| Library / Tipiṭaka / တိပိဋက • Tipiṭaka / မဟာဝိဘင္ဂ • Mahāvibhaṅga |
၂. သင္ဃာဒိသေသကဏ္ဍံ
2. Saṅghādisesakaṇḍaṃ
၁. သုက္ကဝိသ္သဋ္ဌိသိက္ခာပဒံ
1. Sukkavissaṭṭhisikkhāpadaṃ
ဣမေ ခော ပနာယသ္မန္တော တေရသ သင္ဃာဒိသေသာ
Ime kho panāyasmanto terasa saṅghādisesā
ဓမ္မာ ဥဒ္ဒေသံ အာဂစ္ဆန္တိ။
Dhammā uddesaṃ āgacchanti.
၂၃၄. တေန သမယေန ဗုဒ္ဓော ဘဂဝာ သာဝတ္ထိယံ ဝိဟရတိ ဇေတဝနေ အနာထပိဏ္ဍိကသ္သ အာရာမေ။ တေန ခော ပန သမယေန အာယသ္မာ သေယ္ယသကော အနဘိရတော ဗ္ရဟ္မစရိယံ စရတိ။ သော တေန ကိသော ဟောတိ လူခော ဒုဗ္ဗဏ္ဏော ဥပ္ပဏ္ဍုပ္ပဏ္ဍုကဇာတော ဓမနိသန္ထတဂတ္တော။ အဒ္ဒသ ခော အာယသ္မာ ဥဒာယီ အာယသ္မန္တံ သေယ္ယသကံ ကိသံ လူခံ ဒုဗ္ဗဏ္ဏံ ဥပ္ပဏ္ဍုပ္ပဏ္ဍုကဇာတံ ဓမနိသန္ထတဂတ္တံ။ ဒိသ္ဝာန အာယသ္မန္တံ သေယ္ယသကံ ဧတဒဝောစ – ‘‘ကိသ္သ တ္ဝံ, အာဝုသော သေယ္ယသက, ကိသော လူခော ဒုဗ္ဗဏ္ဏော ဥပ္ပဏ္ဍုပ္ပဏ္ဍုကဇာတော ဓမနိသန္ထတဂတ္တော? ကစ္စိ နော တ္ဝံ, အာဝုသော သေယ္ယသက, အနဘိရတော ဗ္ရဟ္မစရိယံ စရသီ’’တိ? ‘‘ဧဝမာဝုသော’’တိ။ ‘‘တေန ဟိ တ္ဝံ, အာဝုသော သေယ္ယသက, ယာဝဒတ္ထံ ဘုဉ္ဇ ယာဝဒတ္ထံ သုပ ယာဝဒတ္ထံ န္ဟာယ။ ယာဝဒတ္ထံ ဘုဉ္ဇိတ္ဝာ ယာဝဒတ္ထံ သုပိတ္ဝာ ယာဝဒတ္ထံ န္ဟာယိတ္ဝာ ယဒာ တေ အနဘိရတိ ဥပ္ပဇ္ဇတိ ရာဂော စိတ္တံ အနုဒ္ဓံသေတိ တဒာ ဟတ္ထေန ဥပက္ကမိတ္ဝာ အသုစိံ မောစေဟီ’’တိ။ ‘‘ကိံ နု ခော, အာဝုသော, ကပ္ပတိ ဧဝရူပံ ကာတု’’န္တိ? ‘‘အာမ, အာဝုသော။ အဟမ္ပိ ဧဝံ ကရောမီ’’တိ။
234. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā seyyasako anabhirato brahmacariyaṃ carati. So tena kiso hoti lūkho dubbaṇṇo uppaṇḍuppaṇḍukajāto dhamanisanthatagatto. Addasa kho āyasmā udāyī āyasmantaṃ seyyasakaṃ kisaṃ lūkhaṃ dubbaṇṇaṃ uppaṇḍuppaṇḍukajātaṃ dhamanisanthatagattaṃ. Disvāna āyasmantaṃ seyyasakaṃ etadavoca – ‘‘kissa tvaṃ, āvuso seyyasaka, kiso lūkho dubbaṇṇo uppaṇḍuppaṇḍukajāto dhamanisanthatagatto? Kacci no tvaṃ, āvuso seyyasaka, anabhirato brahmacariyaṃ carasī’’ti? ‘‘Evamāvuso’’ti. ‘‘Tena hi tvaṃ, āvuso seyyasaka, yāvadatthaṃ bhuñja yāvadatthaṃ supa yāvadatthaṃ nhāya. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā te anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocehī’’ti. ‘‘Kiṃ nu kho, āvuso, kappati evarūpaṃ kātu’’nti? ‘‘Āma, āvuso. Ahampi evaṃ karomī’’ti.
အထ ခော အာယသ္မာ သေယ္ယသကော ယာဝဒတ္ထံ ဘုဉ္ဇိ ယာဝဒတ္ထံ သုပိ ယာဝဒတ္ထံ န္ဟာယိ။ ယာဝဒတ္ထံ ဘုဉ္ဇိတ္ဝာ ယာဝဒတ္ထံ သုပိတ္ဝာ ယာဝဒတ္ထံ န္ဟာယိတ္ဝာ ယဒာ အနဘိရတိ ဥပ္ပဇ္ဇတိ ရာဂော စိတ္တံ အနုဒ္ဓံသေတိ တဒာ ဟတ္ထေန ဥပက္ကမိတ္ဝာ အသုစိံ မောစေသိ ။ အထ ခော အာယသ္မာ သေယ္ယသကော အပရေန သမယေန ဝဏ္ဏဝာ အဟောသိ ပီဏိန္ဒ္ရိယော ပသန္နမုခဝဏ္ဏော ဝိပ္ပသန္နဆဝိဝဏ္ဏော။ အထ ခော အာယသ္မတော သေယ္ယသကသ္သ သဟာယကာ ဘိက္ခူ အာယသ္မန္တံ သေယ္ယသကံ ဧတဒဝောစုံ – ‘‘ပုဗ္ဗေ ခော တ္ဝံ, အာဝုသော သေယ္ယသက, ကိသော အဟောသိ လူခော ဒုဗ္ဗဏ္ဏော ဥပ္ပဏ္ဍုပ္ပဏ္ဍုကဇာတော ဓမနိသန္ထတဂတ္တော။ သော ဒာနိ တ္ဝံ ဧတရဟိ ဝဏ္ဏဝာ ပီဏိန္ဒ္ရိယော ပသန္နမုခဝဏ္ဏော ဝိပ္ပသန္နဆဝိဝဏ္ဏော။ ကိံ နု ခော တ္ဝံ, အာဝုသော သေယ္ယသက, ဘေသဇ္ဇံ ကရောသီ’’တိ? ‘‘န ခော အဟံ, အာဝုသော, ဘေသဇ္ဇံ ကရောမိ ။ အပိစာဟံ ယာဝဒတ္ထံ ဘုဉ္ဇာမိ ယာဝဒတ္ထံ သုပာမိ ယာဝဒတ္ထံ န္ဟာယာမိ။ ယာဝဒတ္ထံ ဘုဉ္ဇိတ္ဝာ ယာဝဒတ္ထံ သုပိတ္ဝာ ယာဝဒတ္ထံ န္ဟာယိတ္ဝာ ယဒာ မေ အနဘိရတိ ဥပ္ပဇ္ဇတိ ရာဂော စိတ္တံ အနုဒ္ဓံသေတိ တဒာ ဟတ္ထေန ဥပက္ကမိတ္ဝာ အသုစိံ မောစေမီ’’တိ။ ‘‘ကိံ ပန တ္ဝံ, အာဝုသော သေယ္ယသက, ယေနေဝ ဟတ္ထေန သဒ္ဓာဒေယ္ယံ ဘုဉ္ဇသိ တေနေဝ ဟတ္ထေန ဥပက္ကမိတ္ဝာ အသုစိံ မောစေသီ’’တိ? ‘‘ဧဝမာဝုသော’’တိ။ ယေ တေ ဘိက္ခူ အပ္ပိစ္ဆာ။ပေ.။ တေ ဥဇ္ဈာယန္တိ ခိယ္ယန္တိ ဝိပာစေန္တိ – ‘‘ကထဉ္ဟိ နာမ အာယသ္မာ သေယ္ယသကော ဟတ္ထေန ဥပက္ကမိတ္ဝာ အသုစိံ မောစေသ္သတီ’’တိ!
Atha kho āyasmā seyyasako yāvadatthaṃ bhuñji yāvadatthaṃ supi yāvadatthaṃ nhāyi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocesi . Atha kho āyasmā seyyasako aparena samayena vaṇṇavā ahosi pīṇindriyo pasannamukhavaṇṇo vippasannachavivaṇṇo. Atha kho āyasmato seyyasakassa sahāyakā bhikkhū āyasmantaṃ seyyasakaṃ etadavocuṃ – ‘‘pubbe kho tvaṃ, āvuso seyyasaka, kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. So dāni tvaṃ etarahi vaṇṇavā pīṇindriyo pasannamukhavaṇṇo vippasannachavivaṇṇo. Kiṃ nu kho tvaṃ, āvuso seyyasaka, bhesajjaṃ karosī’’ti? ‘‘Na kho ahaṃ, āvuso, bhesajjaṃ karomi . Apicāhaṃ yāvadatthaṃ bhuñjāmi yāvadatthaṃ supāmi yāvadatthaṃ nhāyāmi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā me anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocemī’’ti. ‘‘Kiṃ pana tvaṃ, āvuso seyyasaka, yeneva hatthena saddhādeyyaṃ bhuñjasi teneva hatthena upakkamitvā asuciṃ mocesī’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā seyyasako hatthena upakkamitvā asuciṃ mocessatī’’ti!
အထ ခော တေ ဘိက္ခူ အာယသ္မန္တံ သေယ္ယသကံ အနေကပရိယာယေန ဝိဂရဟိတ္ဝာ ဘဂဝတော ဧတမတ္ထံ အာရောစေသုံ။ အထ ခော ဘဂဝာ ဧတသ္မိံ နိဒာနေ ဧတသ္မိံ ပကရဏေ ဘိက္ခုသင္ဃံ သန္နိပာတာပေတ္ဝာ အာယသ္မန္တံ သေယ္ယသကံ ပဋိပုစ္ဆိ – ‘‘သစ္စံ ကိရ တ္ဝံ, သေယ္ယသက, ဟတ္ထေန ဥပက္ကမိတ္ဝာ အသုစိံ မောစေသီ’’တိ? ‘‘သစ္စံ, ဘဂဝာ’’တိ ။ ဝိဂရဟိ ဗုဒ္ဓော ဘဂဝာ – ‘‘အနနုစ္ဆဝိကံ, မောဃပုရိသ, အနနုလောမိကံ အပ္ပတိရူပံ အသ္သာမဏကံ အကပ္ပိယံ အကရဏီယံ။ ကထဉ္ဟိ နာမ တ္ဝံ, မောဃပုရိသ, ဟတ္ထေန ဥပက္ကမိတ္ဝာ အသုစိံ မောစေသ္သသိ! နနု မယာ, မောဃပုရိသ, အနေကပရိယာယေန ဝိရာဂာယ ဓမ္မော ဒေသိတော နော သရာဂာယ, ဝိသညောဂာယ ဓမ္မော ဒေသိတော နော သညောဂာယ, အနုပာဒာနာယ ဓမ္မော ဒေသိတော နော သဥပာဒာနာယ! တတ္ထ နာမ တ္ဝံ, မောဃပုရိသ, မယာ ဝိရာဂာယ ဓမ္မေ ဒေသိတေ သရာဂာယ စေတေသ္သသိ, ဝိသညောဂာယ ဓမ္မေ ဒေသိတေ သညောဂာယ စေတေသ္သသိ, အနုပာဒာနာယ ဓမ္မေ ဒေသိတေ သဥပာဒာနာယ စေတေသ္သသိ! နနု မယာ, မောဃပုရိသ, အနေကပရိယာယေန ရာဂဝိရာဂာယ ဓမ္မော ဒေသိတော, မဒနိမ္မဒနာယ ပိပာသဝိနယာယ အာလယသမုဂ္ဃာတာယ ဝဋ္ဋုပစ္ဆေဒာယ တဏ္ဟက္ခယာယ ဝိရာဂာယ နိရောဓာယ နိဗ္ဗာနာယ ဓမ္မော ဒေသိတော? နနု မယာ, မောဃပုရိသ, အနေကပရိယာယေန ကာမာနံ ပဟာနံ အက္ခာတံ, ကာမသညာနံ ပရိညာ အက္ခာတာ, ကာမပိပာသာနံ ပဋိဝိနယော အက္ခာတော, ကာမဝိတက္ကာနံ သမုဂ္ဃာတော အက္ခာတော, ကာမပရိဠာဟာနံ ဝူပသမော အက္ခာတော? နေတံ, မောဃပုရိသ, အပ္ပသန္နာနံ ဝာ ပသာဒာယ, ပသန္နာနံ ဝာ ဘိယ္ယောဘာဝာယ။ အထ ခ္ဝေတံ, မောဃပုရိသ, အပ္ပသန္နာနဉ္စေဝ အပ္ပသာဒာယ, ပသန္နာနဉ္စ ဧကစ္စာနံ အညထတ္တာယာ’’တိ။ အထ ခော ဘဂဝာ အာယသ္မန္တံ သေယ္ယသကံ အနေကပရိယာယေန ဝိဂရဟိတ္ဝာ ဒုဗ္ဘရတာယ။ပေ.။ ‘‘ဧဝဉ္စ ပန, ဘိက္ခဝေ, ဣမံ သိက္ခာပဒံ ဥဒ္ဒိသေယ္ယာထ –
Atha kho te bhikkhū āyasmantaṃ seyyasakaṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ seyyasakaṃ paṭipucchi – ‘‘saccaṃ kira tvaṃ, seyyasaka, hatthena upakkamitvā asuciṃ mocesī’’ti? ‘‘Saccaṃ, bhagavā’’ti . Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, hatthena upakkamitvā asuciṃ mocessasi! Nanu mayā, moghapurisa, anekapariyāyena virāgāya dhammo desito no sarāgāya, visaññogāya dhammo desito no saññogāya, anupādānāya dhammo desito no saupādānāya! Tattha nāma tvaṃ, moghapurisa, mayā virāgāya dhamme desite sarāgāya cetessasi, visaññogāya dhamme desite saññogāya cetessasi, anupādānāya dhamme desite saupādānāya cetessasi! Nanu mayā, moghapurisa, anekapariyāyena rāgavirāgāya dhammo desito, madanimmadanāya pipāsavinayāya ālayasamugghātāya vaṭṭupacchedāya taṇhakkhayāya virāgāya nirodhāya nibbānāya dhammo desito? Nanu mayā, moghapurisa, anekapariyāyena kāmānaṃ pahānaṃ akkhātaṃ, kāmasaññānaṃ pariññā akkhātā, kāmapipāsānaṃ paṭivinayo akkhāto, kāmavitakkānaṃ samugghāto akkhāto, kāmapariḷāhānaṃ vūpasamo akkhāto? Netaṃ, moghapurisa, appasannānaṃ vā pasādāya, pasannānaṃ vā bhiyyobhāvāya. Atha khvetaṃ, moghapurisa, appasannānañceva appasādāya, pasannānañca ekaccānaṃ aññathattāyā’’ti. Atha kho bhagavā āyasmantaṃ seyyasakaṃ anekapariyāyena vigarahitvā dubbharatāya…pe… ‘‘evañca pana, bhikkhave, imaṃ sikkhāpadaṃ uddiseyyātha –
ဧဝဉ္စိဒံ ဘဂဝတာ ဘိက္ခူနံ သိက္ခာပဒံ ပညတ္တံ ဟောတိ။
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
၂၃၅. တေန ခော ပန သမယေန ဘိက္ခူ ပဏီတဘောဇနာနိ ဘုဉ္ဇိတ္ဝာ မုဋ္ဌသ္သတီ အသမ္ပဇာနာ နိဒ္ဒံ ဩက္ကမန္တိ။ တေသံ မုဋ္ဌသ္သတီနံ အသမ္ပဇာနာနံ နိဒ္ဒံ ဩက္ကမန္တာနံ သုပိနန္တေန အသုစိ မုစ္စတိ။ တေသံ ကုက္ကုစ္စံ အဟောသိ – ‘‘ဘဂဝတာ သိက္ခာပဒံ ပညတ္တံ – ‘သဉ္စေတနိကာ သုက္ကဝိသ္သဋ္ဌိ သင္ဃာဒိသေသော’တိ။ အမ္ဟာကဉ္စ သုပိနန္တေန အသုစိ မုစ္စတိ။ အတ္ထိ စေတ္ထ စေတနာ လဗ္ဘတိ။ ကစ္စိ နု ခော မယံ သင္ဃာဒိသေသံ အာပတ္တိံ အာပန္နာ’’တိ? ဘဂဝတော ဧတမတ္ထံ အာရောစေသုံ။ ‘‘အတ္ထေသာ, ဘိက္ခဝေ, စေတနာ; သာ စ ခော အဗ္ဗောဟာရိကာတိ။ ဧဝဉ္စ ပန, ဘိက္ခဝေ, ဣမံ သိက္ခာပဒံ ဥဒ္ဒိသေယ္ယာထ –
235. Tena kho pana samayena bhikkhū paṇītabhojanāni bhuñjitvā muṭṭhassatī asampajānā niddaṃ okkamanti. Tesaṃ muṭṭhassatīnaṃ asampajānānaṃ niddaṃ okkamantānaṃ supinantena asuci muccati. Tesaṃ kukkuccaṃ ahosi – ‘‘bhagavatā sikkhāpadaṃ paññattaṃ – ‘sañcetanikā sukkavissaṭṭhi saṅghādiseso’ti. Amhākañca supinantena asuci muccati. Atthi cettha cetanā labbhati. Kacci nu kho mayaṃ saṅghādisesaṃ āpattiṃ āpannā’’ti? Bhagavato etamatthaṃ ārocesuṃ. ‘‘Atthesā, bhikkhave, cetanā; sā ca kho abbohārikāti. Evañca pana, bhikkhave, imaṃ sikkhāpadaṃ uddiseyyātha –
၂၃၆. ‘‘သဉ္စေတနိကာ သုက္ကဝိသ္သဋ္ဌိ အညတ္ရ သုပိနန္တာ သင္ဃာဒိသေသော’’တိ။
236.‘‘Sañcetanikā sukkavissaṭṭhi aññatra supinantā saṅghādiseso’’ti.
၂၃၇. သဉ္စေတနိကာတိ ဇာနန္တော သဉ္ဇာနန္တော စေစ္စ အဘိဝိတရိတ္ဝာ ဝီတိက္ကမော။
237.Sañcetanikāti jānanto sañjānanto cecca abhivitaritvā vītikkamo.
သုက္ကန္တိ ဒသ သုက္ကာနိ – နီလံ ပီတကံ လောဟိတကံ ဩဒာတံ တက္ကဝဏ္ဏံ ဒကဝဏ္ဏံ တေလဝဏ္ဏံ ခီရဝဏ္ဏံ ဒဓိဝဏ္ဏံ သပ္ပိဝဏ္ဏံ။
Sukkanti dasa sukkāni – nīlaṃ pītakaṃ lohitakaṃ odātaṃ takkavaṇṇaṃ dakavaṇṇaṃ telavaṇṇaṃ khīravaṇṇaṃ dadhivaṇṇaṃ sappivaṇṇaṃ.
ဝိသ္သဋ္ဌီတိ ဌာနတော စာဝနာ ဝုစ္စတိ ဝိသ္သဋ္ဌီတိ။
Vissaṭṭhīti ṭhānato cāvanā vuccati vissaṭṭhīti.
အညတ္ရ သုပိနန္တာတိ ဌပေတ္ဝာ သုပိနန္တံ။
Aññatra supinantāti ṭhapetvā supinantaṃ.
သင္ဃာဒိသေသောတိ သင္ဃောဝ တသ္သာ အာပတ္တိယာ ပရိဝာသံ ဒေတိ, မူလာယ ပဋိကသ္သတိ, မာနတ္တံ ဒေတိ , အဗ္ဘေတိ; န သမ္ဗဟုလာ, န ဧကပုဂ္ဂလော။ တေန ဝုစ္စတိ – ‘‘သင္ဃာဒိသေသော’’တိ။ တသ္သေဝ အာပတ္တိနိကာယသ္သ နာမကမ္မံ အဓိဝစနံ။ တေနပိ ဝုစ္စတိ – ‘‘သင္ဃာဒိသေသော’’တိ။
Saṅghādisesoti saṅghova tassā āpattiyā parivāsaṃ deti, mūlāya paṭikassati, mānattaṃ deti , abbheti; na sambahulā, na ekapuggalo. Tena vuccati – ‘‘saṅghādiseso’’ti. Tasseva āpattinikāyassa nāmakammaṃ adhivacanaṃ. Tenapi vuccati – ‘‘saṅghādiseso’’ti.
အဇ္ဈတ္တရူပေ မောစေတိ, ဗဟိဒ္ဓာရူပေ မောစေတိ, အဇ္ဈတ္တဗဟိဒ္ဓာရူပေ မောစေတိ, အာကာသေ ကဋိံ ကမ္ပေန္တော မောစေတိ; ရာဂူပတ္ထမ္ဘေ မောစေတိ, ဝစ္စူပတ္ထမ္ဘေ မောစေတိ, ပသ္သာဝူပတ္ထမ္ဘေ မောစေတိ, ဝာတူပတ္ထမ္ဘေ မောစေတိ , ဥစ္စာလိင္ဂပာဏကဒဋ္ဌူပတ္ထမ္ဘေ မောစေတိ; အာရောဂ္ယတ္ထာယ မောစေတိ, သုခတ္ထာယ မောစေတိ, ဘေသဇ္ဇတ္ထာယ မောစေတိ, ဒာနတ္ထာယ မောစေတိ, ပုညတ္ထာယ မောစေတိ, ယညတ္ထာယ မောစေတိ, သဂ္ဂတ္ထာယ မောစေတိ, ဗီဇတ္ထာယ မောစေတိ, ဝီမံသတ္ထာယ မောစေတိ, ဒဝတ္ထာယ မောစေတိ; နီလံ မောစေတိ, ပီတကံ မောစေတိ, လောဟိတကံ မောစေတိ, ဩဒာတံ မောစေတိ, တက္ကဝဏ္ဏံ မောစေတိ, ဒကဝဏ္ဏံ မောစေတိ, တေလဝဏ္ဏံ မောစေတိ, ခီရဝဏ္ဏံ မောစေတိ, ဒဓိဝဏ္ဏံ မောစေတိ, သပ္ပိဝဏ္ဏံ မောစေတိ။
Ajjhattarūpe moceti, bahiddhārūpe moceti, ajjhattabahiddhārūpe moceti, ākāse kaṭiṃ kampento moceti; rāgūpatthambhe moceti, vaccūpatthambhe moceti, passāvūpatthambhe moceti, vātūpatthambhe moceti , uccāliṅgapāṇakadaṭṭhūpatthambhe moceti; ārogyatthāya moceti, sukhatthāya moceti, bhesajjatthāya moceti, dānatthāya moceti, puññatthāya moceti, yaññatthāya moceti, saggatthāya moceti, bījatthāya moceti, vīmaṃsatthāya moceti, davatthāya moceti; nīlaṃ moceti, pītakaṃ moceti, lohitakaṃ moceti, odātaṃ moceti, takkavaṇṇaṃ moceti, dakavaṇṇaṃ moceti, telavaṇṇaṃ moceti, khīravaṇṇaṃ moceti, dadhivaṇṇaṃ moceti, sappivaṇṇaṃ moceti.
ဗဟိဒ္ဓာရူပေတိ ဗဟိဒ္ဓာ ဥပာဒိန္နေ ဝာ အနုပာဒိန္နေ ဝာ။
Bahiddhārūpeti bahiddhā upādinne vā anupādinne vā.
အဇ္ဈတ္တဗဟိဒ္ဓာရူပေတိ တဒုဘယေ။
Ajjhattabahiddhārūpeti tadubhaye.
အာကာသေ ကဋိံ ကမ္ပေန္တောတိ အာကာသေ ဝာယမန္တသ္သ အင္ဂဇာတံ ကမ္မနိယံ ဟောတိ။
Ākāse kaṭiṃ kampentoti ākāse vāyamantassa aṅgajātaṃ kammaniyaṃ hoti.
ရာဂူပတ္ထမ္ဘေတိ ရာဂေန ပီဠိတသ္သ အင္ဂဇာတံ ကမ္မနိယံ ဟောတိ။
Rāgūpatthambheti rāgena pīḷitassa aṅgajātaṃ kammaniyaṃ hoti.
ဝစ္စူပတ္ထမ္ဘေတိ ဝစ္စေန ပီဠိတသ္သ အင္ဂဇာတံ ကမ္မနိယံ ဟောတိ။
Vaccūpatthambheti vaccena pīḷitassa aṅgajātaṃ kammaniyaṃ hoti.
ပသ္သာဝူပတ္ထမ္ဘေတိ ပသ္သာဝေန ပီဠိတသ္သ အင္ဂဇာတံ ကမ္မနိယံ ဟောတိ။
Passāvūpatthambheti passāvena pīḷitassa aṅgajātaṃ kammaniyaṃ hoti.
ဝာတူပတ္ထမ္ဘေတိ ဝာတေန ပီဠိတသ္သ အင္ဂဇာတံ ကမ္မနိယံ ဟောတိ။
Vātūpatthambheti vātena pīḷitassa aṅgajātaṃ kammaniyaṃ hoti.
ဥစ္စာလိင္ဂပာဏကဒဋ္ဌူပတ္ထမ္ဘေတိ ဥစ္စာလိင္ဂပာဏကဒဋ္ဌေန အင္ဂဇာတံ ကမ္မနိယံ ဟောတိ။
Uccāliṅgapāṇakadaṭṭhūpatthambheti uccāliṅgapāṇakadaṭṭhena aṅgajātaṃ kammaniyaṃ hoti.
၂၃၉. အာရောဂ္ယတ္ထာယာတိ အရောဂော ဘဝိသ္သာမိ။
239.Ārogyatthāyāti arogo bhavissāmi.
သုခတ္ထာယာတိ သုခံ ဝေဒနံ ဥပ္ပာဒေသ္သာမိ။
Sukhatthāyāti sukhaṃ vedanaṃ uppādessāmi.
ဘေသဇ္ဇတ္ထာယာတိ ဘေသဇ္ဇံ ဘဝိသ္သတိ။
Bhesajjatthāyāti bhesajjaṃ bhavissati.
ဒာနတ္ထာယာတိ ဒာနံ ဒသ္သာမိ။
Dānatthāyāti dānaṃ dassāmi.
ပုညတ္ထာယာတိ ပုညံ ဘဝိသ္သတိ။
Puññatthāyāti puññaṃ bhavissati.
ယညတ္ထာယာတိ ယညံ ယဇိသ္သာမိ။
Yaññatthāyāti yaññaṃ yajissāmi.
သဂ္ဂတ္ထာယာတိ သဂ္ဂံ ဂမိသ္သာမိ။
Saggatthāyāti saggaṃ gamissāmi.
ဗီဇတ္ထာယာတိ ဗီဇံ ဘဝိသ္သတိ။
Bījatthāyāti bījaṃ bhavissati.
ဝီမံသတ္ထာယာတိ နီလံ ဘဝိသ္သတိ, ပီတကံ ဘဝိသ္သတိ, လောဟိတကံ ဘဝိသ္သတိ, ဩဒာတံ ဘဝိသ္သတိ, တက္ကဝဏ္ဏံ ဘဝိသ္သတိ, ဒကဝဏ္ဏံ ဘဝိသ္သတိ, တေလဝဏ္ဏံ ဘဝိသ္သတိ, ခီရဝဏ္ဏံ ဘဝိသ္သတိ, ဒဓိဝဏ္ဏံ ဘဝိသ္သတိ, သပ္ပိဝဏ္ဏံ ဘဝိသ္သတီတိ။
Vīmaṃsatthāyāti nīlaṃ bhavissati, pītakaṃ bhavissati, lohitakaṃ bhavissati, odātaṃ bhavissati, takkavaṇṇaṃ bhavissati, dakavaṇṇaṃ bhavissati, telavaṇṇaṃ bhavissati, khīravaṇṇaṃ bhavissati, dadhivaṇṇaṃ bhavissati, sappivaṇṇaṃ bhavissatīti.
ဒဝတ္ထာယာတိ ခိဍ္ဍာဓိပ္ပာယော။
Davatthāyāti khiḍḍādhippāyo.
၂၄၀. အဇ္ဈတ္တရူပေ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
240. Ajjhattarūpe ceteti upakkamati muccati, āpatti saṅghādisesassa.
ဗဟိဒ္ဓာရူပေ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Bahiddhārūpe ceteti upakkamati muccati, āpatti saṅghādisesassa.
အဇ္ဈတ္တဗဟိဒ္ဓာရူပေ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Ajjhattabahiddhārūpe ceteti upakkamati muccati, āpatti saṅghādisesassa.
အာကာသေ ကဋိံ ကမ္ပေန္တော စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Ākāse kaṭiṃ kampento ceteti upakkamati muccati, āpatti saṅghādisesassa.
ရာဂူပတ္ထမ္ဘေ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Rāgūpatthambhe ceteti upakkamati muccati, āpatti saṅghādisesassa.
ဝစ္စူပတ္ထမ္ဘေ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Vaccūpatthambhe ceteti upakkamati muccati, āpatti saṅghādisesassa.
ပသ္သာဝူပတ္ထမ္ဘေ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Passāvūpatthambhe ceteti upakkamati muccati, āpatti saṅghādisesassa.
ဝာတူပတ္ထမ္ဘေ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Vātūpatthambhe ceteti upakkamati muccati, āpatti saṅghādisesassa.
ဥစ္စာလိင္ဂပာဏကဒဋ္ဌူပတ္ထမ္ဘေ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Uccāliṅgapāṇakadaṭṭhūpatthambhe ceteti upakkamati muccati, āpatti saṅghādisesassa.
အာရောဂ္ယတ္ထာယ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Ārogyatthāya ceteti upakkamati muccati, āpatti saṅghādisesassa.
သုခတ္ထာယ။ပေ.။ ဘေသဇ္ဇတ္ထာယ။ ဒာနတ္ထာယ။ ပုညတ္ထာယ။ ယညတ္ထာယ။ သဂ္ဂတ္ထာယ။ ဗီဇတ္ထာယ။ ဝီမံသတ္ထာယ။ ဒဝတ္ထာယ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Sukhatthāya…pe… bhesajjatthāya… dānatthāya… puññatthāya… yaññatthāya… saggatthāya… bījatthāya… vīmaṃsatthāya… davatthāya ceteti upakkamati muccati, āpatti saṅghādisesassa.
နီလံ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ ။
Nīlaṃ ceteti upakkamati muccati, āpatti saṅghādisesassa .
ပီတကံ။ လောဟိတကံ။ ဩဒာတံ။ တက္ကဝဏ္ဏံ။ ဒကဝဏ္ဏံ။ တေလဝဏ္ဏံ။ ခီရဝဏ္ဏံ။ ဒဓိဝဏ္ဏံ။ သပ္ပိဝဏ္ဏံ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ ceteti upakkamati muccati, āpatti saṅghādisesassa.
သုဒ္ဓိကံ နိဋ္ဌိတံ။
Suddhikaṃ niṭṭhitaṃ.
အာရောဂ္ယတ္ထဉ္စ သုခတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Ārogyatthañca sukhatthañca ceteti upakkamati muccati, āpatti saṅghādisesassa.
အာရောဂ္ယတ္ထဉ္စ ဘေသဇ္ဇတ္ထဉ္စ။ပေ.။ အာရောဂ္ယတ္ထဉ္စ ဒာနတ္ထဉ္စ။ အာရောဂ္ယတ္ထဉ္စ ပုညတ္ထဉ္စ။ အာရောဂ္ယတ္ထဉ္စ ယညတ္ထဉ္စ။ အာရောဂ္ယတ္ထဉ္စ သဂ္ဂတ္ထဉ္စ။ အာရောဂ္ယတ္ထဉ္စ ဗီဇတ္ထဉ္စ။ အာရောဂ္ယတ္ထဉ္စ ဝီမံသတ္ထဉ္စ။ အာရောဂ္ယတ္ထဉ္စ ဒဝတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Ārogyatthañca bhesajjatthañca…pe… ārogyatthañca dānatthañca… ārogyatthañca puññatthañca… ārogyatthañca yaññatthañca… ārogyatthañca saggatthañca… ārogyatthañca bījatthañca… ārogyatthañca vīmaṃsatthañca… ārogyatthañca davatthañca ceteti upakkamati muccati, āpatti saṅghādisesassa.
ဧကမူလကသ္သ ခဏ္ဍစက္ကံ နိဋ္ဌိတံ။
Ekamūlakassa khaṇḍacakkaṃ niṭṭhitaṃ.
၂၄၁. သုခတ္ထဉ္စ ဘေသဇ္ဇတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
241. Sukhatthañca bhesajjatthañca ceteti upakkamati muccati, āpatti saṅghādisesassa.
သုခတ္ထဉ္စ ဒာနတ္ထဉ္စ။ပေ.။ သုခတ္ထဉ္စ ပုညတ္ထဉ္စ။ သုခတ္ထဉ္စ ယညတ္ထဉ္စ။ သုခတ္ထဉ္စ သဂ္ဂတ္ထဉ္စ။ သုခတ္ထဉ္စ ဗီဇတ္ထဉ္စ။ သုခတ္ထဉ္စ ဝီမံသတ္ထဉ္စ။ သုခတ္ထဉ္စ ဒဝတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Sukhatthañca dānatthañca…pe… sukhatthañca puññatthañca… sukhatthañca yaññatthañca… sukhatthañca saggatthañca… sukhatthañca bījatthañca… sukhatthañca vīmaṃsatthañca… sukhatthañca davatthañca ceteti upakkamati muccati, āpatti saṅghādisesassa.
သုခတ္ထဉ္စ အာရောဂ္ယတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Sukhatthañca ārogyatthañca ceteti upakkamati muccati, āpatti saṅghādisesassa.
၂၄၂. ဘေသဇ္ဇတ္ထဉ္စ ဒာနတ္ထဉ္စ။ပေ.။ ဘေသဇ္ဇတ္ထဉ္စ ပုညတ္ထဉ္စ။ ဘေသဇ္ဇတ္ထဉ္စ ယညတ္ထဉ္စ။ ဘေသဇ္ဇတ္ထဉ္စ သဂ္ဂတ္ထဉ္စ။ ဘေသဇ္ဇတ္ထဉ္စ ဗီဇတ္ထဉ္စ။ ဘေသဇ္ဇတ္ထဉ္စ ဝီမံသတ္ထဉ္စ။ ဘေသဇ္ဇတ္ထဉ္စ ဒဝတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
242. Bhesajjatthañca dānatthañca…pe… bhesajjatthañca puññatthañca… bhesajjatthañca yaññatthañca… bhesajjatthañca saggatthañca… bhesajjatthañca bījatthañca… bhesajjatthañca vīmaṃsatthañca… bhesajjatthañca davatthañca ceteti upakkamati muccati, āpatti saṅghādisesassa.
ဘေသဇ္ဇတ္ထဉ္စ အာရောဂ္ယတ္ထဉ္စ။ပေ.။ ဘေသဇ္ဇတ္ထဉ္စ သုခတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Bhesajjatthañca ārogyatthañca…pe… bhesajjatthañca sukhatthañca ceteti upakkamati muccati, āpatti saṅghādisesassa.
ဒာနတ္ထဉ္စ ပုညတ္ထဉ္စ။ပေ.။ ဒာနတ္ထဉ္စ ယညတ္ထဉ္စ။ ဒာနတ္ထဉ္စ သဂ္ဂတ္ထဉ္စ။ ဒာနတ္ထဉ္စ ဗီဇတ္ထဉ္စ။ ဒာနတ္ထဉ္စ ဝီမံသတ္ထဉ္စ။ ဒာနတ္ထဉ္စ ဒဝတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Dānatthañca puññatthañca…pe… dānatthañca yaññatthañca… dānatthañca saggatthañca… dānatthañca bījatthañca… dānatthañca vīmaṃsatthañca… dānatthañca davatthañca ceteti upakkamati muccati, āpatti saṅghādisesassa.
ဒာနတ္ထဉ္စ အာရောဂ္ယတ္ထဉ္စ။ပေ.။ ဒာနတ္ထဉ္စ သုခတ္ထဉ္စ။ ဒာနတ္ထဉ္စ ဘေသဇ္ဇတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Dānatthañca ārogyatthañca…pe… dānatthañca sukhatthañca… dānatthañca bhesajjatthañca ceteti upakkamati muccati, āpatti saṅghādisesassa.
ပုညတ္ထဉ္စ ယညတ္ထဉ္စ။ပေ.။ ပုညတ္ထဉ္စ သဂ္ဂတ္ထဉ္စ။ ပုညတ္ထဉ္စ ဗီဇတ္ထဉ္စ။ ပုညတ္ထဉ္စ ဝီမံသတ္ထဉ္စ။ ပုညတ္ထဉ္စ ဒဝတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Puññatthañca yaññatthañca…pe… puññatthañca saggatthañca… puññatthañca bījatthañca… puññatthañca vīmaṃsatthañca… puññatthañca davatthañca ceteti upakkamati muccati, āpatti saṅghādisesassa.
ပုညတ္ထဉ္စ အာရောဂ္ယတ္ထဉ္စ။ပေ.။ ပုညတ္ထဉ္စ သုခတ္ထဉ္စ။ ပုညတ္ထဉ္စ ဘေသဇ္ဇတ္ထဉ္စ။ ပုညတ္ထဉ္စ ဒာနတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Puññatthañca ārogyatthañca…pe… puññatthañca sukhatthañca… puññatthañca bhesajjatthañca… puññatthañca dānatthañca ceteti upakkamati muccati, āpatti saṅghādisesassa.
ယညတ္ထဉ္စ သဂ္ဂတ္ထဉ္စ။ပေ.။ ယညတ္ထဉ္စ ဗီဇတ္ထဉ္စ။ ယညတ္ထဉ္စ ဝီမံသတ္ထဉ္စ ။ ယညတ္ထဉ္စ ဒဝတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Yaññatthañca saggatthañca…pe… yaññatthañca bījatthañca… yaññatthañca vīmaṃsatthañca … yaññatthañca davatthañca ceteti upakkamati muccati, āpatti saṅghādisesassa.
ယညတ္ထဉ္စ အာရောဂ္ယတ္ထဉ္စ။ပေ.။ ယညတ္ထဉ္စ သုခတ္ထဉ္စ။ ယညတ္ထဉ္စ ဘေသဇ္ဇတ္ထဉ္စ။ ယညတ္ထဉ္စ ဒာနတ္ထဉ္စ။ ယညတ္ထဉ္စ ပုညတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Yaññatthañca ārogyatthañca…pe… yaññatthañca sukhatthañca… yaññatthañca bhesajjatthañca… yaññatthañca dānatthañca… yaññatthañca puññatthañca ceteti upakkamati muccati, āpatti saṅghādisesassa.
သဂ္ဂတ္ထဉ္စ ဗီဇတ္ထဉ္စ။ပေ.။ သဂ္ဂတ္ထဉ္စ ဝီမံသတ္ထဉ္စ။ သဂ္ဂတ္ထဉ္စ ဒဝတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Saggatthañca bījatthañca…pe… saggatthañca vīmaṃsatthañca… saggatthañca davatthañca ceteti upakkamati muccati, āpatti saṅghādisesassa.
သဂ္ဂတ္ထဉ္စ အာရောဂ္ယတ္ထဉ္စ။ပေ.။ သဂ္ဂတ္ထဉ္စ သုခတ္ထဉ္စ။ သဂ္ဂတ္ထဉ္စ ဘေသဇ္ဇတ္ထဉ္စ။ သဂ္ဂတ္ထဉ္စ ဒာနတ္ထဉ္စ။ သဂ္ဂတ္ထဉ္စ ပုညတ္ထဉ္စ။ သဂ္ဂတ္ထဉ္စ ယညတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Saggatthañca ārogyatthañca…pe… saggatthañca sukhatthañca… saggatthañca bhesajjatthañca… saggatthañca dānatthañca… saggatthañca puññatthañca… saggatthañca yaññatthañca ceteti upakkamati muccati, āpatti saṅghādisesassa.
ဗီဇတ္ထဉ္စ ဝီမံသတ္ထဉ္စ။ပေ.။ ဗီဇတ္ထဉ္စ ဒဝတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Bījatthañca vīmaṃsatthañca…pe… bījatthañca davatthañca ceteti upakkamati muccati, āpatti saṅghādisesassa.
ဗီဇတ္ထဉ္စ အာရောဂ္ယတ္ထဉ္စ။ပေ.။ ဗီဇတ္ထဉ္စ သုခတ္ထဉ္စ။ ဗီဇတ္ထဉ္စ ဘေသဇ္ဇတ္ထဉ္စ။ ဗီဇတ္ထဉ္စ ဒာနတ္ထဉ္စ။ ဗီဇတ္ထဉ္စ ပုညတ္ထဉ္စ။ ဗီဇတ္ထဉ္စ ယညတ္ထဉ္စ။ ဗီဇတ္ထဉ္စ သဂ္ဂတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Bījatthañca ārogyatthañca…pe… bījatthañca sukhatthañca… bījatthañca bhesajjatthañca… bījatthañca dānatthañca… bījatthañca puññatthañca… bījatthañca yaññatthañca… bījatthañca saggatthañca ceteti upakkamati muccati, āpatti saṅghādisesassa.
ဝီမံသတ္ထဉ္စ ဒဝတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Vīmaṃsatthañca davatthañca ceteti upakkamati muccati, āpatti saṅghādisesassa.
ဝီမံသတ္ထဉ္စ အာရောဂ္ယတ္ထဉ္စ။ပေ.။ ဝီမံသတ္ထဉ္စ သုခတ္ထဉ္စ။ ဝီမံသတ္ထဉ္စ ဘေသဇ္ဇတ္ထဉ္စ။ ဝီမံသတ္ထဉ္စ ဒာနတ္ထဉ္စ။ ဝီမံသတ္ထဉ္စ ပုညတ္ထဉ္စ။ ဝီမံသတ္ထဉ္စ ယညတ္ထဉ္စ။ ဝီမံသတ္ထဉ္စ သဂ္ဂတ္ထဉ္စ။ ဝီမံသတ္ထဉ္စ ဗီဇတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Vīmaṃsatthañca ārogyatthañca…pe… vīmaṃsatthañca sukhatthañca… vīmaṃsatthañca bhesajjatthañca… vīmaṃsatthañca dānatthañca… vīmaṃsatthañca puññatthañca… vīmaṃsatthañca yaññatthañca… vīmaṃsatthañca saggatthañca… vīmaṃsatthañca bījatthañca ceteti upakkamati muccati, āpatti saṅghādisesassa.
ဒဝတ္ထဉ္စ အာရောဂ္ယတ္ထဉ္စ။ပေ.။ ဒဝတ္ထဉ္စ သုခတ္ထဉ္စ။ ဒဝတ္ထဉ္စ ဘေသဇ္ဇတ္ထဉ္စ။ ဒဝတ္ထဉ္စ ဒာနတ္ထဉ္စ။ ဒဝတ္ထဉ္စ ပုညတ္ထဉ္စ။ ဒဝတ္ထဉ္စ ယညတ္ထဉ္စ။ ဒဝတ္ထဉ္စ သဂ္ဂတ္ထဉ္စ။ ဒဝတ္ထဉ္စ ဗီဇတ္ထဉ္စ။ ဒဝတ္ထဉ္စ ဝီမံသတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Davatthañca ārogyatthañca…pe… davatthañca sukhatthañca… davatthañca bhesajjatthañca… davatthañca dānatthañca… davatthañca puññatthañca… davatthañca yaññatthañca… davatthañca saggatthañca… davatthañca bījatthañca… davatthañca vīmaṃsatthañca ceteti upakkamati muccati, āpatti saṅghādisesassa.
ဧကမူလကသ္သ ဗဒ္ဓစက္ကံ နိဋ္ဌိတံ။
Ekamūlakassa baddhacakkaṃ niṭṭhitaṃ.
အာရောဂ္ယတ္ထဉ္စ သုခတ္ထဉ္စ ဘေသဇ္ဇတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။ပေ.။ အာရောဂ္ယတ္ထဉ္စ သုခတ္ထဉ္စ ဒဝတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Ārogyatthañca sukhatthañca bhesajjatthañca ceteti upakkamati muccati, āpatti saṅghādisesassa…pe… ārogyatthañca sukhatthañca davatthañca ceteti upakkamati muccati, āpatti saṅghādisesassa.
ဒုမူလကသ္သ ခဏ္ဍစက္ကံ။
Dumūlakassa khaṇḍacakkaṃ.
သုခတ္ထဉ္စ ဘေသဇ္ဇတ္ထဉ္စ ဒာနတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။ပေ.။ သုခတ္ထဉ္စ ဘေသဇ္ဇတ္ထဉ္စ ဒဝတ္ထဉ္စ။ပေ.။ သုခတ္ထဉ္စ ဘေသဇ္ဇတ္ထဉ္စ အာရောဂ္ယတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Sukhatthañca bhesajjatthañca dānatthañca ceteti upakkamati muccati, āpatti saṅghādisesassa…pe… sukhatthañca bhesajjatthañca davatthañca…pe… sukhatthañca bhesajjatthañca ārogyatthañca ceteti upakkamati muccati, āpatti saṅghādisesassa.
ဒုမူလကသ္သ ဗဒ္ဓစက္ကံ သံခိတ္တံ။
Dumūlakassa baddhacakkaṃ saṃkhittaṃ.
ဝီမံသတ္ထဉ္စ ဒဝတ္ထဉ္စ အာရောဂ္ယတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။ ဝီမံသတ္ထဉ္စ ဒဝတ္ထဉ္စ ဗီဇတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Vīmaṃsatthañca davatthañca ārogyatthañca ceteti upakkamati muccati, āpatti saṅghādisesassa. Vīmaṃsatthañca davatthañca bījatthañca ceteti upakkamati muccati, āpatti saṅghādisesassa.
ဒုမူလကံ နိဋ္ဌိတံ။
Dumūlakaṃ niṭṭhitaṃ.
တိမူလကမ္ပိ စတုမူလကမ္ပိ ပဉ္စမူလကမ္ပိ ဆမူလကမ္ပိ သတ္တမူလကမ္ပိ အဋ္ဌမူလကမ္ပိ နဝမူလကမ္ပိ ဧဝမေဝ ဝိတ္ထာရေတဗ္ဗံ။
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ဣဒံ သဗ္ဗမူလကံ။
Idaṃ sabbamūlakaṃ.
၂၄၃. အာရောဂ္ယတ္ထဉ္စ သုခတ္ထဉ္စ ဘေသဇ္ဇတ္ထဉ္စ ဒာနတ္ထဉ္စ ပုညတ္ထဉ္စ ယညတ္ထဉ္စ သဂ္ဂတ္ထဉ္စ ဗီဇတ္ထဉ္စ ဝီမံသတ္ထဉ္စ ဒဝတ္ထဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
243. Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca ceteti upakkamati muccati, āpatti saṅghādisesassa.
သဗ္ဗမူလကံ နိဋ္ဌိတံ။
Sabbamūlakaṃ niṭṭhitaṃ.
၂၄၄. နီလဉ္စ ပီတကဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
244. Nīlañca pītakañca ceteti upakkamati muccati, āpatti saṅghādisesassa.
နီလဉ္စ လောဟိတကဉ္စ။ပေ.။ နီလဉ္စ ဩဒာတဉ္စ။ နီလဉ္စ တက္ကဝဏ္ဏဉ္စ။ နီလဉ္စ ဒကဝဏ္ဏဉ္စ။ နီလဉ္စ တေလဝဏ္ဏဉ္စ။ နီလဉ္စ ခီရဝဏ္ဏဉ္စ။ နီလဉ္စ ဒဓိဝဏ္ဏဉ္စ။ နီလဉ္စ သပ္ပိဝဏ္ဏဉ္စ စေတေတိ ဥပက္ကမတိ မုစ္စတ္တိ, အာပတ္တိ သင္ဃာဒိသေသသ္သ။
Nīlañca lohitakañca…pe… nīlañca odātañca… nīlañca takkavaṇṇañca… nīlañca dakavaṇṇañca… nīlañca telavaṇṇañca… nīlañca khīravaṇṇañca… nīlañca dadhivaṇṇañca… nīlañca sappivaṇṇañca ceteti upakkamati muccatti, āpatti saṅghādisesassa.
ဧကမူလကသ္သ ခဏ္ဍစက္ကံ နိဋ္ဌိတံ။
Ekamūlakassa khaṇḍacakkaṃ niṭṭhitaṃ.
၂၄၅. ပီတကဉ္စ လောဟိတကဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
245. Pītakañca lohitakañca ceteti upakkamati muccati, āpatti saṅghādisesassa.
ပီတကဉ္စ ဩဒာတဉ္စ။ပေ.။ ပီတကဉ္စ တက္ကဝဏ္ဏဉ္စ။ ပီတကဉ္စ ဒကဝဏ္ဏဉ္စ။ ပီတကဉ္စ တေလဝဏ္ဏဉ္စ။ ပီတကဉ္စ ခီရဝဏ္ဏဉ္စ။ ပီတကဉ္စ ဒဓိဝဏ္ဏဉ္စ။ ပီတကဉ္စ သပ္ပိဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Pītakañca odātañca…pe… pītakañca takkavaṇṇañca… pītakañca dakavaṇṇañca… pītakañca telavaṇṇañca… pītakañca khīravaṇṇañca… pītakañca dadhivaṇṇañca… pītakañca sappivaṇṇañca ceteti upakkamati muccati, āpatti saṅghādisesassa.
ပီတကဉ္စ နီလဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Pītakañca nīlañca ceteti upakkamati muccati, āpatti saṅghādisesassa.
ဧကမူလကသ္သ ဗဒ္ဓစက္ကံ။
Ekamūlakassa baddhacakkaṃ.
၂၄၆. လောဟိတကဉ္စ ဩဒာတဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
246. Lohitakañca odātañca ceteti upakkamati muccati, āpatti saṅghādisesassa.
လောဟိတကဉ္စ တက္ကဝဏ္ဏဉ္စ။ပေ.။ လောဟိတကဉ္စ ဒကဝဏ္ဏဉ္စ။ လောဟိတကဉ္စ တေလဝဏ္ဏဉ္စ။ လောဟိတကဉ္စ ခီရဝဏ္ဏဉ္စ။ လောဟိတကဉ္စ ဒဓိဝဏ္ဏဉ္စ။ လောဟိတကဉ္စ သပ္ပိဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Lohitakañca takkavaṇṇañca…pe… lohitakañca dakavaṇṇañca… lohitakañca telavaṇṇañca… lohitakañca khīravaṇṇañca… lohitakañca dadhivaṇṇañca… lohitakañca sappivaṇṇañca ceteti upakkamati muccati, āpatti saṅghādisesassa.
လောဟိတကဉ္စ နီလဉ္စ။ပေ.။ လောဟိတကဉ္စ ပီတကဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Lohitakañca nīlañca…pe… lohitakañca pītakañca ceteti upakkamati muccati, āpatti saṅghādisesassa.
ဩဒာတဉ္စ တက္ကဝဏ္ဏဉ္စ။ပေ.။ ဩဒာတဉ္စ ဒကဝဏ္ဏဉ္စ။ ဩဒာတဉ္စ တေလဝဏ္ဏဉ္စ။ ဩဒာတဉ္စ ခီရဝဏ္ဏဉ္စ။ ဩဒာတဉ္စ ဒဓိဝဏ္ဏဉ္စ။ ဩဒာတဉ္စ သပ္ပိဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Odātañca takkavaṇṇañca…pe… odātañca dakavaṇṇañca… odātañca telavaṇṇañca… odātañca khīravaṇṇañca… odātañca dadhivaṇṇañca… odātañca sappivaṇṇañca ceteti upakkamati muccati, āpatti saṅghādisesassa.
ဩဒာတဉ္စ နီလဉ္စ။ပေ.။ ဩဒာတဉ္စ ပီတကဉ္စ။ ဩဒာတဉ္စ လောဟိတကဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Odātañca nīlañca…pe… odātañca pītakañca… odātañca lohitakañca ceteti upakkamati muccati, āpatti saṅghādisesassa.
တက္ကဝဏ္ဏဉ္စ ဒကဝဏ္ဏဉ္စ။ပေ.။ တက္ကဝဏ္ဏဉ္စ တေလဝဏ္ဏဉ္စ။ တက္ကဝဏ္ဏဉ္စ ခီရဝဏ္ဏဉ္စ။ တက္ကဝဏ္ဏဉ္စ ဒဓိဝဏ္ဏဉ္စ။ တက္ကဝဏ္ဏဉ္စ သပ္ပိဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Takkavaṇṇañca dakavaṇṇañca…pe… takkavaṇṇañca telavaṇṇañca… takkavaṇṇañca khīravaṇṇañca… takkavaṇṇañca dadhivaṇṇañca… takkavaṇṇañca sappivaṇṇañca ceteti upakkamati muccati, āpatti saṅghādisesassa.
တက္ကဝဏ္ဏဉ္စ နီလဉ္စ။ပေ.။ တက္ကဝဏ္ဏဉ္စ ပီတကဉ္စ။ တက္ကဝဏ္ဏဉ္စ လောဟိတကဉ္စ။ တက္ကဝဏ္ဏဉ္စ ဩဒာတဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Takkavaṇṇañca nīlañca…pe… takkavaṇṇañca pītakañca… takkavaṇṇañca lohitakañca… takkavaṇṇañca odātañca ceteti upakkamati muccati, āpatti saṅghādisesassa.
ဒကဝဏ္ဏဉ္စ တေလဝဏ္ဏဉ္စ။ပေ.။ ဒကဝဏ္ဏဉ္စ ခီရဝဏ္ဏဉ္စ။ ဒကဝဏ္ဏဉ္စ ဒဓိဝဏ္ဏဉ္စ။ ဒကဝဏ္ဏဉ္စ သပ္ပိဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Dakavaṇṇañca telavaṇṇañca…pe… dakavaṇṇañca khīravaṇṇañca… dakavaṇṇañca dadhivaṇṇañca… dakavaṇṇañca sappivaṇṇañca ceteti upakkamati muccati, āpatti saṅghādisesassa.
ဒကဝဏ္ဏဉ္စ နီလဉ္စ။ပေ.။ ဒကဝဏ္ဏဉ္စ ပီတကဉ္စ။ ဒကဝဏ္ဏဉ္စ လောဟိတကဉ္စ။ ဒကဝဏ္ဏဉ္စ ဩဒာတဉ္စ။ ဒကဝဏ္ဏဉ္စ တက္ကဝဏ္ဏဉ္စ စေတေတိ ဥပက္ကမတိ မုစ္စတိ , အာပတ္တိ သင္ဃာဒိသေသသ္သ။
Dakavaṇṇañca nīlañca…pe… dakavaṇṇañca pītakañca… dakavaṇṇañca lohitakañca… dakavaṇṇañca odātañca… dakavaṇṇañca takkavaṇṇañca ceteti upakkamati muccati , āpatti saṅghādisesassa.
တေလဝဏ္ဏဉ္စ ခီရဝဏ္ဏဉ္စ။ပေ.။ တေလဝဏ္ဏဉ္စ ဒဓိဝဏ္ဏဉ္စ။ တေလဝဏ္ဏဉ္စ သပ္ပိဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Telavaṇṇañca khīravaṇṇañca…pe… telavaṇṇañca dadhivaṇṇañca… telavaṇṇañca sappivaṇṇañca ceteti upakkamati muccati, āpatti saṅghādisesassa.
တေလဝဏ္ဏဉ္စ နီလဉ္စ။ပေ.။ တေလဝဏ္ဏဉ္စ ပီတကဉ္စ။ တေလဝဏ္ဏဉ္စ လောဟိတကဉ္စ။ တေလဝဏ္ဏဉ္စ ဩဒာတဉ္စ။ တေလဝဏ္ဏဉ္စ တက္ကဝဏ္ဏဉ္စ။ တေလဝဏ္ဏဉ္စ ဒကဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Telavaṇṇañca nīlañca…pe… telavaṇṇañca pītakañca… telavaṇṇañca lohitakañca… telavaṇṇañca odātañca… telavaṇṇañca takkavaṇṇañca… telavaṇṇañca dakavaṇṇañca ceteti upakkamati muccati, āpatti saṅghādisesassa.
ခီရဝဏ္ဏဉ္စ ဒဓိဝဏ္ဏဉ္စ။ပေ.။ ခီရဝဏ္ဏဉ္စ သပ္ပိဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Khīravaṇṇañca dadhivaṇṇañca…pe… khīravaṇṇañca sappivaṇṇañca ceteti upakkamati muccati, āpatti saṅghādisesassa.
ခီရဝဏ္ဏဉ္စ နီလဉ္စ။ပေ.။ ခီရဝဏ္ဏဉ္စ ပီတကဉ္စ။ ခီရဝဏ္ဏဉ္စ လောဟိတကဉ္စ။ ခီရဝဏ္ဏဉ္စ ဩဒာတဉ္စ။ ခီရဝဏ္ဏဉ္စ တက္ကဝဏ္ဏဉ္စ။ ခီရဝဏ္ဏဉ္စ ဒကဝဏ္ဏဉ္စ။ ခီရဝဏ္ဏဉ္စ တေလဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Khīravaṇṇañca nīlañca…pe… khīravaṇṇañca pītakañca… khīravaṇṇañca lohitakañca… khīravaṇṇañca odātañca… khīravaṇṇañca takkavaṇṇañca… khīravaṇṇañca dakavaṇṇañca… khīravaṇṇañca telavaṇṇañca ceteti upakkamati muccati, āpatti saṅghādisesassa.
ဒဓိဝဏ္ဏဉ္စ သပ္ပိဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Dadhivaṇṇañca sappivaṇṇañca ceteti upakkamati muccati, āpatti saṅghādisesassa.
ဒဓိဝဏ္ဏဉ္စ နီလဉ္စ။ပေ.။ ဒဓိဝဏ္ဏဉ္စ ပီတကဉ္စ။ ဒဓိဝဏ္ဏဉ္စ လောဟိတကဉ္စ။ ဒဓိဝဏ္ဏဉ္စ ဩဒာတဉ္စ။ ဒဓိဝဏ္ဏဉ္စ တက္ကဝဏ္ဏဉ္စ။ ဒဓိဝဏ္ဏဉ္စ ဒကဝဏ္ဏဉ္စ။ ဒဓိဝဏ္ဏဉ္စ တေလဝဏ္ဏဉ္စ။ ဒဓိဝဏ္ဏဉ္စ ခီရဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Dadhivaṇṇañca nīlañca…pe… dadhivaṇṇañca pītakañca… dadhivaṇṇañca lohitakañca… dadhivaṇṇañca odātañca… dadhivaṇṇañca takkavaṇṇañca… dadhivaṇṇañca dakavaṇṇañca… dadhivaṇṇañca telavaṇṇañca… dadhivaṇṇañca khīravaṇṇañca ceteti upakkamati muccati, āpatti saṅghādisesassa.
သပ္ပိဝဏ္ဏဉ္စ နီလဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Sappivaṇṇañca nīlañca ceteti upakkamati muccati, āpatti saṅghādisesassa.
သပ္ပိဝဏ္ဏဉ္စ ပီတကဉ္စ။ပေ.။ သပ္ပိဝဏ္ဏဉ္စ လောဟိတကဉ္စ။ သပ္ပိဝဏ္ဏဉ္စ ဩဒာတဉ္စ။ သပ္ပိဝဏ္ဏဉ္စ တက္ကဝဏ္ဏဉ္စ။ သပ္ပိဝဏ္ဏဉ္စ ဒကဝဏ္ဏဉ္စ။ သပ္ပိဝဏ္ဏဉ္စ တေလဝဏ္ဏဉ္စ။ သပ္ပိဝဏ္ဏဉ္စ ခီရဝဏ္ဏဉ္စ ။ သပ္ပိဝဏ္ဏဉ္စ ဒဓိဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Sappivaṇṇañca pītakañca…pe… sappivaṇṇañca lohitakañca… sappivaṇṇañca odātañca… sappivaṇṇañca takkavaṇṇañca… sappivaṇṇañca dakavaṇṇañca… sappivaṇṇañca telavaṇṇañca… sappivaṇṇañca khīravaṇṇañca … sappivaṇṇañca dadhivaṇṇañca ceteti upakkamati muccati, āpatti saṅghādisesassa.
ဧကမူလကသ္သ ဗဒ္ဓစက္ကံ နိဋ္ဌိတံ။
Ekamūlakassa baddhacakkaṃ niṭṭhitaṃ.
နီလဉ္စ ပီတကဉ္စ လောဟိတကဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။ပေ.။ နီလဉ္စ ပီတကဉ္စ သပ္ပိဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Nīlañca pītakañca lohitakañca ceteti upakkamati muccati, āpatti saṅghādisesassa…pe… nīlañca pītakañca sappivaṇṇañca ceteti upakkamati muccati, āpatti saṅghādisesassa.
ဒုမူလကသ္သ ခဏ္ဍစက္ကံ။
Dumūlakassa khaṇḍacakkaṃ.
ပီတကဉ္စ လောဟိတကဉ္စ ဩဒာတဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။ပေ.။ ပီတကဉ္စ လောဟိတကဉ္စ သပ္ပိဝဏ္ဏဉ္စ။ပေ.။ ပီတကဉ္စ လောဟိတကဉ္စ နီလဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Pītakañca lohitakañca odātañca ceteti upakkamati muccati, āpatti saṅghādisesassa…pe… pītakañca lohitakañca sappivaṇṇañca…pe… pītakañca lohitakañca nīlañca ceteti upakkamati muccati, āpatti saṅghādisesassa.
ဒုမူလကသ္သ ဗဒ္ဓစက္ကံ သံခိတ္တံ။
Dumūlakassa baddhacakkaṃ saṃkhittaṃ.
ဒဓိဝဏ္ဏဉ္စ သပ္ပိဝဏ္ဏဉ္စ နီလဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။ပေ.။ ဒဓိဝဏ္ဏဉ္စ သပ္ပိဝဏ္ဏဉ္စ ခီရဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Dadhivaṇṇañca sappivaṇṇañca nīlañca ceteti upakkamati muccati, āpatti saṅghādisesassa…pe… dadhivaṇṇañca sappivaṇṇañca khīravaṇṇañca ceteti upakkamati muccati, āpatti saṅghādisesassa.
ဒုမူလကံ နိဋ္ဌိတံ။
Dumūlakaṃ niṭṭhitaṃ.
တိမူလကမ္ပိ စတုမူလကမ္ပိ ပဉ္စမူလကမ္ပိ ဆမူလကမ္ပိ သတ္တမူလကမ္ပိ အဋ္ဌမူလကမ္ပိ နဝမူလကမ္ပိ ဧဝမေဝ ဝိတ္ထာရေတဗ္ဗံ။
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ဣဒံ သဗ္ဗမူလကံ။
Idaṃ sabbamūlakaṃ.
၂၄၇. နီလဉ္စ ပီတကဉ္စ လောဟိတကဉ္စ ဩဒာတဉ္စ တက္ကဝဏ္ဏဉ္စ ဒကဝဏ္ဏဉ္စ တေလဝဏ္ဏဉ္စ ခီရဝဏ္ဏဉ္စ ဒဓိဝဏ္ဏဉ္စ သပ္ပိဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
247. Nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
သဗ္ဗမူလကံ နိဋ္ဌိတံ။
Sabbamūlakaṃ niṭṭhitaṃ.
၂၄၈. အာရောဂ္ယတ္ထဉ္စ နီလဉ္စ 5 စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
248. Ārogyatthañca nīlañca 6 ceteti upakkamati muccati, āpatti saṅghādisesassa.
အာရောဂ္ယတ္ထဉ္စ သုခတ္ထဉ္စ နီလဉ္စ ပီတကဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Ārogyatthañca sukhatthañca nīlañca pītakañca ceteti upakkamati muccati, āpatti saṅghādisesassa.
အာရောဂ္ယတ္ထဉ္စ သုခတ္ထဉ္စ ဘေသဇ္ဇတ္ထဉ္စ နီလဉ္စ ပီတကဉ္စ လောဟိတကဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Ārogyatthañca sukhatthañca bhesajjatthañca nīlañca pītakañca lohitakañca ceteti upakkamati muccati, āpatti saṅghādisesassa.
ဥဘတော ဝဍ္ဎကံ ဧဝမေဝ ဝဍ္ဎေတဗ္ဗံ။
Ubhato vaḍḍhakaṃ evameva vaḍḍhetabbaṃ.
အာရောဂ္ယတ္ထဉ္စ သုခတ္ထဉ္စ ဘေသဇ္ဇတ္ထဉ္စ ဒာနတ္ထဉ္စ ပုညတ္ထဉ္စ ယညတ္ထဉ္စ သဂ္ဂတ္ထဉ္စ ဗီဇတ္ထဉ္စ ဝီမံသတ္ထဉ္စ ဒဝတ္ထဉ္စ နီလဉ္စ ပီတကဉ္စ လောဟိတကဉ္စ ဩဒာတဉ္စ တက္ကဝဏ္ဏဉ္စ ဒကဝဏ္ဏဉ္စ တေလဝဏ္ဏဉ္စ ခီရဝဏ္ဏဉ္စ ဒဓိဝဏ္ဏဉ္စ သပ္ပိဝဏ္ဏဉ္စ စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
မိသ္သကစက္ကံ နိဋ္ဌိတံ။
Missakacakkaṃ niṭṭhitaṃ.
၂၄၉. နီလံ မောစေသ္သာမီတိ စေတေတိ ဥပက္ကမတိ ပီတကံ မုစ္စတိ, အာပတ္တိ သင္ဃာဒိသေသသ္သ။
249. Nīlaṃ mocessāmīti ceteti upakkamati pītakaṃ muccati, āpatti saṅghādisesassa.
နီလံ မောစေသ္သာမီတိ စေတေတိ ဥပက္ကမတိ လောဟိတကံ။ပေ.။ ဩဒာတံ ။ တက္ကဝဏ္ဏံ။ ဒကဝဏ္ဏံ။ တေလဝဏ္ဏံ။ ခီရဝဏ္ဏံ။ ဒဓိဝဏ္ဏံ။ သပ္ပိဝဏ္ဏံ မုစ္စတိ, အာပတ္တိ သင္ဃာဒိသေသသ္သ။
Nīlaṃ mocessāmīti ceteti upakkamati lohitakaṃ…pe… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ muccati, āpatti saṅghādisesassa.
ခဏ္ဍစက္ကံ နိဋ္ဌိတံ။
Khaṇḍacakkaṃ niṭṭhitaṃ.
၂၅၀. ပီတကံ မောစေသ္သာမီတိ စေတေတိ ဥပက္ကမတိ လောဟိတကံ မုစ္စတိ, အာပတ္တိ သင္ဃာဒိသေသသ္သ။
250. Pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
ပီတကံ မောစေသ္သာမီတိ စေတေတိ ဥပက္ကမတိ ဩဒာတံ။ပေ.။ တက္ကဝဏ္ဏံ။ ဒကဝဏ္ဏံ။ တေလဝဏ္ဏံ။ ခီရဝဏ္ဏံ။ ဒဓိဝဏ္ဏံ။ သပ္ပိဝဏ္ဏံ။ နီလံ မုစ္စတိ, အာပတ္တိ သင္ဃာဒိသေသသ္သ။
Pītakaṃ mocessāmīti ceteti upakkamati odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ muccati, āpatti saṅghādisesassa.
ဗဒ္ဓစက္ကမူလံ သံခိတ္တံ။
Baddhacakkamūlaṃ saṃkhittaṃ.
၂၅၁. သပ္ပိဝဏ္ဏံ မောစေသ္သာမီတိ စေတေတိ ဥပက္ကမတိ နီလံ မုစ္စတိ, အာပတ္တိ သင္ဃာဒိသေသသ္သ။
251. Sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
သပ္ပိဝဏ္ဏံ မောစေသ္သာမီတိ စေတေတိ ဥပက္ကမတိ ပီတကံ။ပေ.။ လောဟိတကံ။ ဩဒာတံ ။ တက္ကဝဏ္ဏံ။ ဒကဝဏ္ဏံ။ တေလဝဏ္ဏံ။ ခီရဝဏ္ဏံ။ ဒဓိဝဏ္ဏံ မုစ္စတိ, အာပတ္တိ သင္ဃာဒိသေသသ္သ။
Sappivaṇṇaṃ mocessāmīti ceteti upakkamati pītakaṃ…pe… lohitakaṃ… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ muccati, āpatti saṅghādisesassa.
ကုစ္ဆိစက္ကံ နိဋ္ဌိတံ။
Kucchicakkaṃ niṭṭhitaṃ.
၂၅၂. ပီတကံ မောစေသ္သာမီတိ စေတေတိ ဥပက္ကမတိ နီလံ မုစ္စတိ, အာပတ္တိ သင္ဃာဒိသေသသ္သ။
252. Pītakaṃ mocessāmīti ceteti upakkamati nīlaṃ muccati, āpatti saṅghādisesassa.
လောဟိတကံ။ပေ.။ ဩဒာတံ။ တက္ကဝဏ္ဏံ။ ဒကဝဏ္ဏံ။ တေလဝဏ္ဏံ။ ခီရဝဏ္ဏံ။ ဒဓိဝဏ္ဏံ။ သပ္ပိဝဏ္ဏံ မောစေသ္သာမီတိ စေတေတိ ဥပက္ကမတိ နီလံ မုစ္စတိ, အာပတ္တိ သင္ဃာဒိသေသသ္သ။
Lohitakaṃ…pe… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
ပိဋ္ဌိစက္ကသ္သ ပဌမံ ဂမနံ နိဋ္ဌိတံ။
Piṭṭhicakkassa paṭhamaṃ gamanaṃ niṭṭhitaṃ.
၂၅၃. လောဟိတကံ မောစေသ္သာမီတိ စေတေတိ ဥပက္ကမတိ ပီတကံ မုစ္စတိ, အာပတ္တိ သင္ဃာဒိသေသသ္သ။
253. Lohitakaṃ mocessāmīti ceteti upakkamati pītakaṃ muccati, āpatti saṅghādisesassa.
ဩဒာတံ။ပေ.။ တက္ကဝဏ္ဏံ။ ဒကဝဏ္ဏံ။ တေလဝဏ္ဏံ။ ခီရဝဏ္ဏံ
Odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ
။ ဒဓိဝဏ္ဏံ။ သပ္ပိဝဏ္ဏံ။ နီလံ မောစေသ္သာမီတိ စေတေတိ ဥပက္ကမတိ ပီတကံ မုစ္စတိ, အာပတ္တိ သင္ဃာဒိသေသသ္သ။
… Dadhivaṇṇaṃ… sappivaṇṇaṃ… nīlaṃ mocessāmīti ceteti upakkamati pītakaṃ muccati, āpatti saṅghādisesassa.
ပိဋ္ဌိစက္ကသ္သ ဒုတိယံ ဂမနံ နိဋ္ဌိတံ။
Piṭṭhicakkassa dutiyaṃ gamanaṃ niṭṭhitaṃ.
၂၅၄. ဩဒာတံ မောစေသ္သာမီတိ စေတေတိ ဥပက္ကမတိ လောဟိတကံ မုစ္စတိ, အာပတ္တိ သင္ဃာဒိသေသသ္သ။
254. Odātaṃ mocessāmīti ceteti upakkamati lohitakaṃ muccati, āpatti saṅghādisesassa.
တက္ကဝဏ္ဏံ။ပေ.။ ဒကဝဏ္ဏံ။ တေလဝဏ္ဏံ။ ခီရဝဏ္ဏံ။ ဒဓိဝဏ္ဏံ။
Takkavaṇṇaṃ…pe… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ…
သပ္ပိဝဏ္ဏံ။ နီလံ ။ ပီတကံ မောစေသ္သာမီတိ စေတေတိ ဥပက္ကမတိ လောဟိတကံ မုစ္စတိ, အာပတ္တိ သင္ဃာဒိသေသသ္သ။
Sappivaṇṇaṃ… nīlaṃ … pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
ပိဋ္ဌိစက္ကသ္သ တတိယံ ဂမနံ နိဋ္ဌိတံ။
Piṭṭhicakkassa tatiyaṃ gamanaṃ niṭṭhitaṃ.
၂၅၅. တက္ကဝဏ္ဏံ မောစေသ္သာမီတိ စေတေတိ ဥပက္ကမတိ ဩဒာတံ မုစ္စတိ, အာပတ္တိ သင္ဃာဒိသေသသ္သ။
255. Takkavaṇṇaṃ mocessāmīti ceteti upakkamati odātaṃ muccati, āpatti saṅghādisesassa.
ဒကဝဏ္ဏံ။ပေ.။ တေလဝဏ္ဏံ။ ခီရဝဏ္ဏံ။ ဒဓိဝဏ္ဏံ။ သပ္ပိဝဏ္ဏံ။ နီလံ။ ပီတကံ။ လောဟိတကံ မောစေသ္သာမီတိ စေတေတိ ဥပက္ကမတိ ဩဒာတံ မုစ္စတိ, အာပတ္တိ သင္ဃာဒိသေသသ္သ။
Dakavaṇṇaṃ…pe… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ… pītakaṃ… lohitakaṃ mocessāmīti ceteti upakkamati odātaṃ muccati, āpatti saṅghādisesassa.
ပိဋ္ဌိစက္ကသ္သ စတုတ္ထံ ဂမနံ နိဋ္ဌိတံ။
Piṭṭhicakkassa catutthaṃ gamanaṃ niṭṭhitaṃ.
၂၅၆. ဒကဝဏ္ဏံ မောစေသ္သာမီတိ စေတေတိ ဥပက္ကမတိ တက္ကဝဏ္ဏံ မုစ္စတိ, အာပတ္တိ သင္ဃာဒိသေသသ္သ။
256. Dakavaṇṇaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
တေလဝဏ္ဏံ ။ပေ.။ ခီရဝဏ္ဏံ။ ဒဓိဝဏ္ဏံ။ သပ္ပိဝဏ္ဏံ။ နီလ။
Telavaṇṇaṃ …pe… khīravaṇṇaṃ… dadhivaṇṇaṃ… sappivaṇṇaṃ… nīla…
ပီတကံ။ လောဟိတကံ။ ဩဒာတံ မောစေသ္သာမီတိ စေတေတိ ဥပက္ကမတိ တက္ကဝဏ္ဏံ မုစ္စတိ, အာပတ္တိ သင္ဃာဒိသေသသ္သ။
Pītakaṃ… lohitakaṃ… odātaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
ပိဋ္ဌိစက္ကသ္သ ပဉ္စမံ ဂမနံ နိဋ္ဌိတံ။
Piṭṭhicakkassa pañcamaṃ gamanaṃ niṭṭhitaṃ.
၂၅၇. တေလဝဏ္ဏံ မောစေသ္သာမီတိ စေတေတိ ဥပက္ကမတိ ဒကဝဏ္ဏံ မုစ္စတိ, အာပတ္တိ သင္ဃာဒိသေသသ္သ။
257. Telavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
ခီရဝဏ္ဏံ။ပေ.။ ဒဓိဝဏ္ဏံ။ သပ္ပိဝဏ္ဏံ။ နီလံ ။ ပီတကံ။ လောဟိတကံ။
Khīravaṇṇaṃ…pe… dadhivaṇṇaṃ… sappivaṇṇaṃ… nīlaṃ … pītakaṃ… lohitakaṃ…
ဩဒာတံ။ တက္ကဝဏ္ဏံ မောစေသ္သာမီတိ စေတေတိ ဥပက္ကမတိ ဒကဝဏ္ဏံ မုစ္စတိ, အာပတ္တိ သင္ဃာဒိသေသသ္သ။
Odātaṃ… takkavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
ပိဋ္ဌိစက္ကသ္သ ဆဋ္ဌံ ဂမနံ နိဋ္ဌိတံ။
Piṭṭhicakkassa chaṭṭhaṃ gamanaṃ niṭṭhitaṃ.
၂၅၈. ခီရဝဏ္ဏံ မောစေသ္သာမီတိ စေတေတိ ဥပက္ကမတိ တေလဝဏ္ဏံ မုစ္စတိ, အာပတ္တိ သင္ဃာဒိသေသသ္သ။
258. Khīravaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
ဒဓိဝဏ္ဏံ။ပေ.။ သပ္ပိဝဏ္ဏံ။ နီလံ။ ပီတကံ။ လောဟိတကံ။ ဩဒာတံ။ တက္ကဝဏ္ဏံ။ ဒကဝဏ္ဏံ မောစေသ္သာမီတိ စေတေတိ ဥပက္ကမတိ တေလဝဏ္ဏံ မုစ္စတိ, အာပတ္တိ သင္ဃာဒိသေသသ္သ။
Dadhivaṇṇaṃ…pe… sappivaṇṇaṃ… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
ပိဋ္ဌိစက္ကသ္သ သတ္တမံ ဂမနံ နိဋ္ဌိတံ။
Piṭṭhicakkassa sattamaṃ gamanaṃ niṭṭhitaṃ.
၂၅၉. ဒဓိဝဏ္ဏံ မောစေသ္သာမီတိ စေတေတိ ဥပက္ကမတိ ခီရဝဏ္ဏံ မုစ္စတိ, အာပတ္တိ သင္ဃာဒိသေသသ္သ။
259. Dadhivaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
သပ္ပိဝဏ္ဏံ။ပေ.။ နီလံ။ ပီတကံ။ လောဟိတကံ။ ဩဒာတံ။ တက္ကဝဏ္ဏံ။ ဒကဝဏ္ဏံ။ တေလဝဏ္ဏံ မောစေသ္သာမီတိ စေတေတိ ဥပက္ကမတိ ခီရဝဏ္ဏံ မုစ္စတိ, အာပတ္တိ သင္ဃာဒိသေသသ္သ။
Sappivaṇṇaṃ…pe… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
ပိဋ္ဌိစက္ကသ္သ အဋ္ဌမံ ဂမနံ နိဋ္ဌိတံ။
Piṭṭhicakkassa aṭṭhamaṃ gamanaṃ niṭṭhitaṃ.
၂၆၀. သပ္ပိဝဏ္ဏံ မောစေသ္သာမီတိ စေတေတိ ဥပက္ကမတိ ဒဓိဝဏ္ဏံ မုစ္စတိ, အာပတ္တိ သင္ဃာဒိသေသသ္သ။
260. Sappivaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
နီလံ။ပေ.။ ပီတကံ။ လောဟိတကံ။ ဩဒာတံ။ တက္ကဝဏ္ဏံ။ ဒကဝဏ္ဏံ။ တေလဝဏ္ဏံ။ ခီရဝဏ္ဏံ မောစေသ္သာမီတိ စေတေတိ ဥပက္ကမတိ ဒဓိဝဏ္ဏံ မုစ္စတိ, အာပတ္တိ သင္ဃာဒိသေသသ္သ။
Nīlaṃ…pe… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
ပိဋ္ဌိစက္ကသ္သ နဝမံ ဂမနံ နိဋ္ဌိတံ။
Piṭṭhicakkassa navamaṃ gamanaṃ niṭṭhitaṃ.
၂၆၁. နီလံ မောစေသ္သာမီတိ စေတေတိ ဥပက္ကမတိ သပ္ပိဝဏ္ဏံ မုစ္စတိ, အာပတ္တိ သင္ဃာဒိသေသသ္သ။
261. Nīlaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
ပီတကံ ။ပေ.။ လောဟိတကံ။ ဩဒာတံ။ တက္ကဝဏ္ဏံ။ ဒကဝဏ္ဏံ ။ တေလဝဏ္ဏံ။ ခီရဝဏ္ဏံ။ ဒဓိဝဏ္ဏံ မောစေသ္သာမီတိ စေတေတိ ဥပက္ကမတိ သပ္ပိဝဏ္ဏံ မုစ္စတိ, အာပတ္တိ သင္ဃာဒိသေသသ္သ။
Pītakaṃ …pe… lohitakaṃ… odātaṃ… takkavaṇṇaṃ… dakavaṇṇaṃ … telavaṇṇaṃ… khīravaṇṇaṃ… dadhivaṇṇaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
ပိဋ္ဌိစက္ကသ္သ ဒသမံ ဂမနံ နိဋ္ဌိတံ။
Piṭṭhicakkassa dasamaṃ gamanaṃ niṭṭhitaṃ.
ပိဋ္ဌိစက္ကံ နိဋ္ဌိတံ။
Piṭṭhicakkaṃ niṭṭhitaṃ.
၂၆၂. စေတေတိ ဥပက္ကမတိ မုစ္စတိ, အာပတ္တိ သင္ဃာဒိသေသသ္သ။
262. Ceteti upakkamati muccati, āpatti saṅghādisesassa.
စေတေတိ ဥပက္ကမတိ န မုစ္စတိ, အာပတ္တိ ထုလ္လစ္စယသ္သ။
Ceteti upakkamati na muccati, āpatti thullaccayassa.
စေတေတိ န ဥပက္ကမတိ မုစ္စတိ, အနာပတ္တိ။
Ceteti na upakkamati muccati, anāpatti.
စေတေတိ န ဥပက္ကမတိ န မုစ္စတိ, အနာပတ္တိ။
Ceteti na upakkamati na muccati, anāpatti.
န စေတေတိ ဥပက္ကမတိ မုစ္စတိ, အနာပတ္တိ။
Na ceteti upakkamati muccati, anāpatti.
န စေတေတိ ဥပက္ကမတိ န မုစ္စတိ, အနာပတ္တိ။
Na ceteti upakkamati na muccati, anāpatti.
န စေတေတိ န ဥပက္ကမတိ မုစ္စတိ, အနာပတ္တိ။
Na ceteti na upakkamati muccati, anāpatti.
န စေတေတိ န ဥပက္ကမတိ န မုစ္စတိ, အနာပတ္တိ။
Na ceteti na upakkamati na muccati, anāpatti.
အနာပတ္တိ သုပိနန္တေန, နမောစနာဓိပ္ပာယသ္သ, ဥမ္မတ္တကသ္သ, ခိတ္တစိတ္တသ္သ, ဝေဒနာဋ္ဋသ္သ, အာဒိကမ္မိကသ္သာတိ။
Anāpatti supinantena, namocanādhippāyassa, ummattakassa, khittacittassa, vedanāṭṭassa, ādikammikassāti.
ဝိနီတဝတ္ထုဥဒ္ဒာနဂာထာ
Vinītavatthuuddānagāthā
သုပိနောစ္စာရပသ္သာဝော ၊ ဝိတက္ကုဏ္ဟောဒကေန စ။
Supinoccārapassāvo , vitakkuṇhodakena ca;
ဘေသဇ္ဇံ ကဏ္ဍုဝံ မဂ္ဂော၊ ဝတ္ထိ ဇန္တာဃရုပက္ကမော 7။
Bhesajjaṃ kaṇḍuvaṃ maggo, vatthi jantāgharupakkamo 8.
သာမဏေရော စ သုတ္တော စ၊ ဦရု မုဋ္ဌိနာ ပီဠယိ။
Sāmaṇero ca sutto ca, ūru muṭṭhinā pīḷayi;
အာကာသေ ထမ္ဘံ နိဇ္ဈာယိ၊ ဆိဒ္ဒံ ကဋ္ဌေန ဃဋ္ဋယိ။
Ākāse thambhaṃ nijjhāyi, chiddaṃ kaṭṭhena ghaṭṭayi.
သောတော ဥဒဉ္ဇလံ ဓာဝံ၊ ပုပ္ဖာဝလိယံ ပောက္ခရံ။
Soto udañjalaṃ dhāvaṃ, pupphāvaliyaṃ pokkharaṃ;
ဝိနီတဝတ္ထု
Vinītavatthu
၂၆၃. တေန ခော ပန သမယေန အညတရသ္သ ဘိက္ခုနော သုပိနန္တေန အသုစိ မုစ္စိ။ တသ္သ ကုက္ကုစ္စံ အဟောသိ – ‘‘ဘဂဝတာ သိက္ခာပဒံ ပညတ္တံ, ကစ္စိ နု ခော အဟံ သင္ဃာဒိသေသံ အာပတ္တိံ အာပန္နော’’တိ? ဘဂဝတော ဧတမတ္ထံ အာရောစေသိ။ ‘‘အနာပတ္တိ, ဘိက္ခု, သုပိနန္တေနာ’’တိ။
263. Tena kho pana samayena aññatarassa bhikkhuno supinantena asuci mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, supinantenā’’ti.
တေန ခော ပန သမယေန အညတရသ္သ ဘိက္ခုနော ဥစ္စာရံ ကရောန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘ကိံစိတ္တော တ္ဝံ, ဘိက္ခူ’’တိ? ‘‘နာဟံ, ဘဂဝာ, မောစနာဓိပ္ပာယော’’တိ။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
Tena kho pana samayena aññatarassa bhikkhuno uccāraṃ karontassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော ပသ္သာဝံ ကရောန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
Tena kho pana samayena aññatarassa bhikkhuno passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော ကာမဝိတက္ကံ ဝိတက္ကေန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, ဝိတက္ကေန္တသ္သာ’’တိ။
Tena kho pana samayena aññatarassa bhikkhuno kāmavitakkaṃ vitakkentassa asuci mucci. Tassa kukkuccaṃ ahosi…pe… ‘‘anāpatti, bhikkhu, vitakkentassā’’ti.
တေန ခော ပန သမယေန အညတရသ္သ ဘိက္ခုနော ဥဏ္ဟောဒကေန န္ဟာယန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘ကိံစိတ္တော တ္ဝံ, ဘိက္ခူ’’တိ? ‘‘နာဟံ, ဘဂဝာ, မောစနာဓိပ္ပာယော’’တိ။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
Tena kho pana samayena aññatarassa bhikkhuno uṇhodakena nhāyantassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ဥဏ္ဟောဒကေန န္ဟာယန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အာပတ္တိံ တ္ဝံ, ဘိက္ခု, အာပန္နော သင္ဃာဒိသေသ’’န္တိ။
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ဥဏ္ဟောဒကေန န္ဟာယန္တသ္သ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော အင္ဂဇာတေ ဝဏော ဟောတိ။ ဘေသဇ္ဇေန 11 အာလိမ္ပေန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
Tena kho pana samayena aññatarassa bhikkhuno aṅgajāte vaṇo hoti. Bhesajjena 12 ālimpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော အင္ဂဇာတေ ဝဏော ဟောတိ။ မောစနာဓိပ္ပာယသ္သ 13 ဘေသဇ္ဇေန အာလိမ္ပေန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno aṅgajāte vaṇo hoti. Mocanādhippāyassa 14 bhesajjena ālimpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော အဏ္ဍံ ကဏ္ဍုဝန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ , ဘိက္ခု, နမောစနာဓိပ္ပာယသ္သာ’’တိ။
Tena kho pana samayena aññatarassa bhikkhuno aṇḍaṃ kaṇḍuvantassa asuci mucci. Tassa kukkuccaṃ ahosi…pe… ‘‘anāpatti , bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ အဏ္ဍံ ကဏ္ဍုဝန္တသ္သ 15 အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa aṇḍaṃ kaṇḍuvantassa 16 asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
၂၆၄. တေန ခော ပန သမယေန အညတရသ္သ ဘိက္ခုနော မဂ္ဂံ ဂစ္ဆန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
264. Tena kho pana samayena aññatarassa bhikkhuno maggaṃ gacchantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ မဂ္ဂံ ဂစ္ဆန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa maggaṃ gacchantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော ဝတ္ထိံ ဂဟေတ္ဝာ ပသ္သာဝံ ကရောန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
Tena kho pana samayena aññatarassa bhikkhuno vatthiṃ gahetvā passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ဝတ္ထိံ ဂဟေတ္ဝာ ပသ္သာဝံ ကရောန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa vatthiṃ gahetvā passāvaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော ဇန္တာဃရေ ဥဒရဝဋ္ဋိံ တာပေန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
Tena kho pana samayena aññatarassa bhikkhuno jantāghare udaravaṭṭiṃ tāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ဇန္တာဃရေ ဥဒရဝဋ္ဋိံ တာပေန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa jantāghare udaravaṭṭiṃ tāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော ဇန္တာဃရေ ဥပဇ္ဈာယသ္သ ပိဋ္ဌိပရိကမ္မံ ကရောန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
Tena kho pana samayena aññatarassa bhikkhuno jantāghare upajjhāyassa piṭṭhiparikammaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ဇန္တာဃရေ ဥပဇ္ဈာယသ္သ ပိဋ္ဌိပရိကမ္မံ ကရောန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa jantāghare upajjhāyassa piṭṭhiparikammaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
၂၆၅. တေန ခော ပန သမယေန အညတရသ္သ ဘိက္ခုနော ဦရုံ ဃဋ္ဋာပေန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
265. Tena kho pana samayena aññatarassa bhikkhuno ūruṃ ghaṭṭāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ဦရုံ ဃဋ္ဋာပေန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa ūruṃ ghaṭṭāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရော ဘိက္ခု မောစနာဓိပ္ပာယော အညတရံ သာမဏေရံ ဧတဒဝောစ – ‘‘ဧဟိ မေ တ္ဝံ, အာဝုသော သာမဏေရ, အင္ဂဇာတံ ဂဏ္ဟာဟီ’’တိ။ သော တသ္သ အင္ဂဇာတံ အဂ္ဂဟေသိ။ တသ္သေဝ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အာပတ္တိံ တ္ဝံ, ဘိက္ခု, အာပန္နော သင္ဃာဒိသေသ’’န္တိ။
Tena kho pana samayena aññataro bhikkhu mocanādhippāyo aññataraṃ sāmaṇeraṃ etadavoca – ‘‘ehi me tvaṃ, āvuso sāmaṇera, aṅgajātaṃ gaṇhāhī’’ti. So tassa aṅgajātaṃ aggahesi. Tasseva asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
တေန ခော ပန သမယေန အညတရော ဘိက္ခု သုတ္တသ္သ သာမဏေရသ္သ အင္ဂဇာတံ အဂ္ဂဟေသိ။ တသ္သေဝ အသုစိ မုစ္စိ။ တသ္သ ကုက္ကုစ္စံ အဟောသိ ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ဒုက္ကဋသ္သာ’’တိ။
Tena kho pana samayena aññataro bhikkhu suttassa sāmaṇerassa aṅgajātaṃ aggahesi. Tasseva asuci mucci. Tassa kukkuccaṃ ahosi …pe… ‘‘anāpatti, bhikkhu, saṅghādisesassa; āpatti dukkaṭassā’’ti.
၂၆၆. တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ဦရူဟိ အင္ဂဇာတံ ပီဠေန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
266. Tena kho pana samayena aññatarassa bhikkhuno mocanādhippāyassa ūrūhi aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ မုဋ္ဌိနာ အင္ဂဇာတံ ပီဠေန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa muṭṭhinā aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ အာကာသေ ကဋိံ ကမ္ပေန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa ākāse kaṭiṃ kampentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော ကာယံ ထမ္ဘေန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
Tena kho pana samayena aññatarassa bhikkhuno kāyaṃ thambhentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ကာယံ ထမ္ဘေန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa kāyaṃ thambhentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရော ဘိက္ခု သာရတ္တော မာတုဂာမသ္သ အင္ဂဇာတံ ဥပနိဇ္ဈာယိ။ တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ။ န စ, ဘိက္ခဝေ, သာရတ္တေန မာတုဂာမသ္သ အင္ဂဇာတံ ဥပနိဇ္ဈာယိတဗ္ဗံ။ ယော ဥပနိဇ္ဈာယေယ္ယ, အာပတ္တိ ဒုက္ကဋသ္သာ’’တိ။
Tena kho pana samayena aññataro bhikkhu sāratto mātugāmassa aṅgajātaṃ upanijjhāyi. Tassa asuci mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa. Na ca, bhikkhave, sārattena mātugāmassa aṅgajātaṃ upanijjhāyitabbaṃ. Yo upanijjhāyeyya, āpatti dukkaṭassā’’ti.
၂၆၇. တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ တာဠစ္ဆိဒ္ဒံ အင္ဂဇာတံ ပဝေသေန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
267. Tena kho pana samayena aññatarassa bhikkhuno mocanādhippāyassa tāḷacchiddaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ကဋ္ဌေန အင္ဂဇာတံ ဃဋ္ဋေန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa kaṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa ; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော ပဋိသောတေ န္ဟာယန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
Tena kho pana samayena aññatarassa bhikkhuno paṭisote nhāyantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ပဋိသောတေ န္ဟာယန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa paṭisote nhāyantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော ဥဒဉ္ဇလံ ကီဠန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
Tena kho pana samayena aññatarassa bhikkhuno udañjalaṃ kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ဥဒဉ္ဇလံ ကီဠန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa udañjalaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော ဥဒကေ ဓာဝန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
Tena kho pana samayena aññatarassa bhikkhuno udake dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ဥဒကေ ဓာဝန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa udake dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော ပုပ္ဖာဝလိယံ 17 ကီဠန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
Tena kho pana samayena aññatarassa bhikkhuno pupphāvaliyaṃ 18 kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ပုပ္ဖာဝလိယံ ကီဠန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa pupphāvaliyaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
၂၆၈. တေန ခော ပန သမယေန အညတရသ္သ ဘိက္ခုနော ပောက္ခရဝနေ ဓာဝန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
268. Tena kho pana samayena aññatarassa bhikkhuno pokkharavane dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ပောက္ခရဝနေ ဓာဝန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa pokkharavane dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ဝာလိကံ အင္ဂဇာတံ ပဝေသေန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa vālikaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ကဒ္ဒမံ အင္ဂဇာတံ ပဝေသေန္တသ္သ အသုစိ မုစ္စိ။ပေ.။ အသုစိ န မုစ္စိ ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa kaddamaṃ aṅgajātaṃ pavesentassa asuci mucci…pe… asuci na mucci . Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော ဥဒကေန အင္ဂဇာတံ ဩသိဉ္စန္တသ္သ အသုစိ မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, နမောစနာဓိပ္ပာယသ္သာ’’တိ။
Tena kho pana samayena aññatarassa bhikkhuno udakena aṅgajātaṃ osiñcantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ ဥဒကေန အင္ဂဇာတံ ဩသိဉ္စန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa udakena aṅgajātaṃ osiñcantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ သယနေ အင္ဂဇာတံ ဃဋ္ဋေန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ။ပေ.။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa sayane aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
တေန ခော ပန သမယေန အညတရသ္သ ဘိက္ခုနော မောစနာဓိပ္ပာယသ္သ အင္ဂုဋ္ဌေန အင္ဂဇာတံ ဃဋ္ဋေန္တသ္သ အသုစိ မုစ္စိ။ပေ.။ အသုစိ န မုစ္စိ။ တသ္သ ကုက္ကုစ္စံ အဟောသိ – ‘‘ဘဂဝတာ သိက္ခာပဒံ ပညတ္တံ, ကစ္စိ နု ခော အဟံ သင္ဃာဒိသေသံ အာပတ္တိံ အာပန္နော’’တိ? ဘဂဝတော ဧတမတ္ထံ အာရောစေသိ။ ‘‘အနာပတ္တိ, ဘိက္ခု, သင္ဃာဒိသေသသ္သ; အာပတ္တိ ထုလ္လစ္စယသ္သာ’’တိ။
Tena kho pana samayena aññatarassa bhikkhuno mocanādhippāyassa aṅguṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, saṅghādisesassa; āpatti thullaccayassā’’ti.
သုက္ကဝိသ္သဋ္ဌိသိက္ခာပဒံ နိဋ္ဌိတံ ပဌမံ။
Sukkavissaṭṭhisikkhāpadaṃ niṭṭhitaṃ paṭhamaṃ.
Footnotes:
Related texts:
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၁. သုက္ကဝိသ္သဋ္ဌိသိက္ခာပဒဝဏ္ဏနာ • 1. Sukkavissaṭṭhisikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၁. သုက္ကဝိသ္သဋ္ဌိသိက္ခာပဒဝဏ္ဏနာ • 1. Sukkavissaṭṭhisikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၁. သုက္ကဝိသ္သဋ္ဌိသိက္ခာပဒဝဏ္ဏနာ • 1. Sukkavissaṭṭhisikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁. သုက္ကဝိသ္သဋ္ဌိသိက္ခာပဒဝဏ္ဏနာ • 1. Sukkavissaṭṭhisikkhāpadavaṇṇanā
