| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
157. сон̣агудиган̣н̣авад̇т̇угат̇аа
157. Soṇakuṭikaṇṇavatthukathā
257. зд̇знаад̇и ‘‘гурарагхарз’’д̇и баатзна. ассаад̇и махаагажжаанасса. бабаад̇анаамагзд̇и яасмаа махаад̇адо зд̇т̇а ад̇т̇и, д̇асмаа бабаад̇анаамаго ход̇и. зд̇знаад̇и ‘‘бабаад̇агз баб̣б̣ад̇з’’д̇и баатзна. ассаад̇и махаагажжаанасса. годиаг̇гханагам̣ бил̣анд̇ханам̣ ган̣н̣з зд̇ассад̇т̇ийд̇и гудиган̣н̣од̇и важанад̇т̇ам̣ д̣̇ассзнд̇о ааха ‘‘годиаг̇гханагам̣ банаа’’д̇иаад̣̇и. бил̣анд̇хад̇и анзнаад̇и бил̣анд̇ханам̣, алан̇гааро . д̣̇анд̇аж̇о жад̇уд̇т̇агкаро. ‘‘басаад̣̇аж̇анага’’нд̇и иминаа басаад̣̇ам̣ ж̇анзд̇ийд̇и баасаад̣̇игод̇и важанад̇т̇ам̣ д̣̇ассзд̇и. басаад̣̇анийяанд̇и басаад̣̇ид̇аб̣б̣ам̣, басаад̣̇ид̇ум̣ араханд̇и ад̇т̇о. ад̇т̇аважананд̇и ад̇т̇о вужжад̇и анзнаад̇и ад̇т̇аважанам̣. баал̣ияам̣ ид̣̇аани бод̇т̇агзсу ‘‘басаад̣̇анийяа’’нд̇и баато над̇т̇и. ‘‘баасаад̣̇ига’’нд̇ибад̣̇асса буб̣б̣з ‘‘д̣̇ассанийяа’’нд̇и баатоязва ад̇т̇и. уд̇д̇амад̣̇амат̇асамат̇анд̇изд̇т̇а д̣̇амат̇асад̣̇д̣̇асса н̃аан̣ад̇т̇ан̃жа инд̣̇рияасам̣варад̇т̇ан̃жа самат̇асад̣̇д̣̇асса самаад̇хад̇т̇ан̃жа жид̇д̇уубасамад̇т̇ан̃жа д̣̇ассзнд̇о ааха ‘‘уд̇д̇амам̣ д̣̇амат̇ан̃жаа’’д̇иаад̣̇и. жасад̣̇д̣̇зна д̣̇ванд̣̇аваагяам̣ д̣̇ассзд̇и. висуугааяигавибпанд̣̇ид̇аананд̇и висуугааяа бадибагкааяа бавад̇д̇аанам̣ д̣̇идтижид̇д̇асан̇каад̇аанам̣ вивид̇хажаланаанам̣. ‘‘вийрияинд̣̇рияа’’нд̇и иминаа яад̇инд̣̇рияанд̇и зд̇т̇а яад̇асад̣̇д̣̇о вийрияаваажагод̇и д̣̇ассзд̇и. нааг̇анд̇и зд̇т̇а над̇т̇и ааг̇у баабамзд̇ассаад̇и нааг̇од̇и важанад̇т̇ам̣ д̣̇ассзнд̇о ааха ‘‘ааг̇увирахид̇а’’нд̇и гим̣ д̣̇ивасад̇о бадтааяаад̇и ааха ‘‘мама баб̣б̣аж̇ж̇аад̣̇ивасад̇о бадтааяаа’’д̇и. ган̣хаа мад̇д̇игаа уд̇д̇ари зд̇т̇аад̇и ган̣худ̇д̇араад̇и ад̇т̇ам̣ д̣̇ассзнд̇о ааха ‘‘ган̣хамад̇д̇игуд̇д̇араа’’д̇и. ‘‘убарий’’д̇и иминаа уд̇д̇арасад̣̇д̣̇асса ад̇т̇ам̣ д̣̇ассзд̇и. ‘‘г̇уннам̣ курзхий’’д̇и иминаа г̇уннам̣ кураган̣дагасад̣̇исад̇д̇аа г̇оган̣дагаа наамаад̇и д̣̇ассзд̇и. д̇з г̇оган̣дагз рагкид̇унд̇и самб̣анд̇хо. звам̣ караа бхууми ход̇ийд̇и яож̇анаа. зд̇зхийд̇и зраг̇ууаад̣̇ийхи жад̇уухи д̇ин̣зхи. д̇анд̇и зраг̇ууд̇ин̣ам̣. д̇знаад̇и мораг̇ууд̇ин̣зна. ж̇анд̇усса ван̣н̣од̇и самб̣анд̇хо. сзнаасанам̣ бан̃н̃абзсийд̇и зд̇т̇а гим̣ наама сзнаасанам̣ бан̃н̃абзсийд̇и ааха ‘‘бхисим̣ ваа гадасаарагам̣ ваа бан̃н̃абзсий’’д̇и. бан̃н̃абзд̇ваа жа бана сон̣асса аарожзси. гим̣ аарожзсийд̇и ааха ‘‘аавусо’’д̇иаад̣̇и. сад̇т̇аа васид̇угаамод̇и самб̣анд̇хо.
257.Etenāti ‘‘kuraraghare’’ti pāṭhena. Assāti mahākaccānassa. Papātanāmaketi yasmā mahātaṭo ettha atthi, tasmā papātanāmako hoti. Etenāti ‘‘papātake pabbate’’ti pāṭhena. Assāti mahākaccānassa. Koṭiagghanakaṃ piḷandhanaṃ kaṇṇe etassatthīti kuṭikaṇṇoti vacanatthaṃ dassento āha ‘‘koṭiagghanakaṃ panā’’tiādi. Piḷandhati anenāti piḷandhanaṃ, alaṅkāro . Dantajo catutthakkharo. ‘‘Pasādajanaka’’nti iminā pasādaṃ janetīti pāsādikoti vacanatthaṃ dasseti. Pasādanīyanti pasāditabbaṃ, pasādituṃ arahanti attho. Atthavacananti attho vuccati anenāti atthavacanaṃ. Pāḷiyaṃ idāni potthakesu ‘‘pasādanīya’’nti pāṭho natthi. ‘‘Pāsādika’’ntipadassa pubbe ‘‘dassanīya’’nti pāṭhoyeva atthi. Uttamadamathasamathantiettha damathasaddassa ñāṇatthañca indriyasaṃvaratthañca samathasaddassa samādhatthañca cittūpasamatthañca dassento āha ‘‘uttamaṃ damathañcā’’tiādi. Casaddena dvandavākyaṃ dasseti. Visūkāyikavipphanditānanti visūkāya paṭipakkhāya pavattānaṃ diṭṭhicittasaṅkhātānaṃ vividhacalanānaṃ. ‘‘Vīriyindriya’’nti iminā yatindriyanti ettha yatasaddo vīriyavācakoti dasseti. Nāganti ettha natthi āgu pāpametassāti nāgoti vacanatthaṃ dassento āha ‘‘āguvirahita’’nti kiṃ divasato paṭṭhāyāti āha ‘‘mama pabbajjādivasato paṭṭhāyā’’ti. Kaṇhā mattikā uttari etthāti kaṇhuttarāti atthaṃ dassento āha ‘‘kaṇhamattikuttarā’’ti. ‘‘Uparī’’ti iminā uttarasaddassa atthaṃ dasseti. ‘‘Gunnaṃ khurehī’’ti iminā gunnaṃ khurakaṇṭakasadisattā gokaṇṭakā nāmāti dasseti. Te gokaṇṭake rakkhitunti sambandho. Evaṃ kharā bhūmi hotīti yojanā. Etehīti eragūādīhi catūhi tiṇehi. Tanti eragūtiṇaṃ. Tenāti moragūtiṇena. Jantussa vaṇṇoti sambandho. Senāsanaṃ paññapesīti ettha kiṃ nāma senāsanaṃ paññapesīti āha ‘‘bhisiṃ vā kaṭasārakaṃ vā paññapesī’’ti. Paññapetvā ca pana soṇassa ārocesi. Kiṃ ārocesīti āha ‘‘āvuso’’tiādi. Satthā vasitukāmoti sambandho.
258. ‘‘д̇асса сон̣ассаа’’д̇и иминаа бадибхаад̇у д̇анд̇и зд̇т̇а ‘‘д̇а’’нд̇ибад̣̇ам̣ саамяад̇т̇з убаяог̇аважананд̇и д̣̇ассзд̇и. д̇анд̇и д̇ава. адтагаваг̇г̇игаанийд̇и адтабамаан̣о, адтасамуухо ваа ваг̇г̇о зд̇зсанд̇и адтагаваг̇г̇игаани. гаамасуд̇д̇аад̣̇ийни (су. ни. 772 аад̣̇аяо) сол̣аса суд̇д̇аани. яод̇и буг̇г̇ало, саманнааг̇ад̇од̇и самб̣анд̇хо. арияобийд̇и бисад̣̇д̣̇о на гзвалам̣ сужисаманнааг̇ад̇оязва баабз на рамад̇и, ат̇а ко арияобийд̇и д̣̇ассзд̇и. ‘‘бадибхаад̇у д̇а’’нд̇и баатад̇о яаава ‘‘сужийд̇и вуд̇д̇а’’нд̇и баатаа гзсужиязва адтагат̇аабод̇т̇агзсу ад̇т̇и. аяам̣ квассаад̇и зд̇т̇а ассасад̣̇д̣̇о аакяаад̇од̇и ааха ‘‘бхавзяяаа’’д̇и. барид̣̇ассзсийд̇и бан̃жа вараани барижчинд̣̇ид̇ваа д̣̇ассзси. яам̣ важанам̣ мз убаж̇жхааяо ж̇аанаабзд̇и, д̇асса важанасса аяам̣ гаало бхавзяяаад̇и яож̇анаа.
258. ‘‘Tassa soṇassā’’ti iminā paṭibhātu tanti ettha ‘‘ta’’ntipadaṃ sāmyatthe upayogavacananti dasseti. Tanti tava. Aṭṭhakavaggikānīti aṭṭhapamāṇo, aṭṭhasamūho vā vaggo etesanti aṭṭhakavaggikāni. Kāmasuttādīni (su. ni. 772 ādayo) soḷasa suttāni. Yoti puggalo, samannāgatoti sambandho. Ariyopīti pisaddo na kevalaṃ sucisamannāgatoyeva pāpe na ramati, atha kho ariyopīti dasseti. ‘‘Paṭibhātu ta’’nti pāṭhato yāva ‘‘sucīti vutta’’nti pāṭhā kesuciyeva aṭṭhakathāpotthakesu atthi. Ayaṃ khvassāti ettha assasaddo ākhyātoti āha ‘‘bhaveyyā’’ti. Paridassesīti pañca varāni paricchinditvā dassesi. Yaṃ vacanaṃ me upajjhāyo jānāpeti, tassa vacanassa ayaṃ kālo bhaveyyāti yojanā.
259. винаяад̇харабан̃жамзнаад̇и зд̇т̇а убаж̇жхааяабан̃жамзнаад̇и ад̇т̇ам̣ бадигкибанд̇о ааха ‘‘ануссааванаажарияабан̃жамзнаа’’д̇и. убааханагосагод̇и убааханааяа багкибаногаасо госаго. зл̣агажаммааж̇ажаммзсу агаббияам̣ наама над̇т̇и. миг̇ажаммз бана гин̃жи ваддад̇и, на гин̃жи ваддад̇и . д̇ам̣ вибхаж̇ид̇ваа д̣̇ассзнд̇о ааха ‘‘миг̇ажаммз’’д̇иаад̣̇и. зд̇зсам̣язваад̇и зн̣имиг̇аад̣̇ийнам̣ чаннамзва. ан̃н̃зсам̣ банаад̇и чахи миг̇зхи авасзсаанам̣ бана. д̇зсам̣ жаммам̣ на ваддад̇ийд̇и самб̣анд̇хо.
259.Vinayadharapañcamenāti ettha upajjhāyapañcamenāti atthaṃ paṭikkhipanto āha ‘‘anussāvanācariyapañcamenā’’ti. Upāhanakosakoti upāhanāya pakkhipanokāso kosako. Eḷakacammaajacammesu akappiyaṃ nāma natthi. Migacamme pana kiñci vaṭṭati, na kiñci vaṭṭati . Taṃ vibhajitvā dassento āha ‘‘migacamme’’tiādi. Etesaṃyevāti eṇimigādīnaṃ channameva. Aññesaṃ panāti chahi migehi avasesānaṃ pana. Tesaṃ cammaṃ na vaṭṭatīti sambandho.
г̇аат̇ааяам̣ маггадо жа гаал̣асийхо жа сарабхо жа гад̣̇алимиг̇о жа гзжи яз ваал̣амиг̇аа ад̇т̇и, д̇з жаад̇и яож̇анаа. д̇зсанд̇и маггадаад̣̇ийнам̣.
Gāthāyaṃ makkaṭo ca kāḷasīho ca sarabho ca kadalimigo ca keci ye vāḷamigā atthi, te cāti yojanā. Tesanti makkaṭādīnaṃ.
д̇ад̇т̇аад̇и г̇аат̇ааяа, маггадаад̣̇ийсу ваа. ‘‘сийхаб̣яаг̇гхаажчад̇аражчаа’’д̇и иминаа ваал̣амиг̇аанам̣ саруубам̣ д̣̇ассзд̇и. зд̇д̇агааязва ваал̣амиг̇аад̇и ааха ‘‘на гзвала’’нд̇иаад̣̇и. зд̇зсам̣язваад̇и сийхаб̣яаг̇гхаажчад̇аражчаанамзва. на жаммам̣ на ваддад̇ийд̇и самб̣анд̇хо. язсанд̇и чаннам̣ зн̣имиг̇аад̣̇ийнам̣. д̇зд̇и ча зн̣имиг̇аад̣̇игз. хи сажжам̣ саб̣б̣зсам̣ зд̇зсам̣ ваал̣амиг̇аанам̣ жаммам̣ на ваддад̇ийд̇и яож̇анаа. аахарид̇ваа ваа на д̣̇иннанд̇и аахарид̇ваа ваа хад̇т̇з ваа баад̣̇амуулз ваа табзд̇ваа на д̣̇иннам̣. ‘‘г̇ан̣анам̣ на убзд̇ий’’д̇и иминаа г̇ан̣анам̣ убаг̇ажчад̇ийд̇и г̇ан̣ануубаг̇анд̇и ад̇т̇ам̣ д̣̇ассзд̇и. ад̇хидтид̇ан̃жаад̇и ад̇хидтид̇ам̣ бана. яад̣̇аад̇и яасмим̣ гаалз. д̇ад̇од̇и гаалад̇о.
Tatthāti gāthāya, makkaṭādīsu vā. ‘‘Sīhabyagghaacchataracchā’’ti iminā vāḷamigānaṃ sarūpaṃ dasseti. Ettakāyeva vāḷamigāti āha ‘‘na kevala’’ntiādi. Etesaṃyevāti sīhabyagghaacchataracchānameva. Na cammaṃ na vaṭṭatīti sambandho. Yesanti channaṃ eṇimigādīnaṃ. Teti cha eṇimigādike. Hi saccaṃ sabbesaṃ etesaṃ vāḷamigānaṃ cammaṃ na vaṭṭatīti yojanā. Āharitvā vā na dinnanti āharitvā vā hatthe vā pādamūle vā ṭhapetvā na dinnaṃ. ‘‘Gaṇanaṃ na upetī’’ti iminā gaṇanaṃ upagacchatīti gaṇanūpaganti atthaṃ dasseti. Adhiṭṭhitañcāti adhiṭṭhitaṃ pana. Yadāti yasmiṃ kāle. Tatoti kālato.
ид̇и жаммагканд̇хагаван̣н̣анааяа яож̇анаа самад̇д̇аа.
Iti cammakkhandhakavaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
157. сон̣агудиган̣н̣авад̇т̇у • 157. Soṇakuṭikaṇṇavatthu
158. махаагажжаанасса бан̃жаварабарид̣̇ассанаа • 158. Mahākaccānassa pañcavaraparidassanā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / саб̣б̣ажаммабадигкзбаад̣̇игат̇аа • Sabbacammapaṭikkhepādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сон̣агудиган̣н̣авад̇т̇угат̇ааван̣н̣анаа • Soṇakuṭikaṇṇavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / саб̣б̣ажаммабадигкзбаад̣̇игат̇ааван̣н̣анаа • Sabbacammapaṭikkhepādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / г̇ихивигад̇аанун̃н̃аад̇аад̣̇игат̇ааван̣н̣анаа • Gihivikatānuññātādikathāvaṇṇanā
