| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१४. सोभितवग्गो
14. Sobhitavaggo
१. सोभितत्थेरअपदानं
1. Sobhitattheraapadānaṃ
१.
1.
‘‘पदुमुत्तरो नाम जिनो, लोकजेट्ठो नरासभो।
‘‘Padumuttaro nāma jino, lokajeṭṭho narāsabho;
महतो जनकायस्स, देसेति अमतं पदं॥
Mahato janakāyassa, deseti amataṃ padaṃ.
२.
2.
अञ्जलिं पग्गहेत्वान, एकग्गो आसहं तदा॥
Añjaliṃ paggahetvāna, ekaggo āsahaṃ tadā.
३.
3.
‘‘यथा समुद्दो उदधीनमग्गो, नेरू नगानं पवरो सिलुच्चयो।
‘‘Yathā samuddo udadhīnamaggo, nerū nagānaṃ pavaro siluccayo;
तथेव ये चित्तवसेन वत्तरे, न बुद्धञाणस्स कलं उपेन्ति ते॥
Tatheva ye cittavasena vattare, na buddhañāṇassa kalaṃ upenti te.
४.
4.
भिक्खुसङ्घे निसीदित्वा, इमा गाथा अभासथ॥
Bhikkhusaṅghe nisīditvā, imā gāthā abhāsatha.
५.
5.
‘‘‘यो सो ञाणं पकित्तेसि, बुद्धम्हि लोकनायके।
‘‘‘Yo so ñāṇaṃ pakittesi, buddhamhi lokanāyake;
कप्पानं सतसहस्सं, दुग्गतिं न गमिस्सति॥
Kappānaṃ satasahassaṃ, duggatiṃ na gamissati.
६.
6.
‘‘‘किलेसे झापयित्वान, एकग्गो सुसमाहितो।
‘‘‘Kilese jhāpayitvāna, ekaggo susamāhito;
सोभितो नाम नामेन, हेस्सति सत्थु सावको’॥
Sobhito nāma nāmena, hessati satthu sāvako’.
७.
7.
सत्तरतनसम्पन्ना, चक्कवत्ती महब्बला॥
Sattaratanasampannā, cakkavattī mahabbalā.
८.
8.
‘‘किलेसा झापिता मय्हं, भवा सब्बे समूहता।
‘‘Kilesā jhāpitā mayhaṃ, bhavā sabbe samūhatā;
तिस्सो विज्जा अनुप्पत्ता, कतं बुद्धस्स सासनं॥
Tisso vijjā anuppattā, kataṃ buddhassa sāsanaṃ.
९.
9.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा सोभितो थेरो इमा गाथायो अभासित्थाति।
Itthaṃ sudaṃ āyasmā sobhito thero imā gāthāyo abhāsitthāti.
सोभितत्थेरस्सापदानं पठमं।
Sobhitattherassāpadānaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १. सोभितत्थेरअपदानवण्णना • 1. Sobhitattheraapadānavaṇṇanā
