| Library / Tipiṭaka / д̇ибидага • Tipiṭaka / абад̣̇аанабаал̣и • Apadānapāḷi |
10. суман̇г̇алад̇т̇зраабад̣̇аанам̣
10. Sumaṅgalattheraapadānaṃ
124.
124.
‘‘аахуд̇им̣ яидтугаамохам̣, бадияаад̣̇зд̇ваана бхож̇анам̣;
‘‘Āhutiṃ yiṭṭhukāmohaṃ, paṭiyādetvāna bhojanaṃ;
б̣раахман̣з бадимаанзнд̇о, висаалз маал̣агз тид̇о.
Brāhmaṇe paṭimānento, visāle māḷake ṭhito.
125.
125.
‘‘ат̇ад̣̇д̣̇асаасим̣ самб̣уд̣̇д̇хам̣, бияад̣̇ассим̣ махааяасам̣;
‘‘Athaddasāsiṃ sambuddhaṃ, piyadassiṃ mahāyasaṃ;
саб̣б̣алогавинзд̇аарам̣, саяамбхум̣ аг̇г̇абуг̇г̇алам̣.
Sabbalokavinetāraṃ, sayambhuṃ aggapuggalaṃ.
126.
126.
‘‘бхаг̇аванд̇ам̣ ж̇уд̇иманд̇ам̣, саавагзхи бурагкад̇ам̣;
‘‘Bhagavantaṃ jutimantaṃ, sāvakehi purakkhataṃ;
аад̣̇ижжамива рожанд̇ам̣, рат̇ияам̣ бадибаннагам̣.
Ādiccamiva rocantaṃ, rathiyaṃ paṭipannakaṃ.
127.
127.
‘‘ан̃ж̇алим̣ баг̇г̇ахзд̇ваана, сагам̣ жид̇д̇ам̣ басаад̣̇аяим̣;
‘‘Añjaliṃ paggahetvāna, sakaṃ cittaṃ pasādayiṃ;
манасаава ниманд̇зсим̣, ‘ааг̇ажчад̇у махаамуни’.
Manasāva nimantesiṃ, ‘āgacchatu mahāmuni’.
128.
128.
‘‘мама сан̇габбаман̃н̃ааяа, сад̇т̇аа логз ануд̇д̇аро;
‘‘Mama saṅkappamaññāya, satthā loke anuttaro;
кийн̣аасавасахассзхи, мама д̣̇ваарам̣ убааг̇ами.
Khīṇāsavasahassehi, mama dvāraṃ upāgami.
129.
129.
‘‘намо д̇з бурисааж̇ан̃н̃а, намо д̇з бурисуд̇д̇ама;
‘‘Namo te purisājañña, namo te purisuttama;
баасаад̣̇ам̣ абхируухид̇ваа, сийхаасанз нисийд̣̇ад̇ам̣ 1.
Pāsādaṃ abhirūhitvā, sīhāsane nisīdataṃ 2.
130.
130.
‘‘д̣̇анд̇о д̣̇анд̇абаривааро, д̇ин̣н̣о д̇аараяад̇ам̣ варо;
‘‘Danto dantaparivāro, tiṇṇo tārayataṃ varo;
баасаад̣̇ам̣ абхируухид̇ваа, нисийд̣̇и бавараасанз.
Pāsādaṃ abhirūhitvā, nisīdi pavarāsane.
131.
131.
‘‘яам̣ мз ад̇т̇и сагз г̇зхз, аамисам̣ бажжубадтид̇ам̣;
‘‘Yaṃ me atthi sake gehe, āmisaṃ paccupaṭṭhitaṃ;
д̇аахам̣ б̣уд̣̇д̇хасса баад̣̇аасим̣, басанно сзхи баан̣ибхи.
Tāhaṃ buddhassa pādāsiṃ, pasanno sehi pāṇibhi.
132.
132.
‘‘басаннажид̇д̇о сумано, взд̣̇аж̇аад̇о гад̇ан̃ж̇алий;
‘‘Pasannacitto sumano, vedajāto katañjalī;
б̣уд̣̇д̇хасздтам̣ намассаами, ахо б̣уд̣̇д̇хассул̣аарад̇аа.
Buddhaseṭṭhaṃ namassāmi, aho buddhassuḷāratā.
133.
133.
‘‘адтаннам̣ баяируубаасад̇ам̣, бхун̃ж̇ам̣ кийн̣аасаваа б̣ахуу;
‘‘Aṭṭhannaṃ payirūpāsataṃ, bhuñjaṃ khīṇāsavā bahū;
д̇уяхзвзсо аанубхааво, саран̣ам̣ д̇ам̣ убзмахам̣.
Tuyheveso ānubhāvo, saraṇaṃ taṃ upemahaṃ.
134.
134.
‘‘бияад̣̇ассий жа бхаг̇аваа, логаж̇здто нараасабхо;
‘‘Piyadassī ca bhagavā, lokajeṭṭho narāsabho;
бхигкусан̇гхз нисийд̣̇ид̇ваа, имаа г̇аат̇аа абхаасат̇а.
Bhikkhusaṅghe nisīditvā, imā gāthā abhāsatha.
135.
135.
‘‘‘яо со сан̇гхам̣ абхож̇зси, уж̇убхууд̇ам̣ самаахид̇ам̣;
‘‘‘Yo so saṅghaṃ abhojesi, ujubhūtaṃ samāhitaṃ;
д̇ат̇ааг̇ад̇ан̃жа самб̣уд̣̇д̇хам̣, сун̣аат̇а мама бхаасад̇о.
Tathāgatañca sambuddhaṃ, suṇātha mama bhāsato.
136.
136.
‘‘‘сад̇д̇авийсад̇игкад̇д̇ум̣ со, д̣̇звараж̇ж̇ам̣ гариссад̇и;
‘‘‘Sattavīsatikkhattuṃ so, devarajjaṃ karissati;
сагагаммаабхирад̣̇д̇хо со, д̣̇звалогз рамиссад̇и.
Sakakammābhiraddho so, devaloke ramissati.
137.
137.
‘‘‘д̣̇аса адта жагкад̇д̇ум̣ 3 со, жаггавад̇д̇ий бхависсад̇и;
‘‘‘Dasa aṭṭha cakkhattuṃ 4 so, cakkavattī bhavissati;
бат̇аб̣яаа раж̇ж̇ам̣ бан̃жасад̇ам̣, васуд̇хам̣ аавасиссад̇и’.
Pathabyā rajjaṃ pañcasataṃ, vasudhaṃ āvasissati’.
138.
138.
‘‘аран̃н̃аванамог̇г̇аяха, гаананам̣ б̣яаг̇гхасзвид̇ам̣;
‘‘Araññavanamoggayha, kānanaṃ byagghasevitaṃ;
бад̇хаанам̣ бад̣̇ахид̇ваана, гилзсаа жхаабид̇аа маяаа.
Padhānaṃ padahitvāna, kilesā jhāpitā mayā.
139.
139.
‘‘адтаарасз габбасад̇з, яам̣ д̣̇аанамад̣̇ад̣̇им̣ д̇ад̣̇аа;
‘‘Aṭṭhārase kappasate, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, бхад̇д̇ад̣̇аанассид̣̇ам̣ палам̣.
Duggatiṃ nābhijānāmi, bhattadānassidaṃ phalaṃ.
140.
140.
‘‘бадисамбхид̣̇аа жад̇ассо, вимогкааби жа адтимз;
‘‘Paṭisambhidā catasso, vimokkhāpi ca aṭṭhime;
чал̣абхин̃н̃аа сажчигад̇аа, гад̇ам̣ б̣уд̣̇д̇хасса саасанам̣’’.
Chaḷabhiññā sacchikatā, kataṃ buddhassa sāsanaṃ’’.
ид̇т̇ам̣ суд̣̇ам̣ ааяасмаа суман̇г̇ало т̇зро имаа г̇аат̇ааяо абхаасид̇т̇аад̇и.
Itthaṃ sudaṃ āyasmā sumaṅgalo thero imā gāthāyo abhāsitthāti.
суман̇г̇алад̇т̇зрассаабад̣̇аанам̣ д̣̇асамам̣.
Sumaṅgalattherassāpadānaṃ dasamaṃ.
д̇ассуд̣̇д̣̇аанам̣ –
Tassuddānaṃ –
сийхаасаний згат̇амбхий, нанд̣̇о жа жуул̣абант̇аго;
Sīhāsanī ekathambhī, nando ca cūḷapanthako;
билинд̣̇араахуло жзва, ван̇г̇анд̇о радтабаалаго.
Pilindarāhulo ceva, vaṅganto raṭṭhapālako.
собааго ман̇г̇ало жзва, д̣̇асзва д̣̇уд̇ияз ваг̇г̇з;
Sopāko maṅgalo ceva, daseva dutiye vagge;
сад̇ан̃жа адтад̇им̣са жа, г̇аат̇аа жзд̇т̇а багаасид̇аа.
Satañca aṭṭhatiṃsa ca, gāthā cettha pakāsitā.
сийхаасанияаваг̇г̇о д̣̇уд̇ияо.
Sīhāsaniyavaggo dutiyo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / абад̣̇аана-адтагат̇аа • Apadāna-aṭṭhakathā / 10. суман̇г̇алад̇т̇зраабад̣̇аанаван̣н̣анаа • 10. Sumaṅgalattheraapadānavaṇṇanā
