| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੨. ਸਙ੍ਘਾਦਿਸੇਸਕਣ੍ਡਂ
2. Saṅghādisesakaṇḍaṃ
੧. ਸੁਕ੍ਕવਿਸ੍ਸਟ੍ਠਿਸਿਕ੍ਖਾਪਦਂ
1. Sukkavissaṭṭhisikkhāpadaṃ
ਇਮੇ ਖੋ ਪਨਾਯਸ੍ਮਨ੍ਤੋ ਤੇਰਸ ਸਙ੍ਘਾਦਿਸੇਸਾ
Ime kho panāyasmanto terasa saṅghādisesā
ਧਮ੍ਮਾ ਉਦ੍ਦੇਸਂ ਆਗਚ੍ਛਨ੍ਤਿ।
Dhammā uddesaṃ āgacchanti.
੨੩੪. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਸੇਯ੍ਯਸਕੋ ਅਨਭਿਰਤੋ ਬ੍ਰਹ੍ਮਚਰਿਯਂ ਚਰਤਿ। ਸੋ ਤੇਨ ਕਿਸੋ ਹੋਤਿ ਲੂਖੋ ਦੁਬ੍ਬਣ੍ਣੋ ਉਪ੍ਪਣ੍ਡੁਪ੍ਪਣ੍ਡੁਕਜਾਤੋ ਧਮਨਿਸਨ੍ਥਤਗਤ੍ਤੋ। ਅਦ੍ਦਸ ਖੋ ਆਯਸ੍ਮਾ ਉਦਾਯੀ ਆਯਸ੍ਮਨ੍ਤਂ ਸੇਯ੍ਯਸਕਂ ਕਿਸਂ ਲੂਖਂ ਦੁਬ੍ਬਣ੍ਣਂ ਉਪ੍ਪਣ੍ਡੁਪ੍ਪਣ੍ਡੁਕਜਾਤਂ ਧਮਨਿਸਨ੍ਥਤਗਤ੍ਤਂ। ਦਿਸ੍વਾਨ ਆਯਸ੍ਮਨ੍ਤਂ ਸੇਯ੍ਯਸਕਂ ਏਤਦવੋਚ – ‘‘ਕਿਸ੍ਸ ਤ੍વਂ, ਆવੁਸੋ ਸੇਯ੍ਯਸਕ, ਕਿਸੋ ਲੂਖੋ ਦੁਬ੍ਬਣ੍ਣੋ ਉਪ੍ਪਣ੍ਡੁਪ੍ਪਣ੍ਡੁਕਜਾਤੋ ਧਮਨਿਸਨ੍ਥਤਗਤ੍ਤੋ? ਕਚ੍ਚਿ ਨੋ ਤ੍વਂ, ਆવੁਸੋ ਸੇਯ੍ਯਸਕ, ਅਨਭਿਰਤੋ ਬ੍ਰਹ੍ਮਚਰਿਯਂ ਚਰਸੀ’’ਤਿ? ‘‘ਏવਮਾવੁਸੋ’’ਤਿ। ‘‘ਤੇਨ ਹਿ ਤ੍વਂ, ਆવੁਸੋ ਸੇਯ੍ਯਸਕ, ਯਾવਦਤ੍ਥਂ ਭੁਞ੍ਜ ਯਾવਦਤ੍ਥਂ ਸੁਪ ਯਾવਦਤ੍ਥਂ ਨ੍ਹਾਯ। ਯਾવਦਤ੍ਥਂ ਭੁਞ੍ਜਿਤ੍વਾ ਯਾવਦਤ੍ਥਂ ਸੁਪਿਤ੍વਾ ਯਾવਦਤ੍ਥਂ ਨ੍ਹਾਯਿਤ੍વਾ ਯਦਾ ਤੇ ਅਨਭਿਰਤਿ ਉਪ੍ਪਜ੍ਜਤਿ ਰਾਗੋ ਚਿਤ੍ਤਂ ਅਨੁਦ੍ਧਂਸੇਤਿ ਤਦਾ ਹਤ੍ਥੇਨ ਉਪਕ੍ਕਮਿਤ੍વਾ ਅਸੁਚਿਂ ਮੋਚੇਹੀ’’ਤਿ। ‘‘ਕਿਂ ਨੁ ਖੋ, ਆવੁਸੋ, ਕਪ੍ਪਤਿ ਏવਰੂਪਂ ਕਾਤੁ’’ਨ੍ਤਿ? ‘‘ਆਮ, ਆવੁਸੋ। ਅਹਮ੍ਪਿ ਏવਂ ਕਰੋਮੀ’’ਤਿ।
234. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā seyyasako anabhirato brahmacariyaṃ carati. So tena kiso hoti lūkho dubbaṇṇo uppaṇḍuppaṇḍukajāto dhamanisanthatagatto. Addasa kho āyasmā udāyī āyasmantaṃ seyyasakaṃ kisaṃ lūkhaṃ dubbaṇṇaṃ uppaṇḍuppaṇḍukajātaṃ dhamanisanthatagattaṃ. Disvāna āyasmantaṃ seyyasakaṃ etadavoca – ‘‘kissa tvaṃ, āvuso seyyasaka, kiso lūkho dubbaṇṇo uppaṇḍuppaṇḍukajāto dhamanisanthatagatto? Kacci no tvaṃ, āvuso seyyasaka, anabhirato brahmacariyaṃ carasī’’ti? ‘‘Evamāvuso’’ti. ‘‘Tena hi tvaṃ, āvuso seyyasaka, yāvadatthaṃ bhuñja yāvadatthaṃ supa yāvadatthaṃ nhāya. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā te anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocehī’’ti. ‘‘Kiṃ nu kho, āvuso, kappati evarūpaṃ kātu’’nti? ‘‘Āma, āvuso. Ahampi evaṃ karomī’’ti.
ਅਥ ਖੋ ਆਯਸ੍ਮਾ ਸੇਯ੍ਯਸਕੋ ਯਾવਦਤ੍ਥਂ ਭੁਞ੍ਜਿ ਯਾવਦਤ੍ਥਂ ਸੁਪਿ ਯਾવਦਤ੍ਥਂ ਨ੍ਹਾਯਿ। ਯਾવਦਤ੍ਥਂ ਭੁਞ੍ਜਿਤ੍વਾ ਯਾવਦਤ੍ਥਂ ਸੁਪਿਤ੍વਾ ਯਾવਦਤ੍ਥਂ ਨ੍ਹਾਯਿਤ੍વਾ ਯਦਾ ਅਨਭਿਰਤਿ ਉਪ੍ਪਜ੍ਜਤਿ ਰਾਗੋ ਚਿਤ੍ਤਂ ਅਨੁਦ੍ਧਂਸੇਤਿ ਤਦਾ ਹਤ੍ਥੇਨ ਉਪਕ੍ਕਮਿਤ੍વਾ ਅਸੁਚਿਂ ਮੋਚੇਸਿ । ਅਥ ਖੋ ਆਯਸ੍ਮਾ ਸੇਯ੍ਯਸਕੋ ਅਪਰੇਨ ਸਮਯੇਨ વਣ੍ਣવਾ ਅਹੋਸਿ ਪੀਣਿਨ੍ਦ੍ਰਿਯੋ ਪਸਨ੍ਨਮੁਖવਣ੍ਣੋ વਿਪ੍ਪਸਨ੍ਨਛવਿવਣ੍ਣੋ। ਅਥ ਖੋ ਆਯਸ੍ਮਤੋ ਸੇਯ੍ਯਸਕਸ੍ਸ ਸਹਾਯਕਾ ਭਿਕ੍ਖੂ ਆਯਸ੍ਮਨ੍ਤਂ ਸੇਯ੍ਯਸਕਂ ਏਤਦવੋਚੁਂ – ‘‘ਪੁਬ੍ਬੇ ਖੋ ਤ੍વਂ, ਆવੁਸੋ ਸੇਯ੍ਯਸਕ, ਕਿਸੋ ਅਹੋਸਿ ਲੂਖੋ ਦੁਬ੍ਬਣ੍ਣੋ ਉਪ੍ਪਣ੍ਡੁਪ੍ਪਣ੍ਡੁਕਜਾਤੋ ਧਮਨਿਸਨ੍ਥਤਗਤ੍ਤੋ। ਸੋ ਦਾਨਿ ਤ੍વਂ ਏਤਰਹਿ વਣ੍ਣવਾ ਪੀਣਿਨ੍ਦ੍ਰਿਯੋ ਪਸਨ੍ਨਮੁਖવਣ੍ਣੋ વਿਪ੍ਪਸਨ੍ਨਛવਿવਣ੍ਣੋ। ਕਿਂ ਨੁ ਖੋ ਤ੍વਂ, ਆવੁਸੋ ਸੇਯ੍ਯਸਕ, ਭੇਸਜ੍ਜਂ ਕਰੋਸੀ’’ਤਿ? ‘‘ਨ ਖੋ ਅਹਂ, ਆવੁਸੋ, ਭੇਸਜ੍ਜਂ ਕਰੋਮਿ । ਅਪਿਚਾਹਂ ਯਾવਦਤ੍ਥਂ ਭੁਞ੍ਜਾਮਿ ਯਾવਦਤ੍ਥਂ ਸੁਪਾਮਿ ਯਾવਦਤ੍ਥਂ ਨ੍ਹਾਯਾਮਿ। ਯਾવਦਤ੍ਥਂ ਭੁਞ੍ਜਿਤ੍વਾ ਯਾવਦਤ੍ਥਂ ਸੁਪਿਤ੍વਾ ਯਾવਦਤ੍ਥਂ ਨ੍ਹਾਯਿਤ੍વਾ ਯਦਾ ਮੇ ਅਨਭਿਰਤਿ ਉਪ੍ਪਜ੍ਜਤਿ ਰਾਗੋ ਚਿਤ੍ਤਂ ਅਨੁਦ੍ਧਂਸੇਤਿ ਤਦਾ ਹਤ੍ਥੇਨ ਉਪਕ੍ਕਮਿਤ੍વਾ ਅਸੁਚਿਂ ਮੋਚੇਮੀ’’ਤਿ। ‘‘ਕਿਂ ਪਨ ਤ੍વਂ, ਆવੁਸੋ ਸੇਯ੍ਯਸਕ, ਯੇਨੇવ ਹਤ੍ਥੇਨ ਸਦ੍ਧਾਦੇਯ੍ਯਂ ਭੁਞ੍ਜਸਿ ਤੇਨੇવ ਹਤ੍ਥੇਨ ਉਪਕ੍ਕਮਿਤ੍વਾ ਅਸੁਚਿਂ ਮੋਚੇਸੀ’’ਤਿ? ‘‘ਏવਮਾવੁਸੋ’’ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਸੇਯ੍ਯਸਕੋ ਹਤ੍ਥੇਨ ਉਪਕ੍ਕਮਿਤ੍વਾ ਅਸੁਚਿਂ ਮੋਚੇਸ੍ਸਤੀ’’ਤਿ!
Atha kho āyasmā seyyasako yāvadatthaṃ bhuñji yāvadatthaṃ supi yāvadatthaṃ nhāyi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocesi . Atha kho āyasmā seyyasako aparena samayena vaṇṇavā ahosi pīṇindriyo pasannamukhavaṇṇo vippasannachavivaṇṇo. Atha kho āyasmato seyyasakassa sahāyakā bhikkhū āyasmantaṃ seyyasakaṃ etadavocuṃ – ‘‘pubbe kho tvaṃ, āvuso seyyasaka, kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. So dāni tvaṃ etarahi vaṇṇavā pīṇindriyo pasannamukhavaṇṇo vippasannachavivaṇṇo. Kiṃ nu kho tvaṃ, āvuso seyyasaka, bhesajjaṃ karosī’’ti? ‘‘Na kho ahaṃ, āvuso, bhesajjaṃ karomi . Apicāhaṃ yāvadatthaṃ bhuñjāmi yāvadatthaṃ supāmi yāvadatthaṃ nhāyāmi. Yāvadatthaṃ bhuñjitvā yāvadatthaṃ supitvā yāvadatthaṃ nhāyitvā yadā me anabhirati uppajjati rāgo cittaṃ anuddhaṃseti tadā hatthena upakkamitvā asuciṃ mocemī’’ti. ‘‘Kiṃ pana tvaṃ, āvuso seyyasaka, yeneva hatthena saddhādeyyaṃ bhuñjasi teneva hatthena upakkamitvā asuciṃ mocesī’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā seyyasako hatthena upakkamitvā asuciṃ mocessatī’’ti!
ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਸੇਯ੍ਯਸਕਂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਥ ਖੋ ਭਗવਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍વਾ ਆਯਸ੍ਮਨ੍ਤਂ ਸੇਯ੍ਯਸਕਂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤ੍વਂ, ਸੇਯ੍ਯਸਕ, ਹਤ੍ਥੇਨ ਉਪਕ੍ਕਮਿਤ੍વਾ ਅਸੁਚਿਂ ਮੋਚੇਸੀ’’ਤਿ? ‘‘ਸਚ੍ਚਂ, ਭਗવਾ’’ਤਿ । વਿਗਰਹਿ ਬੁਦ੍ਧੋ ਭਗવਾ – ‘‘ਅਨਨੁਚ੍ਛવਿਕਂ, ਮੋਘਪੁਰਿਸ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ। ਕਥਞ੍ਹਿ ਨਾਮ ਤ੍વਂ, ਮੋਘਪੁਰਿਸ, ਹਤ੍ਥੇਨ ਉਪਕ੍ਕਮਿਤ੍વਾ ਅਸੁਚਿਂ ਮੋਚੇਸ੍ਸਸਿ! ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ વਿਰਾਗਾਯ ਧਮ੍ਮੋ ਦੇਸਿਤੋ ਨੋ ਸਰਾਗਾਯ, વਿਸਞ੍ਞੋਗਾਯ ਧਮ੍ਮੋ ਦੇਸਿਤੋ ਨੋ ਸਞ੍ਞੋਗਾਯ, ਅਨੁਪਾਦਾਨਾਯ ਧਮ੍ਮੋ ਦੇਸਿਤੋ ਨੋ ਸਉਪਾਦਾਨਾਯ! ਤਤ੍ਥ ਨਾਮ ਤ੍વਂ, ਮੋਘਪੁਰਿਸ, ਮਯਾ વਿਰਾਗਾਯ ਧਮ੍ਮੇ ਦੇਸਿਤੇ ਸਰਾਗਾਯ ਚੇਤੇਸ੍ਸਸਿ, વਿਸਞ੍ਞੋਗਾਯ ਧਮ੍ਮੇ ਦੇਸਿਤੇ ਸਞ੍ਞੋਗਾਯ ਚੇਤੇਸ੍ਸਸਿ, ਅਨੁਪਾਦਾਨਾਯ ਧਮ੍ਮੇ ਦੇਸਿਤੇ ਸਉਪਾਦਾਨਾਯ ਚੇਤੇਸ੍ਸਸਿ! ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ ਰਾਗવਿਰਾਗਾਯ ਧਮ੍ਮੋ ਦੇਸਿਤੋ, ਮਦਨਿਮ੍ਮਦਨਾਯ ਪਿਪਾਸવਿਨਯਾਯ ਆਲਯਸਮੁਗ੍ਘਾਤਾਯ વਟ੍ਟੁਪਚ੍ਛੇਦਾਯ ਤਣ੍ਹਕ੍ਖਯਾਯ વਿਰਾਗਾਯ ਨਿਰੋਧਾਯ ਨਿਬ੍ਬਾਨਾਯ ਧਮ੍ਮੋ ਦੇਸਿਤੋ? ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ ਕਾਮਾਨਂ ਪਹਾਨਂ ਅਕ੍ਖਾਤਂ, ਕਾਮਸਞ੍ਞਾਨਂ ਪਰਿਞ੍ਞਾ ਅਕ੍ਖਾਤਾ, ਕਾਮਪਿਪਾਸਾਨਂ ਪਟਿવਿਨਯੋ ਅਕ੍ਖਾਤੋ, ਕਾਮવਿਤਕ੍ਕਾਨਂ ਸਮੁਗ੍ਘਾਤੋ ਅਕ੍ਖਾਤੋ, ਕਾਮਪਰਿਲ਼ਾਹਾਨਂ વੂਪਸਮੋ ਅਕ੍ਖਾਤੋ? ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ વਾ ਪਸਾਦਾਯ, ਪਸਨ੍ਨਾਨਂ વਾ ਭਿਯ੍ਯੋਭਾવਾਯ। ਅਥ ਖ੍વੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਞ੍ਚੇવ ਅਪ੍ਪਸਾਦਾਯ, ਪਸਨ੍ਨਾਨਞ੍ਚ ਏਕਚ੍ਚਾਨਂ ਅਞ੍ਞਥਤ੍ਤਾਯਾ’’ਤਿ। ਅਥ ਖੋ ਭਗવਾ ਆਯਸ੍ਮਨ੍ਤਂ ਸੇਯ੍ਯਸਕਂ ਅਨੇਕਪਰਿਯਾਯੇਨ વਿਗਰਹਿਤ੍વਾ ਦੁਬ੍ਭਰਤਾਯ…ਪੇ॰… ‘‘ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
Atha kho te bhikkhū āyasmantaṃ seyyasakaṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ seyyasakaṃ paṭipucchi – ‘‘saccaṃ kira tvaṃ, seyyasaka, hatthena upakkamitvā asuciṃ mocesī’’ti? ‘‘Saccaṃ, bhagavā’’ti . Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa, hatthena upakkamitvā asuciṃ mocessasi! Nanu mayā, moghapurisa, anekapariyāyena virāgāya dhammo desito no sarāgāya, visaññogāya dhammo desito no saññogāya, anupādānāya dhammo desito no saupādānāya! Tattha nāma tvaṃ, moghapurisa, mayā virāgāya dhamme desite sarāgāya cetessasi, visaññogāya dhamme desite saññogāya cetessasi, anupādānāya dhamme desite saupādānāya cetessasi! Nanu mayā, moghapurisa, anekapariyāyena rāgavirāgāya dhammo desito, madanimmadanāya pipāsavinayāya ālayasamugghātāya vaṭṭupacchedāya taṇhakkhayāya virāgāya nirodhāya nibbānāya dhammo desito? Nanu mayā, moghapurisa, anekapariyāyena kāmānaṃ pahānaṃ akkhātaṃ, kāmasaññānaṃ pariññā akkhātā, kāmapipāsānaṃ paṭivinayo akkhāto, kāmavitakkānaṃ samugghāto akkhāto, kāmapariḷāhānaṃ vūpasamo akkhāto? Netaṃ, moghapurisa, appasannānaṃ vā pasādāya, pasannānaṃ vā bhiyyobhāvāya. Atha khvetaṃ, moghapurisa, appasannānañceva appasādāya, pasannānañca ekaccānaṃ aññathattāyā’’ti. Atha kho bhagavā āyasmantaṃ seyyasakaṃ anekapariyāyena vigarahitvā dubbharatāya…pe… ‘‘evañca pana, bhikkhave, imaṃ sikkhāpadaṃ uddiseyyātha –
ਏવਞ੍ਚਿਦਂ ਭਗવਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ।
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
੨੩੫. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਪਣੀਤਭੋਜਨਾਨਿ ਭੁਞ੍ਜਿਤ੍વਾ ਮੁਟ੍ਠਸ੍ਸਤੀ ਅਸਮ੍ਪਜਾਨਾ ਨਿਦ੍ਦਂ ਓਕ੍ਕਮਨ੍ਤਿ। ਤੇਸਂ ਮੁਟ੍ਠਸ੍ਸਤੀਨਂ ਅਸਮ੍ਪਜਾਨਾਨਂ ਨਿਦ੍ਦਂ ਓਕ੍ਕਮਨ੍ਤਾਨਂ ਸੁਪਿਨਨ੍ਤੇਨ ਅਸੁਚਿ ਮੁਚ੍ਚਤਿ। ਤੇਸਂ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗવਤਾ ਸਿਕ੍ਖਾਪਦਂ ਪਞ੍ਞਤ੍ਤਂ – ‘ਸਞ੍ਚੇਤਨਿਕਾ ਸੁਕ੍ਕવਿਸ੍ਸਟ੍ਠਿ ਸਙ੍ਘਾਦਿਸੇਸੋ’ਤਿ। ਅਮ੍ਹਾਕਞ੍ਚ ਸੁਪਿਨਨ੍ਤੇਨ ਅਸੁਚਿ ਮੁਚ੍ਚਤਿ। ਅਤ੍ਥਿ ਚੇਤ੍ਥ ਚੇਤਨਾ ਲਬ੍ਭਤਿ। ਕਚ੍ਚਿ ਨੁ ਖੋ ਮਯਂ ਸਙ੍ਘਾਦਿਸੇਸਂ ਆਪਤ੍ਤਿਂ ਆਪਨ੍ਨਾ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸੁਂ। ‘‘ਅਤ੍ਥੇਸਾ, ਭਿਕ੍ਖવੇ, ਚੇਤਨਾ; ਸਾ ਚ ਖੋ ਅਬ੍ਬੋਹਾਰਿਕਾਤਿ। ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
235. Tena kho pana samayena bhikkhū paṇītabhojanāni bhuñjitvā muṭṭhassatī asampajānā niddaṃ okkamanti. Tesaṃ muṭṭhassatīnaṃ asampajānānaṃ niddaṃ okkamantānaṃ supinantena asuci muccati. Tesaṃ kukkuccaṃ ahosi – ‘‘bhagavatā sikkhāpadaṃ paññattaṃ – ‘sañcetanikā sukkavissaṭṭhi saṅghādiseso’ti. Amhākañca supinantena asuci muccati. Atthi cettha cetanā labbhati. Kacci nu kho mayaṃ saṅghādisesaṃ āpattiṃ āpannā’’ti? Bhagavato etamatthaṃ ārocesuṃ. ‘‘Atthesā, bhikkhave, cetanā; sā ca kho abbohārikāti. Evañca pana, bhikkhave, imaṃ sikkhāpadaṃ uddiseyyātha –
੨੩੬. ‘‘ਸਞ੍ਚੇਤਨਿਕਾ ਸੁਕ੍ਕવਿਸ੍ਸਟ੍ਠਿ ਅਞ੍ਞਤ੍ਰ ਸੁਪਿਨਨ੍ਤਾ ਸਙ੍ਘਾਦਿਸੇਸੋ’’ਤਿ।
236.‘‘Sañcetanikā sukkavissaṭṭhi aññatra supinantā saṅghādiseso’’ti.
੨੩੭. ਸਞ੍ਚੇਤਨਿਕਾਤਿ ਜਾਨਨ੍ਤੋ ਸਞ੍ਜਾਨਨ੍ਤੋ ਚੇਚ੍ਚ ਅਭਿવਿਤਰਿਤ੍વਾ વੀਤਿਕ੍ਕਮੋ।
237.Sañcetanikāti jānanto sañjānanto cecca abhivitaritvā vītikkamo.
ਸੁਕ੍ਕਨ੍ਤਿ ਦਸ ਸੁਕ੍ਕਾਨਿ – ਨੀਲਂ ਪੀਤਕਂ ਲੋਹਿਤਕਂ ਓਦਾਤਂ ਤਕ੍ਕવਣ੍ਣਂ ਦਕવਣ੍ਣਂ ਤੇਲવਣ੍ਣਂ ਖੀਰવਣ੍ਣਂ ਦਧਿવਣ੍ਣਂ ਸਪ੍ਪਿવਣ੍ਣਂ।
Sukkanti dasa sukkāni – nīlaṃ pītakaṃ lohitakaṃ odātaṃ takkavaṇṇaṃ dakavaṇṇaṃ telavaṇṇaṃ khīravaṇṇaṃ dadhivaṇṇaṃ sappivaṇṇaṃ.
વਿਸ੍ਸਟ੍ਠੀਤਿ ਠਾਨਤੋ ਚਾવਨਾ વੁਚ੍ਚਤਿ વਿਸ੍ਸਟ੍ਠੀਤਿ।
Vissaṭṭhīti ṭhānato cāvanā vuccati vissaṭṭhīti.
ਅਞ੍ਞਤ੍ਰ ਸੁਪਿਨਨ੍ਤਾਤਿ ਠਪੇਤ੍વਾ ਸੁਪਿਨਨ੍ਤਂ।
Aññatra supinantāti ṭhapetvā supinantaṃ.
ਸਙ੍ਘਾਦਿਸੇਸੋਤਿ ਸਙ੍ਘੋવ ਤਸ੍ਸਾ ਆਪਤ੍ਤਿਯਾ ਪਰਿવਾਸਂ ਦੇਤਿ, ਮੂਲਾਯ ਪਟਿਕਸ੍ਸਤਿ, ਮਾਨਤ੍ਤਂ ਦੇਤਿ , ਅਬ੍ਭੇਤਿ; ਨ ਸਮ੍ਬਹੁਲਾ, ਨ ਏਕਪੁਗ੍ਗਲੋ। ਤੇਨ વੁਚ੍ਚਤਿ – ‘‘ਸਙ੍ਘਾਦਿਸੇਸੋ’’ਤਿ। ਤਸ੍ਸੇવ ਆਪਤ੍ਤਿਨਿਕਾਯਸ੍ਸ ਨਾਮਕਮ੍ਮਂ ਅਧਿવਚਨਂ। ਤੇਨਪਿ વੁਚ੍ਚਤਿ – ‘‘ਸਙ੍ਘਾਦਿਸੇਸੋ’’ਤਿ।
Saṅghādisesoti saṅghova tassā āpattiyā parivāsaṃ deti, mūlāya paṭikassati, mānattaṃ deti , abbheti; na sambahulā, na ekapuggalo. Tena vuccati – ‘‘saṅghādiseso’’ti. Tasseva āpattinikāyassa nāmakammaṃ adhivacanaṃ. Tenapi vuccati – ‘‘saṅghādiseso’’ti.
ਅਜ੍ਝਤ੍ਤਰੂਪੇ ਮੋਚੇਤਿ, ਬਹਿਦ੍ਧਾਰੂਪੇ ਮੋਚੇਤਿ, ਅਜ੍ਝਤ੍ਤਬਹਿਦ੍ਧਾਰੂਪੇ ਮੋਚੇਤਿ, ਆਕਾਸੇ ਕਟਿਂ ਕਮ੍ਪੇਨ੍ਤੋ ਮੋਚੇਤਿ; ਰਾਗੂਪਤ੍ਥਮ੍ਭੇ ਮੋਚੇਤਿ, વਚ੍ਚੂਪਤ੍ਥਮ੍ਭੇ ਮੋਚੇਤਿ, ਪਸ੍ਸਾવੂਪਤ੍ਥਮ੍ਭੇ ਮੋਚੇਤਿ, વਾਤੂਪਤ੍ਥਮ੍ਭੇ ਮੋਚੇਤਿ , ਉਚ੍ਚਾਲਿਙ੍ਗਪਾਣਕਦਟ੍ਠੂਪਤ੍ਥਮ੍ਭੇ ਮੋਚੇਤਿ; ਆਰੋਗ੍ਯਤ੍ਥਾਯ ਮੋਚੇਤਿ, ਸੁਖਤ੍ਥਾਯ ਮੋਚੇਤਿ, ਭੇਸਜ੍ਜਤ੍ਥਾਯ ਮੋਚੇਤਿ, ਦਾਨਤ੍ਥਾਯ ਮੋਚੇਤਿ, ਪੁਞ੍ਞਤ੍ਥਾਯ ਮੋਚੇਤਿ, ਯਞ੍ਞਤ੍ਥਾਯ ਮੋਚੇਤਿ, ਸਗ੍ਗਤ੍ਥਾਯ ਮੋਚੇਤਿ, ਬੀਜਤ੍ਥਾਯ ਮੋਚੇਤਿ, વੀਮਂਸਤ੍ਥਾਯ ਮੋਚੇਤਿ, ਦવਤ੍ਥਾਯ ਮੋਚੇਤਿ; ਨੀਲਂ ਮੋਚੇਤਿ, ਪੀਤਕਂ ਮੋਚੇਤਿ, ਲੋਹਿਤਕਂ ਮੋਚੇਤਿ, ਓਦਾਤਂ ਮੋਚੇਤਿ, ਤਕ੍ਕવਣ੍ਣਂ ਮੋਚੇਤਿ, ਦਕવਣ੍ਣਂ ਮੋਚੇਤਿ, ਤੇਲવਣ੍ਣਂ ਮੋਚੇਤਿ, ਖੀਰવਣ੍ਣਂ ਮੋਚੇਤਿ, ਦਧਿવਣ੍ਣਂ ਮੋਚੇਤਿ, ਸਪ੍ਪਿવਣ੍ਣਂ ਮੋਚੇਤਿ।
Ajjhattarūpe moceti, bahiddhārūpe moceti, ajjhattabahiddhārūpe moceti, ākāse kaṭiṃ kampento moceti; rāgūpatthambhe moceti, vaccūpatthambhe moceti, passāvūpatthambhe moceti, vātūpatthambhe moceti , uccāliṅgapāṇakadaṭṭhūpatthambhe moceti; ārogyatthāya moceti, sukhatthāya moceti, bhesajjatthāya moceti, dānatthāya moceti, puññatthāya moceti, yaññatthāya moceti, saggatthāya moceti, bījatthāya moceti, vīmaṃsatthāya moceti, davatthāya moceti; nīlaṃ moceti, pītakaṃ moceti, lohitakaṃ moceti, odātaṃ moceti, takkavaṇṇaṃ moceti, dakavaṇṇaṃ moceti, telavaṇṇaṃ moceti, khīravaṇṇaṃ moceti, dadhivaṇṇaṃ moceti, sappivaṇṇaṃ moceti.
ਬਹਿਦ੍ਧਾਰੂਪੇਤਿ ਬਹਿਦ੍ਧਾ ਉਪਾਦਿਨ੍ਨੇ વਾ ਅਨੁਪਾਦਿਨ੍ਨੇ વਾ।
Bahiddhārūpeti bahiddhā upādinne vā anupādinne vā.
ਅਜ੍ਝਤ੍ਤਬਹਿਦ੍ਧਾਰੂਪੇਤਿ ਤਦੁਭਯੇ।
Ajjhattabahiddhārūpeti tadubhaye.
ਆਕਾਸੇ ਕਟਿਂ ਕਮ੍ਪੇਨ੍ਤੋਤਿ ਆਕਾਸੇ વਾਯਮਨ੍ਤਸ੍ਸ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ।
Ākāse kaṭiṃ kampentoti ākāse vāyamantassa aṅgajātaṃ kammaniyaṃ hoti.
ਰਾਗੂਪਤ੍ਥਮ੍ਭੇਤਿ ਰਾਗੇਨ ਪੀਲ਼ਿਤਸ੍ਸ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ।
Rāgūpatthambheti rāgena pīḷitassa aṅgajātaṃ kammaniyaṃ hoti.
વਚ੍ਚੂਪਤ੍ਥਮ੍ਭੇਤਿ વਚ੍ਚੇਨ ਪੀਲ਼ਿਤਸ੍ਸ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ।
Vaccūpatthambheti vaccena pīḷitassa aṅgajātaṃ kammaniyaṃ hoti.
ਪਸ੍ਸਾવੂਪਤ੍ਥਮ੍ਭੇਤਿ ਪਸ੍ਸਾવੇਨ ਪੀਲ਼ਿਤਸ੍ਸ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ।
Passāvūpatthambheti passāvena pīḷitassa aṅgajātaṃ kammaniyaṃ hoti.
વਾਤੂਪਤ੍ਥਮ੍ਭੇਤਿ વਾਤੇਨ ਪੀਲ਼ਿਤਸ੍ਸ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ।
Vātūpatthambheti vātena pīḷitassa aṅgajātaṃ kammaniyaṃ hoti.
ਉਚ੍ਚਾਲਿਙ੍ਗਪਾਣਕਦਟ੍ਠੂਪਤ੍ਥਮ੍ਭੇਤਿ ਉਚ੍ਚਾਲਿਙ੍ਗਪਾਣਕਦਟ੍ਠੇਨ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ।
Uccāliṅgapāṇakadaṭṭhūpatthambheti uccāliṅgapāṇakadaṭṭhena aṅgajātaṃ kammaniyaṃ hoti.
੨੩੯. ਆਰੋਗ੍ਯਤ੍ਥਾਯਾਤਿ ਅਰੋਗੋ ਭવਿਸ੍ਸਾਮਿ।
239.Ārogyatthāyāti arogo bhavissāmi.
ਸੁਖਤ੍ਥਾਯਾਤਿ ਸੁਖਂ વੇਦਨਂ ਉਪ੍ਪਾਦੇਸ੍ਸਾਮਿ।
Sukhatthāyāti sukhaṃ vedanaṃ uppādessāmi.
ਭੇਸਜ੍ਜਤ੍ਥਾਯਾਤਿ ਭੇਸਜ੍ਜਂ ਭવਿਸ੍ਸਤਿ।
Bhesajjatthāyāti bhesajjaṃ bhavissati.
ਦਾਨਤ੍ਥਾਯਾਤਿ ਦਾਨਂ ਦਸ੍ਸਾਮਿ।
Dānatthāyāti dānaṃ dassāmi.
ਪੁਞ੍ਞਤ੍ਥਾਯਾਤਿ ਪੁਞ੍ਞਂ ਭવਿਸ੍ਸਤਿ।
Puññatthāyāti puññaṃ bhavissati.
ਯਞ੍ਞਤ੍ਥਾਯਾਤਿ ਯਞ੍ਞਂ ਯਜਿਸ੍ਸਾਮਿ।
Yaññatthāyāti yaññaṃ yajissāmi.
ਸਗ੍ਗਤ੍ਥਾਯਾਤਿ ਸਗ੍ਗਂ ਗਮਿਸ੍ਸਾਮਿ।
Saggatthāyāti saggaṃ gamissāmi.
ਬੀਜਤ੍ਥਾਯਾਤਿ ਬੀਜਂ ਭવਿਸ੍ਸਤਿ।
Bījatthāyāti bījaṃ bhavissati.
વੀਮਂਸਤ੍ਥਾਯਾਤਿ ਨੀਲਂ ਭવਿਸ੍ਸਤਿ, ਪੀਤਕਂ ਭવਿਸ੍ਸਤਿ, ਲੋਹਿਤਕਂ ਭવਿਸ੍ਸਤਿ, ਓਦਾਤਂ ਭવਿਸ੍ਸਤਿ, ਤਕ੍ਕવਣ੍ਣਂ ਭવਿਸ੍ਸਤਿ, ਦਕવਣ੍ਣਂ ਭવਿਸ੍ਸਤਿ, ਤੇਲવਣ੍ਣਂ ਭવਿਸ੍ਸਤਿ, ਖੀਰવਣ੍ਣਂ ਭવਿਸ੍ਸਤਿ, ਦਧਿવਣ੍ਣਂ ਭવਿਸ੍ਸਤਿ, ਸਪ੍ਪਿવਣ੍ਣਂ ਭવਿਸ੍ਸਤੀਤਿ।
Vīmaṃsatthāyāti nīlaṃ bhavissati, pītakaṃ bhavissati, lohitakaṃ bhavissati, odātaṃ bhavissati, takkavaṇṇaṃ bhavissati, dakavaṇṇaṃ bhavissati, telavaṇṇaṃ bhavissati, khīravaṇṇaṃ bhavissati, dadhivaṇṇaṃ bhavissati, sappivaṇṇaṃ bhavissatīti.
ਦવਤ੍ਥਾਯਾਤਿ ਖਿਡ੍ਡਾਧਿਪ੍ਪਾਯੋ।
Davatthāyāti khiḍḍādhippāyo.
੨੪੦. ਅਜ੍ਝਤ੍ਤਰੂਪੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
240. Ajjhattarūpe ceteti upakkamati muccati, āpatti saṅghādisesassa.
ਬਹਿਦ੍ਧਾਰੂਪੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Bahiddhārūpe ceteti upakkamati muccati, āpatti saṅghādisesassa.
ਅਜ੍ਝਤ੍ਤਬਹਿਦ੍ਧਾਰੂਪੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Ajjhattabahiddhārūpe ceteti upakkamati muccati, āpatti saṅghādisesassa.
ਆਕਾਸੇ ਕਟਿਂ ਕਮ੍ਪੇਨ੍ਤੋ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Ākāse kaṭiṃ kampento ceteti upakkamati muccati, āpatti saṅghādisesassa.
ਰਾਗੂਪਤ੍ਥਮ੍ਭੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Rāgūpatthambhe ceteti upakkamati muccati, āpatti saṅghādisesassa.
વਚ੍ਚੂਪਤ੍ਥਮ੍ਭੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Vaccūpatthambhe ceteti upakkamati muccati, āpatti saṅghādisesassa.
ਪਸ੍ਸਾવੂਪਤ੍ਥਮ੍ਭੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Passāvūpatthambhe ceteti upakkamati muccati, āpatti saṅghādisesassa.
વਾਤੂਪਤ੍ਥਮ੍ਭੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Vātūpatthambhe ceteti upakkamati muccati, āpatti saṅghādisesassa.
ਉਚ੍ਚਾਲਿਙ੍ਗਪਾਣਕਦਟ੍ਠੂਪਤ੍ਥਮ੍ਭੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Uccāliṅgapāṇakadaṭṭhūpatthambhe ceteti upakkamati muccati, āpatti saṅghādisesassa.
ਆਰੋਗ੍ਯਤ੍ਥਾਯ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Ārogyatthāya ceteti upakkamati muccati, āpatti saṅghādisesassa.
ਸੁਖਤ੍ਥਾਯ…ਪੇ॰… ਭੇਸਜ੍ਜਤ੍ਥਾਯ… ਦਾਨਤ੍ਥਾਯ… ਪੁਞ੍ਞਤ੍ਥਾਯ… ਯਞ੍ਞਤ੍ਥਾਯ… ਸਗ੍ਗਤ੍ਥਾਯ… ਬੀਜਤ੍ਥਾਯ… વੀਮਂਸਤ੍ਥਾਯ… ਦવਤ੍ਥਾਯ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Sukhatthāya…pe… bhesajjatthāya… dānatthāya… puññatthāya… yaññatthāya… saggatthāya… bījatthāya… vīmaṃsatthāya… davatthāya ceteti upakkamati muccati, āpatti saṅghādisesassa.
ਨੀਲਂ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ ।
Nīlaṃ ceteti upakkamati muccati, āpatti saṅghādisesassa .
ਪੀਤਕਂ… ਲੋਹਿਤਕਂ… ਓਦਾਤਂ… ਤਕ੍ਕવਣ੍ਣਂ… ਦਕવਣ੍ਣਂ… ਤੇਲવਣ੍ਣਂ… ਖੀਰવਣ੍ਣਂ… ਦਧਿવਣ੍ਣਂ… ਸਪ੍ਪਿવਣ੍ਣਂ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ ceteti upakkamati muccati, āpatti saṅghādisesassa.
ਸੁਦ੍ਧਿਕਂ ਨਿਟ੍ਠਿਤਂ।
Suddhikaṃ niṭṭhitaṃ.
ਆਰੋਗ੍ਯਤ੍ਥਞ੍ਚ ਸੁਖਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Ārogyatthañca sukhatthañca ceteti upakkamati muccati, āpatti saṅghādisesassa.
ਆਰੋਗ੍ਯਤ੍ਥਞ੍ਚ ਭੇਸਜ੍ਜਤ੍ਥਞ੍ਚ…ਪੇ॰… ਆਰੋਗ੍ਯਤ੍ਥਞ੍ਚ ਦਾਨਤ੍ਥਞ੍ਚ… ਆਰੋਗ੍ਯਤ੍ਥਞ੍ਚ ਪੁਞ੍ਞਤ੍ਥਞ੍ਚ… ਆਰੋਗ੍ਯਤ੍ਥਞ੍ਚ ਯਞ੍ਞਤ੍ਥਞ੍ਚ… ਆਰੋਗ੍ਯਤ੍ਥਞ੍ਚ ਸਗ੍ਗਤ੍ਥਞ੍ਚ… ਆਰੋਗ੍ਯਤ੍ਥਞ੍ਚ ਬੀਜਤ੍ਥਞ੍ਚ… ਆਰੋਗ੍ਯਤ੍ਥਞ੍ਚ વੀਮਂਸਤ੍ਥਞ੍ਚ… ਆਰੋਗ੍ਯਤ੍ਥਞ੍ਚ ਦવਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Ārogyatthañca bhesajjatthañca…pe… ārogyatthañca dānatthañca… ārogyatthañca puññatthañca… ārogyatthañca yaññatthañca… ārogyatthañca saggatthañca… ārogyatthañca bījatthañca… ārogyatthañca vīmaṃsatthañca… ārogyatthañca davatthañca ceteti upakkamati muccati, āpatti saṅghādisesassa.
ਏਕਮੂਲਕਸ੍ਸ ਖਣ੍ਡਚਕ੍ਕਂ ਨਿਟ੍ਠਿਤਂ।
Ekamūlakassa khaṇḍacakkaṃ niṭṭhitaṃ.
੨੪੧. ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
241. Sukhatthañca bhesajjatthañca ceteti upakkamati muccati, āpatti saṅghādisesassa.
ਸੁਖਤ੍ਥਞ੍ਚ ਦਾਨਤ੍ਥਞ੍ਚ…ਪੇ॰… ਸੁਖਤ੍ਥਞ੍ਚ ਪੁਞ੍ਞਤ੍ਥਞ੍ਚ… ਸੁਖਤ੍ਥਞ੍ਚ ਯਞ੍ਞਤ੍ਥਞ੍ਚ… ਸੁਖਤ੍ਥਞ੍ਚ ਸਗ੍ਗਤ੍ਥਞ੍ਚ… ਸੁਖਤ੍ਥਞ੍ਚ ਬੀਜਤ੍ਥਞ੍ਚ… ਸੁਖਤ੍ਥਞ੍ਚ વੀਮਂਸਤ੍ਥਞ੍ਚ… ਸੁਖਤ੍ਥਞ੍ਚ ਦવਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Sukhatthañca dānatthañca…pe… sukhatthañca puññatthañca… sukhatthañca yaññatthañca… sukhatthañca saggatthañca… sukhatthañca bījatthañca… sukhatthañca vīmaṃsatthañca… sukhatthañca davatthañca ceteti upakkamati muccati, āpatti saṅghādisesassa.
ਸੁਖਤ੍ਥਞ੍ਚ ਆਰੋਗ੍ਯਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Sukhatthañca ārogyatthañca ceteti upakkamati muccati, āpatti saṅghādisesassa.
੨੪੨. ਭੇਸਜ੍ਜਤ੍ਥਞ੍ਚ ਦਾਨਤ੍ਥਞ੍ਚ…ਪੇ॰… ਭੇਸਜ੍ਜਤ੍ਥਞ੍ਚ ਪੁਞ੍ਞਤ੍ਥਞ੍ਚ… ਭੇਸਜ੍ਜਤ੍ਥਞ੍ਚ ਯਞ੍ਞਤ੍ਥਞ੍ਚ… ਭੇਸਜ੍ਜਤ੍ਥਞ੍ਚ ਸਗ੍ਗਤ੍ਥਞ੍ਚ… ਭੇਸਜ੍ਜਤ੍ਥਞ੍ਚ ਬੀਜਤ੍ਥਞ੍ਚ… ਭੇਸਜ੍ਜਤ੍ਥਞ੍ਚ વੀਮਂਸਤ੍ਥਞ੍ਚ… ਭੇਸਜ੍ਜਤ੍ਥਞ੍ਚ ਦવਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
242. Bhesajjatthañca dānatthañca…pe… bhesajjatthañca puññatthañca… bhesajjatthañca yaññatthañca… bhesajjatthañca saggatthañca… bhesajjatthañca bījatthañca… bhesajjatthañca vīmaṃsatthañca… bhesajjatthañca davatthañca ceteti upakkamati muccati, āpatti saṅghādisesassa.
ਭੇਸਜ੍ਜਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ॰… ਭੇਸਜ੍ਜਤ੍ਥਞ੍ਚ ਸੁਖਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Bhesajjatthañca ārogyatthañca…pe… bhesajjatthañca sukhatthañca ceteti upakkamati muccati, āpatti saṅghādisesassa.
ਦਾਨਤ੍ਥਞ੍ਚ ਪੁਞ੍ਞਤ੍ਥਞ੍ਚ…ਪੇ॰… ਦਾਨਤ੍ਥਞ੍ਚ ਯਞ੍ਞਤ੍ਥਞ੍ਚ… ਦਾਨਤ੍ਥਞ੍ਚ ਸਗ੍ਗਤ੍ਥਞ੍ਚ… ਦਾਨਤ੍ਥਞ੍ਚ ਬੀਜਤ੍ਥਞ੍ਚ… ਦਾਨਤ੍ਥਞ੍ਚ વੀਮਂਸਤ੍ਥਞ੍ਚ… ਦਾਨਤ੍ਥਞ੍ਚ ਦવਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Dānatthañca puññatthañca…pe… dānatthañca yaññatthañca… dānatthañca saggatthañca… dānatthañca bījatthañca… dānatthañca vīmaṃsatthañca… dānatthañca davatthañca ceteti upakkamati muccati, āpatti saṅghādisesassa.
ਦਾਨਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ॰… ਦਾਨਤ੍ਥਞ੍ਚ ਸੁਖਤ੍ਥਞ੍ਚ… ਦਾਨਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Dānatthañca ārogyatthañca…pe… dānatthañca sukhatthañca… dānatthañca bhesajjatthañca ceteti upakkamati muccati, āpatti saṅghādisesassa.
ਪੁਞ੍ਞਤ੍ਥਞ੍ਚ ਯਞ੍ਞਤ੍ਥਞ੍ਚ…ਪੇ॰… ਪੁਞ੍ਞਤ੍ਥਞ੍ਚ ਸਗ੍ਗਤ੍ਥਞ੍ਚ… ਪੁਞ੍ਞਤ੍ਥਞ੍ਚ ਬੀਜਤ੍ਥਞ੍ਚ… ਪੁਞ੍ਞਤ੍ਥਞ੍ਚ વੀਮਂਸਤ੍ਥਞ੍ਚ… ਪੁਞ੍ਞਤ੍ਥਞ੍ਚ ਦવਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Puññatthañca yaññatthañca…pe… puññatthañca saggatthañca… puññatthañca bījatthañca… puññatthañca vīmaṃsatthañca… puññatthañca davatthañca ceteti upakkamati muccati, āpatti saṅghādisesassa.
ਪੁਞ੍ਞਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ॰… ਪੁਞ੍ਞਤ੍ਥਞ੍ਚ ਸੁਖਤ੍ਥਞ੍ਚ… ਪੁਞ੍ਞਤ੍ਥਞ੍ਚ ਭੇਸਜ੍ਜਤ੍ਥਞ੍ਚ… ਪੁਞ੍ਞਤ੍ਥਞ੍ਚ ਦਾਨਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Puññatthañca ārogyatthañca…pe… puññatthañca sukhatthañca… puññatthañca bhesajjatthañca… puññatthañca dānatthañca ceteti upakkamati muccati, āpatti saṅghādisesassa.
ਯਞ੍ਞਤ੍ਥਞ੍ਚ ਸਗ੍ਗਤ੍ਥਞ੍ਚ…ਪੇ॰… ਯਞ੍ਞਤ੍ਥਞ੍ਚ ਬੀਜਤ੍ਥਞ੍ਚ… ਯਞ੍ਞਤ੍ਥਞ੍ਚ વੀਮਂਸਤ੍ਥਞ੍ਚ … ਯਞ੍ਞਤ੍ਥਞ੍ਚ ਦવਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Yaññatthañca saggatthañca…pe… yaññatthañca bījatthañca… yaññatthañca vīmaṃsatthañca … yaññatthañca davatthañca ceteti upakkamati muccati, āpatti saṅghādisesassa.
ਯਞ੍ਞਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ॰… ਯਞ੍ਞਤ੍ਥਞ੍ਚ ਸੁਖਤ੍ਥਞ੍ਚ… ਯਞ੍ਞਤ੍ਥਞ੍ਚ ਭੇਸਜ੍ਜਤ੍ਥਞ੍ਚ… ਯਞ੍ਞਤ੍ਥਞ੍ਚ ਦਾਨਤ੍ਥਞ੍ਚ… ਯਞ੍ਞਤ੍ਥਞ੍ਚ ਪੁਞ੍ਞਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Yaññatthañca ārogyatthañca…pe… yaññatthañca sukhatthañca… yaññatthañca bhesajjatthañca… yaññatthañca dānatthañca… yaññatthañca puññatthañca ceteti upakkamati muccati, āpatti saṅghādisesassa.
ਸਗ੍ਗਤ੍ਥਞ੍ਚ ਬੀਜਤ੍ਥਞ੍ਚ…ਪੇ॰… ਸਗ੍ਗਤ੍ਥਞ੍ਚ વੀਮਂਸਤ੍ਥਞ੍ਚ… ਸਗ੍ਗਤ੍ਥਞ੍ਚ ਦવਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Saggatthañca bījatthañca…pe… saggatthañca vīmaṃsatthañca… saggatthañca davatthañca ceteti upakkamati muccati, āpatti saṅghādisesassa.
ਸਗ੍ਗਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ॰… ਸਗ੍ਗਤ੍ਥਞ੍ਚ ਸੁਖਤ੍ਥਞ੍ਚ… ਸਗ੍ਗਤ੍ਥਞ੍ਚ ਭੇਸਜ੍ਜਤ੍ਥਞ੍ਚ… ਸਗ੍ਗਤ੍ਥਞ੍ਚ ਦਾਨਤ੍ਥਞ੍ਚ… ਸਗ੍ਗਤ੍ਥਞ੍ਚ ਪੁਞ੍ਞਤ੍ਥਞ੍ਚ… ਸਗ੍ਗਤ੍ਥਞ੍ਚ ਯਞ੍ਞਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Saggatthañca ārogyatthañca…pe… saggatthañca sukhatthañca… saggatthañca bhesajjatthañca… saggatthañca dānatthañca… saggatthañca puññatthañca… saggatthañca yaññatthañca ceteti upakkamati muccati, āpatti saṅghādisesassa.
ਬੀਜਤ੍ਥਞ੍ਚ વੀਮਂਸਤ੍ਥਞ੍ਚ…ਪੇ॰… ਬੀਜਤ੍ਥਞ੍ਚ ਦવਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Bījatthañca vīmaṃsatthañca…pe… bījatthañca davatthañca ceteti upakkamati muccati, āpatti saṅghādisesassa.
ਬੀਜਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ॰… ਬੀਜਤ੍ਥਞ੍ਚ ਸੁਖਤ੍ਥਞ੍ਚ… ਬੀਜਤ੍ਥਞ੍ਚ ਭੇਸਜ੍ਜਤ੍ਥਞ੍ਚ… ਬੀਜਤ੍ਥਞ੍ਚ ਦਾਨਤ੍ਥਞ੍ਚ… ਬੀਜਤ੍ਥਞ੍ਚ ਪੁਞ੍ਞਤ੍ਥਞ੍ਚ… ਬੀਜਤ੍ਥਞ੍ਚ ਯਞ੍ਞਤ੍ਥਞ੍ਚ… ਬੀਜਤ੍ਥਞ੍ਚ ਸਗ੍ਗਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Bījatthañca ārogyatthañca…pe… bījatthañca sukhatthañca… bījatthañca bhesajjatthañca… bījatthañca dānatthañca… bījatthañca puññatthañca… bījatthañca yaññatthañca… bījatthañca saggatthañca ceteti upakkamati muccati, āpatti saṅghādisesassa.
વੀਮਂਸਤ੍ਥਞ੍ਚ ਦવਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Vīmaṃsatthañca davatthañca ceteti upakkamati muccati, āpatti saṅghādisesassa.
વੀਮਂਸਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ॰… વੀਮਂਸਤ੍ਥਞ੍ਚ ਸੁਖਤ੍ਥਞ੍ਚ… વੀਮਂਸਤ੍ਥਞ੍ਚ ਭੇਸਜ੍ਜਤ੍ਥਞ੍ਚ… વੀਮਂਸਤ੍ਥਞ੍ਚ ਦਾਨਤ੍ਥਞ੍ਚ… વੀਮਂਸਤ੍ਥਞ੍ਚ ਪੁਞ੍ਞਤ੍ਥਞ੍ਚ… વੀਮਂਸਤ੍ਥਞ੍ਚ ਯਞ੍ਞਤ੍ਥਞ੍ਚ… વੀਮਂਸਤ੍ਥਞ੍ਚ ਸਗ੍ਗਤ੍ਥਞ੍ਚ… વੀਮਂਸਤ੍ਥਞ੍ਚ ਬੀਜਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Vīmaṃsatthañca ārogyatthañca…pe… vīmaṃsatthañca sukhatthañca… vīmaṃsatthañca bhesajjatthañca… vīmaṃsatthañca dānatthañca… vīmaṃsatthañca puññatthañca… vīmaṃsatthañca yaññatthañca… vīmaṃsatthañca saggatthañca… vīmaṃsatthañca bījatthañca ceteti upakkamati muccati, āpatti saṅghādisesassa.
ਦવਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ॰… ਦવਤ੍ਥਞ੍ਚ ਸੁਖਤ੍ਥਞ੍ਚ… ਦવਤ੍ਥਞ੍ਚ ਭੇਸਜ੍ਜਤ੍ਥਞ੍ਚ… ਦવਤ੍ਥਞ੍ਚ ਦਾਨਤ੍ਥਞ੍ਚ… ਦવਤ੍ਥਞ੍ਚ ਪੁਞ੍ਞਤ੍ਥਞ੍ਚ… ਦવਤ੍ਥਞ੍ਚ ਯਞ੍ਞਤ੍ਥਞ੍ਚ… ਦવਤ੍ਥਞ੍ਚ ਸਗ੍ਗਤ੍ਥਞ੍ਚ… ਦવਤ੍ਥਞ੍ਚ ਬੀਜਤ੍ਥਞ੍ਚ… ਦવਤ੍ਥਞ੍ਚ વੀਮਂਸਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Davatthañca ārogyatthañca…pe… davatthañca sukhatthañca… davatthañca bhesajjatthañca… davatthañca dānatthañca… davatthañca puññatthañca… davatthañca yaññatthañca… davatthañca saggatthañca… davatthañca bījatthañca… davatthañca vīmaṃsatthañca ceteti upakkamati muccati, āpatti saṅghādisesassa.
ਏਕਮੂਲਕਸ੍ਸ ਬਦ੍ਧਚਕ੍ਕਂ ਨਿਟ੍ਠਿਤਂ।
Ekamūlakassa baddhacakkaṃ niṭṭhitaṃ.
ਆਰੋਗ੍ਯਤ੍ਥਞ੍ਚ ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ…ਪੇ॰… ਆਰੋਗ੍ਯਤ੍ਥਞ੍ਚ ਸੁਖਤ੍ਥਞ੍ਚ ਦવਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Ārogyatthañca sukhatthañca bhesajjatthañca ceteti upakkamati muccati, āpatti saṅghādisesassa…pe… ārogyatthañca sukhatthañca davatthañca ceteti upakkamati muccati, āpatti saṅghādisesassa.
ਦੁਮੂਲਕਸ੍ਸ ਖਣ੍ਡਚਕ੍ਕਂ।
Dumūlakassa khaṇḍacakkaṃ.
ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਦਾਨਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ…ਪੇ॰… ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਦવਤ੍ਥਞ੍ਚ…ਪੇ॰… ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਆਰੋਗ੍ਯਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Sukhatthañca bhesajjatthañca dānatthañca ceteti upakkamati muccati, āpatti saṅghādisesassa…pe… sukhatthañca bhesajjatthañca davatthañca…pe… sukhatthañca bhesajjatthañca ārogyatthañca ceteti upakkamati muccati, āpatti saṅghādisesassa.
ਦੁਮੂਲਕਸ੍ਸ ਬਦ੍ਧਚਕ੍ਕਂ ਸਂਖਿਤ੍ਤਂ।
Dumūlakassa baddhacakkaṃ saṃkhittaṃ.
વੀਮਂਸਤ੍ਥਞ੍ਚ ਦવਤ੍ਥਞ੍ਚ ਆਰੋਗ੍ਯਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ। વੀਮਂਸਤ੍ਥਞ੍ਚ ਦવਤ੍ਥਞ੍ਚ ਬੀਜਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Vīmaṃsatthañca davatthañca ārogyatthañca ceteti upakkamati muccati, āpatti saṅghādisesassa. Vīmaṃsatthañca davatthañca bījatthañca ceteti upakkamati muccati, āpatti saṅghādisesassa.
ਦੁਮੂਲਕਂ ਨਿਟ੍ਠਿਤਂ।
Dumūlakaṃ niṭṭhitaṃ.
ਤਿਮੂਲਕਮ੍ਪਿ ਚਤੁਮੂਲਕਮ੍ਪਿ ਪਞ੍ਚਮੂਲਕਮ੍ਪਿ ਛਮੂਲਕਮ੍ਪਿ ਸਤ੍ਤਮੂਲਕਮ੍ਪਿ ਅਟ੍ਠਮੂਲਕਮ੍ਪਿ ਨવਮੂਲਕਮ੍ਪਿ ਏવਮੇવ વਿਤ੍ਥਾਰੇਤਬ੍ਬਂ।
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ਇਦਂ ਸਬ੍ਬਮੂਲਕਂ।
Idaṃ sabbamūlakaṃ.
੨੪੩. ਆਰੋਗ੍ਯਤ੍ਥਞ੍ਚ ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਦਾਨਤ੍ਥਞ੍ਚ ਪੁਞ੍ਞਤ੍ਥਞ੍ਚ ਯਞ੍ਞਤ੍ਥਞ੍ਚ ਸਗ੍ਗਤ੍ਥਞ੍ਚ ਬੀਜਤ੍ਥਞ੍ਚ વੀਮਂਸਤ੍ਥਞ੍ਚ ਦવਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
243. Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca ceteti upakkamati muccati, āpatti saṅghādisesassa.
ਸਬ੍ਬਮੂਲਕਂ ਨਿਟ੍ਠਿਤਂ।
Sabbamūlakaṃ niṭṭhitaṃ.
੨੪੪. ਨੀਲਞ੍ਚ ਪੀਤਕਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
244. Nīlañca pītakañca ceteti upakkamati muccati, āpatti saṅghādisesassa.
ਨੀਲਞ੍ਚ ਲੋਹਿਤਕਞ੍ਚ…ਪੇ॰… ਨੀਲਞ੍ਚ ਓਦਾਤਞ੍ਚ… ਨੀਲਞ੍ਚ ਤਕ੍ਕવਣ੍ਣਞ੍ਚ… ਨੀਲਞ੍ਚ ਦਕવਣ੍ਣਞ੍ਚ… ਨੀਲਞ੍ਚ ਤੇਲવਣ੍ਣਞ੍ਚ… ਨੀਲਞ੍ਚ ਖੀਰવਣ੍ਣਞ੍ਚ… ਨੀਲਞ੍ਚ ਦਧਿવਣ੍ਣਞ੍ਚ… ਨੀਲਞ੍ਚ ਸਪ੍ਪਿવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤ੍ਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Nīlañca lohitakañca…pe… nīlañca odātañca… nīlañca takkavaṇṇañca… nīlañca dakavaṇṇañca… nīlañca telavaṇṇañca… nīlañca khīravaṇṇañca… nīlañca dadhivaṇṇañca… nīlañca sappivaṇṇañca ceteti upakkamati muccatti, āpatti saṅghādisesassa.
ਏਕਮੂਲਕਸ੍ਸ ਖਣ੍ਡਚਕ੍ਕਂ ਨਿਟ੍ਠਿਤਂ।
Ekamūlakassa khaṇḍacakkaṃ niṭṭhitaṃ.
੨੪੫. ਪੀਤਕਞ੍ਚ ਲੋਹਿਤਕਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
245. Pītakañca lohitakañca ceteti upakkamati muccati, āpatti saṅghādisesassa.
ਪੀਤਕਞ੍ਚ ਓਦਾਤਞ੍ਚ…ਪੇ॰… ਪੀਤਕਞ੍ਚ ਤਕ੍ਕવਣ੍ਣਞ੍ਚ… ਪੀਤਕਞ੍ਚ ਦਕવਣ੍ਣਞ੍ਚ… ਪੀਤਕਞ੍ਚ ਤੇਲવਣ੍ਣਞ੍ਚ… ਪੀਤਕਞ੍ਚ ਖੀਰવਣ੍ਣਞ੍ਚ… ਪੀਤਕਞ੍ਚ ਦਧਿવਣ੍ਣਞ੍ਚ… ਪੀਤਕਞ੍ਚ ਸਪ੍ਪਿવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Pītakañca odātañca…pe… pītakañca takkavaṇṇañca… pītakañca dakavaṇṇañca… pītakañca telavaṇṇañca… pītakañca khīravaṇṇañca… pītakañca dadhivaṇṇañca… pītakañca sappivaṇṇañca ceteti upakkamati muccati, āpatti saṅghādisesassa.
ਪੀਤਕਞ੍ਚ ਨੀਲਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Pītakañca nīlañca ceteti upakkamati muccati, āpatti saṅghādisesassa.
ਏਕਮੂਲਕਸ੍ਸ ਬਦ੍ਧਚਕ੍ਕਂ।
Ekamūlakassa baddhacakkaṃ.
੨੪੬. ਲੋਹਿਤਕਞ੍ਚ ਓਦਾਤਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
246. Lohitakañca odātañca ceteti upakkamati muccati, āpatti saṅghādisesassa.
ਲੋਹਿਤਕਞ੍ਚ ਤਕ੍ਕવਣ੍ਣਞ੍ਚ…ਪੇ॰… ਲੋਹਿਤਕਞ੍ਚ ਦਕવਣ੍ਣਞ੍ਚ… ਲੋਹਿਤਕਞ੍ਚ ਤੇਲવਣ੍ਣਞ੍ਚ… ਲੋਹਿਤਕਞ੍ਚ ਖੀਰવਣ੍ਣਞ੍ਚ… ਲੋਹਿਤਕਞ੍ਚ ਦਧਿવਣ੍ਣਞ੍ਚ… ਲੋਹਿਤਕਞ੍ਚ ਸਪ੍ਪਿવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Lohitakañca takkavaṇṇañca…pe… lohitakañca dakavaṇṇañca… lohitakañca telavaṇṇañca… lohitakañca khīravaṇṇañca… lohitakañca dadhivaṇṇañca… lohitakañca sappivaṇṇañca ceteti upakkamati muccati, āpatti saṅghādisesassa.
ਲੋਹਿਤਕਞ੍ਚ ਨੀਲਞ੍ਚ…ਪੇ॰… ਲੋਹਿਤਕਞ੍ਚ ਪੀਤਕਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Lohitakañca nīlañca…pe… lohitakañca pītakañca ceteti upakkamati muccati, āpatti saṅghādisesassa.
ਓਦਾਤਞ੍ਚ ਤਕ੍ਕવਣ੍ਣਞ੍ਚ…ਪੇ॰… ਓਦਾਤਞ੍ਚ ਦਕવਣ੍ਣਞ੍ਚ… ਓਦਾਤਞ੍ਚ ਤੇਲવਣ੍ਣਞ੍ਚ… ਓਦਾਤਞ੍ਚ ਖੀਰવਣ੍ਣਞ੍ਚ… ਓਦਾਤਞ੍ਚ ਦਧਿવਣ੍ਣਞ੍ਚ… ਓਦਾਤਞ੍ਚ ਸਪ੍ਪਿવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Odātañca takkavaṇṇañca…pe… odātañca dakavaṇṇañca… odātañca telavaṇṇañca… odātañca khīravaṇṇañca… odātañca dadhivaṇṇañca… odātañca sappivaṇṇañca ceteti upakkamati muccati, āpatti saṅghādisesassa.
ਓਦਾਤਞ੍ਚ ਨੀਲਞ੍ਚ…ਪੇ॰… ਓਦਾਤਞ੍ਚ ਪੀਤਕਞ੍ਚ… ਓਦਾਤਞ੍ਚ ਲੋਹਿਤਕਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Odātañca nīlañca…pe… odātañca pītakañca… odātañca lohitakañca ceteti upakkamati muccati, āpatti saṅghādisesassa.
ਤਕ੍ਕવਣ੍ਣਞ੍ਚ ਦਕવਣ੍ਣਞ੍ਚ…ਪੇ॰… ਤਕ੍ਕવਣ੍ਣਞ੍ਚ ਤੇਲવਣ੍ਣਞ੍ਚ… ਤਕ੍ਕવਣ੍ਣਞ੍ਚ ਖੀਰવਣ੍ਣਞ੍ਚ… ਤਕ੍ਕવਣ੍ਣਞ੍ਚ ਦਧਿવਣ੍ਣਞ੍ਚ… ਤਕ੍ਕવਣ੍ਣਞ੍ਚ ਸਪ੍ਪਿવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Takkavaṇṇañca dakavaṇṇañca…pe… takkavaṇṇañca telavaṇṇañca… takkavaṇṇañca khīravaṇṇañca… takkavaṇṇañca dadhivaṇṇañca… takkavaṇṇañca sappivaṇṇañca ceteti upakkamati muccati, āpatti saṅghādisesassa.
ਤਕ੍ਕવਣ੍ਣਞ੍ਚ ਨੀਲਞ੍ਚ…ਪੇ॰… ਤਕ੍ਕવਣ੍ਣਞ੍ਚ ਪੀਤਕਞ੍ਚ… ਤਕ੍ਕવਣ੍ਣਞ੍ਚ ਲੋਹਿਤਕਞ੍ਚ… ਤਕ੍ਕવਣ੍ਣਞ੍ਚ ਓਦਾਤਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Takkavaṇṇañca nīlañca…pe… takkavaṇṇañca pītakañca… takkavaṇṇañca lohitakañca… takkavaṇṇañca odātañca ceteti upakkamati muccati, āpatti saṅghādisesassa.
ਦਕવਣ੍ਣਞ੍ਚ ਤੇਲવਣ੍ਣਞ੍ਚ…ਪੇ॰… ਦਕવਣ੍ਣਞ੍ਚ ਖੀਰવਣ੍ਣਞ੍ਚ… ਦਕવਣ੍ਣਞ੍ਚ ਦਧਿવਣ੍ਣਞ੍ਚ… ਦਕવਣ੍ਣਞ੍ਚ ਸਪ੍ਪਿવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Dakavaṇṇañca telavaṇṇañca…pe… dakavaṇṇañca khīravaṇṇañca… dakavaṇṇañca dadhivaṇṇañca… dakavaṇṇañca sappivaṇṇañca ceteti upakkamati muccati, āpatti saṅghādisesassa.
ਦਕવਣ੍ਣਞ੍ਚ ਨੀਲਞ੍ਚ…ਪੇ॰… ਦਕવਣ੍ਣਞ੍ਚ ਪੀਤਕਞ੍ਚ… ਦਕવਣ੍ਣਞ੍ਚ ਲੋਹਿਤਕਞ੍ਚ… ਦਕવਣ੍ਣਞ੍ਚ ਓਦਾਤਞ੍ਚ… ਦਕવਣ੍ਣਞ੍ਚ ਤਕ੍ਕવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ , ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Dakavaṇṇañca nīlañca…pe… dakavaṇṇañca pītakañca… dakavaṇṇañca lohitakañca… dakavaṇṇañca odātañca… dakavaṇṇañca takkavaṇṇañca ceteti upakkamati muccati , āpatti saṅghādisesassa.
ਤੇਲવਣ੍ਣਞ੍ਚ ਖੀਰવਣ੍ਣਞ੍ਚ…ਪੇ॰… ਤੇਲવਣ੍ਣਞ੍ਚ ਦਧਿવਣ੍ਣਞ੍ਚ… ਤੇਲવਣ੍ਣਞ੍ਚ ਸਪ੍ਪਿવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Telavaṇṇañca khīravaṇṇañca…pe… telavaṇṇañca dadhivaṇṇañca… telavaṇṇañca sappivaṇṇañca ceteti upakkamati muccati, āpatti saṅghādisesassa.
ਤੇਲવਣ੍ਣਞ੍ਚ ਨੀਲਞ੍ਚ…ਪੇ॰… ਤੇਲવਣ੍ਣਞ੍ਚ ਪੀਤਕਞ੍ਚ… ਤੇਲવਣ੍ਣਞ੍ਚ ਲੋਹਿਤਕਞ੍ਚ… ਤੇਲવਣ੍ਣਞ੍ਚ ਓਦਾਤਞ੍ਚ… ਤੇਲવਣ੍ਣਞ੍ਚ ਤਕ੍ਕવਣ੍ਣਞ੍ਚ… ਤੇਲવਣ੍ਣਞ੍ਚ ਦਕવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Telavaṇṇañca nīlañca…pe… telavaṇṇañca pītakañca… telavaṇṇañca lohitakañca… telavaṇṇañca odātañca… telavaṇṇañca takkavaṇṇañca… telavaṇṇañca dakavaṇṇañca ceteti upakkamati muccati, āpatti saṅghādisesassa.
ਖੀਰવਣ੍ਣਞ੍ਚ ਦਧਿવਣ੍ਣਞ੍ਚ…ਪੇ॰… ਖੀਰવਣ੍ਣਞ੍ਚ ਸਪ੍ਪਿવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Khīravaṇṇañca dadhivaṇṇañca…pe… khīravaṇṇañca sappivaṇṇañca ceteti upakkamati muccati, āpatti saṅghādisesassa.
ਖੀਰવਣ੍ਣਞ੍ਚ ਨੀਲਞ੍ਚ…ਪੇ॰… ਖੀਰવਣ੍ਣਞ੍ਚ ਪੀਤਕਞ੍ਚ… ਖੀਰવਣ੍ਣਞ੍ਚ ਲੋਹਿਤਕਞ੍ਚ… ਖੀਰવਣ੍ਣਞ੍ਚ ਓਦਾਤਞ੍ਚ… ਖੀਰવਣ੍ਣਞ੍ਚ ਤਕ੍ਕવਣ੍ਣਞ੍ਚ… ਖੀਰવਣ੍ਣਞ੍ਚ ਦਕવਣ੍ਣਞ੍ਚ… ਖੀਰવਣ੍ਣਞ੍ਚ ਤੇਲવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Khīravaṇṇañca nīlañca…pe… khīravaṇṇañca pītakañca… khīravaṇṇañca lohitakañca… khīravaṇṇañca odātañca… khīravaṇṇañca takkavaṇṇañca… khīravaṇṇañca dakavaṇṇañca… khīravaṇṇañca telavaṇṇañca ceteti upakkamati muccati, āpatti saṅghādisesassa.
ਦਧਿવਣ੍ਣਞ੍ਚ ਸਪ੍ਪਿવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Dadhivaṇṇañca sappivaṇṇañca ceteti upakkamati muccati, āpatti saṅghādisesassa.
ਦਧਿવਣ੍ਣਞ੍ਚ ਨੀਲਞ੍ਚ…ਪੇ॰… ਦਧਿવਣ੍ਣਞ੍ਚ ਪੀਤਕਞ੍ਚ… ਦਧਿવਣ੍ਣਞ੍ਚ ਲੋਹਿਤਕਞ੍ਚ… ਦਧਿવਣ੍ਣਞ੍ਚ ਓਦਾਤਞ੍ਚ… ਦਧਿવਣ੍ਣਞ੍ਚ ਤਕ੍ਕવਣ੍ਣਞ੍ਚ… ਦਧਿવਣ੍ਣਞ੍ਚ ਦਕવਣ੍ਣਞ੍ਚ… ਦਧਿવਣ੍ਣਞ੍ਚ ਤੇਲવਣ੍ਣਞ੍ਚ… ਦਧਿવਣ੍ਣਞ੍ਚ ਖੀਰવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Dadhivaṇṇañca nīlañca…pe… dadhivaṇṇañca pītakañca… dadhivaṇṇañca lohitakañca… dadhivaṇṇañca odātañca… dadhivaṇṇañca takkavaṇṇañca… dadhivaṇṇañca dakavaṇṇañca… dadhivaṇṇañca telavaṇṇañca… dadhivaṇṇañca khīravaṇṇañca ceteti upakkamati muccati, āpatti saṅghādisesassa.
ਸਪ੍ਪਿવਣ੍ਣਞ੍ਚ ਨੀਲਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Sappivaṇṇañca nīlañca ceteti upakkamati muccati, āpatti saṅghādisesassa.
ਸਪ੍ਪਿવਣ੍ਣਞ੍ਚ ਪੀਤਕਞ੍ਚ…ਪੇ॰… ਸਪ੍ਪਿવਣ੍ਣਞ੍ਚ ਲੋਹਿਤਕਞ੍ਚ… ਸਪ੍ਪਿવਣ੍ਣਞ੍ਚ ਓਦਾਤਞ੍ਚ… ਸਪ੍ਪਿવਣ੍ਣਞ੍ਚ ਤਕ੍ਕવਣ੍ਣਞ੍ਚ… ਸਪ੍ਪਿવਣ੍ਣਞ੍ਚ ਦਕવਣ੍ਣਞ੍ਚ… ਸਪ੍ਪਿવਣ੍ਣਞ੍ਚ ਤੇਲવਣ੍ਣਞ੍ਚ… ਸਪ੍ਪਿવਣ੍ਣਞ੍ਚ ਖੀਰવਣ੍ਣਞ੍ਚ … ਸਪ੍ਪਿવਣ੍ਣਞ੍ਚ ਦਧਿવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Sappivaṇṇañca pītakañca…pe… sappivaṇṇañca lohitakañca… sappivaṇṇañca odātañca… sappivaṇṇañca takkavaṇṇañca… sappivaṇṇañca dakavaṇṇañca… sappivaṇṇañca telavaṇṇañca… sappivaṇṇañca khīravaṇṇañca … sappivaṇṇañca dadhivaṇṇañca ceteti upakkamati muccati, āpatti saṅghādisesassa.
ਏਕਮੂਲਕਸ੍ਸ ਬਦ੍ਧਚਕ੍ਕਂ ਨਿਟ੍ਠਿਤਂ।
Ekamūlakassa baddhacakkaṃ niṭṭhitaṃ.
ਨੀਲਞ੍ਚ ਪੀਤਕਞ੍ਚ ਲੋਹਿਤਕਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ…ਪੇ॰… ਨੀਲਞ੍ਚ ਪੀਤਕਞ੍ਚ ਸਪ੍ਪਿવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Nīlañca pītakañca lohitakañca ceteti upakkamati muccati, āpatti saṅghādisesassa…pe… nīlañca pītakañca sappivaṇṇañca ceteti upakkamati muccati, āpatti saṅghādisesassa.
ਦੁਮੂਲਕਸ੍ਸ ਖਣ੍ਡਚਕ੍ਕਂ।
Dumūlakassa khaṇḍacakkaṃ.
ਪੀਤਕਞ੍ਚ ਲੋਹਿਤਕਞ੍ਚ ਓਦਾਤਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ…ਪੇ॰… ਪੀਤਕਞ੍ਚ ਲੋਹਿਤਕਞ੍ਚ ਸਪ੍ਪਿવਣ੍ਣਞ੍ਚ…ਪੇ॰… ਪੀਤਕਞ੍ਚ ਲੋਹਿਤਕਞ੍ਚ ਨੀਲਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Pītakañca lohitakañca odātañca ceteti upakkamati muccati, āpatti saṅghādisesassa…pe… pītakañca lohitakañca sappivaṇṇañca…pe… pītakañca lohitakañca nīlañca ceteti upakkamati muccati, āpatti saṅghādisesassa.
ਦੁਮੂਲਕਸ੍ਸ ਬਦ੍ਧਚਕ੍ਕਂ ਸਂਖਿਤ੍ਤਂ।
Dumūlakassa baddhacakkaṃ saṃkhittaṃ.
ਦਧਿવਣ੍ਣਞ੍ਚ ਸਪ੍ਪਿવਣ੍ਣਞ੍ਚ ਨੀਲਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ…ਪੇ॰… ਦਧਿવਣ੍ਣਞ੍ਚ ਸਪ੍ਪਿવਣ੍ਣਞ੍ਚ ਖੀਰવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Dadhivaṇṇañca sappivaṇṇañca nīlañca ceteti upakkamati muccati, āpatti saṅghādisesassa…pe… dadhivaṇṇañca sappivaṇṇañca khīravaṇṇañca ceteti upakkamati muccati, āpatti saṅghādisesassa.
ਦੁਮੂਲਕਂ ਨਿਟ੍ਠਿਤਂ।
Dumūlakaṃ niṭṭhitaṃ.
ਤਿਮੂਲਕਮ੍ਪਿ ਚਤੁਮੂਲਕਮ੍ਪਿ ਪਞ੍ਚਮੂਲਕਮ੍ਪਿ ਛਮੂਲਕਮ੍ਪਿ ਸਤ੍ਤਮੂਲਕਮ੍ਪਿ ਅਟ੍ਠਮੂਲਕਮ੍ਪਿ ਨવਮੂਲਕਮ੍ਪਿ ਏવਮੇવ વਿਤ੍ਥਾਰੇਤਬ੍ਬਂ।
Timūlakampi catumūlakampi pañcamūlakampi chamūlakampi sattamūlakampi aṭṭhamūlakampi navamūlakampi evameva vitthāretabbaṃ.
ਇਦਂ ਸਬ੍ਬਮੂਲਕਂ।
Idaṃ sabbamūlakaṃ.
੨੪੭. ਨੀਲਞ੍ਚ ਪੀਤਕਞ੍ਚ ਲੋਹਿਤਕਞ੍ਚ ਓਦਾਤਞ੍ਚ ਤਕ੍ਕવਣ੍ਣਞ੍ਚ ਦਕવਣ੍ਣਞ੍ਚ ਤੇਲવਣ੍ਣਞ੍ਚ ਖੀਰવਣ੍ਣਞ੍ਚ ਦਧਿવਣ੍ਣਞ੍ਚ ਸਪ੍ਪਿવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
247. Nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
ਸਬ੍ਬਮੂਲਕਂ ਨਿਟ੍ਠਿਤਂ।
Sabbamūlakaṃ niṭṭhitaṃ.
੨੪੮. ਆਰੋਗ੍ਯਤ੍ਥਞ੍ਚ ਨੀਲਞ੍ਚ 5 ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
248. Ārogyatthañca nīlañca 6 ceteti upakkamati muccati, āpatti saṅghādisesassa.
ਆਰੋਗ੍ਯਤ੍ਥਞ੍ਚ ਸੁਖਤ੍ਥਞ੍ਚ ਨੀਲਞ੍ਚ ਪੀਤਕਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Ārogyatthañca sukhatthañca nīlañca pītakañca ceteti upakkamati muccati, āpatti saṅghādisesassa.
ਆਰੋਗ੍ਯਤ੍ਥਞ੍ਚ ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਨੀਲਞ੍ਚ ਪੀਤਕਞ੍ਚ ਲੋਹਿਤਕਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Ārogyatthañca sukhatthañca bhesajjatthañca nīlañca pītakañca lohitakañca ceteti upakkamati muccati, āpatti saṅghādisesassa.
ਉਭਤੋ વਡ੍ਢਕਂ ਏવਮੇવ વਡ੍ਢੇਤਬ੍ਬਂ।
Ubhato vaḍḍhakaṃ evameva vaḍḍhetabbaṃ.
ਆਰੋਗ੍ਯਤ੍ਥਞ੍ਚ ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਦਾਨਤ੍ਥਞ੍ਚ ਪੁਞ੍ਞਤ੍ਥਞ੍ਚ ਯਞ੍ਞਤ੍ਥਞ੍ਚ ਸਗ੍ਗਤ੍ਥਞ੍ਚ ਬੀਜਤ੍ਥਞ੍ਚ વੀਮਂਸਤ੍ਥਞ੍ਚ ਦવਤ੍ਥਞ੍ਚ ਨੀਲਞ੍ਚ ਪੀਤਕਞ੍ਚ ਲੋਹਿਤਕਞ੍ਚ ਓਦਾਤਞ੍ਚ ਤਕ੍ਕવਣ੍ਣਞ੍ਚ ਦਕવਣ੍ਣਞ੍ਚ ਤੇਲવਣ੍ਣਞ੍ਚ ਖੀਰવਣ੍ਣਞ੍ਚ ਦਧਿવਣ੍ਣਞ੍ਚ ਸਪ੍ਪਿવਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Ārogyatthañca sukhatthañca bhesajjatthañca dānatthañca puññatthañca yaññatthañca saggatthañca bījatthañca vīmaṃsatthañca davatthañca nīlañca pītakañca lohitakañca odātañca takkavaṇṇañca dakavaṇṇañca telavaṇṇañca khīravaṇṇañca dadhivaṇṇañca sappivaṇṇañca ceteti upakkamati muccati, āpatti saṅghādisesassa.
ਮਿਸ੍ਸਕਚਕ੍ਕਂ ਨਿਟ੍ਠਿਤਂ।
Missakacakkaṃ niṭṭhitaṃ.
੨੪੯. ਨੀਲਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਪੀਤਕਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
249. Nīlaṃ mocessāmīti ceteti upakkamati pītakaṃ muccati, āpatti saṅghādisesassa.
ਨੀਲਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਲੋਹਿਤਕਂ…ਪੇ॰… ਓਦਾਤਂ … ਤਕ੍ਕવਣ੍ਣਂ… ਦਕવਣ੍ਣਂ… ਤੇਲવਣ੍ਣਂ… ਖੀਰવਣ੍ਣਂ… ਦਧਿવਣ੍ਣਂ… ਸਪ੍ਪਿવਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Nīlaṃ mocessāmīti ceteti upakkamati lohitakaṃ…pe… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ muccati, āpatti saṅghādisesassa.
ਖਣ੍ਡਚਕ੍ਕਂ ਨਿਟ੍ਠਿਤਂ।
Khaṇḍacakkaṃ niṭṭhitaṃ.
੨੫੦. ਪੀਤਕਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਲੋਹਿਤਕਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
250. Pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
ਪੀਤਕਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਓਦਾਤਂ…ਪੇ॰… ਤਕ੍ਕવਣ੍ਣਂ… ਦਕવਣ੍ਣਂ… ਤੇਲવਣ੍ਣਂ… ਖੀਰવਣ੍ਣਂ… ਦਧਿવਣ੍ਣਂ… ਸਪ੍ਪਿવਣ੍ਣਂ… ਨੀਲਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Pītakaṃ mocessāmīti ceteti upakkamati odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ muccati, āpatti saṅghādisesassa.
ਬਦ੍ਧਚਕ੍ਕਮੂਲਂ ਸਂਖਿਤ੍ਤਂ।
Baddhacakkamūlaṃ saṃkhittaṃ.
੨੫੧. ਸਪ੍ਪਿવਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਨੀਲਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
251. Sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
ਸਪ੍ਪਿવਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਪੀਤਕਂ…ਪੇ॰… ਲੋਹਿਤਕਂ… ਓਦਾਤਂ … ਤਕ੍ਕવਣ੍ਣਂ… ਦਕવਣ੍ਣਂ… ਤੇਲવਣ੍ਣਂ… ਖੀਰવਣ੍ਣਂ… ਦਧਿવਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Sappivaṇṇaṃ mocessāmīti ceteti upakkamati pītakaṃ…pe… lohitakaṃ… odātaṃ … takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ muccati, āpatti saṅghādisesassa.
ਕੁਚ੍ਛਿਚਕ੍ਕਂ ਨਿਟ੍ਠਿਤਂ।
Kucchicakkaṃ niṭṭhitaṃ.
੨੫੨. ਪੀਤਕਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਨੀਲਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
252. Pītakaṃ mocessāmīti ceteti upakkamati nīlaṃ muccati, āpatti saṅghādisesassa.
ਲੋਹਿਤਕਂ…ਪੇ॰… ਓਦਾਤਂ… ਤਕ੍ਕવਣ੍ਣਂ… ਦਕવਣ੍ਣਂ… ਤੇਲવਣ੍ਣਂ… ਖੀਰવਣ੍ਣਂ… ਦਧਿવਣ੍ਣਂ… ਸਪ੍ਪਿવਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਨੀਲਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Lohitakaṃ…pe… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ mocessāmīti ceteti upakkamati nīlaṃ muccati, āpatti saṅghādisesassa.
ਪਿਟ੍ਠਿਚਕ੍ਕਸ੍ਸ ਪਠਮਂ ਗਮਨਂ ਨਿਟ੍ਠਿਤਂ।
Piṭṭhicakkassa paṭhamaṃ gamanaṃ niṭṭhitaṃ.
੨੫੩. ਲੋਹਿਤਕਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਪੀਤਕਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
253. Lohitakaṃ mocessāmīti ceteti upakkamati pītakaṃ muccati, āpatti saṅghādisesassa.
ਓਦਾਤਂ…ਪੇ॰… ਤਕ੍ਕવਣ੍ਣਂ… ਦਕવਣ੍ਣਂ… ਤੇਲવਣ੍ਣਂ… ਖੀਰવਣ੍ਣਂ
Odātaṃ…pe… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ
… ਦਧਿવਣ੍ਣਂ… ਸਪ੍ਪਿવਣ੍ਣਂ… ਨੀਲਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਪੀਤਕਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
… Dadhivaṇṇaṃ… sappivaṇṇaṃ… nīlaṃ mocessāmīti ceteti upakkamati pītakaṃ muccati, āpatti saṅghādisesassa.
ਪਿਟ੍ਠਿਚਕ੍ਕਸ੍ਸ ਦੁਤਿਯਂ ਗਮਨਂ ਨਿਟ੍ਠਿਤਂ।
Piṭṭhicakkassa dutiyaṃ gamanaṃ niṭṭhitaṃ.
੨੫੪. ਓਦਾਤਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਲੋਹਿਤਕਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
254. Odātaṃ mocessāmīti ceteti upakkamati lohitakaṃ muccati, āpatti saṅghādisesassa.
ਤਕ੍ਕવਣ੍ਣਂ…ਪੇ॰… ਦਕવਣ੍ਣਂ… ਤੇਲવਣ੍ਣਂ… ਖੀਰવਣ੍ਣਂ… ਦਧਿવਣ੍ਣਂ…
Takkavaṇṇaṃ…pe… dakavaṇṇaṃ… telavaṇṇaṃ… khīravaṇṇaṃ… dadhivaṇṇaṃ…
ਸਪ੍ਪਿવਣ੍ਣਂ… ਨੀਲਂ … ਪੀਤਕਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਲੋਹਿਤਕਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Sappivaṇṇaṃ… nīlaṃ … pītakaṃ mocessāmīti ceteti upakkamati lohitakaṃ muccati, āpatti saṅghādisesassa.
ਪਿਟ੍ਠਿਚਕ੍ਕਸ੍ਸ ਤਤਿਯਂ ਗਮਨਂ ਨਿਟ੍ਠਿਤਂ।
Piṭṭhicakkassa tatiyaṃ gamanaṃ niṭṭhitaṃ.
੨੫੫. ਤਕ੍ਕવਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਓਦਾਤਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
255. Takkavaṇṇaṃ mocessāmīti ceteti upakkamati odātaṃ muccati, āpatti saṅghādisesassa.
ਦਕવਣ੍ਣਂ…ਪੇ॰… ਤੇਲવਣ੍ਣਂ… ਖੀਰવਣ੍ਣਂ… ਦਧਿવਣ੍ਣਂ… ਸਪ੍ਪਿવਣ੍ਣਂ… ਨੀਲਂ… ਪੀਤਕਂ… ਲੋਹਿਤਕਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਓਦਾਤਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Dakavaṇṇaṃ…pe… telavaṇṇaṃ… khīravaṇṇaṃ… dadhivaṇṇaṃ… sappivaṇṇaṃ… nīlaṃ… pītakaṃ… lohitakaṃ mocessāmīti ceteti upakkamati odātaṃ muccati, āpatti saṅghādisesassa.
ਪਿਟ੍ਠਿਚਕ੍ਕਸ੍ਸ ਚਤੁਤ੍ਥਂ ਗਮਨਂ ਨਿਟ੍ਠਿਤਂ।
Piṭṭhicakkassa catutthaṃ gamanaṃ niṭṭhitaṃ.
੨੫੬. ਦਕવਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਤਕ੍ਕવਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
256. Dakavaṇṇaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
ਤੇਲવਣ੍ਣਂ …ਪੇ॰… ਖੀਰવਣ੍ਣਂ… ਦਧਿવਣ੍ਣਂ… ਸਪ੍ਪਿવਣ੍ਣਂ… ਨੀਲ…
Telavaṇṇaṃ …pe… khīravaṇṇaṃ… dadhivaṇṇaṃ… sappivaṇṇaṃ… nīla…
ਪੀਤਕਂ… ਲੋਹਿਤਕਂ… ਓਦਾਤਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਤਕ੍ਕવਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Pītakaṃ… lohitakaṃ… odātaṃ mocessāmīti ceteti upakkamati takkavaṇṇaṃ muccati, āpatti saṅghādisesassa.
ਪਿਟ੍ਠਿਚਕ੍ਕਸ੍ਸ ਪਞ੍ਚਮਂ ਗਮਨਂ ਨਿਟ੍ਠਿਤਂ।
Piṭṭhicakkassa pañcamaṃ gamanaṃ niṭṭhitaṃ.
੨੫੭. ਤੇਲવਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਦਕવਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
257. Telavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
ਖੀਰવਣ੍ਣਂ…ਪੇ॰… ਦਧਿવਣ੍ਣਂ… ਸਪ੍ਪਿવਣ੍ਣਂ… ਨੀਲਂ … ਪੀਤਕਂ… ਲੋਹਿਤਕਂ…
Khīravaṇṇaṃ…pe… dadhivaṇṇaṃ… sappivaṇṇaṃ… nīlaṃ … pītakaṃ… lohitakaṃ…
ਓਦਾਤਂ… ਤਕ੍ਕવਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਦਕવਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Odātaṃ… takkavaṇṇaṃ mocessāmīti ceteti upakkamati dakavaṇṇaṃ muccati, āpatti saṅghādisesassa.
ਪਿਟ੍ਠਿਚਕ੍ਕਸ੍ਸ ਛਟ੍ਠਂ ਗਮਨਂ ਨਿਟ੍ਠਿਤਂ।
Piṭṭhicakkassa chaṭṭhaṃ gamanaṃ niṭṭhitaṃ.
੨੫੮. ਖੀਰવਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਤੇਲવਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
258. Khīravaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
ਦਧਿવਣ੍ਣਂ…ਪੇ॰… ਸਪ੍ਪਿવਣ੍ਣਂ… ਨੀਲਂ… ਪੀਤਕਂ… ਲੋਹਿਤਕਂ… ਓਦਾਤਂ… ਤਕ੍ਕવਣ੍ਣਂ… ਦਕવਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਤੇਲવਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Dadhivaṇṇaṃ…pe… sappivaṇṇaṃ… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ mocessāmīti ceteti upakkamati telavaṇṇaṃ muccati, āpatti saṅghādisesassa.
ਪਿਟ੍ਠਿਚਕ੍ਕਸ੍ਸ ਸਤ੍ਤਮਂ ਗਮਨਂ ਨਿਟ੍ਠਿਤਂ।
Piṭṭhicakkassa sattamaṃ gamanaṃ niṭṭhitaṃ.
੨੫੯. ਦਧਿવਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਖੀਰવਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
259. Dadhivaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
ਸਪ੍ਪਿવਣ੍ਣਂ…ਪੇ॰… ਨੀਲਂ… ਪੀਤਕਂ… ਲੋਹਿਤਕਂ… ਓਦਾਤਂ… ਤਕ੍ਕવਣ੍ਣਂ… ਦਕવਣ੍ਣਂ… ਤੇਲવਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਖੀਰવਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Sappivaṇṇaṃ…pe… nīlaṃ… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ mocessāmīti ceteti upakkamati khīravaṇṇaṃ muccati, āpatti saṅghādisesassa.
ਪਿਟ੍ਠਿਚਕ੍ਕਸ੍ਸ ਅਟ੍ਠਮਂ ਗਮਨਂ ਨਿਟ੍ਠਿਤਂ।
Piṭṭhicakkassa aṭṭhamaṃ gamanaṃ niṭṭhitaṃ.
੨੬੦. ਸਪ੍ਪਿવਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਦਧਿવਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
260. Sappivaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
ਨੀਲਂ…ਪੇ॰… ਪੀਤਕਂ… ਲੋਹਿਤਕਂ… ਓਦਾਤਂ… ਤਕ੍ਕવਣ੍ਣਂ… ਦਕવਣ੍ਣਂ… ਤੇਲવਣ੍ਣਂ… ਖੀਰવਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਦਧਿવਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Nīlaṃ…pe… pītakaṃ… lohitakaṃ… odātaṃ… takkavaṇṇaṃ… dakavaṇṇaṃ… telavaṇṇaṃ… khīravaṇṇaṃ mocessāmīti ceteti upakkamati dadhivaṇṇaṃ muccati, āpatti saṅghādisesassa.
ਪਿਟ੍ਠਿਚਕ੍ਕਸ੍ਸ ਨવਮਂ ਗਮਨਂ ਨਿਟ੍ਠਿਤਂ।
Piṭṭhicakkassa navamaṃ gamanaṃ niṭṭhitaṃ.
੨੬੧. ਨੀਲਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਸਪ੍ਪਿવਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
261. Nīlaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
ਪੀਤਕਂ …ਪੇ॰… ਲੋਹਿਤਕਂ… ਓਦਾਤਂ… ਤਕ੍ਕવਣ੍ਣਂ… ਦਕવਣ੍ਣਂ … ਤੇਲવਣ੍ਣਂ… ਖੀਰવਣ੍ਣਂ… ਦਧਿવਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਸਪ੍ਪਿવਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
Pītakaṃ …pe… lohitakaṃ… odātaṃ… takkavaṇṇaṃ… dakavaṇṇaṃ … telavaṇṇaṃ… khīravaṇṇaṃ… dadhivaṇṇaṃ mocessāmīti ceteti upakkamati sappivaṇṇaṃ muccati, āpatti saṅghādisesassa.
ਪਿਟ੍ਠਿਚਕ੍ਕਸ੍ਸ ਦਸਮਂ ਗਮਨਂ ਨਿਟ੍ਠਿਤਂ।
Piṭṭhicakkassa dasamaṃ gamanaṃ niṭṭhitaṃ.
ਪਿਟ੍ਠਿਚਕ੍ਕਂ ਨਿਟ੍ਠਿਤਂ।
Piṭṭhicakkaṃ niṭṭhitaṃ.
੨੬੨. ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
262. Ceteti upakkamati muccati, āpatti saṅghādisesassa.
ਚੇਤੇਤਿ ਉਪਕ੍ਕਮਤਿ ਨ ਮੁਚ੍ਚਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ।
Ceteti upakkamati na muccati, āpatti thullaccayassa.
ਚੇਤੇਤਿ ਨ ਉਪਕ੍ਕਮਤਿ ਮੁਚ੍ਚਤਿ, ਅਨਾਪਤ੍ਤਿ।
Ceteti na upakkamati muccati, anāpatti.
ਚੇਤੇਤਿ ਨ ਉਪਕ੍ਕਮਤਿ ਨ ਮੁਚ੍ਚਤਿ, ਅਨਾਪਤ੍ਤਿ।
Ceteti na upakkamati na muccati, anāpatti.
ਨ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਅਨਾਪਤ੍ਤਿ।
Na ceteti upakkamati muccati, anāpatti.
ਨ ਚੇਤੇਤਿ ਉਪਕ੍ਕਮਤਿ ਨ ਮੁਚ੍ਚਤਿ, ਅਨਾਪਤ੍ਤਿ।
Na ceteti upakkamati na muccati, anāpatti.
ਨ ਚੇਤੇਤਿ ਨ ਉਪਕ੍ਕਮਤਿ ਮੁਚ੍ਚਤਿ, ਅਨਾਪਤ੍ਤਿ।
Na ceteti na upakkamati muccati, anāpatti.
ਨ ਚੇਤੇਤਿ ਨ ਉਪਕ੍ਕਮਤਿ ਨ ਮੁਚ੍ਚਤਿ, ਅਨਾਪਤ੍ਤਿ।
Na ceteti na upakkamati na muccati, anāpatti.
ਅਨਾਪਤ੍ਤਿ ਸੁਪਿਨਨ੍ਤੇਨ, ਨਮੋਚਨਾਧਿਪ੍ਪਾਯਸ੍ਸ, ਉਮ੍ਮਤ੍ਤਕਸ੍ਸ, ਖਿਤ੍ਤਚਿਤ੍ਤਸ੍ਸ, વੇਦਨਾਟ੍ਟਸ੍ਸ, ਆਦਿਕਮ੍ਮਿਕਸ੍ਸਾਤਿ।
Anāpatti supinantena, namocanādhippāyassa, ummattakassa, khittacittassa, vedanāṭṭassa, ādikammikassāti.
વਿਨੀਤવਤ੍ਥੁਉਦ੍ਦਾਨਗਾਥਾ
Vinītavatthuuddānagāthā
ਸੁਪਿਨੋਚ੍ਚਾਰਪਸ੍ਸਾવੋ , વਿਤਕ੍ਕੁਣ੍ਹੋਦਕੇਨ ਚ।
Supinoccārapassāvo , vitakkuṇhodakena ca;
ਭੇਸਜ੍ਜਂ ਕਣ੍ਡੁવਂ ਮਗ੍ਗੋ, વਤ੍ਥਿ ਜਨ੍ਤਾਘਰੁਪਕ੍ਕਮੋ 7॥
Bhesajjaṃ kaṇḍuvaṃ maggo, vatthi jantāgharupakkamo 8.
ਸਾਮਣੇਰੋ ਚ ਸੁਤ੍ਤੋ ਚ, ਊਰੁ ਮੁਟ੍ਠਿਨਾ ਪੀਲ਼ਯਿ।
Sāmaṇero ca sutto ca, ūru muṭṭhinā pīḷayi;
ਆਕਾਸੇ ਥਮ੍ਭਂ ਨਿਜ੍ਝਾਯਿ, ਛਿਦ੍ਦਂ ਕਟ੍ਠੇਨ ਘਟ੍ਟਯਿ॥
Ākāse thambhaṃ nijjhāyi, chiddaṃ kaṭṭhena ghaṭṭayi.
ਸੋਤੋ ਉਦਞ੍ਜਲਂ ਧਾવਂ, ਪੁਪ੍ਫਾવਲਿਯਂ ਪੋਕ੍ਖਰਂ।
Soto udañjalaṃ dhāvaṃ, pupphāvaliyaṃ pokkharaṃ;
વਿਨੀਤવਤ੍ਥੁ
Vinītavatthu
੨੬੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਸੁਪਿਨਨ੍ਤੇਨ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗવਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਅਹਂ ਸਙ੍ਘਾਦਿਸੇਸਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸਿ। ‘‘ਅਨਾਪਤ੍ਤਿ, ਭਿਕ੍ਖੁ, ਸੁਪਿਨਨ੍ਤੇਨਾ’’ਤਿ।
263. Tena kho pana samayena aññatarassa bhikkhuno supinantena asuci mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, supinantenā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਉਚ੍ਚਾਰਂ ਕਰੋਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਕਿਂਚਿਤ੍ਤੋ ਤ੍વਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗવਾ, ਮੋਚਨਾਧਿਪ੍ਪਾਯੋ’’ਤਿ। ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
Tena kho pana samayena aññatarassa bhikkhuno uccāraṃ karontassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਪਸ੍ਸਾવਂ ਕਰੋਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
Tena kho pana samayena aññatarassa bhikkhuno passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਕਾਮવਿਤਕ੍ਕਂ વਿਤਕ੍ਕੇਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, વਿਤਕ੍ਕੇਨ੍ਤਸ੍ਸਾ’’ਤਿ।
Tena kho pana samayena aññatarassa bhikkhuno kāmavitakkaṃ vitakkentassa asuci mucci. Tassa kukkuccaṃ ahosi…pe… ‘‘anāpatti, bhikkhu, vitakkentassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਉਣ੍ਹੋਦਕੇਨ ਨ੍ਹਾਯਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਕਿਂਚਿਤ੍ਤੋ ਤ੍વਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗવਾ, ਮੋਚਨਾਧਿਪ੍ਪਾਯੋ’’ਤਿ। ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
Tena kho pana samayena aññatarassa bhikkhuno uṇhodakena nhāyantassa asuci mucci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, mocanādhippāyo’’ti. ‘‘Anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਉਣ੍ਹੋਦਕੇਨ ਨ੍ਹਾਯਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ।
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਉਣ੍ਹੋਦਕੇਨ ਨ੍ਹਾਯਨ੍ਤਸ੍ਸ ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa uṇhodakena nhāyantassa asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਅਙ੍ਗਜਾਤੇ વਣੋ ਹੋਤਿ। ਭੇਸਜ੍ਜੇਨ 11 ਆਲਿਮ੍ਪੇਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
Tena kho pana samayena aññatarassa bhikkhuno aṅgajāte vaṇo hoti. Bhesajjena 12 ālimpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਅਙ੍ਗਜਾਤੇ વਣੋ ਹੋਤਿ। ਮੋਚਨਾਧਿਪ੍ਪਾਯਸ੍ਸ 13 ਭੇਸਜ੍ਜੇਨ ਆਲਿਮ੍ਪੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno aṅgajāte vaṇo hoti. Mocanādhippāyassa 14 bhesajjena ālimpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਅਣ੍ਡਂ ਕਣ੍ਡੁવਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ , ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
Tena kho pana samayena aññatarassa bhikkhuno aṇḍaṃ kaṇḍuvantassa asuci mucci. Tassa kukkuccaṃ ahosi…pe… ‘‘anāpatti , bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਅਣ੍ਡਂ ਕਣ੍ਡੁવਨ੍ਤਸ੍ਸ 15 ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa aṇḍaṃ kaṇḍuvantassa 16 asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
੨੬੪. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮਗ੍ਗਂ ਗਚ੍ਛਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
264. Tena kho pana samayena aññatarassa bhikkhuno maggaṃ gacchantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਮਗ੍ਗਂ ਗਚ੍ਛਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa maggaṃ gacchantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ વਤ੍ਥਿਂ ਗਹੇਤ੍વਾ ਪਸ੍ਸਾવਂ ਕਰੋਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
Tena kho pana samayena aññatarassa bhikkhuno vatthiṃ gahetvā passāvaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ વਤ੍ਥਿਂ ਗਹੇਤ੍વਾ ਪਸ੍ਸਾવਂ ਕਰੋਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa vatthiṃ gahetvā passāvaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਜਨ੍ਤਾਘਰੇ ਉਦਰવਟ੍ਟਿਂ ਤਾਪੇਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
Tena kho pana samayena aññatarassa bhikkhuno jantāghare udaravaṭṭiṃ tāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਜਨ੍ਤਾਘਰੇ ਉਦਰવਟ੍ਟਿਂ ਤਾਪੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa jantāghare udaravaṭṭiṃ tāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਜਨ੍ਤਾਘਰੇ ਉਪਜ੍ਝਾਯਸ੍ਸ ਪਿਟ੍ਠਿਪਰਿਕਮ੍ਮਂ ਕਰੋਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
Tena kho pana samayena aññatarassa bhikkhuno jantāghare upajjhāyassa piṭṭhiparikammaṃ karontassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਜਨ੍ਤਾਘਰੇ ਉਪਜ੍ਝਾਯਸ੍ਸ ਪਿਟ੍ਠਿਪਰਿਕਮ੍ਮਂ ਕਰੋਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa jantāghare upajjhāyassa piṭṭhiparikammaṃ karontassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
੨੬੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਊਰੁਂ ਘਟ੍ਟਾਪੇਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
265. Tena kho pana samayena aññatarassa bhikkhuno ūruṃ ghaṭṭāpentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਊਰੁਂ ਘਟ੍ਟਾਪੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa ūruṃ ghaṭṭāpentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮੋਚਨਾਧਿਪ੍ਪਾਯੋ ਅਞ੍ਞਤਰਂ ਸਾਮਣੇਰਂ ਏਤਦવੋਚ – ‘‘ਏਹਿ ਮੇ ਤ੍વਂ, ਆવੁਸੋ ਸਾਮਣੇਰ, ਅਙ੍ਗਜਾਤਂ ਗਣ੍ਹਾਹੀ’’ਤਿ। ਸੋ ਤਸ੍ਸ ਅਙ੍ਗਜਾਤਂ ਅਗ੍ਗਹੇਸਿ। ਤਸ੍ਸੇવ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਆਪਤ੍ਤਿਂ ਤ੍વਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ।
Tena kho pana samayena aññataro bhikkhu mocanādhippāyo aññataraṃ sāmaṇeraṃ etadavoca – ‘‘ehi me tvaṃ, āvuso sāmaṇera, aṅgajātaṃ gaṇhāhī’’ti. So tassa aṅgajātaṃ aggahesi. Tasseva asuci mucci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno saṅghādisesa’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸੁਤ੍ਤਸ੍ਸ ਸਾਮਣੇਰਸ੍ਸ ਅਙ੍ਗਜਾਤਂ ਅਗ੍ਗਹੇਸਿ। ਤਸ੍ਸੇવ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ …ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena aññataro bhikkhu suttassa sāmaṇerassa aṅgajātaṃ aggahesi. Tasseva asuci mucci. Tassa kukkuccaṃ ahosi …pe… ‘‘anāpatti, bhikkhu, saṅghādisesassa; āpatti dukkaṭassā’’ti.
੨੬੬. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਊਰੂਹਿ ਅਙ੍ਗਜਾਤਂ ਪੀਲ਼ੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
266. Tena kho pana samayena aññatarassa bhikkhuno mocanādhippāyassa ūrūhi aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਮੁਟ੍ਠਿਨਾ ਅਙ੍ਗਜਾਤਂ ਪੀਲ਼ੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa muṭṭhinā aṅgajātaṃ pīḷentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਆਕਾਸੇ ਕਟਿਂ ਕਮ੍ਪੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa ākāse kaṭiṃ kampentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਕਾਯਂ ਥਮ੍ਭੇਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
Tena kho pana samayena aññatarassa bhikkhuno kāyaṃ thambhentassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਕਾਯਂ ਥਮ੍ਭੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa kāyaṃ thambhentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਮਾਤੁਗਾਮਸ੍ਸ ਅਙ੍ਗਜਾਤਂ ਉਪਨਿਜ੍ਝਾਯਿ। ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ। ਨ ਚ, ਭਿਕ੍ਖવੇ, ਸਾਰਤ੍ਤੇਨ ਮਾਤੁਗਾਮਸ੍ਸ ਅਙ੍ਗਜਾਤਂ ਉਪਨਿਜ੍ਝਾਯਿਤਬ੍ਬਂ। ਯੋ ਉਪਨਿਜ੍ਝਾਯੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ।
Tena kho pana samayena aññataro bhikkhu sāratto mātugāmassa aṅgajātaṃ upanijjhāyi. Tassa asuci mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa. Na ca, bhikkhave, sārattena mātugāmassa aṅgajātaṃ upanijjhāyitabbaṃ. Yo upanijjhāyeyya, āpatti dukkaṭassā’’ti.
੨੬੭. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਤਾਲ਼ਚ੍ਛਿਦ੍ਦਂ ਅਙ੍ਗਜਾਤਂ ਪવੇਸੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
267. Tena kho pana samayena aññatarassa bhikkhuno mocanādhippāyassa tāḷacchiddaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਕਟ੍ਠੇਨ ਅਙ੍ਗਜਾਤਂ ਘਟ੍ਟੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa kaṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa ; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਪਟਿਸੋਤੇ ਨ੍ਹਾਯਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
Tena kho pana samayena aññatarassa bhikkhuno paṭisote nhāyantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਪਟਿਸੋਤੇ ਨ੍ਹਾਯਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa paṭisote nhāyantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਉਦਞ੍ਜਲਂ ਕੀਲ਼ਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
Tena kho pana samayena aññatarassa bhikkhuno udañjalaṃ kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਉਦਞ੍ਜਲਂ ਕੀਲ਼ਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa udañjalaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਉਦਕੇ ਧਾવਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
Tena kho pana samayena aññatarassa bhikkhuno udake dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਉਦਕੇ ਧਾવਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa udake dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਪੁਪ੍ਫਾવਲਿਯਂ 17 ਕੀਲ਼ਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
Tena kho pana samayena aññatarassa bhikkhuno pupphāvaliyaṃ 18 kīḷantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਪੁਪ੍ਫਾવਲਿਯਂ ਕੀਲ਼ਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa pupphāvaliyaṃ kīḷantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
੨੬੮. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਪੋਕ੍ਖਰવਨੇ ਧਾવਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
268. Tena kho pana samayena aññatarassa bhikkhuno pokkharavane dhāvantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਪੋਕ੍ਖਰવਨੇ ਧਾવਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa pokkharavane dhāvantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ વਾਲਿਕਂ ਅਙ੍ਗਜਾਤਂ ਪવੇਸੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa vālikaṃ aṅgajātaṃ pavesentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਕਦ੍ਦਮਂ ਅਙ੍ਗਜਾਤਂ ਪવੇਸੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ । ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa kaddamaṃ aṅgajātaṃ pavesentassa asuci mucci…pe… asuci na mucci . Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਉਦਕੇਨ ਅਙ੍ਗਜਾਤਂ ਓਸਿਞ੍ਚਨ੍ਤਸ੍ਸ ਅਸੁਚਿ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ।
Tena kho pana samayena aññatarassa bhikkhuno udakena aṅgajātaṃ osiñcantassa asuci mucci. Tassa kukkuccaṃ ahosi…pe… ‘‘anāpatti, bhikkhu, namocanādhippāyassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਉਦਕੇਨ ਅਙ੍ਗਜਾਤਂ ਓਸਿਞ੍ਚਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa udakena aṅgajātaṃ osiñcantassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਸਯਨੇ ਅਙ੍ਗਜਾਤਂ ਘਟ੍ਟੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ॰… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa sayane aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi…pe… ‘‘anāpatti, bhikkhu, saṅghādisesassa; āpatti thullaccayassā’’ti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਅਙ੍ਗੁਟ੍ਠੇਨ ਅਙ੍ਗਜਾਤਂ ਘਟ੍ਟੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ॰… ਅਸੁਚਿ ਨ ਮੁਚ੍ਚਿ। ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗવਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਅਹਂ ਸਙ੍ਘਾਦਿਸੇਸਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗવਤੋ ਏਤਮਤ੍ਥਂ ਆਰੋਚੇਸਿ। ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ।
Tena kho pana samayena aññatarassa bhikkhuno mocanādhippāyassa aṅguṭṭhena aṅgajātaṃ ghaṭṭentassa asuci mucci…pe… asuci na mucci. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ saṅghādisesaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, saṅghādisesassa; āpatti thullaccayassā’’ti.
ਸੁਕ੍ਕવਿਸ੍ਸਟ੍ਠਿਸਿਕ੍ਖਾਪਦਂ ਨਿਟ੍ਠਿਤਂ ਪਠਮਂ।
Sukkavissaṭṭhisikkhāpadaṃ niṭṭhitaṃ paṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੧. ਸੁਕ੍ਕવਿਸ੍ਸਟ੍ਠਿਸਿਕ੍ਖਾਪਦવਣ੍ਣਨਾ • 1. Sukkavissaṭṭhisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੧. ਸੁਕ੍ਕવਿਸ੍ਸਟ੍ਠਿਸਿਕ੍ਖਾਪਦવਣ੍ਣਨਾ • 1. Sukkavissaṭṭhisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੧. ਸੁਕ੍ਕવਿਸ੍ਸਟ੍ਠਿਸਿਕ੍ਖਾਪਦવਣ੍ਣਨਾ • 1. Sukkavissaṭṭhisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਸੁਕ੍ਕવਿਸ੍ਸਟ੍ਠਿਸਿਕ੍ਖਾਪਦવਣ੍ਣਨਾ • 1. Sukkavissaṭṭhisikkhāpadavaṇṇanā
