| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಸುಧಾವಗ್ಗೋ
10. Sudhāvaggo
೧. ಸುಧಾಪಿಣ್ಡಿಯತ್ಥೇರಅಪದಾನಂ
1. Sudhāpiṇḍiyattheraapadānaṃ
೧.
1.
‘‘ಪೂಜಾರಹೇ ಪೂಜಯತೋ, ಬುದ್ಧೇ ಯದಿ ವ ಸಾವಕೇ।
‘‘Pūjārahe pūjayato, buddhe yadi va sāvake;
ಪಪಞ್ಚಸಮತಿಕ್ಕನ್ತೇ, ತಿಣ್ಣಸೋಕಪರಿದ್ದವೇ॥
Papañcasamatikkante, tiṇṇasokapariddave.
೨.
2.
‘‘ತೇ ತಾದಿಸೇ ಪೂಜಯತೋ, ನಿಬ್ಬುತೇ ಅಕುತೋಭಯೇ।
‘‘Te tādise pūjayato, nibbute akutobhaye;
೩.
3.
‘‘ಚತುನ್ನಮಪಿ ದೀಪಾನಂ, ಇಸ್ಸರಂ ಯೋಧ ಕಾರಯೇ।
‘‘Catunnamapi dīpānaṃ, issaraṃ yodha kāraye;
ಏಕಿಸ್ಸಾ ಪೂಜನಾಯೇತಂ, ಕಲಂ ನಾಗ್ಘತಿ ಸೋಳಸಿಂ॥
Ekissā pūjanāyetaṃ, kalaṃ nāgghati soḷasiṃ.
೪.
4.
‘‘ಸಿದ್ಧತ್ಥಸ್ಸ ನರಗ್ಗಸ್ಸ, ಚೇತಿಯೇ ಫಲಿತನ್ತರೇ।
‘‘Siddhatthassa naraggassa, cetiye phalitantare;
ಸುಧಾಪಿಣ್ಡೋ ಮಯಾ ದಿನ್ನೋ, ವಿಪ್ಪಸನ್ನೇನ ಚೇತಸಾ॥
Sudhāpiṇḍo mayā dinno, vippasannena cetasā.
೫.
5.
‘‘ಚತುನ್ನವುತಿತೋ ಕಪ್ಪೇ, ಯಂ ಕಮ್ಮಮಕರಿಂ ತದಾ।
‘‘Catunnavutito kappe, yaṃ kammamakariṃ tadā;
ದುಗ್ಗತಿಂ ನಾಭಿಜಾನಾಮಿ, ಪಟಿಸಙ್ಖಾರಸ್ಸಿದಂ ಫಲಂ॥
Duggatiṃ nābhijānāmi, paṭisaṅkhārassidaṃ phalaṃ.
೬.
6.
‘‘ಇತೋ ತಿಂಸತಿಕಪ್ಪಮ್ಹಿ, ಪಟಿಸಙ್ಖಾರಸವ್ಹಯಾ।
‘‘Ito tiṃsatikappamhi, paṭisaṅkhārasavhayā;
ಸತ್ತರತನಸಮ್ಪನ್ನಾ, ತೇರಸ ಚಕ್ಕವತ್ತಿನೋ॥
Sattaratanasampannā, terasa cakkavattino.
೭.
7.
‘‘ಪಟಿಸಮ್ಭಿದಾ ಚತಸ್ಸೋ, ವಿಮೋಕ್ಖಾಪಿ ಚ ಅಟ್ಠಿಮೇ।
‘‘Paṭisambhidā catasso, vimokkhāpi ca aṭṭhime;
ಛಳಭಿಞ್ಞಾ ಸಚ್ಛಿಕತಾ, ಕತಂ ಬುದ್ಧಸ್ಸ ಸಾಸನಂ’’॥
Chaḷabhiññā sacchikatā, kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಸುಧಾಪಿಣ್ಡಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā sudhāpiṇḍiyo thero imā gāthāyo abhāsitthāti.
ಸುಧಾಪಿಣ್ಡಿಯತ್ಥೇರಸ್ಸಾಪದಾನಂ ಪಠಮಂ।
Sudhāpiṇḍiyattherassāpadānaṃ paṭhamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧. ಸುಧಾಪಿಣ್ಡಿಯತ್ಥೇರಅಪದಾನವಣ್ಣನಾ • 1. Sudhāpiṇḍiyattheraapadānavaṇṇanā
