| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[532] 2. сон̣ананд̣̇аж̇аад̇агаван̣н̣анаа
[532] 2. Soṇanandajātakavaṇṇanā
д̣̇звад̇аа нуси г̇анд̇хаб̣б̣од̇и ид̣̇ам̣ сад̇т̇аа ж̇зд̇аванз вихаранд̇о маад̇убосагабхигкум̣ аараб̣бха гат̇зси. вад̇т̇у саамаж̇аад̇агз (ж̇аа. 2.22.296 аад̣̇аяо) вад̇т̇усад̣̇исам̣. д̇ад̣̇аа бана сад̇т̇аа ‘‘маа, бхигкавз, имам̣ бхигкум̣ уж̇жхааяид̇т̇а, бораан̣агабан̣д̣ид̇аа сагалаж̇амб̣уд̣̇ийбз раж̇ж̇ам̣ лабхамаанааби д̇ам̣ аг̇г̇ахзд̇ваа маад̇аабид̇аро босим̣суязваа’’д̇и вад̇ваа ад̇ийд̇ам̣ аахари.
Devatā nusi gandhabboti idaṃ satthā jetavane viharanto mātuposakabhikkhuṃ ārabbha kathesi. Vatthu sāmajātake (jā. 2.22.296 ādayo) vatthusadisaṃ. Tadā pana satthā ‘‘mā, bhikkhave, imaṃ bhikkhuṃ ujjhāyittha, porāṇakapaṇḍitā sakalajambudīpe rajjaṃ labhamānāpi taṃ aggahetvā mātāpitaro posiṃsuyevā’’ti vatvā atītaṃ āhari.
ад̇ийд̇з б̣аараан̣асий б̣рахмавад̣дханам̣ наама наг̇арам̣ ахоси. д̇ад̇т̇а манож̇о наама рааж̇аа раж̇ж̇ам̣ гаарзси. д̇ад̇т̇а ан̃н̃ад̇аро асийд̇игодивибхаво б̣раахман̣амахаасаало абуд̇д̇аго ахоси. д̇асса б̣раахман̣ий д̇знзва ‘‘бход̇и буд̇д̇ам̣ бад̇т̇зхий’’д̇и вуд̇д̇аа бад̇т̇зси. ат̇а б̣од̇хисад̇д̇о б̣рахмалогаа жавид̇ваа д̇ассаа гужчисмим̣ бадисанд̇хим̣ г̇ан̣хи, ж̇аад̇асса жасса ‘‘сон̣агумааро’’д̇и наамам̣ гарим̣су. д̇асса бад̣̇асаа г̇аманагаалз ан̃н̃оби сад̇д̇о б̣рахмалогаа жавид̇ваа д̇ассааязва гужчимхи бадисанд̇хим̣ г̇ан̣хи, д̇асса ж̇аад̇асса ‘‘нанд̣̇агумааро’’д̇и наамам̣ гарим̣су. д̇зсам̣ уг̇г̇ахид̇авзд̣̇аанам̣ саб̣б̣асиббзсу нибпад̇д̇им̣ бад̇д̇аанам̣ ваяаббад̇д̇аанам̣ руубасамбад̣̇ам̣ д̣̇исваа б̣раахман̣о б̣раахман̣им̣ ааманд̇зд̇ваа ‘‘бход̇и буд̇д̇ам̣ сон̣агумаарам̣ гхараб̣анд̇ханзна б̣анд̇хиссаамаа’’д̇и ааха. саа ‘‘саад̇хуу’’д̇и самбадижчид̇ваа буд̇д̇асса д̇амад̇т̇ам̣ аажигки . со ‘‘алам̣, амма, маяхам̣ гхарааваасзна, ахам̣ яааваж̇ийвам̣ д̇умхз бадиж̇аг̇г̇ид̇ваа д̇умхаагам̣ ажжаязна химаванд̇ам̣ бависид̇ваа баб̣б̣аж̇иссаамий’’д̇и ааха. саа б̣раахман̣асса зд̇амад̇т̇ам̣ аарожзси.
Atīte bārāṇasī brahmavaḍḍhanaṃ nāma nagaraṃ ahosi. Tattha manojo nāma rājā rajjaṃ kāresi. Tattha aññataro asītikoṭivibhavo brāhmaṇamahāsālo aputtako ahosi. Tassa brāhmaṇī teneva ‘‘bhoti puttaṃ patthehī’’ti vuttā patthesi. Atha bodhisatto brahmalokā cavitvā tassā kucchismiṃ paṭisandhiṃ gaṇhi, jātassa cassa ‘‘soṇakumāro’’ti nāmaṃ kariṃsu. Tassa padasā gamanakāle aññopi satto brahmalokā cavitvā tassāyeva kucchimhi paṭisandhiṃ gaṇhi, tassa jātassa ‘‘nandakumāro’’ti nāmaṃ kariṃsu. Tesaṃ uggahitavedānaṃ sabbasippesu nipphattiṃ pattānaṃ vayappattānaṃ rūpasampadaṃ disvā brāhmaṇo brāhmaṇiṃ āmantetvā ‘‘bhoti puttaṃ soṇakumāraṃ gharabandhanena bandhissāmā’’ti āha. Sā ‘‘sādhū’’ti sampaṭicchitvā puttassa tamatthaṃ ācikkhi . So ‘‘alaṃ, amma, mayhaṃ gharāvāsena, ahaṃ yāvajīvaṃ tumhe paṭijaggitvā tumhākaṃ accayena himavantaṃ pavisitvā pabbajissāmī’’ti āha. Sā brāhmaṇassa etamatthaṃ ārocesi.
д̇з бунаббунам̣ гат̇знд̇ааби д̇асса жид̇д̇ам̣ алабхид̇ваа нанд̣̇агумаарам̣ ааманд̇зд̇ваа ‘‘д̇аад̇а, д̇зна хи д̇вам̣ гудумб̣ам̣ бадибаж̇ж̇аахий’’д̇и вад̇ваа ‘‘наахам̣ бхаад̇араа чад̣д̣ид̇акзл̣ам̣ сийсзна угкибаами, ахамби д̇умхаагам̣ ажжаязна бхаад̇араава сад̣̇д̇хим̣ баб̣б̣аж̇иссаамий’’д̇и вуд̇д̇з д̇зсам̣ важанам̣ суд̇ваа ‘‘имз д̣̇вз звам̣ д̇арун̣аава гаамз баж̇аханд̇и, гиман̇г̇ам̣ бана маяам̣, саб̣б̣зязва баб̣б̣аж̇иссаамаа’’д̇и жинд̇зд̇ваа, ‘‘д̇аад̇аа , гим̣ во амхаагам̣ ажжаязна баб̣б̣аж̇ж̇ааяа, ид̣̇аанзва саб̣б̣з маяам̣ баб̣б̣аж̇иссаамаа’’д̇и ран̃н̃о аарожзд̇ваа саб̣б̣ам̣ д̇ханам̣ д̣̇аанамукз виссаж̇ж̇зд̇ваа д̣̇аасаж̇анам̣ бхуж̇иссам̣ гад̇ваа н̃аад̇ийнам̣ д̣̇аад̇аб̣б̣аяуд̇д̇агам̣ д̣̇ад̇ваа жад̇д̇аароби ж̇анаа б̣рахмавад̣дхананаг̇араа нигкамид̇ваа химаванд̇абад̣̇зсз бан̃жабад̣̇умасан̃чаннам̣ сарам̣ ниссааяа раман̣ийяз ванасан̣д̣з ассамам̣ маабзд̇ваа баб̣б̣аж̇ид̇ваа д̇ад̇т̇а васим̣су. убхоби бхаад̇аро маад̇аабид̇аро бадиж̇аг̇г̇им̣су, д̇зсам̣ баад̇ова д̣̇анд̇агадтан̃жа мукад̇хованан̃жа д̣̇ад̇ваа бан̣н̣асаалан̃жа баривзн̣ан̃жа саммаж̇ж̇ид̇ваа баанийяам̣ барибхож̇анийяам̣ убадтабзд̇ваа аран̃н̃ад̇о мад̇хурапалаапалаани аахарид̇ваа маад̇аабид̇аро каад̣̇аабзнд̇и, ун̣хзна ваа сийд̇зна ваа вааринаа нхаабзнд̇и, ж̇адаа сод̇хзнд̇и, баад̣̇абаригаммаад̣̇ийни д̇зсам̣ гаронд̇и.
Te punappunaṃ kathentāpi tassa cittaṃ alabhitvā nandakumāraṃ āmantetvā ‘‘tāta, tena hi tvaṃ kuṭumbaṃ paṭipajjāhī’’ti vatvā ‘‘nāhaṃ bhātarā chaḍḍitakheḷaṃ sīsena ukkhipāmi, ahampi tumhākaṃ accayena bhātarāva saddhiṃ pabbajissāmī’’ti vutte tesaṃ vacanaṃ sutvā ‘‘ime dve evaṃ taruṇāva kāme pajahanti, kimaṅgaṃ pana mayaṃ, sabbeyeva pabbajissāmā’’ti cintetvā, ‘‘tātā , kiṃ vo amhākaṃ accayena pabbajjāya, idāneva sabbe mayaṃ pabbajissāmā’’ti rañño ārocetvā sabbaṃ dhanaṃ dānamukhe vissajjetvā dāsajanaṃ bhujissaṃ katvā ñātīnaṃ dātabbayuttakaṃ datvā cattāropi janā brahmavaḍḍhananagarā nikkhamitvā himavantapadese pañcapadumasañchannaṃ saraṃ nissāya ramaṇīye vanasaṇḍe assamaṃ māpetvā pabbajitvā tattha vasiṃsu. Ubhopi bhātaro mātāpitaro paṭijaggiṃsu, tesaṃ pātova dantakaṭṭhañca mukhadhovanañca datvā paṇṇasālañca pariveṇañca sammajjitvā pānīyaṃ paribhojanīyaṃ upaṭṭhapetvā araññato madhuraphalāphalāni āharitvā mātāpitaro khādāpenti, uṇhena vā sītena vā vārinā nhāpenti, jaṭā sodhenti, pādaparikammādīni tesaṃ karonti.
звам̣ ад̣̇д̇хаанз г̇ад̇з нанд̣̇абан̣д̣ид̇о ‘‘маяаа аабхад̇апалаапалаанзва батамам̣ маад̇аабид̇аро каад̣̇аабзссаамий’’д̇и бурад̇о г̇анд̇ваа хияяо жа барахияяо жа г̇ахид̇адтаанад̇о яаани ваа д̇аани ваа баад̇ова аахарид̇ваа маад̇аабид̇аро каад̣̇аабзси. д̇з д̇аани каад̣̇ид̇ваа мукам̣ вигкаалзд̇ваа убосат̇игаа бхаванд̇и. сон̣абан̣д̣ид̇о бана д̣̇уурам̣ г̇анд̇ваа мад̇хурамад̇хураани субаггасубаггаани аахарид̇ваа убанаамзси. ат̇а нам̣, ‘‘д̇аад̇а, ганидтзна д̇з аабхад̇аани маяам̣ баад̇ова каад̣̇ид̇ваа убосат̇игаа ж̇аад̇аа, на ид̣̇аани но ад̇т̇о’’д̇и вад̣̇анд̇и. ид̇и д̇асса палаапалаани барибхог̇ам̣ на лабханд̇и винассанд̇и, бунад̣̇ивасзсуби д̇ат̇зваад̇и . звам̣ со бан̃жаабхин̃н̃ад̇ааяа д̣̇уурам̣ г̇анд̇вааби аахарад̇и, д̇з бана на каад̣̇анд̇и.
Evaṃ addhāne gate nandapaṇḍito ‘‘mayā ābhataphalāphalāneva paṭhamaṃ mātāpitaro khādāpessāmī’’ti purato gantvā hiyyo ca parahiyyo ca gahitaṭṭhānato yāni vā tāni vā pātova āharitvā mātāpitaro khādāpesi. Te tāni khāditvā mukhaṃ vikkhāletvā uposathikā bhavanti. Soṇapaṇḍito pana dūraṃ gantvā madhuramadhurāni supakkasupakkāni āharitvā upanāmesi. Atha naṃ, ‘‘tāta, kaniṭṭhena te ābhatāni mayaṃ pātova khāditvā uposathikā jātā, na idāni no attho’’ti vadanti. Iti tassa phalāphalāni paribhogaṃ na labhanti vinassanti, punadivasesupi tathevāti . Evaṃ so pañcābhiññatāya dūraṃ gantvāpi āharati, te pana na khādanti.
ат̇а махаасад̇д̇о жинд̇зси – ‘‘маад̇аабид̇аро мз сукумаалаа, нанд̣̇о жа яаани ваа д̇аани ваа абаггад̣̇уббаггаани палаапалаани аахарид̇ваа каад̣̇аабзд̇и, звам̣ санд̇з имз на жийрам̣ бавад̇д̇иссанд̇и, ваарзссаами на’’нд̇и. ат̇а нам̣ со ааманд̇зд̇ваа ‘‘нанд̣̇а, ид̇о бадтааяа палаапалам̣ аахарид̇ваа мамааг̇аманам̣ бадимаанзхи, убхоби згад̇ова каад̣̇аабзссаамаа’’д̇и ааха. со звам̣ вуд̇д̇зби ад̇д̇ано бун̃н̃ам̣ бажжаасийсанд̇о на д̇асса важанамагааси. махаасад̇д̇о ‘‘нанд̣̇о мама важанам̣ агаронд̇о аяуд̇д̇ам̣ гарод̇и, балаабзссаами нам̣, д̇ад̇о згагова маад̇аабид̇аро бадиж̇аг̇г̇иссаамий’’д̇и жинд̇зд̇ваа ‘‘нанд̣̇а, д̇вам̣ ановаад̣̇аго бан̣д̣ид̇аанам̣ важанам̣ на гароси, ахам̣ ж̇здто, маад̇аабид̇аро мамзва бхааро, ахамзва нзсам̣ бадиж̇аг̇г̇иссаами, д̇вам̣ ид̇ха васид̇ум̣ на лажчаси, ан̃н̃ад̇т̇а яаахий’’д̇и д̇асса ажчарам̣ бахари.
Atha mahāsatto cintesi – ‘‘mātāpitaro me sukhumālā, nando ca yāni vā tāni vā apakkaduppakkāni phalāphalāni āharitvā khādāpeti, evaṃ sante ime na cīraṃ pavattissanti, vāressāmi na’’nti. Atha naṃ so āmantetvā ‘‘nanda, ito paṭṭhāya phalāphalaṃ āharitvā mamāgamanaṃ paṭimānehi, ubhopi ekatova khādāpessāmā’’ti āha. So evaṃ vuttepi attano puññaṃ paccāsīsanto na tassa vacanamakāsi. Mahāsatto ‘‘nando mama vacanaṃ akaronto ayuttaṃ karoti, palāpessāmi naṃ, tato ekakova mātāpitaro paṭijaggissāmī’’ti cintetvā ‘‘nanda, tvaṃ anovādako paṇḍitānaṃ vacanaṃ na karosi, ahaṃ jeṭṭho, mātāpitaro mameva bhāro, ahameva nesaṃ paṭijaggissāmi, tvaṃ idha vasituṃ na lacchasi, aññattha yāhī’’ti tassa accharaṃ pahari.
со д̇зна балаабид̇о д̇асса санд̇игз таад̇ум̣ асаггонд̇о д̇ам̣ ванд̣̇ид̇ваа маад̇аабид̇аро убасан̇гамид̇ваа д̇амад̇т̇ам̣ аарожзд̇ваа ад̇д̇ано бан̣н̣асаалам̣ бависид̇ваа гасин̣ам̣ ологзд̇ваа д̇ам̣ д̣̇ивасамзва бан̃жа абхин̃н̃ааяо адта самаабад̇д̇ияо ниб̣б̣ад̇д̇зд̇ваа жинд̇зси – ‘‘ахам̣ сийнзрубаад̣̇ад̇о рад̇анаваалугаа аахарид̇ваа мама бхаад̇у бан̣н̣асаалааяа баривзн̣з огирид̇ваа бхаад̇арам̣ камаабзд̇ум̣ бахоми, звамби на собхиссад̇и, анод̇ад̇д̇ад̇о уд̣̇агам̣ аахарид̇ваа мама бхаад̇у бан̣н̣асаалааяа баривзн̣з осин̃жид̇ваа бхаад̇арам̣ камаабзд̇ум̣ бахоми, звамби на собхиссад̇и, сажз мз бхаад̇арам̣ д̣̇звад̇аанам̣ васзна камаабзяяам̣, жад̇д̇ааро жа махаарааж̇аано сагган̃жа аанзд̇ваа бхаад̇арам̣ камаабзд̇ум̣ бахоми, звамби на собхиссад̇и , сагалаж̇амб̣уд̣̇ийбз манож̇ам̣ аг̇г̇арааж̇аанам̣ аад̣̇им̣ гад̇ваа рааж̇аано аанзд̇ваа камаабзссаами, звам̣ санд̇з мама бхаад̇у г̇ун̣о сагалаж̇амб̣уд̣̇ийбз авад̇т̇арид̇ваа г̇амиссад̇и, жанд̣̇имасуурияо вияа бан̃н̃ааяиссад̇ий’’д̇и. со д̇аавад̣̇зва ид̣̇д̇хияаа г̇анд̇ваа б̣рахмавад̣дхананаг̇арз д̇асса ран̃н̃о нивзсанад̣̇ваарз од̇арид̇ваа тид̇о ‘‘зго гира во д̇аабасо д̣̇адтугаамо’’д̇и ран̃н̃о аарожаабзси. рааж̇аа ‘‘гим̣ баб̣б̣аж̇ид̇асса маяаа д̣̇идтзна, аахаарад̇т̇ааяа ааг̇ад̇о бхависсад̇ий’’д̇и бхад̇д̇ам̣ бахин̣и, со бхад̇д̇ам̣ на ижчи. д̇ан̣д̣улам̣ бахин̣и, д̇ан̣д̣улам̣ на ижчи. вад̇т̇аани бахин̣и, вад̇т̇аани на ижчи. д̇амб̣уулам̣ бахин̣и, д̇амб̣уулам̣ на ижчи. ат̇асса санд̇игз д̣̇ууд̇ам̣ бзсзси, ‘‘гимад̇т̇ам̣ ааг̇ад̇осий’’д̇и. со д̣̇ууд̇зна будто ‘‘рааж̇аанам̣ убадтахид̇ум̣ ааг̇ад̇омхий’’д̇и ааха. рааж̇аа д̇ам̣ суд̇ваа ‘‘б̣ахуу мама убадтаагаа, ад̇д̇анова д̇аабасад̇хаммам̣ гарод̇уу’’д̇и бзсзси. со д̇ам̣ суд̇ваа ‘‘ахам̣ д̇умхаагам̣ ад̇д̇ано б̣алзна сагалаж̇амб̣уд̣̇ийбз раж̇ж̇ам̣ г̇ахзд̇ваа д̣̇ассаамий’’д̇и ааха.
So tena palāpito tassa santike ṭhātuṃ asakkonto taṃ vanditvā mātāpitaro upasaṅkamitvā tamatthaṃ ārocetvā attano paṇṇasālaṃ pavisitvā kasiṇaṃ oloketvā taṃ divasameva pañca abhiññāyo aṭṭha samāpattiyo nibbattetvā cintesi – ‘‘ahaṃ sīnerupādato ratanavālukā āharitvā mama bhātu paṇṇasālāya pariveṇe okiritvā bhātaraṃ khamāpetuṃ pahomi, evampi na sobhissati, anotattato udakaṃ āharitvā mama bhātu paṇṇasālāya pariveṇe osiñcitvā bhātaraṃ khamāpetuṃ pahomi, evampi na sobhissati, sace me bhātaraṃ devatānaṃ vasena khamāpeyyaṃ, cattāro ca mahārājāno sakkañca ānetvā bhātaraṃ khamāpetuṃ pahomi, evampi na sobhissati , sakalajambudīpe manojaṃ aggarājānaṃ ādiṃ katvā rājāno ānetvā khamāpessāmi, evaṃ sante mama bhātu guṇo sakalajambudīpe avattharitvā gamissati, candimasūriyo viya paññāyissatī’’ti. So tāvadeva iddhiyā gantvā brahmavaḍḍhananagare tassa rañño nivesanadvāre otaritvā ṭhito ‘‘eko kira vo tāpaso daṭṭhukāmo’’ti rañño ārocāpesi. Rājā ‘‘kiṃ pabbajitassa mayā diṭṭhena, āhāratthāya āgato bhavissatī’’ti bhattaṃ pahiṇi, so bhattaṃ na icchi. Taṇḍulaṃ pahiṇi, taṇḍulaṃ na icchi. Vatthāni pahiṇi, vatthāni na icchi. Tambūlaṃ pahiṇi, tambūlaṃ na icchi. Athassa santike dūtaṃ pesesi, ‘‘kimatthaṃ āgatosī’’ti. So dūtena puṭṭho ‘‘rājānaṃ upaṭṭhahituṃ āgatomhī’’ti āha. Rājā taṃ sutvā ‘‘bahū mama upaṭṭhākā, attanova tāpasadhammaṃ karotū’’ti pesesi. So taṃ sutvā ‘‘ahaṃ tumhākaṃ attano balena sakalajambudīpe rajjaṃ gahetvā dassāmī’’ti āha.
д̇ам̣ суд̇ваа рааж̇аа жинд̇зси – ‘‘баб̣б̣аж̇ид̇аа наама бан̣д̣ид̇аа, гин̃жи убааяам̣ ж̇ааниссанд̇ий’’д̇и д̇ам̣ баггосаабзд̇ваа аасанз нисийд̣̇аабзд̇ваа ванд̣̇ид̇ваа ‘‘бханд̇з, д̇умхз гира маяхам̣ сагалаж̇амб̣уд̣̇ийбараж̇ж̇ам̣ г̇ахзд̇ваа д̣̇ассат̇аа’’д̇и бужчи. ‘‘аама махаарааж̇аа’’д̇и. ‘‘гат̇ам̣ г̇ан̣хиссат̇аа’’д̇и? ‘‘махаарааж̇а, анд̇амасо куд̣̇д̣̇агамагкигааяа биванамад̇д̇амби лохид̇ам̣ гассажи ануббаад̣̇зд̇ваа д̇ава д̇ханажчзд̣̇ам̣ агад̇ваа ад̇д̇ано ид̣̇д̇хияаава г̇ахзд̇ваа д̣̇ассаами, абижа гзвалам̣ бабан̃жам̣ агад̇ваа аж̇ж̇зва нигкамид̇ум̣ ваддад̇ий’’д̇и. со д̇асса важанам̣ сад̣̇д̣̇ахид̇ваа сзнан̇г̇абаривуд̇о наг̇араа нигками. сажз сзнааяа ун̣хам̣ ход̇и, нанд̣̇абан̣д̣ид̇о ад̇д̇ано ид̣̇д̇хияаа чааяам̣ гад̇ваа сийд̇ам̣ гарод̇и, д̣̇звз вассанд̇з сзнааяа убари вассид̇ум̣ на д̣̇зд̇и, сийд̇ам̣ ваа ун̣хам̣ ваа ваарзд̇и, маг̇г̇з каан̣уган̣дагаад̣̇аяо саб̣б̣абариссаяз анд̇арад̇хаабзд̇и, маг̇г̇ам̣ гасин̣аман̣д̣алам̣ вияа самам̣ гад̇ваа саяам̣ аагаасз жаммакан̣д̣ам̣ бад̇т̇арид̇ваа баллан̇гзна нисинно сзнааяа баривуд̇о г̇ажчад̇и.
Taṃ sutvā rājā cintesi – ‘‘pabbajitā nāma paṇḍitā, kiñci upāyaṃ jānissantī’’ti taṃ pakkosāpetvā āsane nisīdāpetvā vanditvā ‘‘bhante, tumhe kira mayhaṃ sakalajambudīparajjaṃ gahetvā dassathā’’ti pucchi. ‘‘Āma mahārājā’’ti. ‘‘Kathaṃ gaṇhissathā’’ti? ‘‘Mahārāja, antamaso khuddakamakkhikāya pivanamattampi lohitaṃ kassaci anuppādetvā tava dhanacchedaṃ akatvā attano iddhiyāva gahetvā dassāmi, apica kevalaṃ papañcaṃ akatvā ajjeva nikkhamituṃ vaṭṭatī’’ti. So tassa vacanaṃ saddahitvā senaṅgaparivuto nagarā nikkhami. Sace senāya uṇhaṃ hoti, nandapaṇḍito attano iddhiyā chāyaṃ katvā sītaṃ karoti, deve vassante senāya upari vassituṃ na deti, sītaṃ vā uṇhaṃ vā vāreti, magge khāṇukaṇṭakādayo sabbaparissaye antaradhāpeti, maggaṃ kasiṇamaṇḍalaṃ viya samaṃ katvā sayaṃ ākāse cammakhaṇḍaṃ pattharitvā pallaṅkena nisinno senāya parivuto gacchati.
звам̣ сзнам̣ аад̣̇ааяа батамам̣ госаларадтам̣ г̇анд̇ваа наг̇арассаавид̣̇уурз канд̇хааваарам̣ ниваасаабзд̇ваа ‘‘яуд̣̇д̇хам̣ ваа но д̣̇зд̇у сзд̇ажчад̇д̇ам̣ ваа’’д̇и госаларан̃н̃о д̣̇ууд̇ам̣ баахзси. со гуж̇жхид̇ваа ‘‘гим̣ ахам̣ на рааж̇аа’’д̇и ‘‘яуд̣̇д̇хам̣ д̣̇аммий’’д̇и сзнааяа бурагкад̇о нигками. д̣̇вз сзнаа яуж̇жхид̇ум̣ аарабхим̣су . нанд̣̇абан̣д̣ид̇о д̣̇виннамби анд̇арз ад̇д̇ано нисийд̣̇анам̣ аж̇инажаммам̣ маханд̇ам̣ гад̇ваа басаарзд̇ваа д̣̇вийхиби сзнаахи кид̇д̇асарз жаммзнзва самбадижчи. згасзнааяаби гожи ган̣д̣зна вид̣̇д̇хо наама над̇т̇и, хад̇т̇аг̇ад̇аанам̣ бана ган̣д̣аанам̣ каязна д̣̇взби сзнаа нируссаахаа адтам̣су. нанд̣̇абан̣д̣ид̇о манож̇арааж̇асса санд̇игам̣ г̇анд̇ваа ‘‘маа бхааяи, махаарааж̇аа’’д̇и ассаасзд̇ваа госаласса санд̇игам̣ г̇анд̇ваа ‘‘махаарааж̇а, маа бхааяи, над̇т̇и д̇з барибант̇о, д̇ава раж̇ж̇ам̣ д̇авзва бхависсад̇и, гзвалам̣ манож̇аран̃н̃о васавад̇д̇ий хохий’’д̇и ааха. со д̇асса сад̣̇д̣̇ахид̇ваа ‘‘саад̇хуу’’д̇и самбадижчи. ат̇а нам̣ манож̇асса санд̇игам̣ нзд̇ваа ‘‘махаарааж̇а, госаларааж̇аа д̇з васз вад̇д̇ад̇и, имасса раж̇ж̇ам̣ имассзва ход̇уу’’д̇и ааха. со ‘‘саад̇хуу’’д̇и самбадижчид̇ваа д̇ам̣ ад̇д̇ано васз вад̇д̇зд̇ваа д̣̇вз сзнаа аад̣̇ааяа ан̇г̇арадтам̣ г̇анд̇ваа ан̇г̇ам̣ г̇ахзд̇ваа д̇ад̇о маг̇ад̇харадтанд̇и зд̇знубааязна сагалаж̇амб̣уд̣̇ийбз рааж̇аано ад̇д̇ано васз вад̇д̇зд̇ваа д̇ад̇о д̇зхи баривуд̇о б̣рахмавад̣дхананаг̇арамзва г̇ад̇о. раж̇ж̇ам̣ г̇ан̣ханд̇о банзса сад̇д̇аннам̣ сам̣важчараанам̣ убари сад̇д̇ад̣̇ивасаад̇хигзхи сад̇д̇амаасзхи г̇ан̣хи. со згзгарааж̇ад̇хаанид̇о наанаббагаарам̣ каж̇ж̇абхож̇анам̣ аахараабзд̇ваа згасад̇арааж̇аано г̇ахзд̇ваа д̇зхи сад̣̇д̇хим̣ сад̇д̇аахам̣ махаабаанам̣ биви.
Evaṃ senaṃ ādāya paṭhamaṃ kosalaraṭṭhaṃ gantvā nagarassāvidūre khandhāvāraṃ nivāsāpetvā ‘‘yuddhaṃ vā no detu setacchattaṃ vā’’ti kosalarañño dūtaṃ pāhesi. So kujjhitvā ‘‘kiṃ ahaṃ na rājā’’ti ‘‘yuddhaṃ dammī’’ti senāya purakkhato nikkhami. Dve senā yujjhituṃ ārabhiṃsu . Nandapaṇḍito dvinnampi antare attano nisīdanaṃ ajinacammaṃ mahantaṃ katvā pasāretvā dvīhipi senāhi khittasare cammeneva sampaṭicchi. Ekasenāyapi koci kaṇḍena viddho nāma natthi, hatthagatānaṃ pana kaṇḍānaṃ khayena dvepi senā nirussāhā aṭṭhaṃsu. Nandapaṇḍito manojarājassa santikaṃ gantvā ‘‘mā bhāyi, mahārājā’’ti assāsetvā kosalassa santikaṃ gantvā ‘‘mahārāja, mā bhāyi, natthi te paripantho, tava rajjaṃ taveva bhavissati, kevalaṃ manojarañño vasavattī hohī’’ti āha. So tassa saddahitvā ‘‘sādhū’’ti sampaṭicchi. Atha naṃ manojassa santikaṃ netvā ‘‘mahārāja, kosalarājā te vase vattati, imassa rajjaṃ imasseva hotū’’ti āha. So ‘‘sādhū’’ti sampaṭicchitvā taṃ attano vase vattetvā dve senā ādāya aṅgaraṭṭhaṃ gantvā aṅgaṃ gahetvā tato magadharaṭṭhanti etenupāyena sakalajambudīpe rājāno attano vase vattetvā tato tehi parivuto brahmavaḍḍhananagarameva gato. Rajjaṃ gaṇhanto panesa sattannaṃ saṃvaccharānaṃ upari sattadivasādhikehi sattamāsehi gaṇhi. So ekekarājadhānito nānappakāraṃ khajjabhojanaṃ āharāpetvā ekasatarājāno gahetvā tehi saddhiṃ sattāhaṃ mahāpānaṃ pivi.
нанд̣̇абан̣д̣ид̇о ‘‘яаава рааж̇аа сад̇д̇аахам̣ иссарияасукам̣ анубход̇и, д̇аавасса ад̇д̇аанам̣ на д̣̇ассзссаамий’’д̇и уд̇д̇арагурумхи бин̣д̣ааяа жарид̇ваа химаванд̇з ган̃жанаг̇ухаад̣̇ваарз сад̇д̇аахам̣ васи. манож̇оби сад̇д̇амз д̣̇ивасз ад̇д̇ано маханд̇ам̣ сиривибхавам̣ ологзд̇ваа ‘‘аяам̣ яасо на маяхам̣ маад̇аабид̇уухи, на ан̃н̃зхи д̣̇инно, нанд̣̇ад̇аабасам̣ ниссааяа уббанно, д̇ам̣ ко бана мз абассанд̇асса аж̇ж̇а сад̇д̇амо д̣̇ивасо, гахам̣ ну ко мз яасад̣̇ааяаго’’д̇и нанд̣̇абан̣д̣ид̇ам̣ сари. со д̇асса ануссаран̣абхаавам̣ н̃ад̇ваа ааг̇анд̇ваа бурад̇о аагаасз адтааси. рааж̇аа д̇ам̣ д̣̇исваа жинд̇зси – ‘‘ахам̣ имасса д̇аабасасса д̣̇звад̇аабхаавам̣ ваа мануссабхаавам̣ ваа на ж̇аанаами, сажз зса мануссо бхавзяяа, сагалаж̇амб̣уд̣̇ийбараж̇ж̇ам̣ зд̇ассзва д̣̇ассаами. ат̇а д̣̇зво, саггаарамасса гариссаамий’’д̇и. со д̇ам̣ виймам̣санд̇о батамам̣ г̇аат̇амааха –
Nandapaṇḍito ‘‘yāva rājā sattāhaṃ issariyasukhaṃ anubhoti, tāvassa attānaṃ na dassessāmī’’ti uttarakurumhi piṇḍāya caritvā himavante kañcanaguhādvāre sattāhaṃ vasi. Manojopi sattame divase attano mahantaṃ sirivibhavaṃ oloketvā ‘‘ayaṃ yaso na mayhaṃ mātāpitūhi, na aññehi dinno, nandatāpasaṃ nissāya uppanno, taṃ kho pana me apassantassa ajja sattamo divaso, kahaṃ nu kho me yasadāyako’’ti nandapaṇḍitaṃ sari. So tassa anussaraṇabhāvaṃ ñatvā āgantvā purato ākāse aṭṭhāsi. Rājā taṃ disvā cintesi – ‘‘ahaṃ imassa tāpasassa devatābhāvaṃ vā manussabhāvaṃ vā na jānāmi, sace esa manusso bhaveyya, sakalajambudīparajjaṃ etasseva dassāmi. Atha devo, sakkāramassa karissāmī’’ti. So taṃ vīmaṃsanto paṭhamaṃ gāthamāha –
92.
92.
‘‘д̣̇звад̇аа нуд̇и г̇анд̇хаб̣б̣о, ад̣̇у сагго буринд̣̇ад̣̇о;
‘‘Devatā nuti gandhabbo, adu sakko purindado;
мануссабхууд̇о ид̣̇д̇химаа, гат̇ам̣ ж̇аанзму д̇ам̣ маяа’’нд̇и.
Manussabhūto iddhimā, kathaṃ jānemu taṃ maya’’nti.
со д̇асса важанам̣ суд̇ваа сабхаавамзва гат̇знд̇о д̣̇уд̇ияам̣ г̇аат̇амааха –
So tassa vacanaṃ sutvā sabhāvameva kathento dutiyaṃ gāthamāha –
93.
93.
‘‘нааби д̣̇зво на г̇анд̇хаб̣б̣о, нааби сагго буринд̣̇ад̣̇о;
‘‘Nāpi devo na gandhabbo, nāpi sakko purindado;
мануссабхууд̇о ид̣̇д̇химаа, звам̣ ж̇аанаахи бхаарад̇хаа’’д̇и.
Manussabhūto iddhimā, evaṃ jānāhi bhāradhā’’ti.
д̇ад̇т̇а бхаарад̇хаад̇и радтабхаарад̇хаарид̇ааяа нам̣ звам̣ аалабад̇и.
Tattha bhāradhāti raṭṭhabhāradhāritāya naṃ evaṃ ālapati.
д̇ам̣ суд̇ваа рааж̇аа ‘‘мануссабхууд̇о гирааяам̣ маяхам̣ звам̣ б̣ахубагааро, маханд̇зна яасзна нам̣ санд̇аббзссаамий’’д̇и жинд̇зд̇ваа ааха –
Taṃ sutvā rājā ‘‘manussabhūto kirāyaṃ mayhaṃ evaṃ bahupakāro, mahantena yasena naṃ santappessāmī’’ti cintetvā āha –
94.
94.
‘‘гад̇аруубамид̣̇ам̣ бход̇о, взяяааважжам̣ анаббагам̣;
‘‘Katarūpamidaṃ bhoto, veyyāvaccaṃ anappakaṃ;
д̣̇звамхи вассамаанамхи, ановассам̣ бхавам̣ агаа.
Devamhi vassamānamhi, anovassaṃ bhavaṃ akā.
95.
95.
‘‘д̇ад̇о ваад̇аад̇абз гхорз, сийд̇ажчааяам̣ бхавам̣ агаа;
‘‘Tato vātātape ghore, sītacchāyaṃ bhavaṃ akā;
д̇ад̇о амид̇д̇амаж̇жхзсу, сарад̇аан̣ам̣ бхавам̣ агаа.
Tato amittamajjhesu, saratāṇaṃ bhavaṃ akā.
96.
96.
‘‘д̇ад̇о пийд̇аани радтаани, васино д̇з бхавам̣ агаа;
‘‘Tato phītāni raṭṭhāni, vasino te bhavaṃ akā;
д̇ад̇о згасад̇ам̣ кад̇яз, ануяанд̇з бхавам̣ агаа.
Tato ekasataṃ khatye, anuyante bhavaṃ akā.
97.
97.
‘‘бад̇ийд̇аассу маяам̣ бход̇о, вад̣̇а д̇ам̣ бхан̃ж̇амижчаси;
‘‘Patītāssu mayaṃ bhoto, vada taṃ bhañjamicchasi;
хад̇т̇ияаанам̣ ассарат̇ам̣, наарияо жа алан̇гад̇аа;
Hatthiyānaṃ assarathaṃ, nāriyo ca alaṅkatā;
нивзсанаани раммаани, маяам̣ бход̇о д̣̇ад̣̇аамасз.
Nivesanāni rammāni, mayaṃ bhoto dadāmase.
98.
98.
‘‘ат̇а ван̇г̇з ваа маг̇ад̇хз, маяам̣ бход̇о д̣̇ад̣̇аамасз;
‘‘Atha vaṅge vā magadhe, mayaṃ bhoto dadāmase;
ат̇а ваа ассагааванд̇ий, суманаа д̣̇амма д̇з маяам̣.
Atha vā assakāvantī, sumanā damma te mayaṃ.
99.
99.
‘‘убад̣дхам̣ вааби раж̇ж̇асса, маяам̣ бход̇о д̣̇ад̣̇аамасз;
‘‘Upaḍḍhaṃ vāpi rajjassa, mayaṃ bhoto dadāmase;
сажз д̇з ад̇т̇о раж̇ж̇зна, анусааса яад̣̇ижчасий’’д̇и.
Sace te attho rajjena, anusāsa yadicchasī’’ti.
д̇ад̇т̇а гад̇аруубамид̣̇анд̇и гад̇асабхаавам̣. взяяааважжанд̇и гааяавзяяаавад̇игагаммам̣. ановассанд̇и авассам̣, яат̇аа д̣̇зво на вассад̇и , д̇ат̇аа гад̇анд̇и ад̇т̇о. сийд̇ажчааяанд̇и сийд̇алам̣ чааяам̣. васино д̇зд̇и д̇з радтаваасино амхаагам̣ васавад̇д̇ино. кад̇язд̇и кад̇д̇ияз, адтагат̇ааяам̣ бана аяамзва баато. бад̇ийд̇аассу маяанд̇и д̇удтаа маяам̣. вад̣̇а д̇ам̣ бхан̃ж̇амижчасийд̇и бхан̃ж̇анд̇и рад̇анассзд̇ам̣ наамам̣, варам̣ д̇з д̣̇ад̣̇аами, яам̣ рад̇анам̣ ижчаси, д̇ам̣ вад̣̇зхийд̇и ад̇т̇о. ‘‘хад̇т̇ияаана’’нд̇иаад̣̇ийхи саруубад̇о д̇ам̣ д̇ам̣ рад̇анам̣ д̣̇ассзд̇и . ассагааванд̇ийассагарадтам̣ ваа аванд̇ирадтам̣ ваа. раж̇ж̇знаад̇и сажзби д̇з сагалаж̇амб̣уд̣̇ийбараж̇ж̇зна ад̇т̇о, д̇амби д̇з д̣̇ад̇ваа ахам̣ палагаавуд̇хахад̇т̇о д̇умхаагам̣ рат̇асса бурад̇о г̇амиссаамийд̇и д̣̇ийбзд̇и. яад̣̇ижчасийд̇и зд̇зсу маяаа вуд̇д̇аббагаарзсу яам̣ ижчаси, д̇ам̣ анусааса аан̣аабзхийд̇и.
Tattha katarūpamidanti katasabhāvaṃ. Veyyāvaccanti kāyaveyyāvatikakammaṃ. Anovassanti avassaṃ, yathā devo na vassati , tathā katanti attho. Sītacchāyanti sītalaṃ chāyaṃ. Vasino teti te raṭṭhavāsino amhākaṃ vasavattino. Khatyeti khattiye, aṭṭhakathāyaṃ pana ayameva pāṭho. Patītāssumayanti tuṭṭhā mayaṃ. Vada taṃ bhañjamicchasīti bhañjanti ratanassetaṃ nāmaṃ, varaṃ te dadāmi, yaṃ ratanaṃ icchasi, taṃ vadehīti attho. ‘‘Hatthiyāna’’ntiādīhi sarūpato taṃ taṃ ratanaṃ dasseti. Assakāvantīassakaraṭṭhaṃ vā avantiraṭṭhaṃ vā. Rajjenāti sacepi te sakalajambudīparajjena attho, tampi te datvā ahaṃ phalakāvudhahattho tumhākaṃ rathassa purato gamissāmīti dīpeti. Yadicchasīti etesu mayā vuttappakāresu yaṃ icchasi, taṃ anusāsa āṇāpehīti.
д̇ам̣ суд̇ваа нанд̣̇абан̣д̣ид̇о ад̇д̇ано ад̇хиббааяам̣ аавигаронд̇о ааха –
Taṃ sutvā nandapaṇḍito attano adhippāyaṃ āvikaronto āha –
100.
100.
‘‘на мз ад̇т̇оби раж̇ж̇зна, наг̇арзна д̇ханзна ваа;
‘‘Na me atthopi rajjena, nagarena dhanena vā;
ат̇оби ж̇анабад̣̇зна, ад̇т̇о маяхам̣ на виж̇ж̇ад̇ий’’д̇и.
Athopi janapadena, attho mayhaṃ na vijjatī’’ti.
‘‘сажз д̇з маяи синзхо ад̇т̇и, згам̣ мз важанам̣ гарохий’’д̇и вад̇ваа г̇аат̇аад̣̇ваяамааха –
‘‘Sace te mayi sineho atthi, ekaṃ me vacanaṃ karohī’’ti vatvā gāthādvayamāha –
101.
101.
‘‘бход̇ова радтз виж̇ид̇з, аран̃н̃з ад̇т̇и ассамо;
‘‘Bhotova raṭṭhe vijite, araññe atthi assamo;
бид̇аа маяхам̣ ж̇анзд̇д̇ий жа, убхо самманд̇и ассамз.
Pitā mayhaṃ janettī ca, ubho sammanti assame.
102.
102.
‘‘д̇зсаахам̣ буб̣б̣аажариязсу, бун̃н̃ам̣ на лабхаами гаад̇авз;
‘‘Tesāhaṃ pubbācariyesu, puññaṃ na labhāmi kātave;
бхаванд̇ам̣ аж̇жхааварам̣ гад̇ваа, сон̣ам̣ яаажзму сам̣вара’’нд̇и.
Bhavantaṃ ajjhāvaraṃ katvā, soṇaṃ yācemu saṃvara’’nti.
д̇ад̇т̇а радтзд̇и раж̇ж̇з. виж̇ид̇зд̇и аан̣аабавад̇д̇идтаанз. ассамод̇и химаванд̇ааран̃н̃з зго ассамо ад̇т̇и. самманд̇ийд̇и д̇асмим̣ ассамз васанд̇и. д̇зсааханд̇и д̇зсу ахам̣. гаад̇авзд̇и вад̇д̇абадивад̇д̇апалаапалаахаран̣асан̇каад̇ам̣ бун̃н̃ам̣ гаад̇ум̣ на лабхаами, бхаад̇аа мз сон̣абан̣д̣ид̇о наама мамзгасмим̣ абараад̇хз маа ид̇ха васийд̇и мам̣ балаабзси. аж̇жхааваранд̇и ад̇хиааварам̣ д̇з маяам̣ бхаванд̇ам̣ сабариваарам̣ гад̇ваа сон̣абан̣д̣ид̇ам̣ сам̣варам̣ яаажзму, ааяад̇им̣ сам̣варам̣ яаажаамаад̇и ад̇т̇о. ‘‘яаажзмимам̣ вара’’нд̇иби баато, маяам̣ д̇аяаа сад̣̇д̇хим̣ сон̣ам̣ яаажзяяаама камаабзяяаама, имам̣ варам̣ д̇ава санд̇игаа г̇ан̣хаамийд̇и ад̇т̇о.
Tattha raṭṭheti rajje. Vijiteti āṇāpavattiṭṭhāne. Assamoti himavantāraññe eko assamo atthi. Sammantīti tasmiṃ assame vasanti. Tesāhanti tesu ahaṃ. Kātaveti vattapaṭivattaphalāphalāharaṇasaṅkhātaṃ puññaṃ kātuṃ na labhāmi, bhātā me soṇapaṇḍito nāma mamekasmiṃ aparādhe mā idha vasīti maṃ palāpesi. Ajjhāvaranti adhiāvaraṃ te mayaṃ bhavantaṃ saparivāraṃ katvā soṇapaṇḍitaṃ saṃvaraṃ yācemu, āyatiṃ saṃvaraṃ yācāmāti attho. ‘‘Yācemimaṃ vara’’ntipi pāṭho, mayaṃ tayā saddhiṃ soṇaṃ yāceyyāma khamāpeyyāma, imaṃ varaṃ tava santikā gaṇhāmīti attho.
ат̇а нам̣ рааж̇аа ааха –
Atha naṃ rājā āha –
103.
103.
‘‘гароми д̇з д̇ам̣ важанам̣, яам̣ мам̣ бхан̣аси б̣раахман̣а;
‘‘Karomi te taṃ vacanaṃ, yaṃ maṃ bhaṇasi brāhmaṇa;
зд̇ан̃жа ко но агкаахи, гийванд̇о хонд̇у яаажагаа’’д̇и.
Etañca kho no akkhāhi, kīvanto hontu yācakā’’ti.
д̇ад̇т̇а гаромийд̇и ахам̣ сагалаж̇амб̣уд̣̇ийбараж̇ж̇ам̣ д̣̇ад̣̇амаано зд̇д̇агам̣ гим̣ на гариссаами, гаромийд̇и вад̣̇ад̇и. гийванд̇од̇и гид̇д̇агаа.
Tattha karomīti ahaṃ sakalajambudīparajjaṃ dadamāno ettakaṃ kiṃ na karissāmi, karomīti vadati. Kīvantoti kittakā.
нанд̣̇абан̣д̣ид̇о ааха –
Nandapaṇḍito āha –
104.
104.
‘‘баросад̇ам̣ ж̇аанабад̣̇аа, махаасаалаа жа б̣раахман̣аа;
‘‘Parosataṃ jānapadā, mahāsālā ca brāhmaṇā;
имз жа кад̇д̇ияаа саб̣б̣з, абхиж̇аад̇аа яасассино;
Ime ca khattiyā sabbe, abhijātā yasassino;
бхаван̃жа рааж̇аа манож̇о, алам̣ хзссанд̇и яаажагаа’’д̇и.
Bhavañca rājā manojo, alaṃ hessanti yācakā’’ti.
д̇ад̇т̇а ж̇аанабад̣̇аад̇и г̇ахабад̇ий. махаасаалаа жа б̣раахман̣аад̇и саараббад̇д̇аа б̣раахман̣аа жа баросад̇ааязва. алам̣ хзссанд̇ийд̇и барияад̇д̇аа бхависсанд̇и. яаажагаад̇и мамад̇т̇ааяа сон̣абан̣д̣ид̇асса камаабагаа.
Tattha jānapadāti gahapatī. Mahāsālā ca brāhmaṇāti sārappattā brāhmaṇā ca parosatāyeva. Alaṃ hessantīti pariyattā bhavissanti. Yācakāti mamatthāya soṇapaṇḍitassa khamāpakā.
ат̇а нам̣ рааж̇аа ааха –
Atha naṃ rājā āha –
105.
105.
‘‘хад̇т̇ий ассз жа яож̇знд̇у, рат̇ам̣ саннаяха саарат̇и;
‘‘Hatthī asse ca yojentu, rathaṃ sannayha sārathi;
ааб̣анд̇ханаани г̇ан̣хаат̇а, баад̣̇аасуссаараяад̣̇д̇хаж̇з;
Ābandhanāni gaṇhātha, pādāsussārayaddhaje;
ассамам̣ д̇ам̣ г̇амиссаами, яад̇т̇а саммад̇и госияо’’д̇и.
Assamaṃ taṃ gamissāmi, yattha sammati kosiyo’’ti.
д̇ад̇т̇а яож̇знд̇ууд̇и хад̇т̇аарохаа хад̇т̇ий, ассаарохаа жа ассз габбзнд̇у. рат̇ам̣ саннаяха саарат̇ийд̇и саммасаарат̇и д̇вамби рат̇ам̣ саннаяха. ааб̣анд̇ханаанийд̇и хад̇т̇иассарат̇зсу ааб̣анд̇хид̇аб̣б̣аани бхан̣д̣аани жа г̇ан̣хат̇а. баад̣̇аасуссаараяад̣̇д̇хаж̇зд̇и рат̇з табид̇ад̇хаж̇абаад̣̇аасу д̇хаж̇з уссаараяанд̇у уссаабзнд̇у. госияод̇и яасмим̣ ассамз госияаг̇од̇д̇о васад̇ийд̇и.
Tattha yojentūti hatthārohā hatthī, assārohā ca asse kappentu. Rathaṃ sannayha sārathīti sammasārathi tvampi rathaṃ sannayha. Ābandhanānīti hatthiassarathesu ābandhitabbāni bhaṇḍāni ca gaṇhatha. Pādāsussārayaddhajeti rathe ṭhapitadhajapādāsu dhaje ussārayantu ussāpentu. Kosiyoti yasmiṃ assame kosiyagotto vasatīti.
106.
106.
‘‘д̇ад̇о жа рааж̇аа бааяааси, сзнааяа жад̇уран̇г̇иний;
‘‘Tato ca rājā pāyāsi, senāya caturaṅginī;
аг̇амаа ассамам̣ раммам̣, яад̇т̇а саммад̇и госияо’’д̇и. – аяам̣ абхисамб̣уд̣̇д̇хаг̇аат̇аа;
Agamā assamaṃ rammaṃ, yattha sammati kosiyo’’ti. – ayaṃ abhisambuddhagāthā;
д̇ад̇т̇а д̇ад̇о жаад̇и, бхигкавз, звам̣ вад̇ваа д̇ад̇о со рааж̇аа згасад̇акад̇д̇ияз г̇ахзд̇ваа махад̇ияаа сзнааяа баривуд̇о нанд̣̇абан̣д̣ид̇ам̣ бурад̇о гад̇ваа наг̇араа нигками. жад̇уран̇г̇ийнийд̇и жад̇уран̇г̇инияаа сзнааяа аг̇амааси, анд̇арамаг̇г̇з вад̇д̇амааноби авассам̣ г̇аамид̇ааяа звам̣ вуд̇д̇о. жад̇увийсад̇иагкобхан̣исан̇каад̇зна б̣алагааязна сад̣̇д̇хим̣ маг̇г̇ам̣ бадибаннасса д̇асса нанд̣̇абан̣д̣ид̇о ид̣̇д̇хаанубхаавзна адтусабхавид̇т̇ад̇ам̣ маг̇г̇ам̣ самам̣ маабзд̇ваа аагаасз жаммакан̣д̣ам̣ бад̇т̇арид̇ваа д̇ад̇т̇а баллан̇гзна нисийд̣̇ид̇ваа сзнааяа баривуд̇о алан̇гад̇ахад̇т̇игканд̇хз нисийд̣̇ид̇ваа г̇ажчанд̇зна ран̃н̃аа сад̣̇д̇хим̣ д̇хаммаяуд̇д̇агат̇ам̣ гат̇знд̇о сийд̇аун̣хаад̣̇ибариссаяз ваарзнд̇о аг̇амааси.
Tattha tato cāti, bhikkhave, evaṃ vatvā tato so rājā ekasatakhattiye gahetvā mahatiyā senāya parivuto nandapaṇḍitaṃ purato katvā nagarā nikkhami. Caturaṅgīnīti caturaṅginiyā senāya agamāsi, antaramagge vattamānopi avassaṃ gāmitāya evaṃ vutto. Catuvīsatiakkhobhaṇisaṅkhātena balakāyena saddhiṃ maggaṃ paṭipannassa tassa nandapaṇḍito iddhānubhāvena aṭṭhusabhavitthataṃ maggaṃ samaṃ māpetvā ākāse cammakhaṇḍaṃ pattharitvā tattha pallaṅkena nisīditvā senāya parivuto alaṅkatahatthikkhandhe nisīditvā gacchantena raññā saddhiṃ dhammayuttakathaṃ kathento sītauṇhādiparissaye vārento agamāsi.
ат̇асса ассамам̣ баабун̣анад̣̇ивасз сон̣абан̣д̣ид̇о ‘‘мама ганидтасса ад̇ирзгасад̇д̇амаасасад̇д̇ад̣̇ивасаад̇хигаани сад̇д̇а вассаани нигканд̇ассаа’’д̇и ааваж̇ж̇зд̇ваа ‘‘гахам̣ ну ко со зд̇арахий’’д̇и д̣̇иб̣б̣зна жагкунаа ологзнд̇о ‘‘жад̇увийсад̇иагкобхан̣ибариваарзна сад̣̇д̇хим̣ згасад̇арааж̇аано г̇ахзд̇ваа маман̃н̃зва камаабзд̇ум̣ ааг̇ажчад̇ий’’д̇и д̣̇исваа жинд̇зси – ‘‘имзхи рааж̇уухи жзва барисаахи жа мама ганидтасса б̣ахууни баадихаарияаани д̣̇идтаани, мамаанубхаавам̣ аж̇аанид̇ваа ‘аяам̣ гуудаж̇адило ад̇д̇ано бамаан̣ам̣ на ж̇аанаад̇и, амхаагам̣ аяязна сад̣̇д̇хим̣ баяож̇зсий’д̇и мам̣ вамбхзнд̇аа гат̇знд̇аа авийжибарааяан̣аа бхавзяяум̣, ид̣̇д̇хибаадихаарияам̣ нзсам̣ д̣̇ассзссаамий’’д̇и. со жад̇уран̇г̇уламад̇д̇зна ам̣сам̣ апусанд̇ам̣ аагаасз гааж̇ам̣ табзд̇ваа анод̇ад̇д̇ад̇о уд̣̇агам̣ аахарид̇ум̣ ран̃н̃о авид̣̇уурз аагаасзна бааяааси. нанд̣̇абан̣д̣ид̇о д̇ам̣ ааг̇ажчанд̇ам̣ д̣̇исваа ад̇д̇аанам̣ д̣̇ассзд̇ум̣ ависаханд̇о нисиннадтаанзязва анд̇арад̇хааяид̇ваа балааяид̇ваа химаванд̇ам̣ баависи. манож̇арааж̇аа бана д̇ам̣ раман̣ийязна исивзсзна д̇ат̇аа ааг̇ажчанд̇ам̣ д̣̇исваа г̇аат̇амааха –
Athassa assamaṃ pāpuṇanadivase soṇapaṇḍito ‘‘mama kaniṭṭhassa atirekasattamāsasattadivasādhikāni satta vassāni nikkhantassā’’ti āvajjetvā ‘‘kahaṃ nu kho so etarahī’’ti dibbena cakkhunā olokento ‘‘catuvīsatiakkhobhaṇiparivārena saddhiṃ ekasatarājāno gahetvā mamaññeva khamāpetuṃ āgacchatī’’ti disvā cintesi – ‘‘imehi rājūhi ceva parisāhi ca mama kaniṭṭhassa bahūni pāṭihāriyāni diṭṭhāni, mamānubhāvaṃ ajānitvā ‘ayaṃ kūṭajaṭilo attano pamāṇaṃ na jānāti, amhākaṃ ayyena saddhiṃ payojesī’ti maṃ vambhentā kathentā avīciparāyaṇā bhaveyyuṃ, iddhipāṭihāriyaṃ nesaṃ dassessāmī’’ti. So caturaṅgulamattena aṃsaṃ aphusantaṃ ākāse kājaṃ ṭhapetvā anotattato udakaṃ āharituṃ rañño avidūre ākāsena pāyāsi. Nandapaṇḍito taṃ āgacchantaṃ disvā attānaṃ dassetuṃ avisahanto nisinnaṭṭhāneyeva antaradhāyitvā palāyitvā himavantaṃ pāvisi. Manojarājā pana taṃ ramaṇīyena isivesena tathā āgacchantaṃ disvā gāthamāha –
107.
107.
‘‘гасса гаад̣̇амб̣аяо гааж̇о, взхаасам̣ жад̇уран̇г̇улам̣;
‘‘Kassa kādambayo kājo, vehāsaṃ caturaṅgulaṃ;
ам̣сам̣ асампусам̣ зд̇и, уд̣̇ахаарааяа г̇ажчад̇о’’д̇и.
Aṃsaṃ asamphusaṃ eti, udahārāya gacchato’’ti.
д̇ад̇т̇а гаад̣̇амб̣аяод̇и гад̣̇амб̣аругкамаяо. ам̣сам̣ асампусам̣ зд̇ийд̇и ам̣сам̣ асампусанд̇о саяамзва ааг̇ажчад̇и. уд̣̇ахаарааяаад̇и уд̣̇агам̣ аахарид̇ум̣ г̇ажчанд̇асса гасса зса гааж̇о звам̣ зд̇и, го наама д̇вам̣, гуд̇о ваа ааг̇ажчасийд̇и.
Tattha kādambayoti kadambarukkhamayo. Aṃsaṃ asamphusaṃ etīti aṃsaṃ asamphusanto sayameva āgacchati. Udahārāyāti udakaṃ āharituṃ gacchantassa kassa esa kājo evaṃ eti, ko nāma tvaṃ, kuto vā āgacchasīti.
звам̣ вуд̇д̇з махаасад̇д̇о г̇аат̇аад̣̇ваяамааха –
Evaṃ vutte mahāsatto gāthādvayamāha –
108.
108.
‘‘ахам̣ сон̣о махаарааж̇а, д̇аабасо сахид̇аб̣б̣ад̇о;
‘‘Ahaṃ soṇo mahārāja, tāpaso sahitabbato;
бхараами маад̇аабид̇аро, рад̇д̇инд̣̇ивамад̇анд̣̇ид̇о.
Bharāmi mātāpitaro, rattindivamatandito.
109.
109.
‘‘ванз палан̃жа муулан̃жа, аахарид̇ваа д̣̇исамбад̇и;
‘‘Vane phalañca mūlañca, āharitvā disampati;
босзми маад̇аабид̇аро, буб̣б̣з гад̇амануссара’’нд̇и.
Posemi mātāpitaro, pubbe katamanussara’’nti.
д̇ад̇т̇а сахид̇аб̣б̣ад̇од̇и сахид̇авад̇о сийлаажаарасамбанно зго д̇аабасо аханд̇и вад̣̇ад̇и. бхараамийд̇и босзми. ад̇анд̣̇ид̇од̇и аналасо худ̇ваа. буб̣б̣з гад̇амануссаранд̇и д̇зхи буб̣б̣з гад̇ам̣ маяхам̣ г̇ун̣ам̣ ануссаранд̇од̇и.
Tattha sahitabbatoti sahitavato sīlācārasampanno eko tāpaso ahanti vadati. Bharāmīti posemi. Atanditoti analaso hutvā. Pubbe katamanussaranti tehi pubbe kataṃ mayhaṃ guṇaṃ anussarantoti.
д̇ам̣ суд̇ваа рааж̇аа д̇зна сад̣̇д̇хим̣ виссаасам̣ гад̇д̇угаамо ананд̇арам̣ г̇аат̇амааха –
Taṃ sutvā rājā tena saddhiṃ vissāsaṃ kattukāmo anantaraṃ gāthamāha –
110.
110.
‘‘ижчаама ассамам̣ г̇анд̇ум̣, яад̇т̇а саммад̇и госияо;
‘‘Icchāma assamaṃ gantuṃ, yattha sammati kosiyo;
маг̇г̇ам̣ но сон̣а агкаахи, язна г̇ажчзму ассама’’нд̇и.
Maggaṃ no soṇa akkhāhi, yena gacchemu assama’’nti.
д̇ад̇т̇а ассаманд̇и д̇умхаагам̣ ассамабад̣̇ам̣.
Tattha assamanti tumhākaṃ assamapadaṃ.
ат̇а махаасад̇д̇о ад̇д̇ано аанубхаавзна ассамабад̣̇аг̇аамимаг̇г̇ам̣ маабзд̇ваа г̇аат̇амааха –
Atha mahāsatto attano ānubhāvena assamapadagāmimaggaṃ māpetvā gāthamāha –
111.
111.
‘‘аяам̣ згабад̣̇ий рааж̇а, язнзд̇ам̣ мзгхасаннибхам̣;
‘‘Ayaṃ ekapadī rāja, yenetaṃ meghasannibhaṃ;
говил̣аарзхи сан̃чаннам̣, зд̇т̇а саммад̇и госияо’’д̇и.
Koviḷārehi sañchannaṃ, ettha sammati kosiyo’’ti.
д̇ассад̇т̇о – махаарааж̇а, аяам̣ згабад̣̇иго ж̇ан̇гхамаг̇г̇о, иминаа г̇ажчат̇а, язна д̣̇исаабхааг̇зна зд̇ам̣ мзгхаван̣н̣ам̣ субубпид̇аговил̣аарасан̃чаннам̣ ванам̣ д̣̇иссад̇и, зд̇т̇а мама бид̇аа госияаг̇од̇д̇о васад̇и, зд̇асса со ассамод̇и.
Tassattho – mahārāja, ayaṃ ekapadiko jaṅghamaggo, iminā gacchatha, yena disābhāgena etaṃ meghavaṇṇaṃ supupphitakoviḷārasañchannaṃ vanaṃ dissati, ettha mama pitā kosiyagotto vasati, etassa so assamoti.
112.
112.
‘‘ид̣̇ам̣ вад̇ваана баггаами, д̇арамаано махааиси;
‘‘Idaṃ vatvāna pakkāmi, taramāno mahāisi;
взхаасз анд̇алигкасмим̣, анусаасид̇ваана кад̇д̇ияз.
Vehāse antalikkhasmiṃ, anusāsitvāna khattiye.
113.
113.
‘‘ассамам̣ баримаж̇ж̇ид̇ваа, бан̃н̃аабзд̇ваана аасанам̣;
‘‘Assamaṃ parimajjitvā, paññāpetvāna āsanaṃ;
бан̣н̣асаалам̣ бависид̇ваа, бид̇арам̣ бад̇иб̣од̇хаяи.
Paṇṇasālaṃ pavisitvā, pitaraṃ patibodhayi.
114.
114.
‘‘имз ааяанд̇и рааж̇аано, абхиж̇аад̇аа яасассино;
‘‘Ime āyanti rājāno, abhijātā yasassino;
ассамаа нигкамид̇ваана, нисийд̣̇а д̇вам̣ махааисз.
Assamā nikkhamitvāna, nisīda tvaṃ mahāise.
115.
115.
‘‘д̇асса д̇ам̣ важанам̣ суд̇ваа, д̇арамаано махааиси;
‘‘Tassa taṃ vacanaṃ sutvā, taramāno mahāisi;
ассамаа нигкамид̇ваана, сад̣̇ваарамхи убаависий’’д̇и. – имаа абхисамб̣уд̣̇д̇хаг̇аат̇аа;
Assamā nikkhamitvāna, sadvāramhi upāvisī’’ti. – imā abhisambuddhagāthā;
д̇ад̇т̇а баггаамийд̇и анод̇ад̇д̇ам̣ аг̇амааси. ассамам̣ баримаж̇ж̇ид̇ваад̇и, бхигкавз, со иси взг̇зна анод̇ад̇д̇ам̣ г̇анд̇ваа баанийяам̣ аад̣̇ааяа д̇зсу рааж̇уусу ассамам̣ асамбад̇д̇зсуязва ааг̇анд̇ваа баанийяагхадз баанийяамаал̣агз табзд̇ваа ‘‘махааж̇ано бивиссад̇ий’’д̇и ванагусумзхи ваасзд̇ваа саммаж̇ж̇аним̣ аад̣̇ааяа ассамам̣ саммаж̇ж̇ид̇ваа бан̣н̣асаалад̣̇ваарз бид̇у аасанам̣ бан̃н̃аабзд̇ваа бависид̇ваа бид̇арам̣ ж̇аанаабзсийд̇и ад̇т̇о. убаависийд̇и ужжаасанз нисийд̣̇и.
Tattha pakkāmīti anotattaṃ agamāsi. Assamaṃ parimajjitvāti, bhikkhave, so isi vegena anotattaṃ gantvā pānīyaṃ ādāya tesu rājūsu assamaṃ asampattesuyeva āgantvā pānīyaghaṭe pānīyamāḷake ṭhapetvā ‘‘mahājano pivissatī’’ti vanakusumehi vāsetvā sammajjaniṃ ādāya assamaṃ sammajjitvā paṇṇasāladvāre pitu āsanaṃ paññāpetvā pavisitvā pitaraṃ jānāpesīti attho. Upāvisīti uccāsane nisīdi.
б̣од̇хисад̇д̇асса маад̇аа бана д̇асса бажчад̇о нийжадтаанз згаманд̇ам̣ нисийд̣̇и. махаасад̇д̇о нийжаасанз нисийд̣̇и. нанд̣̇абан̣д̣ид̇оби б̣од̇хисад̇д̇асса анод̇ад̇д̇ад̇о баанийяам̣ аад̣̇ааяа ассамам̣ ааг̇ад̇агаалз ран̃н̃о санд̇игам̣ ааг̇анд̇ваа ассамасса авид̣̇уурз канд̇хааваарам̣ ниваасзси. ат̇а рааж̇аа нхад̇ваа саб̣б̣аалан̇гаарабадиман̣д̣ид̇о згасад̇арааж̇абаривуд̇о нанд̣̇абан̣д̣ид̇ам̣ г̇ахзд̇ваа маханд̇зна сирисобхаг̇г̇зна б̣од̇хисад̇д̇ам̣ камаабзд̇ум̣ ассамам̣ баависи. ат̇а нам̣ д̇ат̇аа ааг̇ажчанд̇ам̣ б̣од̇хисад̇д̇асса бид̇аа д̣̇исваа б̣од̇хисад̇д̇ам̣ бужчи, собисса аажигки. д̇амад̇т̇ам̣ багаасзнд̇о сад̇т̇аа ааха –
Bodhisattassa mātā pana tassa pacchato nīcaṭṭhāne ekamantaṃ nisīdi. Mahāsatto nīcāsane nisīdi. Nandapaṇḍitopi bodhisattassa anotattato pānīyaṃ ādāya assamaṃ āgatakāle rañño santikaṃ āgantvā assamassa avidūre khandhāvāraṃ nivāsesi. Atha rājā nhatvā sabbālaṅkārapaṭimaṇḍito ekasatarājaparivuto nandapaṇḍitaṃ gahetvā mahantena sirisobhaggena bodhisattaṃ khamāpetuṃ assamaṃ pāvisi. Atha naṃ tathā āgacchantaṃ bodhisattassa pitā disvā bodhisattaṃ pucchi, sopissa ācikkhi. Tamatthaṃ pakāsento satthā āha –
116.
116.
‘‘д̇ан̃жа д̣̇исваана ааяанд̇ам̣, ж̇аланд̇ам̣рива д̇зж̇асаа;
‘‘Tañca disvāna āyantaṃ, jalantaṃriva tejasā;
кад̇яасан̇гхабариб̣яуул̣хам̣, госияо зд̇ад̣̇аб̣рави.
Khatyasaṅghaparibyūḷhaṃ, kosiyo etadabravi.
117.
117.
‘‘гасса бхзрий муд̣̇ин̇г̇аа жа, сан̇каа бан̣авад̣̇инд̣̇имаа;
‘‘Kassa bherī mudiṅgā ca, saṅkhā paṇavadindimā;
бурад̇о бадибаннаани, хаасаяанд̇аа рат̇зсабхам̣.
Purato paṭipannāni, hāsayantā rathesabhaṃ.
118.
118.
‘‘гасса ган̃жанабаддзна, бут̇унаа виж̇ж̇уван̣н̣инаа;
‘‘Kassa kañcanapaṭṭena, puthunā vijjuvaṇṇinā;
яуваа галаабасаннад̣̇д̇хо, го зд̇и сирияаа ж̇алам̣.
Yuvā kalāpasannaddho, ko eti siriyā jalaṃ.
119.
119.
‘‘уггаамукабахадтам̣ва , кад̣̇иран̇г̇аарасаннибхам̣;
‘‘Ukkāmukhapahaṭṭhaṃva , khadiraṅgārasannibhaṃ;
мукан̃жа ружираа бхаад̇и, го зд̇и сирияаа ж̇алам̣.
Mukhañca rucirā bhāti, ko eti siriyā jalaṃ.
120.
120.
‘‘гасса баг̇г̇ахид̇ам̣ чад̇д̇ам̣, сасалаагам̣ манорамам̣;
‘‘Kassa paggahitaṃ chattaṃ, sasalākaṃ manoramaṃ;
аад̣̇ижжарам̣сааваран̣ам̣, го зд̇и сирияаа ж̇алам̣.
Ādiccaraṃsāvaraṇaṃ, ko eti siriyā jalaṃ.
121.
121.
‘‘гасса ан̇г̇ам̣ бариг̇г̇аяха, ваалаб̣ийж̇анимуд̇д̇амам̣;
‘‘Kassa aṅgaṃ pariggayha, vālabījanimuttamaṃ;
жаранд̇и варабун̃н̃асса, хад̇т̇игканд̇хзна ааяад̇о.
Caranti varapuññassa, hatthikkhandhena āyato.
122.
122.
‘‘гасса сзд̇аани чад̇д̇аани, ааж̇аанийяаа жа ваммид̇аа;
‘‘Kassa setāni chattāni, ājānīyā ca vammitā;
саманд̇аа баригийрзнд̇и, го зд̇и сирияаа ж̇алам̣.
Samantā parikīrenti, ko eti siriyā jalaṃ.
123.
123.
‘‘гасса згасад̇ам̣ кад̇яаа, ануяанд̇аа яасассино;
‘‘Kassa ekasataṃ khatyā, anuyantā yasassino;
саманд̇аанубарияанд̇и, го зд̇и сирияаа ж̇алам̣.
Samantānupariyanti, ko eti siriyā jalaṃ.
124.
124.
‘‘хад̇т̇иассарат̇абад̇д̇и, сзнаа жа жад̇уран̇г̇иний;
‘‘Hatthiassarathapatti, senā ca caturaṅginī;
саманд̇аанубарияанд̇и, го зд̇и сирияаа ж̇алам̣.
Samantānupariyanti, ko eti siriyā jalaṃ.
125.
125.
‘‘гассзсаа махад̇ий сзнаа, бидтид̇о анувад̇д̇ад̇и;
‘‘Kassesā mahatī senā, piṭṭhito anuvattati;
агкобхан̣ий абарияанд̇аа, сааг̇арассзва уумияо.
Akkhobhaṇī apariyantā, sāgarasseva ūmiyo.
126.
126.
‘‘рааж̇аабхирааж̇аа манож̇о, инд̣̇ова ж̇аяад̇ам̣ бад̇и;
‘‘Rājābhirājā manojo, indova jayataṃ pati;
нанд̣̇ассаж̇жхааварам̣ зд̇и, ассамам̣ б̣рахмажааринам̣.
Nandassajjhāvaraṃ eti, assamaṃ brahmacārinaṃ.
127.
127.
‘‘д̇ассзсаа махад̇ий сзнаа, бидтид̇о анувад̇д̇ад̇и;
‘‘Tassesā mahatī senā, piṭṭhito anuvattati;
агкобхан̣ий абарияанд̇аа, сааг̇арассзва уумияо’’д̇и.
Akkhobhaṇī apariyantā, sāgarasseva ūmiyo’’ti.
д̇ад̇т̇а ж̇аланд̇ам̣риваад̇и ж̇аланд̇ам̣ вияа. бадибаннаанийд̇и зд̇аани д̇уурияаани гасса бурад̇о ааг̇ажчанд̇ийд̇и ад̇т̇о. хаасаяанд̇аад̇и д̇осзнд̇аа. ган̃жанабаддзнаад̇и, д̇аад̇а, гасса ган̃жанамаязна виж̇ж̇уван̣н̣зна ун̣хийсабаддзна налааданд̇о баригкид̇д̇од̇и бужчад̇и. яуваад̇и д̇арун̣о. галаабасаннад̣̇д̇ход̇и саннад̣̇д̇хасарад̇уун̣ийро. уггаамукабахадтам̣ ваад̇и гаммаараанам̣ уд̣̇д̇ханз бахадтам̣ суван̣н̣ам̣ вияа. кад̣̇иран̇г̇аарасаннибханд̇и вийд̇ажжид̇акад̣̇иран̇г̇аараван̣н̣ам̣. аад̣̇ижжарам̣сааваран̣анд̇иаад̣̇ижжарам̣сийнам̣ ааваран̣ам̣. ан̇г̇ам̣ бариг̇г̇аяхаад̇и ан̇г̇ам̣ бариг̇г̇ахзд̇ваа, сарийрам̣ баригкибид̇ваад̇и ад̇т̇о. ваалаб̣ийж̇анимуд̇д̇аманд̇и ваалаб̣ийж̇аним̣ уд̇д̇амам̣ . жаранд̇ийд̇и сан̃жаранд̇и. чад̇д̇аанийд̇и ааж̇аанийяабидтз нисиннаанам̣ д̇хаарид̇ачад̇д̇аани. баригийрзнд̇ийд̇и д̇асса саманд̇аа саб̣б̣ад̣̇исаабхааг̇зсу баригийраяанд̇и. жад̇уран̇г̇инийд̇и зд̇зхи хад̇т̇иаад̣̇ийхи жад̇уухи ан̇г̇зхи саманнааг̇ад̇аа. агкобхан̣ийд̇и кобхзд̇ум̣ на саггаа. сааг̇арассзваад̇и сааг̇арасса уумияо вияа абарияанд̇аа. рааж̇аабхирааж̇аад̇и згасад̇арааж̇уунам̣ бууж̇ид̇о, д̇зсам̣ ваа ад̇хиго рааж̇аад̇и рааж̇аабхирааж̇аа. ж̇аяад̇ам̣ бад̇ийд̇и ж̇аяаббад̇д̇аанам̣ д̇аавад̇им̣саанам̣ ж̇здтаго. аж̇жхааваранд̇и мамам̣ камаабанад̇т̇ааяа нанд̣̇асса барисабхаавам̣ убаг̇анд̇ваа зд̇и.
Tattha jalantaṃrivāti jalantaṃ viya. Paṭipannānīti etāni tūriyāni kassa purato āgacchantīti attho. Hāsayantāti tosentā. Kañcanapaṭṭenāti, tāta, kassa kañcanamayena vijjuvaṇṇena uṇhīsapaṭṭena nalāṭanto parikkhittoti pucchati. Yuvāti taruṇo. Kalāpasannaddhoti sannaddhasaratūṇīro. Ukkāmukhapahaṭṭhaṃ vāti kammārānaṃ uddhane pahaṭṭhaṃ suvaṇṇaṃ viya. Khadiraṅgārasannibhanti vītaccitakhadiraṅgāravaṇṇaṃ. Ādiccaraṃsāvaraṇantiādiccaraṃsīnaṃ āvaraṇaṃ. Aṅgaṃ pariggayhāti aṅgaṃ pariggahetvā, sarīraṃ parikkhipitvāti attho. Vālabījanimuttamanti vālabījaniṃ uttamaṃ . Carantīti sañcaranti. Chattānīti ājānīyapiṭṭhe nisinnānaṃ dhāritachattāni. Parikīrentīti tassa samantā sabbadisābhāgesu parikīrayanti. Caturaṅginīti etehi hatthiādīhi catūhi aṅgehi samannāgatā. Akkhobhaṇīti khobhetuṃ na sakkā. Sāgarassevāti sāgarassa ūmiyo viya apariyantā. Rājābhirājāti ekasatarājūnaṃ pūjito, tesaṃ vā adhiko rājāti rājābhirājā. Jayataṃ patīti jayappattānaṃ tāvatiṃsānaṃ jeṭṭhako. Ajjhāvaranti mamaṃ khamāpanatthāya nandassa parisabhāvaṃ upagantvā eti.
сад̇т̇аа ааха –
Satthā āha –
128.
128.
‘‘анулид̇д̇аа жанд̣̇анзна, гаасигуд̇д̇амад̇хаарино;
‘‘Anulittā candanena, kāsikuttamadhārino;
саб̣б̣з бан̃ж̇алигаа худ̇ваа, исийнам̣ аж̇жхубааг̇аму’’нд̇и.
Sabbe pañjalikā hutvā, isīnaṃ ajjhupāgamu’’nti.
д̇ад̇т̇а исийнам̣ аж̇жхубааг̇амунд̇и, бхигкавз, саб̣б̣зби д̇з рааж̇аано сурабхижанд̣̇анзна анулид̇д̇аа уд̇д̇амагаасигавад̇т̇ад̇хаарино сираси бад̇идтаабид̇аан̃ж̇алий худ̇ваа исийнам̣ санд̇игам̣ убаг̇ад̇аа.
Tattha isīnaṃ ajjhupāgamunti, bhikkhave, sabbepi te rājāno surabhicandanena anulittā uttamakāsikavatthadhārino sirasi patiṭṭhāpitaañjalī hutvā isīnaṃ santikaṃ upagatā.
д̇ад̇о манож̇о рааж̇аа д̇ам̣ ванд̣̇ид̇ваа згаманд̇ам̣ нисинно бадисант̇аарам̣ гаронд̇о г̇аат̇аад̣̇ваяамааха –
Tato manojo rājā taṃ vanditvā ekamantaṃ nisinno paṭisanthāraṃ karonto gāthādvayamāha –
129.
129.
‘‘гажжи ну бход̇о гусалам̣, гажжи бход̇о анаамаяам̣;
‘‘Kacci nu bhoto kusalaṃ, kacci bhoto anāmayaṃ;
гажжи ун̃чзна яаабзт̇а, гажжи муулапалаа б̣ахуу.
Kacci uñchena yāpetha, kacci mūlaphalā bahū.
130.
130.
‘‘гажжи д̣ам̣саа магасаа жа, аббамзва сарийсабаа;
‘‘Kacci ḍaṃsā makasā ca, appameva sarīsapā;
ванз ваал̣амиг̇аагин̣н̣з, гажжи хим̣саа на виж̇ж̇ад̇ий’’д̇и.
Vane vāḷamigākiṇṇe, kacci hiṃsā na vijjatī’’ti.
д̇ад̇о барам̣ убхиннам̣ д̇зсам̣ важанабадиважанавасзна гат̇ид̇аг̇аат̇аа хонд̇и –
Tato paraṃ ubhinnaṃ tesaṃ vacanapaṭivacanavasena kathitagāthā honti –
131.
131.
‘‘гусалан̃жзва но рааж̇а, ат̇о рааж̇а анаамаяам̣;
‘‘Kusalañceva no rāja, atho rāja anāmayaṃ;
ат̇о ун̃чзна яаабзма, ат̇о муулапалаа б̣ахуу.
Atho uñchena yāpema, atho mūlaphalā bahū.
132.
132.
‘‘ат̇о д̣ам̣саа магасаа жа, аббамзва сарийсабаа;
‘‘Atho ḍaṃsā makasā ca, appameva sarīsapā;
ванз ваал̣амиг̇аагин̣н̣з, хим̣саа маяхам̣ на виж̇ж̇ад̇и.
Vane vāḷamigākiṇṇe, hiṃsā mayhaṃ na vijjati.
133.
133.
‘‘б̣ахууни вассабууг̇аани, ассамз саммад̇ам̣ ид̇ха;
‘‘Bahūni vassapūgāni, assame sammataṃ idha;
наабхиж̇аанаами уббаннам̣, ааб̣аад̇хам̣ аманорамам̣.
Nābhijānāmi uppannaṃ, ābādhaṃ amanoramaṃ.
134.
134.
‘‘свааг̇ад̇ам̣ д̇з махаарааж̇а, ат̇о д̇з ад̣̇урааг̇ад̇ам̣;
‘‘Svāgataṃ te mahārāja, atho te adurāgataṃ;
иссароси ануббад̇д̇о, яам̣ ид̇хад̇т̇и бавзд̣̇аяа.
Issarosi anuppatto, yaṃ idhatthi pavedaya.
135.
135.
‘‘д̇инд̣̇угаани бияаалаани, мад̇хугз гаасумаарияо;
‘‘Tindukāni piyālāni, madhuke kāsumāriyo;
палаани куд̣̇д̣̇агаббаани, бхун̃ж̇а рааж̇а варам̣ варам̣.
Phalāni khuddakappāni, bhuñja rāja varaṃ varaṃ.
136.
136.
‘‘ид̣̇амби баанийяам̣ сийд̇ам̣, аабхад̇ам̣ г̇ириг̇аб̣бхараа;
‘‘Idampi pānīyaṃ sītaṃ, ābhataṃ girigabbharā;
д̇ад̇о бива махаарааж̇а, сажз д̇вам̣ абхиган̇каси.
Tato piva mahārāja, sace tvaṃ abhikaṅkhasi.
137.
137.
‘‘бадиг̇г̇ахид̇ам̣ яам̣ д̣̇иннам̣, саб̣б̣асса аг̇гхияам̣ гад̇ам̣;
‘‘Paṭiggahitaṃ yaṃ dinnaṃ, sabbassa agghiyaṃ kataṃ;
нанд̣̇ассааби нисаамзт̇а, важанам̣ со бавагкад̇и.
Nandassāpi nisāmetha, vacanaṃ so pavakkhati.
138.
138.
‘‘аж̇жхааварамхаа нанд̣̇асса, бход̇о санд̇игамааг̇ад̇аа;
‘‘Ajjhāvaramhā nandassa, bhoto santikamāgatā;
сун̣аад̇у бхавам̣ важанам̣, нанд̣̇асса барисааяа жаа’’д̇и.
Suṇātu bhavaṃ vacanaṃ, nandassa parisāya cā’’ti.
имаа язбхуяязна баагадасамб̣анд̇хааязва, яам̣ банзд̇т̇а абаагадам̣, д̇ад̣̇зва вагкаама. бавзд̣̇аяаад̇и яам̣ имасмим̣ таанз д̇ава абхиружид̇ам̣ ад̇т̇и, д̇ам̣ но гат̇зхийд̇и вад̣̇ад̇и. куд̣̇д̣̇агаббаанийд̇и зд̇аани наанааругкапалаани куд̣̇д̣̇агамад̇хубадибхааг̇аани мад̇хураани. варам̣ варанд̇и ид̇о уд̇д̇амуд̇д̇амам̣ г̇ахзд̇ваа бхун̃ж̇а. г̇ириг̇аб̣бхараад̇и анод̇ад̇д̇ад̇о. саб̣б̣асса аг̇гхияанд̇и язна маяам̣ аабужчид̇аа, д̇ам̣ амхзхи бадиг̇г̇ахид̇ам̣ наама д̇умхзхи жа д̣̇иннамзва наама, зд̇д̇аавад̇аа имасса ж̇анасса саб̣б̣асса аг̇гхияам̣ д̇умхзхи гад̇ам̣. нанд̣̇ассаабийд̇и амхаагам̣ д̇аава саб̣б̣ам̣ гад̇ам̣, ид̣̇аани бана нанд̣̇абан̣д̣ид̇о гин̃жи вад̇д̇угаамо , д̇ассаби д̇аава важанам̣ сун̣аат̇а. аж̇жхааварамхаад̇и маяан̃хи на ан̃н̃зна гаммзна ааг̇ад̇аа, нанд̣̇асса бана барисаа худ̇ваа д̇умхаагам̣ камаабанад̇т̇ааяа ааг̇ад̇аад̇и вад̣̇ад̇и. бхаванд̇и бхавам̣ сон̣абан̣д̣ид̇о сун̣аад̇у.
Imā yebhuyyena pākaṭasambandhāyeva, yaṃ panettha apākaṭaṃ, tadeva vakkhāma. Pavedayāti yaṃ imasmiṃ ṭhāne tava abhirucitaṃ atthi, taṃ no kathehīti vadati. Khuddakappānīti etāni nānārukkhaphalāni khuddakamadhupaṭibhāgāni madhurāni. Varaṃ varanti ito uttamuttamaṃ gahetvā bhuñja. Girigabbharāti anotattato. Sabbassa agghiyanti yena mayaṃ āpucchitā, taṃ amhehi paṭiggahitaṃ nāma tumhehi ca dinnameva nāma, ettāvatā imassa janassa sabbassa agghiyaṃ tumhehi kataṃ. Nandassāpīti amhākaṃ tāva sabbaṃ kataṃ, idāni pana nandapaṇḍito kiñci vattukāmo , tassapi tāva vacanaṃ suṇātha. Ajjhāvaramhāti mayañhi na aññena kammena āgatā, nandassa pana parisā hutvā tumhākaṃ khamāpanatthāya āgatāti vadati. Bhavanti bhavaṃ soṇapaṇḍito suṇātu.
звам̣ вуд̇д̇з нанд̣̇абан̣д̣ид̇о удтааяаасанаа маад̇аабид̇аро жа бхаад̇аран̃жа ванд̣̇ид̇ваа сагабарисааяа сад̣̇д̇хим̣ саллабанд̇о ааха –
Evaṃ vutte nandapaṇḍito uṭṭhāyāsanā mātāpitaro ca bhātarañca vanditvā sakaparisāya saddhiṃ sallapanto āha –
139.
139.
‘‘баросад̇ам̣ ж̇аанабад̣̇аа, махаасаалаа жа б̣раахман̣аа;
‘‘Parosataṃ jānapadā, mahāsālā ca brāhmaṇā;
имз жа кад̇д̇ияаа саб̣б̣з, абхиж̇аад̇аа яасассино;
Ime ca khattiyā sabbe, abhijātā yasassino;
бхаван̃жа рааж̇аа манож̇о, ануман̃н̃анд̇у мз важо.
Bhavañca rājā manojo, anumaññantu me vaco.
140.
140.
‘‘яз жа санд̇и самийд̇ааро, яагкаани ид̇ха массамз;
‘‘Ye ca santi samītāro, yakkhāni idha massame;
аран̃н̃з бхууд̇абхаб̣яаани, сун̣анд̇у важанам̣ мама.
Araññe bhūtabhabyāni, suṇantu vacanaṃ mama.
141.
141.
‘‘намо гад̇ваана бхууд̇аанам̣, исим̣ вагкаами суб̣б̣ад̇ам̣;
‘‘Namo katvāna bhūtānaṃ, isiṃ vakkhāmi subbataṃ;
со д̇яаахам̣ д̣̇агкин̣аа б̣ааху, д̇ава госияа саммад̇о.
So tyāhaṃ dakkhiṇā bāhu, tava kosiya sammato.
142.
142.
‘‘бид̇арам̣ мз ж̇анзд̇д̇ин̃жа, бхад̇д̇угаамасса мз сад̇о;
‘‘Pitaraṃ me janettiñca, bhattukāmassa me sato;
вийра бун̃н̃амид̣̇ам̣ таанам̣, маа мам̣ госияа ваараяа.
Vīra puññamidaṃ ṭhānaṃ, mā maṃ kosiya vāraya.
143.
143.
‘‘саб̣бхи хзд̇ам̣ убан̃н̃аад̇ам̣, мамзд̇ам̣ убаниссаж̇а;
‘‘Sabbhi hetaṃ upaññātaṃ, mametaṃ upanissaja;
удтаанабаарижарияааяа, д̣̇ийгхарад̇д̇ам̣ д̇аяаа гад̇ам̣;
Uṭṭhānapāricariyāya, dīgharattaṃ tayā kataṃ;
д̇хаад̇аабид̇уусу бун̃н̃аани, мама логад̣̇ад̣̇о бхава.
Dhātāpitūsu puññāni, mama lokadado bhava.
144.
144.
‘‘д̇ат̇зва санд̇и мануж̇аа, д̇хаммз д̇хаммабад̣̇ам̣ вид̣̇уу;
‘‘Tatheva santi manujā, dhamme dhammapadaṃ vidū;
маг̇г̇о саг̇г̇асса логасса, яат̇аа ж̇аанааси д̇вам̣ исз.
Maggo saggassa lokassa, yathā jānāsi tvaṃ ise.
145.
145.
‘‘удтаанабаарижарияааяа, маад̇аабид̇усукаавахам̣;
‘‘Uṭṭhānapāricariyāya, mātāpitusukhāvahaṃ;
д̇ам̣ мам̣ бун̃н̃аа ниваарзд̇и, арияамаг̇г̇ааваро наро’’д̇и.
Taṃ maṃ puññā nivāreti, ariyamaggāvaro naro’’ti.
д̇ад̇т̇а ануман̃н̃анд̇ууд̇и ануб̣уж̇жханд̇у, саад̇хугам̣ суд̇ваа бажжагкам̣ гаронд̇ууд̇и ад̇т̇о. самийд̇аарод̇и самааг̇ад̇аа. аран̃н̃з бхууд̇абхаб̣яаанийд̇и асмим̣ химаванд̇ааран̃н̃з яаани бхууд̇аани жзва вуд̣дхимарияаад̣̇аббад̇д̇аани бхаб̣яаани жа д̇арун̣ад̣̇звад̇аани, д̇ааниби саб̣б̣аани мама важанам̣ сун̣анд̇ууд̇и ад̇т̇о. ‘‘намо гад̇ваанаа’’д̇и ид̣̇ам̣ со барисааяа сан̃н̃ам̣ д̣̇ад̇ваа д̇асмим̣ ванасан̣д̣з ниб̣б̣ад̇д̇ад̣̇звад̇аанам̣ намаггаарам̣ гад̇ваа ааха. д̇ассад̇т̇о – аж̇ж̇а б̣ахуухи д̣̇звад̇аахи мама бхаад̇игасса д̇хаммагат̇аасаванад̇т̇ам̣ ааг̇ад̇аахи бхавид̇аб̣б̣ам̣, ахам̣ во намаггааро, д̇умхзби маяхам̣ сахааяаа хот̇аад̇и. со д̣̇звад̇аанам̣ ан̃ж̇алим̣ баг̇г̇ахзд̇ваа барисам̣ ж̇аанаабзд̇ваа ‘‘исим̣ вагкаамий’’д̇иаад̣̇имааха. д̇ад̇т̇а исинд̇и сон̣абан̣д̣ид̇ам̣ санд̇хааяа вад̣̇ад̇и. саммад̇од̇и бхаад̇аро наама ан̇г̇асамаа хонд̇и, д̇асмаа со д̇з ахам̣ д̣̇агкин̣аа б̣аахууд̇и саммад̇о. д̇зна мз камид̇ум̣ арахат̇аад̇и д̣̇ийбзд̇и.
Tattha anumaññantūti anubujjhantu, sādhukaṃ sutvā paccakkhaṃ karontūti attho. Samītāroti samāgatā. Araññe bhūtabhabyānīti asmiṃ himavantāraññe yāni bhūtāni ceva vuḍḍhimariyādappattāni bhabyāni ca taruṇadevatāni, tānipi sabbāni mama vacanaṃ suṇantūti attho. ‘‘Namo katvānā’’ti idaṃ so parisāya saññaṃ datvā tasmiṃ vanasaṇḍe nibbattadevatānaṃ namakkāraṃ katvā āha. Tassattho – ajja bahūhi devatāhi mama bhātikassa dhammakathāsavanatthaṃ āgatāhi bhavitabbaṃ, ahaṃ vo namakkāro, tumhepi mayhaṃ sahāyā hothāti. So devatānaṃ añjaliṃ paggahetvā parisaṃ jānāpetvā ‘‘isiṃ vakkhāmī’’tiādimāha. Tattha isinti soṇapaṇḍitaṃ sandhāya vadati. Sammatoti bhātaro nāma aṅgasamā honti, tasmā so te ahaṃ dakkhiṇā bāhūti sammato. Tena me khamituṃ arahathāti dīpeti.
вийраад̇и вийрияаванд̇а махаабараггама. бун̃н̃амид̣̇ам̣ таананд̇и ид̣̇ам̣ маад̇аабид̇уубадтаанам̣ наама бун̃н̃ам̣ саг̇г̇асам̣вад̇д̇анигагааран̣ам̣, д̇ам̣ гаронд̇ам̣ мам̣ маа ваараяаад̇и вад̣̇ад̇и. саб̣бхи хзд̇анд̇и зд̇ан̃хи маад̇аабид̇уубадтаанам̣ наама бан̣д̣ид̇зхи убан̃н̃аад̇ам̣ убаг̇анд̇ваа н̃аад̇ан̃жзва ван̣н̣ид̇ан̃жа. мамзд̇ам̣ убаниссаж̇аад̇и ид̣̇ам̣ д̇вам̣ маяхам̣ ниссаж̇а виссаж̇ж̇зхи д̣̇зхи. удтаанабаарижарияааяаад̇и удтаанзна жа баарижарияааяа жа. гад̇анд̇и д̣̇ийгхарад̇д̇ам̣ д̇аяаа гусалам̣ гад̇ам̣. бун̃н̃аанийд̇и ид̣̇аани ахам̣ маад̇аабид̇уусу бун̃н̃аани гад̇д̇угаамо. мама логад̣̇ад̣̇од̇и д̇асса мама д̇вам̣ саг̇г̇алогад̣̇ад̣̇о ход̇и, ахан̃хи д̇зсам̣ вад̇д̇ам̣ убадтаанам̣ гад̇ваа д̣̇звалогз абаримаан̣ам̣ яасам̣ лабхиссаами, д̇асса мз д̇вам̣ д̣̇ааяаго хохийд̇и вад̣̇ад̇и.
Vīrāti vīriyavanta mahāparakkama. Puññamidaṃ ṭhānanti idaṃ mātāpituupaṭṭhānaṃ nāma puññaṃ saggasaṃvattanikakāraṇaṃ, taṃ karontaṃ maṃ mā vārayāti vadati. Sabbhi hetanti etañhi mātāpituupaṭṭhānaṃ nāma paṇḍitehi upaññātaṃ upagantvā ñātañceva vaṇṇitañca. Mametaṃ upanissajāti idaṃ tvaṃ mayhaṃ nissaja vissajjehi dehi. Uṭṭhānapāricariyāyāti uṭṭhānena ca pāricariyāya ca. Katanti dīgharattaṃ tayā kusalaṃ kataṃ. Puññānīti idāni ahaṃ mātāpitūsu puññāni kattukāmo. Mama lokadadoti tassa mama tvaṃ saggalokadado hoti, ahañhi tesaṃ vattaṃ upaṭṭhānaṃ katvā devaloke aparimāṇaṃ yasaṃ labhissāmi, tassa me tvaṃ dāyako hohīti vadati.
д̇ат̇зваад̇и яат̇аа д̇вам̣ ж̇аанааси, д̇ат̇зва ан̃н̃зби мануж̇аа имиссам̣ барисааяам̣ санд̇и, д̇з наанаббагаарз д̇хаммз ид̣̇ам̣ ж̇здтаабажааяигабхаавасан̇каад̇ам̣ д̇хаммагодтаасам̣ вад̣̇анд̇и. гинд̇и? маг̇г̇о саг̇г̇асса логассаад̇и. сукааваханд̇и удтаанзна жа баарижарияааяа жа маад̇аабид̇уунам̣ сукаавахам̣. д̇ам̣ манд̇и д̇ам̣ мам̣ звам̣ саммаабадибаннамби бхаад̇аа сон̣абан̣д̣ид̇о д̇амхаа бун̃н̃аа абхиваарзд̇и. арияамаг̇г̇ааварод̇и со звам̣ ваарзнд̇о аяам̣ наро мама бияад̣̇ассанад̇ааяа арияасан̇каад̇асса взд̣̇алогасса маг̇г̇ааваран̣о наама ход̇ийд̇и.
Tathevāti yathā tvaṃ jānāsi, tatheva aññepi manujā imissaṃ parisāyaṃ santi, te nānappakāre dhamme idaṃ jeṭṭhāpacāyikabhāvasaṅkhātaṃ dhammakoṭṭhāsaṃ vadanti. Kinti? Maggo saggassa lokassāti. Sukhāvahanti uṭṭhānena ca pāricariyāya ca mātāpitūnaṃ sukhāvahaṃ. Taṃ manti taṃ maṃ evaṃ sammāpaṭipannampi bhātā soṇapaṇḍito tamhā puññā abhivāreti. Ariyamaggāvaroti so evaṃ vārento ayaṃ naro mama piyadassanatāya ariyasaṅkhātassa vedalokassa maggāvaraṇo nāma hotīti.
звам̣ нанд̣̇абан̣д̣ид̇зна вуд̇д̇з махаасад̇д̇о ‘‘имасса д̇аава д̇умхзхи важанам̣ суд̇ам̣, ид̣̇аани мамаби сун̣аат̇аа’’д̇и саавзнд̇о ааха –
Evaṃ nandapaṇḍitena vutte mahāsatto ‘‘imassa tāva tumhehi vacanaṃ sutaṃ, idāni mamapi suṇāthā’’ti sāvento āha –
146.
146.
‘‘сун̣анд̇у бхонд̇о важанам̣, бхаад̇ураж̇жхаавараа мама;
‘‘Suṇantu bhonto vacanaṃ, bhāturajjhāvarā mama;
гулавам̣сам̣ махаарааж̇а, бораан̣ам̣ барихаабаяам̣;
Kulavaṃsaṃ mahārāja, porāṇaṃ parihāpayaṃ;
ад̇хаммажаарий ж̇здтзсу, нираяам̣ собабаж̇ж̇ад̇и.
Adhammacārī jeṭṭhesu, nirayaṃ sopapajjati.
147.
147.
‘‘яз жа д̇хаммасса гусалаа, бораан̣асса д̣̇исамбад̇и;
‘‘Ye ca dhammassa kusalā, porāṇassa disampati;
жаарид̇д̇зна жа самбаннаа, на д̇з г̇ажчанд̇и д̣̇уг̇г̇ад̇им̣.
Cārittena ca sampannā, na te gacchanti duggatiṃ.
148.
148.
‘‘маад̇аа бид̇аа жа бхаад̇аа жа, бхаг̇иний н̃аад̇и б̣анд̇хаваа;
‘‘Mātā pitā ca bhātā ca, bhaginī ñāti bandhavā;
саб̣б̣з ж̇здтасса д̇з бхаараа, звам̣ ж̇аанаахи бхаарад̇ха.
Sabbe jeṭṭhassa te bhārā, evaṃ jānāhi bhāradha.
149.
149.
‘‘аад̣̇ияид̇ваа г̇арум̣ бхаарам̣, наавиго вияа уссахз;
‘‘Ādiyitvā garuṃ bhāraṃ, nāviko viya ussahe;
д̇хамман̃жа наббамаж̇ж̇аами, ж̇здто жасми рат̇зсабхаа’’д̇и.
Dhammañca nappamajjāmi, jeṭṭho casmi rathesabhā’’ti.
д̇ад̇т̇а бхаад̇ураж̇жхаавараад̇и мама бхаад̇у барисаа худ̇ваа ааг̇ад̇аа бхонд̇о саб̣б̣зби рааж̇аано мамаби д̇аава важанам̣ сун̣анд̇у. барихаабаяанд̇и барихаабзнд̇о. д̇хаммассаад̇и ж̇здтаабажааяанад̇хаммасса бавзн̣ийд̇хаммасса. гусалаад̇и чзгаа. жаарид̇д̇зна жаад̇и аажаарасийлзна самбаннаа. бхаараад̇и саб̣б̣з зд̇з ж̇здтзна вахид̇аб̣б̣аа бадиж̇аг̇г̇ид̇аб̣б̣аад̇и д̇асса бхаараа наама. наавиго вияаад̇и яат̇аа наавааяа г̇арум̣ бхаарам̣ аад̣̇ияид̇ваа самуд̣̇д̣̇амаж̇жхз наавам̣ сод̇т̇инаа нзд̇ум̣ наавиго уссахзд̇и вааяамад̇и, саха наавааяа саб̣б̣абхан̣д̣ан̃жа ж̇ано жа д̇ассзва бхааро ход̇и, д̇ат̇аа мамзва саб̣б̣з н̃аад̇агаа бхаарод̇и , ахан̃жа д̇з уссахаами бадиж̇аг̇г̇ид̇ум̣ саггоми, д̇ан̃жа ж̇здтаабажааяанад̇хаммам̣ наббамаж̇ж̇аами, на гзвалан̃жа зд̇зсан̃н̃зва, сагалассаби логасса ж̇здто жа асми, д̇асмаа ахамзва сад̣̇д̇хим̣ нанд̣̇зна бадиж̇аг̇г̇ид̇ум̣ яуд̇д̇од̇и.
Tattha bhāturajjhāvarāti mama bhātu parisā hutvā āgatā bhonto sabbepi rājāno mamapi tāva vacanaṃ suṇantu. Parihāpayanti parihāpento. Dhammassāti jeṭṭhāpacāyanadhammassa paveṇīdhammassa. Kusalāti chekā. Cārittena cāti ācārasīlena sampannā. Bhārāti sabbe ete jeṭṭhena vahitabbā paṭijaggitabbāti tassa bhārā nāma. Nāviko viyāti yathā nāvāya garuṃ bhāraṃ ādiyitvā samuddamajjhe nāvaṃ sotthinā netuṃ nāviko ussaheti vāyamati, saha nāvāya sabbabhaṇḍañca jano ca tasseva bhāro hoti, tathā mameva sabbe ñātakā bhāroti , ahañca te ussahāmi paṭijaggituṃ sakkomi, tañca jeṭṭhāpacāyanadhammaṃ nappamajjāmi, na kevalañca etesaññeva, sakalassapi lokassa jeṭṭho ca asmi, tasmā ahameva saddhiṃ nandena paṭijaggituṃ yuttoti.
д̇ам̣ суд̇ваа саб̣б̣зби д̇з рааж̇аано ад̇д̇аманаа худ̇ваа ‘‘ж̇здтабхаад̇игасса гира авасзсаа бхаараад̇и аж̇ж̇а амхзхи н̃аад̇а’’нд̇и нанд̣̇абан̣д̣ид̇ам̣ бахааяа махаасад̇д̇ам̣ санниссид̇аа худ̇ваа д̇асса т̇уд̇им̣ гаронд̇аа д̣̇вз г̇аат̇аа абхаасим̣су –
Taṃ sutvā sabbepi te rājāno attamanā hutvā ‘‘jeṭṭhabhātikassa kira avasesā bhārāti ajja amhehi ñāta’’nti nandapaṇḍitaṃ pahāya mahāsattaṃ sannissitā hutvā tassa thutiṃ karontā dve gāthā abhāsiṃsu –
150.
150.
‘‘ад̇хиг̇амаа д̇амз н̃аан̣ам̣, ж̇аалам̣ва ж̇аад̇авзд̣̇ад̇о;
‘‘Adhigamā tame ñāṇaṃ, jālaṃva jātavedato;
звамзва но бхавам̣ д̇хаммам̣, госияо бавид̣̇ам̣саяи.
Evameva no bhavaṃ dhammaṃ, kosiyo pavidaṃsayi.
151.
151.
‘‘яат̇аа уд̣̇аяамаад̣̇ижжо, ваасуд̣̇зво бабхан̇гаро;
‘‘Yathā udayamādicco, vāsudevo pabhaṅkaro;
баан̣ийнам̣ бавид̣̇ам̣сзд̇и, руубам̣ галяаан̣абаабагам̣;
Pāṇīnaṃ pavidaṃseti, rūpaṃ kalyāṇapāpakaṃ;
звамзва но бхавам̣ д̇хаммам̣, госияо бавид̣̇ам̣саяий’’д̇и.
Evameva no bhavaṃ dhammaṃ, kosiyo pavidaṃsayī’’ti.
д̇ад̇т̇а ад̇хиг̇амаад̇и маяам̣ ид̇о буб̣б̣з ж̇здтаабажааяанад̇хаммабадижчаад̣̇агз д̇амз вад̇д̇амаанаа на ж̇аанаама, аж̇ж̇а ж̇аад̇авзд̣̇ад̇о ж̇аалам̣ва н̃аан̣ам̣ ад̇хиг̇ад̇аа. звамзва нод̇и яат̇аа маханд̇хагаарз баб̣б̣ад̇амад̇т̇агз ж̇алид̇о ж̇аад̇авзд̣̇о саманд̇аа аалогам̣ паранд̇о руубаани д̣̇ассзд̇и, д̇ат̇аа но бхавам̣ госияаг̇од̇д̇о д̇хаммам̣ бавид̣̇ам̣саяийд̇и ад̇т̇о. ваасуд̣̇звод̇и васуд̣̇зво васуж̇од̇ано, д̇ханабагаасанод̇и ад̇т̇о.
Tattha adhigamāti mayaṃ ito pubbe jeṭṭhāpacāyanadhammapaṭicchādake tame vattamānā na jānāma, ajja jātavedato jālaṃva ñāṇaṃ adhigatā. Evameva noti yathā mahandhakāre pabbatamatthake jalito jātavedo samantā ālokaṃ pharanto rūpāni dasseti, tathā no bhavaṃ kosiyagotto dhammaṃ pavidaṃsayīti attho. Vāsudevoti vasudevo vasujotano, dhanapakāsanoti attho.
ид̇и махаасад̇д̇о зд̇д̇агам̣ гаалам̣ нанд̣̇абан̣д̣ид̇асса баадихаарияаани д̣̇исваа д̇асмим̣ басаннажид̇д̇з д̇з рааж̇аано н̃аан̣аб̣алзна д̇асмим̣ басаад̣̇ам̣ бхинд̣̇ид̇ваа ад̇д̇ано гат̇ам̣ г̇аахаабзд̇ваа саб̣б̣зва ад̇д̇ано мукам̣ уллогид̇з агааси. ат̇а нанд̣̇абан̣д̣ид̇о ‘‘бхаад̇аа мз бан̣д̣ид̇о б̣яад̇д̇о д̇хаммагат̇иго саб̣б̣збимз рааж̇аано бхинд̣̇ид̇ваа ад̇д̇ано багкз гари, табзд̇ваа имам̣ ан̃н̃о маяхам̣ бадисаран̣ам̣ над̇т̇и, имамзва яаажиссаамий’’д̇и жинд̇зд̇ваа г̇аат̇амааха –
Iti mahāsatto ettakaṃ kālaṃ nandapaṇḍitassa pāṭihāriyāni disvā tasmiṃ pasannacitte te rājāno ñāṇabalena tasmiṃ pasādaṃ bhinditvā attano kathaṃ gāhāpetvā sabbeva attano mukhaṃ ullokite akāsi. Atha nandapaṇḍito ‘‘bhātā me paṇḍito byatto dhammakathiko sabbepime rājāno bhinditvā attano pakkhe kari, ṭhapetvā imaṃ añño mayhaṃ paṭisaraṇaṃ natthi, imameva yācissāmī’’ti cintetvā gāthamāha –
152.
152.
‘‘звам̣ мз яаажамаанасса, ан̃ж̇алим̣ нааваб̣уж̇жхат̇а;
‘‘Evaṃ me yācamānassa, añjaliṃ nāvabujjhatha;
д̇ава б̣ад̣̇д̇хажаро хзссам̣, вудтид̇о барижаараго’’д̇и.
Tava baddhacaro hessaṃ, vuṭṭhito paricārako’’ti.
д̇ассад̇т̇аа – сажз д̇умхз мама звам̣ яаажамаанасса камаабанад̇т̇ааяа баг̇г̇ахид̇ам̣ ан̃ж̇алим̣ нааваб̣уж̇жхат̇а на бадиг̇г̇ан̣хат̇а, д̇умхзва маад̇аабид̇аро убадтахат̇а, ахам̣ бана д̇умхаагам̣ б̣ад̣̇д̇хажаро взяяааважжагаро хзссам̣, рад̇д̇инд̣̇ивам̣ аналасабхаавзна вудтид̇о барижаараго ахам̣ д̇умхз бадиж̇аг̇г̇иссаамийд̇и.
Tassatthā – sace tumhe mama evaṃ yācamānassa khamāpanatthāya paggahitaṃ añjaliṃ nāvabujjhatha na paṭiggaṇhatha, tumheva mātāpitaro upaṭṭhahatha, ahaṃ pana tumhākaṃ baddhacaro veyyāvaccakaro hessaṃ, rattindivaṃ analasabhāvena vuṭṭhito paricārako ahaṃ tumhe paṭijaggissāmīti.
махаасад̇д̇асса багад̇ияааби нанд̣̇абан̣д̣ид̇з д̣̇осо ваа взрам̣ ваа над̇т̇и, ад̇ит̇ад̣̇д̇хам̣ важанам̣ гат̇знд̇асса банасса маанахаабанад̇т̇ам̣ ниг̇г̇ахавасзна д̇ат̇аа гад̇ваа ид̣̇аанисса важанам̣ суд̇ваа д̇удтажид̇д̇о д̇асмим̣ басаад̣̇ам̣ уббаад̣̇зд̇ваа ‘‘ид̣̇аани д̇з камаами, маад̇аабид̇аро жа бадиж̇аг̇г̇ид̇ум̣ лабхиссасий’’д̇и д̇асса г̇ун̣ам̣ багаасзнд̇о ааха –
Mahāsattassa pakatiyāpi nandapaṇḍite doso vā veraṃ vā natthi, atithaddhaṃ vacanaṃ kathentassa panassa mānahāpanatthaṃ niggahavasena tathā katvā idānissa vacanaṃ sutvā tuṭṭhacitto tasmiṃ pasādaṃ uppādetvā ‘‘idāni te khamāmi, mātāpitaro ca paṭijaggituṃ labhissasī’’ti tassa guṇaṃ pakāsento āha –
153.
153.
‘‘ад̣̇д̇хаа нанд̣̇а виж̇аанааси, сад̣̇д̇хаммам̣ саб̣бхи д̣̇зсид̇ам̣;
‘‘Addhā nanda vijānāsi, saddhammaṃ sabbhi desitaṃ;
арияо арияасамаажааро, б̣аал̣хам̣ д̇вам̣ мама ружжаси.
Ariyo ariyasamācāro, bāḷhaṃ tvaṃ mama ruccasi.
154.
154.
‘‘бхаванд̇ам̣ вад̣̇аами бход̇ин̃жа, сун̣аат̇а важанам̣ мама;
‘‘Bhavantaṃ vadāmi bhotiñca, suṇātha vacanaṃ mama;
нааяам̣ бхааро бхаарамад̇о, аху маяхам̣ гуд̣̇аажанам̣.
Nāyaṃ bhāro bhāramato, ahu mayhaṃ kudācanaṃ.
155.
155.
‘‘д̇ам̣ мам̣ убадтид̇ам̣ санд̇ам̣, маад̇аабид̇у сукаавахам̣;
‘‘Taṃ maṃ upaṭṭhitaṃ santaṃ, mātāpitu sukhāvahaṃ;
нанд̣̇о аж̇жхааварам̣ гад̇ваа, убадтаанааяа яаажад̇и.
Nando ajjhāvaraṃ katvā, upaṭṭhānāya yācati.
156.
156.
‘‘яо вз ижчад̇и гаамзна, санд̇аанам̣ б̣рахмажааринам̣;
‘‘Yo ve icchati kāmena, santānaṃ brahmacārinaṃ;
нанд̣̇ам̣ во варат̇а зго, гам̣ нанд̣̇о убад̇идтад̇уу’’д̇и.
Nandaṃ vo varatha eko, kaṃ nando upatiṭṭhatū’’ti.
д̇ад̇т̇а арияод̇и сунд̣̇аро. арияасамаажаарод̇и сунд̣̇арасамаажаароби ж̇аад̇о. б̣аал̣ханд̇и ид̣̇аани д̇вам̣ мама ад̇ивияа ружжаси. сун̣аат̇аад̇и амма д̇аад̇аа д̇умхз мама важанам̣ сун̣аат̇а. нааяам̣ бхаарод̇и аяам̣ д̇умхаагам̣ бадиж̇аг̇г̇анабхааро на гад̣̇аажи мама бхаарамад̇о аху. д̇ам̣ манд̇и д̇ам̣ бхаарод̇и аман̃н̃ид̇ваава мам̣ д̇умхз убадтид̇ам̣ самаанам̣. убадтаанааяа яаажад̇ийд̇и д̇умхз убадтаад̇ум̣ мам̣ яаажад̇и. яо вз ижчад̇ийд̇и маяхан̃хи д̇вам̣ мз маад̇арам̣ ваа бид̇арам̣ ваа убадтахаад̇и вад̇д̇ум̣ на яуд̇д̇ам̣, д̇умхаагам̣ бана санд̇аанам̣ б̣рахмажаарийнам̣ яо зго ижчад̇и, д̇ам̣ вад̣̇аами гаамзна нанд̣̇ам̣ во варат̇а, д̇ам̣ мама ганидтам̣ нанд̣̇ам̣ рожзт̇а, д̇умхзсу гам̣ зса убадтаад̇у, убхоби хи маяам̣ д̇умхаагам̣ буд̇д̇ааязваад̇и.
Tattha ariyoti sundaro. Ariyasamācāroti sundarasamācāropi jāto. Bāḷhanti idāni tvaṃ mama ativiya ruccasi. Suṇāthāti amma tātā tumhe mama vacanaṃ suṇātha. Nāyaṃ bhāroti ayaṃ tumhākaṃ paṭijagganabhāro na kadāci mama bhāramato ahu. Taṃ manti taṃ bhāroti amaññitvāva maṃ tumhe upaṭṭhitaṃ samānaṃ. Upaṭṭhānāya yācatīti tumhe upaṭṭhātuṃ maṃ yācati. Yo ve icchatīti mayhañhi tvaṃ me mātaraṃ vā pitaraṃ vā upaṭṭhahāti vattuṃ na yuttaṃ, tumhākaṃ pana santānaṃ brahmacārīnaṃ yo eko icchati, taṃ vadāmi kāmena nandaṃ vo varatha, taṃ mama kaniṭṭhaṃ nandaṃ rocetha, tumhesu kaṃ esa upaṭṭhātu, ubhopi hi mayaṃ tumhākaṃ puttāyevāti.
ат̇асса маад̇аа аасанаа вудтааяа, ‘‘д̇аад̇а сон̣абан̣д̣ид̇а, жираббавуд̇т̇о д̇з ганидто, звам̣ жирааг̇ад̇амби д̇ам̣ яаажид̇ум̣ на висахаами, маяан̃хи д̇ам̣ ниссид̇аа, ид̣̇аани бана д̇аяаа анун̃н̃аад̇аа ахам̣ зд̇ам̣ б̣рахмажааринам̣ б̣аахаахи убаг̇уухид̇ваа сийсз убасин̇гхааяид̇ум̣ лабхзяяа’’нд̇и имамад̇т̇ам̣ багаасзнд̇ий г̇аат̇амааха –
Athassa mātā āsanā vuṭṭhāya, ‘‘tāta soṇapaṇḍita, cirappavuttho te kaniṭṭho, evaṃ cirāgatampi taṃ yācituṃ na visahāmi, mayañhi taṃ nissitā, idāni pana tayā anuññātā ahaṃ etaṃ brahmacārinaṃ bāhāhi upagūhitvā sīse upasiṅghāyituṃ labheyya’’nti imamatthaṃ pakāsentī gāthamāha –
157.
157.
‘‘д̇аяаа д̇аад̇а анун̃н̃аад̇аа, сон̣а д̇ам̣ ниссид̇аа маяам̣;
‘‘Tayā tāta anuññātā, soṇa taṃ nissitā mayaṃ;
убагхаад̇ум̣ лабхз нанд̣̇ам̣, муд̣̇д̇хани б̣рахмажаарина’’нд̇и.
Upaghātuṃ labhe nandaṃ, muddhani brahmacārina’’nti.
ат̇а махаасад̇д̇о ‘‘д̇зна хи, амма, ануж̇аанаами, д̇вам̣ г̇ажча, буд̇д̇ам̣ нанд̣̇ам̣ аалин̇г̇ид̇ваа сийсз гхааяид̇ваа жумб̣ид̇ваа д̇ава хад̣̇аяз согам̣ ниб̣б̣аабзхий’’д̇и ааха. саа д̇асса санд̇игам̣ г̇анд̇ваа нанд̣̇абан̣д̣ид̇ам̣ барисамаж̇жхзязва аалин̇г̇ид̇ваа сийсам̣ гхааяид̇ваа жумб̣ид̇ваа хад̣̇аяз согам̣ ниб̣б̣аабзд̇ваа махаасад̇д̇зна сад̣̇д̇хим̣ саллабанд̇ий ааха –
Atha mahāsatto ‘‘tena hi, amma, anujānāmi, tvaṃ gaccha, puttaṃ nandaṃ āliṅgitvā sīse ghāyitvā cumbitvā tava hadaye sokaṃ nibbāpehī’’ti āha. Sā tassa santikaṃ gantvā nandapaṇḍitaṃ parisamajjheyeva āliṅgitvā sīsaṃ ghāyitvā cumbitvā hadaye sokaṃ nibbāpetvā mahāsattena saddhiṃ sallapantī āha –
158.
158.
‘‘ассад̇т̇ассзва д̇арун̣ам̣, баваал̣ам̣ маалуд̇зрид̇ам̣;
‘‘Assatthasseva taruṇaṃ, pavāḷaṃ māluteritaṃ;
жирассам̣ нанд̣̇ам̣ д̣̇исваана, хад̣̇аяам̣ мз бавзд̇хад̇и.
Cirassaṃ nandaṃ disvāna, hadayaṃ me pavedhati.
159.
159.
‘‘яад̣̇аа суд̇д̇ааби субинз, нанд̣̇ам̣ бассаами ааг̇ад̇ам̣;
‘‘Yadā suttāpi supine, nandaṃ passāmi āgataṃ;
уд̣̇аг̇г̇аа суманаа хоми, нанд̣̇о но ааг̇ад̇о аяам̣.
Udaggā sumanā homi, nando no āgato ayaṃ.
160.
160.
‘‘яад̣̇аа жа бадиб̣уж̇жхид̇ваа, нанд̣̇ам̣ бассаами нааг̇ад̇ам̣;
‘‘Yadā ca paṭibujjhitvā, nandaṃ passāmi nāgataṃ;
бхияяо аависад̇ий сого, д̣̇оманассан̃жанаббагам̣.
Bhiyyo āvisatī soko, domanassañcanappakaṃ.
161.
161.
‘‘саахам̣ аж̇ж̇а жирассамби, нанд̣̇ам̣ бассаами ааг̇ад̇ам̣;
‘‘Sāhaṃ ajja cirassampi, nandaṃ passāmi āgataṃ;
бхад̇д̇ужжа маяхан̃жа бияо, нанд̣̇о но баависий гхарам̣.
Bhattucca mayhañca piyo, nando no pāvisī gharaṃ.
162.
162.
‘‘бид̇уби нанд̣̇о суббияо, яам̣ нанд̣̇о наббавасз гхараа;
‘‘Pitupi nando suppiyo, yaṃ nando nappavase gharā;
лабхад̇уу д̇аад̇а нанд̣̇о д̇ам̣, мам̣ нанд̣̇о убад̇идтад̇уу’’д̇и.
Labhatū tāta nando taṃ, maṃ nando upatiṭṭhatū’’ti.
д̇ад̇т̇а маалуд̇зрид̇анд̇и яат̇аа ваад̇аахад̇ам̣ ассад̇т̇асса баллавам̣ гамбад̇и, звам̣ жирассам̣ нанд̣̇ам̣ д̣̇исваа аж̇ж̇а мама хад̣̇аяам̣ гамбад̇ийд̇и вад̣̇ад̇и. суд̇д̇аад̇и, д̇аад̇а сон̣а, яад̣̇аахам̣ суд̇д̇ааби субинз нанд̣̇ам̣ ааг̇ад̇ам̣ бассаами, д̇ад̣̇ааби уд̣̇аг̇г̇аа хоми. бхад̇д̇ужжаад̇и саамигасса жа мз маяхан̃жа бияо. нанд̣̇о но баависий гхаранд̇и, д̇аад̇а, буд̇д̇о но нанд̣̇о бан̣н̣асаалам̣ бависад̇у. яанд̇и яасмаа бид̇уби судту бияо, д̇асмаа буна имамхаа гхараа на виббавасзяяа. нанд̣̇о д̇анд̇и, д̇аад̇а, нанд̣̇о яам̣ ижчад̇и, д̇ам̣ лабхад̇у. мам̣ нанд̣̇од̇и, д̇аад̇а сон̣а, д̇ава бид̇арам̣ д̇вам̣ убадтаха, мам̣ нанд̣̇о убадтаад̇у.
Tattha māluteritanti yathā vātāhataṃ assatthassa pallavaṃ kampati, evaṃ cirassaṃ nandaṃ disvā ajja mama hadayaṃ kampatīti vadati. Suttāti, tāta soṇa, yadāhaṃ suttāpi supine nandaṃ āgataṃ passāmi, tadāpi udaggā homi. Bhattuccāti sāmikassa ca me mayhañca piyo. Nando no pāvisī gharanti, tāta, putto no nando paṇṇasālaṃ pavisatu. Yanti yasmā pitupi suṭṭhu piyo, tasmā puna imamhā gharā na vippavaseyya. Nandotanti, tāta, nando yaṃ icchati, taṃ labhatu. Maṃ nandoti, tāta soṇa, tava pitaraṃ tvaṃ upaṭṭhaha, maṃ nando upaṭṭhātu.
махаасад̇д̇о ‘‘звам̣ ход̇уу’’д̇и маад̇у важанам̣ самбадижчид̇ваа ‘‘нанд̣̇а, д̇аяаа ж̇здтагагодтаасо лад̣̇д̇хо, маад̇аа наама ад̇иг̇ун̣агааригаа, аббамад̇д̇о худ̇ваа бадиж̇аг̇г̇зяяаасий’’д̇и овад̣̇ид̇ваа маад̇у г̇ун̣ам̣ багаасзнд̇о д̣̇вз г̇аат̇аа абхааси –
Mahāsatto ‘‘evaṃ hotū’’ti mātu vacanaṃ sampaṭicchitvā ‘‘nanda, tayā jeṭṭhakakoṭṭhāso laddho, mātā nāma atiguṇakārikā, appamatto hutvā paṭijaggeyyāsī’’ti ovaditvā mātu guṇaṃ pakāsento dve gāthā abhāsi –
163.
163.
‘‘анугамбигаа бад̇идтаа жа, буб̣б̣з расад̣̇ад̣̇ий жа но;
‘‘Anukampikā patiṭṭhā ca, pubbe rasadadī ca no;
маг̇г̇о саг̇г̇асса логасса, маад̇аа д̇ам̣ варад̇з исз.
Maggo saggassa lokassa, mātā taṃ varate ise.
164.
164.
‘‘буб̣б̣з расад̣̇ад̣̇ий г̇од̇д̇ий, маад̇аа бун̃н̃уубасам̣хид̇аа;
‘‘Pubbe rasadadī gottī, mātā puññūpasaṃhitā;
маг̇г̇о саг̇г̇асса логасса, маад̇аа д̇ам̣ варад̇з исз’’д̇и.
Maggo saggassa lokassa, mātā taṃ varate ise’’ti.
д̇ад̇т̇а анугамбигаад̇и муд̣̇ухад̣̇аяаа. буб̣б̣з расад̣̇ад̣̇ийд̇и батамамзва ад̇д̇ано кийрасан̇каад̇асса расасса д̣̇ааяигаа. маад̇аа д̇анд̇и мама маад̇аа мам̣ на ижчад̇и, д̇ам̣ варад̇и ижчад̇и. г̇од̇д̇ийд̇и г̇обааяигаа. бун̃н̃уубасам̣хид̇аад̇и бун̃н̃уубаниссид̇аа бун̃н̃ад̣̇ааяигаа.
Tattha anukampikāti muduhadayā. Pubbe rasadadīti paṭhamameva attano khīrasaṅkhātassa rasassa dāyikā. Mātā tanti mama mātā maṃ na icchati, taṃ varati icchati. Gottīti gopāyikā. Puññūpasaṃhitāti puññūpanissitā puññadāyikā.
звам̣ махаасад̇д̇о д̣̇вийхи г̇аат̇аахи маад̇у г̇ун̣ам̣ гат̇зд̇ваа бунааг̇анд̇ваа д̇ассаа аасанз нисиннагаалз ‘‘нанд̣̇а, д̇вам̣ д̣̇уггарагааригам̣ маад̇арам̣ лабхаси, убхоби маяам̣ маад̇араа д̣̇угкзна сам̣вад̣дхид̇аа, д̇ам̣ ид̣̇аани д̇вам̣ аббамад̇д̇о бадиж̇аг̇г̇аахи, амад̇хураани палаапалаани маа каад̣̇аабзхий’’д̇и вад̇ваа барисамаж̇жхзязва маад̇у д̣̇уггарагааригад̇ам̣ багаасзнд̇о ааха –
Evaṃ mahāsatto dvīhi gāthāhi mātu guṇaṃ kathetvā punāgantvā tassā āsane nisinnakāle ‘‘nanda, tvaṃ dukkarakārikaṃ mātaraṃ labhasi, ubhopi mayaṃ mātarā dukkhena saṃvaḍḍhitā, taṃ idāni tvaṃ appamatto paṭijaggāhi, amadhurāni phalāphalāni mā khādāpehī’’ti vatvā parisamajjheyeva mātu dukkarakārikataṃ pakāsento āha –
165.
165.
‘‘ааган̇камаанаа буд̇д̇апалам̣, д̣̇звад̇ааяа намассад̇и;
‘‘Ākaṅkhamānā puttaphalaṃ, devatāya namassati;
нагкад̇д̇аани жа бужчад̇и, уд̇усам̣важчараани жа.
Nakkhattāni ca pucchati, utusaṃvaccharāni ca.
166.
166.
‘‘д̇ассаа уд̇умхи нхаад̇ааяа, ход̇и г̇аб̣бхасса воггамо;
‘‘Tassā utumhi nhātāya, hoti gabbhassa vokkamo;
д̇зна д̣̇охал̣иний ход̇и, сухад̣̇аа д̇зна вужжад̇и.
Tena dohaḷinī hoti, suhadā tena vuccati.
167.
167.
‘‘сам̣важчарам̣ ваа уунам̣ ваа, барихарид̇ваа виж̇ааяад̇и;
‘‘Saṃvaccharaṃ vā ūnaṃ vā, pariharitvā vijāyati;
д̇зна саа ж̇анаяанд̇ийд̇и, ж̇анзд̇д̇и д̇зна вужжад̇и.
Tena sā janayantīti, janetti tena vuccati.
168.
168.
‘‘т̇анакийрзна г̇ийд̇зна, ан̇г̇абаавуран̣зна жа;
‘‘Thanakhīrena gītena, aṅgapāvuraṇena ca;
род̣̇анд̇ам̣ буд̇д̇ам̣ д̇осзд̇и, д̇осзнд̇ий д̇зна вужжад̇и.
Rodantaṃ puttaṃ toseti, tosentī tena vuccati.
169.
169.
‘‘д̇ад̇о ваад̇аад̇абз гхорз, мамам̣ гад̇ваа уд̣̇игкад̇и;
‘‘Tato vātātape ghore, mamaṃ katvā udikkhati;
д̣̇аарагам̣ аббаж̇аананд̇ам̣, босзнд̇ий д̇зна вужжад̇и.
Dārakaṃ appajānantaṃ, posentī tena vuccati.
170.
170.
‘‘яан̃жа маад̇уд̇ханам̣ ход̇и, яан̃жа ход̇и бид̇уд̣̇д̇ханам̣;
‘‘Yañca mātudhanaṃ hoti, yañca hoti pituddhanaṃ;
убхаяамбзд̇асса г̇обзд̇и, аби буд̇д̇асса но сияаа.
Ubhayampetassa gopeti, api puttassa no siyā.
171.
171.
‘‘звам̣ буд̇д̇а ад̣̇ум̣ буд̇д̇а, ид̇и маад̇аа вихан̃н̃ад̇и;
‘‘Evaṃ putta aduṃ putta, iti mātā vihaññati;
бамад̇д̇ам̣ барад̣̇аарзсу, нисийт̇з бад̇д̇аяоб̣б̣анз;
Pamattaṃ paradāresu, nisīthe pattayobbane;
сааяам̣ буд̇д̇ам̣ анааяанд̇ам̣, ид̇и маад̇аа вихан̃н̃ад̇и.
Sāyaṃ puttaṃ anāyantaṃ, iti mātā vihaññati.
172.
172.
‘‘звам̣ гижчаа бхад̇о босо, маад̇у абарижаараго;
‘‘Evaṃ kicchā bhato poso, mātu aparicārako;
маад̇ари мижчаа жарид̇ваана, нираяам̣ собабаж̇ж̇ад̇и.
Mātari micchā caritvāna, nirayaṃ sopapajjati.
173.
173.
‘‘звам̣ гижчаа бхад̇о босо, бид̇у абарижаараго;
‘‘Evaṃ kicchā bhato poso, pitu aparicārako;
бид̇ари мижчаа жарид̇ваана, нираяам̣ собабаж̇ж̇ад̇и.
Pitari micchā caritvāna, nirayaṃ sopapajjati.
174.
174.
‘‘д̇ханааби д̇ханагаамаанам̣, нассад̇и ид̇и мз суд̇ам̣;
‘‘Dhanāpi dhanakāmānaṃ, nassati iti me sutaṃ;
маад̇арам̣ абарижарид̇ваана, гижчам̣ ваа со ниг̇ажчад̇и.
Mātaraṃ aparicaritvāna, kicchaṃ vā so nigacchati.
175.
175.
‘‘д̇ханааби д̇ханагаамаанам̣, нассад̇и ид̇и мз суд̇ам̣;
‘‘Dhanāpi dhanakāmānaṃ, nassati iti me sutaṃ;
бид̇арам̣ абарижарид̇ваана, гижчам̣ ваа со ниг̇ажчад̇и.
Pitaraṃ aparicaritvāna, kicchaṃ vā so nigacchati.
176.
176.
‘‘аананд̣̇о жа бамод̣̇о жа, сад̣̇аа хасид̇агийл̣ид̇ам̣;
‘‘Ānando ca pamodo ca, sadā hasitakīḷitaṃ;
маад̇арам̣ барижарид̇ваана, лаб̣бхамзд̇ам̣ виж̇аанад̇о.
Mātaraṃ paricaritvāna, labbhametaṃ vijānato.
177.
177.
‘‘аананд̣̇о жа бамод̣̇о жа, сад̣̇аа хасид̇агийл̣ид̇ам̣;
‘‘Ānando ca pamodo ca, sadā hasitakīḷitaṃ;
бид̇арам̣ барижарид̇ваана, лаб̣бхамзд̇ам̣ виж̇аанад̇о.
Pitaraṃ paricaritvāna, labbhametaṃ vijānato.
178.
178.
‘‘д̣̇аанан̃жа бияаваажаа жа, ад̇т̇ажарияаа жа яаа ид̇ха;
‘‘Dānañca piyavācā ca, atthacariyā ca yā idha;
самаанад̇д̇ад̇аа жа д̇хаммзсу, д̇ад̇т̇а д̇ад̇т̇а яат̇аарахам̣;
Samānattatā ca dhammesu, tattha tattha yathārahaṃ;
зд̇з ко сан̇г̇ахаа логз, рат̇ассаан̣ийва яааяад̇о.
Ete kho saṅgahā loke, rathassāṇīva yāyato.
179.
179.
‘‘зд̇з жа сан̇г̇ахаа наассу, на маад̇аа буд̇д̇агааран̣аа;
‘‘Ete ca saṅgahā nāssu, na mātā puttakāraṇā;
лабхзт̇а маанам̣ бууж̇ам̣ ваа, бид̇аа ваа буд̇д̇агааран̣аа.
Labhetha mānaṃ pūjaṃ vā, pitā vā puttakāraṇā.
180.
180.
‘‘яасмаа жа сан̇г̇ахаа зд̇з, саммабзгканд̇и бан̣д̣ид̇аа;
‘‘Yasmā ca saṅgahā ete, sammapekkhanti paṇḍitā;
д̇асмаа махад̇д̇ам̣ баббонд̇и, баасам̣саа жа бхаванд̇и д̇з.
Tasmā mahattaṃ papponti, pāsaṃsā ca bhavanti te.
181.
181.
‘‘б̣рахмаад̇и маад̇аабид̇аро, буб̣б̣аажарияаад̇и вужжарз;
‘‘Brahmāti mātāpitaro, pubbācariyāti vuccare;
аахунзяяаа жа буд̇д̇аанам̣, баж̇ааяа анугамбагаа.
Āhuneyyā ca puttānaṃ, pajāya anukampakā.
182.
182.
‘‘д̇асмаа хи нз намассзяяа, саггарзяяа жа бан̣д̣ид̇о;
‘‘Tasmā hi ne namasseyya, sakkareyya ca paṇḍito;
аннзна ат̇о баанзна, вад̇т̇зна саяанзна жа;
Annena atho pānena, vatthena sayanena ca;
ужчаад̣̇анзна нхаабанзна, баад̣̇аанам̣ д̇хованзна жа.
Ucchādanena nhāpanena, pādānaṃ dhovanena ca.
183.
183.
‘‘д̇ааяа нам̣ баарижарияааяа, маад̇аабид̇уусу бан̣д̣ид̇аа;
‘‘Tāya naṃ pāricariyāya, mātāpitūsu paṇḍitā;
ид̇хзва нам̣ басам̣санд̇и, бзжжа саг̇г̇з бамод̣̇ад̇ий’’д̇и.
Idheva naṃ pasaṃsanti, pecca sagge pamodatī’’ti.
д̇ад̇т̇а буд̇д̇апаланд̇и буд̇д̇асан̇каад̇ам̣ палам̣. д̣̇звад̇ааяа намассад̇ийд̇и ‘‘буд̇д̇о мз уббаж̇ж̇ад̇уу’’д̇и д̣̇звад̇ааяа намаггаарам̣ гарод̇и ааяаажад̇и. бужчад̇ийд̇и ‘‘гад̇арзна нагкад̇д̇зна ж̇аад̇о буд̇д̇о д̣̇ийгхааяуго ход̇и, гад̇арзна аббааяуго’’д̇и звам̣ нагкад̇д̇аани жа бужчад̇и. уд̇усам̣важчараани жаад̇и ‘‘чаннам̣ уд̇уунам̣ гад̇арасмим̣ уд̇умхи ж̇аад̇о д̣̇ийгхааяуго ход̇и, гад̇арасмим̣ уд̇умхи аббааяуго, гад̇ивассааяа ваа маад̇уяаа ж̇аад̇о буд̇д̇о д̣̇ийгхааяуго ход̇и, гад̇ивассааяа аббааяуго’’д̇и звам̣ уд̇усам̣важчараани жа бужчад̇и. уд̇умхи нхаад̇ааяаад̇и бубпз уббаннз уд̇умхи нхаад̇ааяа. воггамод̇и д̇ин̣н̣ам̣ саннибаад̇аа г̇аб̣бхаавагганд̇и ход̇и, гужчияам̣ г̇аб̣бхо бад̇идтаад̇и. д̇знаад̇и д̇зна г̇аб̣бхзна саа д̣̇охал̣иний ход̇и. д̇знаад̇и д̇ад̣̇аа д̇ассаа гужчимхи ниб̣б̣ад̇д̇абаж̇ааяа синзхо уббаж̇ж̇ад̇и, д̇зна гааран̣зна ‘‘сухад̣̇аа’’д̇и вужжад̇и. д̇знаад̇и д̇зна гааран̣зна саа ‘‘ж̇анаяанд̇ий’’д̇и жа ‘‘ж̇анзд̇д̇ий’’д̇и жа вужжад̇и.
Tattha puttaphalanti puttasaṅkhātaṃ phalaṃ. Devatāya namassatīti ‘‘putto me uppajjatū’’ti devatāya namakkāraṃ karoti āyācati. Pucchatīti ‘‘katarena nakkhattena jāto putto dīghāyuko hoti, katarena appāyuko’’ti evaṃ nakkhattāni ca pucchati. Utusaṃvaccharāni cāti ‘‘channaṃ utūnaṃ katarasmiṃ utumhi jāto dīghāyuko hoti, katarasmiṃ utumhi appāyuko, kativassāya vā mātuyā jāto putto dīghāyuko hoti, kativassāya appāyuko’’ti evaṃ utusaṃvaccharāni ca pucchati. Utumhi nhātāyāti pupphe uppanne utumhi nhātāya. Vokkamoti tiṇṇaṃ sannipātā gabbhāvakkanti hoti, kucchiyaṃ gabbho patiṭṭhāti. Tenāti tena gabbhena sā dohaḷinī hoti. Tenāti tadā tassā kucchimhi nibbattapajāya sineho uppajjati, tena kāraṇena ‘‘suhadā’’ti vuccati. Tenāti tena kāraṇena sā ‘‘janayantī’’ti ca ‘‘janettī’’ti ca vuccati.
ан̇г̇абаавуран̣зна жаад̇и т̇ананд̇арз нибаж̇ж̇аабзд̇ваа сарийрасампассам̣ параабзнд̇ий ан̇г̇асан̇каад̇знзва баавуран̣зна. д̇осзнд̇ийд̇и сан̃н̃аабзнд̇ий хаасзнд̇ий. мамам̣ гад̇ваа уд̣̇игкад̇ийд̇и ‘‘буд̇д̇асса мз убари ваад̇о бахарад̇и, аад̇або парад̇ий’’д̇и звам̣ мамам̣гаарам̣ гад̇ваа синид̣̇д̇хзна хад̣̇аязна уд̣̇игкад̇и. убхаяамбзд̇ассаад̇и убхаяамби зд̇ам̣ д̇ханам̣ зд̇асса буд̇д̇асса ад̇т̇ааяа ан̃н̃зсам̣ ад̣̇ассзд̇ваа саараг̇аб̣бхаад̣̇ийсу маад̇аа г̇обзд̇и. звам̣ буд̇д̇а, ад̣̇ум̣ буд̇д̇аад̇и ‘‘анд̇хаб̣аала буд̇д̇а, звам̣ рааж̇агулаад̣̇ийсу аббамад̇д̇о хохи, ад̣̇ун̃жа гаммам̣ маа гарохий’’д̇и сигкаабзнд̇ий ид̇и маад̇аа вихан̃н̃ад̇и гиламад̇и. бад̇д̇аяоб̣б̣анзд̇и буд̇д̇з бад̇д̇аяоб̣б̣анз д̇ам̣ буд̇д̇ам̣ нисийт̇з барад̣̇аарзсу бамад̇д̇ам̣ сааяам̣ анааг̇ажчанд̇ам̣ н̃ад̇ваа ассубун̣н̣зхи нзд̇д̇зхи маг̇г̇ам̣ ологзнд̇ий вихан̃н̃ад̇и гиламад̇и.
Aṅgapāvuraṇena cāti thanantare nipajjāpetvā sarīrasamphassaṃ pharāpentī aṅgasaṅkhāteneva pāvuraṇena. Tosentīti saññāpentī hāsentī. Mamaṃ katvā udikkhatīti ‘‘puttassa me upari vāto paharati, ātapo pharatī’’ti evaṃ mamaṃkāraṃ katvā siniddhena hadayena udikkhati. Ubhayampetassāti ubhayampi etaṃ dhanaṃ etassa puttassa atthāya aññesaṃ adassetvā sāragabbhādīsu mātā gopeti. Evaṃ putta, aduṃ puttāti ‘‘andhabāla putta, evaṃ rājakulādīsu appamatto hohi, aduñca kammaṃ mā karohī’’ti sikkhāpentī iti mātā vihaññati kilamati. Pattayobbaneti putte pattayobbane taṃ puttaṃ nisīthe paradāresu pamattaṃ sāyaṃ anāgacchantaṃ ñatvā assupuṇṇehi nettehi maggaṃ olokentī vihaññati kilamati.
гижчаа бхад̇од̇и гижчзна бхад̇о бадиж̇аг̇г̇ид̇о. мижчаа жарид̇ваанаад̇и маад̇арам̣ абадиж̇аг̇г̇ид̇ваа. д̇ханаабийд̇и д̇ханамби, аяамзва ваа баато. ид̣̇ам̣ вуд̇д̇ам̣ ход̇и – д̇ханагаамаанам̣ уббаннам̣ д̇ханамби маад̇арам̣ абадиж̇аг̇г̇анд̇аанам̣ нассад̇ийд̇и мз суд̇анд̇и. гижчам̣ ваа сод̇и ид̇и д̇ханам̣ ваа д̇асса нассад̇и, д̣̇угкам̣ ваасо бурисо ниг̇ажчад̇и. лаб̣бхамзд̇анд̇и зд̇ам̣ ид̇халогз жа баралогз жа аананд̣̇аад̣̇исукам̣ маад̇арам̣ барижарид̇ваа виж̇аанад̇о бан̣д̣ид̇асса лаб̣бхам̣, саггаа лад̣̇д̇хум̣ д̇аад̣̇исзнаад̇и ад̇т̇о.
Kicchā bhatoti kicchena bhato paṭijaggito. Micchā caritvānāti mātaraṃ apaṭijaggitvā. Dhanāpīti dhanampi, ayameva vā pāṭho. Idaṃ vuttaṃ hoti – dhanakāmānaṃ uppannaṃ dhanampi mātaraṃ apaṭijaggantānaṃ nassatīti me sutanti. Kicchaṃ vā soti iti dhanaṃ vā tassa nassati, dukkhaṃ vāso puriso nigacchati. Labbhametanti etaṃ idhaloke ca paraloke ca ānandādisukhaṃ mātaraṃ paricaritvā vijānato paṇḍitassa labbhaṃ, sakkā laddhuṃ tādisenāti attho.
д̣̇аанан̃жаад̇и маад̇аабид̇уунам̣ д̣̇аанам̣ д̣̇аад̇аб̣б̣ам̣, бияаважанам̣ бхан̣ид̇аб̣б̣ам̣, уббаннагижжасаад̇ханавасзна ад̇т̇о жарид̇аб̣б̣о. д̇хаммзсууд̇и ж̇здтаабажааяанад̇хаммзсу д̇ад̇т̇а д̇ад̇т̇а барисамаж̇жхз ваа рахог̇ад̇аанам̣ ваа абхиваад̣̇анаад̣̇ивасзна самаанад̇д̇ад̇аа гаад̇аб̣б̣аа, на рахо абхиваад̣̇анаад̣̇ийни гад̇ваа барисад̇и на гаад̇аб̣б̣аани, саб̣б̣ад̇т̇а самаанзнзва бхавид̇аб̣б̣ам̣. зд̇з жа сан̇г̇ахаа наассууд̇и сажз зд̇з жад̇д̇ааро сан̇г̇ахаа на бхавзяяум̣. саммабзгканд̇ийд̇и саммаа наязна гааран̣зна бзгканд̇и. махад̇д̇анд̇и сздтад̇д̇ам̣. б̣рахмаад̇и буд̇д̇аанам̣ б̣рахмасамаа уд̇д̇амаа сздтаа. буб̣б̣аажарияаад̇и батамаажарияаа. аахунзяяаад̇и аахунабадиг̇г̇аахагаа яасса гассажи саггаарасса анужчавигаа. аннзна ат̇од̇и аннзна жзва ад̇т̇о баанзна жа. бзжжаад̇и гаалагирияааяа барияосаанз ид̇о г̇анд̇ваа саг̇г̇з бамод̣̇ад̇ийд̇и.
Dānañcāti mātāpitūnaṃ dānaṃ dātabbaṃ, piyavacanaṃ bhaṇitabbaṃ, uppannakiccasādhanavasena attho caritabbo. Dhammesūti jeṭṭhāpacāyanadhammesu tattha tattha parisamajjhe vā rahogatānaṃ vā abhivādanādivasena samānattatā kātabbā, na raho abhivādanādīni katvā parisati na kātabbāni, sabbattha samāneneva bhavitabbaṃ. Ete ca saṅgahā nāssūti sace ete cattāro saṅgahā na bhaveyyuṃ. Sammapekkhantīti sammā nayena kāraṇena pekkhanti. Mahattanti seṭṭhattaṃ. Brahmāti puttānaṃ brahmasamā uttamā seṭṭhā. Pubbācariyāti paṭhamācariyā. Āhuneyyāti āhunapaṭiggāhakā yassa kassaci sakkārassa anucchavikā. Annena athoti annena ceva attho pānena ca. Peccāti kālakiriyāya pariyosāne ito gantvā sagge pamodatīti.
звам̣ махасад̇д̇о синзрум̣ баваддзнд̇о вияа д̇хаммад̣̇зсанам̣ нидтаабзси. д̇ам̣ суд̇ваа саб̣б̣зби д̇з рааж̇аано б̣алагааяаа жа басийд̣̇им̣су. ат̇а нз бан̃жасу сийлзсу бад̇идтаабзд̇ваа ‘‘д̣̇аанаад̣̇ийсу аббамад̇д̇аа хот̇аа’’д̇и овад̣̇ид̇ваа уяяож̇зси. саб̣б̣зби д̇хаммзна раж̇ж̇ам̣ гаарзд̇ваа ааяубарияосаанз д̣̇званаг̇арам̣ буураяим̣су. сон̣абан̣д̣ид̇ананд̣̇абан̣д̣ид̇ааби яаавад̇ааяугам̣ маад̇аабид̇аро барижарид̇ваа б̣рахмалогабарааяан̣аа ахзсум̣.
Evaṃ mahasatto sineruṃ pavaṭṭento viya dhammadesanaṃ niṭṭhāpesi. Taṃ sutvā sabbepi te rājāno balakāyā ca pasīdiṃsu. Atha ne pañcasu sīlesu patiṭṭhāpetvā ‘‘dānādīsu appamattā hothā’’ti ovaditvā uyyojesi. Sabbepi dhammena rajjaṃ kāretvā āyupariyosāne devanagaraṃ pūrayiṃsu. Soṇapaṇḍitanandapaṇḍitāpi yāvatāyukaṃ mātāpitaro paricaritvā brahmalokaparāyaṇā ahesuṃ.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз маад̇убосагабхигку сод̇аабад̇д̇ипалз бад̇идтахи. д̇ад̣̇аа маад̇аабид̇аро маахаарааж̇агулаани ахзсум̣, нанд̣̇абан̣д̣ид̇о аананд̣̇о , манож̇арааж̇аа саарибуд̇д̇о, згасад̇арааж̇аано асийд̇имахаат̇зраа жзва ан̃н̃ад̇арат̇зраа жа, жад̇увийсад̇и агкобхан̣ияо б̣уд̣̇д̇хабарисаа, сон̣абан̣д̣ид̇о бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne mātuposakabhikkhu sotāpattiphale patiṭṭhahi. Tadā mātāpitaro māhārājakulāni ahesuṃ, nandapaṇḍito ānando , manojarājā sāriputto, ekasatarājāno asītimahātherā ceva aññataratherā ca, catuvīsati akkhobhaṇiyo buddhaparisā, soṇapaṇḍito pana ahameva ahosinti.
сон̣ананд̣̇аж̇аад̇агаван̣н̣анаа д̣̇уд̇ияаа.
Soṇanandajātakavaṇṇanā dutiyā.
ж̇аад̇агуд̣̇д̣̇аанам̣ –
Jātakuddānaṃ –
ат̇а сад̇д̇ад̇имамхи нибаад̇аварз, сабхааванд̇у гусаавад̇ирааж̇аваро;
Atha sattatimamhi nipātavare, sabhāvantu kusāvatirājavaro;
ат̇а сон̣асунанд̣̇аваро жа буна, абхиваасид̇асад̇д̇ад̇имамхи суд̇зд̇и.
Atha soṇasunandavaro ca puna, abhivāsitasattatimamhi suteti.
сад̇д̇ад̇инибаад̇аван̣н̣анаа нидтид̇аа.
Sattatinipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 532. сон̣ананд̣̇аж̇аад̇агам̣ • 532. Soṇanandajātakaṃ
