| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౪. సుఖసోమనస్ససుత్తవణ్ణనా
4. Sukhasomanassasuttavaṇṇanā
౭౮. చతుత్థే యోని చస్స ఆరద్ధా హోతీతి కారణఞ్చస్స పరిపుణ్ణం పగ్గహితం హోతి. ధమ్మారామోతి ధమ్మే రతిం విన్దతి. భావనాయ రమతి, భావేన్తో వా రమతీతి భావనారామో. పహానే రమతి, పజహన్తో వా రమతీతి పహానారామో. తివిధే పవివేకే రమతీతి పవివేకారామో. అబ్యాపజ్ఝే నిద్దుక్ఖభావే రమతీతి అబ్యాపజ్ఝారామో. నిప్పపఞ్చసఙ్ఖాతే నిబ్బానే రమతీతి నిప్పపఞ్చారామో.
78. Catutthe yoni cassa āraddhā hotīti kāraṇañcassa paripuṇṇaṃ paggahitaṃ hoti. Dhammārāmoti dhamme ratiṃ vindati. Bhāvanāya ramati, bhāvento vā ramatīti bhāvanārāmo. Pahāne ramati, pajahanto vā ramatīti pahānārāmo. Tividhe paviveke ramatīti pavivekārāmo. Abyāpajjhe niddukkhabhāve ramatīti abyāpajjhārāmo. Nippapañcasaṅkhāte nibbāne ramatīti nippapañcārāmo.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౪. సుఖసోమనస్ససుత్తం • 4. Sukhasomanassasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౪. సుఖసోమనస్ససుత్తవణ్ణనా • 4. Sukhasomanassasuttavaṇṇanā
