಠಾನಂವ 25 ವಿವಜ್ಜಯಾಮಿ॥
Taṃ dittarūpaṃ visamaṃ carantaṃ, karīsaṭhānaṃva 26 vivajjayāmi.
೫೬.
56.
ಅತ್ತನಾ ಕುರುತೇ ಲಕ್ಖಿಂ, ಅಲಕ್ಖಿಂ ಕುರುತತ್ತನಾ।
Attanā kurute lakkhiṃ, alakkhiṃ kurutattanā;
ನ ಹಿ ಲಕ್ಖಿಂ ಅಲಕ್ಖಿಂ ವಾ, ಅಞ್ಞೋ ಅಞ್ಞಸ್ಸ ಕಾರಕೋತಿ॥
Na hi lakkhiṃ alakkhiṃ vā, añño aññassa kārakoti.
ಸಿರಿಕಾಳಕಣ್ಣಿಜಾತಕಂ ಸತ್ತಮಂ।
Sirikāḷakaṇṇijātakaṃ sattamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೩೮೨] ೭. ಸಿರಿಕಾಳಕಣ್ಣಿಜಾತಕವಣ್ಣನಾ • [382] 7. Sirikāḷakaṇṇijātakavaṇṇanā