| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૧૦. સુગતવિનયસુત્તવણ્ણના
10. Sugatavinayasuttavaṇṇanā
૧૬૦. દસમે દુગ્ગહિતન્તિ ઉપ્પટિપાટિયા ગહિતં. પરિયાપુણન્તીતિ વળઞ્જેન્તિ કથેન્તિ. પદબ્યઞ્જનેહીતિ એત્થ પદમેવ અત્થસ્સ બ્યઞ્જનતો બ્યઞ્જનન્તિ વુત્તં. દુન્નિક્ખિત્તસ્સાતિ દુટ્ઠુ નિક્ખિત્તસ્સ ઉપ્પટિપાટિયા ઠપિતસ્સ. અત્થોપિ દુન્નયો હોતીતિ અટ્ઠકથા નીહરિત્વા કથેતું ન સક્કા હોતિ. છિન્નમૂલકોતિ મૂલભૂતાનં ભિક્ખૂનં ઉપચ્છિન્નત્તા છિન્નમૂલકો. અપ્પટિસરણોતિ અપ્પતિટ્ઠો. બાહુલિકાતિ પચ્ચયબાહુલ્લાય પટિપન્ના. સાથલિકાતિ તિસ્સો સિક્ખા સિથિલગ્ગહણેન ગણ્હનકા. ઓક્કમને પુબ્બઙ્ગમાતિ પઞ્ચ નીવરણાનિ અવગમનતો ઓક્કમનન્તિ વુચ્ચન્તિ, તત્થ પુબ્બઙ્ગમાતિ અત્થો. પવિવેકેતિ તિવિધે વિવેકે. નિક્ખિત્તધુરાતિ નિબ્બીરિયા. ઇમિના નયેન પન સબ્બત્થ અત્થો વેદિતબ્બો.
160. Dasame duggahitanti uppaṭipāṭiyā gahitaṃ. Pariyāpuṇantīti vaḷañjenti kathenti. Padabyañjanehīti ettha padameva atthassa byañjanato byañjananti vuttaṃ. Dunnikkhittassāti duṭṭhu nikkhittassa uppaṭipāṭiyā ṭhapitassa. Atthopi dunnayo hotīti aṭṭhakathā nīharitvā kathetuṃ na sakkā hoti. Chinnamūlakoti mūlabhūtānaṃ bhikkhūnaṃ upacchinnattā chinnamūlako. Appaṭisaraṇoti appatiṭṭho. Bāhulikāti paccayabāhullāya paṭipannā. Sāthalikāti tisso sikkhā sithilaggahaṇena gaṇhanakā. Okkamanepubbaṅgamāti pañca nīvaraṇāni avagamanato okkamananti vuccanti, tattha pubbaṅgamāti attho. Paviveketi tividhe viveke. Nikkhittadhurāti nibbīriyā. Iminā nayena pana sabbattha attho veditabbo.
ઇન્દ્રિયવગ્ગો પઠમો.
Indriyavaggo paṭhamo.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧૦. સુગતવિનયસુત્તં • 10. Sugatavinayasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧૦. સુગતવિનયસુત્તવણ્ણના • 10. Sugatavinayasuttavaṇṇanā
