| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਸੁਧਾવਗ੍ਗੋ
10. Sudhāvaggo
੧. ਸੁਧਾਪਿਣ੍ਡਿਯਤ੍ਥੇਰਅਪਦਾਨવਣ੍ਣਨਾ
1. Sudhāpiṇḍiyattheraapadānavaṇṇanā
ਪੂਜਾਰਹੇ ਪੂਜਯਤੋਤਿਆਦਿਕਂ ਆਯਸ੍ਮਤੋ ਸੁਧਾਪਿਣ੍ਡਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋ ਕਾਲੇ ਭਗવਤਿ ਧਰਮਾਨੇ ਪੁਞ੍ਞਂ ਕਾਤੁਮਸਕ੍ਕੋਨ੍ਤੋ ਪਰਿਨਿਬ੍ਬੁਤੇ ਭਗવਤਿ ਤਸ੍ਸ ਧਾਤੁਂ ਨਿਦਹਿਤ੍વਾ ਚੇਤਿਯੇ ਕਰੀਯਮਾਨੇ ਸੁਧਾਪਿਣ੍ਡਮਦਾਸਿ। ਸੋ ਤੇਨ ਪੁਞ੍ਞੇਨ ਚਤੁਨ੍ਨવੁਤਿਕਪ੍ਪਤੋ ਪਟ੍ਠਾਯ ਏਤ੍ਥਨ੍ਤਰੇ ਚਤੁਰਾਪਾਯਮਦਿਸ੍વਾ ਦੇવਮਨੁਸ੍ਸਸਮ੍ਪਤ੍ਤਿਯੋ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Pūjārahepūjayatotiādikaṃ āyasmato sudhāpiṇḍiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle bhagavati dharamāne puññaṃ kātumasakkonto parinibbute bhagavati tassa dhātuṃ nidahitvā cetiye karīyamāne sudhāpiṇḍamadāsi. So tena puññena catunnavutikappato paṭṭhāya etthantare caturāpāyamadisvā devamanussasampattiyo anubhavitvā imasmiṃ buddhuppāde ekasmiṃ kulagehe nibbatto viññutaṃ patvā satthari pasīditvā pabbajito nacirasseva arahā ahosi.
੧-੨. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਅਤ੍ਤਨੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪੂਜਾਰਹੇਤਿਆਦਿਮਾਹ। ਤਤ੍ਥ ਪੂਜਾਰਹਾ ਨਾਮ ਬੁਦ੍ਧਪਚ੍ਚੇਕਬੁਦ੍ਧਅਰਿਯਸਾવਕਾਚਰਿਯੁਪਜ੍ਝਾਯਮਾਤਾਪਿਤੁਗਰੁਆਦਯੋ, ਤੇਸੁ ਪੂਜਾਰਹੇਸੁ ਮਾਲਾਦਿਪਦੁਮવਤ੍ਥਾਭਰਣਚਤੁਪਚ੍ਚਯਾਦੀਹਿ ਪੂਜਯਤੋ ਪੂਜਯਨ੍ਤਸ੍ਸ ਪੁਗ੍ਗਲਸ੍ਸ ਪੁਞ੍ਞਕੋਟ੍ਠਾਸਂ ਸਹਸ੍ਸਸਤਸਹਸ੍ਸਾਦਿવਸੇਨ ਸਙ੍ਖ੍ਯਂ ਕਾਤੁਂ ਕੇਨਚਿ ਮਹਾਨੁਭਾવੇਨਾਪਿ ਨ ਸਕ੍ਕਾਤਿ ਅਤ੍ਥੋ। ਨ ਕੇવਲਮੇવ ਧਰਮਾਨੇ ਬੁਦ੍ਧਾਦਯੋ ਪੂਜਯਤੋ, ਪਰਿਨਿਬ੍ਬੁਤਸ੍ਸਾਪਿ ਭਗવਤੋ ਚੇਤਿਯਪਟਿਮਾਬੋਧਿਆਦੀਸੁਪਿ ਏਸੇવ ਨਯੋ।
1-2. So aparabhāge attano pubbakammaṃ saritvā somanassajāto attano pubbacaritāpadānaṃ pakāsento pūjārahetiādimāha. Tattha pūjārahā nāma buddhapaccekabuddhaariyasāvakācariyupajjhāyamātāpitugaruādayo, tesu pūjārahesu mālādipadumavatthābharaṇacatupaccayādīhi pūjayato pūjayantassa puggalassa puññakoṭṭhāsaṃ sahassasatasahassādivasena saṅkhyaṃ kātuṃ kenaci mahānubhāvenāpi na sakkāti attho. Na kevalameva dharamāne buddhādayo pūjayato, parinibbutassāpi bhagavato cetiyapaṭimābodhiādīsupi eseva nayo.
੩. ਤਂ ਦੀਪੇਤੁਂ ਚਤੁਨ੍ਨਮਪਿ ਦੀਪਾਨਨ੍ਤਿਆਦਿਮਾਹ। ਤਤ੍ਥ ਚਤੁਨ੍ਨਮਪਿ ਦੀਪਾਨਨ੍ਤਿ ਜਮ੍ਬੁਦੀਪਅਪਰਗੋਯਾਨਉਤ੍ਤਰਕੁਰੁਪੁਬ੍ਬવਿਦੇਹਸਙ੍ਖਾਤਾਨਂ ਚਤੁਨ੍ਨਂ ਦੀਪਾਨਂ ਤਦਨੁਗਤਾਨਂ ਦ੍વਿਸਹਸ੍ਸਪਰਿਤ੍ਤਦੀਪਾਨਞ੍ਚ ਏਕਤੋ ਕਤ੍વਾ ਸਕਲਚਕ੍ਕવਾਲ਼ਗਬ੍ਭੇ ਇਸ੍ਸਰਂ ਚਕ੍ਕવਤ੍ਤਿਰਜ੍ਜਂ ਕਰੇਯ੍ਯਾਤਿ ਅਤ੍ਥੋ। ਏਕਿਸ੍ਸਾ ਪੂਜਨਾਯੇਤਨ੍ਤਿ ਧਾਤੁਗਬ੍ਭੇ ਚੇਤਿਯੇ ਕਤਾਯ ਏਕਿਸ੍ਸਾ ਪੂਜਾਯ ਏਤਂ ਸਕਲਜਮ੍ਬੁਦੀਪੇ ਸਤ੍ਤਰਤਨਾਦਿਕਂ ਸਕਲਂ ਧਨਂ। ਕਲਂ ਨਾਗ੍ਘਤਿ ਸੋਲ਼ਸਿਨ੍ਤਿ ਚੇਤਿਯੇ ਕਤਪੂਜਾਯ ਸੋਲ਼ਸਕ੍ਖਤ੍ਤੁਂ વਿਭਤ੍ਤਸ੍ਸ ਸੋਲ਼ਸਮਕੋਟ੍ਠਾਸਸ੍ਸ ਨ ਅਗ੍ਘਤੀਤਿ ਅਤ੍ਥੋ।
3. Taṃ dīpetuṃ catunnamapi dīpānantiādimāha. Tattha catunnamapi dīpānanti jambudīpaaparagoyānauttarakurupubbavidehasaṅkhātānaṃ catunnaṃ dīpānaṃ tadanugatānaṃ dvisahassaparittadīpānañca ekato katvā sakalacakkavāḷagabbhe issaraṃ cakkavattirajjaṃ kareyyāti attho. Ekissā pūjanāyetanti dhātugabbhe cetiye katāya ekissā pūjāya etaṃ sakalajambudīpe sattaratanādikaṃ sakalaṃ dhanaṃ. Kalaṃ nāgghati soḷasinti cetiye katapūjāya soḷasakkhattuṃ vibhattassa soḷasamakoṭṭhāsassa na agghatīti attho.
੪. ਸਿਦ੍ਧਤ੍ਥਸ੍ਸ…ਪੇ॰… ਫਲਿਤਨ੍ਤਰੇਤਿ ਨਰਾਨਂ ਅਗ੍ਗਸ੍ਸ ਸੇਟ੍ਠਸ੍ਸ ਸਿਦ੍ਧਤ੍ਥਸ੍ਸ ਭਗવਤੋ ਚੇਤਿਯੇ ਧਾਤੁਗਬ੍ਭਮ੍ਹਿ ਸੁਧਾਕਮ੍ਮੇ ਕਰੀਯਮਾਨੇ ਪਰਿਚ੍ਛੇਦਾਨਂ ਉਭਿਨ੍ਨਮਨ੍ਤਰੇ વੇਮਜ੍ਝੇ, ਅਥ વਾ ਪੁਪ੍ਫਦਾਨਟ੍ਠਾਨਾਨਂ ਅਨ੍ਤਰੇ ਫਲਨ੍ਤਿਯਾ ਮਯਾ ਸੁਧਾਪਿਣ੍ਡੋ ਦਿਨ੍ਨੋ ਮਕ੍ਖਿਤੋਤਿ ਸਮ੍ਬਨ੍ਧੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
4.Siddhatthassa…pe…phalitantareti narānaṃ aggassa seṭṭhassa siddhatthassa bhagavato cetiye dhātugabbhamhi sudhākamme karīyamāne paricchedānaṃ ubhinnamantare vemajjhe, atha vā pupphadānaṭṭhānānaṃ antare phalantiyā mayā sudhāpiṇḍo dinno makkhitoti sambandho. Sesaṃ sabbattha uttānamevāti.
ਸੁਧਾਪਿਣ੍ਡਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Sudhāpiṇḍiyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧. ਸੁਧਾਪਿਣ੍ਡਿਯਤ੍ਥੇਰਅਪਦਾਨਂ • 1. Sudhāpiṇḍiyattheraapadānaṃ
