| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
9. субхад̣̇д̣̇ад̇т̇зраабад̣̇аанам̣
9. Subhaddattheraapadānaṃ
101.
101.
‘‘бад̣̇умуд̇д̇аро логавид̣̇уу, аахуд̇ийнам̣ бадиг̇г̇ахо;
‘‘Padumuttaro lokavidū, āhutīnaṃ paṭiggaho;
ж̇анад̇ам̣ уд̣̇д̇харид̇ваана, ниб̣б̣ааяад̇и махааяасо.
Janataṃ uddharitvāna, nibbāyati mahāyaso.
102.
102.
‘‘ниб̣б̣ааяанд̇з жа самб̣уд̣̇д̇хз, д̣̇асасахасси гамбат̇а;
‘‘Nibbāyante ca sambuddhe, dasasahassi kampatha;
ж̇анагааяо махаа ааси, д̣̇зваа саннибад̇ум̣ д̇ад̣̇аа.
Janakāyo mahā āsi, devā sannipatuṃ tadā.
103.
103.
‘‘жанд̣̇анам̣ буураяид̇ваана, д̇аг̇араамаллигаахи жа;
‘‘Candanaṃ pūrayitvāna, tagarāmallikāhi ca;
хадто хадтзна жид̇д̇зна, ааробаяим̣ 1 наруд̇д̇амам̣.
Haṭṭho haṭṭhena cittena, āropayiṃ 2 naruttamaṃ.
104.
104.
‘‘мама сан̇габбаман̃н̃ааяа, сад̇т̇аа логз ануд̇д̇аро;
‘‘Mama saṅkappamaññāya, satthā loke anuttaro;
нибаннагова самб̣уд̣̇д̇хо, имаа г̇аат̇аа абхаасат̇а.
Nipannakova sambuddho, imā gāthā abhāsatha.
105.
105.
‘‘‘яо мз бажчимагз гаалз, г̇анд̇хамаалзна 3 чаад̣̇аяи;
‘‘‘Yo me pacchimake kāle, gandhamālena 4 chādayi;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
106.
106.
‘‘‘ид̇о жуд̇о аяам̣ босо, д̇усид̇агааяам̣ г̇амиссад̇и;
‘‘‘Ito cuto ayaṃ poso, tusitakāyaṃ gamissati;
д̇ад̇т̇а раж̇ж̇ам̣ гарид̇ваана, ниммаанам̣ со г̇амиссад̇и.
Tattha rajjaṃ karitvāna, nimmānaṃ so gamissati.
107.
107.
‘‘‘зд̇знзва убааязна, д̣̇ад̇ваа маалам̣ 5 варуд̇д̇амам̣;
‘‘‘Eteneva upāyena, datvā mālaṃ 6 varuttamaṃ;
сагагаммаабхирад̣̇д̇хо со, самбад̇д̇им̣ анубхоссад̇и.
Sakakammābhiraddho so, sampattiṃ anubhossati.
108.
108.
‘‘‘бунааби д̇усид̇з гааяз, ниб̣б̣ад̇д̇иссад̇ияам̣ наро;
‘‘‘Punāpi tusite kāye, nibbattissatiyaṃ naro;
д̇амхаа гааяаа жавид̇ваана, мануссад̇д̇ам̣ г̇амиссад̇и.
Tamhā kāyā cavitvāna, manussattaṃ gamissati.
109.
109.
‘‘‘сагяабуд̇д̇о махаанааг̇о, аг̇г̇о логз сад̣̇звагз;
‘‘‘Sakyaputto mahānāgo, aggo loke sadevake;
б̣од̇хаяид̇ваа б̣ахуу сад̇д̇з, ниб̣б̣ааяиссад̇и жагкумаа.
Bodhayitvā bahū satte, nibbāyissati cakkhumā.
110.
110.
‘‘‘д̇ад̣̇аа собаг̇ад̇о санд̇о, суггамуулзна жод̣̇ид̇о;
‘‘‘Tadā sopagato santo, sukkamūlena codito;
убасан̇гамма самб̣уд̣̇д̇хам̣, бан̃хам̣ бужчиссад̇и д̇ад̣̇аа.
Upasaṅkamma sambuddhaṃ, pañhaṃ pucchissati tadā.
111.
111.
‘‘‘хаасаяид̇ваана самб̣уд̣̇д̇хо, саб̣б̣ан̃н̃уу логанааяаго;
‘‘‘Hāsayitvāna sambuddho, sabbaññū lokanāyako;
бун̃н̃агаммам̣ барин̃н̃ааяа, сажжаани вивариссад̇и.
Puññakammaṃ pariññāya, saccāni vivarissati.
112.
112.
‘‘‘аарад̣̇д̇хо жа аяам̣ бан̃хо, д̇удто згаг̇г̇амаанасо;
‘‘‘Āraddho ca ayaṃ pañho, tuṭṭho ekaggamānaso;
сад̇т̇аарам̣ абхиваад̣̇зд̇ваа, баб̣б̣аж̇ж̇ам̣ яаажаяиссад̇и.
Satthāraṃ abhivādetvā, pabbajjaṃ yācayissati.
113.
113.
‘‘‘басаннамаанасам̣ д̣̇исваа, сагагаммзна д̇осид̇ам̣;
‘‘‘Pasannamānasaṃ disvā, sakakammena tositaṃ;
баб̣б̣ааж̇зссад̇и со б̣уд̣̇д̇хо, аг̇г̇амаг̇г̇асса говид̣̇о.
Pabbājessati so buddho, aggamaggassa kovido.
114.
114.
‘‘‘вааяамид̇ваанаяам̣ босо, саммаасамб̣уд̣̇д̇хасаасанз;
‘‘‘Vāyamitvānayaṃ poso, sammāsambuddhasāsane;
саб̣б̣аасавз барин̃н̃ааяа, ниб̣б̣ааяиссад̇инаасаво’.
Sabbāsave pariññāya, nibbāyissatināsavo’.
бан̃жамабхаан̣аваарам̣.
Pañcamabhāṇavāraṃ.
115.
115.
‘‘буб̣б̣агаммзна сам̣яуд̇д̇о, згаг̇г̇о сусамаахид̇о;
‘‘Pubbakammena saṃyutto, ekaggo susamāhito;
б̣уд̣̇д̇хасса орасо буд̇д̇о, д̇хаммаж̇омхи суниммид̇о.
Buddhassa oraso putto, dhammajomhi sunimmito.
116.
116.
‘‘д̇хаммарааж̇ам̣ убаг̇амма, абужчим̣ бан̃хамуд̇д̇амам̣;
‘‘Dhammarājaṃ upagamma, apucchiṃ pañhamuttamaṃ;
гат̇аяанд̇о жа мз бан̃хам̣, д̇хаммасод̇ам̣ убаанаяи.
Kathayanto ca me pañhaṃ, dhammasotaṃ upānayi.
117.
117.
‘‘д̇ассаахам̣ д̇хаммаман̃н̃ааяа, вихаасим̣ саасанз рад̇о;
‘‘Tassāhaṃ dhammamaññāya, vihāsiṃ sāsane rato;
саб̣б̣аасавз барин̃н̃ааяа, вихараами анаасаво.
Sabbāsave pariññāya, viharāmi anāsavo.
118.
118.
‘‘сад̇асахассид̇о габбз, ж̇алаж̇уд̇д̇аманааяаго;
‘‘Satasahassito kappe, jalajuttamanāyako;
ниб̣б̣ааяи анубаад̣̇аано, д̣̇ийбова д̇зласан̇каяаа.
Nibbāyi anupādāno, dīpova telasaṅkhayā.
119.
119.
‘‘сад̇д̇аяож̇анигам̣ ааси, т̇уубан̃жа рад̇анаамаяам̣;
‘‘Sattayojanikaṃ āsi, thūpañca ratanāmayaṃ;
д̇хаж̇ам̣ д̇ад̇т̇а абууж̇зсим̣, саб̣б̣абхад̣̇д̣̇ам̣ манорамам̣.
Dhajaṃ tattha apūjesiṃ, sabbabhaddaṃ manoramaṃ.
120.
120.
‘‘гассабасса жа б̣уд̣̇д̇хасса, д̇иссо наамаг̇г̇асааваго;
‘‘Kassapassa ca buddhassa, tisso nāmaggasāvako;
буд̇д̇о мз орасо ааси, д̣̇ааяаад̣̇о ж̇инасаасанз.
Putto me oraso āsi, dāyādo jinasāsane.
121.
121.
‘‘д̇асса хийнзна манасаа, ваажам̣ бхаасим̣ абхад̣̇д̣̇агам̣;
‘‘Tassa hīnena manasā, vācaṃ bhāsiṃ abhaddakaṃ;
д̇зна гаммавибаагзна, бажчаа мз ааси бхад̣̇д̣̇агам̣ 7.
Tena kammavipākena, pacchā me āsi bhaddakaṃ 8.
122.
122.
‘‘убавад̇д̇анз саалаванз, бажчимз саяанз муни;
‘‘Upavattane sālavane, pacchime sayane muni;
баб̣б̣ааж̇зси махаавийро, хид̇о гаарун̣иго ж̇ино.
Pabbājesi mahāvīro, hito kāruṇiko jino.
123.
123.
‘‘аж̇ж̇зва д̣̇аани баб̣б̣аж̇ж̇аа, аж̇ж̇зва убасамбад̣̇аа;
‘‘Ajjeva dāni pabbajjā, ajjeva upasampadā;
аж̇ж̇зва бариниб̣б̣аанам̣, саммукаа д̣̇вибад̣̇уд̇д̇амз.
Ajjeva parinibbānaṃ, sammukhā dvipaduttame.
124.
124.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасанам̣’’.
‘‘Paṭisambhidā catasso…pe… kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа субхад̣̇д̣̇о т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā subhaddo thero imā gāthāyo abhāsitthāti.
субхад̣̇д̣̇ад̇т̇зрассаабад̣̇аанам̣ навамам̣.
Subhaddattherassāpadānaṃ navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 9. субхад̣̇д̣̇ад̇т̇зраабад̣̇аанаван̣н̣анаа • 9. Subhaddattheraapadānavaṇṇanā
