| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
8. сивирааж̇ажарияааван̣н̣анаа
8. Sivirājacariyāvaṇṇanā
51. адтамз аридтасавхаяз наг̇арзд̇и аридтабуранаамагз наг̇арз. сиви наамааси кад̇д̇ияод̇и сивийд̇и г̇од̇д̇ад̇о звам̣наамаго рааж̇аа ахоси.
51. Aṭṭhame ariṭṭhasavhaye nagareti ariṭṭhapuranāmake nagare. Sivi nāmāsi khattiyoti sivīti gottato evaṃnāmako rājā ahosi.
ад̇ийд̇з гира сивирадтз аридтабуранаг̇арз сивирааж̇з раж̇ж̇ам̣ гаарзнд̇з махаасад̇д̇о д̇асса буд̇д̇о худ̇ваа ниб̣б̣ад̇д̇и. ‘‘сивигумааро’’д̇исса наамамагам̣су. со ваяаббад̇д̇о д̇аггасилам̣ г̇анд̇ваа уг̇г̇ахид̇асиббо ааг̇анд̇ваа бид̇у сиббам̣ д̣̇ассзд̇ваа убараж̇ж̇ам̣ лабхид̇ваа абарабхааг̇з бид̇у ажжаязна рааж̇аа худ̇ваа аг̇ад̇иг̇аманам̣ бахааяа д̣̇аса рааж̇ад̇хаммз агобзд̇ваа раж̇ж̇ам̣ гаарзнд̇о наг̇арасса жад̇уусу д̣̇ваарзсу наг̇арамаж̇жхз нивзсанад̣̇ваарзд̇и ча д̣̇аанасаалааяо гаарзд̇ваа д̣̇звасигам̣ часад̇асахассабарижжааг̇зна махаад̣̇аанам̣ бавад̇д̇зси. адтамийжаад̇уд̣̇д̣̇асийбаннарасийсу саяам̣ д̣̇аанасаалам̣ г̇анд̇ваа д̣̇аанаг̇г̇ам̣ ологзд̇и.
Atīte kira siviraṭṭhe ariṭṭhapuranagare sivirāje rajjaṃ kārente mahāsatto tassa putto hutvā nibbatti. ‘‘Sivikumāro’’tissa nāmamakaṃsu. So vayappatto takkasilaṃ gantvā uggahitasippo āgantvā pitu sippaṃ dassetvā uparajjaṃ labhitvā aparabhāge pitu accayena rājā hutvā agatigamanaṃ pahāya dasa rājadhamme akopetvā rajjaṃ kārento nagarassa catūsu dvāresu nagaramajjhe nivesanadvāreti cha dānasālāyo kāretvā devasikaṃ chasatasahassapariccāgena mahādānaṃ pavattesi. Aṭṭhamīcātuddasīpannarasīsu sayaṃ dānasālaṃ gantvā dānaggaṃ oloketi.
со згад̣̇аа бун̣н̣амад̣̇ивасз баад̇ова самуссид̇асзд̇ажчад̇д̇з рааж̇абаллан̇гз нисинно ад̇д̇анаа д̣̇иннад̣̇аанам̣ ааваж̇ж̇знд̇о б̣аахиравад̇т̇ум̣ ад̇д̇анаа ад̣̇иннам̣ наама ад̣̇исваа ‘‘на мз б̣аахирагад̣̇аанам̣ д̇ат̇аа жид̇д̇ам̣ д̇осзд̇и, яат̇аа аж̇жхад̇д̇игад̣̇аанам̣, ахо вад̇а мама д̣̇аанасаалам̣ г̇ад̇агаалз гожи яаажаго б̣аахиравад̇т̇ум̣ аяаажид̇ваа аж̇жхад̇д̇игамзва яаажзяяа, сажз хи мз гожи сарийрз мам̣сам̣ ваа лохид̇ам̣ ваа сийсам̣ ваа хад̣̇аяамам̣сам̣ ваа агкийни ваа убад̣дхасарийрам̣ ваа сагаламзва ваа ад̇д̇абхаавам̣ д̣̇аасабхаавзна яаажзяяа, д̇ам̣д̇ад̣̇звасса ад̇хиббааяам̣ буурзнд̇о д̣̇аад̇ум̣ саггомий’’д̇и жинд̇зси. баал̣ияам̣ бана агкийнам̣ зва васзна ааг̇ад̇аа. д̇зна вуд̇д̇ам̣ –
So ekadā puṇṇamadivase pātova samussitasetacchatte rājapallaṅke nisinno attanā dinnadānaṃ āvajjento bāhiravatthuṃ attanā adinnaṃ nāma adisvā ‘‘na me bāhirakadānaṃ tathā cittaṃ toseti, yathā ajjhattikadānaṃ, aho vata mama dānasālaṃ gatakāle koci yācako bāhiravatthuṃ ayācitvā ajjhattikameva yāceyya, sace hi me koci sarīre maṃsaṃ vā lohitaṃ vā sīsaṃ vā hadayamaṃsaṃ vā akkhīni vā upaḍḍhasarīraṃ vā sakalameva vā attabhāvaṃ dāsabhāvena yāceyya, taṃtadevassa adhippāyaṃ pūrento dātuṃ sakkomī’’ti cintesi. Pāḷiyaṃ pana akkhīnaṃ eva vasena āgatā. Tena vuttaṃ –
‘‘нисаж̇ж̇а баасаад̣̇аварз, звам̣ жинд̇зсахам̣ д̇ад̣̇аа’’.
‘‘Nisajja pāsādavare, evaṃ cintesahaṃ tadā’’.
52.
52.
‘‘яам̣гин̃жи маанусам̣ д̣̇аанам̣, ад̣̇иннам̣ мз на виж̇ж̇ад̇и;
‘‘Yaṃkiñci mānusaṃ dānaṃ, adinnaṃ me na vijjati;
яоби яаажзяяа мам̣ жагкум̣, д̣̇ад̣̇зяяам̣ авигамбид̇о’’д̇и.
Yopi yāceyya maṃ cakkhuṃ, dadeyyaṃ avikampito’’ti.
д̇ад̇т̇а маанусам̣ д̣̇аананд̇и багад̇имануссзхи д̣̇аад̇аб̣б̣ад̣̇аанам̣ аннабаанаад̣̇и. звам̣ бана махаасад̇д̇асса ул̣аарз д̣̇аанаж̇жхаасаяз уббаннз саггасса бан̣д̣угамб̣аласилаасанам̣ ун̣хаагаарам̣ д̣̇ассзси. со д̇асса гааран̣ам̣ ааваж̇ж̇знд̇о б̣од̇хисад̇д̇асса аж̇жхаасаяам̣ д̣̇исваа ‘‘сивирааж̇аа аж̇ж̇а самбад̇д̇аяаажагаа жагкууни жз яаажанд̇и, жагкууни уббаадзд̇ваа нзсам̣ д̣̇ассаамийд̇и жинд̇зсий’’д̇и сагго д̣̇звабарисааяа вад̇ваа ‘‘со сагкиссад̇и ну ко д̇ам̣ д̣̇аад̇ум̣, уд̣̇ааху нод̇и виймам̣сиссаами д̇аава на’’нд̇и б̣од̇хисад̇д̇з сол̣асахи г̇анд̇ход̣̇агагхадзхи нхад̇ваа саб̣б̣аалан̇гаарзхи бадиман̣д̣ид̇з алан̇гад̇ахад̇т̇игканд̇хавараг̇ад̇з д̣̇аанаг̇г̇ам̣ г̇ажчанд̇з ж̇арааж̇ин̣н̣о анд̇хаб̣раахман̣о вияа худ̇ваа д̇асса жагкубат̇з згасмим̣ уннад̇аббад̣̇зсз убхо хад̇т̇з басаарзд̇ваа рааж̇аанам̣ ж̇аяаабзд̇ваа тид̇о б̣од̇хисад̇д̇зна д̇ад̣̇абхимукам̣ вааран̣ам̣ бзсзд̇ваа ‘‘б̣раахман̣а, гим̣ ижчасий’’д̇и бужчид̇о ‘‘д̇ава д̣̇аанаж̇жхаасаяам̣ ниссааяа самуг̇г̇ад̇зна гид̇д̇игхосзна сагалалогасанниваасо ниранд̇арам̣ пудо, ахан̃жа анд̇хо, д̇асмаа д̇ам̣ яаажаамий’’д̇и убажааравасзна згам̣ жагкум̣ яаажи. д̇зна вуд̇д̇ам̣ –
Tattha mānusaṃ dānanti pakatimanussehi dātabbadānaṃ annapānādi. Evaṃ pana mahāsattassa uḷāre dānajjhāsaye uppanne sakkassa paṇḍukambalasilāsanaṃ uṇhākāraṃ dassesi. So tassa kāraṇaṃ āvajjento bodhisattassa ajjhāsayaṃ disvā ‘‘sivirājā ajja sampattayācakā cakkhūni ce yācanti, cakkhūni uppāṭetvā nesaṃ dassāmīti cintesī’’ti sakko devaparisāya vatvā ‘‘so sakkhissati nu kho taṃ dātuṃ, udāhu noti vīmaṃsissāmi tāva na’’nti bodhisatte soḷasahi gandhodakaghaṭehi nhatvā sabbālaṅkārehi paṭimaṇḍite alaṅkatahatthikkhandhavaragate dānaggaṃ gacchante jarājiṇṇo andhabrāhmaṇo viya hutvā tassa cakkhupathe ekasmiṃ unnatappadese ubho hatthe pasāretvā rājānaṃ jayāpetvā ṭhito bodhisattena tadabhimukhaṃ vāraṇaṃ pesetvā ‘‘brāhmaṇa, kiṃ icchasī’’ti pucchito ‘‘tava dānajjhāsayaṃ nissāya samuggatena kittighosena sakalalokasannivāso nirantaraṃ phuṭo, ahañca andho, tasmā taṃ yācāmī’’ti upacāravasena ekaṃ cakkhuṃ yāci. Tena vuttaṃ –
53.
53.
‘‘мама сан̇габбаман̃н̃ааяа, сагго д̣̇зваанамиссаро;
‘‘Mama saṅkappamaññāya, sakko devānamissaro;
нисинно д̣̇звабарисааяа, ид̣̇ам̣ важанамаб̣рави.
Nisinno devaparisāya, idaṃ vacanamabravi.
54.
54.
‘‘нисаж̇ж̇а баасаад̣̇аварз, сивирааж̇аа махид̣̇д̇хиго;
‘‘Nisajja pāsādavare, sivirājā mahiddhiko;
жинд̇знд̇о вивид̇хам̣ д̣̇аанам̣, ад̣̇зяяам̣ со на бассад̇и.
Cintento vividhaṃ dānaṃ, adeyyaṃ so na passati.
55.
55.
‘‘д̇ат̇ам̣ ну вид̇ат̇ам̣ нзд̇ам̣, ханд̣̇а виймам̣саяаами д̇ам̣;
‘‘Tathaṃ nu vitathaṃ netaṃ, handa vīmaṃsayāmi taṃ;
мухуд̇д̇ам̣ ааг̇амзяяаат̇а, яаава ж̇аанаами д̇ам̣ манам̣.
Muhuttaṃ āgameyyātha, yāva jānāmi taṃ manaṃ.
56.
56.
‘‘бавзд̇хамаано балид̇асиро, валиг̇ад̇д̇о ж̇араад̇уро;
‘‘Pavedhamāno palitasiro, valigatto jarāturo;
анд̇хаван̣н̣ова худ̇ваана, рааж̇аанам̣ убасан̇гами.
Andhavaṇṇova hutvāna, rājānaṃ upasaṅkami.
57.
57.
‘‘со д̇ад̣̇аа баг̇г̇ахзд̇ваана, ваамам̣ д̣̇агкин̣аб̣ааху жа;
‘‘So tadā paggahetvāna, vāmaṃ dakkhiṇabāhu ca;
сирасмим̣ ан̃ж̇алим̣ гад̇ваа, ид̣̇ам̣ важанамаб̣рави.
Sirasmiṃ añjaliṃ katvā, idaṃ vacanamabravi.
58.
58.
‘‘‘яаажаами д̇ам̣ махаарааж̇а, д̇хаммига радтавад̣дхана;
‘‘‘Yācāmi taṃ mahārāja, dhammika raṭṭhavaḍḍhana;
д̇ава д̣̇аанарад̇аа гид̇д̇и, уг̇г̇ад̇аа д̣̇звамаанусз.
Tava dānaratā kitti, uggatā devamānuse.
59.
59.
‘‘‘убхоби нзд̇д̇аа наяанаа, анд̇хаа убахад̇аа мама;
‘‘‘Ubhopi nettā nayanā, andhā upahatā mama;
згам̣ мз наяанам̣ д̣̇зхи, д̇вамби згзна яаабаяаа’’’д̇и.
Ekaṃ me nayanaṃ dehi, tvampi ekena yāpayā’’’ti.
д̇ад̇т̇а жинд̇знд̇о вивид̇хам̣ д̣̇аананд̇и ад̇д̇анаа д̣̇иннам̣ вивид̇хам̣ д̣̇аанам̣ жинд̇знд̇о, ааваж̇ж̇знд̇о д̣̇аанам̣ ваа ад̇д̇анаа д̣̇иннам̣ вивид̇хам̣ б̣аахирам̣ д̣̇зяяад̇хаммам̣ жинд̇знд̇о. ад̣̇зяяам̣ со на бассад̇ийд̇и б̣аахирам̣ вияа аж̇жхад̇д̇игавад̇т̇умби ад̣̇зяяам̣ д̣̇аад̇ум̣ асаггун̣зяяам̣ на бассад̇и, ‘‘жагкууниби уббаадзд̇ваа д̣̇ассаамий’’д̇и жинд̇зсийд̇и ад̇хиббааяо. д̇ат̇ам̣ ну вид̇ат̇ам̣ нзд̇анд̇и зд̇ам̣ аж̇жхад̇д̇игавад̇т̇уноби ад̣̇зяяасса ад̣̇ассанам̣ д̣̇зяяабхаавзнзва д̣̇ассанам̣ жинд̇анам̣ сажжам̣ ну ко, уд̣̇ааху, асажжанд̇и ад̇т̇о. со д̇ад̣̇аа баг̇г̇ахзд̇ваана, ваамам̣ д̣̇агкин̣аб̣ааху жаад̇и ваамаб̣аахум̣ д̣̇агкин̣аб̣аахун̃жа д̇ад̣̇аа баг̇г̇ахзд̇ваа, убхо б̣аахуу угкибид̇ваад̇и ад̇т̇о. радтавад̣дханаад̇и радтавад̣дхийгара. д̇вамби згзна яаабаяаад̇и згзна жагкунаа самависамам̣ бассанд̇о сагам̣ ад̇д̇абхаавам̣ д̇вам̣ яаабзхи, ахамби бхавад̇о лад̣̇д̇хзна згзна яаабзмийд̇и д̣̇ассзд̇и.
Tattha cintento vividhaṃ dānanti attanā dinnaṃ vividhaṃ dānaṃ cintento, āvajjento dānaṃ vā attanā dinnaṃ vividhaṃ bāhiraṃ deyyadhammaṃ cintento. Adeyyaṃ so na passatīti bāhiraṃ viya ajjhattikavatthumpi adeyyaṃ dātuṃ asakkuṇeyyaṃ na passati, ‘‘cakkhūnipi uppāṭetvā dassāmī’’ti cintesīti adhippāyo. Tathaṃ nu vitathaṃ netanti etaṃ ajjhattikavatthunopi adeyyassa adassanaṃ deyyabhāveneva dassanaṃ cintanaṃ saccaṃ nu kho, udāhu, asaccanti attho. So tadā paggahetvāna, vāmaṃ dakkhiṇabāhu cāti vāmabāhuṃ dakkhiṇabāhuñca tadā paggahetvā, ubho bāhū ukkhipitvāti attho. Raṭṭhavaḍḍhanāti raṭṭhavaḍḍhīkara. Tvampi ekena yāpayāti ekena cakkhunā samavisamaṃ passanto sakaṃ attabhāvaṃ tvaṃ yāpehi, ahampi bhavato laddhena ekena yāpemīti dasseti.
д̇ам̣ суд̇ваа махаасад̇д̇о д̇удтамаанасо ‘‘ид̣̇аанзваахам̣ баасаад̣̇з нисинно звам̣ жинд̇зд̇ваа ааг̇ад̇о, аяан̃жа мз жид̇д̇ам̣ н̃ад̇ваа вияа жагкум̣ яаажад̇и, ахо вад̇а мз лаабхаа, аж̇ж̇а мз манорат̇о мад̇т̇агам̣ баабун̣иссад̇и, ад̣̇иннабуб̣б̣ам̣ вад̇а д̣̇аанам̣ д̣̇ассаамий’’д̇и уссаахаж̇аад̇о ахоси. д̇амад̇т̇ам̣ багаасзнд̇о сад̇т̇аа ааха –
Taṃ sutvā mahāsatto tuṭṭhamānaso ‘‘idānevāhaṃ pāsāde nisinno evaṃ cintetvā āgato, ayañca me cittaṃ ñatvā viya cakkhuṃ yācati, aho vata me lābhā, ajja me manoratho matthakaṃ pāpuṇissati, adinnapubbaṃ vata dānaṃ dassāmī’’ti ussāhajāto ahosi. Tamatthaṃ pakāsento satthā āha –
60.
60.
‘‘д̇ассаахам̣ важанам̣ суд̇ваа, хадто сам̣виг̇г̇амаанасо;
‘‘Tassāhaṃ vacanaṃ sutvā, haṭṭho saṃviggamānaso;
гад̇ан̃ж̇алий взд̣̇аж̇аад̇о, ид̣̇ам̣ важанамаб̣равим̣.
Katañjalī vedajāto, idaṃ vacanamabraviṃ.
61.
61.
‘‘‘ид̣̇аанаахам̣ жинд̇аяид̇ваана, баасаад̣̇ад̇о ид̇хааг̇ад̇о;
‘‘‘Idānāhaṃ cintayitvāna, pāsādato idhāgato;
д̇вам̣ мама жид̇д̇аман̃н̃ааяа, нзд̇д̇ам̣ яаажид̇умааг̇ад̇о.
Tvaṃ mama cittamaññāya, nettaṃ yācitumāgato.
62.
62.
‘‘‘ахо мз маанасам̣ сид̣̇д̇хам̣, сан̇габбо барибуурид̇о;
‘‘‘Aho me mānasaṃ siddhaṃ, saṅkappo paripūrito;
ад̣̇иннабуб̣б̣ам̣ д̣̇аанаварам̣, аж̇ж̇а д̣̇ассаами яаажагз’’’д̇и.
Adinnapubbaṃ dānavaraṃ, ajja dassāmi yācake’’’ti.
д̇ад̇т̇а д̇ассаад̇и д̇асса б̣раахман̣аруубад̇харасса саггасса. хадтод̇и д̇удто. сам̣виг̇г̇амаанасод̇и мама жид̇д̇ам̣ ж̇аанид̇ваа вияа иминаа б̣раахман̣зна жагку яаажид̇ам̣, зд̇д̇агам̣ гаалам̣ звам̣ ажинд̇зд̇ваа бамаж̇ж̇ид̇о вад̇амхийд̇и сам̣виг̇г̇ажид̇д̇о. взд̣̇аж̇аад̇од̇и ж̇аад̇абийд̇ибаамож̇ж̇о. аб̣равинд̇и абхаасим̣. маанасанд̇и манаси бхавам̣ маанасам̣, д̣̇аанаж̇жхаасаяо, ‘‘жагкум̣ д̣̇ассаамий’’д̇и уббаннад̣̇аанаж̇жхаасаяод̇и ад̇т̇о. сан̇габбод̇и манорат̇о. барибуурид̇од̇и барибун̣н̣о.
Tattha tassāti tassa brāhmaṇarūpadharassa sakkassa. Haṭṭhoti tuṭṭho. Saṃviggamānasoti mama cittaṃ jānitvā viya iminā brāhmaṇena cakkhu yācitaṃ, ettakaṃ kālaṃ evaṃ acintetvā pamajjito vatamhīti saṃviggacitto. Vedajātoti jātapītipāmojjo. Abravinti abhāsiṃ. Mānasanti manasi bhavaṃ mānasaṃ, dānajjhāsayo, ‘‘cakkhuṃ dassāmī’’ti uppannadānajjhāsayoti attho. Saṅkappoti manoratho. Paripūritoti paripuṇṇo.
ат̇а б̣од̇хисад̇д̇о жинд̇зси – ‘‘аяам̣ б̣раахман̣о мама жид̇д̇аажаарам̣ н̃ад̇ваа вияа д̣̇ужжаж̇амби жагкум̣ мам̣ яаажад̇и, сияаа ну ко гааяажи д̣̇звад̇ааяа анусидто бхависсад̇и, бужчиссаами д̇аава на’’нд̇и жинд̇зд̇ваа д̇ам̣ б̣раахман̣ам̣ бужчи. д̇знааха бхаг̇аваа ж̇аад̇агад̣̇зсанааяам̣ –
Atha bodhisatto cintesi – ‘‘ayaṃ brāhmaṇo mama cittācāraṃ ñatvā viya duccajampi cakkhuṃ maṃ yācati, siyā nu kho kāyaci devatāya anusiṭṭho bhavissati, pucchissāmi tāva na’’nti cintetvā taṃ brāhmaṇaṃ pucchi. Tenāha bhagavā jātakadesanāyaṃ –
‘‘гзнаанусидто ид̇хамааг̇ад̇оси, ваниб̣б̣ага жагкубат̇аани яаажид̇ум̣;
‘‘Kenānusiṭṭho idhamāgatosi, vanibbaka cakkhupathāni yācituṃ;
суд̣̇ужжаж̇ам̣ яаажаси уд̇д̇аман̇г̇ам̣, яамааху нзд̇д̇ам̣ бурисзна д̣̇ужжаж̇а’’нд̇и.(ж̇аа. 1.15.53);
Suduccajaṃ yācasi uttamaṅgaṃ, yamāhu nettaṃ purisena duccaja’’nti.(jā. 1.15.53);
д̇ам̣ суд̇ваа б̣раахман̣аруубад̇харо сагго ааха –
Taṃ sutvā brāhmaṇarūpadharo sakko āha –
‘‘яамааху д̣̇звзсу суж̇амбад̇ийд̇и, магхаваад̇и нам̣ ааху мануссалогз;
‘‘Yamāhu devesu sujampatīti, maghavāti naṃ āhu manussaloke;
д̇знаанусидто ид̇хамааг̇ад̇осми, ваниб̣б̣аго жагкубат̇аани яаажид̇ум̣.
Tenānusiṭṭho idhamāgatosmi, vanibbako cakkhupathāni yācituṃ.
‘‘ваниб̣б̣ад̇о маяхам̣ ваним̣ ануд̇д̇арам̣, д̣̇ад̣̇аахи д̇з жагкубат̇аани яаажид̇о;
‘‘Vanibbato mayhaṃ vaniṃ anuttaraṃ, dadāhi te cakkhupathāni yācito;
д̣̇ад̣̇аахи мз жагкубат̇ам̣ ануд̇д̇арам̣, яамааху нзд̇д̇ам̣ бурисзна д̣̇ужжаж̇а’’нд̇и. (ж̇аа. 1.15.54-55);
Dadāhi me cakkhupathaṃ anuttaraṃ, yamāhu nettaṃ purisena duccaja’’nti. (jā. 1.15.54-55);
махаасад̇д̇о ааха –
Mahāsatto āha –
‘‘язна ад̇т̇зна ааг̇ажчи, яамад̇т̇амабхибад̇т̇аяам̣;
‘‘Yena atthena āgacchi, yamatthamabhipatthayaṃ;
д̇з д̇з иж̇жханд̇у сан̇габбаа, лабха жагкууни б̣раахман̣а.
Te te ijjhantu saṅkappā, labha cakkhūni brāhmaṇa.
‘‘згам̣ д̇з яаажамаанасса, убхаяаани д̣̇ад̣̇аамахам̣;
‘‘Ekaṃ te yācamānassa, ubhayāni dadāmahaṃ;
са жагкумаа г̇ажча ж̇анасса бзгкад̇о,
Sa cakkhumā gaccha janassa pekkhato,
яад̣̇ижчасз д̇вам̣ д̇ад̣̇а д̇з самиж̇жхад̇уу’’д̇и. (ж̇аа. 1.15.56-57);
Yadicchase tvaṃ tada te samijjhatū’’ti. (jā. 1.15.56-57);
д̇ад̇т̇а ваниб̣б̣агаад̇и д̇ам̣ аалабад̇и. жагкубат̇аанийд̇и д̣̇ассанасса бат̇абхаавад̇о жагкуунамзвзд̇ам̣ наамам̣. яамаахууд̇и яам̣ логз ‘‘д̣̇ужжаж̇а’’нд̇и гат̇знд̇и. ваниб̣б̣ад̇од̇и яаажанд̇асса. ванинд̇и яаажанам̣. д̇з д̇зд̇и д̇з д̇ава д̇асса анд̇хасса сан̇габбаа. са жагкумаад̇и со д̇вам̣ мама жагкуухи жагкумаа худ̇ваа. д̇ад̣̇а д̇з самиж̇жхад̇ууд̇и яам̣ д̇вам̣ мама санд̇игаа ижчаси, д̇ам̣ д̇з самиж̇жхад̇ууд̇и.
Tattha vanibbakāti taṃ ālapati. Cakkhupathānīti dassanassa pathabhāvato cakkhūnamevetaṃ nāmaṃ. Yamāhūti yaṃ loke ‘‘duccaja’’nti kathenti. Vanibbatoti yācantassa. Vaninti yācanaṃ. Te teti te tava tassa andhassa saṅkappā. Sa cakkhumāti so tvaṃ mama cakkhūhi cakkhumā hutvā. Tada te samijjhatūti yaṃ tvaṃ mama santikā icchasi, taṃ te samijjhatūti.
рааж̇аа зд̇д̇агам̣ гат̇зд̇ваа ‘‘аяам̣ б̣раахман̣о саггзна анусидто ид̇хааг̇ад̇осмийд̇и бхан̣ад̇и, нууна имасса иминаа убааязна жагку самбаж̇ж̇иссад̇ий’’д̇и н̃ад̇ваа ‘‘ид̇хзва маяаа жагкууни уббаадзд̇ваа д̣̇аад̇ум̣ асаарубба’’нд̇и жинд̇зд̇ваа б̣раахман̣ам̣ аад̣̇ааяа анд̇збурам̣ г̇анд̇ваа рааж̇аасанз нисийд̣̇ид̇ваа сивагам̣ наама взж̇ж̇ам̣ баггосаабзси. ат̇а ‘‘амхаагам̣ гира рааж̇аа агкийни уббаадзд̇ваа б̣раахман̣асса д̣̇аад̇угаамо’’д̇и сагаланаг̇арз згаголаахалам̣ ахоси. ат̇а нам̣ ран̃н̃о н̃аад̇исзнаабад̇иаад̣̇аяо рааж̇аваллабхаа амажжаа баарисаж̇ж̇аа нааг̇араа ород̇хаа жа саб̣б̣з саннибад̇ид̇ваа наанааубааязхи ниваарзсум̣. рааж̇ааби нз ануваарзси д̇знааха –
Rājā ettakaṃ kathetvā ‘‘ayaṃ brāhmaṇo sakkena anusiṭṭho idhāgatosmīti bhaṇati, nūna imassa iminā upāyena cakkhu sampajjissatī’’ti ñatvā ‘‘idheva mayā cakkhūni uppāṭetvā dātuṃ asāruppa’’nti cintetvā brāhmaṇaṃ ādāya antepuraṃ gantvā rājāsane nisīditvā sivakaṃ nāma vejjaṃ pakkosāpesi. Atha ‘‘amhākaṃ kira rājā akkhīni uppāṭetvā brāhmaṇassa dātukāmo’’ti sakalanagare ekakolāhalaṃ ahosi. Atha naṃ rañño ñātisenāpatiādayo rājavallabhā amaccā pārisajjā nāgarā orodhā ca sabbe sannipatitvā nānāupāyehi nivāresuṃ. Rājāpi ne anuvāresi tenāha –
‘‘маа но д̣̇зва ад̣̇аа жагкум̣, маа но саб̣б̣з бараагари;
‘‘Mā no deva adā cakkhuṃ, mā no sabbe parākari;
д̇ханам̣ д̣̇зхи махаарааж̇а, муд̇д̇аа взл̣урияаа б̣ахуу.
Dhanaṃ dehi mahārāja, muttā veḷuriyā bahū.
‘‘яуд̇д̇з д̣̇зва рат̇з д̣̇зхи, ааж̇аанийяз жалан̇гад̇з;
‘‘Yutte deva rathe dehi, ājānīye calaṅkate;
нааг̇з д̣̇зхи махаарааж̇а, хзмагаббанаваасасз.
Nāge dehi mahārāja, hemakappanavāsase.
‘‘яат̇аа д̇ам̣ сиваяо саб̣б̣з, саяог̇г̇аа сарат̇аа сад̣̇аа;
‘‘Yathā taṃ sivayo sabbe, sayoggā sarathā sadā;
саманд̇аа баригирзяяум̣, звам̣ д̣̇зхи рат̇зсабхаа’’д̇и. (ж̇аа. 1.15.58-60);
Samantā parikireyyuṃ, evaṃ dehi rathesabhā’’ti. (jā. 1.15.58-60);
ат̇а рааж̇аа д̇иссо г̇аат̇аа абхааси –
Atha rājā tisso gāthā abhāsi –
‘‘яо вз д̣̇ассанд̇и вад̇ваана, ад̣̇аанз гуруд̇з мано;
‘‘Yo ve dassanti vatvāna, adāne kurute mano;
бхуумяам̣ со бад̇ид̇ам̣ баасам̣, г̇ийвааяам̣ бадимун̃жад̇и.
Bhūmyaṃ so patitaṃ pāsaṃ, gīvāyaṃ paṭimuñcati.
‘‘яо вз д̣̇ассанд̇и вад̇ваана, ад̣̇аанз гуруд̇з мано;
‘‘Yo ve dassanti vatvāna, adāne kurute mano;
баабаа баабад̇аро ход̇и, самбад̇д̇о яамасаад̇ханам̣.
Pāpā pāpataro hoti, sampatto yamasādhanaṃ.
‘‘яан̃хи яаажз д̇ан̃хи д̣̇ад̣̇з, яам̣ на яаажз на д̇ам̣ д̣̇ад̣̇з;
‘‘Yañhi yāce tañhi dade, yaṃ na yāce na taṃ dade;
сваахам̣ д̇амзва д̣̇ассаами, яам̣ мам̣ яаажад̇и б̣раахман̣о’’д̇и. (ж̇аа. 1.15.61-63);
Svāhaṃ tameva dassāmi, yaṃ maṃ yācati brāhmaṇo’’ti. (jā. 1.15.61-63);
д̇ад̇т̇а маа но, д̣̇зваад̇и нод̇и нибаад̇амад̇д̇ам̣. д̣̇зва, маа жагкум̣ ад̣̇ааси. маа но саб̣б̣з бараагарийд̇и амхз саб̣б̣з маа барижжаж̇и. агкийсу хи д̣̇иннзсу д̇вам̣ раж̇ж̇ам̣ на гариссаси, звам̣ д̇аяаа маяам̣ барижжад̇д̇аа наама бхависсаамаад̇и ад̇хиббааязна звамаахам̣су. баригирзяяунд̇и бариваарзяяум̣. звам̣ д̣̇зхийд̇и яат̇аа д̇ам̣ авигалажагкум̣ сиваяо жирам̣ бариваарзяяум̣, звам̣ д̣̇зхи д̇ханамзвасса д̣̇зхи, маа агкийни, агкийсу хи д̣̇иннзсу на д̇ам̣ сиваяо бариваарзссанд̇ийд̇и д̣̇ассзд̇и.
Tattha mā no, devāti noti nipātamattaṃ. Deva, mā cakkhuṃ adāsi. Mā no sabbe parākarīti amhe sabbe mā pariccaji. Akkhīsu hi dinnesu tvaṃ rajjaṃ na karissasi, evaṃ tayā mayaṃ pariccattā nāma bhavissāmāti adhippāyena evamāhaṃsu. Parikireyyunti parivāreyyuṃ. Evaṃ dehīti yathā taṃ avikalacakkhuṃ sivayo ciraṃ parivāreyyuṃ, evaṃ dehi dhanamevassa dehi, mā akkhīni, akkhīsu hi dinnesu na taṃ sivayo parivāressantīti dasseti.
бадимун̃жад̇ийд̇и бадибавзсзд̇и. баабаа баабад̇аро ход̇ийд̇и лаамагаа лаамагад̇аро наама ход̇и. самбад̇д̇о яамасаад̇хананд̇и яамасса аан̣аабавад̇д̇идтаанам̣ уссад̣̇анираяам̣ зса бад̇д̇о наама ход̇и. яан̃хи яаажзд̇и яам̣ вад̇т̇ум̣ яаажаго яаажад̇и, д̣̇ааяагоби д̇ад̣̇зва д̣̇ад̣̇зяяа, на аяаажид̇ам̣, аяан̃жа б̣раахман̣о жагкум̣ мам̣ яаажад̇и, на муд̇д̇аад̣̇игам̣ д̇ханам̣, д̇ам̣ д̣̇ассаамийд̇и вад̣̇ад̇и.
Paṭimuñcatīti paṭipaveseti. Pāpā pāpataro hotīti lāmakā lāmakataro nāma hoti. Sampatto yamasādhananti yamassa āṇāpavattiṭṭhānaṃ ussadanirayaṃ esa patto nāma hoti. Yañhi yāceti yaṃ vatthuṃ yācako yācati, dāyakopi tadeva dadeyya, na ayācitaṃ, ayañca brāhmaṇo cakkhuṃ maṃ yācati, na muttādikaṃ dhanaṃ, taṃ dassāmīti vadati.
ат̇а нам̣ ‘‘ааяуаад̣̇ийсу гим̣ бад̇т̇зд̇ваа жагкууни д̣̇зси д̣̇зваа’’д̇и бужчим̣су. махаабурисо ‘‘наахам̣ д̣̇идтад̇хаммигам̣ самбарааяигам̣ ваа самбад̇д̇им̣ бад̇т̇зд̇ваа д̣̇зми, аби жа б̣од̇хисад̇д̇аанам̣ аажин̣н̣асамаажин̣н̣о бораан̣агамаг̇г̇о зса, яад̣̇ид̣̇ам̣ д̣̇аанабаарамибууран̣ам̣ наамаа’’д̇и ааха. д̇зна вуд̇д̇ам̣ –
Atha naṃ ‘‘āyuādīsu kiṃ patthetvā cakkhūni desi devā’’ti pucchiṃsu. Mahāpuriso ‘‘nāhaṃ diṭṭhadhammikaṃ samparāyikaṃ vā sampattiṃ patthetvā demi, api ca bodhisattānaṃ āciṇṇasamāciṇṇo porāṇakamaggo esa, yadidaṃ dānapāramipūraṇaṃ nāmā’’ti āha. Tena vuttaṃ –
‘‘ааяум̣ ну ван̣н̣ам̣ ну сукам̣ б̣алам̣ ну, гим̣ бад̇т̇аяаано ну ж̇анинд̣̇а д̣̇зси;
‘‘Āyuṃ nu vaṇṇaṃ nu sukhaṃ balaṃ nu, kiṃ patthayāno nu janinda desi;
гат̇ан̃хи рааж̇аа сивинам̣ ануд̇д̇аро, жагкууни д̣̇аж̇ж̇аа баралогахзд̇у.
Kathañhi rājā sivinaṃ anuttaro, cakkhūni dajjā paralokahetu.
‘‘на ваахамзд̇ам̣ яасасаа д̣̇ад̣̇аами, на буд̇д̇амижчз на д̇ханам̣ на радтам̣;
‘‘Na vāhametaṃ yasasā dadāmi, na puttamicche na dhanaṃ na raṭṭhaṃ;
сад̇ан̃жа д̇хаммо жарид̇о бураан̣о, ижжзва д̣̇аанз рамад̇з мано мамаа’’д̇и. (ж̇аа. 1.15.64-65);
Satañca dhammo carito purāṇo, icceva dāne ramate mano mamā’’ti. (jā. 1.15.64-65);
д̇ад̇т̇а баралогахзд̇ууд̇и, махаарааж̇а, гат̇ам̣ наама д̇умхаад̣̇исо бан̣д̣ид̇абурисо саггасамбад̇д̇исад̣̇исам̣ санд̣̇идтигам̣ иссарияам̣ бахааяа баралогахзд̇у жагкууни д̣̇ад̣̇зяяаад̇и.
Tattha paralokahetūti, mahārāja, kathaṃ nāma tumhādiso paṇḍitapuriso sakkasampattisadisaṃ sandiṭṭhikaṃ issariyaṃ pahāya paralokahetu cakkhūni dadeyyāti.
на вааханд̇и на вз ахам̣. яасасаад̇и д̣̇иб̣б̣асса ваа маанусасса ваа иссарияасса гааран̣аа, абижа сад̇ам̣ б̣од̇хисад̇д̇аанам̣ д̇хаммо б̣уд̣̇д̇хагаараго жарид̇о аажарид̇о аажин̣н̣о бураад̇ано ижжзва иминаа гааран̣зна д̣̇аанзязва ийд̣̇исо мама мано нирад̇од̇и.
Na vāhanti na ve ahaṃ. Yasasāti dibbassa vā mānusassa vā issariyassa kāraṇā, apica sataṃ bodhisattānaṃ dhammo buddhakārako carito ācarito āciṇṇo purātano icceva iminā kāraṇena dāneyeva īdiso mama mano niratoti.
зван̃жа бана вад̇ваа рааж̇аа амажжз сан̃н̃аабзд̇ваа сивагам̣ взж̇ж̇ам̣ аан̣аабзси – ‘‘зхи, сивага, мама убхоби агкийни имасса б̣раахман̣асса д̣̇аад̇ум̣ сийгхам̣ уббаадзд̇ваа хад̇т̇з бад̇идтабзхий’’д̇и. д̇зна вуд̇д̇ам̣ –
Evañca pana vatvā rājā amacce saññāpetvā sivakaṃ vejjaṃ āṇāpesi – ‘‘ehi, sivaka, mama ubhopi akkhīni imassa brāhmaṇassa dātuṃ sīghaṃ uppāṭetvā hatthe patiṭṭhapehī’’ti. Tena vuttaṃ –
63.
63.
‘‘зхи сивага удтзхи, маа д̣̇анд̇хаяи маа бавзд̇хаяи;
‘‘Ehi sivaka uṭṭhehi, mā dandhayi mā pavedhayi;
убхоби наяанам̣ д̣̇зхи, уббаадзд̇ваа ваниб̣б̣агз.
Ubhopi nayanaṃ dehi, uppāṭetvā vanibbake.
64.
64.
‘‘д̇ад̇о со жод̣̇ид̇о маяхам̣, сиваго важанам̣гаро;
‘‘Tato so codito mayhaṃ, sivako vacanaṃkaro;
уд̣̇д̇харид̇ваана баад̣̇ааси, д̇ааламин̃ж̇ам̣ва яаажагз’’д̇и.
Uddharitvāna pādāsi, tālamiñjaṃva yācake’’ti.
д̇ад̇т̇а удтзхийд̇и удтаанавийрияам̣ гарохи. имасмим̣ мама жагкуд̣̇аанз сахааяагижжам̣ гарохийд̇и д̣̇ассзд̇и. маа д̣̇анд̇аяийд̇и маа жирааяи. аяан̃хи ад̇ид̣̇уллабхо жирагаалам̣ бад̇т̇ид̇о маяаа уд̇д̇амо д̣̇аанагкан̣о бадилад̣̇д̇хо, со маа вираж̇жхийд̇и ад̇хиббааяо. маа бавзд̇хаяийд̇и ‘‘амхаагам̣ ран̃н̃о жагкууни уббаадзмий’’д̇и жид̇д̇уд̇раасавасзна маа взд̇хаяи сарийрагамбам̣ маа аабаж̇ж̇и. убхоби наяананд̇и убхоби наяанз. ваниб̣б̣агзд̇и яаажагасса маяханд̇и маяаа. уд̣̇д̇харид̇ваана баад̣̇аасийд̇и со взж̇ж̇о ран̃н̃о агкигуубад̇о убхоби агкийни уббаадзд̇ваа ран̃н̃о хад̇т̇з ад̣̇ааси.
Tattha uṭṭhehīti uṭṭhānavīriyaṃ karohi. Imasmiṃ mama cakkhudāne sahāyakiccaṃ karohīti dasseti. Mā dantayīti mā cirāyi. Ayañhi atidullabho cirakālaṃ patthito mayā uttamo dānakkhaṇo paṭiladdho, so mā virajjhīti adhippāyo. Mā pavedhayīti ‘‘amhākaṃ rañño cakkhūni uppāṭemī’’ti cittutrāsavasena mā vedhayi sarīrakampaṃ mā āpajji. Ubhopinayananti ubhopi nayane. Vanibbaketi yācakassa mayhanti mayā. Uddharitvāna pādāsīti so vejjo rañño akkhikūpato ubhopi akkhīni uppāṭetvā rañño hatthe adāsi.
д̣̇знд̇о жа на сад̇т̇агзна уд̣̇д̇харид̇ваа ад̣̇ааси. со хи жинд̇зси – ‘‘аяуд̇д̇ам̣ маад̣̇исасса сусигкид̇авзж̇ж̇асса ран̃н̃о агкийсу сад̇т̇абаад̇ана’’нд̇и бхзсаж̇ж̇аани гхам̣сзд̇ваа бхзсаж̇ж̇ажун̣н̣зна нийлуббалам̣ барибхаавзд̇ваа д̣̇агкин̣агким̣ убасин̇гхаабзси, агки баривад̇д̇и, д̣̇угкаа взд̣̇анаа уббаж̇ж̇и. со барибхаавзд̇ваа бунаби убасин̇гхаабзси, агки агкигуубад̇о мужжи, б̣алавад̇араа взд̣̇анаа уд̣̇абаад̣̇и, д̇ад̇ияаваарз карад̇арам̣ барибхаавзд̇ваа убанаамзси, агки осад̇хаб̣алзна бариб̣бхамид̇ваа агкигуубад̇о нигкамид̇ваа нхаарусуд̇д̇агзна оламб̣амаанам̣ адтааси, ад̇химад̇д̇аа взд̣̇анаа уд̣̇абаад̣̇и, лохид̇ам̣ баг̇гхари, нивад̇т̇асаадагааби лохид̇зна д̇змим̣су. ород̇хаа жа амажжаа жа ран̃н̃о баад̣̇амуулз бад̇ид̇ваа ‘‘д̣̇зва, агкийни маа д̣̇зхи, д̣̇зва, агкийни маа д̣̇зхий’’д̇и махаабарид̣̇звам̣ барид̣̇звим̣су.
Dento ca na satthakena uddharitvā adāsi. So hi cintesi – ‘‘ayuttaṃ mādisassa susikkhitavejjassa rañño akkhīsu satthapātana’’nti bhesajjāni ghaṃsetvā bhesajjacuṇṇena nīluppalaṃ paribhāvetvā dakkhiṇakkhiṃ upasiṅghāpesi, akkhi parivatti, dukkhā vedanā uppajji. So paribhāvetvā punapi upasiṅghāpesi, akkhi akkhikūpato mucci, balavatarā vedanā udapādi, tatiyavāre kharataraṃ paribhāvetvā upanāmesi, akkhi osadhabalena paribbhamitvā akkhikūpato nikkhamitvā nhārusuttakena olambamānaṃ aṭṭhāsi, adhimattā vedanā udapādi, lohitaṃ pagghari, nivatthasāṭakāpi lohitena temiṃsu. Orodhā ca amaccā ca rañño pādamūle patitvā ‘‘deva, akkhīni mā dehi, deva, akkhīni mā dehī’’ti mahāparidevaṃ parideviṃsu.
рааж̇аа взд̣̇анам̣ ад̇хиваасзд̇ваа ‘‘д̇аад̇а, маа бабан̃жам̣ гарий’’д̇и ааха. со ‘‘саад̇ху, д̣̇зваа’’д̇и ваамахад̇т̇зна агким̣ д̇хаарзд̇ваа д̣̇агкин̣ахад̇т̇зна сад̇т̇агам̣ аад̣̇ааяа агкисуд̇д̇агам̣ чинд̣̇ид̇ваа агким̣ г̇ахзд̇ваа махаасад̇д̇асса хад̇т̇з табзси. со ваамагкинаа д̣̇агкин̣агким̣ ологзд̇ваа барижжааг̇абийд̇ияаа абхибхуяяамаанам̣ д̣̇угкавзд̣̇анам̣ взд̣̇знд̇о ‘‘зхи, б̣раахман̣аа’’д̇и б̣раахман̣ам̣ баггосаабзд̇ваа ‘‘мама ид̇о жагкуд̇о сад̇аг̇ун̣зна сахассаг̇ун̣зна сад̇асахассаг̇ун̣зна саманд̇ажагкумзва бияад̇арам̣, д̇асса мз ид̣̇ам̣ агкид̣̇аанам̣ бажжаяо ход̇уу’’д̇и б̣раахман̣асса агким̣ ад̣̇ааси. со д̇ам̣ угкибид̇ваа ад̇д̇ано агкимхи табзси, д̇ам̣ д̇ассаанубхаавзна вигасид̇анийлуббалам̣ вияа худ̇ваа убадтааси. махаасад̇д̇о ваамагкинаа д̇асса д̇ам̣ агким̣ д̣̇исваа ‘‘ахо суд̣̇иннам̣ маяаа агкий’’д̇и анд̇осамуг̇г̇ад̇ааяа бийд̇ияаа ниранд̇арам̣ пудасарийро худ̇ваа абарамби ад̣̇ааси. саггоби д̇ам̣ д̇ат̇зва гад̇ваа рааж̇анивзсанаа нигкамид̇ваа махааж̇анасса ологзнд̇ассзва наг̇араа нигкамид̇ваа д̣̇звалогамзва г̇ад̇о.
Rājā vedanaṃ adhivāsetvā ‘‘tāta, mā papañcaṃ karī’’ti āha. So ‘‘sādhu, devā’’ti vāmahatthena akkhiṃ dhāretvā dakkhiṇahatthena satthakaṃ ādāya akkhisuttakaṃ chinditvā akkhiṃ gahetvā mahāsattassa hatthe ṭhapesi. So vāmakkhinā dakkhiṇakkhiṃ oloketvā pariccāgapītiyā abhibhuyyamānaṃ dukkhavedanaṃ vedento ‘‘ehi, brāhmaṇā’’ti brāhmaṇaṃ pakkosāpetvā ‘‘mama ito cakkhuto sataguṇena sahassaguṇena satasahassaguṇena samantacakkhumeva piyataraṃ, tassa me idaṃ akkhidānaṃ paccayo hotū’’ti brāhmaṇassa akkhiṃ adāsi. So taṃ ukkhipitvā attano akkhimhi ṭhapesi, taṃ tassānubhāvena vikasitanīluppalaṃ viya hutvā upaṭṭhāsi. Mahāsatto vāmakkhinā tassa taṃ akkhiṃ disvā ‘‘aho sudinnaṃ mayā akkhī’’ti antosamuggatāya pītiyā nirantaraṃ phuṭasarīro hutvā aparampi adāsi. Sakkopi taṃ tatheva katvā rājanivesanā nikkhamitvā mahājanassa olokentasseva nagarā nikkhamitvā devalokameva gato.
ран̃н̃о нажирассзва агкийни ааваадабхаавам̣ аббад̇д̇аани гамб̣алаг̇зн̣д̣угам̣ вияа уг̇г̇ад̇зна мам̣сабин̣д̣зна буурзд̇ваа жид̇д̇агаммаруубасса вияа рухим̣су, взд̣̇анаа бажчиж̇ж̇и. ат̇а махаасад̇д̇о гад̇ибаахам̣ баасаад̣̇з васид̇ваа ‘‘гим̣ анд̇хасса раж̇ж̇знаад̇и амажжаанам̣ раж̇ж̇ам̣ нияяаад̇зд̇ваа уяяаанам̣ г̇анд̇ваа баб̣б̣аж̇ид̇ваа саман̣ад̇хаммам̣ гариссаамий’’д̇и жинд̇зд̇ваа амажжаанам̣ д̇амад̇т̇ам̣ аарожзд̇ваа ‘‘мукад̇хованаад̣̇ид̣̇ааяаго зго бурисо маяхам̣ санд̇игз ход̇у, сарийрагижжадтаанзсуби мз раж̇ж̇угам̣ б̣анд̇хат̇аа’’д̇и вад̇ваа сивигааяа г̇анд̇ваа богкаран̣ид̇ийрз рааж̇абаллан̇гз нисийд̣̇и. амажжааби ванд̣̇ид̇ваа бадиггамим̣су. б̣од̇хисад̇д̇оби ад̇д̇ано д̣̇аанам̣ ааваж̇ж̇зси. д̇асмим̣ кан̣з саггасса аасанам̣ ун̣хаагаарам̣ д̣̇ассзси. сагго д̇ам̣ д̣̇исваа ‘‘махаарааж̇асса варам̣ д̣̇ад̇ваа жагкум̣ бадибаагад̇игам̣ гариссаамий’’д̇и б̣од̇хисад̇д̇асса самийбам̣ г̇анд̇ваа бад̣̇асад̣̇д̣̇амагааси. махаасад̇д̇зна жа ‘‘го зсо’’д̇и вуд̇д̇з –
Rañño nacirasseva akkhīni āvāṭabhāvaṃ appattāni kambalageṇḍukaṃ viya uggatena maṃsapiṇḍena pūretvā cittakammarūpassa viya ruhiṃsu, vedanā pacchijji. Atha mahāsatto katipāhaṃ pāsāde vasitvā ‘‘kiṃ andhassa rajjenāti amaccānaṃ rajjaṃ niyyātetvā uyyānaṃ gantvā pabbajitvā samaṇadhammaṃ karissāmī’’ti cintetvā amaccānaṃ tamatthaṃ ārocetvā ‘‘mukhadhovanādidāyako eko puriso mayhaṃ santike hotu, sarīrakiccaṭṭhānesupi me rajjukaṃ bandhathā’’ti vatvā sivikāya gantvā pokkharaṇitīre rājapallaṅke nisīdi. Amaccāpi vanditvā paṭikkamiṃsu. Bodhisattopi attano dānaṃ āvajjesi. Tasmiṃ khaṇe sakkassa āsanaṃ uṇhākāraṃ dassesi. Sakko taṃ disvā ‘‘mahārājassa varaṃ datvā cakkhuṃ paṭipākatikaṃ karissāmī’’ti bodhisattassa samīpaṃ gantvā padasaddamakāsi. Mahāsattena ca ‘‘ko eso’’ti vutte –
‘‘саггохамасми д̣̇звинд̣̇о, ааг̇ад̇осми д̇аванд̇игз;
‘‘Sakkohamasmi devindo, āgatosmi tavantike;
варам̣ варассу рааж̇ийси, яам̣ гин̃жи манасижчасий’’д̇и. (ж̇аа. 1.15.71) –
Varaṃ varassu rājīsi, yaṃ kiñci manasicchasī’’ti. (jā. 1.15.71) –
вад̇ваа д̇зна –
Vatvā tena –
‘‘бахууд̇ам̣ мз д̇ханам̣ сагга, б̣алам̣ госо жанаббаго;
‘‘Pahūtaṃ me dhanaṃ sakka, balaṃ koso canappako;
анд̇хасса мз сад̇о д̣̇аани, маран̣ан̃н̃зва ружжад̇ий’’д̇и. (ж̇аа. 1.15.72) –
Andhassa me sato dāni, maraṇaññeva ruccatī’’ti. (jā. 1.15.72) –
вуд̇д̇з ат̇а нам̣ сагго ааха – ‘‘сивирааж̇а, гим̣ бана д̇вам̣ марид̇угаамо худ̇ваа маран̣ам̣ рожзси, уд̣̇ааху анд̇хабхаавзнаа’’д̇и. анд̇хабхаавзна, д̣̇зваад̇и. ‘‘махаарааж̇а, д̣̇аанам̣ наама на гзвалам̣ самбарааяад̇т̇амзва д̣̇ияяад̇и, д̣̇идтад̇хаммад̇т̇ааяаби бажжаяо ход̇и, д̇асмаа д̇ава д̣̇аанабун̃н̃амзва ниссааяа сажжагирияам̣ гарохи, д̇асса б̣алзнзва д̇з жагку уббаж̇ж̇иссад̇ий’’д̇и вуд̇д̇з ‘‘д̇зна хи маяаа махаад̣̇аанам̣ суд̣̇инна’’нд̇и вад̇ваа сажжагирияам̣ гаронд̇о –
Vutte atha naṃ sakko āha – ‘‘sivirāja, kiṃ pana tvaṃ maritukāmo hutvā maraṇaṃ rocesi, udāhu andhabhāvenā’’ti. Andhabhāvena, devāti. ‘‘Mahārāja, dānaṃ nāma na kevalaṃ samparāyatthameva diyyati, diṭṭhadhammatthāyapi paccayo hoti, tasmā tava dānapuññameva nissāya saccakiriyaṃ karohi, tassa baleneva te cakkhu uppajjissatī’’ti vutte ‘‘tena hi mayā mahādānaṃ sudinna’’nti vatvā saccakiriyaṃ karonto –
‘‘яз мам̣ яаажид̇умааяанд̇и, наанааг̇од̇д̇аа ваниб̣б̣агаа;
‘‘Ye maṃ yācitumāyanti, nānāgottā vanibbakā;
яоби мам̣ яаажад̇з д̇ад̇т̇а, соби мз манасо бияо;
Yopi maṃ yācate tattha, sopi me manaso piyo;
зд̇зна сажжаваж̇ж̇зна, жагку мз убабаж̇ж̇ат̇аа’’д̇и. (ж̇аа. 1.15.74) –
Etena saccavajjena, cakkhu me upapajjathā’’ti. (jā. 1.15.74) –
ааха.
Āha.
д̇ад̇т̇а яз манд̇и яз мам̣ яаажид̇умааг̇ажчанд̇и, д̇зсуби ааг̇ад̇зсу яо имам̣ наама д̣̇зхийд̇и ваажам̣ нижчаарзнд̇о мам̣ яаажад̇з, соби мз манасо бияо. зд̇знаад̇и сажз маяхам̣ саб̣б̣зби яаажагаа бияаа, сажжамзвзд̇ам̣ маяаа вуд̇д̇ам̣, зд̇зна мз сажжаважанзна згам̣ жагку убабаж̇ж̇ат̇а уббаж̇ж̇ад̇ууд̇и.
Tattha ye manti ye maṃ yācitumāgacchanti, tesupi āgatesu yo imaṃ nāma dehīti vācaṃ nicchārento maṃ yācate, sopi me manaso piyo. Etenāti sace mayhaṃ sabbepi yācakā piyā, saccamevetaṃ mayā vuttaṃ, etena me saccavacanena ekaṃ cakkhu upapajjatha uppajjatūti.
ат̇асса важанасамананд̇арамзва батамам̣ жагку уд̣̇абаад̣̇и. д̇ад̇о д̣̇уд̇ияасса уббаж̇ж̇анад̇т̇ааяа –
Athassa vacanasamanantarameva paṭhamaṃ cakkhu udapādi. Tato dutiyassa uppajjanatthāya –
‘‘яам̣ мам̣ со яаажид̇ум̣ ааг̇аа, д̣̇зхи жагкунд̇и б̣раахман̣о;
‘‘Yaṃ maṃ so yācituṃ āgā, dehi cakkhunti brāhmaṇo;
д̇асса жагкууни баад̣̇аасим̣, б̣раахман̣асса ваниб̣б̣ад̇о.
Tassa cakkhūni pādāsiṃ, brāhmaṇassa vanibbato.
‘‘бхияяо мам̣ аависий бийд̇и, соманассан̃жанаббагам̣;
‘‘Bhiyyo maṃ āvisī pīti, somanassañcanappakaṃ;
зд̇зна сажжаваж̇ж̇зна, д̣̇уд̇ияам̣ мз убабаж̇ж̇ат̇аа’’д̇и. (ж̇аа. 1.15.75-76) –
Etena saccavajjena, dutiyaṃ me upapajjathā’’ti. (jā. 1.15.75-76) –
ааха.
Āha.
д̇ад̇т̇а яам̣ манд̇и яо мам̣. сод̇и со жагкуяаажаго б̣раахман̣о. ааг̇аад̇и ааг̇ад̇о. ваниб̣б̣ад̇од̇и яаажанд̇асса. мам̣ аависийд̇и б̣раахман̣асса жагкууни д̣̇ад̇ваа анд̇хагаалзби д̇ат̇ааруубам̣ взд̣̇анам̣ аг̇ан̣зд̇ваа ‘‘ахо суд̣̇иннам̣ мз д̣̇аана’’нд̇и бажжавзгканд̇ам̣ мам̣ бхияяо ад̇ирзгад̇араа бийд̇и аависи. соманассан̃жанаббаганд̇и абаримаан̣ам̣ соманассам̣ уббаж̇ж̇и. зд̇знаад̇и сажз д̇ад̣̇аа мама анаббагам̣ бийд̇исоманассам̣ уббаннам̣, сажжамзвзд̇ам̣ маяаа вуд̇д̇ам̣, зд̇зна мз сажжаважанзна д̣̇уд̇ияамби жагку убабаж̇ж̇ад̇ууд̇и.
Tattha yaṃ manti yo maṃ. Soti so cakkhuyācako brāhmaṇo. Āgāti āgato. Vanibbatoti yācantassa. Maṃ āvisīti brāhmaṇassa cakkhūni datvā andhakālepi tathārūpaṃ vedanaṃ agaṇetvā ‘‘aho sudinnaṃ me dāna’’nti paccavekkhantaṃ maṃ bhiyyo atirekatarā pīti āvisi. Somanassañcanappakanti aparimāṇaṃ somanassaṃ uppajji. Etenāti sace tadā mama anappakaṃ pītisomanassaṃ uppannaṃ, saccamevetaṃ mayā vuttaṃ, etena me saccavacanena dutiyampi cakkhu upapajjatūti.
д̇ам̣кан̣ан̃н̃зва д̣̇уд̇ияамби жагку уд̣̇абаад̣̇и. д̇аани банасса жагкууни нзва баагад̇игаани, на д̣̇иб̣б̣аани. саггаб̣раахман̣асса хи д̣̇иннам̣ жагкум̣ буна баагад̇игам̣ гаад̇ум̣ на саггаа, убахад̇ажагкуно жа д̣̇иб̣б̣ажагку наама нуббаж̇ж̇ад̇и, вуд̇д̇анаязна банасса аад̣̇имаж̇жхабарияосаанзсу авибарийд̇ам̣ ад̇д̇ано д̣̇аанабийд̇им̣ убаад̣̇ааяа бийд̇ипаран̣авасзна ниб̣б̣ад̇д̇аани ‘‘сажжабаарамид̇аажагкууний’’д̇и вуд̇д̇аани. д̇зна вуд̇д̇ам̣ –
Taṃkhaṇaññeva dutiyampi cakkhu udapādi. Tāni panassa cakkhūni neva pākatikāni, na dibbāni. Sakkabrāhmaṇassa hi dinnaṃ cakkhuṃ puna pākatikaṃ kātuṃ na sakkā, upahatacakkhuno ca dibbacakkhu nāma nuppajjati, vuttanayena panassa ādimajjhapariyosānesu aviparītaṃ attano dānapītiṃ upādāya pītipharaṇavasena nibbattāni ‘‘saccapāramitācakkhūnī’’ti vuttāni. Tena vuttaṃ –
65.
65.
‘‘д̣̇ад̣̇амаанасса д̣̇знд̇асса, д̣̇иннад̣̇аанасса мз сад̇о;
‘‘Dadamānassa dentassa, dinnadānassa me sato;
жид̇д̇асса ан̃н̃ат̇аа над̇т̇и, б̣од̇хияааязва гааран̣аа’’д̇и.
Cittassa aññathā natthi, bodhiyāyeva kāraṇā’’ti.
д̇ад̇т̇а д̣̇ад̣̇амаанассаад̇и жагкууни д̣̇аад̇ум̣ взж̇ж̇зна уббаадзнд̇асса. д̣̇знд̇ассаад̇и уббаадид̇аани д̇аани саггаб̣раахман̣асса хад̇т̇з табзнд̇асса. д̣̇иннад̣̇аанассаад̇и жагкуд̣̇аанам̣ д̣̇иннавад̇о. жид̇д̇асса ан̃н̃ат̇аад̇и д̣̇аанаж̇жхаасаяасса ан̃н̃ат̇аабхааво. б̣од̇хияааязва гааран̣аад̇и д̇ан̃жа саб̣б̣ан̃н̃уд̇ан̃н̃аан̣ассзва хзд̇ууд̇и ад̇т̇о.
Tattha dadamānassāti cakkhūni dātuṃ vejjena uppāṭentassa. Dentassāti uppāṭitāni tāni sakkabrāhmaṇassa hatthe ṭhapentassa. Dinnadānassāti cakkhudānaṃ dinnavato. Cittassa aññathāti dānajjhāsayassa aññathābhāvo. Bodhiyāyeva kāraṇāti tañca sabbaññutaññāṇasseva hetūti attho.
66. саб̣б̣ан̃н̃уд̇ан̃н̃аан̣асса суд̣̇уллабхад̇ааяа звам̣ суд̣̇уггарам̣ маяаа гад̇анд̇и на жагкуунам̣ на ад̇д̇абхаавассаби аббияад̇ааяаад̇и д̣̇ассзнд̇о ‘‘на мз д̣̇зссаа’’д̇и осаанаг̇аат̇амааха. д̇ад̇т̇а ад̇д̇аа на мз на д̣̇зссияод̇и батамо на-гааро нибаад̇амад̇д̇о. ад̇д̇аа на мз гуж̇жхид̇аб̣б̣о, на аббияод̇и ад̇т̇о. ‘‘ад̇д̇аанам̣ мз на д̣̇зссияа’’нд̇иби баато. д̇ассад̇т̇о – мз ад̇д̇аанам̣ ахам̣ на д̣̇зссияам̣ на гуж̇жхзяяам̣ на гуж̇жхид̇ум̣ арахаами на со маяаа гуж̇жхид̇аб̣б̣од̇и. ‘‘ад̇д̇ааби мз на д̣̇зссияо’’д̇иби батанд̇и. ад̣̇аасаханд̇и ад̣̇аасим̣ ахам̣. ‘‘ад̣̇аасиха’’нд̇иби баато.
66. Sabbaññutaññāṇassa sudullabhatāya evaṃ sudukkaraṃ mayā katanti na cakkhūnaṃ na attabhāvassapi appiyatāyāti dassento ‘‘na me dessā’’ti osānagāthamāha. Tattha attā na me na dessiyoti paṭhamo na-kāro nipātamatto. Attā na me kujjhitabbo, na appiyoti attho. ‘‘Attānaṃ me na dessiya’’ntipi pāṭho. Tassattho – me attānaṃ ahaṃ na dessiyaṃ na kujjheyyaṃ na kujjhituṃ arahāmi na so mayā kujjhitabboti. ‘‘Attāpi me na dessiyo’’tipi paṭhanti. Adāsahanti adāsiṃ ahaṃ. ‘‘Adāsiha’’ntipi pāṭho.
д̇ад̣̇аа бана б̣од̇хисад̇д̇асса сажжагирияааяа жагкуусу уббаннзсу саггаанубхаавзна саб̣б̣аа рааж̇абарисаа саннибад̇ид̇аава ахоси. ат̇асса сагго махааж̇анамаж̇жхз аагаасз тад̇ваа –
Tadā pana bodhisattassa saccakiriyāya cakkhūsu uppannesu sakkānubhāvena sabbā rājaparisā sannipatitāva ahosi. Athassa sakko mahājanamajjhe ākāse ṭhatvā –
‘‘д̇хаммзна бхаасид̇аа г̇аат̇аа, сивийнам̣ радтавад̣дхана;
‘‘Dhammena bhāsitā gāthā, sivīnaṃ raṭṭhavaḍḍhana;
зд̇аани д̇ава нзд̇д̇аани, д̣̇иб̣б̣аани бадид̣̇иссарз.
Etāni tava nettāni, dibbāni paṭidissare.
‘‘д̇ирогуддам̣ д̇иросзлам̣, самад̇иг̇г̇аяха баб̣б̣ад̇ам̣;
‘‘Tirokuṭṭaṃ tiroselaṃ, samatiggayha pabbataṃ;
саманд̇аа яож̇анасад̇ам̣, д̣̇ассанам̣ анубхонд̇у д̇з’’д̇и. (ж̇аа. 1.15.77-78) –
Samantā yojanasataṃ, dassanaṃ anubhontu te’’ti. (jā. 1.15.77-78) –
имаахи г̇аат̇аахи т̇уд̇им̣ гад̇ваа д̣̇звалогамзва г̇ад̇о. б̣од̇хисад̇д̇оби махааж̇анабаривуд̇о маханд̇зна саггаарзна наг̇арам̣ бависид̇ваа рааж̇аг̇зхад̣̇ваарз сусаж̇ж̇ид̇з махааман̣д̣абз самуссид̇асзд̇ажчад̇д̇з рааж̇абаллан̇гз нисинно жагкубадилаабхзна д̇удтахадтабамуд̣̇ид̇аанам̣ д̣̇адтум̣ ааг̇ад̇аанам̣ нааг̇араанам̣ ж̇аанабад̣̇аанам̣ рааж̇абарисааяа жа д̇хаммам̣ д̣̇зсзнд̇о –
Imāhi gāthāhi thutiṃ katvā devalokameva gato. Bodhisattopi mahājanaparivuto mahantena sakkārena nagaraṃ pavisitvā rājagehadvāre susajjite mahāmaṇḍape samussitasetacchatte rājapallaṅke nisinno cakkhupaṭilābhena tuṭṭhahaṭṭhapamuditānaṃ daṭṭhuṃ āgatānaṃ nāgarānaṃ jānapadānaṃ rājaparisāya ca dhammaṃ desento –
‘‘го нийд̇ха вид̇д̇ам̣ на д̣̇ад̣̇зяяа яаажид̇о, аби висидтам̣ субияамби ад̇д̇ано;
‘‘Ko nīdha vittaṃ na dadeyya yācito, api visiṭṭhaṃ supiyampi attano;
д̇ад̣̇ин̇гха саб̣б̣з сиваяо самааг̇ад̇аа, д̣̇иб̣б̣аани нзд̇д̇аани мамаж̇ж̇а бассат̇а.
Tadiṅgha sabbe sivayo samāgatā, dibbāni nettāni mamajja passatha.
‘‘д̇ирогуддам̣ д̇иросзлам̣, самад̇иг̇г̇аяха баб̣б̣ад̇ам̣;
‘‘Tirokuṭṭaṃ tiroselaṃ, samatiggayha pabbataṃ;
саманд̇аа яож̇анасад̇ам̣, д̣̇ассанам̣ анубхонд̇и мз.
Samantā yojanasataṃ, dassanaṃ anubhonti me.
‘‘на жааг̇амад̇д̇аа барамад̇т̇и гин̃жи, мажжаанам̣ ид̇ха ж̇ийвид̇з;
‘‘Na cāgamattā paramatthi kiñci, maccānaṃ idha jīvite;
д̣̇ад̇ваана маанусам̣ жагкум̣, лад̣̇д̇хам̣ мз жагку амаанусам̣.
Datvāna mānusaṃ cakkhuṃ, laddhaṃ me cakkhu amānusaṃ.
‘‘зд̇амби д̣̇исваа сиваяо, д̣̇зт̇а д̣̇аанаани бхун̃ж̇ат̇а;
‘‘Etampi disvā sivayo, detha dānāni bhuñjatha;
д̣̇ад̇ваа жа бхуд̇ваа жа яат̇аанубхаавам̣, анинд̣̇ид̇аа саг̇г̇амубзт̇а таана’’нд̇и. (ж̇аа. 1.15.79-82) –
Datvā ca bhutvā ca yathānubhāvaṃ, aninditā saggamupetha ṭhāna’’nti. (jā. 1.15.79-82) –
имаа г̇аат̇аа абхааси. д̇ад̇т̇а д̇хаммзна бхаасид̇аад̇и, махаарааж̇а, имаа д̇з г̇аат̇аа д̇хаммзна сабхаавзнзва бхаасид̇аа. д̣̇иб̣б̣аанийд̇и д̣̇иб̣б̣аанубхааваяуд̇д̇аани. бадид̣̇иссарзд̇и бадид̣̇иссанд̇и. д̇ирогудданд̇и барагуддам̣. д̇иросзланд̇и барасзлам̣. самад̇иг̇г̇аяхаад̇и ад̇иггамид̇ваа. саманд̇аа д̣̇асад̣̇исаа яож̇анасад̇ам̣ руубад̣̇ассанам̣ анубхонд̇у саад̇хзнд̇у.
Imā gāthā abhāsi. Tattha dhammena bhāsitāti, mahārāja, imā te gāthā dhammena sabhāveneva bhāsitā. Dibbānīti dibbānubhāvayuttāni. Paṭidissareti paṭidissanti. Tirokuṭṭanti parakuṭṭaṃ. Tiroselanti paraselaṃ. Samatiggayhāti atikkamitvā. Samantā dasadisā yojanasataṃ rūpadassanaṃ anubhontu sādhentu.
го нийд̇хаад̇и го ну ид̇ха. аби висидтанд̇и уд̇д̇амамби самаанам̣. на жааг̇амад̇д̇аад̇и жааг̇аббамаан̣ад̇о ан̃н̃ам̣ варам̣ наама над̇т̇и. ид̇ха ж̇ийвид̇зд̇и имасмим̣ ж̇ийвалогз. ‘‘ид̇ха ж̇ийвад̇а’’нд̇иби батанд̇и. имасмим̣ логз ж̇ийвамаанаананд̇и ад̇т̇о. амаанусанд̇и д̣̇иб̣б̣ажагку маяаа лад̣̇д̇хам̣, иминаа гааран̣зна взд̣̇ид̇аб̣б̣амзд̇ам̣ ‘‘жааг̇ад̇о уд̇д̇амам̣ наама над̇т̇ий’’д̇и. зд̇амби д̣̇исваад̇и зд̇ам̣ маяаа лад̣̇д̇хам̣ д̣̇иб̣б̣ажагкум̣ д̣̇исвааби.
Ko nīdhāti ko nu idha. Api visiṭṭhanti uttamampi samānaṃ. Na cāgamattāti cāgappamāṇato aññaṃ varaṃ nāma natthi. Idha jīviteti imasmiṃ jīvaloke. ‘‘Idha jīvata’’ntipi paṭhanti. Imasmiṃ loke jīvamānānanti attho. Amānusanti dibbacakkhu mayā laddhaṃ, iminā kāraṇena veditabbametaṃ ‘‘cāgato uttamaṃ nāma natthī’’ti. Etampi disvāti etaṃ mayā laddhaṃ dibbacakkhuṃ disvāpi.
ид̇и имаахи жад̇уухи г̇аат̇аахи на гзвалам̣ д̇асмим̣язва кан̣з, ат̇а ко анвад̣̇д̇хамаасамби убосат̇з махааж̇анам̣ саннибаад̇зд̇ваа д̇хаммам̣ д̣̇зсзси. д̇ам̣ суд̇ваа махааж̇ано д̣̇аанаад̣̇ийни бун̃н̃аани гад̇ваа д̣̇звалогабарааяано ахоси.
Iti imāhi catūhi gāthāhi na kevalaṃ tasmiṃyeva khaṇe, atha kho anvaddhamāsampi uposathe mahājanaṃ sannipātetvā dhammaṃ desesi. Taṃ sutvā mahājano dānādīni puññāni katvā devalokaparāyano ahosi.
д̇ад̣̇аа взж̇ж̇о аананд̣̇ад̇т̇зро ахоси, сагго ануруд̣̇д̇хад̇т̇зро, сзсабарисаа б̣уд̣̇д̇хабарисаа, сивирааж̇аа логанаат̇о.
Tadā vejjo ānandatthero ahosi, sakko anuruddhatthero, sesaparisā buddhaparisā, sivirājā lokanātho.
д̇асса ид̇хааби вуд̇д̇анаязнзва яат̇аарахам̣ баарамияо нид̣̇д̇хаарзд̇аб̣б̣аа. д̇ат̇аа д̣̇ивасз д̣̇ивасз яат̇аа ад̣̇иннабуб̣б̣ам̣ б̣аахирад̣̇зяяад̇хаммавад̇т̇у на ход̇и, звам̣ абаримид̇ам̣ махаад̣̇аанам̣ бавад̇д̇знд̇асса д̇зна абарид̇удтасса гат̇ам̣ ну ко ахам̣ аж̇жхад̇д̇игавад̇т̇угам̣ д̣̇аанам̣ д̣̇ад̣̇зяяам̣, гад̣̇аа ну ко мам̣ гожи ааг̇анд̇ваа аж̇жхад̇д̇игам̣ д̣̇зяяад̇хаммам̣ яаажзяяа, сажз хи гожи яаажаго мз хад̣̇аяамам̣сасса наамам̣ г̇ан̣хзяяа, ган̣аязна нам̣ нийхарид̇ваа басаннауд̣̇агад̇о санаал̣ам̣ бад̣̇умам̣ уд̣̇д̇харанд̇о вияа лохид̇аб̣инд̣̇ум̣ баг̇гхаранд̇ам̣ хад̣̇аяам̣ нийхарид̇ваа д̣̇ассаами. сажз сарийрамам̣сасса наамам̣ г̇ан̣хзяяа, авалзканзна д̇аалаг̇ул̣абадалам̣ уббаадзнд̇о вияа сарийрамам̣сам̣ уббаадзд̇ваа д̣̇ассаами. сажз лохид̇асса наамам̣ г̇ан̣хзяяа, асинаа виж̇жхид̇ваа яанд̇амукз ваа бад̇ид̇ваа убанийд̇ам̣ бхааж̇анам̣ буурзд̇ваа лохид̇ам̣ д̣̇ассаами. сажз бана гожи ‘‘г̇зхз мз гаммам̣ наббавад̇д̇ад̇и, д̇ад̇т̇а мз д̣̇аасагаммам̣ гарохий’’д̇и вад̣̇зяяа, рааж̇авзсам̣ абанзд̇ваа д̇асса ад̇д̇аанам̣ саавзд̇ваа д̣̇аасагаммам̣ гариссаами. сажз ваа бана гожи агкийнам̣ наамам̣ г̇ан̣хзяяа, д̇ааламин̃ж̇ам̣ нийхаранд̇о вияа агкийни уббаадзд̇ваа д̇асса д̣̇ассаамийд̇и звам̣ анан̃н̃асаад̇хааран̣авасийбхааваббад̇д̇аанам̣ махааб̣од̇хисад̇д̇аанам̣язва аавзн̣игаа ул̣аарад̇араа баривид̇аггуббад̇д̇и, жагкуяаажагам̣ лабхид̇ваа амажжабаарисаж̇ж̇аад̣̇ийхи ниваарияамаанассааби д̇зсам̣ важанам̣ анаад̣̇ияид̇ваа ад̇д̇ано баривид̇аггаануруубам̣ бадибад̇д̇ияаа жа барамаа бийд̇ибадисам̣взд̣̇анаа, д̇ассаа бийд̇иманад̇ааяа авид̇ат̇абхаавам̣ ниссааяа саггасса бурад̇о сажжагирияаагаран̣ам̣, д̇зна жа ад̇д̇ано жагкуунам̣ бадибаагад̇игабхааво, д̇зсан̃жа д̣̇иб̣б̣аанубхаавад̇аад̇и звамаад̣̇аяо махаасад̇д̇асса г̇ун̣аанубхааваа взд̣̇ид̇аб̣б̣аад̇и.
Tassa idhāpi vuttanayeneva yathārahaṃ pāramiyo niddhāretabbā. Tathā divase divase yathā adinnapubbaṃ bāhiradeyyadhammavatthu na hoti, evaṃ aparimitaṃ mahādānaṃ pavattentassa tena aparituṭṭhassa kathaṃ nu kho ahaṃ ajjhattikavatthukaṃ dānaṃ dadeyyaṃ, kadā nu kho maṃ koci āgantvā ajjhattikaṃ deyyadhammaṃ yāceyya, sace hi koci yācako me hadayamaṃsassa nāmaṃ gaṇheyya, kaṇayena naṃ nīharitvā pasannaudakato sanāḷaṃ padumaṃ uddharanto viya lohitabinduṃ paggharantaṃ hadayaṃ nīharitvā dassāmi. Sace sarīramaṃsassa nāmaṃ gaṇheyya, avalekhanena tālaguḷapaṭalaṃ uppāṭento viya sarīramaṃsaṃ uppāṭetvā dassāmi. Sace lohitassa nāmaṃ gaṇheyya, asinā vijjhitvā yantamukhe vā patitvā upanītaṃ bhājanaṃ pūretvā lohitaṃ dassāmi. Sace pana koci ‘‘gehe me kammaṃ nappavattati, tattha me dāsakammaṃ karohī’’ti vadeyya, rājavesaṃ apanetvā tassa attānaṃ sāvetvā dāsakammaṃ karissāmi. Sace vā pana koci akkhīnaṃ nāmaṃ gaṇheyya, tālamiñjaṃ nīharanto viya akkhīni uppāṭetvā tassa dassāmīti evaṃ anaññasādhāraṇavasībhāvappattānaṃ mahābodhisattānaṃyeva āveṇikā uḷāratarā parivitakkuppatti, cakkhuyācakaṃ labhitvā amaccapārisajjādīhi nivāriyamānassāpi tesaṃ vacanaṃ anādiyitvā attano parivitakkānurūpaṃ paṭipattiyā ca paramā pītipaṭisaṃvedanā, tassā pītimanatāya avitathabhāvaṃ nissāya sakkassa purato saccakiriyākaraṇaṃ, tena ca attano cakkhūnaṃ paṭipākatikabhāvo, tesañca dibbānubhāvatāti evamādayo mahāsattassa guṇānubhāvā veditabbāti.
сивирааж̇ажарияааван̣н̣анаа нидтид̇аа.
Sivirājacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 8. сивирааж̇ажарияаа • 8. Sivirājacariyā
