| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
2. суд̣̇д̇хагаал̣агасигкаабад̣̇ам̣
2. Suddhakāḷakasikkhāpadaṃ
547. д̇зна самаязна б̣уд̣̇д̇хо бхаг̇аваа взсаалияам̣ вихарад̇и махааванз гуудааг̇аарасаалааяам̣. д̇зна ко бана самаязна чаб̣б̣аг̇г̇ияаа бхигкуу суд̣̇д̇хагаал̣агаанам̣ зл̣агаломаанам̣ сант̇ад̇ам̣ гаараабзнд̇и. мануссаа вихааражааригам̣ аахин̣д̣анд̇аа бассид̇ваа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа суд̣̇д̇хагаал̣агаанам̣ зл̣агаломаанам̣ сант̇ад̇ам̣ гаараабзссанд̇и, сзяяат̇ааби г̇ихий гаамабхог̇ино’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу суд̣̇д̇хагаал̣агаанам̣ зл̣агаломаанам̣ сант̇ад̇ам̣ гаараабзссанд̇ий’’д̇и! ат̇а ко д̇з бхигкуу чаб̣б̣аг̇г̇ияз бхигкуу анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇умхз, бхигкавз, суд̣̇д̇хагаал̣агаанам̣ зл̣агаломаанам̣ сант̇ад̇ам̣ гаараабзт̇аа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, суд̣̇д̇хагаал̣агаанам̣ зл̣агаломаанам̣ сант̇ад̇ам̣ гаараабзссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
547. Tena samayena buddho bhagavā vesāliyaṃ viharati mahāvane kūṭāgārasālāyaṃ. Tena kho pana samayena chabbaggiyā bhikkhū suddhakāḷakānaṃ eḷakalomānaṃ santhataṃ kārāpenti. Manussā vihāracārikaṃ āhiṇḍantā passitvā ujjhāyanti khiyyanti vipācenti – ‘‘kathañhi nāma samaṇā sakyaputtiyā suddhakāḷakānaṃ eḷakalomānaṃ santhataṃ kārāpessanti, seyyathāpi gihī kāmabhogino’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū suddhakāḷakānaṃ eḷakalomānaṃ santhataṃ kārāpessantī’’ti! Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, suddhakāḷakānaṃ eḷakalomānaṃ santhataṃ kārāpethā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, suddhakāḷakānaṃ eḷakalomānaṃ santhataṃ kārāpessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
548. ‘‘яо бана бхигку суд̣̇д̇хагаал̣агаанам̣ зл̣агаломаанам̣ сант̇ад̇ам̣ гаараабзяяа, ниссаг̇г̇ияам̣ баажид̇д̇ияа’’нд̇и.
548.‘‘Yo pana bhikkhu suddhakāḷakānaṃ eḷakalomānaṃ santhataṃ kārāpeyya, nissaggiyaṃ pācittiya’’nti.
549. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
549.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
гаал̣агам̣ наама д̣̇вз гаал̣агаани – ж̇аад̇ияаа гаал̣агам̣ ваа раж̇анагаал̣агам̣ ваа.
Kāḷakaṃ nāma dve kāḷakāni – jātiyā kāḷakaṃ vā rajanakāḷakaṃ vā.
сант̇ад̇ам̣ наама сант̇арид̇ваа гад̇ам̣ ход̇и авааяимам̣.
Santhataṃ nāma santharitvā kataṃ hoti avāyimaṃ.
гаараабзяяаад̇и гарод̇и ваа гаараабзд̇и ваа, баяог̇з д̣̇уггадам̣. бадилаабхзна ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣ …бз… ид̣̇ам̣ мз, бханд̇з, суд̣̇д̇хагаал̣агаанам̣ зл̣агаломаанам̣ сант̇ад̇ам̣ гаараабид̇ам̣ ниссаг̇г̇ияам̣. имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Kārāpeyyāti karoti vā kārāpeti vā, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ …pe… idaṃ me, bhante, suddhakāḷakānaṃ eḷakalomānaṃ santhataṃ kārāpitaṃ nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
550. ад̇д̇анаа виббагад̇ам̣ ад̇д̇анаа барияосаабзд̇и, ниссаг̇г̇ияам̣ баажид̇д̇ияам̣. ад̇д̇анаа виббагад̇ам̣ барзхи барияосаабзд̇и, ниссаг̇г̇ияам̣ баажид̇д̇ияам̣. барзхи виббагад̇ам̣ ад̇д̇анаа барияосаабзд̇и, ниссаг̇г̇ияам̣ баажид̇д̇ияам̣. барзхи виббагад̇ам̣ барзхи барияосаабзд̇и, ниссаг̇г̇ияам̣ баажид̇д̇ияам̣.
550. Attanā vippakataṃ attanā pariyosāpeti, nissaggiyaṃ pācittiyaṃ. Attanā vippakataṃ parehi pariyosāpeti, nissaggiyaṃ pācittiyaṃ. Parehi vippakataṃ attanā pariyosāpeti, nissaggiyaṃ pācittiyaṃ. Parehi vippakataṃ parehi pariyosāpeti, nissaggiyaṃ pācittiyaṃ.
ан̃н̃ассад̇т̇ааяа гарод̇и ваа гаараабзд̇и ваа, аабад̇д̇и д̣̇уггадасса. ан̃н̃зна гад̇ам̣ бадилабхид̇ваа барибхун̃ж̇ад̇и, аабад̇д̇и д̣̇уггадасса.
Aññassatthāya karoti vā kārāpeti vā, āpatti dukkaṭassa. Aññena kataṃ paṭilabhitvā paribhuñjati, āpatti dukkaṭassa.
551. анаабад̇д̇и вид̇аанам̣ ваа бхуумад̇т̇аран̣ам̣ ваа саан̣ибаагаарам̣ ваа бхисим̣ ваа б̣иб̣б̣оханам̣ ваа гарод̇и, уммад̇д̇агасса, аад̣̇игаммигассаад̇и.
551. Anāpatti vitānaṃ vā bhūmattharaṇaṃ vā sāṇipākāraṃ vā bhisiṃ vā bibbohanaṃ vā karoti, ummattakassa, ādikammikassāti.
суд̣̇д̇хагаал̣агасигкаабад̣̇ам̣ нидтид̇ам̣ д̣̇уд̇ияам̣.
Suddhakāḷakasikkhāpadaṃ niṭṭhitaṃ dutiyaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. суд̣̇д̇хагаал̣агасигкаабад̣̇аван̣н̣анаа • 2. Suddhakāḷakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. госияасигкаабад̣̇аван̣н̣анаа • 1. Kosiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 2. суд̣̇д̇хагаал̣агасигкаабад̣̇аван̣н̣анаа • 2. Suddhakāḷakasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. госияасигкаабад̣̇аван̣н̣анаа • 1. Kosiyasikkhāpadavaṇṇanā
