| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
3. суман̇г̇аламаад̇ут̇зрийг̇аат̇ааван̣н̣анаа
3. Sumaṅgalamātutherīgāthāvaṇṇanā
сумуд̇д̇игаад̇иаад̣̇игаа суман̇г̇аламаад̇ааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз гусалам̣ убажинид̇ваа имасмим̣ б̣уд̣̇д̇хуббаад̣̇з саавад̇т̇ияам̣ д̣̇алид̣̇д̣̇агулз ниб̣б̣ад̇д̇ид̇ваа ваяаббад̇д̇аа ан̃н̃ад̇арасса нал̣агаарасса д̣̇иннаа батамаг̇аб̣бхзязва бажчимабхавигам̣ буд̇д̇ам̣ лабхи. д̇асса суман̇г̇алод̇и наамам̣ ахоси. д̇ад̇о бадтааяа саа суман̇г̇аламаад̇аад̇и бан̃н̃ааяид̇т̇а. яасмаа банассаа наамаг̇од̇д̇ам̣ на баагадам̣, д̇асмаа ‘‘ан̃н̃ад̇араа т̇зрий бхигкуний абан̃н̃аад̇аа’’д̇и баал̣ияам̣ вуд̇д̇ам̣. собиссаа буд̇д̇о вин̃н̃уд̇ам̣ бад̇д̇о баб̣б̣аж̇ид̇ваа саха бадисамбхид̣̇аахи арахад̇д̇ам̣ бад̇ваа суман̇г̇алад̇т̇зрод̇и баагадо ахоси. д̇асса маад̇аа бхигкунийсу баб̣б̣аж̇ид̇ваа вибассанааяа гаммам̣ гаронд̇ий згад̣̇ивасам̣ г̇ихигаалз ад̇д̇анаа лад̣̇д̇хад̣̇угкам̣ бажжавзгкид̇ваа сам̣взг̇аж̇аад̇аа вибассанам̣ вад̣дхзд̇ваа саха бадисамбхид̣̇аахи арахад̇д̇ам̣ бад̇ваа уд̣̇аанзнд̇ий –
Sumuttikātiādikā sumaṅgalamātāya theriyā gāthā. Ayampi purimabuddhesu katādhikārā tattha tattha bhave kusalaṃ upacinitvā imasmiṃ buddhuppāde sāvatthiyaṃ daliddakule nibbattitvā vayappattā aññatarassa naḷakārassa dinnā paṭhamagabbheyeva pacchimabhavikaṃ puttaṃ labhi. Tassa sumaṅgaloti nāmaṃ ahosi. Tato paṭṭhāya sā sumaṅgalamātāti paññāyittha. Yasmā panassā nāmagottaṃ na pākaṭaṃ, tasmā ‘‘aññatarā therī bhikkhunī apaññātā’’ti pāḷiyaṃ vuttaṃ. Sopissā putto viññutaṃ patto pabbajitvā saha paṭisambhidāhi arahattaṃ patvā sumaṅgalattheroti pākaṭo ahosi. Tassa mātā bhikkhunīsu pabbajitvā vipassanāya kammaṃ karontī ekadivasaṃ gihikāle attanā laddhadukkhaṃ paccavekkhitvā saṃvegajātā vipassanaṃ vaḍḍhetvā saha paṭisambhidāhi arahattaṃ patvā udānentī –
23.
23.
‘‘сумуд̇д̇игаа сумуд̇д̇игаа, саад̇хумуд̇д̇игаамхи мусаласса;
‘‘Sumuttikā sumuttikā, sādhumuttikāmhi musalassa;
ахириго мз чад̇д̇агам̣ вааби, угкалигаа мз д̣̇зд̣д̣убхам̣ ваад̇и.
Ahiriko me chattakaṃ vāpi, ukkhalikā me deḍḍubhaṃ vāti.
24.
24.
‘‘рааг̇ан̃жа ахам̣ д̣̇осан̃жа, жижжиди жижжидийд̇и виханаами;
‘‘Rāgañca ahaṃ dosañca, cicciṭi cicciṭīti vihanāmi;
саа ругкамууламубаг̇амма, ‘ахо сука’нд̇и сукад̇о жхааяаамий’’д̇и. –
Sā rukkhamūlamupagamma, ‘aho sukha’nti sukhato jhāyāmī’’ti. –
имаа д̣̇вз г̇аат̇аа абхааси.
Imā dve gāthā abhāsi.
д̇ад̇т̇а сумуд̇д̇игаад̇и сумуд̇д̇аа. га-гааро бад̣̇абууран̣амад̇д̇ам̣, судту муд̇д̇аа вад̇аад̇и ад̇т̇о. саа саасанз ад̇д̇анаа бадилад̣̇д̇хасамбад̇д̇им̣ д̣̇исваа басаад̣̇авасзна, д̇ассаа ваа басам̣саавасзна ааманд̇зд̇ваа вуд̇д̇ам̣ ‘‘сумуд̇д̇игаа сумуд̇д̇игаа’’д̇и. яам̣ бана г̇ихигаалз висзсад̇о ж̇иг̇ужчад̇и, д̇ад̇о вимуд̇д̇им̣ д̣̇ассзнд̇ий ‘‘саад̇хумуд̇д̇игаамхий’’д̇иаад̣̇имааха. д̇ад̇т̇а саад̇хумуд̇д̇игаамхийд̇и саммад̣̇зва муд̇д̇аа вад̇а амхи. мусалассаад̇и мусалад̇о. аяам̣ гира д̣̇алид̣̇д̣̇абхаавзна г̇ихигаалз саяамзва мусалагаммам̣ гарод̇и, д̇асмаа звамааха. ахириго мзд̇и мама саамиго ахириго ниллаж̇ж̇о, со мама на ружжад̇ийд̇и важанасзсо. багад̇ияаава гаамзсу вирад̇д̇ажид̇д̇ад̇ааяа гаамаад̇химуд̇д̇аанам̣ бавад̇д̇им̣ ж̇иг̇ужчанд̇ий вад̣̇ад̇и. чад̇д̇агам̣ ваабийд̇и ж̇ийвид̇ахзд̇угзна гарийяамаанам̣ чад̇д̇агамби мз на ружжад̇ийд̇и ад̇т̇о. ваа-сад̣̇д̣̇о авуд̇д̇асамужжаяад̇т̇о, д̇зна бзл̣аажан̇годагаад̣̇им̣ сан̇г̇ан̣хаад̇и. взл̣уд̣̇ан̣д̣аад̣̇ийни г̇ахзд̇ваа д̣̇ивасз д̣̇ивасз чад̇д̇аад̣̇ийнам̣ гаран̣авасзна д̣̇угкаж̇ийвид̇ам̣ ж̇иг̇ужчанд̇ий вад̣̇ад̇и. ‘‘ахид̇аго мз ваад̇о ваад̇ий’’д̇и гзжи вад̇ваа ахид̇аго ж̇араавахо г̇ихигаалз мама сарийрз ваад̇о вааяад̇ийд̇и ад̇т̇ам̣ вад̣̇анд̇и. абарз бана ‘‘ахид̇аго барзсам̣ д̣̇уг̇г̇анд̇хад̇аро жа мама сарийрад̇о ваад̇о вааяад̇ий’’д̇и ад̇т̇ам̣ вад̣̇анд̇и. угкалигаа мз д̣̇зд̣д̣убхам̣ ваад̇ийд̇и мз мама бхад̇д̇абажанабхааж̇анам̣ жирабаариваасигабхаавзна абарисуд̣̇д̇хад̇ааяа уд̣̇агасаббаг̇анд̇хам̣ вааяад̇и, д̇ад̇о ахам̣ саад̇хумуд̇д̇игаамхийд̇и яож̇анаа.
Tattha sumuttikāti sumuttā. Ka-kāro padapūraṇamattaṃ, suṭṭhu muttā vatāti attho. Sā sāsane attanā paṭiladdhasampattiṃ disvā pasādavasena, tassā vā pasaṃsāvasena āmantetvā vuttaṃ ‘‘sumuttikā sumuttikā’’ti. Yaṃ pana gihikāle visesato jigucchati, tato vimuttiṃ dassentī ‘‘sādhumuttikāmhī’’tiādimāha. Tattha sādhumuttikāmhīti sammadeva muttā vata amhi. Musalassāti musalato. Ayaṃ kira daliddabhāvena gihikāle sayameva musalakammaṃ karoti, tasmā evamāha. Ahiriko meti mama sāmiko ahiriko nillajjo, so mama na ruccatīti vacanaseso. Pakatiyāva kāmesu virattacittatāya kāmādhimuttānaṃ pavattiṃ jigucchantī vadati. Chattakaṃ vāpīti jīvitahetukena karīyamānaṃ chattakampi me na ruccatīti attho. Vā-saddo avuttasamuccayattho, tena peḷācaṅkoṭakādiṃ saṅgaṇhāti. Veḷudaṇḍādīni gahetvā divase divase chattādīnaṃ karaṇavasena dukkhajīvitaṃ jigucchantī vadati. ‘‘Ahitako me vāto vātī’’ti keci vatvā ahitako jarāvaho gihikāle mama sarīre vāto vāyatīti atthaṃ vadanti. Apare pana ‘‘ahitako paresaṃ duggandhataro ca mama sarīrato vāto vāyatī’’ti atthaṃ vadanti. Ukkhalikā me deḍḍubhaṃ vātīti me mama bhattapacanabhājanaṃ cirapārivāsikabhāvena aparisuddhatāya udakasappagandhaṃ vāyati, tato ahaṃ sādhumuttikāmhīti yojanā.
рааг̇ан̃жа ахам̣ д̣̇осан̃жа, жижжиди жижжидийд̇и виханаамийд̇и ахам̣ гилзсаж̇здтагам̣ рааг̇ан̃жа д̣̇осан̃жа жижжиди жижжидийд̇и иминаа сад̣̇д̣̇зна сад̣̇д̇хим̣ виханаами винаасзми, баж̇ахаамийд̇и ад̇т̇о. саа гира ад̇д̇ано саамигам̣ ж̇иг̇ужчанд̇ий д̇зна д̣̇ивасз д̣̇ивасз паалияамаанаанам̣ сугкаанам̣ взл̣уд̣̇ан̣д̣аад̣̇ийнам̣ сад̣̇д̣̇ам̣ г̇араханд̇ий д̇асса бахаанам̣ рааг̇ад̣̇осабахаанзна самам̣ гад̇ваа авожа. саа ругкамууламубаг̇аммаад̇и саа ахам̣ суман̇г̇аламаад̇аа вивид̇д̇ам̣ ругкамуулам̣ убасан̇гамид̇ваа. сукад̇о жхааяаамийд̇и суканд̇и жхааяаами, гаалзна гаалам̣ самаабаж̇ж̇анд̇ий паласукам̣ ниб̣б̣аанасукан̃жа бадисам̣взд̣̇ияамаанаа палаж̇жхаанзна жхааяаамийд̇и ад̇т̇о. ахо суканд̇и ид̣̇ам̣ банассаа самаабад̇д̇ид̇о бажчаа бавад̇д̇аманасигааравасзна вуд̇д̇ам̣, буб̣б̣аабхог̇авасзнаад̇иби яуж̇ж̇ад̇зва.
Rāgañca ahaṃ dosañca, cicciṭi cicciṭīti vihanāmīti ahaṃ kilesajeṭṭhakaṃ rāgañca dosañca cicciṭi cicciṭīti iminā saddena saddhiṃ vihanāmi vināsemi, pajahāmīti attho. Sā kira attano sāmikaṃ jigucchantī tena divase divase phāliyamānānaṃ sukkhānaṃ veḷudaṇḍādīnaṃ saddaṃ garahantī tassa pahānaṃ rāgadosapahānena samaṃ katvā avoca. Sā rukkhamūlamupagammāti sā ahaṃ sumaṅgalamātā vivittaṃ rukkhamūlaṃ upasaṅkamitvā. Sukhato jhāyāmīti sukhanti jhāyāmi, kālena kālaṃ samāpajjantī phalasukhaṃ nibbānasukhañca paṭisaṃvediyamānā phalajjhānena jhāyāmīti attho. Aho sukhanti idaṃ panassā samāpattito pacchā pavattamanasikāravasena vuttaṃ, pubbābhogavasenātipi yujjateva.
суман̇г̇аламаад̇ут̇зрийг̇аат̇ааван̣н̣анаа нидтид̇аа.
Sumaṅgalamātutherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 3. суман̇г̇аламаад̇аат̇зрийг̇аат̇аа • 3. Sumaṅgalamātātherīgāthā
