Library / Tipiṭaka / д̇ибидага • Tipiṭaka / д̣̇ийгха нигааяа (адтагат̇аа) • Dīgha nikāya (aṭṭhakathā) |
10. субхасуд̇д̇аван̣н̣анаа
10. Subhasuttavaṇṇanā
субхамаан̣авагавад̇т̇уван̣н̣анаа
Subhamāṇavakavatthuvaṇṇanā
444. звам̣ мз суд̇ам̣…бз… саавад̇т̇ияанд̇и субхасуд̇д̇ам̣. д̇ад̇рааяам̣ ануд̇д̇аанабад̣̇аван̣н̣анаа. ажирабариниб̣б̣уд̇з бхаг̇авад̇ийд̇и ажирам̣ бариниб̣б̣уд̇з бхаг̇авад̇и, бариниб̣б̣аанад̇о уд̣̇д̇хам̣ маасамад̇д̇з гаалз. нид̣̇аанаван̣н̣анааяам̣ вуд̇д̇анаязнзва бхаг̇авад̇о бад̇д̇ажийварам̣ аад̣̇ааяа ааг̇анд̇ваа кийравирзжанам̣ бивид̇ваа вихаарз нисиннад̣̇ивасам̣ санд̇хааязд̇ам̣ вуд̇д̇ам̣. д̇од̣̇зяяабуд̇д̇од̇и д̇од̣̇зяяаб̣раахман̣асса буд̇д̇о, со гира саавад̇т̇ияаа авид̣̇уурз д̇уд̣̇иг̇аамо наама ад̇т̇и, д̇асса ад̇хибад̇ид̇д̇аа д̇од̣̇зяяод̇и сан̇кяам̣ г̇ад̇о. махад̣̇д̇хано бана ход̇и бан̃жажад̇д̇аалийсагодивибхаво, барамамажчарий – ‘‘д̣̇ад̣̇ад̇о бхог̇аанам̣ абаригкаяо наама над̇т̇ий’’д̇и жинд̇зд̇ваа гассажи гин̃жи на д̣̇зд̇и, буд̇д̇амби ааха –
444.Evaṃme sutaṃ…pe… sāvatthiyanti subhasuttaṃ. Tatrāyaṃ anuttānapadavaṇṇanā. Aciraparinibbute bhagavatīti aciraṃ parinibbute bhagavati, parinibbānato uddhaṃ māsamatte kāle. Nidānavaṇṇanāyaṃ vuttanayeneva bhagavato pattacīvaraṃ ādāya āgantvā khīravirecanaṃ pivitvā vihāre nisinnadivasaṃ sandhāyetaṃ vuttaṃ. Todeyyaputtoti todeyyabrāhmaṇassa putto, so kira sāvatthiyā avidūre tudigāmo nāma atthi, tassa adhipatittā todeyyoti saṅkhyaṃ gato. Mahaddhano pana hoti pañcacattālīsakoṭivibhavo, paramamaccharī – ‘‘dadato bhogānaṃ aparikkhayo nāma natthī’’ti cintetvā kassaci kiñci na deti, puttampi āha –
‘‘ан̃ж̇анаанам̣ каяам̣ д̣̇исваа, ваммигаанан̃жа сан̃жаяам̣;
‘‘Añjanānaṃ khayaṃ disvā, vammikānañca sañcayaṃ;
мад̇хуунан̃жа самаахаарам̣, бан̣д̣ид̇о гхарамаавасз’’д̇и.
Madhūnañca samāhāraṃ, paṇḍito gharamāvase’’ti.
звам̣ ад̣̇аанамзва сигкаабзд̇ваа гааяасса бхзд̣̇аа д̇асмим̣язва гхарз сунако худ̇ваа ниб̣б̣ад̇д̇о. субхо д̇ам̣ сунакам̣ ад̇ивияа бияааяад̇и. ад̇д̇ано бхун̃ж̇анагабхад̇д̇ам̣язва бхож̇зд̇и, угкибид̇ваа варасаяанз саяаабзд̇и. ат̇а бхаг̇аваа згад̣̇ивасам̣ нигканд̇з маан̣авз д̇ам̣ гхарам̣ бин̣д̣ааяа баависи. сунако бхаг̇аванд̇ам̣ д̣̇исваа бхуггаарам̣ гаронд̇о бхаг̇авад̇о самийбам̣ г̇ад̇о. д̇ад̇о нам̣ бхаг̇аваа авожа ‘‘д̇од̣̇зяяа д̇вам̣ буб̣б̣зби мам̣ ‘бхо, бхо’д̇и барибхавид̇ваа сунако ж̇аад̇о, ид̣̇ааниби бхуггаарам̣ гад̇ваа авийжим̣ г̇амиссасий’’д̇и. сунако д̇ам̣ гат̇ам̣ суд̇ваа виббадисаарий худ̇ваа уд̣̇д̇хананд̇арз чааригааяа нибанно, мануссаа нам̣ угкибид̇ваа саяанз саяаабзд̇ум̣ наасагким̣су .
Evaṃ adānameva sikkhāpetvā kāyassa bhedā tasmiṃyeva ghare sunakho hutvā nibbatto. Subho taṃ sunakhaṃ ativiya piyāyati. Attano bhuñjanakabhattaṃyeva bhojeti, ukkhipitvā varasayane sayāpeti. Atha bhagavā ekadivasaṃ nikkhante māṇave taṃ gharaṃ piṇḍāya pāvisi. Sunakho bhagavantaṃ disvā bhukkāraṃ karonto bhagavato samīpaṃ gato. Tato naṃ bhagavā avoca ‘‘todeyya tvaṃ pubbepi maṃ ‘bho, bho’ti paribhavitvā sunakho jāto, idānipi bhukkāraṃ katvā avīciṃ gamissasī’’ti. Sunakho taṃ kathaṃ sutvā vippaṭisārī hutvā uddhanantare chārikāya nipanno, manussā naṃ ukkhipitvā sayane sayāpetuṃ nāsakkhiṃsu .
субхо ааг̇анд̇ваа ‘‘гзнааяам̣ сунако саяанаа оробид̇о’’д̇и ааха. мануссаа ‘‘на гзнажий’’д̇и вад̇ваа д̇ам̣ бавад̇д̇им̣ аарожзсум̣. маан̣аво суд̇ваа ‘‘мама бид̇аа б̣рахмалогз ниб̣б̣ад̇д̇о, саман̣о бана г̇од̇амо мз бид̇арам̣ сунакам̣ гарод̇и яам̣ гин̃жи зса мукааруул̣хам̣ бхаасад̇ий’’д̇и гуж̇жхид̇ваа бхаг̇аванд̇ам̣ мусааваад̣̇зна жод̣̇зд̇угаамо вихаарам̣ г̇анд̇ваа д̇ам̣ бавад̇д̇им̣ бужчи. бхаг̇аваа д̇асса д̇ат̇зва вад̇ваа ависам̣ваад̣̇анад̇т̇ам̣ ааха – ‘‘ад̇т̇и бана д̇з, маан̣ава, бид̇араа на агкаад̇ам̣ д̇хана’’нд̇и. ад̇т̇и, бхо г̇од̇ама, сад̇асахассаг̇гханигаа суван̣н̣амаалаа, сад̇асахассаг̇гханигаа суван̣н̣абаад̣̇угаа, сад̇асахассаг̇гханигаа суван̣н̣абаад̇и, сад̇асахассан̃жа гахаабан̣анд̇и. г̇ажча д̇ам̣ сунакам̣ аббод̣̇агам̣ мад̇хубааяаасам̣ бхож̇зд̇ваа саяанам̣ ааробзд̇ваа ийсагам̣ нид̣̇д̣̇ам̣ огганд̇агаалз бужча, саб̣б̣ам̣ д̇з аажигкиссад̇и, ат̇а нам̣ ж̇аанзяяааси – ‘‘бид̇аа мз зсо’’д̇и. со д̇ат̇аа агааси. сунако саб̣б̣ам̣ аажигки, д̇ад̣̇аа нам̣ – ‘‘бид̇аа мз’’д̇и н̃ад̇ваа бхаг̇авад̇и басаннажид̇д̇о г̇анд̇ваа бхаг̇аванд̇ам̣жуд̣̇д̣̇аса бан̃хз бужчид̇ваа виссаж̇ж̇анабарияосаанз бхаг̇аванд̇ам̣ саран̣ам̣ г̇ад̇о, д̇ам̣ санд̇хааяа вуд̇д̇ам̣ ‘‘субхо маан̣аво д̇од̣̇зяяабуд̇д̇о’’д̇и. саавад̇т̇ияам̣ бадивасад̇ийд̇и ад̇д̇ано бхог̇аг̇аамад̇о ааг̇анд̇ваа васад̇и.
Subho āgantvā ‘‘kenāyaṃ sunakho sayanā oropito’’ti āha. Manussā ‘‘na kenacī’’ti vatvā taṃ pavattiṃ ārocesuṃ. Māṇavo sutvā ‘‘mama pitā brahmaloke nibbatto, samaṇo pana gotamo me pitaraṃ sunakhaṃ karoti yaṃ kiñci esa mukhārūḷhaṃ bhāsatī’’ti kujjhitvā bhagavantaṃ musāvādena codetukāmo vihāraṃ gantvā taṃ pavattiṃ pucchi. Bhagavā tassa tatheva vatvā avisaṃvādanatthaṃ āha – ‘‘atthi pana te, māṇava, pitarā na akkhātaṃ dhana’’nti. Atthi, bho gotama, satasahassagghanikā suvaṇṇamālā, satasahassagghanikā suvaṇṇapādukā, satasahassagghanikā suvaṇṇapāti, satasahassañca kahāpaṇanti. Gaccha taṃ sunakhaṃ appodakaṃ madhupāyāsaṃ bhojetvā sayanaṃ āropetvā īsakaṃ niddaṃ okkantakāle puccha, sabbaṃ te ācikkhissati, atha naṃ jāneyyāsi – ‘‘pitā me eso’’ti. So tathā akāsi. Sunakho sabbaṃ ācikkhi, tadā naṃ – ‘‘pitā me’’ti ñatvā bhagavati pasannacitto gantvā bhagavantaṃcuddasa pañhe pucchitvā vissajjanapariyosāne bhagavantaṃ saraṇaṃ gato, taṃ sandhāya vuttaṃ ‘‘subho māṇavo todeyyaputto’’ti. Sāvatthiyaṃ paṭivasatīti attano bhogagāmato āgantvā vasati.
445-446. ан̃н̃ад̇арам̣ маан̣авагам̣ ааманд̇зсийд̇и сад̇т̇ари бариниб̣б̣уд̇з ‘‘аананд̣̇ад̇т̇зро гирасса бад̇д̇ажийварам̣ г̇ахзд̇ваа ааг̇ад̇о, махааж̇ано д̇ам̣ д̣̇ассанад̇т̇ааяа убасан̇гамад̇ий’’д̇и суд̇ваа ‘‘вихаарам̣ ко бана г̇анд̇ваа махааж̇анамаж̇жхз на саггаа сукзна бадисант̇аарам̣ ваа гаад̇ум̣, д̇хаммагат̇ам̣ ваа сод̇ум̣ г̇зхам̣ ааг̇ад̇ам̣язва нам̣ д̣̇исваа сукзна бадисант̇аарам̣ гариссаами, згаа жа мз ган̇каа ад̇т̇и, д̇амби нам̣ бужчиссаамий’’д̇и жинд̇зд̇ваа ан̃н̃ад̇арам̣ маан̣авагам̣ ааманд̇зси. аббааб̣аад̇ханд̇иаад̣̇ийсу ааб̣аад̇ход̇и висабхааг̇авзд̣̇анаа вужжад̇и, яаа згад̣̇зсз уббаж̇ж̇ид̇ваа жад̇д̇ааро ирияаабат̇з аяабаддзна ааб̣анд̇хид̇ваа вияа г̇ан̣хад̇и, д̇ассаа абхаавам̣ бужчаад̇и вад̣̇ад̇и. аббаад̇ан̇год̇и гижчаж̇ийвид̇агаро рог̇о вужжад̇и, д̇ассааби абхаавам̣ бужчаад̇и вад̣̇ад̇и. г̇илаанассзва жа удтаанам̣ наама г̇аругам̣ ход̇и, гааяз б̣алам̣ на ход̇и, д̇асмаа ниг̇г̇злан̃н̃абхааван̃жа б̣алан̃жа бужчаад̇и вад̣̇ад̇и. паасувихааранд̇и г̇аманатаананисаж̇ж̇асаяанзсу жад̇уусу ирияаабат̇зсу сукавихаарам̣ бужчаад̇и вад̣̇ад̇и. ат̇асса бужчид̇аб̣б̣аагаарам̣ д̣̇ассзнд̇о ‘‘субхо’’д̇иаад̣̇имааха.
445-446.Aññataraṃ māṇavakaṃ āmantesīti satthari parinibbute ‘‘ānandatthero kirassa pattacīvaraṃ gahetvā āgato, mahājano taṃ dassanatthāya upasaṅkamatī’’ti sutvā ‘‘vihāraṃ kho pana gantvā mahājanamajjhe na sakkā sukhena paṭisanthāraṃ vā kātuṃ, dhammakathaṃ vā sotuṃ gehaṃ āgataṃyeva naṃ disvā sukhena paṭisanthāraṃ karissāmi, ekā ca me kaṅkhā atthi, tampi naṃ pucchissāmī’’ti cintetvā aññataraṃ māṇavakaṃ āmantesi. Appābādhantiādīsu ābādhoti visabhāgavedanā vuccati, yā ekadese uppajjitvā cattāro iriyāpathe ayapaṭṭena ābandhitvā viya gaṇhati, tassā abhāvaṃ pucchāti vadati. Appātaṅkoti kicchajīvitakaro rogo vuccati, tassāpi abhāvaṃ pucchāti vadati. Gilānasseva ca uṭṭhānaṃ nāma garukaṃ hoti, kāye balaṃ na hoti, tasmā niggelaññabhāvañca balañca pucchāti vadati. Phāsuvihāranti gamanaṭhānanisajjasayanesu catūsu iriyāpathesu sukhavihāraṃ pucchāti vadati. Athassa pucchitabbākāraṃ dassento ‘‘subho’’tiādimāha.
447. гаалан̃жа самаяан̃жа убаад̣̇ааяаад̇и гаалан̃жа самаяан̃жа бан̃н̃ааяа г̇ахзд̇ваа убад̇хаарзд̇ваад̇и ад̇т̇о. сажз амхаагам̣ свз г̇аманагаало бхависсад̇и, гааяз б̣аламад̇д̇аа жзва париссад̇и, г̇аманабажжаяаа жа ан̃н̃о апаасувихааро на бхависсад̇и, ат̇зд̇ам̣ гаалан̃жа г̇аманагааран̣асамавааяасан̇каад̇ам̣ самаяан̃жа убад̇хаарзд̇ваа – ‘‘аби зва наама свз ааг̇ажчзяяаамаа’’д̇и вуд̇д̇ам̣ ход̇и.
447.Kālañca samayañca upādāyāti kālañca samayañca paññāya gahetvā upadhāretvāti attho. Sace amhākaṃ sve gamanakālo bhavissati, kāye balamattā ceva pharissati, gamanapaccayā ca añño aphāsuvihāro na bhavissati, athetaṃ kālañca gamanakāraṇasamavāyasaṅkhātaṃ samayañca upadhāretvā – ‘‘api eva nāma sve āgaccheyyāmā’’ti vuttaṃ hoti.
448. жзд̇агзна бхигкунаад̇и жзд̇ирадтз ж̇аад̇ад̇д̇аа жзд̇агод̇и звам̣ лад̣̇д̇ханаамзна. саммод̣̇анийяам̣ гат̇ам̣ сааран̣ийяанд̇и бхо, аананд̣̇а, д̣̇асаб̣аласса го наама ааб̣аад̇хо ахоси, гим̣ бхаг̇аваа барибхун̃ж̇и. аби жа сад̇т̇у бариниб̣б̣аанзна д̇умхаагам̣ сого уд̣̇абаад̣̇и, сад̇т̇аа наама на гзвалам̣ д̇умхаагам̣язва бариниб̣б̣уд̇о, сад̣̇звагасса логасса махааж̇аани, го д̣̇аани ан̃н̃о маран̣аа мужжиссад̇и, яад̇ра со сад̣̇звагасса логасса аг̇г̇абуг̇г̇ало бариниб̣б̣уд̇о, ид̣̇аани гам̣ ан̃н̃ам̣ д̣̇исваа мажжурааж̇аа лаж̇ж̇иссад̇ийд̇и звамаад̣̇инаа наязна маран̣абадисам̣яуд̇д̇ам̣ саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа т̇зрасса хияяо бийд̇абхзсаж̇ж̇аануруубам̣ аахаарам̣ д̣̇ад̇ваа бхад̇д̇агижжаавасаанз згаманд̇ам̣ нисийд̣̇и.
448.Cetakenabhikkhunāti cetiraṭṭhe jātattā cetakoti evaṃ laddhanāmena. Sammodanīyaṃ kathaṃ sāraṇīyanti bho, ānanda, dasabalassa ko nāma ābādho ahosi, kiṃ bhagavā paribhuñji. Api ca satthu parinibbānena tumhākaṃ soko udapādi, satthā nāma na kevalaṃ tumhākaṃyeva parinibbuto, sadevakassa lokassa mahājāni, ko dāni añño maraṇā muccissati, yatra so sadevakassa lokassa aggapuggalo parinibbuto, idāni kaṃ aññaṃ disvā maccurājā lajjissatīti evamādinā nayena maraṇapaṭisaṃyuttaṃ sammodanīyaṃ kathaṃ sāraṇīyaṃ vītisāretvā therassa hiyyo pītabhesajjānurūpaṃ āhāraṃ datvā bhattakiccāvasāne ekamantaṃ nisīdi.
убадтааго санд̇игааважарод̇и убадтааго худ̇ваа санд̇игааважаро, на ранд̇хаг̇авзсий. на виймам̣санаад̇хиббааяо. самийбажаарийд̇и ид̣̇ам̣ буримабад̣̇ассзва взважанам̣. язсам̣ со бхавам̣ г̇од̇амод̇и гасмаа бужчад̇и? д̇асса гира звам̣ ахоси ‘‘язсу д̇хаммзсу бхавам̣ г̇од̇амо имам̣ логам̣ бад̇идтабзси, д̇з д̇асса ажжаязна надтаа ну ко, д̇харанд̇и ну ко, сажз д̇харанд̇и, аананд̣̇о ж̇ааниссад̇и, ханд̣̇а нам̣ бужчаамий’’д̇и, д̇асмаа бужчи.
Upaṭṭhāko santikāvacaroti upaṭṭhāko hutvā santikāvacaro, na randhagavesī. Na vīmaṃsanādhippāyo. Samīpacārīti idaṃ purimapadasseva vevacanaṃ. Yesaṃ so bhavaṃ gotamoti kasmā pucchati? Tassa kira evaṃ ahosi ‘‘yesu dhammesu bhavaṃ gotamo imaṃ lokaṃ patiṭṭhapesi, te tassa accayena naṭṭhā nu kho, dharanti nu kho, sace dharanti, ānando jānissati, handa naṃ pucchāmī’’ti, tasmā pucchi.
449. ат̇асса т̇зро д̇ийн̣и бидагаани д̇ийхи канд̇хзхи сан̇г̇ахзд̇ваа д̣̇ассзнд̇о ‘‘д̇ин̣н̣ам̣ ко’’д̇иаад̣̇имааха. маан̣аво сан̇кид̇д̇зна гат̇ид̇ам̣ асаллагкзнд̇о – ‘‘вид̇т̇аарад̇о бужчиссаамий’’д̇и жинд̇зд̇ваа ‘‘гад̇амзсам̣ д̇ин̣н̣а’’нд̇иаад̣̇имааха.
449. Athassa thero tīṇi piṭakāni tīhi khandhehi saṅgahetvā dassento ‘‘tiṇṇaṃ kho’’tiādimāha. Māṇavo saṅkhittena kathitaṃ asallakkhento – ‘‘vitthārato pucchissāmī’’ti cintetvā ‘‘katamesaṃ tiṇṇa’’ntiādimāha.
сийлагканд̇хаван̣н̣анаа
Sīlakkhandhavaṇṇanā
450-453. д̇ад̇о т̇зрзна ‘‘арияасса сийлагканд̇хассаа’’д̇и д̇зсу д̣̇ассид̇зсу буна ‘‘гад̇амо бана со, бхо аананд̣̇а, арияо сийлагканд̇хо’’д̇и згзгам̣ бужчи. т̇зробисса б̣уд̣̇д̇хуббаад̣̇ам̣ д̣̇ассзд̇ваа д̇анд̇ид̇хаммам̣ д̣̇зсзнд̇о ануггамзна бхаг̇авад̇аа вуд̇д̇анаязнзва саб̣б̣ам̣ виссаж̇ж̇зси. д̇ад̇т̇а ад̇т̇и жзвзд̇т̇а уд̇д̇аригаран̣ийяанд̇и зд̇т̇а бхаг̇авад̇о саасанз на сийламзва сааро, гзвалан̃хзд̇ам̣ бад̇идтаамад̇д̇амзва ход̇и. ид̇о уд̇д̇ари бана ан̃н̃амби гад̇д̇аб̣б̣ам̣ ад̇т̇и язваад̇и д̣̇ассзси. ид̇о б̣ахид̣̇д̇хаад̇и б̣уд̣̇д̇хасаасанад̇о б̣ахид̣̇д̇хаа.
450-453. Tato therena ‘‘ariyassa sīlakkhandhassā’’ti tesu dassitesu puna ‘‘katamo pana so, bho ānanda, ariyo sīlakkhandho’’ti ekekaṃ pucchi. Theropissa buddhuppādaṃ dassetvā tantidhammaṃ desento anukkamena bhagavatā vuttanayeneva sabbaṃ vissajjesi. Tattha atthicevettha uttarikaraṇīyanti ettha bhagavato sāsane na sīlameva sāro, kevalañhetaṃ patiṭṭhāmattameva hoti. Ito uttari pana aññampi kattabbaṃ atthi yevāti dassesi. Ito bahiddhāti buddhasāsanato bahiddhā.
самаад̇хигканд̇хаван̣н̣анаа
Samādhikkhandhavaṇṇanā
454. гат̇ан̃жа , маан̣ава, бхигку инд̣̇риязсу г̇уд̇д̇ад̣̇вааро ход̇ийд̇и ид̣̇амааяасмаа аананд̣̇о ‘‘гад̇амо бана со, бхо аананд̣̇а, арияо самаад̇хигканд̇хо’’д̇и звам̣ самаад̇хигканд̇хам̣ будтоби яз д̇з ‘‘сийласамбанно инд̣̇риязсу г̇уд̇д̇ад̣̇вааро сад̇исамбаж̇ан̃н̃зна саманнааг̇ад̇о санд̇удто’’д̇и звам̣ сийлаананд̇арам̣ инд̣̇рияасам̣вараад̣̇аяо сийласамаад̇хийнам̣ анд̇арз убхиннамби убагаарагад̇хаммаа уд̣̇д̣̇идтаа, д̇з нид̣̇д̣̇исид̇ваа самаад̇хигканд̇хам̣ д̣̇ассзд̇угаамо аарабхи. зд̇т̇а жа руубаж̇жхаанаанзва ааг̇ад̇аани, на аруубаж̇жхаанаани, аанзд̇ваа бана д̣̇ийбзд̇аб̣б̣аани. жад̇уд̇т̇аж̇жхаанзна хи асан̇г̇ахид̇аа аруубасамаабад̇д̇и наама над̇т̇иязва.
454.Kathañca, māṇava, bhikkhu indriyesu guttadvāro hotīti idamāyasmā ānando ‘‘katamo pana so, bho ānanda, ariyo samādhikkhandho’’ti evaṃ samādhikkhandhaṃ puṭṭhopi ye te ‘‘sīlasampanno indriyesu guttadvāro satisampajaññena samannāgato santuṭṭho’’ti evaṃ sīlānantaraṃ indriyasaṃvarādayo sīlasamādhīnaṃ antare ubhinnampi upakārakadhammā uddiṭṭhā, te niddisitvā samādhikkhandhaṃ dassetukāmo ārabhi. Ettha ca rūpajjhānāneva āgatāni, na arūpajjhānāni, ānetvā pana dīpetabbāni. Catutthajjhānena hi asaṅgahitā arūpasamāpatti nāma natthiyeva.
471-480. ад̇т̇и жзвзд̇т̇а уд̇д̇аригаран̣ийяанд̇и зд̇т̇а бхаг̇авад̇о саасанз на жид̇д̇згаг̇г̇ад̇аамад̇д̇агзнзва барияосаанаббад̇д̇и наама ад̇т̇и, ид̇оби уд̇д̇ари бана ан̃н̃ам̣ гад̇д̇аб̣б̣ам̣ ад̇т̇и язваад̇и д̣̇ассзд̇и. над̇т̇и жзвзд̇т̇а уд̇д̇аригаран̣ийяанд̇и зд̇т̇а бхаг̇авад̇о саасанз ид̇о уд̇д̇ари гаад̇аб̣б̣ам̣ наама над̇т̇иязва, арахад̇д̇абарияосаанан̃хи бхаг̇авад̇о саасананд̇и д̣̇ассзд̇и. сзсам̣ саб̣б̣ад̇т̇а уд̇д̇аанад̇т̇амзваад̇и.
471-480.Atthi cevettha uttarikaraṇīyanti ettha bhagavato sāsane na cittekaggatāmattakeneva pariyosānappatti nāma atthi, itopi uttari pana aññaṃ kattabbaṃ atthi yevāti dasseti. Natthi cevettha uttarikaraṇīyanti ettha bhagavato sāsane ito uttari kātabbaṃ nāma natthiyeva, arahattapariyosānañhi bhagavato sāsananti dasseti. Sesaṃ sabbattha uttānatthamevāti.
ид̇и суман̇г̇алавилаасинияаа д̣̇ийгханигааяадтагат̇ааяам̣
Iti sumaṅgalavilāsiniyā dīghanikāyaṭṭhakathāyaṃ
субхасуд̇д̇аван̣н̣анаа нидтид̇аа.
Subhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 10. субхасуд̇д̇ам̣ • 10. Subhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / д̣̇ийгханигааяа (дийгаа) • Dīghanikāya (ṭīkā) / 10. субхасуд̇д̇аван̣н̣анаа • 10. Subhasuttavaṇṇanā