| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൭. സുദ്ധികസുത്തവണ്ണനാ
7. Suddhikasuttavaṇṇanā
൧൯൩. സത്തമേ സുദ്ധികഭാരദ്വാജോതി അയമ്പി ഭാരദ്വാജോവ, സുദ്ധികപഞ്ഹസ്സ പന പുച്ഛിതത്താ സങ്ഗീതികാരേഹി ഏവം വുത്തോ. സീലവാപി തപോകരന്തി സീലസമ്പന്നോപി തപോകമ്മം കരോന്തോ. വിജ്ജാചരണസമ്പന്നോതി ഏത്ഥ വിജ്ജാതി തയോ വേദാ. ചരണന്തി ഗോത്തചരണം. സോ സുജ്ഝതി ന അഞ്ഞാ ഇതരാ പജാതി സോ തേവിജ്ജോ ബ്രാഹ്മണോ സുജ്ഝതി, അയം പന അഞ്ഞാ നാമികാ പജാ ന സുജ്ഝതീതി വദതി. ബഹുമ്പി പലപം ജപ്പന്തി ബഹുമ്പി പലപം ജപ്പന്തോ, ‘‘ബ്രാഹ്മണോവ സുജ്ഝതീ’’തി ഏവം വചനസഹസ്സമ്പി ഭണന്തോതി അത്ഥോ. അന്തോകസമ്ബൂതി അന്തോ കിലേസപൂതിസഭാവേന പൂതികോ. സംകിലിട്ഠോതി കിലിട്ഠേഹി കായകമ്മാദീഹി സമന്നാഗതോ. സത്തമം.
193. Sattame suddhikabhāradvājoti ayampi bhāradvājova, suddhikapañhassa pana pucchitattā saṅgītikārehi evaṃ vutto. Sīlavāpi tapokaranti sīlasampannopi tapokammaṃ karonto. Vijjācaraṇasampannoti ettha vijjāti tayo vedā. Caraṇanti gottacaraṇaṃ. So sujjhati na aññā itarā pajāti so tevijjo brāhmaṇo sujjhati, ayaṃ pana aññā nāmikā pajā na sujjhatīti vadati. Bahumpi palapaṃ jappanti bahumpi palapaṃ jappanto, ‘‘brāhmaṇova sujjhatī’’ti evaṃ vacanasahassampi bhaṇantoti attho. Antokasambūti anto kilesapūtisabhāvena pūtiko. Saṃkiliṭṭhoti kiliṭṭhehi kāyakammādīhi samannāgato. Sattamaṃ.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൭. സുദ്ധികസുത്തം • 7. Suddhikasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൭. സുദ്ധികസുത്തവണ്ണനാ • 7. Suddhikasuttavaṇṇanā
