| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
3. самужжаяагканд̇хагам̣
3. Samuccayakkhandhakaṃ
1. суггависсадтигат̇аа
1. Sukkavissaṭṭhikathā
самужжаяагканд̇хагз д̇ад̇т̇аад̇и жад̇уб̣б̣ид̇хзсу маанад̇д̇зсу. яам̣ маанад̇д̇ам̣ д̣̇ияяад̇и, ид̣̇ам̣ аббадижчаннамаанад̇д̇ам̣ наамаад̇и яож̇анаа. зсзва наяо ананд̇араваагязсуби. бадижчаннааяа аабад̇д̇ияаад̇и хзд̇вад̇т̇з гаран̣аважанам̣, гааран̣ад̇т̇з ниссаггаважанам̣ ваа. ад̣̇д̇хамаасанд̇и баннарасад̣̇ивасагаалам̣. од̇хааяаад̇и самуухам̣ гад̇ваа. ‘‘згад̇о гад̇ваа’’д̇и иминаа ‘‘од̇хааяаа’’д̇и бад̣̇асса ад̇т̇ам̣ д̣̇ассзд̇и. д̇зсууд̇и жад̇уб̣б̣ид̇хзсу маанад̇д̇зсу. ид̣̇анд̇и маанад̇д̇ам̣. аббадижчаннааяа…бз… важанад̇од̇и н̃аабагахзд̇у. зд̇зна аббадижчаннааяа аабад̇д̇ияаа д̣̇аад̇аб̣б̣ам̣ маанад̇д̇ам̣ аббадижчаннамаанад̇д̇анд̇и важанад̇т̇ам̣ д̣̇ассзд̇и. д̇анд̇и аббадижчаннамаанад̇д̇ам̣. ид̇хаад̇и имиссам̣ баал̣ияам̣. д̇ад̇уд̇д̇арийд̇и д̇ад̇о д̇ийхиби уд̇д̇ари. наанаавад̇т̇ууни зд̇аасанд̇и наанаавад̇т̇угааяо. д̇аасанд̇и наанаавад̇т̇угаанам̣.
Samuccayakkhandhake tatthāti catubbidhesu mānattesu. Yaṃ mānattaṃ diyyati, idaṃ appaṭicchannamānattaṃ nāmāti yojanā. Eseva nayo anantaravākyesupi. Paṭicchannāya āpattiyāti hetvatthe karaṇavacanaṃ, kāraṇatthe nissakkavacanaṃ vā. Addhamāsanti pannarasadivasakālaṃ. Odhāyāti samūhaṃ katvā. ‘‘Ekato katvā’’ti iminā ‘‘odhāyā’’ti padassa atthaṃ dasseti. Tesūti catubbidhesu mānattesu. Idanti mānattaṃ. Appaṭicchannāya…pe… vacanatoti ñāpakahetu. Etena appaṭicchannāya āpattiyā dātabbaṃ mānattaṃ appaṭicchannamānattanti vacanatthaṃ dasseti. Tanti appaṭicchannamānattaṃ. Idhāti imissaṃ pāḷiyaṃ. Tatuttarīti tato tīhipi uttari. Nānāvatthūni etāsanti nānāvatthukāyo. Tāsanti nānāvatthukānaṃ.
маал̣агасиймааяамзваад̇и сиймамаал̣агз зва, сийман̇г̇ан̣з зваад̇и ад̇т̇о. д̇ад̇т̇зваад̇и маал̣агасиймааяамзва.
Māḷakasīmāyamevāti sīmamāḷake eva, sīmaṅgaṇe evāti attho. Tatthevāti māḷakasīmāyameva.
взд̣̇аяаамаханд̇и взд̣̇аяаами ахам̣. мама маанад̇д̇ажарабхаавам̣ сан̇гхам̣ ж̇аанаабзмийд̇и ад̇т̇о. взд̣̇аяад̇ийд̇и манд̇и ж̇аанаабзд̇и, ид̇и мам̣ сан̇гхо д̇хаарзд̇ууд̇и ад̇хиббааяо. вуд̇д̇анаязнзваад̇и баариваасигагканд̇хагз вуд̇д̇анаязнзва. нигкибид̇аб̣б̣анд̇и ‘‘маанад̇д̇ам̣ нигкибаами, вад̇д̇ам̣ нигкибаамий’’д̇и нигкибид̇аб̣б̣ам̣. маал̣агад̇од̇и сийман̇г̇ан̣ад̇о. собийд̇и саха г̇ажчанд̇оби. ‘‘маал̣агз наарожид̇а’’нд̇и иминаа яасса маал̣агз аарожид̇ам̣, д̇асса анаарожзд̇вааби нигкибид̇аб̣б̣анд̇и д̣̇ассзд̇и. аарожзнд̇зна вад̇д̇аб̣б̣анд̇и самб̣анд̇хо.
Vedayāmahanti vedayāmi ahaṃ. Mama mānattacarabhāvaṃ saṅghaṃ jānāpemīti attho. Vedayatīti manti jānāpeti, iti maṃ saṅgho dhāretūti adhippāyo. Vuttanayenevāti pārivāsikakkhandhake vuttanayeneva. Nikkhipitabbanti ‘‘mānattaṃ nikkhipāmi, vattaṃ nikkhipāmī’’ti nikkhipitabbaṃ. Māḷakatoti sīmaṅgaṇato. Sopīti saha gacchantopi. ‘‘Māḷake nārocita’’nti iminā yassa māḷake ārocitaṃ, tassa anārocetvāpi nikkhipitabbanti dasseti. Ārocentena vattabbanti sambandho.
висабхааг̇зхи саха васанд̇асса вад̇д̇асса д̣̇уббуурид̇ад̇д̇аа вуд̇д̇ам̣’’сабхааг̇аа бхигкуу васанд̇ий’’д̇и. жад̇уухи, бан̃жахи ваад̇и ваасад̣̇д̣̇зна д̇ад̇о ад̇ирзгамби сан̇г̇ан̣хаад̇и. баригкзбаарахадтаанад̇од̇и жийварагканд̇хагз (махаава. адта. 379) вуд̇д̇абаригкзбаарахадтаанад̇о. ‘‘д̣̇вз лзд̣д̣убаад̇з ад̇иггамид̇ваа’’д̇и ид̣̇ам̣ вихаарз бхигкуунам̣ саж̇жхааяаад̣̇исад̣̇д̣̇асавануубажаарабахаанад̇т̇ам̣ вуд̇д̇ам̣. сажз савануубажаарад̇о на мужжад̇и, д̇ад̇о ад̇ирзгамби ад̇иггамид̇аб̣б̣ам̣. оггаммаад̇и маг̇г̇абадибаннаанам̣ бхигкуунам̣ важанасад̣̇д̣̇асавануубажаарабахаанад̇т̇ам̣ оггамид̇ваа. ‘‘г̇умб̣зна ваа вад̇ияаа ваа’’д̇и д̣̇ассануубажаарабахаанад̇т̇ам̣ вуд̇д̇ам̣. ид̇ха убажааро наама яад̇т̇а тад̇ваа бассад̇и сун̣аад̇и, соязва д̣̇зсо. ан̃н̃од̇и жад̇уухи бан̃жахи ваа бхигкуухи ан̃н̃о. зсаад̇и зсо маанад̇д̇ажаариго.
Visabhāgehi saha vasantassa vattassa duppūritattā vuttaṃ’’sabhāgā bhikkhū vasantī’’ti. Catūhi, pañcahi vāti vāsaddena tato atirekampi saṅgaṇhāti. Parikkhepārahaṭṭhānatoti cīvarakkhandhake (mahāva. aṭṭha. 379) vuttaparikkhepārahaṭṭhānato. ‘‘Dve leḍḍupāte atikkamitvā’’ti idaṃ vihāre bhikkhūnaṃ sajjhāyādisaddasavanūpacārapahānatthaṃ vuttaṃ. Sace savanūpacārato na muccati, tato atirekampi atikkamitabbaṃ. Okkammāti maggapaṭipannānaṃ bhikkhūnaṃ vacanasaddasavanūpacārapahānatthaṃ okkamitvā. ‘‘Gumbena vā vatiyā vā’’ti dassanūpacārapahānatthaṃ vuttaṃ. Idha upacāro nāma yattha ṭhatvā passati suṇāti, soyeva deso. Aññoti catūhi pañcahi vā bhikkhūhi añño. Esāti eso mānattacāriko.
‘‘д̣̇ваад̣̇асахад̇т̇ам̣ убажаарам̣ оггамид̇ваа’’д̇и иминаа аноггамид̇ваа аж̇аананд̇ассзва г̇ажчад̇и, над̇т̇и рад̇д̇ижчзд̣̇обийд̇и д̣̇ассзд̇и. зд̇т̇а д̣̇идтаруубаанам̣ суд̇асад̣̇д̣̇аанам̣ д̣̇ваад̣̇асахад̇т̇уубажаарад̇о б̣ахи тид̇аанамби аарожзд̇аб̣б̣ам̣. ад̣̇идтаасуд̇аанамби анд̇о д̣̇ваад̣̇асахад̇т̇уубажаараг̇ад̇аанам̣ аарожзд̇аб̣б̣анд̇и д̣̇адтаб̣б̣ам̣. сад̇и гаран̣ийязд̇и ид̣̇ам̣ г̇анд̇усса гааран̣ад̣̇ассанад̇т̇ам̣ вуд̇д̇ам̣. асад̇и гаран̣ийязби г̇анд̇ум̣ ваддад̇и. собийд̇и зго бхигкуби. ‘‘д̇асса санд̇игз аарожзд̇ваа’’д̇и иминаа анаарожанз вад̇д̇абхзд̣̇ад̣̇уггадам̣ ход̇ийд̇и д̣̇ассзд̇и. згасса санд̇игз аарожзд̇ваа нигкибияамаанз гим̣ уунз г̇ан̣з жаран̣ад̣̇осо ваа виббаваасо ваа на ход̇ийд̇и ааха ‘‘аяан̃жаа’’д̇иаад̣̇и. д̇ад̇т̇а аяан̃жаад̇и маанад̇д̇ажаариго бана. яасмаа гааран̣аа васи, д̇зна гааран̣знаад̇и яож̇анаа. бхигкуунан̃жа ад̇т̇ибхаавам̣ саллагкзд̇ваад̇и багад̇ад̇д̇ааг̇ад̇агаалз д̇асса анаарожзд̇ваава г̇ажчанд̇и, д̇асмаа бхигкуунан̃жа д̣̇ваад̣̇асахад̇т̇уубажаарз ад̇т̇ибхаавам̣ саллагкзд̇ваад̇и ад̇т̇о. зд̇т̇а жа ‘‘г̇ан̣асса аарожзд̇ваа’’д̇и иминаа уунз г̇ан̣з жаран̣ад̣̇осаабхаавам̣ д̣̇ассзд̇и. ‘‘бхигкуунан̃жа ад̇т̇ибхаавам̣ саллагкзд̇ваа’’д̇и иминаа виббаваасад̣̇осаабхаавам̣ д̣̇ассзд̇и. яанд̇и буб̣б̣з анаарожид̇ам̣ яам̣ бхигкум̣ . аяанд̇и батамам̣ бассид̇аб̣б̣асса аарожзд̇ваа нигкибанам̣. ‘‘нигкид̇д̇авад̇д̇асса барихааро’’д̇и иминаа анигкид̇д̇авад̇д̇з анд̇оубажаараг̇ад̇аанам̣ саб̣б̣зсам̣ аарожзд̇аб̣б̣анд̇и д̣̇ассзд̇и.
‘‘Dvādasahatthaṃ upacāraṃ okkamitvā’’ti iminā anokkamitvā ajānantasseva gacchati, natthi ratticchedopīti dasseti. Ettha diṭṭharūpānaṃ sutasaddānaṃ dvādasahatthūpacārato bahi ṭhitānampi ārocetabbaṃ. Adiṭṭhāsutānampi anto dvādasahatthūpacāragatānaṃ ārocetabbanti daṭṭhabbaṃ. Sati karaṇīyeti idaṃ gantussa kāraṇadassanatthaṃ vuttaṃ. Asati karaṇīyepi gantuṃ vaṭṭati. Sopīti eko bhikkhupi. ‘‘Tassa santike ārocetvā’’ti iminā anārocane vattabhedadukkaṭaṃ hotīti dasseti. Ekassa santike ārocetvā nikkhipiyamāne kiṃ ūne gaṇe caraṇadoso vā vippavāso vā na hotīti āha ‘‘ayañcā’’tiādi. Tattha ayañcāti mānattacāriko pana. Yasmā kāraṇā vasi, tena kāraṇenāti yojanā. Bhikkhūnañca atthibhāvaṃ sallakkhetvāti pakatattāgatakāle tassa anārocetvāva gacchanti, tasmā bhikkhūnañca dvādasahatthūpacāre atthibhāvaṃ sallakkhetvāti attho. Ettha ca ‘‘gaṇassa ārocetvā’’ti iminā ūne gaṇe caraṇadosābhāvaṃ dasseti. ‘‘Bhikkhūnañca atthibhāvaṃ sallakkhetvā’’ti iminā vippavāsadosābhāvaṃ dasseti. Yanti pubbe anārocitaṃ yaṃ bhikkhuṃ . Ayanti paṭhamaṃ passitabbassa ārocetvā nikkhipanaṃ. ‘‘Nikkhittavattassa parihāro’’ti iminā anikkhittavatte antoupacāragatānaṃ sabbesaṃ ārocetabbanti dasseti.
аяанд̇и маанад̇д̇ажаариго, тид̇од̇и самб̣анд̇хо. д̇знаабийд̇и маанад̇д̇ажааригзнаби, яаажид̇аб̣б̣анд̇и яож̇анаа. сод̇и анигкид̇д̇авад̇д̇о бхигку. д̇ад̇раад̇и ‘‘со аб̣бхзд̇аб̣б̣о’’д̇и важанз. аяам̣ аб̣бхаанавид̇хи вуд̇д̇од̇и яож̇анаа. аяан̃жаад̇и аб̣бхаанавид̇хи жа. д̇аасанд̇и аабад̇д̇ийнам̣. званд̇иаад̣̇и ниг̇аманам̣. бадижчаннамаанад̇д̇ам̣ бана д̣̇аад̇аб̣б̣ам̣ ход̇ийд̇и самб̣анд̇хо. ‘‘бадижчаннааяаа’’д̇иаад̣̇инаа бадижчаннааяа аабад̇д̇ияаа д̣̇аад̇аб̣б̣ам̣ маанад̇д̇ам̣ бадижчаннамаанад̇д̇анд̇и важанад̇т̇ам̣ д̣̇ассзд̇и. нанд̇и бадижчаннамаанад̇д̇ам̣.
Ayanti mānattacāriko, ṭhitoti sambandho. Tenāpīti mānattacārikenapi, yācitabbanti yojanā. Soti anikkhittavatto bhikkhu. Tatrāti ‘‘so abbhetabbo’’ti vacane. Ayaṃ abbhānavidhi vuttoti yojanā. Ayañcāti abbhānavidhi ca. Tāsanti āpattīnaṃ. Evantiādi nigamanaṃ. Paṭicchannamānattaṃ pana dātabbaṃ hotīti sambandho. ‘‘Paṭicchannāyā’’tiādinā paṭicchannāya āpattiyā dātabbaṃ mānattaṃ paṭicchannamānattanti vacanatthaṃ dasseti. Nanti paṭicchannamānattaṃ.
