| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੪. ਸੂਚਿਦਾਯਕਤ੍ਥੇਰਅਪਦਾਨવਣ੍ਣਨਾ
4. Sūcidāyakattheraapadānavaṇṇanā
ਕਮ੍ਮਾਰੋਹਂ ਪੁਰੇ ਆਸਿਨ੍ਤਿਆਦਿਕਂ ਆਯਸ੍ਮਤੋ ਸੂਚਿਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਅਨ੍ਤਰਨ੍ਤਰਾ ਕੁਸਲਬੀਜਾਨਿ ਪੂਰੇਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਅਨ੍ਤਰਨ੍ਤਰਾ ਕਤੇਨ ਏਕੇਨ ਕਮ੍ਮਚ੍ਛਿਦ੍ਦੇਨ ਕਮ੍ਮਾਰਕੁਲੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਕਸਿਪ੍ਪੇਸੁ ਨਿਪ੍ਫਤ੍ਤਿਂ ਪਤ੍ਤੋ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਪਸਨ੍ਨਮਾਨਸੋ ਚੀવਰਸਿਬ੍ਬਨਤ੍ਥਾਯ ਸੂਚਿਦਾਨਮਦਾਸਿ, ਤੇਨ ਪੁਞ੍ਞੇਨ ਦਿਬ੍ਬਸਮ੍ਪਤ੍ਤਿਂ ਅਨੁਭવਿਤ੍વਾ ਅਪਰਭਾਗੇ ਮਨੁਸ੍ਸੇਸੁ ਉਪ੍ਪਨ੍ਨੋ ਚਕ੍ਕવਤ੍ਤਾਦਯੋ ਸਮ੍ਪਤ੍ਤਿਯੋ ਚ ਅਨੁਭવਨ੍ਤੋ ਉਪ੍ਪਨ੍ਨੁਪ੍ਪਨ੍ਨਭવੇ ਤਿਕ੍ਖਪਞ੍ਞੋ વਜੀਰਞਾਣੋ ਅਹੋਸਿ। ਸੋ ਕਮੇਨ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਮਹਦ੍ਧਨੋ ਸਦ੍ਧਾਜਾਤੋ ਤਿਕ੍ਖਪਞ੍ਞੋ ਅਹੋਸਿ। ਸੋ ਏਕਦਿવਸਂ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਧਮ੍ਮਾਨੁਸਾਰੇਨ ਞਾਣਂ ਪੇਸੇਤ੍વਾ ਨਿਸਿਨ੍ਨਾਸਨੇਯੇવ ਅਰਹਾ ਅਹੋਸਿ।
Kammārohaṃ pure āsintiādikaṃ āyasmato sūcidāyakattherassa apadānaṃ. Ayampi purimabuddhesu katādhikāro antarantarā kusalabījāni pūrento vipassissa bhagavato kāle antarantarā katena ekena kammacchiddena kammārakule nibbatto vuddhimanvāya sakasippesu nipphattiṃ patto satthu dhammadesanaṃ sutvā pasannamānaso cīvarasibbanatthāya sūcidānamadāsi, tena puññena dibbasampattiṃ anubhavitvā aparabhāge manussesu uppanno cakkavattādayo sampattiyo ca anubhavanto uppannuppannabhave tikkhapañño vajīrañāṇo ahosi. So kamena imasmiṃ buddhuppāde nibbatto vuddhippatto mahaddhano saddhājāto tikkhapañño ahosi. So ekadivasaṃ satthu dhammadesanaṃ sutvā dhammānusārena ñāṇaṃ pesetvā nisinnāsaneyeva arahā ahosi.
੧੯. ਸੋ ਅਰਹਾ ਸਮਾਨੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਕਮ੍ਮਾਰੋਹਂ ਪੁਰੇ ਆਸਿਨ੍ਤਿਆਦਿਮਾਹ। ਤਤ੍ਥ ਕਮ੍ਮਾਰੋਤਿ ਅਯੋਕਮ੍ਮਲੋਹਕਮ੍ਮਾਦਿਨਾ ਕਮ੍ਮੇਨ ਜੀવਤਿ ਰੁਹਤਿ વੁਦ੍ਧਿਂ વਿਰੂਲ਼੍ਹਿਂ ਆਪਜ੍ਜਤੀਤਿ ਕਮ੍ਮਾਰੋ, ਪੁਬ੍ਬੇ ਪੁਞ੍ਞਕਰਣਕਾਲੇ ਕਮ੍ਮਾਰੋ ਆਸਿਂ ਅਹੋਸਿਨ੍ਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
19. So arahā samāno attano pubbakammaṃ saritvā somanassajāto pubbacaritāpadānaṃ pakāsento kammārohaṃ pure āsintiādimāha. Tattha kammāroti ayokammalohakammādinā kammena jīvati ruhati vuddhiṃ virūḷhiṃ āpajjatīti kammāro, pubbe puññakaraṇakāle kammāro āsiṃ ahosinti attho. Sesaṃ sabbattha uttānamevāti.
ਸੂਚਿਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Sūcidāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੪. ਸੂਚਿਦਾਯਕਤ੍ਥੇਰਅਪਦਾਨਂ • 4. Sūcidāyakattheraapadānaṃ
