| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಅಭಿನವ-ಟೀಕಾ • Kaṅkhāvitaraṇī-abhinava-ṭīkā |
೨. ಸುದ್ಧಕಾಳಕಸಿಕ್ಖಾಪದವಣ್ಣನಾ
2. Suddhakāḷakasikkhāpadavaṇṇanā
ಕಾಳಕಾನನ್ತಿ ಸಭಾವೇನ ವಾ ರಜನೇನ ವಾ ಕಾಳಕಾನಂ। ಯಥಾಹ ‘‘ಕಾಳಕಂ ನಾಮ ದ್ವೇ ಕಾಳಕಾನಿ ಜಾತಿಯಾ ಕಾಳಕಂ ವಾ ರಜನಕಾಳಕಂ ವಾ’’ತಿ। ಅಞ್ಞೇಹಿ ಅಮಿಸ್ಸಿತಾನನ್ತಿ ಅಞ್ಞೇಹಿ ಅಮಿಸ್ಸಿತಕಾಳಕಾನನ್ತಿ ಅತ್ಥೋ। ‘‘ಯಥಾ ಪಠಮೇ ‘ಏಕೇನಾಪಿ ಕೋಸಿಯಂಸುನಾ’ತಿ (ಕಙ್ಖಾ॰ ಅಟ್ಠ॰ ಕೋಸಿಯಸಿಕ್ಖಾಪದವಣ್ಣನಾ) ವುತ್ತಂ, ತಥಾ ಇಧಾಪಿ ‘ಏಕೇನಾಪಿ ಅಞ್ಞೇನ ಅಮಿಸ್ಸೇತ್ವಾ’ತಿ ಅವುತ್ತತ್ತಾ ಅಞ್ಞೇನ ಪನ ಮಿಸ್ಸಕಭೋಗೇಪಿ ಅಪಞ್ಞಾಯಮಾನರೂಪಕಂ ಚೇ ‘ಸುದ್ಧಕಾಳಕ’ಮಿಚ್ಚೇವ ವುಚ್ಚತೀ’’ತಿ (ವಜಿರ॰ ಟೀ॰ ಪಾರಾಜಿಕ ೫೪೭) ವದನ್ತಿ।
Kāḷakānanti sabhāvena vā rajanena vā kāḷakānaṃ. Yathāha ‘‘kāḷakaṃ nāma dve kāḷakāni jātiyā kāḷakaṃ vā rajanakāḷakaṃ vā’’ti. Aññehi amissitānanti aññehi amissitakāḷakānanti attho. ‘‘Yathā paṭhame ‘ekenāpi kosiyaṃsunā’ti (kaṅkhā. aṭṭha. kosiyasikkhāpadavaṇṇanā) vuttaṃ, tathā idhāpi ‘ekenāpi aññena amissetvā’ti avuttattā aññena pana missakabhogepi apaññāyamānarūpakaṃ ce ‘suddhakāḷaka’micceva vuccatī’’ti (vajira. ṭī. pārājika 547) vadanti.
ಏತ್ಥ ಚ ‘‘ಇದಂ ಮೇ, ಭನ್ತೇ, ಸುದ್ಧಕಾಳಕಾನಂ ಏಳಕಲೋಮಾನಂ ಸನ್ಥತ’’ನ್ತಿಆದಿನಾ (ಪಾರಾ॰ ೫೪೯) ನಿಸ್ಸಜ್ಜನವಿಧಾನಂ ವೇದಿತಬ್ಬಂ। ಸೇಸನ್ತಿ ಪುಬ್ಬಪಯೋಗದುಕ್ಕಟಚತುಕ್ಕಪಾಚಿತ್ತಿಯಾದಿಕಂ। ಅಙ್ಗೇಸು ಪನ ‘‘ಸುದ್ಧಕಾಳಕಭಾವೋ’’ತಿ ಅಯಂ ವಿಸೇಸೋ।
Ettha ca ‘‘idaṃ me, bhante, suddhakāḷakānaṃ eḷakalomānaṃ santhata’’ntiādinā (pārā. 549) nissajjanavidhānaṃ veditabbaṃ. Sesanti pubbapayogadukkaṭacatukkapācittiyādikaṃ. Aṅgesu pana ‘‘suddhakāḷakabhāvo’’ti ayaṃ viseso.
ಸುದ್ಧಕಾಳಕಸಿಕ್ಖಾಪದವಣ್ಣನಾ ನಿಟ್ಠಿತಾ।
Suddhakāḷakasikkhāpadavaṇṇanā niṭṭhitā.
