| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
6. сон̣ад̣̇иннаавимаанаван̣н̣анаа
6. Soṇadinnāvimānavaṇṇanā
абхигганд̇зна ван̣н̣знаад̇и сон̣ад̣̇иннаавимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна жа самаязна наал̣анд̣̇ааяам̣ сон̣ад̣̇иннаа наама згаа убаасигаа сад̣̇д̇хаа басаннаа бхигкуунам̣ жад̇уухи бажжаязхи саггажжам̣ убадтаханд̇ий сувисуд̣̇д̇ханижжасийлаа адтан̇г̇асаманнааг̇ад̇ам̣ убосат̇амби убавасад̇и. саа д̇хаммасаванасаббааяам̣ бадилабхид̇ваа убаниссаяасамбаннад̇ааяа жад̇усажжагаммадтаанам̣ бариб̣рууханд̇ий сод̇аабаннаа ахоси. ат̇а ан̃н̃ад̇арзна рог̇зна пудтаа гаалам̣ гад̇ваа д̇аавад̇им̣сзсу уббаж̇ж̇и. д̇ам̣ ааяасмаа махаамог̇г̇аллаано –
Abhikkantenavaṇṇenāti soṇadinnāvimānaṃ. Tassa kā uppatti? Bhagavā sāvatthiyaṃ viharati jetavane. Tena ca samayena nāḷandāyaṃ soṇadinnā nāma ekā upāsikā saddhā pasannā bhikkhūnaṃ catūhi paccayehi sakkaccaṃ upaṭṭhahantī suvisuddhaniccasīlā aṭṭhaṅgasamannāgataṃ uposathampi upavasati. Sā dhammasavanasappāyaṃ paṭilabhitvā upanissayasampannatāya catusaccakammaṭṭhānaṃ paribrūhantī sotāpannā ahosi. Atha aññatarena rogena phuṭṭhā kālaṃ katvā tāvatiṃsesu uppajji. Taṃ āyasmā mahāmoggallāno –
217.
217.
‘‘абхигганд̇зна ван̣н̣зна, яаа д̇вам̣ д̇идтаси д̣̇звад̇з;
‘‘Abhikkantena vaṇṇena, yā tvaṃ tiṭṭhasi devate;
обхаасзнд̇ий д̣̇исаа саб̣б̣аа, осад̇хий вияа д̇аарагаа.
Obhāsentī disā sabbā, osadhī viya tārakā.
218.
218.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
219.
219.
‘‘бужчаами д̇ам̣ д̣̇зви махаанубхаавз, мануссабхууд̇аа гимагааси бун̃н̃ам̣;
‘‘Pucchāmi taṃ devi mahānubhāve, manussabhūtā kimakāsi puññaṃ;
гзнааси звам̣ ж̇алид̇аанубхааваа, ван̣н̣о жа д̇з саб̣б̣ад̣̇исаа бабхаасад̇ий’’д̇и. –
Kenāsi evaṃ jalitānubhāvā, vaṇṇo ca te sabbadisā pabhāsatī’’ti. –
имаахи д̇ийхи г̇аат̇аахи бадибужчи.
Imāhi tīhi gāthāhi paṭipucchi.
220.
220.
‘‘саа д̣̇звад̇аа ад̇д̇аманаа, мог̇г̇аллаанзна бужчид̇аа;
‘‘Sā devatā attamanā, moggallānena pucchitā;
бан̃хам̣ будтаа вияаагааси, яасса гаммассид̣̇ам̣ палам̣’’.
Pañhaṃ puṭṭhā viyākāsi, yassa kammassidaṃ phalaṃ’’.
221-226.
221-226.
‘‘сон̣ад̣̇иннаад̇и мам̣ ан̃н̃ам̣су…бз… г̇од̇амасса яасассино.
‘‘Soṇadinnāti maṃ aññaṃsu…pe… gotamassa yasassino.
227.
227.
‘‘д̇зна мзд̇аад̣̇исо ван̣н̣о…бз… ван̣н̣о жа мз саб̣б̣ад̣̇исаа бабхаасад̇ий’’д̇и. –
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti. –
д̣̇звад̇аа б̣яаагааси. д̇ам̣ саб̣б̣ам̣ хздтаа вуд̇д̇анаяамзва.
Devatā byākāsi. Taṃ sabbaṃ heṭṭhā vuttanayameva.
сон̣ад̣̇иннаавимаанаван̣н̣анаа нидтид̇аа.
Soṇadinnāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 6. сон̣ад̣̇иннаавимаанавад̇т̇у • 6. Soṇadinnāvimānavatthu
