| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
8. адтаганибаад̇о
8. Aṭṭhakanipāto
1. сийсуубажаалаат̇зрийг̇аат̇ааван̣н̣анаа
1. Sīsūpacālātherīgāthāvaṇṇanā
адтаганибаад̇з бхигкуний сийласамбаннаад̇иаад̣̇игаа сийсуубажаалааяа т̇зрияаа г̇аат̇аа. имиссааби вад̇т̇у жаалааяа т̇зрияаа вад̇т̇умхи вуд̇д̇анаяамзва. аяамби хи ааяасмад̇о д̇хаммасзнаабад̇исса баб̣б̣аж̇ид̇абхаавам̣ суд̇ваа саяамби уссаахаж̇аад̇аа баб̣б̣аж̇ид̇ваа гад̇абуб̣б̣агижжаа вибассанам̣ бадтабзд̇ваа, гхадзнд̇ий вааяаманд̇ий нажирассзва арахад̇д̇ам̣ баабун̣и. арахад̇д̇ам̣ бад̇ваа паласамаабад̇д̇исукзна вихаранд̇ий згад̣̇ивасам̣ ад̇д̇ано бадибад̇д̇им̣ бажжавзгкид̇ваа гад̇агижжаад̇и соманассаж̇аад̇аа уд̣̇аанавасзна –
Aṭṭhakanipāte bhikkhunī sīlasampannātiādikā sīsūpacālāya theriyā gāthā. Imissāpi vatthu cālāya theriyā vatthumhi vuttanayameva. Ayampi hi āyasmato dhammasenāpatissa pabbajitabhāvaṃ sutvā sayampi ussāhajātā pabbajitvā katapubbakiccā vipassanaṃ paṭṭhapetvā, ghaṭentī vāyamantī nacirasseva arahattaṃ pāpuṇi. Arahattaṃ patvā phalasamāpattisukhena viharantī ekadivasaṃ attano paṭipattiṃ paccavekkhitvā katakiccāti somanassajātā udānavasena –
196.
196.
‘‘бхигкуний сийласамбаннаа, инд̣̇риязсу сусам̣вуд̇аа;
‘‘Bhikkhunī sīlasampannā, indriyesu susaṃvutā;
ад̇хиг̇ажчз бад̣̇ам̣ санд̇ам̣, асзжанагамож̇ава’’нд̇и. – г̇аат̇амааха;
Adhigacche padaṃ santaṃ, asecanakamojava’’nti. – gāthamāha;
д̇ад̇т̇а сийласамбаннаад̇и барисуд̣̇д̇хзна бхигкунисийлзна саманнааг̇ад̇аа барибун̣н̣аа. инд̣̇риязсу сусам̣вуд̇аад̇и манажчадтзсу инд̣̇риязсу судту сам̣вуд̇аа, руубаад̣̇иаарамман̣з идтз рааг̇ам̣, анидтз д̣̇осам̣, асамабзгканз мохан̃жа бахааяа судту бихид̇инд̣̇рияаа. асзжанагамож̇аванд̇и гзнажи анаасид̇д̇агам̣ ож̇аванд̇ам̣ сабхаавамад̇хурам̣ саб̣б̣ассааби гилзсарог̇асса вуубасаманосад̇хабхууд̇ам̣ арияамаг̇г̇ам̣, ниб̣б̣аанамзва ваа. арияамаг̇г̇амби хи ниб̣б̣аанад̇т̇игзхи бадибаж̇ж̇ид̇аб̣б̣ад̇о гилзсабарил̣аахаабхаавад̇о жа бад̣̇ам̣ санд̇анд̇и вад̇д̇ум̣ ваддад̇и.
Tattha sīlasampannāti parisuddhena bhikkhunisīlena samannāgatā paripuṇṇā. Indriyesu susaṃvutāti manacchaṭṭhesu indriyesu suṭṭhu saṃvutā, rūpādiārammaṇe iṭṭhe rāgaṃ, aniṭṭhe dosaṃ, asamapekkhane mohañca pahāya suṭṭhu pihitindriyā. Asecanakamojavanti kenaci anāsittakaṃ ojavantaṃ sabhāvamadhuraṃ sabbassāpi kilesarogassa vūpasamanosadhabhūtaṃ ariyamaggaṃ, nibbānameva vā. Ariyamaggampi hi nibbānatthikehi paṭipajjitabbato kilesapariḷāhābhāvato ca padaṃ santanti vattuṃ vaṭṭati.
197.
197.
‘‘д̇аавад̇им̣саа жа яаамаа жа, д̇усид̇аа жааби д̣̇звад̇аа;
‘‘Tāvatiṃsā ca yāmā ca, tusitā cāpi devatā;
ниммаанарад̇ино д̣̇зваа, яз д̣̇зваа васавад̇д̇ино;
Nimmānaratino devā, ye devā vasavattino;
д̇ад̇т̇а жид̇д̇ам̣ бан̣ийд̇хзхи, яад̇т̇а д̇з вусид̇ам̣ бурз’’д̇и. –
Tattha cittaṃ paṇīdhehi, yattha te vusitaṃ pure’’ti. –
аяам̣ г̇аат̇аа гаамасаг̇г̇зсу ниганд̇им̣ уббаад̣̇зхийд̇и д̇ад̇т̇а уяяож̇анавасзна т̇зрим̣ самаабад̇д̇ияаа жаавзд̇угаамзна маарзна вуд̇д̇аа.
Ayaṃ gāthā kāmasaggesu nikantiṃ uppādehīti tattha uyyojanavasena theriṃ samāpattiyā cāvetukāmena mārena vuttā.
д̇ад̇т̇а сахабун̃н̃агаарино д̇зд̇д̇им̣са ж̇анаа яад̇т̇а убабаннаа, д̇ам̣ таанам̣ д̇аавад̇им̣санд̇и. д̇ад̇т̇а ниб̣б̣ад̇д̇аа саб̣б̣зби д̣̇звабуд̇д̇аа д̇аавад̇им̣саа. гзжи бана ‘‘д̇аавад̇им̣саад̇и д̇зсам̣ д̣̇зваанам̣ наамамзваа’’д̇и вад̣̇анд̇и. д̣̇вийхи д̣̇звалогзхи висидтам̣ д̣̇иб̣б̣ам̣ сукам̣ яаад̇аа убаяаад̇аа самбаннаад̇и яаамаа. д̣̇иб̣б̣ааяа самбад̇д̇ияаа д̇удтаа бахадтаад̇и д̇усид̇аа. багад̇ибадияад̇д̇аарамман̣ад̇о ад̇ирзгзна рамид̇угаамад̇аагаалз яат̇ааружид̇з бхог̇з нимминид̇ваа раманд̇ийд̇и ниммаанарад̇ино. жид̇д̇аружим̣ н̃ад̇ваа барзхи ниммид̇зсу бхог̇зсу васам̣ вад̇д̇знд̇ийд̇и васавад̇д̇ино. д̇ад̇т̇а жид̇д̇ам̣ бан̣ийд̇хзхийд̇и д̇асмим̣ д̇аавад̇им̣саад̣̇игз д̣̇званигааяз д̇ава жид̇д̇ам̣ табзхи, убабаж̇ж̇анааяа ниганд̇им̣ гарохи. жаад̇умахаарааж̇игаанам̣ бхог̇аа ид̇арзхи нихийнаад̇и ад̇хиббааязна д̇аавад̇им̣саад̣̇аяова вуд̇д̇аа. яад̇т̇а д̇з вусид̇ам̣ бурзд̇и язсу д̣̇званигааязсу д̇аяаа буб̣б̣з вуд̇т̇ам̣. аяам̣ гира буб̣б̣з д̣̇звзсу уббаж̇ж̇анд̇ий, д̇аавад̇им̣сад̇о бадтааяа бан̃жагаамасаг̇г̇з сод̇хзд̇ваа буна хздтад̇о од̇аранд̇ий, д̇усид̇зсу тад̇ваа д̇ад̇о жавид̇ваа ид̣̇аани мануссзсу ниб̣б̣ад̇д̇аа.
Tattha sahapuññakārino tettiṃsa janā yattha upapannā, taṃ ṭhānaṃ tāvatiṃsanti. Tattha nibbattā sabbepi devaputtā tāvatiṃsā. Keci pana ‘‘tāvatiṃsāti tesaṃ devānaṃ nāmamevā’’ti vadanti. Dvīhi devalokehi visiṭṭhaṃ dibbaṃ sukhaṃ yātā upayātā sampannāti yāmā. Dibbāya sampattiyā tuṭṭhā pahaṭṭhāti tusitā. Pakatipaṭiyattārammaṇato atirekena ramitukāmatākāle yathārucite bhoge nimminitvā ramantīti nimmānaratino. Cittaruciṃ ñatvā parehi nimmitesu bhogesu vasaṃ vattentīti vasavattino. Tattha cittaṃ paṇīdhehīti tasmiṃ tāvatiṃsādike devanikāye tava cittaṃ ṭhapehi, upapajjanāya nikantiṃ karohi. Cātumahārājikānaṃ bhogā itarehi nihīnāti adhippāyena tāvatiṃsādayova vuttā. Yattha te vusitaṃ pureti yesu devanikāyesu tayā pubbe vutthaṃ. Ayaṃ kira pubbe devesu uppajjantī, tāvatiṃsato paṭṭhāya pañcakāmasagge sodhetvā puna heṭṭhato otarantī, tusitesu ṭhatvā tato cavitvā idāni manussesu nibbattā.
д̇ам̣ суд̇ваа т̇зрий – ‘‘д̇идтад̇у, маара, д̇аяаа вуд̇д̇агаамалого. ан̃н̃оби саб̣б̣о лого рааг̇аг̇г̇иаад̣̇ийхи аад̣̇ид̇д̇о самбаж̇ж̇алид̇о. на д̇ад̇т̇а вин̃н̃уунам̣ жид̇д̇ам̣ рамад̇ий’’д̇и гаамад̇о жа логад̇о жа ад̇д̇ано винивад̇д̇ид̇амаанасад̇ам̣ д̣̇ассзд̇ваа маарам̣ д̇аж̇ж̇знд̇ий –
Taṃ sutvā therī – ‘‘tiṭṭhatu, māra, tayā vuttakāmaloko. Aññopi sabbo loko rāgaggiādīhi āditto sampajjalito. Na tattha viññūnaṃ cittaṃ ramatī’’ti kāmato ca lokato ca attano vinivattitamānasataṃ dassetvā māraṃ tajjentī –
198.
198.
яаамаа жа‘‘д̇аавад̇им̣саа жа яаамаа жа, д̇усид̇аа жааби д̣̇звад̇аа;
Yāmā ca‘‘tāvatiṃsā ca yāmā ca, tusitā cāpi devatā;
ниммаанарад̇ино д̣̇зваа, яз д̣̇зваа васавад̇д̇ино.
Nimmānaratino devā, ye devā vasavattino.
199.
199.
‘‘гаалам̣ гаалам̣ бхаваа бхавам̣, саггааяасмим̣ бурагкад̇аа;
‘‘Kālaṃ kālaṃ bhavā bhavaṃ, sakkāyasmiṃ purakkhatā;
авийд̇ивад̇д̇аа саггааяам̣, ж̇аад̇имаран̣асаарино.
Avītivattā sakkāyaṃ, jātimaraṇasārino.
200.
200.
‘‘саб̣б̣о аад̣̇ийбид̇о лого, саб̣б̣о лого бад̣̇ийбид̇о;
‘‘Sabbo ādīpito loko, sabbo loko padīpito;
саб̣б̣о баж̇ж̇алид̇о лого, саб̣б̣о лого багамбид̇о.
Sabbo pajjalito loko, sabbo loko pakampito.
201.
201.
‘‘агамбияам̣ ад̇улияам̣, абут̇уж̇ж̇анасзвид̇ам̣;
‘‘Akampiyaṃ atuliyaṃ, aputhujjanasevitaṃ;
б̣уд̣̇д̇хо д̇хаммамад̣̇зсзси, д̇ад̇т̇а мз нирад̇о мано.
Buddho dhammamadesesi, tattha me nirato mano.
202.
202.
‘‘д̇ассаахам̣ важанам̣ суд̇ваа, вихарим̣ саасанз рад̇аа;
‘‘Tassāhaṃ vacanaṃ sutvā, vihariṃ sāsane ratā;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
203.
203.
‘‘саб̣б̣ад̇т̇а вихад̇аа нанд̣̇ий, д̇амогканд̇хо бад̣̇аалид̇о;
‘‘Sabbattha vihatā nandī, tamokkhandho padālito;
звам̣ ж̇аанаахи баабима, нихад̇о д̇вамаси анд̇агаа’’д̇и. –
Evaṃ jānāhi pāpima, nihato tvamasi antakā’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а гаалам̣ гааланд̇и д̇ам̣ д̇ам̣ гаалам̣. бхаваа бхаванд̇и бхавад̇о бхавам̣. саггааяасминд̇и канд̇хабан̃жагз. бурагкад̇аад̇и бурагкаарагаарино. ид̣̇ам̣ вуд̇д̇ам̣ ход̇и – маара, д̇аяаа вуд̇д̇аа д̇аавад̇им̣саад̣̇аяо д̣̇зваа бхавад̇о бхавам̣ убаг̇ажчанд̇аа анижжад̇аад̣̇ианзгаад̣̇ийнаваагулз саггааяз бад̇идтид̇аа, д̇асмаа д̇асмим̣ бхавз уббад̇д̇игаалз, взмаж̇жхагаалз, барияосаанагаалзд̇и д̇асмим̣ д̇асмим̣ гаалз саггааяамзва бурагкад̇ваа тид̇аа. д̇ад̇о зва авийд̇ивад̇д̇аа саггааяам̣ ниссаран̣аабхимукаа ахуд̇ваа саггааяад̇ийрамзва анубарид̇хааванд̇аа ж̇аад̇имаран̣асаарино рааг̇аад̣̇ийхи ануг̇ад̇ад̇д̇аа бунаббунам̣ ж̇аад̇имаран̣амзва ануссаранд̇и, д̇ад̇о на вимужжанд̇ийд̇и.
Tattha kālaṃ kālanti taṃ taṃ kālaṃ. Bhavā bhavanti bhavato bhavaṃ. Sakkāyasminti khandhapañcake. Purakkhatāti purakkhārakārino. Idaṃ vuttaṃ hoti – māra, tayā vuttā tāvatiṃsādayo devā bhavato bhavaṃ upagacchantā aniccatādianekādīnavākule sakkāye patiṭṭhitā, tasmā tasmiṃ bhave uppattikāle, vemajjhakāle, pariyosānakāleti tasmiṃ tasmiṃ kāle sakkāyameva purakkhatvā ṭhitā. Tato eva avītivattā sakkāyaṃ nissaraṇābhimukhā ahutvā sakkāyatīrameva anuparidhāvantā jātimaraṇasārino rāgādīhi anugatattā punappunaṃ jātimaraṇameva anussaranti, tato na vimuccantīti.
саб̣б̣о аад̣̇ийбид̇о логод̇и, маара, на гзвалам̣ д̇аяаа вуд̇д̇агаамалогоязва д̇хаад̇уд̇д̇аяасан̃н̃ид̇о, саб̣б̣оби лого рааг̇аг̇г̇иаад̣̇ийхи згаад̣̇асахи аад̣̇ид̇д̇о. д̇зхиязва бунаббунам̣ аад̣̇ийбид̇ад̇ааяа бад̣̇ийбид̇о. ниранд̇арам̣ згаж̇аалийбхууд̇ад̇ааяа баж̇ж̇алид̇о. д̇ан̣хааяа саб̣б̣агилзсзхи жа ид̇о жид̇о жа гамбид̇ад̇ааяа жалид̇ад̇ааяа багамбид̇о.
Sabbo ādīpito lokoti, māra, na kevalaṃ tayā vuttakāmalokoyeva dhātuttayasaññito, sabbopi loko rāgaggiādīhi ekādasahi āditto. Tehiyeva punappunaṃ ādīpitatāya padīpito. Nirantaraṃ ekajālībhūtatāya pajjalito. Taṇhāya sabbakilesehi ca ito cito ca kampitatāya calitatāya pakampito.
звам̣ аад̣̇ид̇д̇з баж̇ж̇алид̇з багамбид̇з жа логз гзнажиби гамбзд̇ум̣ жаалзд̇ум̣ асаггун̣зяяад̇ааяа агамбияам̣, г̇ун̣ад̇о ‘‘зд̇д̇аго’’д̇и д̇улзд̇ум̣ асаггун̣зяяад̇ааяа ад̇д̇анаа сад̣̇исасса абхаавад̇о жа ад̇улияам̣. б̣уд̣̇д̇хаад̣̇ийхи ариязхи зва г̇ожарабхааванаабхиг̇амад̇о сзвид̇ад̇д̇аа абут̇уж̇ж̇анасзвид̇ам̣. б̣уд̣̇д̇хо бхаг̇аваа маг̇г̇апаланиб̣б̣аанаббабхзд̣̇ам̣ нававид̇хам̣ логуд̇д̇арад̇хаммам̣ махаагарун̣ааяа сан̃жод̣̇ид̇амаанасо ад̣̇зсзси сад̣̇звагасса логасса гат̇зси бавзд̣̇зси. д̇ад̇т̇а д̇асмим̣ арияад̇хаммз маяхам̣ мано нирад̇о абхирад̇о, на д̇ад̇о винивад̇д̇ад̇ийд̇и ад̇т̇о. сзсам̣ хздтаа вуд̇д̇анаяамзва.
Evaṃ āditte pajjalite pakampite ca loke kenacipi kampetuṃ cāletuṃ asakkuṇeyyatāya akampiyaṃ, guṇato ‘‘ettako’’ti tuletuṃ asakkuṇeyyatāya attanā sadisassa abhāvato ca atuliyaṃ. Buddhādīhi ariyehi eva gocarabhāvanābhigamato sevitattā aputhujjanasevitaṃ. Buddho bhagavā maggaphalanibbānappabhedaṃ navavidhaṃ lokuttaradhammaṃ mahākaruṇāya sañcoditamānaso adesesi sadevakassa lokassa kathesi pavedesi. Tattha tasmiṃ ariyadhamme mayhaṃ mano nirato abhirato, na tato vinivattatīti attho. Sesaṃ heṭṭhā vuttanayameva.
сийсуубажаалаат̇зрийг̇аат̇ааван̣н̣анаа нидтид̇аа.
Sīsūpacālātherīgāthāvaṇṇanā niṭṭhitā.
адтаганибаад̇аван̣н̣анаа нидтид̇аа.
Aṭṭhakanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 1. сийсуубажаалаат̇зрийг̇аат̇аа • 1. Sīsūpacālātherīgāthā
