| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. सुचिन्तितत्थेरअपदानं
6. Sucintitattheraapadānaṃ
३६.
36.
‘‘गिरिदुग्गचरो आसिं, अभिजातोव केसरी।
‘‘Giriduggacaro āsiṃ, abhijātova kesarī;
मिगसङ्घं वधित्वान, जीवामि पब्बतन्तरे॥
Migasaṅghaṃ vadhitvāna, jīvāmi pabbatantare.
३७.
37.
‘‘अत्थदस्सी तु भगवा, सब्बञ्ञू वदतं वरो।
‘‘Atthadassī tu bhagavā, sabbaññū vadataṃ varo;
ममुद्धरितुकामो सो, आगच्छि पब्बतुत्तमं॥
Mamuddharitukāmo so, āgacchi pabbatuttamaṃ.
३८.
38.
‘‘पसदञ्च मिगं हन्त्वा, भक्खितुं समुपागमिं।
‘‘Pasadañca migaṃ hantvā, bhakkhituṃ samupāgamiṃ;
३९.
39.
‘‘वरमंसानि पग्गय्ह, अदासिं तस्स सत्थुनो।
‘‘Varamaṃsāni paggayha, adāsiṃ tassa satthuno;
अनुमोदि महावीरो, निब्बापेन्तो ममं तदा॥
Anumodi mahāvīro, nibbāpento mamaṃ tadā.
४०.
40.
‘‘तेन चित्तप्पसादेन, गिरिदुग्गं पविसिं अहं।
‘‘Tena cittappasādena, giriduggaṃ pavisiṃ ahaṃ;
पीतिं उप्पादयित्वान, तत्थ कालङ्कतो अहं॥
Pītiṃ uppādayitvāna, tattha kālaṅkato ahaṃ.
४१.
41.
‘‘एतेन मंसदानेन, चित्तस्स पणिधीहि च।
‘‘Etena maṃsadānena, cittassa paṇidhīhi ca;
पन्नरसे कप्पसते, देवलोके रमिं अहं॥
Pannarase kappasate, devaloke ramiṃ ahaṃ.
४२.
42.
तेनेव मंसदानेन, बुद्धानुस्सरणेन च॥
Teneva maṃsadānena, buddhānussaraṇena ca.
४३.
43.
‘‘अट्ठत्तिंसम्हि कप्पम्हि, अट्ठ दीघायुनामका।
‘‘Aṭṭhattiṃsamhi kappamhi, aṭṭha dīghāyunāmakā;
४४.
44.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सुचिन्तितो थेरो इमा गाथायो अभासित्थाति।
Itthaṃ sudaṃ āyasmā sucintito thero imā gāthāyo abhāsitthāti.
सुचिन्तितत्थेरस्सापदानं छट्ठं।
Sucintitattherassāpadānaṃ chaṭṭhaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ६. सुचिन्तितत्थेरअपदानवण्णना • 6. Sucintitattheraapadānavaṇṇanā
