| Library / Tipiṭaka / തിപിടക • Tipiṭaka / അപദാന-അട്ഠകഥാ • Apadāna-aṭṭhakathā |
൨. സുചിന്തികത്ഥേരഅപദാനവണ്ണനാ
2. Sucintikattheraapadānavaṇṇanā
തിസ്സസ്സ ലോകനാഥസ്സാതിആദികം ആയസ്മതോ സുചിന്തികത്ഥേരസ്സ അപദാനം. അയമ്പി പുരിമബുദ്ധേസു കതാധികാരോ അനേകാസു ജാതീസു നിബ്ബാനാധിഗമായ പുഞ്ഞം ഉപചിനിത്വാ തിസ്സസ്സ ഭഗവതോ കാലേ ഏകസ്മിം കുലഗേഹേ നിബ്ബത്തോ വുദ്ധിമന്വായ സത്ഥരി പസീദിത്വാ സത്ഥു നിസീദനത്ഥായ പരിസുദ്ധം സിലിട്ഠം കട്ഠമയമനഗ്ഘപീഠമദാസി. സോ തേന പുഞ്ഞകമ്മേന സുഗതിസുഖമനുഭവിത്വാ തത്ഥ തത്ഥ സംസരന്തോ ഇമസ്മിം ബുദ്ധുപ്പാദേ ഏകസ്മിം കുലഗേഹേ നിബ്ബത്തോ വുദ്ധിമന്വായ സത്ഥരി പസീദിത്വാ പബ്ബജിതോ നചിരസ്സേവ അരഹാ അഹോസി.
Tissassa lokanāthassātiādikaṃ āyasmato sucintikattherassa apadānaṃ. Ayampi purimabuddhesu katādhikāro anekāsu jātīsu nibbānādhigamāya puññaṃ upacinitvā tissassa bhagavato kāle ekasmiṃ kulagehe nibbatto vuddhimanvāya satthari pasīditvā satthu nisīdanatthāya parisuddhaṃ siliṭṭhaṃ kaṭṭhamayamanagghapīṭhamadāsi. So tena puññakammena sugatisukhamanubhavitvā tattha tattha saṃsaranto imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajito nacirasseva arahā ahosi.
൮. സോ പത്തഅരഹത്തഫലോ പുബ്ബകമ്മം സരിത്വാ സോമനസ്സജാതോ പുബ്ബചരിതാപദാനം പകാസേന്തോ തിസ്സസ്സ ലോകനാഥസ്സാതിആദിമാഹ. തം സബ്ബം ഉത്താനത്ഥമേവാതി.
8. So pattaarahattaphalo pubbakammaṃ saritvā somanassajāto pubbacaritāpadānaṃ pakāsento tissassa lokanāthassātiādimāha. Taṃ sabbaṃ uttānatthamevāti.
സുചിന്തികത്ഥേരഅപദാനവണ്ണനാ സമത്താ.
Sucintikattheraapadānavaṇṇanā samattā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / ഖുദ്ദകനികായ • Khuddakanikāya / അപദാനപാളി • Apadānapāḷi / ൨. സുചിന്തികത്ഥേരഅപദാനം • 2. Sucintikattheraapadānaṃ
