| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൧൦. സുഗതവിനയസുത്തവണ്ണനാ
10. Sugatavinayasuttavaṇṇanā
൧൬൦. ദസമേ ദുഗ്ഗഹിതന്തി ഉപ്പടിപാടിയാ ഗഹിതം. പരിയാപുണന്തീതി വളഞ്ജേന്തി കഥേന്തി. പദബ്യഞ്ജനേഹീതി ഏത്ഥ പദമേവ അത്ഥസ്സ ബ്യഞ്ജനതോ ബ്യഞ്ജനന്തി വുത്തം. ദുന്നിക്ഖിത്തസ്സാതി ദുട്ഠു നിക്ഖിത്തസ്സ ഉപ്പടിപാടിയാ ഠപിതസ്സ. അത്ഥോപി ദുന്നയോ ഹോതീതി അട്ഠകഥാ നീഹരിത്വാ കഥേതും ന സക്കാ ഹോതി. ഛിന്നമൂലകോതി മൂലഭൂതാനം ഭിക്ഖൂനം ഉപച്ഛിന്നത്താ ഛിന്നമൂലകോ. അപ്പടിസരണോതി അപ്പതിട്ഠോ. ബാഹുലികാതി പച്ചയബാഹുല്ലായ പടിപന്നാ. സാഥലികാതി തിസ്സോ സിക്ഖാ സിഥിലഗ്ഗഹണേന ഗണ്ഹനകാ. ഓക്കമനേ പുബ്ബങ്ഗമാതി പഞ്ച നീവരണാനി അവഗമനതോ ഓക്കമനന്തി വുച്ചന്തി, തത്ഥ പുബ്ബങ്ഗമാതി അത്ഥോ. പവിവേകേതി തിവിധേ വിവേകേ. നിക്ഖിത്തധുരാതി നിബ്ബീരിയാ. ഇമിനാ നയേന പന സബ്ബത്ഥ അത്ഥോ വേദിതബ്ബോ.
160. Dasame duggahitanti uppaṭipāṭiyā gahitaṃ. Pariyāpuṇantīti vaḷañjenti kathenti. Padabyañjanehīti ettha padameva atthassa byañjanato byañjananti vuttaṃ. Dunnikkhittassāti duṭṭhu nikkhittassa uppaṭipāṭiyā ṭhapitassa. Atthopi dunnayo hotīti aṭṭhakathā nīharitvā kathetuṃ na sakkā hoti. Chinnamūlakoti mūlabhūtānaṃ bhikkhūnaṃ upacchinnattā chinnamūlako. Appaṭisaraṇoti appatiṭṭho. Bāhulikāti paccayabāhullāya paṭipannā. Sāthalikāti tisso sikkhā sithilaggahaṇena gaṇhanakā. Okkamanepubbaṅgamāti pañca nīvaraṇāni avagamanato okkamananti vuccanti, tattha pubbaṅgamāti attho. Paviveketi tividhe viveke. Nikkhittadhurāti nibbīriyā. Iminā nayena pana sabbattha attho veditabbo.
ഇന്ദ്രിയവഗ്ഗോ പഠമോ.
Indriyavaggo paṭhamo.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧൦. സുഗതവിനയസുത്തം • 10. Sugatavinayasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧൦. സുഗതവിനയസുത്തവണ്ണനാ • 10. Sugatavinayasuttavaṇṇanā
