Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

10. суужимукийсуд̇д̇ам̣

10. Sūcimukhīsuttaṃ

341. згам̣ самаяам̣ ааяасмаа саарибуд̇д̇о рааж̇аг̇ахз вихарад̇и взл̣уванз галанд̣̇аганиваабз. ат̇а ко ааяасмаа саарибуд̇д̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахз бин̣д̣ааяа баависи. рааж̇аг̇ахз сабад̣̇аанам̣ бин̣д̣ааяа жарид̇ваа д̇ам̣ бин̣д̣абаад̇ам̣ ан̃н̃ад̇арам̣ гуддамуулам̣ ¹ ниссааяа барибхун̃ж̇ад̇и. ат̇а ко суужимукий бариб̣б̣ааж̇игаа язнааяасмаа саарибуд̇д̇о д̇знубасан̇гами; убасан̇гамид̇ваа ааяасманд̇ам̣ саарибуд̇д̇ам̣ зд̇ад̣̇авожа –

341. Ekaṃ samayaṃ āyasmā sāriputto rājagahe viharati veḷuvane kalandakanivāpe. Atha kho āyasmā sāriputto pubbaṇhasamayaṃ nivāsetvā pattacīvaramādāya rājagahe piṇḍāya pāvisi. Rājagahe sapadānaṃ piṇḍāya caritvā taṃ piṇḍapātaṃ aññataraṃ kuṭṭamūlaṃ ² nissāya paribhuñjati. Atha kho sūcimukhī paribbājikā yenāyasmā sāriputto tenupasaṅkami; upasaṅkamitvā āyasmantaṃ sāriputtaṃ etadavoca –

‘‘гим̣ ну ко, саман̣а, ад̇хомуко бхун̃ж̇асий’’д̇и? ‘‘на кваахам̣, бхаг̇ини, ад̇хомуко бхун̃ж̇аамий’’д̇и. ‘‘д̇зна хи, саман̣а, уб̣бхамуко ³ бхун̃ж̇асий’’д̇и? ‘‘на кваахам̣, бхаг̇ини, уб̣бхамуко бхун̃ж̇аамий’’д̇и. ‘‘д̇зна хи, саман̣а, д̣̇исаамуко бхун̃ж̇асий’’д̇и? ‘‘на кваахам̣, бхаг̇ини, д̣̇исаамуко бхун̃ж̇аамий’’д̇и. ‘‘д̇зна хи, саман̣а, вид̣̇исаамуко бхун̃ж̇асий’’д̇и? ‘‘на кваахам̣, бхаг̇ини, вид̣̇исаамуко бхун̃ж̇аамий’’д̇и.

‘‘Kiṃ nu kho, samaṇa, adhomukho bhuñjasī’’ti? ‘‘Na khvāhaṃ, bhagini, adhomukho bhuñjāmī’’ti. ‘‘Tena hi, samaṇa, ubbhamukho ⁴ bhuñjasī’’ti? ‘‘Na khvāhaṃ, bhagini, ubbhamukho bhuñjāmī’’ti. ‘‘Tena hi, samaṇa, disāmukho bhuñjasī’’ti? ‘‘Na khvāhaṃ, bhagini, disāmukho bhuñjāmī’’ti. ‘‘Tena hi, samaṇa, vidisāmukho bhuñjasī’’ti? ‘‘Na khvāhaṃ, bhagini, vidisāmukho bhuñjāmī’’ti.

‘‘‘гим̣ ну, саман̣а, ад̇хомуко бхун̃ж̇асий’д̇и ид̇и будто самаано ‘на кваахам̣, бхаг̇ини, ад̇хомуко бхун̃ж̇аамий’д̇и вад̣̇зси. ‘д̇зна хи, саман̣а, уб̣бхамуко бхун̃ж̇асий’д̇и ид̇и будто самаано ‘на кваахам̣, бхаг̇ини, уб̣бхамуко бхун̃ж̇аамий’д̇и вад̣̇зси. ‘д̇зна хи, саман̣а, д̣̇исаамуко бхун̃ж̇асий’д̇и ид̇и будто самаано ‘на кваахам̣, бхаг̇ини, д̣̇исаамуко бхун̃ж̇аамий’д̇и вад̣̇зси. ‘д̇зна хи, саман̣а, вид̣̇исаамуко бхун̃ж̇асий’д̇и ид̇и будто самаано ‘на кваахам̣, бхаг̇ини, вид̣̇исаамуко бхун̃ж̇аамий’д̇и вад̣̇зси’’.

‘‘‘Kiṃ nu, samaṇa, adhomukho bhuñjasī’ti iti puṭṭho samāno ‘na khvāhaṃ, bhagini, adhomukho bhuñjāmī’ti vadesi. ‘Tena hi, samaṇa, ubbhamukho bhuñjasī’ti iti puṭṭho samāno ‘na khvāhaṃ, bhagini, ubbhamukho bhuñjāmī’ti vadesi. ‘Tena hi, samaṇa, disāmukho bhuñjasī’ti iti puṭṭho samāno ‘na khvāhaṃ, bhagini, disāmukho bhuñjāmī’ti vadesi. ‘Tena hi, samaṇa, vidisāmukho bhuñjasī’ti iti puṭṭho samāno ‘na khvāhaṃ, bhagini, vidisāmukho bhuñjāmī’ti vadesi’’.

‘‘гат̇ан̃жарахи , саман̣а, бхун̃ж̇асий’’д̇и? ‘‘яз хи гзжи, бхаг̇ини, саман̣аб̣раахман̣аа ⁵ вад̇т̇увиж̇ж̇аад̇иражчаанавиж̇ж̇ааяа мижчааж̇ийвзна ж̇ийвигам̣ ⁶ габбзнд̇и, имз вужжанд̇и, бхаг̇ини, саман̣аб̣раахман̣аа ‘ад̇хомукаа бхун̃ж̇анд̇ий’д̇и. яз хи гзжи, бхаг̇ини, саман̣аб̣раахман̣аа нагкад̇д̇авиж̇ж̇аад̇иражчаанавиж̇ж̇ааяа мижчааж̇ийвзна ж̇ийвигам̣ габбзнд̇и, имз вужжанд̇и, бхаг̇ини, саман̣аб̣раахман̣аа ‘уб̣бхамукаа бхун̃ж̇анд̇ий’д̇и. яз хи гзжи, бхаг̇ини, саман̣аб̣раахман̣аа д̣̇ууд̇зяяабахин̣аг̇аманаануяог̇ааяа ⁷ мижчааж̇ийвзна ж̇ийвигам̣ габбзнд̇и, имз вужжанд̇и, бхаг̇ини, саман̣аб̣раахман̣аа ‘д̣̇исаамукаа бхун̃ж̇анд̇ий’д̇и. яз хи гзжи, бхаг̇ини, саман̣аб̣раахман̣аа ан̇г̇авиж̇ж̇аад̇иражчаанавиж̇ж̇ааяа мижчааж̇ийвзна ж̇ийвигам̣ габбзнд̇и, имз вужжанд̇и, бхаг̇ини, саман̣аб̣раахман̣аа ‘вид̣̇исаамукаа бхун̃ж̇анд̇ий’’’д̇и.

‘‘Kathañcarahi , samaṇa, bhuñjasī’’ti? ‘‘Ye hi keci, bhagini, samaṇabrāhmaṇā ⁸ vatthuvijjātiracchānavijjāya micchājīvena jīvikaṃ ⁹ kappenti, ime vuccanti, bhagini, samaṇabrāhmaṇā ‘adhomukhā bhuñjantī’ti. Ye hi keci, bhagini, samaṇabrāhmaṇā nakkhattavijjātiracchānavijjāya micchājīvena jīvikaṃ kappenti, ime vuccanti, bhagini, samaṇabrāhmaṇā ‘ubbhamukhā bhuñjantī’ti. Ye hi keci, bhagini, samaṇabrāhmaṇā dūteyyapahiṇagamanānuyogāya ¹⁰ micchājīvena jīvikaṃ kappenti, ime vuccanti, bhagini, samaṇabrāhmaṇā ‘disāmukhā bhuñjantī’ti. Ye hi keci, bhagini, samaṇabrāhmaṇā aṅgavijjātiracchānavijjāya micchājīvena jīvikaṃ kappenti, ime vuccanti, bhagini, samaṇabrāhmaṇā ‘vidisāmukhā bhuñjantī’’’ti.

‘‘со кваахам̣, бхаг̇ини, на вад̇т̇увиж̇ж̇аад̇иражчаанавиж̇ж̇ааяа мижчааж̇ийвзна ж̇ийвигам̣ габбзми, на нагкад̇д̇авиж̇ж̇аад̇иражчаанавиж̇ж̇ааяа мижчааж̇ийвзна ж̇ийвигам̣ габбзми, на д̣̇ууд̇зяяабахин̣аг̇аманаануяог̇ааяа мижчааж̇ийвзна ж̇ийвигам̣ габбзми, на ан̇г̇авиж̇ж̇аад̇иражчаанавиж̇ж̇ааяа мижчааж̇ийвзна ж̇ийвигам̣ габбзми. д̇хаммзна бхигкам̣ бариязсаами; д̇хаммзна бхигкам̣ бариязсид̇ваа бхун̃ж̇аамий’’д̇и.

‘‘So khvāhaṃ, bhagini, na vatthuvijjātiracchānavijjāya micchājīvena jīvikaṃ kappemi, na nakkhattavijjātiracchānavijjāya micchājīvena jīvikaṃ kappemi, na dūteyyapahiṇagamanānuyogāya micchājīvena jīvikaṃ kappemi, na aṅgavijjātiracchānavijjāya micchājīvena jīvikaṃ kappemi. Dhammena bhikkhaṃ pariyesāmi; dhammena bhikkhaṃ pariyesitvā bhuñjāmī’’ti.

ат̇а ко суужимукий бариб̣б̣ааж̇игаа рааж̇аг̇ахз рат̇ияааяа рат̇ияам̣, син̇гхаадагзна син̇гхаадагам̣ убасан̇гамид̇ваа звамаарожзси – ‘‘д̇хаммигам̣ саман̣аа сагяабуд̇д̇ияаа аахаарам̣ аахаарзнд̇и; анаваж̇ж̇ам̣ ¹¹ саман̣аа сагяабуд̇д̇ияаа аахаарам̣ аахаарзнд̇и. д̣̇зт̇а саман̣аанам̣ сагяабуд̇д̇ияаанам̣ бин̣д̣а’’нд̇и. д̣̇асамам̣.

Atha kho sūcimukhī paribbājikā rājagahe rathiyāya rathiyaṃ, siṅghāṭakena siṅghāṭakaṃ upasaṅkamitvā evamārocesi – ‘‘dhammikaṃ samaṇā sakyaputtiyā āhāraṃ āhārenti; anavajjaṃ ¹² samaṇā sakyaputtiyā āhāraṃ āhārenti. Detha samaṇānaṃ sakyaputtiyānaṃ piṇḍa’’nti. Dasamaṃ.

саарибуд̇д̇асам̣яуд̇д̇ам̣ самад̇д̇ам̣.

Sāriputtasaṃyuttaṃ samattaṃ.

д̇ассуд̣̇д̣̇аанам̣ –

Tassuddānaṃ –

вивзгаж̇ам̣ авид̇аггам̣, бийд̇и убзгкаа жад̇уд̇т̇агам̣;

Vivekajaṃ avitakkaṃ, pīti upekkhā catutthakaṃ;

аагаасан̃жзва вин̃н̃аан̣ам̣, аагин̃жам̣ нзвасан̃н̃инаа;

Ākāsañceva viññāṇaṃ, ākiñcaṃ nevasaññinā;

нирод̇хо навамо вуд̇д̇о, д̣̇асамам̣ суужимукий жаад̇и.

Nirodho navamo vutto, dasamaṃ sūcimukhī cāti.

Next: 8. нааг̇асам̣яуд̇д̇ам̣ • 8. Nāgasaṃyuttaṃ

Footnotes:

1. гуд̣д̣амуулам̣ (сий. сяаа. гам̣.), гуд̣д̣ам̣ (бий.)

2. kuḍḍamūlaṃ (sī. syā. kaṃ.), kuḍḍaṃ (pī.)

3. уд̣̇д̇хам̣муко (сий. адта.)

4. uddhaṃmukho (sī. aṭṭha.)

5. саман̣аа ваа б̣раахман̣аа ваа (сий.) ниг̇аманаваагяз бана саб̣б̣ад̇т̇ааби самаасоязва д̣̇иссад̇и

6. ж̇ийвид̇ам̣ (га.)

7. … нуяог̇аа (сий. сяаа. гам̣. бий.), … нуяог̇зна (?)

8. samaṇā vā brāhmaṇā vā (sī.) nigamanavākye pana sabbatthāpi samāsoyeva dissati

9. jīvitaṃ (ka.)

10. … nuyogā (sī. syā. kaṃ. pī.), … nuyogena (?)

11. анаваж̇ж̇зна (га.)

12. anavajjena (ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. сужимукийсуд̇д̇аван̣н̣анаа • 10. Sucimukhīsuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. суужимукийсуд̇д̇аван̣н̣анаа • 10. Sūcimukhīsuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact