Library / Tipiṭaka / တိပိဋက • Tipiṭaka / မဟာဝဂ္ဂပာဠိ • Mahāvaggapāḷi

    ၂၀၈. သိဝေယ္ယကဒုသ္သယုဂကထာ

    208. Siveyyakadussayugakathā

    ၃၃၅. တေန ခော ပန သမယေန ရညော ပဇ္ဇောတသ္သ သိဝေယ္ယကံ ဒုသ္သယုဂံ ဥပ္ပန္နံ ဟောတိ – ဗဟူနံ 1 ဒုသ္သာနံ ဗဟူနံ ဒုသ္သယုဂာနံ ဗဟူနံ ဒုသ္သယုဂသတာနံ ဗဟူနံ ဒုသ္သယုဂသဟသ္သာနံ ဗဟူနံ ဒုသ္သယုဂသတသဟသ္သာနံ အဂ္ဂဉ္စ သေဋ္ဌဉ္စ မောက္ခဉ္စ ဥတ္တမဉ္စ ပဝရဉ္စ။ အထ ခော ရာဇာ ပဇ္ဇောတော တံ သိဝေယ္ယကံ ဒုသ္သယုဂံ ဇီဝကသ္သ ကောမာရဘစ္စသ္သ ပာဟေသိ။ အထ ခော ဇီဝကသ္သ ကောမာရဘစ္စသ္သ ဧတဒဟောသိ – ‘‘ဣဒံ ခော မေ သိဝေယ္ယကံ ဒုသ္သယုဂံ ရညာ ပဇ္ဇောတေန ပဟိတံ – ဗဟူနံ ဒုသ္သာနံ ဗဟူနံ ဒုသ္သယုဂာနံ ဗဟူနံ ဒုသ္သယုဂသတာနံ ဗဟူနံ ဒုသ္သယုဂသဟသ္သာနံ ဗဟူနံ ဒုသ္သယုဂသတသဟသ္သာနံ အဂ္ဂဉ္စ သေဋ္ဌဉ္စ မောက္ခဉ္စ ဥတ္တမဉ္စ ပဝရဉ္စ။ နယိဒံ အညော ကောစိ ပစ္စာရဟတိ အညတ္ရ တေန ဘဂဝတာ အရဟတာ သမ္မာသမ္ဗုဒ္ဓေန, ရညာ ဝာ မာဂဓေန သေနိယေန ဗိမ္ဗိသာရေနာ’’တိ။

    335. Tena kho pana samayena rañño pajjotassa siveyyakaṃ dussayugaṃ uppannaṃ hoti – bahūnaṃ 2 dussānaṃ bahūnaṃ dussayugānaṃ bahūnaṃ dussayugasatānaṃ bahūnaṃ dussayugasahassānaṃ bahūnaṃ dussayugasatasahassānaṃ aggañca seṭṭhañca mokkhañca uttamañca pavarañca. Atha kho rājā pajjoto taṃ siveyyakaṃ dussayugaṃ jīvakassa komārabhaccassa pāhesi. Atha kho jīvakassa komārabhaccassa etadahosi – ‘‘idaṃ kho me siveyyakaṃ dussayugaṃ raññā pajjotena pahitaṃ – bahūnaṃ dussānaṃ bahūnaṃ dussayugānaṃ bahūnaṃ dussayugasatānaṃ bahūnaṃ dussayugasahassānaṃ bahūnaṃ dussayugasatasahassānaṃ aggañca seṭṭhañca mokkhañca uttamañca pavarañca. Nayidaṃ añño koci paccārahati aññatra tena bhagavatā arahatā sammāsambuddhena, raññā vā māgadhena seniyena bimbisārenā’’ti.

    သိဝေယ္ယကဒုသ္သယုဂကထာ နိဋ္ဌိတာ။

    Siveyyakadussayugakathā niṭṭhitā.




    Next: ၂၀၉. သမတ္တိံသဝိရေစနကထာ • 209. Samattiṃsavirecanakathā




    Footnotes:
    1. ဗဟုန္နံ (သီ. သ္ယာ.)
    2. bahunnaṃ (sī. syā.)



    Related texts:



    အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / သိဝေယ္ယကဒုသ္သယုဂကထာ • Siveyyakadussayugakathā

    ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပဇ္ဇောတရာဇဝတ္ထုကထာဒိဝဏ္ဏနာ • Pajjotarājavatthukathādivaṇṇanā

    ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၂၀၈. သိဝေယ္ယကဒုသ္သယုဂကထာ • 208. Siveyyakadussayugakathā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact