| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
5. сунагкад̇д̇асуд̇д̇аван̣н̣анаа
5. Sunakkhattasuttavaṇṇanā
55. звам̣ мз суд̇анд̇и сунагкад̇д̇асуд̇д̇ам̣. д̇ад̇т̇а ан̃н̃аад̇и арахад̇д̇ам̣. б̣яаагад̇аад̇и кийн̣аа ж̇аад̇ийд̇иаад̣̇ийхи жад̇уухи бад̣̇зхи гат̇ид̇аа. ад̇химаанзнаад̇и аббад̇д̇з бад̇д̇асан̃н̃ино, анад̇хиг̇ад̇з ад̇хиг̇ад̇асан̃н̃ино худ̇ваа ад̇хиг̇ад̇ам̣ амхзхийд̇и маанзна б̣яаагарим̣су.
55.Evaṃme sutanti sunakkhattasuttaṃ. Tattha aññāti arahattaṃ. Byākatāti khīṇā jātītiādīhi catūhi padehi kathitā. Adhimānenāti appatte pattasaññino, anadhigate adhigatasaññino hutvā adhigataṃ amhehīti mānena byākariṃsu.
56. зван̃жзд̇т̇а сунагкад̇д̇а д̇ат̇ааг̇ад̇асса ход̇ийд̇и сунагкад̇д̇а зд̇т̇а зд̇зсам̣ бхигкуунам̣ бан̃хаб̣яаагаран̣з – ‘‘ид̣̇ам̣ таанам̣ зд̇зсам̣ авибхууд̇ам̣ анд̇хагаарам̣, д̇знимз анад̇хиг̇ад̇з ад̇хиг̇ад̇асан̃н̃ино, ханд̣̇а нзсам̣ висод̇хзд̇ваа баагадам̣ гад̇ваа д̇хаммам̣ д̣̇зсзмий’’д̇и, зван̃жа д̇ат̇ааг̇ад̇асса ход̇и. ат̇а жа банид̇хзгажжз…бз… д̇ассаби ход̇и ан̃н̃ат̇ад̇д̇анд̇и бхаг̇аваа бадибаннагаанам̣ д̇хаммам̣ д̣̇зсзд̇и. яад̇т̇а бана ижчаажаарз тид̇аа згажжз могхабурисаа хонд̇и, д̇ад̇ра бхаг̇аваа бассад̇и – ‘‘имз имам̣ бан̃хам̣ уг̇г̇ахзд̇ваа аж̇аанид̇ваава ж̇аананд̇аа вияа аббад̇д̇з бад̇д̇асан̃н̃ино худ̇ваа г̇ааманиг̇амаад̣̇ийсу висзвамаанаа вижариссанд̇и, д̇ам̣ нзсам̣ бхависсад̇и д̣̇ийгхарад̇д̇ам̣ ахид̇ааяа д̣̇угкааяаа’’д̇и звамассааяам̣ ижчаажаарз тид̇аанам̣ гааран̣аа бадибаннагаанамби ад̇т̇ааяа ‘‘д̇хаммам̣ д̣̇зсиссаамий’’д̇и уббаннасса жид̇д̇асса ан̃н̃ат̇аабхааво ход̇и. д̇ам̣ санд̇хааязд̇ам̣ вуд̇д̇ам̣.
56.Evañcettha sunakkhatta tathāgatassa hotīti sunakkhatta ettha etesaṃ bhikkhūnaṃ pañhabyākaraṇe – ‘‘idaṃ ṭhānaṃ etesaṃ avibhūtaṃ andhakāraṃ, tenime anadhigate adhigatasaññino, handa nesaṃ visodhetvā pākaṭaṃ katvā dhammaṃ desemī’’ti, evañca tathāgatassa hoti. Atha ca panidhekacce…pe… tassapi hoti aññathattanti bhagavā paṭipannakānaṃ dhammaṃ deseti. Yattha pana icchācāre ṭhitā ekacce moghapurisā honti, tatra bhagavā passati – ‘‘ime imaṃ pañhaṃ uggahetvā ajānitvāva jānantā viya appatte pattasaññino hutvā gāmanigamādīsu visevamānā vicarissanti, taṃ nesaṃ bhavissati dīgharattaṃ ahitāya dukkhāyā’’ti evamassāyaṃ icchācāre ṭhitānaṃ kāraṇā paṭipannakānampi atthāya ‘‘dhammaṃ desissāmī’’ti uppannassa cittassa aññathābhāvo hoti. Taṃ sandhāyetaṃ vuttaṃ.
58. логаамисаад̇химуд̇д̇од̇и ваддаамиса-гаамаамиса-логаамисабхууд̇зсу бан̃жасу гаамаг̇ун̣зсу ад̇химуд̇д̇о д̇аннинно д̇аг̇г̇аруго д̇аббаб̣бхааро. д̇аббад̇ируубийд̇и гаамаг̇ун̣асабхааг̇аа. аанзн̃ж̇абадисам̣яуд̇д̇ааяаад̇и аанзн̃ж̇асамаабад̇д̇ибадисам̣яуд̇д̇ааяа. сам̣сзяяаад̇и гат̇зяяа. аанзн̃ж̇асам̣яож̇анзна хи ко висам̣яуд̇д̇од̇и аанзн̃ж̇асамаабад̇д̇исам̣яож̇анзна висам̣садто. логаамисаад̇химуд̇д̇од̇и зваруубо хи луукажийварад̇харо мад̇д̇игаабад̇д̇ам̣ аад̣̇ааяа ад̇д̇ано сад̣̇исзхи гад̇ибаязхи сад̣̇д̇хим̣ бажжанд̇аж̇анабад̣̇ам̣ г̇ажчад̇и, г̇аамам̣ бин̣д̣ааяа бавидтагаалз мануссаа д̣̇исваа ‘‘махаабам̣сугулигаа ааг̇ад̇аа’’д̇и яааг̇убхад̇д̇аад̣̇ийни самбаад̣̇зд̇ваа саггажжам̣ д̣̇аанам̣ д̣̇знд̇и, бхад̇д̇агижжз нидтид̇з анумод̣̇анам̣ суд̇ваа – ‘‘свзби, бханд̇з, ид̇хзва бин̣д̣ааяа бависат̇аа’’д̇и вад̣̇анд̇и. алам̣ убаасагаа, аж̇ж̇ааби во б̣ахуунам̣ д̣̇иннанд̇и. д̇зна хи, бханд̇з, анд̇овассам̣ ид̇ха васзяяаат̇аад̇и ад̇хиваасзд̇ваа вихаарамаг̇г̇ам̣ бужчид̇ваа вихаарам̣ г̇ажчанд̇и. д̇ад̇т̇а сзнаасанам̣ г̇ахзд̇ваа бад̇д̇ажийварам̣ бадисаамзнд̇и. сааяам̣ зго ааваасиго д̇з бхигкуу бужчад̇и ‘‘гад̇т̇а бин̣д̣ааяа жарид̇т̇аа’’д̇и? асугаг̇аамзд̇и. бхигкаасамбаннаад̇и? аама зваруубаа наама мануссаанам̣ сад̣̇д̇хаа ход̇и. ‘‘аж̇ж̇зва ну ко зд̇з зд̣̇исаа, нижжамби зд̣̇исаа’’д̇и? сад̣̇д̇хаа д̇з мануссаа нижжамби зд̣̇исаа, д̇з ниссааязва аяам̣ вихааро вад̣дхад̇ийд̇и. д̇ад̇о д̇з бам̣сугулигаа бунаббунам̣ д̇зсам̣ ван̣н̣ам̣ гат̇знд̇и , д̣̇ивасаавасзсам̣ гат̇зд̇ваа рад̇д̇имби гат̇знд̇и. зд̇д̇аавад̇аа ижчаажаарз тид̇асса сийсам̣ нигканд̇ам̣ ход̇и уд̣̇арам̣ паалид̇ам̣. звам̣ логаамисаад̇химуд̇д̇о взд̣̇ид̇аб̣б̣о.
58.Lokāmisādhimuttoti vaṭṭāmisa-kāmāmisa-lokāmisabhūtesu pañcasu kāmaguṇesu adhimutto tanninno taggaruko tappabbhāro. Tappatirūpīti kāmaguṇasabhāgā. Āneñjapaṭisaṃyuttāyāti āneñjasamāpattipaṭisaṃyuttāya. Saṃseyyāti katheyya. Āneñjasaṃyojanena hi kho visaṃyuttoti āneñjasamāpattisaṃyojanena visaṃsaṭṭho. Lokāmisādhimuttoti evarūpo hi lūkhacīvaradharo mattikāpattaṃ ādāya attano sadisehi katipayehi saddhiṃ paccantajanapadaṃ gacchati, gāmaṃ piṇḍāya paviṭṭhakāle manussā disvā ‘‘mahāpaṃsukulikā āgatā’’ti yāgubhattādīni sampādetvā sakkaccaṃ dānaṃ denti, bhattakicce niṭṭhite anumodanaṃ sutvā – ‘‘svepi, bhante, idheva piṇḍāya pavisathā’’ti vadanti. Alaṃ upāsakā, ajjāpi vo bahūnaṃ dinnanti. Tena hi, bhante, antovassaṃ idha vaseyyāthāti adhivāsetvā vihāramaggaṃ pucchitvā vihāraṃ gacchanti. Tattha senāsanaṃ gahetvā pattacīvaraṃ paṭisāmenti. Sāyaṃ eko āvāsiko te bhikkhū pucchati ‘‘kattha piṇḍāya caritthā’’ti? Asukagāmeti. Bhikkhāsampannāti? Āma evarūpā nāma manussānaṃ saddhā hoti. ‘‘Ajjeva nu kho ete edisā, niccampi edisā’’ti? Saddhā te manussā niccampi edisā, te nissāyeva ayaṃ vihāro vaḍḍhatīti. Tato te paṃsukulikā punappunaṃ tesaṃ vaṇṇaṃ kathenti , divasāvasesaṃ kathetvā rattimpi kathenti. Ettāvatā icchācāre ṭhitassa sīsaṃ nikkhantaṃ hoti udaraṃ phālitaṃ. Evaṃ lokāmisādhimutto veditabbo.
59. ид̣̇аани аанзн̃ж̇асамаабад̇д̇илаабхим̣ ад̇химаанигам̣ д̣̇ассзнд̇о таанам̣ ко банзд̇анд̇иаад̣̇имааха. аанзн̃ж̇аад̇химуд̇д̇ассаад̇и гилзсасин̃жанавирахид̇аасу хздтимаасу часу самаабад̇д̇ийсу ад̇химуд̇д̇асса д̇анниннасса д̇аг̇г̇аруно д̇аббаб̣бхаарасса. сз бавуд̇д̇зд̇и д̇ам̣ бавуд̇д̇ам̣. ча самаабад̇д̇илаабхино хи ад̇химаанигасса бан̃жагаамаг̇ун̣аамисаб̣анд̇ханаа бад̇ид̇абан̣д̣убалаасо вияа убадтаад̇и. д̇знзд̇ам̣ вуд̇д̇ам̣.
59. Idāni āneñjasamāpattilābhiṃ adhimānikaṃ dassento ṭhānaṃ kho panetantiādimāha. Āneñjādhimuttassāti kilesasiñcanavirahitāsu heṭṭhimāsu chasu samāpattīsu adhimuttassa tanninnassa taggaruno tappabbhārassa. Se pavutteti taṃ pavuttaṃ. Cha samāpattilābhino hi adhimānikassa pañcakāmaguṇāmisabandhanā patitapaṇḍupalāso viya upaṭṭhāti. Tenetaṃ vuttaṃ.
60. ид̣̇аани аагин̃жан̃н̃ааяад̇анасамаабад̇д̇и лаабхино ад̇химаанигасса нигхам̣сам̣ д̣̇ассзд̇ум̣ таанам̣ ко банаад̇иаад̣̇имааха. д̇ад̇т̇а д̣̇взд̇хаа бхиннаад̇и маж̇жхз бхиннаа. аббадисанд̇хигаад̇и куд̣̇д̣̇агаа мудтибаасаан̣амад̇д̇аа ж̇ад̇унаа ваа силзсзна ваа аллийяаабзд̇ваа бадисанд̇хаад̇ум̣ саггаа. маханд̇ам̣ бана гудааг̇аараббамаан̣ам̣ санд̇хааязд̇ам̣ вуд̇д̇ам̣. сз бхиннзд̇и д̇ам̣ бхиннам̣. убари самаабад̇д̇илаабхино хи хздтаасамаабад̇д̇и д̣̇взд̇хаабхиннаа сзлаа вияа ход̇и, д̇ам̣ самаабаж̇ж̇иссаамийд̇и жид̇д̇ам̣ на уббаж̇ж̇ад̇и. д̇знзд̇ам̣ вуд̇д̇ам̣.
60. Idāni ākiñcaññāyatanasamāpatti lābhino adhimānikassa nighaṃsaṃ dassetuṃ ṭhānaṃ kho panātiādimāha. Tattha dvedhā bhinnāti majjhe bhinnā. Appaṭisandhikāti khuddakā muṭṭhipāsāṇamattā jatunā vā silesena vā allīyāpetvā paṭisandhātuṃ sakkā. Mahantaṃ pana kuṭāgārappamāṇaṃ sandhāyetaṃ vuttaṃ. Se bhinneti taṃ bhinnaṃ. Upari samāpattilābhino hi heṭṭhāsamāpatti dvedhābhinnā selā viya hoti, taṃ samāpajjissāmīti cittaṃ na uppajjati. Tenetaṃ vuttaṃ.
61. ид̣̇аани нзвасан̃н̃аанаасан̃н̃ааяад̇аналаабхино ад̇химаанигасса жа нигхам̣сам̣ д̣̇ассзнд̇о таанам̣ ко банаад̇иаад̣̇имааха. д̇ад̇т̇а сз ванд̇зд̇и д̇ам̣ ванд̇ам̣. адтасамаабад̇д̇илаабхино хи хздтаасамаабад̇д̇ияо ванд̇асад̣̇исаа худ̇ваа убадтаханд̇и, буна самаабаж̇ж̇иссаамийд̇и жид̇д̇ам̣ на уббаж̇ж̇ад̇и. д̇знзд̇ам̣ вуд̇д̇ам̣.
61. Idāni nevasaññānāsaññāyatanalābhino adhimānikassa ca nighaṃsaṃ dassento ṭhānaṃ kho panātiādimāha. Tattha se vanteti taṃ vantaṃ. Aṭṭhasamāpattilābhino hi heṭṭhāsamāpattiyo vantasadisā hutvā upaṭṭhahanti, puna samāpajjissāmīti cittaṃ na uppajjati. Tenetaṃ vuttaṃ.
62. ид̣̇аани кийн̣аасавасса нигхам̣сам̣ д̣̇ассзнд̇о таанам̣ ко банаад̇иаад̣̇имааха. д̇ад̇т̇а сз ужчиннамуулзд̇и со ужчиннамууло. убари самаабад̇д̇илаабхино хи хздтаасамаабад̇д̇и муулажчиннад̇аало вияа убадтаад̇и, д̇ам̣ самаабаж̇ж̇иссаамийд̇и жид̇д̇ам̣ на уббаж̇ж̇ад̇и. д̇знзд̇ам̣ вуд̇д̇ам̣.
62. Idāni khīṇāsavassa nighaṃsaṃ dassento ṭhānaṃ kho panātiādimāha. Tattha se ucchinnamūleti so ucchinnamūlo. Upari samāpattilābhino hi heṭṭhāsamāpatti mūlacchinnatālo viya upaṭṭhāti, taṃ samāpajjissāmīti cittaṃ na uppajjati. Tenetaṃ vuttaṃ.
63. таанам̣ ко банаад̇и баадиязгго анусанд̇хи. хздтаа хи самаабад̇д̇илаабхино ад̇химаанигассаби кийн̣аасавассаби нигхам̣со гат̇ид̇о, сугкавибассагасса бана ад̇химаанигассаби кийн̣аасавассаби на гат̇ид̇о. д̇зсам̣ д̣̇виннамби нигхам̣сам̣ д̣̇ассзд̇ум̣ имам̣ д̣̇зсанам̣ аарабхи. д̇ам̣ бана бадигкид̇д̇ам̣. самаабад̇д̇илаабхино хи ад̇химаанигасса нигхам̣сз гат̇ид̇з сугкавибассагассаби ад̇химаанигасса гат̇ид̇ова ход̇и, самаабад̇д̇илаабхино жа кийн̣аасавасса гат̇ид̇з сугкавибассагакийн̣аасавасса гат̇ид̇ова ход̇и. зд̇зсам̣ бана д̣̇виннам̣ бхигкуунам̣ саббааяаасаббааяам̣ гат̇зд̇ум̣ имам̣ д̣̇зсанам̣ аарабхи.
63.Ṭhānaṃkho panāti pāṭiyekko anusandhi. Heṭṭhā hi samāpattilābhino adhimānikassapi khīṇāsavassapi nighaṃso kathito, sukkhavipassakassa pana adhimānikassapi khīṇāsavassapi na kathito. Tesaṃ dvinnampi nighaṃsaṃ dassetuṃ imaṃ desanaṃ ārabhi. Taṃ pana paṭikkhittaṃ. Samāpattilābhino hi adhimānikassa nighaṃse kathite sukkhavipassakassapi adhimānikassa kathitova hoti, samāpattilābhino ca khīṇāsavassa kathite sukkhavipassakakhīṇāsavassa kathitova hoti. Etesaṃ pana dvinnaṃ bhikkhūnaṃ sappāyāsappāyaṃ kathetuṃ imaṃ desanaṃ ārabhi.
д̇ад̇т̇а сияаа – бут̇уж̇ж̇анасса д̇аава аарамман̣ам̣ асаббааяам̣ ход̇у, кийн̣аасавасса гат̇ам̣ асаббааяанд̇и. яад̣̇аг̇г̇зна бут̇уж̇ж̇анасса асаббааяам̣, д̇ад̣̇аг̇г̇зна кийн̣аасавассааби асаббааяамзва. висам̣ наама ж̇аанид̇ваа каад̣̇ид̇амби аж̇аанид̇ваа каад̣̇ид̇амби висамзва. на хи кийн̣аасавзнаби ‘‘ахам̣ кийн̣аасаво’’д̇и асам̣вуд̇зна бхавид̇аб̣б̣ам̣. кийн̣аасавзнаби яуд̇д̇абаяуд̇д̇знзва бхавид̇ум̣ ваддад̇и.
Tattha siyā – puthujjanassa tāva ārammaṇaṃ asappāyaṃ hotu, khīṇāsavassa kathaṃ asappāyanti. Yadaggena puthujjanassa asappāyaṃ, tadaggena khīṇāsavassāpi asappāyameva. Visaṃ nāma jānitvā khāditampi ajānitvā khāditampi visameva. Na hi khīṇāsavenapi ‘‘ahaṃ khīṇāsavo’’ti asaṃvutena bhavitabbaṃ. Khīṇāsavenapi yuttapayutteneva bhavituṃ vaṭṭati.
64. д̇ад̇т̇а саман̣знаад̇и б̣уд̣̇д̇хасаман̣зна. чанд̣̇арааг̇аб̣яаабаад̣̇знаад̇и со авиж̇ж̇аасан̇каад̇о висад̣̇осо чанд̣̇арааг̇зна жа б̣яаабаад̣̇зна жа руббад̇и губбад̇и. асаббааяаанийд̇и авад̣дхигараани аарамман̣аани. ануд̣̇д̇хам̣сзяяаад̇и сосзяяа милаабзяяа. саубаад̣̇исзсанд̇и саг̇ахан̣асзсам̣, убаад̣̇ид̇аб̣б̣ам̣ г̇ан̣хид̇аб̣б̣ам̣ ид̇ха убаад̣̇ийд̇и вуд̇д̇ам̣. аналан̃жа д̇з анд̇арааяааяаад̇и ж̇ийвид̇анд̇арааяам̣ д̇з гаад̇ум̣ асамад̇т̇ам̣. раж̇осууганд̇и раж̇о жа вийхисугаад̣̇и жа суугам̣. асу жа висад̣̇осод̇и со жа висад̣̇осо. д̇ад̣̇убхаязнаад̇и яаа саа асаббааяагирияаа жа яо висад̣̇осо жа, д̇зна убхаязна. бут̇уд̇д̇анд̇и маханд̇абхаавам̣.
64. Tattha samaṇenāti buddhasamaṇena. Chandarāgabyāpādenāti so avijjāsaṅkhāto visadoso chandarāgena ca byāpādena ca ruppati kuppati. Asappāyānīti avaḍḍhikarāni ārammaṇāni. Anuddhaṃseyyāti soseyya milāpeyya. Saupādisesanti sagahaṇasesaṃ, upāditabbaṃ gaṇhitabbaṃ idha upādīti vuttaṃ. Analañca te antarāyāyāti jīvitantarāyaṃ te kātuṃ asamatthaṃ. Rajosūkanti rajo ca vīhisukādi ca sūkaṃ. Asu ca visadosoti so ca visadoso. Tadubhayenāti yā sā asappāyakiriyā ca yo visadoso ca, tena ubhayena. Puthuttanti mahantabhāvaṃ.
звамзва код̇и зд̇т̇а саубаад̣̇аанасаллуд̣̇д̇хааро вияа аббахийно авиж̇ж̇аависад̣̇осо д̣̇адтаб̣б̣о, асаббааяагирияааяа тид̇абхааво вияа часу д̣̇ваарзсу асам̣вуд̇агаало, д̇ад̣̇убхаязна ван̣з бут̇уд̇д̇ам̣ г̇ад̇з маран̣ам̣ вияа сигкам̣ бажжагкааяа хийнааяаавад̇д̇анам̣, маран̣амад̇д̇ам̣ д̣̇угкам̣ вияа ан̃н̃ад̇арааяа г̇аругааяа сам̣гилидтааяа аабад̇д̇ияаа аабаж̇ж̇анам̣ д̣̇адтаб̣б̣ам̣. суггабагкзби иминаава наязна обаммасам̣санд̣̇анам̣ взд̣̇ид̇аб̣б̣ам̣.
Evameva khoti ettha saupādānasalluddhāro viya appahīno avijjāvisadoso daṭṭhabbo, asappāyakiriyāya ṭhitabhāvo viya chasu dvāresu asaṃvutakālo, tadubhayena vaṇe puthuttaṃ gate maraṇaṃ viya sikkhaṃ paccakkhāya hīnāyāvattanaṃ, maraṇamattaṃ dukkhaṃ viya aññatarāya garukāya saṃkiliṭṭhāya āpattiyā āpajjanaṃ daṭṭhabbaṃ. Sukkapakkhepi imināva nayena opammasaṃsandanaṃ veditabbaṃ.
65. сад̇ияааязд̇ам̣ ад̇хиважананд̇и зд̇т̇а сад̇и бан̃н̃ааг̇ад̇игаа. логигааяа бан̃н̃ааяа логигаа ход̇и, логуд̇д̇арааяа логуд̇д̇араа. арияааязд̇ам̣ бан̃н̃ааяаад̇и барисуд̣̇д̇хааяа вибассанаабан̃н̃ааяа.
65.Satiyāyetaṃadhivacananti ettha sati paññāgatikā. Lokikāya paññāya lokikā hoti, lokuttarāya lokuttarā. Ariyāyetaṃ paññāyāti parisuddhāya vipassanāpaññāya.
ид̣̇аани кийн̣аасавасса б̣алам̣ д̣̇ассзнд̇о со вад̇аад̇иаад̣̇имааха. д̇ад̇т̇а сам̣вуд̇агаарийд̇и бихид̇агаарий. ид̇и вид̣̇ид̇ваа нирубад̇хийд̇и звам̣ ж̇аанид̇ваа гилзсубад̇хибахаанаа нирубад̇хи ход̇и, нирубаад̣̇аанод̇и ад̇т̇о. убад̇хисан̇каяз вимуд̇д̇од̇и убад̇хийнам̣ сан̇каяабхууд̇з ниб̣б̣аанз аарамман̣ад̇о вимуд̇д̇о. убад̇хисминд̇и гаамубад̇хисмим̣. гааяам̣ убасам̣хариссад̇ийд̇и гааяам̣ аллийяаабзссад̇и. ид̣̇ам̣ вуд̇д̇ам̣ ход̇и – д̇ан̣хагкаяз ниб̣б̣аанз аарамман̣ад̇о вимуд̇д̇о кийн̣аасаво бан̃жа гаамаг̇ун̣з сзвид̇ум̣, гааяам̣ ваа убасам̣хариссад̇и жид̇д̇ам̣ ваа уббаад̣̇зссад̇ийд̇и нзд̇ам̣ таанам̣ виж̇ж̇ад̇и. сзсам̣ саб̣б̣ад̇т̇а уд̇д̇аанад̇т̇амзваад̇и.
Idāni khīṇāsavassa balaṃ dassento so vatātiādimāha. Tattha saṃvutakārīti pihitakārī. Itividitvā nirupadhīti evaṃ jānitvā kilesupadhipahānā nirupadhi hoti, nirupādānoti attho. Upadhisaṅkhaye vimuttoti upadhīnaṃ saṅkhayabhūte nibbāne ārammaṇato vimutto. Upadhisminti kāmupadhismiṃ. Kāyaṃ upasaṃharissatīti kāyaṃ allīyāpessati. Idaṃ vuttaṃ hoti – taṇhakkhaye nibbāne ārammaṇato vimutto khīṇāsavo pañca kāmaguṇe sevituṃ, kāyaṃ vā upasaṃharissati cittaṃ vā uppādessatīti netaṃ ṭhānaṃ vijjati. Sesaṃ sabbattha uttānatthamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
сунагкад̇д̇асуд̇д̇аван̣н̣анаа нидтид̇аа.
Sunakkhattasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. сунагкад̇д̇асуд̇д̇ам̣ • 5. Sunakkhattasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. сунагкад̇д̇асуд̇д̇аван̣н̣анаа • 5. Sunakkhattasuttavaṇṇanā
