| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. सुचिन्तिकत्थेरअपदानं
2. Sucintikattheraapadānaṃ
८.
8.
‘‘तिस्सस्स लोकनाथस्स, सुद्धपीठमदासहं।
‘‘Tissassa lokanāthassa, suddhapīṭhamadāsahaṃ;
हट्ठो हट्ठेन चित्तेन, बुद्धस्सादिच्चबन्धुनो॥
Haṭṭho haṭṭhena cittena, buddhassādiccabandhuno.
९.
9.
भोगो च विपुलो आसि, सयनञ्च अनप्पकं॥
Bhogo ca vipulo āsi, sayanañca anappakaṃ.
१०.
10.
‘‘पीठं बुद्धस्स दत्वान, विप्पसन्नेन चेतसा।
‘‘Pīṭhaṃ buddhassa datvāna, vippasannena cetasā;
अनुभोमि सकं कम्मं, पुब्बे सुकतमत्तनो॥
Anubhomi sakaṃ kammaṃ, pubbe sukatamattano.
११.
11.
‘‘द्वेनवुते इतो कप्पे, यं पीठमददिं तदा।
‘‘Dvenavute ito kappe, yaṃ pīṭhamadadiṃ tadā;
दुग्गतिं नाभिजानामि, पीठदानस्सिदं फलं॥
Duggatiṃ nābhijānāmi, pīṭhadānassidaṃ phalaṃ.
१२.
12.
‘‘अट्ठतिंसे इतो कप्पे, तयो ते चक्कवत्तिनो।
‘‘Aṭṭhatiṃse ito kappe, tayo te cakkavattino;
रुचि उपरुचि चेव, महारुचि ततियको॥
Ruci uparuci ceva, mahāruci tatiyako.
१३.
13.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सुचिन्तिको थेरो इमा गाथायो अभासित्थाति।
Itthaṃ sudaṃ āyasmā sucintiko thero imā gāthāyo abhāsitthāti.
सुचिन्तिकत्थेरस्सापदानं दुतियं।
Sucintikattherassāpadānaṃ dutiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / २. सुचिन्तिकत्थेरअपदानवण्णना • 2. Sucintikattheraapadānavaṇṇanā
