Library / Tipiṭaka / д̇ибидага • Tipiṭaka / т̇зрийг̇аат̇аабаал̣и • Therīgāthāpāḷi

4. сунд̣̇арийт̇зрийг̇аат̇аа

4. Sundarītherīgāthā

313.

‘‘бзд̇аани бход̇и буд̇д̇аани, каад̣̇амаанаа д̇увам̣ бурз;

‘‘Petāni bhoti puttāni, khādamānā tuvaṃ pure;

д̇увам̣ д̣̇иваа жа рад̇д̇о жа, ад̇ийва барид̇аббаси.

Tuvaṃ divā ca ratto ca, atīva paritappasi.

314.

‘‘сааж̇ж̇а саб̣б̣аани каад̣̇ид̇ваа, сад̇абуд̇д̇аани ¹ б̣раахман̣ий;

‘‘Sājja sabbāni khāditvā, sataputtāni ² brāhmaṇī;

ваасздти гзна ван̣н̣зна, на б̣аал̣хам̣ барид̇аббаси’’.

Vāseṭṭhi kena vaṇṇena, na bāḷhaṃ paritappasi’’.

315.

‘‘б̣ахууни буд̇д̇асад̇аани, н̃аад̇исан̇гхасад̇аани жа;

‘‘Bahūni puttasatāni, ñātisaṅghasatāni ca;

каад̣̇ид̇аани ад̇ийд̇ам̣сз, мама д̇уяхан̃жа б̣раахман̣а.

Khāditāni atītaṃse, mama tuyhañca brāhmaṇa.

316.

‘‘саахам̣ ниссаран̣ам̣ н̃ад̇ваа, ж̇аад̇ияаа маран̣асса жа;

‘‘Sāhaṃ nissaraṇaṃ ñatvā, jātiyā maraṇassa ca;

на сожаами на род̣̇аами, на жааби барид̇аббаяим̣’’.

Na socāmi na rodāmi, na cāpi paritappayiṃ’’.

317.

‘‘аб̣бхуд̇ам̣ вад̇а ваасздти, ваажам̣ бхаасаси зд̣̇исим̣;

‘‘Abbhutaṃ vata vāseṭṭhi, vācaṃ bhāsasi edisiṃ;

гасса д̇вам̣ д̇хаммаман̃н̃ааяа, г̇ирам̣ ³ бхаасаси зд̣̇исим̣’’.

Kassa tvaṃ dhammamaññāya, giraṃ ⁴ bhāsasi edisiṃ’’.

318.

‘‘зса б̣раахман̣а самб̣уд̣̇д̇хо, наг̇арам̣ мит̇илам̣ бад̇и;

‘‘Esa brāhmaṇa sambuddho, nagaraṃ mithilaṃ pati;

саб̣б̣ад̣̇угкаббахаанааяа, д̇хаммам̣ д̣̇зсзси баан̣инам̣.

Sabbadukkhappahānāya, dhammaṃ desesi pāṇinaṃ.

319.

‘‘д̇асса б̣рахмз ⁵ арахад̇о, д̇хаммам̣ суд̇ваа нируубад̇хим̣;

‘‘Tassa brahme ⁶ arahato, dhammaṃ sutvā nirūpadhiṃ;

д̇ад̇т̇а вин̃н̃аад̇асад̣̇д̇хаммаа, буд̇д̇асогам̣ б̣яабаануд̣̇им̣’’.

Tattha viññātasaddhammā, puttasokaṃ byapānudiṃ’’.

320.

‘‘со ахамби г̇амиссаами, наг̇арам̣ мит̇илам̣ бад̇и;

‘‘So ahampi gamissāmi, nagaraṃ mithilaṃ pati;

аббзва мам̣ со бхаг̇аваа, саб̣б̣ад̣̇угкаа баможаяз’’.

Appeva maṃ so bhagavā, sabbadukkhā pamocaye’’.

321.

ад̣̇д̣̇аса б̣раахман̣о б̣уд̣̇д̇хам̣, виббамуд̇д̇ам̣ нируубад̇хим̣;

Addasa brāhmaṇo buddhaṃ, vippamuttaṃ nirūpadhiṃ;

свасса д̇хаммамад̣̇зсзси, муни д̣̇угкасса баараг̇уу.

Svassa dhammamadesesi, muni dukkhassa pāragū.

322.

д̣̇угкам̣ д̣̇угкасамуббаад̣̇ам̣, д̣̇угкасса жа ад̇иггамам̣;

Dukkhaṃ dukkhasamuppādaṃ, dukkhassa ca atikkamaṃ;

арияам̣ жадтан̇г̇игам̣ маг̇г̇ам̣, д̣̇угкуубасамаг̇ааминам̣.

Ariyaṃ caṭṭhaṅgikaṃ maggaṃ, dukkhūpasamagāminaṃ.

323.

д̇ад̇т̇а вин̃н̃аад̇асад̣̇д̇хаммо, баб̣б̣аж̇ж̇ам̣ самарожаяи;

Tattha viññātasaddhammo, pabbajjaṃ samarocayi;

суж̇аад̇о д̇ийхи рад̇д̇ийхи, д̇иссо виж̇ж̇аа апассаяи.

Sujāto tīhi rattīhi, tisso vijjā aphassayi.

324.

‘‘зхи саарат̇и г̇ажчаахи, рат̇ам̣ нияяаад̣̇аяаахимам̣;

‘‘Ehi sārathi gacchāhi, rathaṃ niyyādayāhimaṃ;

аарог̇яам̣ б̣раахман̣им̣ важ̇ж̇а ⁷, ‘баб̣б̣аж̇и ⁸ д̣̇аани б̣раахман̣о;

Ārogyaṃ brāhmaṇiṃ vajja ⁹, ‘pabbaji ¹⁰ dāni brāhmaṇo;

суж̇аад̇о д̇ийхи рад̇д̇ийхи, д̇иссо виж̇ж̇аа апассаяи’’’.

Sujāto tīhi rattīhi, tisso vijjā aphassayi’’’.

325.

д̇ад̇о жа рат̇амаад̣̇ааяа, сахассан̃жааби саарат̇и;

Tato ca rathamādāya, sahassañcāpi sārathi;

аарог̇яам̣ б̣раахман̣ивожа, ‘‘баб̣б̣аж̇и д̣̇аани б̣раахман̣о;

Ārogyaṃ brāhmaṇivoca, ‘‘pabbaji dāni brāhmaṇo;

суж̇аад̇о д̇ийхи рад̇д̇ийхи, д̇иссо виж̇ж̇аа апассаяи’’.

Sujāto tīhi rattīhi, tisso vijjā aphassayi’’.

326.

‘‘зд̇ан̃жаахам̣ ассарат̇ам̣, сахассан̃жааби саарат̇и;

‘‘Etañcāhaṃ assarathaṃ, sahassañcāpi sārathi;

д̇звиж̇ж̇ам̣ б̣раахман̣ам̣ суд̇ваа ¹¹, бун̣н̣абад̇д̇ам̣ д̣̇ад̣̇аами д̇з’’.

Tevijjaṃ brāhmaṇaṃ sutvā ¹², puṇṇapattaṃ dadāmi te’’.

327.

‘‘д̇уяхзва ход̇вассарат̇о, сахассан̃жааби б̣раахман̣и;

‘‘Tuyheva hotvassaratho, sahassañcāpi brāhmaṇi;

ахамби баб̣б̣аж̇иссаами, варабан̃н̃асса санд̇игз’’.

Ahampi pabbajissāmi, varapaññassa santike’’.

328.

‘‘хад̇т̇ий г̇авассам̣ ман̣игун̣д̣алан̃жа, пийд̇ан̃жимам̣ г̇ахавибхавам̣ бахааяа;

‘‘Hatthī gavassaṃ maṇikuṇḍalañca, phītañcimaṃ gahavibhavaṃ pahāya;

бид̇аа баб̣б̣аж̇ид̇о д̇уяхам̣, бхун̃ж̇а бхог̇аани сунд̣̇ари; д̇увам̣ д̣̇ааяаад̣̇игаа гулз’’.

Pitā pabbajito tuyhaṃ, bhuñja bhogāni sundari; Tuvaṃ dāyādikā kule’’.

329.

‘‘хад̇т̇ий г̇авассам̣ ман̣игун̣д̣алан̃жа, раммам̣ жимам̣ г̇ахавибхавам̣ бахааяа;

‘‘Hatthī gavassaṃ maṇikuṇḍalañca, rammaṃ cimaṃ gahavibhavaṃ pahāya;

бид̇аа баб̣б̣аж̇ид̇о маяхам̣, буд̇д̇асогзна аддид̇о;

Pitā pabbajito mayhaṃ, puttasokena aṭṭito;

ахамби баб̣б̣аж̇иссаами, бхаад̇усогзна аддид̇аа’’.

Ahampi pabbajissāmi, bhātusokena aṭṭitā’’.

330.

‘‘со д̇з иж̇жхад̇у сан̇габбо, яам̣ д̇вам̣ бад̇т̇зси сунд̣̇арий;

‘‘So te ijjhatu saṅkappo, yaṃ tvaṃ patthesi sundarī;

уд̇д̇идтабин̣д̣о ун̃чо жа, бам̣сугуулан̃жа жийварам̣;

Uttiṭṭhapiṇḍo uñcho ca, paṃsukūlañca cīvaraṃ;

зд̇аани абхисамбхонд̇ий, баралогз анаасаваа’’.

Etāni abhisambhontī, paraloke anāsavā’’.

331.

‘‘сигкамаанааяа мз аяяз, д̣̇иб̣б̣ажагку висод̇хид̇ам̣;

‘‘Sikkhamānāya me ayye, dibbacakkhu visodhitaṃ;

буб̣б̣зниваасам̣ ж̇аанаами, яад̇т̇а мз вусид̇ам̣ бурз.

Pubbenivāsaṃ jānāmi, yattha me vusitaṃ pure.

332.

‘‘д̇увам̣ ниссааяа галяаан̣ий, т̇зрий сан̇гхасса собханз;

‘‘Tuvaṃ nissāya kalyāṇī, therī saṅghassa sobhane;

д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.

Tisso vijjā anuppattā, kataṃ buddhassa sāsanaṃ.

333.

‘‘ануж̇аанаахи мз аяяз, ижчз саавад̇т̇и г̇анд̇авз;

‘‘Anujānāhi me ayye, icche sāvatthi gantave;

сийханаад̣̇ам̣ над̣̇иссаами, б̣уд̣̇д̇хасздтасса санд̇игз’’.

Sīhanādaṃ nadissāmi, buddhaseṭṭhassa santike’’.

334.

‘‘басса сунд̣̇ари сад̇т̇аарам̣, хзмаван̣н̣ам̣ харид̇д̇ажам̣;

‘‘Passa sundari satthāraṃ, hemavaṇṇaṃ harittacaṃ;

ад̣̇анд̇аанам̣ д̣̇амзд̇аарам̣, самб̣уд̣̇д̇хамагуд̇обхаяам̣’’.

Adantānaṃ dametāraṃ, sambuddhamakutobhayaṃ’’.

335.

‘‘басса сунд̣̇аримааяанд̇им̣, виббамуд̇д̇ам̣ нируубад̇хим̣;

‘‘Passa sundarimāyantiṃ, vippamuttaṃ nirūpadhiṃ;

вийд̇арааг̇ам̣ висам̣яуд̇д̇ам̣, гад̇агижжаманаасавам̣.

Vītarāgaṃ visaṃyuttaṃ, katakiccamanāsavaṃ.

336.

‘‘б̣аараан̣асийд̇о нигкамма, д̇ава санд̇игамааг̇ад̇аа;

‘‘Bārāṇasīto nikkhamma, tava santikamāgatā;

саавигаа д̇з махаавийра, баад̣̇з ванд̣̇ад̇и сунд̣̇арий’’.

Sāvikā te mahāvīra, pāde vandati sundarī’’.

337.

‘‘д̇увам̣ б̣уд̣̇д̇хо д̇увам̣ сад̇т̇аа, д̇уяхам̣ д̇хийд̇аамхи б̣раахман̣а;

‘‘Tuvaṃ buddho tuvaṃ satthā, tuyhaṃ dhītāmhi brāhmaṇa;

орасаа мукад̇о ж̇аад̇аа, гад̇агижжаа анаасаваа’’.

Orasā mukhato jātā, katakiccā anāsavā’’.

338.

‘‘д̇ассаа д̇з свааг̇ад̇ам̣ бхад̣̇д̣̇з, д̇ад̇о ¹³ д̇з ад̣̇урааг̇ад̇ам̣;

‘‘Tassā te svāgataṃ bhadde, tato ¹⁴ te adurāgataṃ;

зван̃хи д̣̇анд̇аа ааяанд̇и, сад̇т̇у баад̣̇аани ванд̣̇игаа;

Evañhi dantā āyanti, satthu pādāni vandikā;

вийд̇арааг̇аа висам̣яуд̇д̇аа, гад̇агижжаа анаасаваа’’.

Vītarāgā visaṃyuttā, katakiccā anāsavā’’.

… сунд̣̇арий т̇зрий….

… Sundarī therī….

Next: 5. субхаагаммаарад̇хийд̇ут̇зрийг̇аат̇аа • 5. Subhākammāradhītutherīgāthā

Footnotes:

1. сад̇д̇а буд̇д̇аани (сяаа.)

2. satta puttāni (syā.)

3. т̇ирам̣ (сий.)

4. thiraṃ (sī.)

5. б̣раахман̣а (сий. сяаа.)

6. brāhmaṇa (sī. syā.)

7. важ̇ж̇аа (сий.)

8. баб̣б̣аж̇ид̇о (сий.)

9. vajjā (sī.)

10. pabbajito (sī.)

11. н̃ад̇ваа (сий.)

12. ñatvā (sī.)

13. ат̇о (га.)

14. atho (ka.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / т̇зрийг̇аат̇аа-адтагат̇аа • Therīgāthā-aṭṭhakathā / 4. сунд̣̇арийт̇зрийг̇аат̇ааван̣н̣анаа • 4. Sundarītherīgāthāvaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact