| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. соад̇д̇аасуд̇д̇ам̣
3. Soattāsuttaṃ
208. саавад̇т̇инид̣̇аанам̣. ‘‘гисмим̣ ну ко, бхигкавз, сад̇и, гим̣ убаад̣̇ааяа, гим̣ абхинивисса звам̣ д̣̇идти уббаж̇ж̇ад̇и – ‘со ад̇д̇аа, со лого, со бзжжа бхависсаами нижжо д̇хуво сассад̇о авибарин̣аамад̇хаммо’’’д̇и? бхаг̇авам̣муулагаа но, бханд̇з, д̇хаммаа…бз….
208. Sāvatthinidānaṃ. ‘‘Kismiṃ nu kho, bhikkhave, sati, kiṃ upādāya, kiṃ abhinivissa evaṃ diṭṭhi uppajjati – ‘so attā, so loko, so pecca bhavissāmi nicco dhuvo sassato avipariṇāmadhammo’’’ti? Bhagavaṃmūlakā no, bhante, dhammā…pe….
‘‘руубз ко, бхигкавз, сад̇и, руубам̣ убаад̣̇ааяа, руубам̣ абхинивисса звам̣ д̣̇идти уббаж̇ж̇ад̇и – ‘со ад̇д̇аа, со лого, со бзжжа бхависсаами нижжо д̇хуво сассад̇о авибарин̣аамад̇хаммо’д̇и . взд̣̇анааяа сад̇и…бз… сан̃н̃ааяа сад̇и… сан̇каарзсу сад̇и… вин̃н̃аан̣з сад̇и, вин̃н̃аан̣ам̣ убаад̣̇ааяа, вин̃н̃аан̣ам̣ абхинивисса звам̣ д̣̇идти уббаж̇ж̇ад̇и – ‘со ад̇д̇аа, со лого, со бзжжа бхависсаами нижжо д̇хуво сассад̇о авибарин̣аамад̇хаммо’’’д̇и.
‘‘Rūpe kho, bhikkhave, sati, rūpaṃ upādāya, rūpaṃ abhinivissa evaṃ diṭṭhi uppajjati – ‘so attā, so loko, so pecca bhavissāmi nicco dhuvo sassato avipariṇāmadhammo’ti . Vedanāya sati…pe… saññāya sati… saṅkhāresu sati… viññāṇe sati, viññāṇaṃ upādāya, viññāṇaṃ abhinivissa evaṃ diṭṭhi uppajjati – ‘so attā, so loko, so pecca bhavissāmi nicco dhuvo sassato avipariṇāmadhammo’’’ti.
‘‘д̇ам̣ гим̣ ман̃н̃ат̇а, бхигкавз, руубам̣ нижжам̣ ваа анижжам̣ ваа’’д̇и? ‘‘анижжам̣ бханд̇з’’…бз… аби ну д̇ам̣ анубаад̣̇ааяа звам̣ д̣̇идти уббаж̇ж̇зяяа – ‘со ад̇д̇аа…бз… авибарин̣аамад̇хаммо’д̇и? ‘‘но хзд̇ам̣, бханд̇з’’. ‘‘взд̣̇анаа… сан̃н̃аа… сан̇каараа… вин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣ бханд̇з…бз… аби ну д̇ам̣ анубаад̣̇ааяа звам̣ д̣̇идти уббаж̇ж̇зяяа – ‘со ад̇д̇аа…бз… авибарин̣аамад̇хаммо’’’д̇и? ‘‘но хзд̇ам̣, бханд̇з’’. ‘‘яамбид̣̇ам̣ д̣̇идтам̣ суд̇ам̣ муд̇ам̣ вин̃н̃аад̇ам̣ бад̇д̇ам̣ бариязсид̇ам̣ анувижарид̇ам̣ манасаа д̇амби нижжам̣ ваа анижжам̣ ваа’’д̇и? ‘‘анижжам̣, бханд̇з…бз… аби ну д̇ам̣ анубаад̣̇ааяа звам̣ д̣̇идти уббаж̇ж̇зяяа – ‘со ад̇д̇аа, со лого, со бзжжа бхависсаами нижжо д̇хуво сассад̇о авибарин̣аамад̇хаммо’’’д̇и? ‘‘но хзд̇ам̣, бханд̇з’’.
‘‘Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ bhante’’…pe… api nu taṃ anupādāya evaṃ diṭṭhi uppajjeyya – ‘so attā…pe… avipariṇāmadhammo’ti? ‘‘No hetaṃ, bhante’’. ‘‘Vedanā… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ bhante…pe… api nu taṃ anupādāya evaṃ diṭṭhi uppajjeyya – ‘so attā…pe… avipariṇāmadhammo’’’ti? ‘‘No hetaṃ, bhante’’. ‘‘Yampidaṃ diṭṭhaṃ sutaṃ mutaṃ viññātaṃ pattaṃ pariyesitaṃ anuvicaritaṃ manasā tampi niccaṃ vā aniccaṃ vā’’ti? ‘‘Aniccaṃ, bhante…pe… api nu taṃ anupādāya evaṃ diṭṭhi uppajjeyya – ‘so attā, so loko, so pecca bhavissāmi nicco dhuvo sassato avipariṇāmadhammo’’’ti? ‘‘No hetaṃ, bhante’’.
‘‘яад̇о ко, бхигкавз, арияасаавагасса имзсу жа таанзсу ган̇каа бахийнаа ход̇и, д̣̇угкзбисса ган̇каа бахийнаа ход̇и…бз… д̣̇угканирод̇хаг̇ааминияаа бадибад̣̇ааяабисса ган̇каа бахийнаа ход̇и – аяам̣ вужжад̇и, бхигкавз, арияасааваго сод̇аабанно авинибаад̇ад̇хаммо нияад̇о самб̣од̇хибарааяано’’д̇и. д̇ад̇ияам̣.
‘‘Yato kho, bhikkhave, ariyasāvakassa imesu ca ṭhānesu kaṅkhā pahīnā hoti, dukkhepissa kaṅkhā pahīnā hoti…pe… dukkhanirodhagāminiyā paṭipadāyapissa kaṅkhā pahīnā hoti – ayaṃ vuccati, bhikkhave, ariyasāvako sotāpanno avinipātadhammo niyato sambodhiparāyano’’ti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-4. зд̇ам̣мамасуд̇д̇аад̣̇иван̣н̣анаа • 2-4. Etaṃmamasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2-4. зд̇ам̣мамасуд̇д̇аад̣̇иван̣н̣анаа • 2-4. Etaṃmamasuttādivaṇṇanā
