| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. сийсубажаалаасуд̇д̇аван̣н̣анаа
8. Sīsupacālāsuttavaṇṇanā
169. адтамз саман̣ий вияа д̣̇иссасийд̇и саман̣исад̣̇исаа д̣̇иссаси. гимива жараси момуухаад̇и гим̣ гааран̣аа момуухаа вияа жараси? ид̇о б̣ахид̣̇д̇хаад̇и имамхаа саасанаа б̣ахи. баасам̣ д̣знд̇ийд̇и баасан̣д̣аа, сад̇д̇аанам̣ жид̇д̇зсу д̣̇идтибаасам̣ кибанд̇ийд̇и ад̇т̇о. саасанам̣ бана баасз можзд̇и, д̇асмаа баасан̣д̣од̇и на вужжад̇и, ид̇о б̣ахид̣̇д̇хааязва баасан̣д̣аа хонд̇и. басийд̣̇анд̇ийд̇и сам̣сийд̣̇анд̇и лаг̇г̇анд̇и.
169. Aṭṭhame samaṇī viya dissasīti samaṇisadisā dissasi. Kimiva carasi momūhāti kiṃ kāraṇā momūhā viya carasi? Ito bahiddhāti imamhā sāsanā bahi. Pāsaṃ ḍentīti pāsaṇḍā, sattānaṃ cittesu diṭṭhipāsaṃ khipantīti attho. Sāsanaṃ pana pāse moceti, tasmā pāsaṇḍoti na vuccati, ito bahiddhāyeva pāsaṇḍā honti. Pasīdantīti saṃsīdanti lagganti.
ид̣̇аани ‘‘гам̣ ну уд̣̇д̣̇исса мун̣д̣аасий’’д̇и бан̃хам̣ гат̇знд̇ий ад̇т̇и сагяагулз ж̇аад̇од̇иаад̣̇имааха. д̇ад̇т̇а саб̣б̣аабхибхууд̇и саб̣б̣аани канд̇хааяад̇анад̇хаад̇убхаваяониг̇ад̇иаад̣̇ийни абхибхавид̇ваа тид̇о. маран̣амаараад̣̇аяо нуд̣̇и нийхарийд̇и маарануд̣̇о. саб̣б̣ад̇т̇амабарааж̇ид̇од̇и саб̣б̣зсу рааг̇аад̣̇ийсу ваа маараяуд̣̇д̇хз ваа аж̇ид̇о. саб̣б̣ад̇т̇а муд̇д̇од̇и саб̣б̣зсу канд̇хаад̣̇ийсу муд̇д̇о. асид̇од̇и д̇ан̣хаад̣̇идтиниссаязна аниссид̇о. саб̣б̣агаммагкаяам̣ бад̇д̇од̇и саб̣б̣агаммагкаяасан̇каад̇ам̣ арахад̇д̇ам̣ бад̇д̇о. убад̇хисан̇каязд̇и убад̇хисан̇каяасан̇каад̇з ниб̣б̣аанз аарамман̣ад̇о вимуд̇д̇о. адтамам̣.
Idāni ‘‘kaṃ nu uddissa muṇḍāsī’’ti pañhaṃ kathentī atthi sakyakule jātotiādimāha. Tattha sabbābhibhūti sabbāni khandhāyatanadhātubhavayonigatiādīni abhibhavitvā ṭhito. Maraṇamārādayo nudi nīharīti māranudo. Sabbatthamaparājitoti sabbesu rāgādīsu vā mārayuddhe vā ajito. Sabbattha muttoti sabbesu khandhādīsu mutto. Asitoti taṇhādiṭṭhinissayena anissito. Sabbakammakkhayaṃ pattoti sabbakammakkhayasaṅkhātaṃ arahattaṃ patto. Upadhisaṅkhayeti upadhisaṅkhayasaṅkhāte nibbāne ārammaṇato vimutto. Aṭṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. сийсубажаалаасуд̇д̇ам̣ • 8. Sīsupacālāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. сийсубажаалаасуд̇д̇аван̣н̣анаа • 8. Sīsupacālāsuttavaṇṇanā
