| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૪. સુમનવગ્ગો
4. Sumanavaggo
૧. સુમનસુત્તવણ્ણના
1. Sumanasuttavaṇṇanā
૩૧. ચતુત્થસ્સ પઠમે સતક્કકૂતિ સતસિખરો, અનેકકૂટોતિ અત્થો. ઇદં તસ્સ મહામેઘભાવદસ્સનં. સો હિ મહાવસ્સં વસ્સતિ. તેનેવાહ – ‘‘ઇતો ચિતો ચ ઉટ્ઠિતેન વલાહકકૂટસતેન સમન્નાગતોતિ અત્થો’’તિ. દસ્સનસમ્પન્નોતિ એત્થ દસ્સનં નામ સોતાપત્તિમગ્ગો. સો હિ પઠમં નિબ્બાનદસ્સનતો ‘‘દસ્સન’’ન્તિ વુચ્ચતિ. યદિપિ તં ગોત્રભુ પઠમતરં પસ્સતિ, દિસ્વા પન કત્તબ્બકિચ્ચસ્સ કિલેસપ્પહાનસ્સ અકરણતો ન તં ‘‘દસ્સન’’ન્તિ વુચ્ચતિ. આવજ્જનટ્ઠાનિયઞ્હિ તં ઞાણં. મગ્ગસ્સ નિબ્બાનારમ્મણતાસામઞ્ઞેન ચેતં વુત્તં, ન નિબ્બાનપ્પટિવિજ્ઝનેન, તસ્મા ધમ્મચક્ખું પુનપ્પુનં નિબ્બત્તનેન ભાવનં અપ્પત્તં દસ્સનં, ધમ્મચક્ખુઞ્ચ પરિઞ્ઞાદિકિચ્ચકરણેન ચતુસચ્ચધમ્મદસ્સનં તદભિસમયોતિ નત્થેત્થ ગોત્રભુસ્સ દસ્સનભાવાપત્તિ. સેસમેત્થ સુવિઞ્ઞેય્યમેવ.
31. Catutthassa paṭhame satakkakūti satasikharo, anekakūṭoti attho. Idaṃ tassa mahāmeghabhāvadassanaṃ. So hi mahāvassaṃ vassati. Tenevāha – ‘‘ito cito ca uṭṭhitena valāhakakūṭasatena samannāgatoti attho’’ti. Dassanasampannoti ettha dassanaṃ nāma sotāpattimaggo. So hi paṭhamaṃ nibbānadassanato ‘‘dassana’’nti vuccati. Yadipi taṃ gotrabhu paṭhamataraṃ passati, disvā pana kattabbakiccassa kilesappahānassa akaraṇato na taṃ ‘‘dassana’’nti vuccati. Āvajjanaṭṭhāniyañhi taṃ ñāṇaṃ. Maggassa nibbānārammaṇatāsāmaññena cetaṃ vuttaṃ, na nibbānappaṭivijjhanena, tasmā dhammacakkhuṃ punappunaṃ nibbattanena bhāvanaṃ appattaṃ dassanaṃ, dhammacakkhuñca pariññādikiccakaraṇena catusaccadhammadassanaṃ tadabhisamayoti natthettha gotrabhussa dassanabhāvāpatti. Sesamettha suviññeyyameva.
સુમનસુત્તવણ્ણના નિટ્ઠિતા.
Sumanasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧. સુમનસુત્તં • 1. Sumanasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧. સુમનસુત્તવણ્ણના • 1. Sumanasuttavaṇṇanā
