| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੩. ਸਮੁਚ੍ਚਯਕ੍ਖਨ੍ਧਕਂ
3. Samuccayakkhandhakaṃ
ਸੁਕ੍ਕવਿਸ੍ਸਟ੍ਠਿਕਥਾવਣ੍ਣਨਾ
Sukkavissaṭṭhikathāvaṇṇanā
੯੭. ਸਮੁਚ੍ਚਯਕ੍ਖਨ੍ਧਕੇ વੁਤ੍ਤਨਯੇਨ વਤ੍ਤਂ ਸਮਾਦਾਤਬ੍ਬਨ੍ਤਿ ਪਾਰਿવਾਸਿਕਕ੍ਖਨ੍ਧਕવਣ੍ਣਨਾਯਂ વੁਤ੍ਤਨਯੇਨ ਦ੍વੀਹਿ ਪਦੇਹਿ ਏਕੇਨ વਾ ਸਮਾਦਾਤਬ੍ਬਂ। વੇਦਿਯਾਮੀਤਿ ਚਿਤ੍ਤੇਨ ਸਮ੍ਪਟਿਚ੍ਛਿਤ੍વਾ ਸੁਖਂ ਅਨੁਭવਾਮਿ, ਨ ਤਪ੍ਪਚ੍ਚਯਾ ਅਹਂ ਦੁਕ੍ਖਿਤੋਤਿ ਅਧਿਪ੍ਪਾਯੋ। વੁਤ੍ਤਨਯੇਨੇવ ਸਙ੍ਘਮਜ੍ਝੇ ਨਿਕ੍ਖਿਪਿਤਬ੍ਬਨ੍ਤਿ ਪਾਰਿવਾਸਿਕਕ੍ਖਨ੍ਧਕੇ વੁਤ੍ਤਨਯੇਨ ‘‘ਮਾਨਤ੍ਤਂ ਨਿਕ੍ਖਿਪਾਮਿ, વਤ੍ਤਂ ਨਿਕ੍ਖਿਪਾਮੀ’’ਤਿ ਇਮੇਹਿ ਦ੍વੀਹਿ ਏਕੇਨ વਾ ਨਿਕ੍ਖਿਪਿਤਬ੍ਬਂ। ਤਸ੍ਸ ਆਰੋਚੇਤ੍વਾ ਨਿਕ੍ਖਿਪਿਤਬ੍ਬਨ੍ਤਿ ਅਨਾਰੋਚਨੇਨ વਤ੍ਤਭੇਦਦੁਕ੍ਕਟਪਰਿਮੋਚਨਤ੍ਥਂ વੁਤ੍ਤਂ। ਦ੍વੇ ਲੇਡ੍ਡੁਪਾਤੇ ਅਤਿਕ੍ਕਮਿਤ੍વਾਤਿ ਭਿਕ੍ਖੂਨਂ ਸਜ੍ਝਾਯਨਸਦ੍ਦਸવਨੂਪਚਾਰવਿਜਹਨਤ੍ਥਂ વੁਤ੍ਤਂ, ਮਹਾਮਗ੍ਗਤੋ ਓਕ੍ਕਮ੍ਮਾਤਿ ਮਗ੍ਗਪ੍ਪਟਿਪਨ੍ਨਭਿਕ੍ਖੂਨਂ ਉਪਚਾਰવਿਜਹਨਤ੍ਥਂ, ਗੁਮ੍ਬੇਨ વਾ વਤਿਯਾ વਾ ਪਟਿਚ੍ਛਨ੍ਨਟ੍ਠਾਨੇਤਿ ਦਸ੍ਸਨੂਪਚਾਰવਿਜਹਨਤ੍ਥਂ। ਅਨਿਕ੍ਖਿਤ੍ਤવਤ੍ਤੇਨ ਅਨ੍ਤੋਉਪਚਾਰਗਤਾਨਂ ਸਬ੍ਬੇਸਮ੍ਪਿ ਆਰੋਚੇਤਬ੍ਬਤ੍ਤਾ ‘‘ਅਯਂ ਨਿਕ੍ਖਿਤ੍ਤવਤ੍ਤਸ੍ਸ ਪਰਿਹਾਰੋ’’ਤਿ વੁਤ੍ਤਂ। ਤਤ੍ਥ ਨਿਕ੍ਖਿਤ੍ਤવਤ੍ਤਸ੍ਸਾਤਿ વਤ੍ਤਂ ਨਿਕ੍ਖਿਪਿਤ੍વਾ ਪਰਿવਸਨ੍ਤਸ੍ਸਾਤਿ ਅਤ੍ਥੋ। ਅਯਂ ਪਨੇਤ੍ਥ ਥੇਰਸ੍ਸ ਅਧਿਪ੍ਪਾਯੋ – વਤ੍ਤਂ ਨਿਕ੍ਖਿਪਿਤ੍વਾ ਪਰਿવਸਨ੍ਤਸ੍ਸ ਉਪਚਾਰਗਤਾਨਂ ਸਬ੍ਬੇਸਂ ਆਰੋਚਨਕਿਚ੍ਚਂ ਨਤ੍ਥਿ, ਦਿਟ੍ਠਰੂਪਾਨਂ ਸੁਤਸਦ੍ਦਾਨਂ ਆਰੋਚੇਤਬ੍ਬਂ, ਅਦਿਟ੍ਠਅਸੁਤਾਨਮ੍ਪਿ ਅਨ੍ਤੋਦ੍વਾਦਸਹਤ੍ਥਗਤਾਨਂ ਆਰੋਚੇਤਬ੍ਬਂ। ਇਦਂ વਤ੍ਤਂ ਨਿਕ੍ਖਿਪਿਤ੍વਾ ਪਰਿવਸਨ੍ਤਸ੍ਸ ਲਕ੍ਖਣਨ੍ਤਿ।
97. Samuccayakkhandhake vuttanayena vattaṃ samādātabbanti pārivāsikakkhandhakavaṇṇanāyaṃ vuttanayena dvīhi padehi ekena vā samādātabbaṃ. Vediyāmīti cittena sampaṭicchitvā sukhaṃ anubhavāmi, na tappaccayā ahaṃ dukkhitoti adhippāyo. Vuttanayeneva saṅghamajjhe nikkhipitabbanti pārivāsikakkhandhake vuttanayena ‘‘mānattaṃ nikkhipāmi, vattaṃ nikkhipāmī’’ti imehi dvīhi ekena vā nikkhipitabbaṃ. Tassa ārocetvā nikkhipitabbanti anārocanena vattabhedadukkaṭaparimocanatthaṃ vuttaṃ. Dve leḍḍupāte atikkamitvāti bhikkhūnaṃ sajjhāyanasaddasavanūpacāravijahanatthaṃ vuttaṃ, mahāmaggato okkammāti maggappaṭipannabhikkhūnaṃ upacāravijahanatthaṃ, gumbena vā vatiyā vā paṭicchannaṭṭhāneti dassanūpacāravijahanatthaṃ. Anikkhittavattena antoupacāragatānaṃ sabbesampi ārocetabbattā ‘‘ayaṃ nikkhittavattassa parihāro’’ti vuttaṃ. Tattha nikkhittavattassāti vattaṃ nikkhipitvā parivasantassāti attho. Ayaṃ panettha therassa adhippāyo – vattaṃ nikkhipitvā parivasantassa upacāragatānaṃ sabbesaṃ ārocanakiccaṃ natthi, diṭṭharūpānaṃ sutasaddānaṃ ārocetabbaṃ, adiṭṭhaasutānampi antodvādasahatthagatānaṃ ārocetabbaṃ. Idaṃ vattaṃ nikkhipitvā parivasantassa lakkhaṇanti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੧. ਸੁਕ੍ਕવਿਸ੍ਸਟ੍ਠਿ • 1. Sukkavissaṭṭhi
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਸੁਕ੍ਕવਿਸ੍ਸਟ੍ਠਿਕਥਾ • Sukkavissaṭṭhikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਸੁਕ੍ਕવਿਸ੍ਸਟ੍ਠਿਕਥਾવਣ੍ਣਨਾ • Sukkavissaṭṭhikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਸੁਕ੍ਕવਿਸ੍ਸਟ੍ਠਿਕਥਾવਣ੍ਣਨਾ • Sukkavissaṭṭhikathāvaṇṇanā
