| Library / Tipiṭaka / તિપિટક • Tipiṭaka / ઇતિવુત્તકપાળિ • Itivuttakapāḷi |
૫. સુક્કધમ્મસુત્તં
5. Sukkadhammasuttaṃ
૪૨. વુત્તઞ્હેતં ભગવતા, વુત્તમરહતાતિ મે સુતં –
42. Vuttañhetaṃ bhagavatā, vuttamarahatāti me sutaṃ –
‘‘દ્વેમે, ભિક્ખવે, સુક્કા ધમ્મા લોકં પાલેન્તિ. કતમે દ્વે? હિરી 1 ચ, ઓત્તપ્પઞ્ચ. ઇમે ચે, ભિક્ખવે, દ્વે સુક્કા ધમ્મા લોકં ન પાલેય્યું, નયિધ પઞ્ઞાયેથ માતાતિ વા માતુચ્છાતિ વા માતુલાનીતિ વા આચરિયભરિયાતિ વા ગરૂનં દારાતિ વા. સમ્ભેદં લોકો અગમિસ્સ યથા અજેળકા કુક્કુટસૂકરા સોણસિઙ્ગાલા 2. યસ્મા ચ ખો, ભિક્ખવે, ઇમે દ્વે સુક્કા ધમ્મા લોકં પાલેન્તિ તસ્મા પઞ્ઞાયતિ માતાતિ વા માતુચ્છાતિ વા માતુલાનીતિ વા આચરિયભરિયાતિ વા ગરૂનં દારાતિ વા’’તિ. એતમત્થં ભગવા અવોચ. તત્થેતં ઇતિ વુચ્ચતિ –
‘‘Dveme, bhikkhave, sukkā dhammā lokaṃ pālenti. Katame dve? Hirī 3 ca, ottappañca. Ime ce, bhikkhave, dve sukkā dhammā lokaṃ na pāleyyuṃ, nayidha paññāyetha mātāti vā mātucchāti vā mātulānīti vā ācariyabhariyāti vā garūnaṃ dārāti vā. Sambhedaṃ loko agamissa yathā ajeḷakā kukkuṭasūkarā soṇasiṅgālā 4. Yasmā ca kho, bhikkhave, ime dve sukkā dhammā lokaṃ pālenti tasmā paññāyati mātāti vā mātucchāti vā mātulānīti vā ācariyabhariyāti vā garūnaṃ dārāti vā’’ti. Etamatthaṃ bhagavā avoca. Tatthetaṃ iti vuccati –
‘‘યેસં ચે હિરિઓત્તપ્પં, સબ્બદા ચ ન વિજ્જતિ;
‘‘Yesaṃ ce hiriottappaṃ, sabbadā ca na vijjati;
વોક્કન્તા સુક્કમૂલા તે, જાતિમરણગામિનો.
Vokkantā sukkamūlā te, jātimaraṇagāmino.
‘‘યેસઞ્ચ હિરિઓત્તપ્પં, સદા સમ્મા ઉપટ્ઠિતા;
‘‘Yesañca hiriottappaṃ, sadā sammā upaṭṭhitā;
વિરૂળ્હબ્રહ્મચરિયા તે, સન્તો ખીણપુનબ્ભવા’’તિ.
Virūḷhabrahmacariyā te, santo khīṇapunabbhavā’’ti.
અયમ્પિ અત્થો વુત્તો ભગવતા, ઇતિ મે સુતન્તિ. પઞ્ચમં.
Ayampi attho vutto bhagavatā, iti me sutanti. Pañcamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / ઇતિવુત્તક-અટ્ઠકથા • Itivuttaka-aṭṭhakathā / ૫. સુક્કધમ્મસુત્તવણ્ણના • 5. Sukkadhammasuttavaṇṇanā
