| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੪੨੦. ਸੁਮਙ੍ਗਲਜਾਤਕਂ (੪)
420. Sumaṅgalajātakaṃ (4)
੨੭.
27.
ਭੁਸਮ੍ਹਿ 1 ਕੁਦ੍ਧੋਤਿ ਅવੇਕ੍ਖਿਯਾਨ, ਨ ਤਾવ ਦਣ੍ਡਂ ਪਣਯੇਯ੍ਯ ਇਸ੍ਸਰੋ।
Bhusamhi 2 kuddhoti avekkhiyāna, na tāva daṇḍaṃ paṇayeyya issaro;
ਅਟ੍ਠਾਨਸੋ ਅਪ੍ਪਤਿਰੂਪਮਤ੍ਤਨੋ, ਪਰਸ੍ਸ ਦੁਕ੍ਖਾਨਿ ਭੁਸਂ ਉਦੀਰਯੇ॥
Aṭṭhānaso appatirūpamattano, parassa dukkhāni bhusaṃ udīraye.
੨੮.
28.
ਯਤੋ ਚ ਜਾਨੇਯ੍ਯ ਪਸਾਦਮਤ੍ਤਨੋ, ਅਤ੍ਥਂ ਨਿਯੁਞ੍ਜੇਯ੍ਯ ਪਰਸ੍ਸ ਦੁਕ੍ਕਟਂ।
Yato ca jāneyya pasādamattano, atthaṃ niyuñjeyya parassa dukkaṭaṃ;
ਤਦਾਯਮਤ੍ਥੋਤਿ ਸਯਂ ਅવੇਕ੍ਖਿਯ, ਅਥਸ੍ਸ ਦਣ੍ਡਂ ਸਦਿਸਂ ਨਿવੇਸਯੇ॥
Tadāyamatthoti sayaṃ avekkhiya, athassa daṇḍaṃ sadisaṃ nivesaye.
੨੯.
29.
ਨ ਚਾਪਿ ਝਾਪੇਤਿ ਪਰਂ ਨ ਅਤ੍ਤਨਂ, ਅਮੁਚ੍ਛਿਤੋ ਯੋ ਨਯਤੇ ਨਯਾਨਯਂ।
Na cāpi jhāpeti paraṃ na attanaṃ, amucchito yo nayate nayānayaṃ;
ਯੋ ਦਣ੍ਡਧਾਰੋ ਭવਤੀਧ ਇਸ੍ਸਰੋ, ਸ વਣ੍ਣਗੁਤ੍ਤੋ ਸਿਰਿਯਾ ਨ ਧਂਸਤਿ॥
Yo daṇḍadhāro bhavatīdha issaro, sa vaṇṇagutto siriyā na dhaṃsati.
੩੦.
30.
ਯੇ ਖਤ੍ਤਿਯਾ ਸੇ ਅਨਿਸਮ੍ਮਕਾਰਿਨੋ, ਪਣੇਨ੍ਤਿ ਦਣ੍ਡਂ ਸਹਸਾ ਪਮੁਚ੍ਛਿਤਾ।
Ye khattiyā se anisammakārino, paṇenti daṇḍaṃ sahasā pamucchitā;
ਅવਣ੍ਣਸਂਯੁਤਾ 3 ਜਹਨ੍ਤਿ ਜੀવਿਤਂ, ਇਤੋ વਿਮੁਤ੍ਤਾਪਿ ਚ ਯਨ੍ਤਿ ਦੁਗ੍ਗਤਿਂ॥
Avaṇṇasaṃyutā 4 jahanti jīvitaṃ, ito vimuttāpi ca yanti duggatiṃ.
੩੧.
31.
ਧਮ੍ਮੇ ਚ ਯੇ ਅਰਿਯਪ੍ਪવੇਦਿਤੇ ਰਤਾ, ਅਨੁਤ੍ਤਰਾ ਤੇ વਚਸਾ ਮਨਸਾ ਕਮ੍ਮੁਨਾ ਚ।
Dhamme ca ye ariyappavedite ratā, anuttarā te vacasā manasā kammunā ca;
ਤੇ ਸਨ੍ਤਿਸੋਰਚ੍ਚਸਮਾਧਿਸਣ੍ਠਿਤਾ, વਜਨ੍ਤਿ ਲੋਕਂ ਦੁਭਯਂ ਤਥਾવਿਧਾ॥
Te santisoraccasamādhisaṇṭhitā, vajanti lokaṃ dubhayaṃ tathāvidhā.
੩੨.
32.
ਰਾਜਾਹਮਸ੍ਮਿ ਨਰਪਮਦਾਨਮਿਸ੍ਸਰੋ, ਸਚੇਪਿ ਕੁਜ੍ਝਾਮਿ ਠਪੇਮਿ ਅਤ੍ਤਨਂ।
Rājāhamasmi narapamadānamissaro, sacepi kujjhāmi ṭhapemi attanaṃ;
ਨਿਸੇਧਯਨ੍ਤੋ ਜਨਤਂ ਤਥਾવਿਧਂ, ਪਣੇਮਿ ਦਣ੍ਡਂ ਅਨੁਕਮ੍ਪ ਯੋਨਿਸੋ॥
Nisedhayanto janataṃ tathāvidhaṃ, paṇemi daṇḍaṃ anukampa yoniso.
੩੩.
33.
ਸਿਰੀ ਚ ਲਕ੍ਖੀ ਚ ਤવੇવ ਖਤ੍ਤਿਯ, ਜਨਾਧਿਪ ਮਾ વਿਜਹਿ ਕੁਦਾਚਨਂ।
Sirī ca lakkhī ca taveva khattiya, janādhipa mā vijahi kudācanaṃ;
ਅਕ੍ਕੋਧਨੋ ਨਿਚ੍ਚਪਸਨ੍ਨਚਿਤ੍ਤੋ, ਅਨੀਘੋ ਤੁવਂ વਸ੍ਸਸਤਾਨਿ ਪਾਲਯ॥
Akkodhano niccapasannacitto, anīgho tuvaṃ vassasatāni pālaya.
੩੪.
34.
ਗੁਣੇਹਿ ਏਤੇਹਿ ਉਪੇਤ ਖਤ੍ਤਿਯ, ਠਿਤਮਰਿਯવਤ੍ਤੀ 5 ਸੁવਚੋ ਅਕੋਧਨੋ।
Guṇehi etehi upeta khattiya, ṭhitamariyavattī 6 suvaco akodhano;
ਸੁਖੀ ਅਨੁਪ੍ਪੀਲ਼ ਪਸਾਸਮੇਦਿਨਿਂ 7, ਇਤੋ વਿਮੁਤ੍ਤੋਪਿ ਚ ਯਾਹਿ ਸੁਗ੍ਗਤਿਂ॥
Sukhī anuppīḷa pasāsamediniṃ 8, ito vimuttopi ca yāhi suggatiṃ.
੩੫.
35.
ਏવਂ ਸੁਨੀਤੇਨ 9 ਸੁਭਾਸਿਤੇਨ, ਧਮ੍ਮੇਨ ਞਾਯੇਨ ਉਪਾਯਸੋ ਨਯਂ।
Evaṃ sunītena 10 subhāsitena, dhammena ñāyena upāyaso nayaṃ;
ਨਿਬ੍ਬਾਪਯੇ ਸਙ੍ਖੁਭਿਤਂ ਮਹਾਜਨਂ, ਮਹਾવ ਮੇਘੋ ਸਲਿਲੇਨ ਮੇਦਿਨਿਨ੍ਤਿ 11॥
Nibbāpaye saṅkhubhitaṃ mahājanaṃ, mahāva megho salilena medininti 12.
ਸੁਮਙ੍ਗਲਜਾਤਕਂ ਚਤੁਤ੍ਥਂ।
Sumaṅgalajātakaṃ catutthaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੪੨੦] ੪. ਸੁਮਙ੍ਗਲਜਾਤਕવਣ੍ਣਨਾ • [420] 4. Sumaṅgalajātakavaṇṇanā
