| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[352] 2. суж̇аад̇аж̇аад̇агаван̣н̣анаа
[352] 2. Sujātajātakavaṇṇanā
гим̣ ну санд̇арамаановаад̇и ид̣̇ам̣ сад̇т̇аа ж̇зд̇аванз вихаранд̇о мад̇абид̇игам̣ гудумб̣игам̣ аараб̣бха гат̇зси. со гира бид̇ари мад̇з барид̣̇звамаано вижарад̇и, согам̣ винод̣̇зд̇ум̣ на саггод̇и. ат̇а сад̇т̇аа д̇асса сод̇аабад̇д̇ипалуубаниссаяам̣ д̣̇исваа саавад̇т̇им̣ бин̣д̣ааяа жарид̇ваа бажчаасаман̣ам̣ аад̣̇ааяа д̇асса г̇зхам̣ г̇анд̇ваа бан̃н̃ад̇д̇аасанз нисинно д̇ам̣ ванд̣̇ид̇ваа нисиннам̣ ‘‘гим̣, убаасага, сожасий’’д̇и вад̇ваа ‘‘аама, бханд̇з’’д̇и вуд̇д̇з ‘‘аавусо, бораан̣агабан̣д̣ид̇аа бан̣д̣ид̇аанам̣ важанам̣ суд̇ваа бид̇ари гаалагад̇з на сожим̣суу’’д̇и вад̇ваа д̇зна яаажид̇о ад̇ийд̇ам̣ аахари.
Kiṃnu santaramānovāti idaṃ satthā jetavane viharanto matapitikaṃ kuṭumbikaṃ ārabbha kathesi. So kira pitari mate paridevamāno vicarati, sokaṃ vinodetuṃ na sakkoti. Atha satthā tassa sotāpattiphalūpanissayaṃ disvā sāvatthiṃ piṇḍāya caritvā pacchāsamaṇaṃ ādāya tassa gehaṃ gantvā paññattāsane nisinno taṃ vanditvā nisinnaṃ ‘‘kiṃ, upāsaka, socasī’’ti vatvā ‘‘āma, bhante’’ti vutte ‘‘āvuso, porāṇakapaṇḍitā paṇḍitānaṃ vacanaṃ sutvā pitari kālakate na sociṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гудумб̣игаг̇зхз ниб̣б̣ад̇д̇и, ‘‘суж̇аад̇агумааро’’д̇исса наамам̣ гарим̣су. д̇асса ваяаббад̇д̇асса бид̇аамахо гааламагааси. ат̇асса бид̇аа бид̇у гаалагирияад̇о бадтааяа согасамаббид̇о аал̣ааханам̣ г̇анд̇ваа аал̣ааханад̇о адтийни аахарид̇ваа ад̇д̇ано аараамз мад̇д̇игаат̇уубам̣ гад̇ваа д̇аани д̇ад̇т̇а нид̣̇ахид̇ваа г̇ад̇аг̇ад̇авзлааяа т̇уубам̣ бубпзхи бууж̇зд̇ваа жзд̇ияам̣ аавиж̇жханд̇о барид̣̇звад̇и, нзва нхааяад̇и на лимбад̇и на бхун̃ж̇ад̇и на гамманд̇з вижаарзд̇и. д̇ам̣ д̣̇исваа б̣од̇хисад̇д̇о ‘‘бид̇аа мз аяяагасса мад̇агаалад̇о бадтааяа согаабхибхууд̇о жарад̇и, табзд̇ваа бана мам̣ ан̃н̃о зд̇ам̣ сан̃н̃аабзд̇ум̣ на саггод̇и, згзна нам̣ убааязна ниссогам̣ гариссаамий’’д̇и б̣ахиг̇аамз згам̣ мад̇аг̇он̣ам̣ д̣̇исваа д̇ин̣ан̃жа баанийяан̃жа аахарид̇ваа д̇асса бурад̇о табзд̇ваа ‘‘каад̣̇а, каад̣̇а, бива, биваа’’д̇и ааха. ааг̇ад̇ааг̇ад̇аа нам̣ д̣̇исваа ‘‘самма суж̇аад̇а, гим̣ уммад̇д̇агоси, мад̇аг̇он̣асса д̇ин̣од̣̇агам̣ д̣̇зсий’’д̇и вад̣̇анд̇и. со на гин̃жи бадивад̣̇ад̇и. ат̇асса бид̇у санд̇игам̣ г̇анд̇ваа ‘‘буд̇д̇о д̇з уммад̇д̇аго ж̇аад̇о, мад̇аг̇он̣ассса д̇ин̣од̣̇агам̣ д̣̇зд̇ий’’д̇и аахам̣су. д̇ам̣ суд̇ваа гудумб̣игасса бид̇усого абаг̇ад̇о, буд̇д̇асого бад̇идтид̇о. со взг̇знааг̇анд̇ваа ‘‘нану д̇вам̣, д̇аад̇а суж̇аад̇а, бан̣д̣ид̇оси, гим̣гааран̣аа мад̇аг̇он̣асса д̇ин̣од̣̇агам̣ д̣̇зсий’’д̇и вад̇ваа д̣̇вз г̇аат̇аа абхааси –
Atīte bārāṇasiyaṃ brahmadatte rajjaṃ kārente bodhisatto kuṭumbikagehe nibbatti, ‘‘sujātakumāro’’tissa nāmaṃ kariṃsu. Tassa vayappattassa pitāmaho kālamakāsi. Athassa pitā pitu kālakiriyato paṭṭhāya sokasamappito āḷāhanaṃ gantvā āḷāhanato aṭṭhīni āharitvā attano ārāme mattikāthūpaṃ katvā tāni tattha nidahitvā gatagatavelāya thūpaṃ pupphehi pūjetvā cetiyaṃ āvijjhanto paridevati, neva nhāyati na limpati na bhuñjati na kammante vicāreti. Taṃ disvā bodhisatto ‘‘pitā me ayyakassa matakālato paṭṭhāya sokābhibhūto carati, ṭhapetvā pana maṃ añño etaṃ saññāpetuṃ na sakkoti, ekena naṃ upāyena nissokaṃ karissāmī’’ti bahigāme ekaṃ matagoṇaṃ disvā tiṇañca pānīyañca āharitvā tassa purato ṭhapetvā ‘‘khāda, khāda, piva, pivā’’ti āha. Āgatāgatā naṃ disvā ‘‘samma sujāta, kiṃ ummattakosi, matagoṇassa tiṇodakaṃ desī’’ti vadanti. So na kiñci paṭivadati. Athassa pitu santikaṃ gantvā ‘‘putto te ummattako jāto, matagoṇasssa tiṇodakaṃ detī’’ti āhaṃsu. Taṃ sutvā kuṭumbikassa pitusoko apagato, puttasoko patiṭṭhito. So vegenāgantvā ‘‘nanu tvaṃ, tāta sujāta, paṇḍitosi, kiṃkāraṇā matagoṇassa tiṇodakaṃ desī’’ti vatvā dve gāthā abhāsi –
6.
6.
‘‘гим̣ ну санд̇арамаанова, лааяид̇ваа харид̇ам̣ д̇ин̣ам̣;
‘‘Kiṃ nu santaramānova, lāyitvā haritaṃ tiṇaṃ;
каад̣̇а каад̣̇аад̇и лабаси, г̇ад̇асад̇д̇ам̣ ж̇араг̇г̇авам̣.
Khāda khādāti lapasi, gatasattaṃ jaraggavaṃ.
7.
7.
‘‘на хи аннзна баанзна, мад̇о г̇он̣о самудтахз;
‘‘Na hi annena pānena, mato goṇo samuṭṭhahe;
д̇ван̃жа д̇ужчам̣ вилабаси, яат̇аа д̇ам̣ д̣̇уммад̇ий д̇ат̇аа’’д̇и.
Tvañca tucchaṃ vilapasi, yathā taṃ dummatī tathā’’ti.
д̇ад̇т̇а санд̇арамаановаад̇и д̇урид̇о вияа худ̇ваа. лааяид̇ваад̇и лунид̇ваа. лабасийд̇и вилабаси. г̇ад̇асад̇д̇ам̣ ж̇араг̇г̇аванд̇и виг̇ад̇аж̇ийвид̇ам̣ ж̇ин̣н̣аг̇он̣ам̣. яат̇аа д̇анд̇и зд̇т̇а д̇анд̇и нибаад̇амад̇д̇ам̣, яат̇аа д̣̇уммад̇и аббабан̃н̃о вилабзяяа, д̇ат̇аа д̇вам̣ д̇ужчам̣ вилабасийд̇и.
Tattha santaramānovāti turito viya hutvā. Lāyitvāti lunitvā. Lapasīti vilapasi. Gatasattaṃ jaraggavanti vigatajīvitaṃ jiṇṇagoṇaṃ. Yathā tanti ettha tanti nipātamattaṃ, yathā dummati appapañño vilapeyya, tathā tvaṃ tucchaṃ vilapasīti.
д̇ад̇о б̣од̇хисад̇д̇о д̣̇вз г̇аат̇аа абхааси –
Tato bodhisatto dve gāthā abhāsi –
8.
8.
‘‘д̇ат̇зва д̇идтад̇и сийсам̣, хад̇т̇абаад̣̇аа жа ваалад̇хи;
‘‘Tatheva tiṭṭhati sīsaṃ, hatthapādā ca vāladhi;
сод̇аа д̇ат̇зва д̇идтанд̇и, ман̃н̃з г̇он̣о самудтахз.
Sotā tatheva tiṭṭhanti, maññe goṇo samuṭṭhahe.
9.
9.
‘‘нзваяяагасса сийсан̃жа, хад̇т̇абаад̣̇аа жа д̣̇иссарз;
‘‘Nevayyakassa sīsañca, hatthapādā ca dissare;
руд̣̇ам̣ мад̇д̇игат̇уубасмим̣, нану д̇ван̃н̃зва д̣̇уммад̇ий’’д̇и.
Rudaṃ mattikathūpasmiṃ, nanu tvaññeva dummatī’’ti.
д̇ад̇т̇а д̇ат̇зваад̇и яат̇аа буб̣б̣з тид̇ам̣, д̇ат̇зва д̇идтад̇и. ман̃н̃зд̇и зд̇зсам̣ сийсаад̣̇ийнам̣ д̇ат̇зва тид̇ад̇д̇аа аяам̣ г̇он̣о самудтахзяяаад̇и ман̃н̃аами. нзваяяагасса сийсан̃жаад̇и аяяагасса бана сийсан̃жа хад̇т̇абаад̣̇аа жа на д̣̇иссанд̇и. ‘‘бидтибаад̣̇аа на д̣̇иссарз’’д̇иби баато. нану д̇ван̃н̃зва д̣̇уммад̇ийд̇и ахам̣ д̇аава сийсаад̣̇ийни бассанд̇о звам̣ гароми, д̇вам̣ бана на гин̃жи бассаси, жхаабид̇адтаанад̇о адтийни аахарид̇ваа мад̇д̇игаат̇уубам̣ гад̇ваа барид̣̇зваси. ид̇и мам̣ бадижжа сад̇аг̇ун̣зна сахассаг̇ун̣зна сад̇асахассаг̇ун̣зна нану д̇ван̃н̃зва д̣̇уммад̇и. бхиж̇ж̇анад̇хаммаа наама сан̇каараа бхиж̇ж̇анд̇и, д̇ад̇т̇а гаа барид̣̇званаад̇и.
Tattha tathevāti yathā pubbe ṭhitaṃ, tatheva tiṭṭhati. Maññeti etesaṃ sīsādīnaṃ tatheva ṭhitattā ayaṃ goṇo samuṭṭhaheyyāti maññāmi. Nevayyakassa sīsañcāti ayyakassa pana sīsañca hatthapādā ca na dissanti. ‘‘Piṭṭhipādā na dissare’’tipi pāṭho. Nanu tvaññeva dummatīti ahaṃ tāva sīsādīni passanto evaṃ karomi, tvaṃ pana na kiñci passasi, jhāpitaṭṭhānato aṭṭhīni āharitvā mattikāthūpaṃ katvā paridevasi. Iti maṃ paṭicca sataguṇena sahassaguṇena satasahassaguṇena nanu tvaññeva dummati. Bhijjanadhammā nāma saṅkhārā bhijjanti, tattha kā paridevanāti.
д̇ам̣ суд̇ваа б̣од̇хисад̇д̇асса бид̇аа ‘‘мама буд̇д̇о бан̣д̣ид̇о ид̇халогабаралогагижжам̣ ж̇аанаад̇и, мама сан̃н̃аабанад̇т̇ааяа зд̇ам̣ гаммам̣ агаасий’’д̇и жинд̇зд̇ваа ‘‘д̇аад̇а суж̇аад̇абан̣д̣ид̇а, ‘саб̣б̣з сан̇каараа анижжаа’д̇и мз н̃аад̇аа, ид̇о бадтааяа на сожиссаами, бид̇усогахаран̣агабуд̇д̇зна наама д̇аад̣̇исзна бхавид̇аб̣б̣а’’нд̇и вад̇ваа буд̇д̇асса т̇уд̇им̣ гаронд̇о ааха –
Taṃ sutvā bodhisattassa pitā ‘‘mama putto paṇḍito idhalokaparalokakiccaṃ jānāti, mama saññāpanatthāya etaṃ kammaṃ akāsī’’ti cintetvā ‘‘tāta sujātapaṇḍita, ‘sabbe saṅkhārā aniccā’ti me ñātā, ito paṭṭhāya na socissāmi, pitusokaharaṇakaputtena nāma tādisena bhavitabba’’nti vatvā puttassa thutiṃ karonto āha –
10.
10.
‘‘аад̣̇ид̇д̇ам̣ вад̇а мам̣ санд̇ам̣, гхад̇асид̇д̇ам̣ва баавагам̣;
‘‘Ādittaṃ vata maṃ santaṃ, ghatasittaṃva pāvakaṃ;
вааринаа вияа осин̃жам̣, саб̣б̣ам̣ ниб̣б̣аабаяз д̣̇арам̣.
Vārinā viya osiñcaṃ, sabbaṃ nibbāpaye daraṃ.
11.
11.
‘‘аб̣б̣ахий вад̇а мз саллам̣, яамааси хад̣̇аяассид̇ам̣;
‘‘Abbahī vata me sallaṃ, yamāsi hadayassitaṃ;
яо мз согабарзд̇асса, бид̇усогам̣ абаануд̣̇и.
Yo me sokaparetassa, pitusokaṃ apānudi.
12.
12.
‘‘сохам̣ аб̣б̣уул̣хасаллосми, вийд̇асого анаавило;
‘‘Sohaṃ abbūḷhasallosmi, vītasoko anāvilo;
на сожаами на род̣̇аами, д̇ава суд̇ваана маан̣ава.
Na socāmi na rodāmi, tava sutvāna māṇava.
13.
13.
‘‘звам̣ гаронд̇и саббан̃н̃аа, яз хонд̇и анугамбагаа;
‘‘Evaṃ karonti sappaññā, ye honti anukampakā;
винивад̇д̇знд̇и согамхаа, суж̇аад̇о бид̇арам̣ яат̇аа’’д̇и.
Vinivattenti sokamhā, sujāto pitaraṃ yathā’’ti.
д̇ад̇т̇а ниб̣б̣аабаязд̇и ниб̣б̣аабаяи. д̣̇аранд̇и согад̣̇арат̇ам̣. суж̇аад̇о бид̇арам̣ яат̇аад̇и яат̇аа мама буд̇д̇о суж̇аад̇о мам̣ бид̇арам̣ самаанам̣ ад̇д̇ано саббан̃н̃ад̇ааяа согамхаа винивад̇д̇аяи, звам̣ ан̃н̃зби саббан̃н̃аа согамхаа винивад̇д̇аяанд̇ийд̇и.
Tattha nibbāpayeti nibbāpayi. Daranti sokadarathaṃ. Sujāto pitaraṃ yathāti yathā mama putto sujāto maṃ pitaraṃ samānaṃ attano sappaññatāya sokamhā vinivattayi, evaṃ aññepi sappaññā sokamhā vinivattayantīti.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз гудумб̣иго сод̇аабад̇д̇ипалз бад̇идтахи. д̇ад̣̇аа суж̇аад̇о ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne kuṭumbiko sotāpattiphale patiṭṭhahi. Tadā sujāto ahameva ahosinti.
суж̇аад̇аж̇аад̇агаван̣н̣анаа д̣̇уд̇ияаа.
Sujātajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 352. суж̇аад̇аж̇аад̇агам̣ • 352. Sujātajātakaṃ
