| Library / Tipiṭaka / तिपिटक • Tipiṭaka / अपदानपाळि • Apadānapāḷi |
२. सुमङ्गलत्थेरअपदानं
2. Sumaṅgalattheraapadānaṃ
११.
11.
‘‘अत्थदस्सी जिनवरो, लोकजेट्ठो नरासभो।
‘‘Atthadassī jinavaro, lokajeṭṭho narāsabho;
विहारा अभिनिक्खम्म, तळाकं उपसङ्कमि॥
Vihārā abhinikkhamma, taḷākaṃ upasaṅkami.
१२.
12.
‘‘न्हत्वा पित्वा च सम्बुद्धो, उत्तरित्वेकचीवरो।
‘‘Nhatvā pitvā ca sambuddho, uttaritvekacīvaro;
अट्ठासि भगवा तत्थ, विलोकेन्तो दिसोदिसं॥
Aṭṭhāsi bhagavā tattha, vilokento disodisaṃ.
१३.
13.
‘‘भवने उपविट्ठोहं, अद्दसं लोकनायकं।
‘‘Bhavane upaviṭṭhohaṃ, addasaṃ lokanāyakaṃ;
हट्ठो हट्ठेन चित्तेन, अप्फोटेसिं अहं तदा॥
Haṭṭho haṭṭhena cittena, apphoṭesiṃ ahaṃ tadā.
१४.
14.
नच्चगीते पयुत्तोहं, पञ्चङ्गतूरियम्हि च॥
Naccagīte payuttohaṃ, pañcaṅgatūriyamhi ca.
१५.
15.
‘‘यं यं योनुपपज्जामि, देवत्तं अथ मानुसं।
‘‘Yaṃ yaṃ yonupapajjāmi, devattaṃ atha mānusaṃ;
१६.
16.
‘‘नमो ते पुरिसाजञ्ञ, नमो ते पुरिसुत्तम।
‘‘Namo te purisājañña, namo te purisuttama;
अत्तानं तोसयित्वान, परे तोसेसि त्वं मुनि॥
Attānaṃ tosayitvāna, pare tosesi tvaṃ muni.
१७.
17.
उपट्ठहित्वा सम्बुद्धं, तुसितं उपपज्जहं॥
Upaṭṭhahitvā sambuddhaṃ, tusitaṃ upapajjahaṃ.
१८.
18.
‘‘सोळसेतो कप्पसते, द्विनवएकचिन्तिता।
‘‘Soḷaseto kappasate, dvinavaekacintitā;
सत्तरतनसम्पन्ना, चक्कवत्ती महब्बला॥
Sattaratanasampannā, cakkavattī mahabbalā.
१९.
19.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा सुमङ्गलो थेरो इमा गाथायो अभासित्थाति।
Itthaṃ sudaṃ āyasmā sumaṅgalo thero imā gāthāyo abhāsitthāti.
सुमङ्गलत्थेरस्सापदानं दुतियं।
Sumaṅgalattherassāpadānaṃ dutiyaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / २. सुमङ्गलत्थेरअपदानवण्णना • 2. Sumaṅgalattheraapadānavaṇṇanā
