| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
сон̣асса баб̣б̣аж̇ж̇аагат̇аа
Soṇassa pabbajjākathā
243. лохид̇зна пудо ход̇ийд̇и лохид̇зна магкид̇о ход̇и. г̇аваагхаад̇ананд̇и яад̇т̇а г̇ааво хан̃н̃анд̇и, д̇аад̣̇исод̇и ад̇т̇о. гусало наама вийн̣ааяа ваад̣̇анагусало. вийн̣ааяа д̇анд̇иссарзд̇и вийн̣ааяа д̇анд̇ияаа сарз. ажжааяад̇аад̇и ад̇иааяад̇аа карамужчид̇аа. саравад̇ийд̇и сарасамбаннаа. гамман̃н̃аад̇и гаммагкамаа. ад̇исит̇илаад̇и манд̣̇амужчанаа. самз г̇ун̣з бад̇идтид̇аад̇и маж̇жхимз сарз табзд̇ваа мужчид̇аа. вийрияасамад̇ам̣ ад̇хидтахаад̇и вийрияасамбаяуд̇д̇асамад̇ам̣ ад̇хидтаахи, вийрияам̣ самат̇зна яож̇зхийд̇и ад̇т̇о. инд̣̇рияаанан̃жа самад̇ам̣ бадивиж̇жхаад̇и сад̣̇д̇хаад̣̇ийнам̣ инд̣̇рияаанам̣ самад̇ам̣ самабхаавам̣. д̇ад̇т̇а сад̣̇д̇хам̣ бан̃н̃ааяа, бан̃н̃ан̃жа сад̣̇д̇хааяа, вийрияам̣ самаад̇хинаа, самаад̇хин̃жа вийриязна яож̇аяамаано инд̣̇рияаанам̣ самад̇ам̣ бадивиж̇жха. д̇ад̇т̇а жа нимид̇д̇ам̣ г̇ан̣хаахийд̇и д̇асмим̣ самат̇з сад̇и, язна аад̣̇аасз мукаб̣имб̣знзва нимид̇д̇зна уббаж̇ж̇ид̇аб̣б̣ам̣ , д̇ам̣ самат̇анимид̇д̇ам̣ вибассанаанимид̇д̇ам̣ маг̇г̇анимид̇д̇ам̣ паланимид̇д̇ан̃жа г̇ан̣хаахи, ниб̣б̣ад̇д̇зхийд̇и ад̇т̇о.
243.Lohitenaphuṭo hotīti lohitena makkhito hoti. Gavāghātananti yattha gāvo haññanti, tādisoti attho. Kusalo nāma vīṇāya vādanakusalo. Vīṇāya tantissareti vīṇāya tantiyā sare. Accāyatāti atiāyatā kharamucchitā. Saravatīti sarasampannā. Kammaññāti kammakkhamā. Atisithilāti mandamucchanā. Same guṇe patiṭṭhitāti majjhime sare ṭhapetvā mucchitā. Vīriyasamataṃ adhiṭṭhahāti vīriyasampayuttasamataṃ adhiṭṭhāhi, vīriyaṃ samathena yojehīti attho. Indriyānañca samataṃ paṭivijjhāti saddhādīnaṃ indriyānaṃ samataṃ samabhāvaṃ. Tattha saddhaṃ paññāya, paññañca saddhāya, vīriyaṃ samādhinā, samādhiñca vīriyena yojayamāno indriyānaṃ samataṃ paṭivijjha. Tattha ca nimittaṃ gaṇhāhīti tasmiṃ samathe sati, yena ādāse mukhabimbeneva nimittena uppajjitabbaṃ , taṃ samathanimittaṃ vipassanānimittaṃ magganimittaṃ phalanimittañca gaṇhāhi, nibbattehīti attho.
244. ан̃н̃ам̣ б̣яаагарзяяанд̇и арахаа аханд̇и ж̇аанаабзяяам̣. ча таанаанийд̇и ча гааран̣аани. ад̇химуд̇д̇о ход̇ийд̇и бадивиж̇жхид̇ваа бажжагкам̣ гад̇ваа тид̇о ход̇и. нзгкаммаад̇химуд̇д̇од̇иаад̣̇и саб̣б̣ам̣ арахад̇д̇авасзна вуд̇д̇ам̣. арахад̇д̇ан̃хи саб̣б̣агилзсзхи нигканд̇ад̇д̇аа нзгкаммам̣, д̇зхзва бавивид̇д̇ад̇д̇аа бавивзго, б̣яаабаж̇ж̇аабхаавад̇о аб̣яаабаж̇ж̇ам̣, убаад̣̇аанасса каяанд̇з уббаннад̇д̇аа убаад̣̇аанагкаяо, д̇ан̣хаагкаяанд̇з уббаннад̇д̇аа д̇ан̣хагкаяо, саммохаабхаавад̇о асаммоход̇и жа вужжад̇и.
244.Aññaṃ byākareyyanti arahā ahanti jānāpeyyaṃ. Cha ṭhānānīti cha kāraṇāni. Adhimutto hotīti paṭivijjhitvā paccakkhaṃ katvā ṭhito hoti. Nekkhammādhimuttotiādi sabbaṃ arahattavasena vuttaṃ. Arahattañhi sabbakilesehi nikkhantattā nekkhammaṃ, teheva pavivittattā paviveko, byāpajjābhāvato abyāpajjaṃ, upādānassa khayante uppannattā upādānakkhayo, taṇhākkhayante uppannattā taṇhakkhayo, sammohābhāvato asammohoti ca vuccati.
гзвалам̣ сад̣̇д̇хаамад̇д̇аганд̇и бадивзд̇харахид̇ам̣ гзвалам̣ бадивзд̇хабан̃н̃ааяа асаммиссам̣ сад̣̇д̇хаамад̇д̇агам̣. бадижаяанд̇и бунаббунам̣ гаран̣зна вуд̣дхим̣. вийд̇арааг̇ад̇д̇аад̇и маг̇г̇аббадивзд̇хзна рааг̇асса виг̇ад̇ад̇д̇ааязва нзгкаммасан̇каад̇ам̣ арахад̇д̇ам̣ бадивиж̇жхид̇ваа тид̇о ход̇и. паласамаабад̇д̇ивихаарзнзва вихарад̇и, д̇анниннамаанасоязва ход̇ийд̇и ад̇т̇о. сзсабад̣̇зсуби зсзва наяо.
Kevalaṃ saddhāmattakanti paṭivedharahitaṃ kevalaṃ paṭivedhapaññāya asammissaṃ saddhāmattakaṃ. Paṭicayanti punappunaṃ karaṇena vuḍḍhiṃ. Vītarāgattāti maggappaṭivedhena rāgassa vigatattāyeva nekkhammasaṅkhātaṃ arahattaṃ paṭivijjhitvā ṭhito hoti. Phalasamāpattivihāreneva viharati, tanninnamānasoyeva hotīti attho. Sesapadesupi eseva nayo.
лаабхасаггаарасилоганд̇и жад̇убажжаяалаабхан̃жа д̇зсам̣язва сугад̇абхааван̃жа ван̣н̣абхан̣анан̃жа. нигаамаяамаанод̇и ижчамаано бад̇т̇аяамаано. бавивзгаад̇химуд̇д̇од̇и вивзгз ад̇химуд̇д̇о аханд̇и звам̣ арахад̇д̇ам̣ б̣яаагарод̇ийд̇и ад̇т̇о.
Lābhasakkārasilokanti catupaccayalābhañca tesaṃyeva sukatabhāvañca vaṇṇabhaṇanañca. Nikāmayamānoti icchamāno patthayamāno. Pavivekādhimuttoti viveke adhimutto ahanti evaṃ arahattaṃ byākarotīti attho.
сийлаб̣б̣ад̇абараамаасанд̇и сийлан̃жа вад̇ан̃жа бараамасид̇ваа г̇ахид̇аг̇ахан̣амад̇д̇ам̣. саарад̇о бажжааг̇ажчанд̇од̇и саарабхаавзна ж̇аананд̇о. аб̣яаабаж̇ж̇аад̇химуд̇д̇од̇и аб̣яаабаж̇ж̇ам̣ арахад̇д̇ам̣ б̣яаагарод̇ийд̇и ад̇т̇о. иминаава наязна саб̣б̣аваарзсу ад̇т̇о взд̣̇ид̇аб̣б̣о.
Sīlabbataparāmāsanti sīlañca vatañca parāmasitvā gahitagahaṇamattaṃ. Sārato paccāgacchantoti sārabhāvena jānanto. Abyāpajjādhimuttoti abyāpajjaṃ arahattaṃ byākarotīti attho. Imināva nayena sabbavāresu attho veditabbo.
бхусаад̇и б̣алаванд̇о. нзвасса жид̇д̇ам̣ барияаад̣̇ияанд̇ийд̇и зд̇асса кийн̣аасавасса жид̇д̇ам̣ г̇ахзд̇ваа таад̇ум̣ на саггонд̇и. амиссийгад̇анд̇и амиссагад̇ам̣. гилзсаахи аарамман̣зна сад̣̇д̇хим̣ жид̇д̇ам̣ миссам̣ гаронд̇и, д̇зсам̣ абхааваа амиссийгад̇ам̣. тид̇анд̇и бад̇идтид̇ам̣. аанзн̃ж̇аббад̇д̇анд̇и ажаланаббад̇д̇ам̣. ваяан̃жассаанубассад̇ийд̇и д̇асса жид̇д̇асса уббаад̣̇амби ваяамби бассад̇и.
Bhusāti balavanto. Nevassa cittaṃ pariyādiyantīti etassa khīṇāsavassa cittaṃ gahetvā ṭhātuṃ na sakkonti. Amissīkatanti amissakataṃ. Kilesāhi ārammaṇena saddhiṃ cittaṃ missaṃ karonti, tesaṃ abhāvā amissīkataṃ. Ṭhitanti patiṭṭhitaṃ. Āneñjappattanti acalanappattaṃ. Vayañcassānupassatīti tassa cittassa uppādampi vayampi passati.
нзгкаммам̣ ад̇химуд̇д̇ассаад̇и арахад̇д̇ам̣ бадивиж̇жхид̇ваа тид̇асса. сзсабад̣̇зхиби арахад̇д̇амзва гат̇ид̇ам̣. убаад̣̇аанагкаяассаад̇и убаяог̇ад̇т̇з саамиважанам̣. асаммохан̃жа жзд̇асод̇и жид̇д̇асса жа асаммохам̣ ад̇химуд̇д̇асса. д̣̇исваа ааяад̇ануббаад̣̇анд̇и ааяад̇анаанам̣ уббаад̣̇ан̃жа ваяан̃жа д̣̇исваа. саммаа жид̇д̇ам̣ вимужжад̇ийд̇и саммаа хзд̇унаа наязна имааяа вибассанааяа бадибад̇д̇ияаа паласамаабад̇д̇ивасзна жид̇д̇ам̣ вимужжад̇и, ниб̣б̣аанаарамман̣з ад̇химужжад̇и. санд̇ажид̇д̇ассаад̇и ниб̣б̣уд̇ажид̇д̇асса. д̇аад̣̇инод̇и идтаанидтз анунаяабадигхзхи агамбияад̇д̇аа д̇аад̣̇ий, д̇асса д̇аад̣̇ино.
Nekkhammaṃ adhimuttassāti arahattaṃ paṭivijjhitvā ṭhitassa. Sesapadehipi arahattameva kathitaṃ. Upādānakkhayassāti upayogatthe sāmivacanaṃ. Asammohañca cetasoti cittassa ca asammohaṃ adhimuttassa. Disvā āyatanuppādanti āyatanānaṃ uppādañca vayañca disvā. Sammā cittaṃ vimuccatīti sammā hetunā nayena imāya vipassanāya paṭipattiyā phalasamāpattivasena cittaṃ vimuccati, nibbānārammaṇe adhimuccati. Santacittassāti nibbutacittassa. Tādinoti iṭṭhāniṭṭhe anunayapaṭighehi akampiyattā tādī, tassa tādino.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 147. сон̣агол̣ивисавад̇т̇у • 147. Soṇakoḷivisavatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сон̣асса баб̣б̣аж̇ж̇аагат̇ааван̣н̣анаа • Soṇassa pabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / сон̣ассабаб̣б̣аж̇ж̇аагат̇ааван̣н̣анаа • Soṇassapabbajjākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / сон̣агол̣ивисагат̇аад̣̇иван̣н̣анаа • Soṇakoḷivisakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 147. сон̣агол̣ивисавад̇т̇угат̇аа • 147. Soṇakoḷivisavatthukathā
