| Library / Tipiṭaka / တိပိဋက • Tipiṭaka / ပာစိတ္ယာဒိယောဇနာပာဠိ • Pācityādiyojanāpāḷi |
၂၀၈. သိဝေယ္ယကဒုသ္သယုဂကထာ
208. Siveyyakadussayugakathā
၃၃၅. သိဝထိကန္တိ သိဝာ ဇမ္ဗုကာ ကုဏပခာဒနတ္ထာယ အာဂန္တ္ဝာ တိဋ္ဌန္တိ ဧတ္ထာတိ သိဝဋ္ဌံ, တဒေဝ သိဝထိကံ, ဣမိနာ သိဝထိကာယံ ဥပ္ပန္နံ သိဝေယ္ယကံ ထိကသဒ္ဒသ္သ လောပံ ကတ္ဝာတိ ဒသ္သေတိ။ တတ္ထာတိ ဥတ္တရကုရူသု။ တန္တိ မတံ။ ဟတ္ထိသောဏ္ဍကသကုဏာတိ ဟတ္ထိလိင္ဂဝိဟင္ဂမာ။ တေ ဟိ ဟတ္ထိနော သောဏ္ဍော ဝိယ သောဏ္ဍော ဧတေသု အတ္ထီတိ ဟတ္ထီသောဏ္ဍကာ, တေ စ တေ သကုဏာ စေတိ ဟတ္ထိသောဏ္ဍကသကုဏာတိ ဝုစ္စန္တိ။ ရညော အာဟရန္တီတိ ရညော အတ္ထာယ, သန္တိကံ ဝာ အာဟရန္တိ။ ဣဒန္တိ သိဝေယ္ယကံ ဒုသ္သယုဂံ။ သိဝိရဋ္ဌေ ဝာယိတံ သိဝေယ္ယကန္တိ စ ဒသ္သေန္တော အာဟ ‘‘အထဝာ’’တိအာဒိ။ တေနာတိ ကာရဏေန။ ‘‘သိဝေယ္ယကန္တိ။ပေ.။ ဝဒန္တီ’’တိ ပောရာဏာ အာဟူတိ ယောဇနာ။
335.Sivathikanti sivā jambukā kuṇapakhādanatthāya āgantvā tiṭṭhanti etthāti sivaṭṭhaṃ, tadeva sivathikaṃ, iminā sivathikāyaṃ uppannaṃ siveyyakaṃ thikasaddassa lopaṃ katvāti dasseti. Tatthāti uttarakurūsu. Tanti mataṃ. Hatthisoṇḍakasakuṇāti hatthiliṅgavihaṅgamā. Te hi hatthino soṇḍo viya soṇḍo etesu atthīti hatthīsoṇḍakā, te ca te sakuṇā ceti hatthisoṇḍakasakuṇāti vuccanti. Rañño āharantīti rañño atthāya, santikaṃ vā āharanti. Idanti siveyyakaṃ dussayugaṃ. Siviraṭṭhe vāyitaṃ siveyyakanti ca dassento āha ‘‘athavā’’tiādi. Tenāti kāraṇena. ‘‘Siveyyakanti…pe… vadantī’’ti porāṇā āhūti yojanā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi / ၂၀၈. သိဝေယ္ယကဒုသ္သယုဂကထာ • 208. Siveyyakadussayugakathā
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā / သိဝေယ္ယကဒုသ္သယုဂကထာ • Siveyyakadussayugakathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ပဇ္ဇောတရာဇဝတ္ထုကထာဒိဝဏ္ဏနာ • Pajjotarājavatthukathādivaṇṇanā
