| Library / Tipiṭaka / તિપિટક • Tipiṭaka / મિલિન્દપઞ્હપાળિ • Milindapañhapāḷi |
૧૪. સુખુમપઞ્હો
14. Sukhumapañho
૧૪. રાજા આહ ‘‘ભન્તે નાગસેન, સક્કા સબ્બં સુખુમં છિન્દિતુ’’ન્તિ? ‘‘આમ, મહારાજ, સક્કા સબ્બં સુખુમં છિન્દિતુ’’ન્તિ. ‘‘કિં પન, ભન્તે, સબ્બં સુખુમ’’ન્તિ? ‘‘ધમ્મો ખો, મહારાજ, સબ્બસુખુમો, ન ખો, મહારાજ, ધમ્મા સબ્બે સુખુમા, ‘સુખુમ’ન્તિ વા ‘થૂલ’ન્તિ વા ધમ્માનમેતમધિવચનં. યં કિઞ્ચિ છિન્દિતબ્બં, સબ્બં તં પઞ્ઞાય છિન્દતિ, નત્થિ દુતિયં પઞ્ઞાય છેદન’’ન્તિ.
14. Rājā āha ‘‘bhante nāgasena, sakkā sabbaṃ sukhumaṃ chinditu’’nti? ‘‘Āma, mahārāja, sakkā sabbaṃ sukhumaṃ chinditu’’nti. ‘‘Kiṃ pana, bhante, sabbaṃ sukhuma’’nti? ‘‘Dhammo kho, mahārāja, sabbasukhumo, na kho, mahārāja, dhammā sabbe sukhumā, ‘sukhuma’nti vā ‘thūla’nti vā dhammānametamadhivacanaṃ. Yaṃ kiñci chinditabbaṃ, sabbaṃ taṃ paññāya chindati, natthi dutiyaṃ paññāya chedana’’nti.
‘‘કલ્લોસિ, ભન્તે નાગસેના’’તિ.
‘‘Kallosi, bhante nāgasenā’’ti.
સુખુમપઞ્હો ચુદ્દસમો.
Sukhumapañho cuddasamo.
