| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੫. ਚਮ੍ਮਕ੍ਖਨ੍ਧਕવਣ੍ਣਨਾ
5. Cammakkhandhakavaṇṇanā
ਸੋਣਕੋਲ਼ਿવਿਸવਤ੍ਥੁਕਥਾવਣ੍ਣਨਾ
Soṇakoḷivisavatthukathāvaṇṇanā
੨੪੨. ਅਸੀਤਿਯਾ …ਪੇ॰… ਕਾਰੇਤੀਤਿ ‘‘ਅਸੀਤਿ ਗਾਮਿਕਸਹਸ੍ਸਾਨਿ ਸਨ੍ਨਿਪਾਤਾਪੇਤ੍વਾ’’ਤਿ ਇਮਸ੍ਸ ਕਾਰਣવਚਨਂ। ਤਤ੍ਥ ‘‘ਗਾਮਾਨਂ ਅਸੀਤਿਯਾ ਸਹਸ੍ਸੇਸੂ’’ਤਿ વਤ੍ਤਬ੍ਬੇ ‘‘ਅਸੀਤਿਯਾ ਗਾਮਸਹਸ੍ਸੇਸੂ’’ਤਿ વੁਤ੍ਤਂ। ਗਾਮਪ੍ਪਮੁਖਾ ਗਾਮਿਕਾ, ਤੇਸਂ ਸਹਸ੍ਸਾਨਿ। ‘‘ਕਮ੍ਮਚਿਤ੍ਤੀਕਤਾਨੀ’’ਤਿ ਉਪਚਾਰੇਨ વੁਤ੍ਤਂ। ਕਮ੍ਮਪਚ੍ਚਯਉਤੁਸਮੁਟ੍ਠਾਨੇ ਹਿ ਤੇਸਂ ਅਞ੍ਜਨવਣ੍ਣਭਾવੋ। ‘‘ਕੇਨਚਿਦੇવ ਕਰਣੀਯੇਨਾ’’ਤਿ વਤ੍ਤਬ੍ਬੇ ‘‘ਕੇਨਚਿਦੇવਾ’’ਤਿ વੁਤ੍ਤਂ। ਏਤ੍ਥ ਏવਂ-ਸਦ੍ਦੋ ਓਪਮ੍ਮੇ ਪવਤ੍ਤਤਿ। ਏવਮੁਪਮਾਨੋਪਦੇਸਪੁਚ੍ਛਾવਧਾਰਣਪਟਿਞ੍ਞਾਤਓਪਮ੍ਮੇ। ਪੁਰਤੋ ਪੇਕ੍ਖਮਾਨਾਨਨ੍ਤਿ ਅਨਾਦਰਤ੍ਥੇ ਸਾਮਿવਚਨਂ। ਤਤੋ ਪਨ ਭਗવਤੋ ਗਨ੍ਧਕੁਟਿਯਾ ਕવਾਟਂ ਸੁਬਦ੍ਧਂ ਪਸ੍ਸਿਤ੍વਾ ਇਚ੍ਛਿਤਾਕਾਰਕੁਸਲਤਾਯ ਇਦ੍ਧਿਯਾ ਗਨ੍ਤ੍વਾ ਕੁਟਿਂ ਪવਿਸਿਤ੍વਾ ਆਰੋਚੇਸਿ। વਿਹਾਰਪਚ੍ਛਾਯਾਯਨ੍ਤਿ વਿਹਾਰਸ੍ਸ વਡ੍ਢਮਾਨਚ੍ਛਾਯਾਯਂ। ‘‘ਅਹੋ ਨੂਨਾਤਿ ਅਹੋ ਮਹਨ੍ਤੋ’’ਤਿ ਲਿਖਿਤਂ। ਭਗવਤੋ ਸਮ੍ਬਹੁਲੇਹਿ ਸਦ੍ਧਿਂ ਆਹਿਣ੍ਡਨਂ ਆਯਸ੍ਮਤੋ ਸੋਣਸ੍ਸ વੀਰਿਯਾਰਮ੍ਭਨਿਦਸ੍ਸਨੇਨ ਅਨਾਰਦ੍ਧવੀਰਿਯਾਨਂ ਉਤ੍ਤੇਜਨਤ੍ਥਂ, ਏવਂ ਸੁਖੁਮਾਲਾਨਂ ਪਾਦਰਕ੍ਖਣਤ੍ਥਂ ਉਪਾਹਨਾ ਅਨੁਞ੍ਞਾਤਾਤਿ ਦਸ੍ਸਨਤ੍ਥਞ੍ਚ।
242.Asītiyā…pe… kāretīti ‘‘asīti gāmikasahassāni sannipātāpetvā’’ti imassa kāraṇavacanaṃ. Tattha ‘‘gāmānaṃ asītiyā sahassesū’’ti vattabbe ‘‘asītiyā gāmasahassesū’’ti vuttaṃ. Gāmappamukhā gāmikā, tesaṃ sahassāni. ‘‘Kammacittīkatānī’’ti upacārena vuttaṃ. Kammapaccayautusamuṭṭhāne hi tesaṃ añjanavaṇṇabhāvo. ‘‘Kenacideva karaṇīyenā’’ti vattabbe ‘‘kenacidevā’’ti vuttaṃ. Ettha evaṃ-saddo opamme pavattati. Evamupamānopadesapucchāvadhāraṇapaṭiññātaopamme. Purato pekkhamānānanti anādaratthe sāmivacanaṃ. Tato pana bhagavato gandhakuṭiyā kavāṭaṃ subaddhaṃ passitvā icchitākārakusalatāya iddhiyā gantvā kuṭiṃ pavisitvā ārocesi. Vihārapacchāyāyanti vihārassa vaḍḍhamānacchāyāyaṃ. ‘‘Aho nūnāti aho mahanto’’ti likhitaṃ. Bhagavato sambahulehi saddhiṃ āhiṇḍanaṃ āyasmato soṇassa vīriyārambhanidassanena anāraddhavīriyānaṃ uttejanatthaṃ, evaṃ sukhumālānaṃ pādarakkhaṇatthaṃ upāhanā anuññātāti dassanatthañca.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੧੪੭. ਸੋਣਕੋਲ਼ਿવਿਸવਤ੍ਥੁ • 147. Soṇakoḷivisavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਸੋਣਕੋਲ਼ਿવਿਸવਤ੍ਥੁਕਥਾ • Soṇakoḷivisavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸੋਣਕੋਲ਼ਿવਿਸવਤ੍ਥੁਕਥਾવਣ੍ਣਨਾ • Soṇakoḷivisavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸੋਣਕੋਲ਼ਿવਿਸਕਥਾਦਿવਣ੍ਣਨਾ • Soṇakoḷivisakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੪੭. ਸੋਣਕੋਲ਼ਿવਿਸવਤ੍ਥੁਕਥਾ • 147. Soṇakoḷivisavatthukathā
