| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
9. сиривад̣дхасуд̇д̇ам̣
9. Sirivaḍḍhasuttaṃ
395. згам̣ самаяам̣ ааяасмаа аананд̣̇о рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна сиривад̣дхо 1 г̇ахабад̇и ааб̣аад̇хиго ход̇и д̣̇угкид̇о б̣аал̣хаг̇илаано. ат̇а ко сиривад̣дхо г̇ахабад̇и ан̃н̃ад̇арам̣ бурисам̣ ааманд̇зси – ‘‘зхи д̇вам̣, амбхо буриса, язнааяасмаа аананд̣̇о д̇знубасан̇гама; убасан̇гамид̇ваа мама важанзна ааяасмад̇о аананд̣̇асса баад̣̇з сирасаа ванд̣̇а – ‘сиривад̣дхо, бханд̇з, г̇ахабад̇и ааб̣аад̇хиго д̣̇угкид̇о б̣аал̣хаг̇илаано. со ааяасмад̇о аананд̣̇асса баад̣̇з сирасаа ванд̣̇ад̇ий’д̇и. зван̃жа вад̣̇зхи – ‘саад̇ху гира, бханд̇з, ааяасмаа аананд̣̇о язна сиривад̣дхасса г̇ахабад̇исса нивзсанам̣ д̇знубасан̇гамад̇у анугамбам̣ убаад̣̇ааяаа’’’д̇и. ‘‘звам̣, бханд̇з’’д̇и ко со бурисо сиривад̣дхасса г̇ахабад̇исса бадиссуд̇ваа язнааяасмаа аананд̣̇о д̇знубасан̇гами; убасан̇гамид̇ваа ааяасманд̇ам̣ аананд̣̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бурисо ааяасманд̇ам̣ аананд̣̇ам̣ зд̇ад̣̇авожа – ‘‘сиривад̣дхо, бханд̇з, г̇ахабад̇и ааб̣аад̇хиго д̣̇угкид̇о б̣аал̣хаг̇илаано, со ааяасмад̇о аананд̣̇асса баад̣̇з сирасаа ванд̣̇ад̇и. зван̃жа вад̣̇зд̇и – ‘саад̇ху гира, бханд̇з, ааяасмаа аананд̣̇о язна сиривад̣дхасса г̇ахабад̇исса нивзсанам̣ д̇знубасан̇гамад̇у анугамбам̣ убаад̣̇ааяаа’’’д̇и. ад̇хиваасзси ко ааяасмаа аананд̣̇о д̇ун̣хийбхаавзна.
395. Ekaṃ samayaṃ āyasmā ānando rājagahe viharati veḷuvane kalandakanivāpe. Tena kho pana samayena sirivaḍḍho 2 gahapati ābādhiko hoti dukkhito bāḷhagilāno. Atha kho sirivaḍḍho gahapati aññataraṃ purisaṃ āmantesi – ‘‘ehi tvaṃ, ambho purisa, yenāyasmā ānando tenupasaṅkama; upasaṅkamitvā mama vacanena āyasmato ānandassa pāde sirasā vanda – ‘sirivaḍḍho, bhante, gahapati ābādhiko dukkhito bāḷhagilāno. So āyasmato ānandassa pāde sirasā vandatī’ti. Evañca vadehi – ‘sādhu kira, bhante, āyasmā ānando yena sirivaḍḍhassa gahapatissa nivesanaṃ tenupasaṅkamatu anukampaṃ upādāyā’’’ti. ‘‘Evaṃ, bhante’’ti kho so puriso sirivaḍḍhassa gahapatissa paṭissutvā yenāyasmā ānando tenupasaṅkami; upasaṅkamitvā āyasmantaṃ ānandaṃ abhivādetvā ekamantaṃ nisīdi. Ekamantaṃ nisinno kho so puriso āyasmantaṃ ānandaṃ etadavoca – ‘‘sirivaḍḍho, bhante, gahapati ābādhiko dukkhito bāḷhagilāno, so āyasmato ānandassa pāde sirasā vandati. Evañca vadeti – ‘sādhu kira, bhante, āyasmā ānando yena sirivaḍḍhassa gahapatissa nivesanaṃ tenupasaṅkamatu anukampaṃ upādāyā’’’ti. Adhivāsesi kho āyasmā ānando tuṇhībhāvena.
ат̇а ко ааяасмаа аананд̣̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна сиривад̣дхасса г̇ахабад̇исса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко ааяасмаа аананд̣̇о сиривад̣дхам̣ г̇ахабад̇им̣ зд̇ад̣̇авожа – ‘‘гажжи д̇з, г̇ахабад̇и, каманийяам̣ гажжи яаабанийяам̣, гажжи д̣̇угкаа взд̣̇анаа бадиггаманд̇и, но абхиггаманд̇и; бадиггамосаанам̣ бан̃н̃ааяад̇и, но абхиггамо’’д̇и? ‘‘на мз, бханд̇з, каманийяам̣ на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо’’д̇и.
Atha kho āyasmā ānando pubbaṇhasamayaṃ nivāsetvā pattacīvaramādāya yena sirivaḍḍhassa gahapatissa nivesanaṃ tenupasaṅkami; upasaṅkamitvā paññatte āsane nisīdi. Nisajja kho āyasmā ānando sirivaḍḍhaṃ gahapatiṃ etadavoca – ‘‘kacci te, gahapati, khamanīyaṃ kacci yāpanīyaṃ, kacci dukkhā vedanā paṭikkamanti, no abhikkamanti; paṭikkamosānaṃ paññāyati, no abhikkamo’’ti? ‘‘Na me, bhante, khamanīyaṃ na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo’’ti.
‘‘д̇асмаад̇иха д̇з, г̇ахабад̇и, звам̣ сигкид̇аб̣б̣ам̣ – ‘гааяз гааяаанубассий вихариссаами аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… д̇хаммзсу д̇хаммаанубассий вихариссаами аад̇аабий самбаж̇аано сад̇имаа, винзяяа логз абхиж̇жхаад̣̇оманасса’нд̇и. зван̃хи д̇з, г̇ахабад̇и, сигкид̇аб̣б̣а’’нд̇и.
‘‘Tasmātiha te, gahapati, evaṃ sikkhitabbaṃ – ‘kāye kāyānupassī viharissāmi ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharissāmi ātāpī sampajāno satimā, vineyya loke abhijjhādomanassa’nti. Evañhi te, gahapati, sikkhitabba’’nti.
‘‘язмз, бханд̇з, бхаг̇авад̇аа жад̇д̇ааро сад̇ибадтаанаа д̣̇зсид̇аа сам̣виж̇ж̇анд̇и, д̇з д̇хаммаа 3 маяи, ахан̃жа д̇зсу д̇хаммзсу санд̣̇иссаами. ахан̃хи, бханд̇з, гааяз гааяаанубассий вихараами аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… д̇хаммзсу д̇хаммаанубассий вихараами аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. яаани жимаани, бханд̇з, бхаг̇авад̇аа бан̃жорамбхааг̇ияаани сам̣яож̇анаани д̣̇зсид̇аани, наахам̣, бханд̇з, д̇зсам̣ гин̃жи ад̇д̇ани аббахийнам̣ саманубассаамий’’д̇и. ‘‘лаабхаа д̇з, г̇ахабад̇и, сулад̣̇д̇хам̣ д̇з, г̇ахабад̇и! анааг̇аамипалам̣ д̇аяаа, г̇ахабад̇и, б̣яаагад̇а’’нд̇и. навамам̣.
‘‘Yeme, bhante, bhagavatā cattāro satipaṭṭhānā desitā saṃvijjanti, te dhammā 4 mayi, ahañca tesu dhammesu sandissāmi. Ahañhi, bhante, kāye kāyānupassī viharāmi ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharāmi ātāpī sampajāno satimā, vineyya loke abhijjhādomanassaṃ. Yāni cimāni, bhante, bhagavatā pañcorambhāgiyāni saṃyojanāni desitāni, nāhaṃ, bhante, tesaṃ kiñci attani appahīnaṃ samanupassāmī’’ti. ‘‘Lābhā te, gahapati, suladdhaṃ te, gahapati! Anāgāmiphalaṃ tayā, gahapati, byākata’’nti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8-10. логасуд̇д̇аад̣̇иван̣н̣анаа • 8-10. Lokasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8-10. логасуд̇д̇аад̣̇иван̣н̣анаа • 8-10. Lokasuttādivaṇṇanā
