| Library / Tipiṭaka / д̇ибидага • Tipiṭaka / нзд̇д̇иббагаран̣а-адтагат̇аа • Nettippakaraṇa-aṭṭhakathā |
13. сод̇ханахааравибхан̇г̇аван̣н̣анаа
13. Sodhanahāravibhaṅgavaṇṇanā
45. д̇ад̇т̇а гад̇амо сод̇хано хаарод̇и сод̇ханахааравибхан̇г̇о. д̇ад̇т̇а бхаг̇аваа бад̣̇ам̣ сод̇хзд̇ийд̇и ‘‘авиж̇ж̇ааяа нивуд̇о лого’’д̇и (су. ни. 1039; жуул̣ани. аж̇ид̇амаан̣авабужчаа 58, аж̇ид̇амаан̣авабужчаанид̣̇д̣̇зса 2) вад̣̇анд̇о бхаг̇аваа – ‘‘гзнассу нивуд̇о лого’’д̇и (су. ни. 1038; жуул̣ани. аж̇ид̇амаан̣авабужчаа 57, аж̇ид̇амаан̣авабужчаанид̣̇д̣̇зса 1) ааяасмад̇аа аж̇ид̇зна бужчаавасзна вуд̇д̇ам̣ бад̣̇ам̣ сод̇хзд̇и наама, д̇ад̣̇ад̇т̇асса виссаж̇ж̇анад̇о. но жа аарамбханд̇и на д̇аава аарамбхам̣ сод̇хзд̇и, н̃аад̇ум̣ ижчид̇асса ад̇т̇асса абарияосид̇ад̇д̇аа. суд̣̇д̇хо аарамбход̇и н̃аад̇ум̣ ижчид̇асса ад̇т̇асса баб̣од̇хид̇ад̇д̇аа сод̇хид̇о аарамбход̇и ад̇т̇о. ан̃н̃аан̣абагканд̣̇аанам̣ д̣̇взл̣хагаж̇аад̇аанам̣ ваа бужчанагаалз бужчид̇аанам̣ бужчаависаяо авиж̇адам̣ махааг̇аханам̣ вияа махаад̣̇уг̇г̇ам̣ вияа жа анд̇хагаарам̣ авибхууд̇ам̣ ход̇и. яад̣̇аа жа бхаг̇авад̇аа бан̣д̣ид̇зхи ваа бхаг̇авад̇о саавагзхи абад̣̇з бад̣̇ам̣ д̣̇ассзнд̇зхи ниж̇ж̇адам̣ ниг̇умб̣ам̣ гад̇ваа бан̃хз виссаж̇ж̇ид̇з махад̇аа г̇анд̇хахад̇т̇инаа абхибхавид̇ваа обхаг̇г̇абад̣̇аалид̇о г̇аханаббад̣̇зсо вияа виг̇ад̇анд̇хагааро вибхууд̇о убадтахамаано висод̇хид̇о наама ход̇и.
45.Tattha katamo sodhano hāroti sodhanahāravibhaṅgo. Tattha bhagavā padaṃ sodhetīti ‘‘avijjāya nivuto loko’’ti (su. ni. 1039; cūḷani. ajitamāṇavapucchā 58, ajitamāṇavapucchāniddesa 2) vadanto bhagavā – ‘‘kenassu nivuto loko’’ti (su. ni. 1038; cūḷani. ajitamāṇavapucchā 57, ajitamāṇavapucchāniddesa 1) āyasmatā ajitena pucchāvasena vuttaṃ padaṃ sodheti nāma, tadatthassa vissajjanato. No ca ārambhanti na tāva ārambhaṃ sodheti, ñātuṃ icchitassa atthassa apariyositattā. Suddho ārambhoti ñātuṃ icchitassa atthassa pabodhitattā sodhito ārambhoti attho. Aññāṇapakkhandānaṃ dveḷhakajātānaṃ vā pucchanakāle pucchitānaṃ pucchāvisayo avijaṭaṃ mahāgahanaṃ viya mahāduggaṃ viya ca andhakāraṃ avibhūtaṃ hoti. Yadā ca bhagavatā paṇḍitehi vā bhagavato sāvakehi apade padaṃ dassentehi nijjaṭaṃ nigumbaṃ katvā pañhe vissajjite mahatā gandhahatthinā abhibhavitvā obhaggapadālito gahanappadeso viya vigatandhakāro vibhūto upaṭṭhahamāno visodhito nāma hoti.
сод̇ханахааравибхан̇г̇аван̣н̣анаа нидтид̇аа.
Sodhanahāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 13. сод̇ханахааравибхан̇г̇о • 13. Sodhanahāravibhaṅgo
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇иббагаран̣а-дийгаа • Nettippakaraṇa-ṭīkā / 13. сод̇ханахааравибхан̇г̇аван̣н̣анаа • 13. Sodhanahāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 13. сод̇ханахааравибхан̇г̇авибхааванаа • 13. Sodhanahāravibhaṅgavibhāvanā
