| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༧. སུདྡྷིཀསུཏྟཝཎྞནཱ
7. Suddhikasuttavaṇṇanā
༡༩༣. སུདྡྷིཀཔཉྷསྶཱཏི ‘‘ནཱབྲཱཧྨཎོ སུཛ྄ཛྷཏཱི’’ཏི ཨེཝཾ སུདྡྷསནྣིསྶིཏསྶ པཉྷསྶ། སཱིལསམྤནྣོཏི པཉྩཝིདྷནིཡམལཀྑཎེན སཱིལེན སམནྣཱགཏོ། ཏཔོཀམྨནྟི ཨནསནཔཉྩཱཏཔཏཔྤནཱདིཔརིབྷེདནཏཔོཀམྨཾ ཀརོནྟོཔི། ཝིཛྫཱཏི ཏཡོ ཝེདཱཏི ཝདནྟི ‘‘ཏཱཡ ཨིདྷལོཀཏྠཾ པརལོཀཏྠཾ ཉཱཡནྟཱི’’ཏི ཀཏྭཱ། གོཏྟཙརཎནྟི གོཏྟསངྑཱཏཾ ཙརཎཾ། བྲཱཧྨཎོ སུཛ྄ཛྷཏི ཛེཊྛཛཱཏིཀཏྟཱ། ཏཐཱ ཧི སོ ཨེཝ ཏཔཾ ཨཱཙརིཏུཾ ལབྷཏི, ན ཨིཏརོ། ཨཉྙཱ ལཱམིཀཱ པཛཱཏི ཨིཏརཝཎྞཾ ཝདཏི། ཝཙནསཧསྶམྤཱིཏི གཱཐཱནེཀསཧསྶམྤི། ཨནྟོ ཀིལེསེཧི པཱུཏིཀོ སབྷཱཝེན པཱུཏིཀོ། ཀིལིཊྛེཧི ཀཱཡཀམྨཱདཱིཧི ཀཱཡདུཙྩརིཏཱདཱིཧི།
193.Suddhikapañhassāti ‘‘nābrāhmaṇo sujjhatī’’ti evaṃ suddhasannissitassa pañhassa. Sīlasampannoti pañcavidhaniyamalakkhaṇena sīlena samannāgato. Tapokammanti anasanapañcātapatappanādiparibhedanatapokammaṃ karontopi. Vijjāti tayo vedāti vadanti ‘‘tāya idhalokatthaṃ paralokatthaṃ ñāyantī’’ti katvā. Gottacaraṇanti gottasaṅkhātaṃ caraṇaṃ. Brāhmaṇo sujjhati jeṭṭhajātikattā. Tathā hi so eva tapaṃ ācarituṃ labhati, na itaro. Aññā lāmikā pajāti itaravaṇṇaṃ vadati. Vacanasahassampīti gāthānekasahassampi. Anto kilesehi pūtiko sabhāvena pūtiko. Kiliṭṭhehi kāyakammādīhi kāyaduccaritādīhi.
སུདྡྷིཀསུཏྟཝཎྞནཱ ནིཊྛིཏཱ།
Suddhikasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༧. སུདྡྷིཀསུཏྟཾ • 7. Suddhikasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༧. སུདྡྷིཀསུཏྟཝཎྞནཱ • 7. Suddhikasuttavaṇṇanā
