| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
7. сукабад̇т̇анаасуд̇д̇аван̣н̣анаа
7. Sukhapatthanāsuttavaṇṇanā
76. сад̇д̇амз сукаанийд̇и суканимид̇д̇аани. бад̇т̇аяамаанод̇и ижчамаано ааган̇камаано. сийланд̇и г̇ахадтасийлам̣ баб̣б̣аж̇ид̇асийлан̃жа. г̇ахадто жз г̇ахадтасийлам̣, баб̣б̣аж̇ид̇о жз жад̇убаарисуд̣̇д̇хисийланд̇и ад̇хиббааяо. рагкзяяаад̇и самаад̣̇ияид̇ваа авийд̇иггаманд̇о саммад̣̇зва г̇обзяяа. басам̣саа мз ааг̇ажчад̇ууд̇и ‘‘мама галяаан̣о гид̇д̇исад̣̇д̣̇о ааг̇ажчад̇уу’’д̇и ижчанд̇о бан̣д̣ид̇о саббан̃н̃о сийлам̣ рагкзяяа. сийлавад̇о хи г̇ахадтасса д̇аава ‘‘асуго асугагуласса буд̇д̇о сийлаваа галяаан̣ад̇хаммо сад̣̇д̇хо басанно д̣̇ааяаго гаараго’’д̇иаад̣̇инаа барисамаж̇жхз галяаан̣о гид̇д̇исад̣̇д̣̇о аб̣бхуг̇г̇ажчад̇и, баб̣б̣аж̇ид̇асса ‘‘асуго наама бхигку сийлаваа вад̇д̇асамбанно сорад̇о сукасам̣ваасо саг̇аараво саббад̇иссо’’д̇иаад̣̇инаа…бз… аб̣бхуг̇г̇ажчад̇ийд̇и. вуд̇д̇ан̃хзд̇ам̣ –
76. Sattame sukhānīti sukhanimittāni. Patthayamānoti icchamāno ākaṅkhamāno. Sīlanti gahaṭṭhasīlaṃ pabbajitasīlañca. Gahaṭṭho ce gahaṭṭhasīlaṃ, pabbajito ce catupārisuddhisīlanti adhippāyo. Rakkheyyāti samādiyitvā avītikkamanto sammadeva gopeyya. Pasaṃsā me āgacchatūti ‘‘mama kalyāṇo kittisaddo āgacchatū’’ti icchanto paṇḍito sappañño sīlaṃ rakkheyya. Sīlavato hi gahaṭṭhassa tāva ‘‘asuko asukakulassa putto sīlavā kalyāṇadhammo saddho pasanno dāyako kārako’’tiādinā parisamajjhe kalyāṇo kittisaddo abbhuggacchati, pabbajitassa ‘‘asuko nāma bhikkhu sīlavā vattasampanno sorato sukhasaṃvāso sagāravo sappatisso’’tiādinā…pe… abbhuggacchatīti. Vuttañhetaṃ –
‘‘буна жабарам̣, г̇ахабад̇аяо, сийлавад̇о сийласамбаннасса галяаан̣о гид̇д̇исад̣̇д̣̇о аб̣бхуг̇г̇ажчад̇ий’’д̇и (а. ни. 5.213; уд̣̇аа. 76; махаава. 285).
‘‘Puna caparaṃ, gahapatayo, sīlavato sīlasampannassa kalyāṇo kittisaddo abbhuggacchatī’’ti (a. ni. 5.213; udā. 76; mahāva. 285).
д̇ат̇аа –
Tathā –
‘‘ааган̇кзяяа жз, бхигкавз, бхигку – ‘саб̣рахмажаарийнам̣ бияо жассам̣ манаабо, г̇ару жа бхааванийяо жаа’д̇и, сийлзсвзвасса барибуурагаарий’’д̇иаад̣̇и (ма. ни. 1.65).
‘‘Ākaṅkheyya ce, bhikkhave, bhikkhu – ‘sabrahmacārīnaṃ piyo cassaṃ manāpo, garu ca bhāvanīyo cā’ti, sīlesvevassa paripūrakārī’’tiādi (ma. ni. 1.65).
бхог̇аа мз уббаж̇ж̇анд̇ууд̇и зд̇т̇а г̇ахадтасса д̇аава сийлавад̇о галяаан̣ад̇хаммасса язна язна сиббадтаанзна ж̇ийвигам̣ габбзд̇и – яад̣̇и гасияаа, яад̣̇и ван̣иж̇ж̇ааяа, яад̣̇и рааж̇аборисзна, д̇ам̣ д̇ам̣ яат̇аагаалам̣ яат̇аавид̇хин̃жа ад̇ивияа аббамад̇д̇абхаавад̇о ат̇асса ануббаннаа жзва бхог̇аа уббаж̇ж̇анд̇и, уббаннаа жа бхог̇аа паад̇им̣ г̇амиссанд̇и. баб̣б̣аж̇ид̇асса бана сийлаажаарасамбаннасса аббамаад̣̇авихаарисса сад̇о сийласамбаннасса сийласамбад̣̇ааяа аббижчад̇аад̣̇иг̇ун̣зсу жа басаннаа мануссаа ул̣аарул̣аарз бажжаяз абхихаранд̇и, звамасса ануббаннаа жзва бхог̇аа уббаж̇ж̇анд̇и, уббаннаа жа т̇ираа хонд̇и. д̇ат̇аа хи вуд̇д̇ам̣ –
Bhogā me uppajjantūti ettha gahaṭṭhassa tāva sīlavato kalyāṇadhammassa yena yena sippaṭṭhānena jīvikaṃ kappeti – yadi kasiyā, yadi vaṇijjāya, yadi rājaporisena, taṃ taṃ yathākālaṃ yathāvidhiñca ativiya appamattabhāvato athassa anuppannā ceva bhogā uppajjanti, uppannā ca bhogā phātiṃ gamissanti. Pabbajitassa pana sīlācārasampannassa appamādavihārissa sato sīlasampannassa sīlasampadāya appicchatādiguṇesu ca pasannā manussā uḷāruḷāre paccaye abhiharanti, evamassa anuppannā ceva bhogā uppajjanti, uppannā ca thirā honti. Tathā hi vuttaṃ –
‘‘буна жабарам̣, г̇ахабад̇аяо, сийлаваа сийласамбанно аббамаад̣̇аад̇хигаран̣ам̣ маханд̇ам̣ бхог̇агканд̇хам̣ ад̇хиг̇ажчад̇ий’’д̇и (а. ни. 5.213; уд̣̇аа. 76; махаава. 285).
‘‘Puna caparaṃ, gahapatayo, sīlavā sīlasampanno appamādādhikaraṇaṃ mahantaṃ bhogakkhandhaṃ adhigacchatī’’ti (a. ni. 5.213; udā. 76; mahāva. 285).
д̇ат̇аа –
Tathā –
‘‘ааган̇кзяяа жз, бхигкавз, бхигку – ‘лаабхий асса жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаараана’нд̇и, сийлзсвзвасса барибуурагаарий’’д̇и (ма. ни. 1.65) жа –
‘‘Ākaṅkheyya ce, bhikkhave, bhikkhu – ‘lābhī assa cīvarapiṇḍapātasenāsanagilānapaccayabhesajjaparikkhārāna’nti, sīlesvevassa paripūrakārī’’ti (ma. ni. 1.65) ca –
сзсам̣ вуд̇д̇анаяамзва.
Sesaṃ vuttanayameva.
г̇аат̇аасу бад̇т̇аяаанод̇и бад̇т̇аяанд̇о. д̇аяо сукзд̇и д̇ийн̣и сукаани. вид̇д̇алаабханд̇и д̇ханалаабхам̣, бхог̇уббад̇д̇инд̇и ад̇т̇о. висзсад̇о жзд̇т̇а басам̣сааяа жзд̇асигасукам̣, бхог̇зхи гааяигасукам̣, ид̇арзна убабад̇д̇исукам̣; д̇ат̇аа батамзна д̣̇идтад̇хаммасукам̣, д̇ад̇иязна самбарааяасукам̣, д̣̇уд̇иязна убхаяасукам̣ г̇ахид̇анд̇и взд̣̇ид̇аб̣б̣ам̣.
Gāthāsu patthayānoti patthayanto. Tayo sukheti tīṇi sukhāni. Vittalābhanti dhanalābhaṃ, bhoguppattinti attho. Visesato cettha pasaṃsāya cetasikasukhaṃ, bhogehi kāyikasukhaṃ, itarena upapattisukhaṃ; tathā paṭhamena diṭṭhadhammasukhaṃ, tatiyena samparāyasukhaṃ, dutiyena ubhayasukhaṃ gahitanti veditabbaṃ.
ид̣̇аани басам̣саад̣̇игааран̣асса сийласса вияа басам̣саад̣̇ийнамби висзсагааран̣ам̣ баабамид̇д̇абариваж̇ж̇анам̣ галяаан̣амид̇д̇асзванан̃жа аад̣̇ийнаваанисам̣сзхи сад̣̇д̇хим̣ д̣̇ассзнд̇о ‘‘агаронд̇о’’д̇иаад̣̇имааха. д̇ад̇т̇а сан̇гияод̇и баабасмим̣ барисан̇гид̇аб̣б̣о ‘‘ад̣̇д̇хаа иминаа баабам̣ гад̇ам̣ ваа гариссад̇и ваа, д̇ат̇аа хзса баабабурисзхи сад̣̇д̇хим̣ сан̃жарад̇ий’’д̇и. ассаад̇и имасса баабаж̇анасзвино буг̇г̇аласса убари, асса ваа буг̇г̇аласса аван̣н̣о абхууд̇оби баабаж̇анасзвид̇ааяа рухад̇и вируул̣хим̣ взбуллам̣ аабаж̇ж̇ад̇и бад̇т̇арад̇и. ассаад̇и ваа бхуммад̇т̇з саамиважанам̣, д̇асмим̣ буг̇г̇алзд̇и ад̇т̇о. са вз д̇аад̣̇исаго ход̇ийд̇и яо яаад̣̇исам̣ баабамид̇д̇ам̣ ваа галяаан̣амид̇д̇ам̣ ваа бхаж̇ад̇и убасзвад̇и жа, со буг̇г̇ало бхуумибхааг̇авасзна уд̣̇агам̣ вияа д̇аад̣̇исова ход̇и, баабад̇хаммо галяаан̣ад̇хаммо ваа ход̇и. гасмаа? сахаваасо хи д̇аад̣̇исо; яасмаа сахаваасо сам̣саг̇г̇о убарааг̇о вияа палигаман̣ийсу бурисаубаниссаяабхууд̇ам̣ буг̇г̇алаагаарам̣ г̇аахаабзд̇и, д̇асмаа баабабуг̇г̇алзна саха ваасо на гаад̇аб̣б̣од̇и ад̇хиббааяо.
Idāni pasaṃsādikāraṇassa sīlassa viya pasaṃsādīnampi visesakāraṇaṃ pāpamittaparivajjanaṃ kalyāṇamittasevanañca ādīnavānisaṃsehi saddhiṃ dassento ‘‘akaronto’’tiādimāha. Tattha saṅkiyoti pāpasmiṃ parisaṅkitabbo ‘‘addhā iminā pāpaṃ kataṃ vā karissati vā, tathā hesa pāpapurisehi saddhiṃ sañcaratī’’ti. Assāti imassa pāpajanasevino puggalassa upari, assa vā puggalassa avaṇṇo abhūtopi pāpajanasevitāya ruhati virūḷhiṃ vepullaṃ āpajjati pattharati. Assāti vā bhummatthe sāmivacanaṃ, tasmiṃ puggaleti attho. Sa ve tādisako hotīti yo yādisaṃ pāpamittaṃ vā kalyāṇamittaṃ vā bhajati upasevati ca, so puggalo bhūmibhāgavasena udakaṃ viya tādisova hoti, pāpadhammo kalyāṇadhammo vā hoti. Kasmā? Sahavāso hi tādiso; yasmā sahavāso saṃsaggo uparāgo viya phalikamaṇīsu purisaupanissayabhūtaṃ puggalākāraṃ gāhāpeti, tasmā pāpapuggalena saha vāso na kātabboti adhippāyo.
сзвамаано сзвамаананд̇и барам̣ багад̇исуд̣̇д̇хам̣ буг̇г̇алам̣ гаалзна гаалам̣ ад̇д̇аанам̣ сзвамаанам̣ сзвамаано бхаж̇амаано баабабуг̇г̇ало, д̇зна ваа сзвияамаано. сампудто сампусанд̇и д̇зна багад̇исуд̣̇д̇хзна буг̇г̇алзна сахаваасзна сам̣саг̇г̇зна сампудто баабабуг̇г̇ало саяамби, д̇ат̇аа д̇ам̣ пусанд̇о. саро д̣̇ид̣̇д̇хо галаабам̣ ваад̇и яат̇аа наама саро висзна д̣̇ид̣̇д̇хо лид̇д̇о сарагалаабаг̇ад̇о сарасамуухасан̇каад̇ам̣ сарагалаабам̣ ад̇д̇анаа пудтам̣ алид̇д̇амби убалимбад̇и, звам̣ баабзна убалзбабхаяаа д̇хийрод̇и д̇хид̇исамбаннад̇д̇аа д̇хийро бан̣д̣ид̇абурисо баабасахааяо на бхавзяяа.
Sevamāno sevamānanti paraṃ pakatisuddhaṃ puggalaṃ kālena kālaṃ attānaṃ sevamānaṃ sevamāno bhajamāno pāpapuggalo, tena vā seviyamāno. Samphuṭṭho samphusanti tena pakatisuddhena puggalena sahavāsena saṃsaggena samphuṭṭho pāpapuggalo sayampi, tathā taṃ phusanto. Saro diddho kalāpaṃ vāti yathā nāma saro visena diddho litto sarakalāpagato sarasamūhasaṅkhātaṃ sarakalāpaṃ attanā phuṭṭhaṃ alittampi upalimpati, evaṃ pāpena upalepabhayā dhīroti dhitisampannattā dhīro paṇḍitapuriso pāpasahāyo na bhaveyya.
бууд̇имажчам̣ гусаг̇г̇знаад̇и яат̇аа гужчид̇абхаавзна бууд̇ибхууд̇ам̣ мажчам̣ гусад̇ин̣аг̇г̇зна яо бурисо убанаяхад̇и будаб̣анд̇хавасзна б̣анд̇хад̇и, д̇асса д̇з гусаа абууд̇игааби бууд̇имажчасамб̣анд̇хзна бууд̇и д̣̇уг̇г̇анд̇хамзва вааяанд̇и. звам̣ б̣аалуубасзванаад̇и звам̣самбад̣̇аа б̣аалаж̇ануубасзванаа д̣̇адтаб̣б̣аа. звам̣ д̇хийруубасзванаад̇и яат̇аа асурабхиноби бад̇д̇аа д̇аг̇арасамб̣анд̇хзна сурабхим̣ вааяанд̇и, звам̣ бан̣д̣ид̇уубасзванаа багад̇ияаа асийлавад̇о сийласамаад̣̇аанаад̣̇ивасзна сийлаг̇анд̇хавааяанасса гааран̣ам̣ ход̇и.
Pūtimacchaṃ kusaggenāti yathā kucchitabhāvena pūtibhūtaṃ macchaṃ kusatiṇaggena yo puriso upanayhati puṭabandhavasena bandhati, tassa te kusā apūtikāpi pūtimacchasambandhena pūti duggandhameva vāyanti. Evaṃ bālūpasevanāti evaṃsampadā bālajanūpasevanā daṭṭhabbā. Evaṃ dhīrūpasevanāti yathā asurabhinopi pattā tagarasambandhena surabhiṃ vāyanti, evaṃ paṇḍitūpasevanā pakatiyā asīlavato sīlasamādānādivasena sīlagandhavāyanassa kāraṇaṃ hoti.
д̇асмаад̇и яасмаа агаляаан̣амид̇д̇асзванааяа галяаан̣амид̇д̇асзванааяа жа аяам̣ зд̣̇исо аад̣̇ийнаво аанисам̣со жа, д̇асмаа бад̇д̇абудассзва балаасабудасса вияа д̣̇уг̇г̇анд̇хасуг̇анд̇хавад̇т̇усам̣саг̇г̇зна асаад̇хусаад̇хуж̇анасанниссаязна жа. н̃ад̇ваа самбаагамад̇д̇анод̇и ад̇д̇ано д̣̇угкуд̣̇раяам̣ сукуд̣̇раяан̃жа паланибпад̇д̇им̣ н̃ад̇ваа ж̇аанид̇ваа асанд̇з баабамид̇д̇з на убасзвзяяа, санд̇з убасанд̇з ванд̇ад̣̇осз басад̇т̇з ваа бан̣д̣ид̇з сзвзяяа. д̇ат̇аа хи асанд̇о нираяам̣ нзнд̇и, санд̇о баабзнд̇и суг̇г̇ад̇инд̇и. ид̇и бхаг̇аваа батамаг̇аат̇ааяа яат̇аавуд̇д̇аани д̇ийн̣и суканимид̇д̇аани д̣̇ассзд̇ваа д̇ад̇о бараахи бан̃жахи г̇аат̇аахи бадибагкабариваж̇ж̇анзна сад̣̇д̇хим̣ басам̣саасукасса ааг̇аманам̣ д̣̇ассзд̇ваа осаанаг̇аат̇ааяа д̇ин̣н̣амби сукаанам̣ ааг̇аманагааран̣зна сад̣̇д̇хим̣ осаанасукам̣ д̣̇ассзд̇и.
Tasmāti yasmā akalyāṇamittasevanāya kalyāṇamittasevanāya ca ayaṃ ediso ādīnavo ānisaṃso ca, tasmā pattapuṭasseva palāsapuṭassa viya duggandhasugandhavatthusaṃsaggena asādhusādhujanasannissayena ca. Ñatvā sampākamattanoti attano dukkhudrayaṃ sukhudrayañca phalanipphattiṃ ñatvā jānitvā asante pāpamitte na upaseveyya, sante upasante vantadose pasatthe vā paṇḍite seveyya. Tathā hi asanto nirayaṃ nenti, santo pāpenti suggatinti. Iti bhagavā paṭhamagāthāya yathāvuttāni tīṇi sukhanimittāni dassetvā tato parāhi pañcahi gāthāhi paṭipakkhaparivajjanena saddhiṃ pasaṃsāsukhassa āgamanaṃ dassetvā osānagāthāya tiṇṇampi sukhānaṃ āgamanakāraṇena saddhiṃ osānasukhaṃ dasseti.
сад̇д̇амасуд̇д̇аван̣н̣анаа нидтид̇аа.
Sattamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 7. сукабад̇т̇анаасуд̇д̇ам̣ • 7. Sukhapatthanāsuttaṃ
